தமிழர்களின் அவலங்களுக்குக் காரணமான சோனியா அச்சமின்றித் தமிழ் நாட்டிற்கு வரலாம். ஏனெனில் இது பஞ்சாப் அல்ல. முன்னரே எவ்வகை எதிர்ப்புமின்றி பெரும்பாலான தமிழர்களின் புறக்கணிப்பிற்கு ஆளான காங்.கட்சியின் தலைவர் இராகுல் தமிழகமெங்கும் சுற்றி வந்தார் அல்லவா? அதுபோல் இவரும் வரலாம்.ஏனெனில் தமிழர்கள் சூடு சொரணையுள்ள பஞ்சாபியர் அல்லர். எனவே, அவர் அஞ்சாது வரலாம். நன்றி, விருந்தோம்பல், கொடை முதலான பண்புகளில் ஊறி நாட்டைத் தாரை வார்ப்பதிலும் அடிமைத்தனத்தில் முதலிடம் வகிப்பதிலும் தமிழர்கள் முதன்மையானவர்கள். எனவே, தமிழ் நாட்டிற்கு அஞ்சாமல் வரலாம். ஆனால், தம்மை வரவேற்கும் தமிழர்களுக்காகத் தாம் செய்து வரும் கொடுமைகளை எப்போது நிறுத்தி எவ்வாறு கழுவாய் தேடப் போகிறோம் எனத் தன் மனச் சான்றிடம் கேள்வி கேட்டு அதன்படி நடந்தால் போதுமானது.
அன்புடன் இலக்குவனார் திருவள்ளுவன். 
1/19/2010 2:37:00 AM
