சென்னை, பிப். 23: ''ஏட்டிக்குப் போட்டி என்பதே இன்றைய எதிர்க்கட்சியின் பண்பாடாக உள்ளது'' என்று முதல்வர் கருணாநிதி விமர்சித்துள்ளார்.இதுகுறித்து, செவ்வாய்க்கிழமை அவர் வெளியிட்ட கேள்வி}பதில் அறிக்கையில் கூறியிருப்பதாவது:''முல்லைப் பெரியாறு அணைப் பிரச்னை தொடர்பாக உச்ச நீதிமன்றம் அமைத்துள்ள ஐவர் குழுவில் இடம்பெறுவதில்லை என்று திமுக தீர்மானம் நிறைவேற்றியுள்ளது. இதற்கு சிலர் கண்டனம் தெரிவித்து என்னை (கருணாநிதி) தாக்கி அறிக்கை விடுத்துள்ளனர்.'ஐவர் குழுவில் ஒருவராக திமுக இடம்பெறக்கூடும்' என நினைத்துக் கொண்டு அதை வன்மையாகக் கண்டித்து ஒரு நீண்ட அறிக்கை தயாரித்து வைத்திருந்தார்களாம். அதற்கு வாய்ப்பு இல்லாமல் திமுக பொதுக் குழு அந்த ஐவர் குழுவில் இடம்பெறுவதில்லை என்று அறிவித்தது.இதனால், ஏமாற்றமடைந்து முதலில் தயாரித்து வைத்திருந்த நீண்ட அறிக்கையைத் தூக்கிப் போட்டுவிட்டு, அவசர அவசரமாக திமுக பொதுக் குழுவின் தீர்மானத்தைக் கண்டனம் செய்து புதிய அறிக்கையை வெளியிட்டார்களாம்.இப்படி எதிலும் ஏட்டிக்குப் போட்டிதான் இன்றைய எதிர்க்கட்சியின் பண்பாடு என்பதை பொது மக்கள் புரிந்து கொள்ள வேண்டும்.நாடாளுமன்றக் கூட்டம்... நாடாளுமன்றக் கூட்டத் தொடர் தொடங்குவதற்கு முன்பே அனைத்துக் கட்சித் தலைவர்களை அழைத்து பிரதமரும், மக்களவைத் தலைவரும் பேசியிருக்கிறார்கள். அவையை அமைதியாக நடத்திச் செல்ல ஒத்துழைக்க வேண்டுமென்று வேண்டுகோள் விடுத்திருப்பது வரவேற்கத்தக்கது.ஆனால், நாடாளுமன்றத்தை நடத்த விட மாட்டோம் என்று சில கட்சிகள் சபதம் செய்ததும், அதை நடைமுறையில் நிலை நாட்டுவதும், ஜனநாயகத்தை மலரச் செய்யாது. மக்கள் வாக்களித்து அனுப்பி இருப்பது அவர்கள் வாழும் பகுதிகளுக்கு தேர்ந்தெடுக்கப்பட்டவர்களால் நல்லது நடக்கும் என்பதற்காகத்தான்.இப்போது, தொலைக்காட்சிகளில் நாடாளுமன்றக் காட்சிகளைக் காண்போர் ஜனநாயகத்தைப் பற்றிய நம்பிக்கையை இழந்துவிடக் கூடிய சூழல் உருவாவதை உறுப்பினர்கள் தவிர்க்க வேண்டும்.யானை மலை விவகாரம் தொடர்பாக, அரசு விளக்கம் அளித்த பிறகும் ஆர்ப்பாட்டம் நடத்தப் போவதாக அறிவித்து இருக்கிறார்கள் என்று கருணாநிதி கூறியுள்ளார்.
By Ilakkuvanar Thiruvalluvan
2/24/2010 3:30:00 AM
By T.N.Swaminathan
2/24/2010 3:24:00 AM
By இளந்தமிழ்
2/24/2010 2:24:00 AM
By INDIAN
2/24/2010 1:06:00 AM
உங்கள் கருத்தைப் பதிவு செய்யுங்கள்
*
தினமலர்
