சென்னை, டிச. 25: சுவாமி விவேகானந்தர் பிறந்ததினமான ஜனவரி 12}ம் தேதி மதுபான கடைகளுக்கு அரசு விடுமுறை அறிவிக்க வேண்டும் என்று இந்து மக்கள் கட்சி கோரிக்கை விடுத்துள்ளது.உலக அரங்கில் இந்தியாவுக்கு ஒரு அடையாளத்தை ஏற்படுத்திக் கொடுத்தவர் சுவாமி விவேகானந்தர். இந்தியா ஆன்மிகம் மற்றும் கலாச்சாரம் நிறைந்த பண்டைய நாடு என உலகிற்கு உணர்த்தியவர்.இன்றைக்கு இந்தியா மற்றும் உலக நாடுகளில் ஆன்மிகம் அறிந்த இளைஞர்கள் சுவாமி விவேகானந்தரை தங்களது ஆதர்ச நாயகனாக பார்க்கிறார்கள். இதைக் கண்டு முன்னாள் பிரதமர் ராஜிவ்காந்தி சுவாமி விவேகானந்தரின் பிறந்த நாளான ஜனவரி 12-ம் தேதியை தேசிய இளைஞர் தினமாக அறிவித்தார்.ஆனால் இன்று தமிழகத்தில் மது அருந்துவோரில் 95 சதவீதம் இளைஞர்களாக உள்ளனர். எனவே சுவாமி விவேகானந்தர் பிறந்த நாளன்று மதுக்கடைகளுக்கு தமிழக அரசு விடுமுறை அளிக்க வேண்டும் என்று இந்து மக்கள் கட்சியின் மாநிலச் செயலாளர் டி.சி. செந்தில் குமார் கூறியுள்ளார்.
கருத்துக்கள்
இந்தக் கோரிகையை இந்தியா முவழுவதுமே வைப்பதுதான் முறை.எனினும் தமிழ நாட்டில்தமிழர் திருநாளை முன்னிட்டு அந்த வாரம் முழுவதுமே மதுக்கடைகளுக்கு விடுமுறை விடலாம். அன்புடன் இலக்குவனார் திருவள்ளுவன் 
By Ilakkuvanar Thiruvalluvan
12/26/2009 3:29:00 AM
உங்கள் கருத்தைப் பதிவு செய்யுங்கள் *
12/26/2009 3:29:00 AM
