கருத்துகள்

வியாழன், 17 டிசம்பர், 2009

மனித உரிமை மீறாதீர்: இலங்கைக்கு அமெரிக்கா எச்சரிக்கை

First Published : 17 Dec 2009 01:35:20 AM IST

வாஷிங் டன், டிச.16: இலங்கையில் நடைபெறும் மனித உரிமை மீறல் நடவடிக்கைகளுக்கு முற்றுப்புள்ளி வைக்க வேண்டும் என்று இலங்கை அரசை அமெரிக்கா வலியுறுத்தியுள்ளது. முகாம்களில் உள்ளவர்களை அவர்களது இடத்தில் குடியமர்த்துமாறு ராஜபட்ச அரசை அமெரிக்கா கேட்டுக் கொண்டுள்ளது. மனித உரிமைகள் மீறப்படக்கூடாது என்று இலங்கை அரசை தொடர்ந்து வலியுறுத்தி வருகிறது. அத்துடன் பத்திரிகை சுதந்திரம் காக்கப்பட வேண்டும் என்றும் தமிழர்களிடம் உபயோகமான பேச்சுவார்த்தை நடத்தி தமிழர்கள் மற்றும் பிற சிறுபான்மை இனத்தவரிடையே ஒற்றுமையை ஏற்படுத்த முயல வேண்டும் என வலியுறுத்தியதாக வெளியுறவுத்துறை துணை அமைச்சர் பி.ஜே. குரோலி தெரிவித்தார். சமீபத்தில் தெற்கு மற்றும் மத்திய ஆசியாவுக்கான அமெரிக்க வெளியுறவுத்துறை இணை அமைச்சர் ராபர்ட் பிளேக் இலங்கையில் சுற்றுப் பயணம் மேற்கொண்டிருந்தார். அப்போது இடம்பெயர்ந்த மக்களை விரைவாக அவர்களது சொந்த இடங்களுக்கு அனுப்ப வேண்டும் என்றும் இலங்கையில் அமைதி திரும்ப விரைவான முயற்சிகள் எடுக்க வேண்டும் என்றும் வலியுறுத்தியதாக குரோலி தெரிவித்தார்.

கருத்துக்கள்

அமெரிக்காவே! நீ சிங்களத்திடம் அடி பணிவதால் வல்லரசும் அல்ல! தமிழர்களின் படுகொலைகளுக்குக் காரணமாக இருந்தமையால் நல்லரசுமல்ல! மனிதநேயம் மிகுந்த அமெரிக்கர்களே! உங்கள் அரசின் போக்கை மாற்றித் தமிழ ஈழத்திற்கு விரைவில் ஏற்பளிக்கச் செய்யுங்கள்! தம் நாட்டிற்கு வேண்டிய மறுவாழ்வுப் பணிகளைத் தமிழ் ஈழ அரசு செய்து கொள்ளும்! அன்புடன் இலக்குவனார் திருவள்ளுவன்

By Ilakkuvanar Thiruvalluvan
12/17/2009 3:34:00 AM

இதுவரை நடைபெற்ற மனிதப் படுகொலைகளுக்கு எதிராக எந்நடவடிக்கையும் எடுக்காமல் கிணற்றுத்தவளையாகக் கத்திக் கொண்டு மனிதஉரிமைக் காவலனாக அமெரிக்கா நடித்தது போதும். நாளும் பொழுதும் ஈவிரக்கமின்றிப் படுகொலைகளும் வதைகளும் புரிவோனிடம் ஒற்றுமையாக இருக்குமாறு உயிரிழந்தோர் குடும்பத்தாரிடமும் உறுப்பிழந்தோரிடமும் வதைபடுவோரிடமும் அறிவுரை கூறுவதுதான் மனித நேயமா? சீனாவின் பக்கம் சாயும சி்ங்களத்தைத் தன் பக்கம் திருப்புவதற்காகப் போலியாக மிரட்டிப் கொ்ணடிராமல் ஏதும் நடவடிக்கை எடுக்க இயலும் என்றால் எடுக்க வேண்டும். இல்லையேல் தமிழக அரசியல்வாதிகள் போல் அறிக்கை விட்டு ஏமாற்றாமல் அமைதி காக்க வேண்டும். கொலைகாரக் கும்பலைத் தண்டிக்காமல் அக்கும்பலால் வன்கொடுமைக்கு ஆளான குடும்பத்தாருக்கு மறுவாழ்வு தருமாறு கோரிக்கை விடுவது நகைப்பிற்குரியது அல்லவா? அமெரிக்காவே! நீ சிங்களத்திடம் அடி பணிவதால் வல்லரசும் அல்ல! தமிழர்களின் படுகொலைகளுக்குக் காரணமாக இருந்தமையால் நல்லரசுமல்ல! மனிதநேயம் மிகுந்த அமெரிக்கர்களே! உங்கள் அரசின் போக்கை மாற்றித் தமிழ ஈழத்திற்கு விரைவில் ஏற்பளிக்கச் செய்யுங்கள்! தம் நாட்டிற்கு வேண்டிய மறுவாழ்வுப்

By Ilakkuvanar Thiruvalluvan
12/17/2009 3:33:00 AM

உங்கள் கருத்தைப் பதிவு செய்யுங்கள் *

கருத்துகள் - views

வியாழன், 17 டிசம்பர், 2009

கருத்துகள் இல்லை:

கருத்துரையிடுக