திமுக -வைச் சிறுபான்மை அரசு எனத் தேவையற்ற நேரங்களில் எலலாம் எதிர்க்கட்சியினர் கூறி வந்தனர். இப்பொழுது அதன் ஆழத்தைத் திமுக உணருகிறது. இத் தீர்மானத்திற்கு எதிராகக் காங். வாக்களித்தால் என்னாவது? எனவேதான் அனைவரும் ஒத்துழைப்பு தரவேண்டும் என்கின்றார். எனவே, பிற எதிர்க்கட்சிகள் ஒத்துழைப்பால் தீர்மானம் நிறைவேற்றப்படும் அல்லவா? இல்லையேல் தீர்மானமும் தோற்கடி்க்கப்படும்; ஆட்சிக்கும் இடர்தான். கட்சத்தீவை மீட்க வேண்டும் என்று சொல்லும் எதிர்க்கட்சிகள் கலைஞர் கோரிக்கையை ஏற்காமல் விதண்டா வாதம் செய்வது ஏன்? தீர்மானத்தால் பயன் இல்லை என்றாலும் சரி என்று சொல்லித் தமிழ் நாட்டு நலனில் அனைத்துக் கட்சிகளும் ஒற்றுமையாக இருக்கும் என உலகிற்கு உணர்த்த வேண்டியதுதானே! கலைஞர் ஒத்துழைப்பு கேட்கிறார் என்றால் அதற்கு ஏதோ காரணம் இருக்கும் என்பதை உணர்ந்து ஒத்துழைப்பு தாருங்கள்! தமிழ்நாட்டு நலனுக்கான ஒற்றுமையை உணர்த்துங்கள்!
அன்புடன் இலக்குவனார் திருவள்ளுவன் 
6/20/2009 4:27:00 AM
