அச்சின் எதிர்காலம் – ஒரு நாள் கருத்தரங்கம், மதுரை

இலக்குவனார் திருவள்ளுவன்      01 நவம்பர் 2015      கருத்திற்காக..

  மார்கழி 04, 2046 / 20.12.2015 அன்று மதுரையில் நடைபெறவுள்ள ‘அச்சின் எதிர்காலம்’ என்ற தலைப்பில் நடத்தப்படவுள்ள ஒரு நாள் கருத்தரங்கிற்குப் பதிவு செய்ய கடைசி நாள் ஐப்பசி 29, 2046 / 15.11.2015. எனவே விரைந்து பதிவு செய்து பலன் பெற வேண்டுகிறோம்.

  நமது பயிலகத்தில் நடைபெறும் ஒரு வார காலப் பயிற்சி வகுப்புகளுக்கு நிறைய விசாரணைகள் வருகின்றன. கலந்து கொள்ள விரும்புகின்றவர்கள் முன்பதிவு செய்து வரவேண்டியது கட்டாயமாகும். நன்றி,

செ. வீரநாதன்
பாலாசி கணினி வரைகலைப் பயிலகம்
167, காவல்(போலீசு) கந்தசாமி வீதி, இராமநாதபுரம்
கோயம்புத்தூர் – 641 045
தொலைபேசி : 0422-2323228, 98422-13782
மின்னஞ்சல் : balajiicg@yahoo.com
வலைத்தளம் : www.veeranathan.com

                (அகரமுதல 103  ஐப்பசி 15, 2046 / நவ. 01.2015)

கல்வெட்டிலேயே தொடங்கிய சமற்கிருதத் திணிப்பு – தமிழ நம்பி

இலக்குவனார் திருவள்ளுவன்      01 நவம்பர் 2015      கருத்திற்காக..

கல்வெட்டிலேயே தொடங்கிய சமற்கிருதத் திணிப்பு!

 கழக(சங்க)க் காலத்தில் தமிழ்நாட்டில் அரசர், போர்மறவர் முதலிய செல்வர் மனைகளில் மகன் பிறந்தால் அவனை முதன்முதலாகத் தந்தை சென்று காண்பது ஒரு சிறப்பு நிகழ்ச்சி! அதனைத் “தவமகன் முகம் காண்டல்” என்பர். தகடூரை ஆண்ட அதியமானுக்கு மகன் பிறந்த போது நடந்த இச்சிறப்பை ஒளவையார் புறநானூற்றுப் பாடல் ஒன்றில் (புறம்.100) கூறுவதை அறியலாம்.

  இந்த வழக்கம் கி.பி.14ஆம் நூற்றாண்டிலும் இருந்தது என்பதைத் திருமயம் பகுதியிலுள்ள நெக்கோணம் பெருமாள் கோயில் கல்வெட்டு (பி.எசு.672) தெரிவிக்கிறது. இங்கிருந்து நாடுகாவல் புரிந்த சுந்தரத்தோள் மாவலி வாணாதிராயர்க்குத் திருமாலிருஞ் சோலை நின்றான் என்ற மகன் பிறந்த போது இந்த ‘மகன் முகம் காண்டல்’ என்பதைப் “புத்ர முக தரிசனம்” என்று கூறுகிறது.

 இந்தச் செய்தியை உரைவேந்தர் ஒளவை.சு.துரைசாமியார் ‘கல் கூறும் சான்றுகள்’ என்ற கட்டுரையிலும் “பிள்ளை மாவலி வாணராயர்” என்ற கட்டுரையிலும் கூறுகிறார்.

தமிழ நம்பி

(அகரமுதல 103  ஐப்பசி 15, 2046 / நவ. 01.2015)

இலக்குவனாரின் ‘தொல்காப்பிய ஆராய்ச்சி’யின் சிறப்புகள்

இலக்குவனார் திருவள்ளுவன்      01 நவம்பர் 2015      கருத்திற்காக..

  தொல்காப்பிய ஆராய்ச்சி என்ற இந்நூலில் பரவிக்கிடக்கும் இலக்குவனாரின் கருத்துகளில் சில:

1. ஆரியம்தான் தமிழை நோக்கித் தன் எழுத்தமைப்பை ஆக்கிக் கொண்டிருக்கவேண்டுமேயன்றி, தமிழ், ஆரியத்தை நோக்கி அமைத்துக் கொண்டது அன்று. (இலக்குவனார் 1971:44).
2. இந்திய மொழிகளின் வரிவடிவ எழுத்துகளின் தாய் தமிழ் நெடுங்கணக்கின் வரிவடிவமே எனில் மிகையாகாது. (இலக்குவனார் 1971:45).
3. மேலைநாட்டு ஆராய்ச்சியாளர்கள் எழுத்துகளின் பிறப்புபற்றிக் கூறும் கருத்துகள் தொல்காப்பியர் கூறும் கருத்துக்களோடு ஒற்றுமையுடையனவாக இருக்கின்றன. (இலக்குவனார் 1971:65).
4. தொல்காப்பியப் பொருட்படலம் இலக்கியம் விளக்கும் இலக்கணமாகும்(science of Literature) என்பதை அறிந்து போற்றிப் பயில்வோமாக. (இலக்குவனார் 1971:274).
5. எழுத்தாளராகவும் புலவராகவும் விரும்புவோர் தொல்காப்பியத்தையும் சங்க இலக்கியங்களையும் பிற இலக்கியங்களையும் நன்கு கற்றல் வேண்டும். (இலக்குவனார் 1971:283).

எழுத்தாளராகவும் கவிஞராகவும் விரும்புவோர் தமிழறியாத நிலையே இன்றுள்ளது என்பதை நினைக்கும்பொழுது, அன்று அவர் கூறிய இன்று தமிழ்நாட்டில் இலக்கிய வறுமை இனிதே ஆட்சிபுரிகின்றது என்ற கருத்து என்று மாறும் என்ற ஏக்கம் நம்முள் பிறக்கின்றது.

தமிழ் ஆய்வாளர்களும் தமிழறிய விரும்புவோரும் தெரிந்துகொள்ள வேண்டிய நூல் இது. கற்றுப் பயன்பெறுக.

                (அகரமுதல 103  ஐப்பசி 15, 2046 / நவ. 01.2015)