Philippines to allow US, Japan strategic access to military bases

[TamilNet, Thursday, 04 July 2013, 23:28 GMT]
Philippines president Beningno Aquino, in a statement on Tuesday, said that his government would allow America and Japan, long time “strategic partners” of successive regimes, exclusive access to former US military bases in the country. This development has provoked reactions from the Chinese, who are currently locked in a maritime dispute with Philippines. AFP reported Chinese general Luo Yuan on Thursday as condemning the increased US-Philippines cooperation.

Philippines is considered by the US as a key strategic base in the Southeast Asian region.

The US has also provided extensive help to Manila in its counterinsurgency operations against the New People’s Army, a Communist rebel movement.

Analysts credit the increased strategic focus of the US in this region as a part of a grant strategy of ‘Look East’ policy in the Pentagon.

Japan presents, Ban receives, "whitewash" report

Japan presents, Ban receives, "whitewash" report, says ICP

[TamilNet, Saturday, 23 February 2013, 18:43 GMT]
At the initiative from the Japanese Government, an independently formed group of countries, including Bangladesh, Nigeria, Romania, and Sri Lanka naming the effort as "Observation Project," paid a visit to Sri Lanka in December 2012, and presented a "report" to UN Secretary General, Ban Ki Moon, containing the group's assessment on Sri Lanka's post-war issues, Inner City Press reported. Japan's Permanent Representative Tsuneo Nishida, presented the "Report" in a closed meeting where reporters were not allowed.

Tsuneo Nishida, Permanent Representative of Japan to the UN

Attending the meeting for the UN, along with Ban, were Department of Political Affairs officials Oscar Fernandez Taranco and Hitoki Den, ICP said.

ICP questioned Ban's decision to participate and accept the group's report, one month before Sri Lanka's post-war conduct is a matter for discussion at the UN Human Rights Council in Geneva.

Accompanying Sri Lanka's Kohona and Japan's Nishida were Permanent Representatives Abulkalam Abdul Momen of Bangladesh and Simona Mirela Miculescu of Romania and Usman Sarka, Deputy Permanent Representative of Nigeria. There was also a non-diplomat from Colombia University, ICP report said.

ICP also questioned if Ban would hold such a meeting with Syria's Permanent Representative Bashar Ja'afari and four other supportive Permanent Representatives, who could certainly be found and said the answer would appear to be “no.” What was then the reason to have one for Sri Lanka, ICP asked.

Quoting from a memo issued by the UN on the meeting, "The Secretary-General recognised the important steps taken by the Government of Sri Lanka since the end of the conflict and strongly underlined the need to address the remaining challenges, particularly on issues relating to reconciliation and accountability," Matthew Lee (ICP) questioned, "[t]hen why does Ban, nearly four years on, still insist on a "national" process that clear has not worked?"

Another Japanese, Yukio Takasu, the 2009 President of the UN Security Council (UNSC) on the critical month of February 2009, was one of the key UN officials who allegedly prevented Sri Lanka from being dragged into the UNSC for the unfolding mass scale killings in Mu'l'livaaykkaal, public statements made by UN officials during media stakes have previously revealed.

Related Articles:
28.12.12   Takasu, Tamils' adversary in UN Security Council?


External Links:

ICP:		On Sri Lanka, UN's Ban Accepts “Whitewash” Report from Japan Plus 3
ICP:		On Sri Lanka, Reuters' Praise of Stratfor Trumped by Stoking of Death Threats
ICP:		On Sri Lanka Murder of 12 Year Old, Ban's UN is Aware, Calls for National Process

சீன,சப்பானிய வரலாறுகளில் இடம் பெற்றிருக்கும்தமிழர்

சீன,சப்பானிய வரலாறுகளில் இடம் பெற்றிருக்கும் தமிழர் ஒருவரைப் பற்றிய வரலாறு!

பதிவு செய்த நாள் : 03/09/2012

சீன,சப்பானியவரலாறுகளில்இடம்பெற்றிருக்கும்தமிழர் ஒருவரைப்பற்றியவரலாறு!

