'கேழ்வரகில் நெய் வடிகிறது' என்று சிங்களம் சொன்னால் 'ஆமாம், ஆமாம், எனக்கும் ஒரு பானை நெய் கொடுத்தார்கள்' என்று இந்தியம் சொல்லும். 'எனக்கும் அதில் உரிய பங்கைத் தருவதாகச் சொல்லியுள்ளது' எனத் தமிழகம் சொல்லும். மீனவர்கள் துன்புறுத்தப்பட்டாலும் கொல்லப்பட்டாலும் நமக்கென்ன? அவர்கள் தமிழர்கள்தாமே! இந்தியர்கள் அல்லரே! எக்கேடு கெட்டாலும் கேட்பதற்கு யார் உள்ளார்? அவர்களை யார் மீன் பிடிக்கச் சொன்னது? எங்காவது ஏதிலிகள் - அகதிகள்- முகாமில் அடைந்து கிடக்க வேண்டியதுதானே! உழைத்து உண்ண வேண்டு்ம் என்று திமிர் வந்து விட்டதா? அப்படி யென்றால் அழிய வேண்டியதுதான் அவர்கள் தலையெழுத்து. நாம் என்ன செய்ய முடியும்? வீரம் மிக்க ஈழத்தமிழினத்தையே பேரழிவிற்கு உள்ளாக்கிய நமக்கு இந்தச் சுண்டைக்காய் இந்தியத் தமிழர்கள் எம்மாத்திரம்? சிங்களத்திற்கு எதிராக யார் கிளம்பினாலும் இந்தியா பார்த்துக் கொண்டு சும்மா இருக்காது. வாழ்க பக்சே-சோனியா ஒற்றுமை!- எனக் காங்.அரசு சொல்லுவது உங்கள் செவிகளில் விழவில்லையா?
- இலக்குவனார் திருவள்ளுவன் 
6/20/2009 4:12:00 AM
