கொழும்பு, அக். 29: இலங்கையில் அரசு முகாம்களில் அடைத்து வைக்கப்பட்டிருந்த கிழக்கு மாகாணத் தமிழர்கள் அனைவரும் அவர்களது சொந்த ஊர்களுக்குத் திருப்பி அனுப்பப்பட்டுவிட்டனர் என்று இலங்கை ராணுவம் தெரிவித்துள்ளது. இலங்கையில் தமிழர் பகுதியில் ராணுவத்துக்கும் விடுதலைப் புலிகளுக்கும்இடையே நடந்த கடும் போரை அடுத்து வீடுகளை விட்டு வெளியேறிய 3 லட்சத்துக்கும் மேற்பட்ட தமிழ் மக்கள் அரசு முகாம்களில் அடைத்து வைக்கப்பட்டனர். அடிப்படை வசதிகள் இல்லாமல் அவர்கள் கடும் துயரப்படுவதாக இலங்கை அரசுக்கு பலத்த கண்டனம் தெரிவிக்கப்பட்டு வந்தது. இதையடுத்து உலக நாடுகளைத் திருப்திப்படுத்த முகாம்களில் உள்ள தமிழர்களில் ஒரு பகுதியினரை அவர்களது சொந்த இடங்களுக்கு இலங்கை ராணுவம் அனுப்பி வருகிறது. இதுவரை 90 ஆயிரம் பேர் அனுப்பப்பட்டுவிட்டதாக இலங்கை அரசு கூறுகிறது. ஆனால் தமிழ் அமைப்புகள் அதை மறுக்கின்றன. இந்த நிலையில், முகாம்களில் அடைத்து வைக்கப்பட்டுள்ளவர்களில் கிழக்கு மாகாணத்தைச் சேர்ந்த தமிழர்கள் அனைவரும் சொந்த ஊர்களுக்குத் திருப்பி அனுப்பப்பட்டுவிட்டதாக ராணுவம் கூறியுள்ளது. கடைசியாக 3217 குடும்பங்களைச் சேர்ந்த 9524 பேர் வவுனியா முகாமிலிருந்து திருப்பி அனுப்பப்பட்டனர். திரிகோணமலை, அம்பாரை, மட்டகளப்பு மாவட்ட அதிகாரிகளின் உதவியுடன் மாற்று வீடுகளில் குடியமர்த்தப்பட்டுள்ளனர் என்று ராணுவ தரப்பில் தெரிவிக்கப்பட்டுள்ளது. அவர்களது வாழ்வாதாரங்களுக்குத் தேவையான அனைத்து உதவிகளும் கிடைக்க ஏற்பாடு செய்யப்பட்டுள்ளது என்று இலங்கை ராணுவத்தின் கிழக்குப் பிராந்திய கமாண்டர் ஸ்ரீநாத் ராஜபட்ச கூறினார். அவர்கள் விவசாயம், மீன்பிடித்தல் போன்ற தொழில்களில் ஈடுபடுவதற்கு உரிய உதவிகள் செய்யப்பட்டுள்ளதாகவும் அவர் கூறினார்.
By Ilakkuvanar Thiruvalluvan
11/1/2009 3:26:00 AM
By Raj
10/31/2009 7:00:00 PM
By abdul.com - dubai
10/31/2009 1:19:00 PM
By stephen
10/31/2009 12:08:00 PM
By kumar
10/31/2009 11:32:00 AM
By zoyza
10/31/2009 9:17:00 AM
By usanthan
10/31/2009 4:21:00 AM
By sandiyar
10/30/2009 5:09:00 PM
By nellai kali
10/30/2009 2:34:00 PM
By கிருஷ்ணமூர்த்தி - ஸ்ரீரங்கம்
10/30/2009 1:20:00 PM
By ELLALAN
10/30/2009 11:21:00 AM
உங்கள் கருத்தைப் பதிவு செய்யுங்கள்
*