போதி தருமர் என்பவர் 5ஆம் நூற்றாண்டைச் சேர்ந்த புத்தத் துறவி ஆவார். தமிழ்நாட்டில், காஞ்சிபுரத்தில், பல்லவ ஆட்சியில், கந்தவர்மன் என்ற அரசனின் மூன்றாம் மகனாகப் பிறந்த போதி தருமர், பல்லவ அரசராக இருந்து, பின்னர் புத்த சமயத்தைத் தழுவியதாகக் கருதப்படுகிறது. புத்த சமய ஆசானாக (குருவாக) மாறிய பிறகு, சீனத்துக்குப் பயணம் மேற்கொண்ட போதி தருமர், அங்கே மகாயான புத்தச் சமயத்தைப் பரப்பியதாகவும், 150 ஆண்டுகள் அங்கே உயிரோடு வாழ்ந்ததாகவும் சீன வரலாறு கூறுகிறது. சென் புத்தச் சமயத்தை (இன்று உலகெங்கும் புகழ்பெற்றுத் திகழும் சென் கதைகள்) உருவாக்கிய புகழ் இவரையே சாரும்! போதி தருமர், சீனத்தில் ‘சாலின் குங்பூ’ (Shaolin Kung Fu) என்னும் தற்காப்புக் கலையை அறிமுகப்படுத்தியவர் எனக் கருதப்படுகிறார்.

