உண்மைதான். தமக்கு வாக்களித்த தமிழ் மக்கள், தம் மீது நம்பிக்கை வைத்திருந்த ஈழத்தமிழர்கள், உலகெங்கும் உள்ள மனித நேயர்கள் ஆகியோரின் முறையீடுகள், கதறல்கள், மன்றாடல்கள் முதலான தடைகளை மீறிக் கொத்துக் குண்டுகளையும் ஏவுகலன்களையும் பிறபடைக்கலன்களையும் படைப்பயிற்சியையும் படை வீரர்களையும் அளித்து நூறாயிரக்கணக்கான தமிழர்களைக் கொன்றொழித்த மிகப்பெரும் சாதனை செய்தமைக்குப் பொருத்தமானவர்தான் வாழ்த்து தெரிவிக்கின்றார். எனவே, அருள்கூர்ந்து அவர் வேண்டிய பதவிகளை அவர் வேண்டியவர்க்கு அளியுங்கள். இத்தகைய களங்கமான சாதனை போதும் என எண்ணினால் அன்பும் அருளும் அறமும் கொண்டு எஞ்சிய ஈழத்தமிழர்களின் வேதனைகளைத் துடைத்தெறிந்து தமிழ் ஈழம் மலரச் செய்யுங்கள். அப்பொழுது இவர் மட்டுமல்ல அனைத்துத் தரப்பாருமே வாழ்த்துவர்.அன்புடன் இலக்குவனார் திருவள்ளுவன் / தமிழே விழி! தமிழா விழி!எழுத்தைக் காப்போம்! மொழியைக் காப்போம்! இனத்தைக் காப்போம்! /
++++++++++++++++++++++++++++++++++++++++++++++++++++++++++++++++++++++++++
கருத்துகள் இல்லை:
கருத்துரையிடுக