கருத்துகள்

சனி, 6 பிப்ரவரி, 2010

தமிழில் மொழி பெயர்க்கும் வசதி "மக்களவைத் தலைவரை விரைவில் சந்திப்பேன்'

First Published : 06 Feb 2010 09:42:44 AM IST

மதுரை, பிப். 5: மக்களவைத் தலைவர் மீராகுமாரை நேரில் சந்தித்து நாடாளுமன்றத்தில் தமிழில் மொழி பெயர்ப்பு வசதி வேண்டும் என வலியுறுத்த இருப்பதாக மத்திய ரசாயனம் மற்றும் உரத் துறை அமைச்சர் மு.க.அழகிரி தெரிவித்தார். மதுரையில் அவர் வெள்ளிக்கிழமை அளித்த பேட்டி: நாடாளுமன்றத்தில் தமிழில்தான் பேசுவேன் என நான் கூறியதாக அண்மையில் வெளியான செய்தி தவறானவை. நாடாளுமன்றத்தில் மொழி பெயர்ப்பு வசதிக்காக அமைச்சர்கள் அமரும் இடத்தில் 8 பொத்தான்கள் உள்ளன. முதல் பொத்தானை அழுத்தினால் ஆங்கிலத்தில் பேசுவது ஹிந்தியில் மொழி பெயர்த்து தெரிவிக்கும். அதேபோல் 2}வது பொத்தானை அழுத்தினால் ஆங்கிலத்தில் பேசுவது ஹிந்தியில் கேட்கும். இதேபோல் தமிழில் மொழி பெயர்க்கும் வசதி வேண்டும் என்றுதான் நான், தொல். திருமாவளவன் முஸ்லிம் லீக் கட்சி உறுப்பினர் உள்ளிட்டோர் வலியுறுத்தினோம். இதுதொடர்பாக எங்களது கட்சியின் எம்.பி.க்கள் குழுவினர் மக்களவைத் தலைவர் மீராகுமாரை தில்லியில் சந்தித்தபோது, நான் இந்தோனேஷியாவில் இருந்தேன். அடுத்த முறை தில்லி செல்லும்போது அவரைச் சந்தித்துப் பேசுவேன் என்றார். தொழில் வளர்ச்சி நடவடிக்கைகளுக்காக வெளிநாடு செல்லும் திட்டம் ஏதும் உள்ளதா என்று கேட்கிறீர்கள். ஜெர்மனி, பிரான்ஸ் ஆகிய நாடுகளுக்குச் செல்லத் திட்டமிருந்தேன். ஆனால், அங்கு கடும் குளிர் இருப்பதால், பயணம் ரத்து செய்யப்பட்டுள்ளது. தற்போது ஆஸ்திரேலியா செல்லத் திட்டமிட்டுள்ளேன். விரைவில் அதற்கான தேதி அறிவிக்கப்படும் என்றார் அழகிரி.

கருத்துக்கள்

அடச்சே! இதற்குத்தானா இந்த அலபபறை எல்லாம். ஏதோ கூட்டரசு அமைப்பில் தேசிய மொழிகளுக்கான சமஉரிமை கேட்டுப் போராடி வெற்றி காண்பார் என்றால் காதில் பூ சுற்றுகிறாரே! உண்மை இதுதான் என்றால் தொடக்கத்தில் இவரது கருத்தைப் பிறர் வரவேற்ற பொழுது இவரது கருத்தை ஏற்குமாறு குமரி அனந்தன் அவர்கள் நாடாளுமன்ற அவைத்தலைவருக்கு மடல் எழுதியதாகச் செய்தி வந்த பொழுது மறுத்திருக்கலாமே! பகுத்தறிவுடன் சிந்தித்தால் கோரிக்கை தவறாகிறதே! ஏன் எனில் நாடாளுமன்றங்களில் இந்தி அல்லது ஆங்கிலத்தில் மட்டும்தான் பேசலாம் என்னும் பொழுது இவர்களுக்கு இந்தி அல்லது ஆங்கிலப் பேச்சு புரியும். எனவே, இந்தி அல்லது ஆங்கில மொழி பெயர்ப்பு போதுமானது. பிற மொழிகளில் பேச உரிமை இல்லாத பொழுது பிற மொழிகளுக்கான மொழி பெயர்ப்பு தேவைப்படவில்லை. அஞ்சாநெஞ்சன் பெயரை வைத்துக் கொண்டு அஞ்சும் நெஞ்சனாகத் தடம் புரளுவது வேதனையாக உள்ளது. தமிழுக்காகத் தண்டவாளத்தில் தலை வைத்துப் படுத்தவரின் மைந்தன் தமிழுரிமை காக்கத் துணிவார் எனக் கருதியது தவறு போலும்.மத்திய அமைச்சராக இருந்தும் மதுரை மண்டலத்தில் மட்டும் வலம் வந்துகொண்டிருப்பவரிடம் தமிழ்த் தேசிய உரிமையைக் காப்பார் என