குங்பூவும்போதிதருமரும்:
போதி தருமர், சாலின் குங்பூவைச் சீனத்துக்குக் கொண்டு சென்ற பல்லவ அரச குலத்தவர் என நிறுவுவோர் பின் வரும் சான்றுகளை முன் வைக்கின்றனர்.
1.கல்வெட்டுச் சான்று:
சீனக் கோயிலில் (shoalin temple – kungfu school) உள்ள கல்வெட்டு, தென்னிந்திய புத்தத் துறவி போதி தருமர் உருவாக்கிய தற்காப்புக்கலையே குங்பூ என்கிறது.
2.டான்லின் பதிவுகள் (Tánlín):
டான்லின் பதிவுகள், தென்னிந்தியப் பல்லவப் பேரரசரின் மூன்றாம் மகன் போதி தருமர் என்கின்றன.
3.டௌசுவான் பதிவுகள் (Dàoxuān):
டௌசுவான் பதிவுகள், போதி தருமரைத் தென்னிந்தியப் பல்லவன் என்கின்றன. (南天竺婆羅門種 nán tiānzhú póluómén zhŏng).
4.பௌத்தக் காஞ்சிக் கோயில்:
தற்போதும் பௌத்தக் காஞ்சிக் கோயிலில் உள்ள தற்காப்புக்கலைச் சிற்பங்களில், தற்காப்புக்கலையின் மூல அசைவுகள் எப்படி பிறந்தன என்று உள்ளது.
5.பிராஃடன் கூற்று:
பிராஃடன் என்னும் ஆய்வாளர், போதி தருமரைக் காஞ்சியை தலைநகராகக் கொண்ட தமிழ்ப் பல்லவப் பேரரசின் இளவரசர் என்கிறார்.
6.யொங்சியா பாட்டு (yǒngjiā Xuánjué)
யொங்சியா என்னும் பாட்டு, 28 புத்த ஆசான்களின் வரிசையைக் கூறுகிறது. (சாக்கிய முனி முதல் போதி தருமர் வரை)
8.பிராஃடன், யாங் சுவான்சி (Yáng Xuànzhī) பதிவை மறுப்பது:
அக்காலச் சீனத்தில், எந்தத் துறவி சீனத்துக்கு வந்தாலும், அவரைப் பெர்சியர் என்றெண்ணி விடுவது வழக்கம் என்பதால், யாங் சுவான்சி (Yáng Xuànzhī) ( bō-sī guó hú rén) போதி தருமரைப் பெர்சியரென்று கூறியதைப் பிராஃடன் மறுக்கிறார்.
9. தற்காப்புக்கலை மூல அசைவுகள் எப்படிப் பிறந்தன என்பதைக் காட்டும் பௌத்தக் காஞ்சி கோயிலில் உள்ள தற்காப்புக்கலைச் சிற்பங்களைத் தற்போதும் சீன, சப்பானியத் தற்காப்புக்கலை ஆசிரியர்கள் வந்து பார்த்துச் செல்கிறார்கள்.
10. போதி தருமர் (பௌத்தவர்மப் பல்லவன்) நான்காம் கந்தவர்மனுக்குப் பிறந்த மூன்றாம் மகனென அறியப்படுகிறது. அக்காலப் பல்லவ மரபினர் கடைசி மகனைப் புத்தமடத்துக்கு அளித்து விடுவர்.
நான்காம் கந்தவர்மனுக்குப் பிறந்த மூன்று மகன்களென அறியப்படுவோர்:
1. முதலாம் நந்திவர்மன்,
2. இரண்டாம் குமாரவிட்டுணு,
3. புத்தவர்மன் (போதி தருமர் (எ) பௌத்தவர்மப் பல்லவன்).
11. கால ஒற்றுமை:
1. போதி தருமரின் காலமெனப் பதிவுகள் கூறுவது கி.பி.475-550.
2. விட்டுணுகோபனின் காலத்தின் அடிப்படையில் (கி.பி.340) நான்காம் கந்தவர்மனின் காலமாக அறியப்படுவது கி.பி.450-500.
3. 28 ஆசான்கள் வரிசையின் காலமாகக் கருதப்படுவது, கி.மு.563 முதல் (சாக்கியமுனி முதல்) கி.பி.550 வரை (போதி தருமர் வரை). மேற்கூறிய காலங்கள் அனைத்தும் கூடி வருவது கால ஒற்றுமை.
–நன்றி: விக்கிப்பீடியா.
போதி தருமர் பற்றிய செவிவழி வரலாறு:
போதி தருமர் ஒரு தமிழர். கி.பி.5ஆம் நூற்றாண்டில், காஞ்சியைத் தலைநகரமாகக் கொண்டு ஆட்சி புரிந்து வந்த பல்லவ அரசனின் 3ஆவது மகனார். சிறந்த வீரர்! தற்காப்புக் கலைகளைச் சிறப்பாகப் பயின்றவர். அரசு, ஆட்சியை விரும்பாமல் உள்ளம் செல்லும் வழியில் செல்கிறார். பிரசனதரா என்ற மகாயான புத்தத் துறவியைத் தன் இறைமை ஆசானாகத் (குருவாகத்) தேர்ந்தெடுத்துக் கொண்டு இறைமையில் (ஆன்மித்தில்) தெளிவு பெறுகிறார்.
