தமிழ் ஈழததில் பேரினப் படுகொலைகள் நடைபெற்ற பொழுது கண்டித்துத் தடுத்த நிறுத்த முடியாத பொழுது அவ்வவலங்கள் தொடருவதற்கு முற்றுப் புள்ளி வைக்க முடியாத பொழுது மனிதம் போற்றும் பணிகளை விரிவு படுத்த வேண்டும் என்று கதை அளப்பது எதற்காக? சமயப் பரப்புப் பணிகளை விரிவு படுத்த வேண்டும் என்று வெளிப்படையாகப் பேசித் தொலைக்க வேண்டியதுதானே! மதவாதிகளை நம்பாதீர்கள்! தொண்டுப் போர்வையில் மதவாதிகள் உலவவும் இடம்தராதீர்கள். எச் சமயமாயினும் அதில் உள்ள நன்னெறிகைளப் பின்பற்ற வேண்டியதைக் கடமையாகக் கொள்வோம். ஆனால், மதச் சட்டையை மாற்றுவதை அடியோடு நிறுத்துவோம். மதமாற்றம் என்பது பிற்காலத் தலைமுறையினருக்கு நாம் இழைக்கும் கேடாகும். அதற்கு இப்படிப்பட்ட பேச்சுகளே நம்மை ஏமாற்றும். எனவே, மனிதம் போற்றும் மனிதனாக, பிறப்பொக்கும் எல்லா உயிர்க்கும் என்னும் குறள் நெறியைப் போற்றும் நல்லுயிராகச் சாதி சமய வேறுபாடற்று வாழ்வோம்.
அன்புடன் இலக்குவனார் திருவள்ளுவன் 
2/12/2010 3:29:00 AM
