புது தில்லி, நவ. 25: மக்களவையில் கவன ஈர்ப்புத் தீர்மானத்தின்போது பதிலளிக்க மத்திய அமைச்சர் மு.க.அழகிரி அவையில் இல்லாததால் கூச்சல், குழப்பம் ஏற்பட்டது. உரத் தட்டுப்பாடு தொடர்பாக மார்க்சிஸ்ட் கம்யூனிஸ்ட் கட்சி உறுப்பினர் வாசுதேவ் ஆசார்யா புதன்கிழமை கவன ஈர்ப்புத் தீர்மானம் கொண்டு வந்தார். இதற்கு பதிலளிப்பதற்காக மத்திய ரசாயனம் மற்றும் உரங்கள் துறை இணை அமைச்சர் ஸ்ரீகாந்த் ஜெனா இருக்கையில் இருந்து எழுந்தார். ஆனால், முக்கியமான இப் பிரச்னை குறித்து அழகிரிதான் பதிலளிக்க வேண்டும் என ஆசார்யா, அனந்த குமார் (பாஜக) உள்ளிட்ட எதிர்க்கட்சி உறுப்பினர்கள் குரல் எழுப்பினர். அரசு என்பது கூட்டுப் பொறுப்பு என்பதால், கேள்விகளுக்கு பதிலளிக்க எந்த அமைச்சரை வேண்டுமானாலும் அரசு கேட்டுக் கொள்ளலாம் என அவைத் தலைவர் மீரா குமார் கூறினார். இதனால், திருப்தியடையாத எதிர்க்கட்சி உறுப்பினர்கள் தங்கள் கோரிக்கையில் விடாப்பிடியாக இருந்தனர். இந்நிலையில், மத்திய அமைச்சர்கள் டி.ஆர்.பாலு, ஆ.ராசா ஆகியோர் முன்வரிசைக்கு வந்து அழகிரிக்கு ஆதரவாக குரல் எழுப்பினர். பிரச்னையை முதலில் எழுப்பியது கம்யூனிஸ்ட் உறுப்பினர் என்பதால், அழகிரிக்கு ஆதரவாக திரிணமூல் காங்கிரஸ் உறுப்பினர்கள் கோஷமிட்டனர். அவைத் தலைவரின் சமாதானத்தை எதிர்க்கட்சிகள் ஏற்காதது குறித்த தனது அதிருப்தியை அவை முன்னவர் பிரணாப் முகர்ஜி வெளிப்படுத்தினார்.
கருத்துக்கள்
தமிழில் பேச வாய்ப்பு மறுக்கப்பட்டதால் பாராளுமன்றத்தைப் புறக்கணித்திருக்கலாம். எனவே, உடனே, தமிழுக்கான சம உரிமையை மத்திய அரசு வழங்க வேண்டும். அது வரை பிறரும் இவரைப் பின்பற்றி அவையைப் புறக்கணிக்க வேண்டும்.
அன்புடன் இலக்குவனார் திருவள்ளுவன் 
By Ilakkuvanar Thiruvalluvan
11/26/2009 3:07:00 AM
11/26/2009 3:07:00 AM
Azhagiri might be hiding in the toilet!, When ever question times comes, he will say "Escape" and next second he will be in toilet and he dont come until the Q/A section completes. It is really a shame that these goons are going to Parliment.
By prabha
11/26/2009 2:10:00 AM
உங்கள் கருத்தைப் பதிவு செய்யுங்கள் 11/26/2009 2:10:00 AM
