உ லகத் தமிழ் இணைய மாநாட்டையொட்டி தமிழ்நாடு அரசு } தமிழ் விக்கிபீடியா இணைந்து கல்லூரி மாணவர்களுக்கான "விக்கிபீடியா தகவல் பக்கங்கள்' என்ற போட்டியை நடத்துகிறது.உலகத் தமிழ்ச் செம்மொழி மாநாட்டின் ஓர் அங்கமாக உலகத் தமிழ் இணைய மாநாடு நடைபெறுகிறது. இந்த மாநாட்டுக்கென ஏற்படுத்தப்பட்டுள்ள இணைய மாநாட்டுக் குழுவுக்கு, கான்பூர் ஐ.ஐ.டி. தலைவரான மு.ஆனந்தகிருஷ்ணன் தலைவராக நியமிக்கப்பட்டுள்ளார்.உறுப்பினராக கனிமொழி எம்.பி., அமைப்பாளராக தகவல் தொழில்நுட்பத்துறை அமைச்சர் பூங்கோதை, ஒருங்கிணைப்பாளராக தகவல் தொழில்நுட்பத்துறை செயலாளர் டேவிதார் உள்ளிட்டோர் நியமிக்கப்பட்டுள்ளனர்.அனைத்து கல்லூரி மாணவர்களுக்கும் அழைப்பு: கலை, அறிவியல், பொறியியல், மருத்துவம், விளையாட்டு, வேளாண்மை, சட்டம், இயக்குநர் மருத்துவம் (பிசியோதெரபி), சித்த மருத்துவம், பல் மருத்துவம், செவிலியர், கால்நடை மருத்துவம், பல தொழில்நுட்பப் பயிலகம் என பல்வேறு துறைகளைச் சார்ந்த அரசு, தனியார், நிகர்நிலைப் பல்கலைக்கழகங்களின் கல்லூரி மாணவ, மாணவியர்கள் போட்டியில் பங்கேற்கலாம்.தமிழ் விக்கிபீடியா போட்டி: தகவல் பக்கங்கள் ஆதாரங்களின் அடிப்படையில் நடுநிலைமையுடன் அமைய வேண்டும். இனம், சமயம், அரசியல், தனிநபர் குறை, வேறுபாடுகள் தொடர்பாக வெறுப்பைத் தூண்டாதவாறு, தமிழ் விக்கிபீடியாவுக்கு ஏற்றதாக அமைய வேண்டும்.தகவல் பக்கங்களில் உள்ள சொற்களின் எண்ணிக்கை 250 முதல் 500 வரை அமைய வேண்டும்.தகவல் பக்கங்கள் ஏப்ரல் 30}ம் தேதிக்குள் நிறைவு செய்து http://tamilint2010.tn.gov.in என்ற இணையதளத்தில் அனுப்ப வேண்டும்.மேலும் விவரங்களுக்கு http://ta.wikipedia.org என்ற இணையதளத்தைப் பார்த்து வழிகாட்டு நெறிமுறைகளைத் தெரிந்து கொள்ளலாம். தேர்ந்தெடுக்கப்பட்ட தகவல் பக்கங்களை உலகளாவிய தமிழ் விக்கிபீடியாவில் அமைக்கப்படும்.கேமரா, லேப்-டாப் பரிசுகள்...: இந்தப் போட்டிகளில் வெற்றி பெறுபவர்களுக்கு லேப்}டாப், எம்.பி. 3 பிளேயர், டிஜிட்டல் கேமரா ஆகியவைப் பரிசாக வழங்கப்படும்.
கருத்துகள் இல்லை:
கருத்துரையிடுக