[வட்டமான
சேரர் காசு. முன்பக்கம் அமர்ந்திருக்கும் சிங்கம், பக்கத்தில் ஒரு
கம்பத்தின் மேல் சக்கரம். பின் பக்கம் சேரர் ‘வில் அம்பு’]
சங்கக்காலத்தில் சேரலாதன் என்னும் பெயர் கொண்ட அரசர் நால்வர் இருந்தனர்.
நெடுஞ்சேரலாதன் இரண்டு பேர். இவர்கள் இமய வரம்பன் நெடுஞ்சேரலாதன்,
முடங்கிக் கிடந்த நெடுஞ்சேரலாதன் என்போர் ஆவர். பெருஞ்சேரலாதன்,
ஆடுகோட்பாட்டுச் சேரலாதன் ஆகியோர் மற்ற இருவர். இவர்களுள் இமயவரம்பன்
நெடுஞ்சேரலாதனின் வரலாற்றைச் சேர அரசர்கள் எனும் இப் பகுதியின் கீழும்,
முடங்கிக் கிடந்த நெடுஞ்சேரலாதனின் வரலாற்றைச் சேர அரசப் புலவர்கள் எனும்
தலைப்பின் கீழும் காணலாம்.
நெடுஞ்சேரலாதன் சோழன் வேல்பஃறடக்கைப்
பெருவிறற் கிள்ளியோடு போரிட்டு மாண்டான். பெருஞ்சேரலாதன் கரிகாற் பெரு
வளத்தானோடு போரிட்டு முதுகில் காயப்பட்டதற்காகப் போர்க் களத்திலேயே
வடக்கிருந்து உயிர்நீத்தான். சேரவேந்தர்களைச் சிறப்பித்துப் பாடும்
பதிற்றுப்பத்து என்னும் நூலில் நெடுஞ்சேரலாதன் இரண்டாம் பத்தில்
சிறப்பித்துப் பாடப்பட்டுள்ளான்.
– தமிழ் வரலாற்று அறிஞர் மயிலை சீனி.வேங்கடசாமி:
‘பண்டைத் தமிழக வரலாறு : சேரர், சோழர், பாண்டியர்’
படம்: வைரமணி-இலட்சுமி வலைப்பூ
தரவு: 
கருத்துகள் இல்லை:
கருத்துரையிடுக