புத்த சமயத்தைக் கிழக்கு நாடுகளுக்குக் கொண்டு செல்ல விரும்பிக் கடல் வழியே, இன்றைய மலேசியா, இந்தோனேசியா, வியட்னாம், தாய்லாந்து வழியாக 3 ஆண்டுகள் பயணத்திற்குப் பிறகு, கி.பி.527இல் சீனம் சென்றடைகிறார். சீனத்தில், போதி தருமர் என்னும் பெயர் அவர்கள் வழக்கில் சிதைந்து ‘தா மோ’ என்று ஆகியிருக்கிறது. தாமோவைத், தெற்குச் சீனத்தை ஆண்டு கொண்டிருந்த அப்போதைய சீன அரசன் வூ வரவேற்று விருந்தோம்பியிருக்கிறான். அந்த அரசனின் தற்பெருமை, ஆணவம் ஆகியவற்றைத் தாமோவால் ஏற்றுக் கொள்ள முடியவில்லை. விளைவு, அரசனின் சினம், பகை, அந்த நாட்டை விட்டு வெளியேற ஆணை. பின்னர், வடச் சீனத்திற்குச் சென்ற தாமோ, யாங்ட்சி ஆற்றங்கரையில் இருக்கும் சாவோலின் கோயிலை அடைகிறார்.
கோயிலில் இருந்தவர்களின் அழைப்பை முதலில் ஏற்காமல், அருகில் இருந்த மலைக்குகை ஒன்றில் அறிதுயில் (தவம்) மேற்கொள்கிறார். மலைக்குகையில், ஒரு சுவரின் முன்னால் ஒன்பது ஆண்டுகள் உட்கார்ந்து கடுமையான அறிதுயிலைக் கடைப்பிடிக்கிறார். அதன் விளைவாகப் புதிய ஊக்கம் பெற்றுச், சாவோலின் கோயிலில் தன்னை இணைத்துக் கொள்கிறார். சாவோலின் பள்ளியில், பிள்ளைகளுக்குப் பௌத்தம், தியானம், தற்காப்புக் கலை போன்றவற்றைக் கற்பிக்கிறார்.
சீனத்தில்தாமோ:
சீனத்தில் புத்தச் சமயம் பரவ, உறுதிப்பட முதன்மைக் காரணமாக இருந்தவர், இங்கிருந்து சென்ற தமிழர் போதி தருமர். போதி தருமர் என்கிற தமிழரால் உருவாக்கப் பெற்றதுதான் சென் புத்தச் சமயம்! புத்தரின் 28ஆவது நேரடி மாணவராகப் போதி தருமரைச் சீனர்கள் ஏற்றுக் கொண்டார்கள். பின்னர் சப்பானிலும், வேறு வடிவங்களில் போதி தருமர் புகழ் பெற்றார். சப்பானில் அவர், எதிர்பாரா நன்மையைத் (அதிருட்டம்) தருபவராகக் கொண்டாடப்பட்டார்.
சீனத்திலும், சப்பானிலும் இன்றும் போதி தருமருக்கு ஏராளமான கோயில்கள் இருக்கின்றன. போதி தருமரின் முடிவு பற்றி வெவ்வேறு கதைகள் வழங்குகின்றன. அவர் 150 அகவை (வயது) வரை வாழ்ந்ததாகவும், இறந்த பிறகு சியாங் மலைச்சரிவில் புதைக்கப்பட்டதாகவும் ஒரு வரலாறு கூறுகிறது. ஆனால் அவரைப் புதைத்து 3 ஆண்டுகளுக்குப் பின், பாமியன் மலையருகே, கையில் ஒற்றைச் செருப்புடன் அவர் சென்று கொண்டிருந்ததைக் கண்டதாக, வெய் அரச குடும்பத்தைச் சேர்ந்த ஒருவர் கூறி இருக்கிறார். “எங்கே போகிறீர்கள்” என்று அவர் கேட்டதற்குப் போதி தருமர், “என் வீட்டிற்குச் செல்கிறேன்” என்று சொன்னாராம். ஐயமுற்றவர்கள், போதி தருமரின் கல்லறையைத் திறந்து பார்த்தபோது, அங்கே ஒற்றைச் செருப்பு மட்டுமே இருந்ததாகவும், போதி தருமரின் உடலைக் காணவில்லை என்றும் ஒரு வரலாறு கூறுகிறது.
போதி தருமர் பற்றிய வரலாற்றுக்குச் சீனத்திலும், சப்பானிலும் பல வடிவங்கள் இருந்தாலும், அடிப்படையில் அவர் தமிழ்நாட்டின் காஞ்சியிலிருந்து சென்றவர் என்பதும், சீனத்தில் சென் புத்தச் சமயமும், தற்காப்புக் கலை கற்றுக் கொடுக்கும் சாவோலின் பள்ளியும் உருவாக அவர் தலையாய காரணமாக இருந்தார் என்பதும் வரலாற்றில் ஒன்றே போலத்தான் கூறப்பட்டுள்ளன.
உண்மையில் மிகவும் பெருமையாக இருக்கிறது! அதே நேரம், வருத்தமாகவும் இருக்கிறது. சீன வரலாற்றில், சப்பானிய வரலாற்றில் இடம்பெற்றிருக்கும் தமிழர் ஒருவரைப் பற்றிய வரலாறு, தமிழ்நாட்டின் வரலாற்றில் காணப்படவில்லையே!!

- நட்பு http://www.natpu.in/?p=28445

எந்த அகவை யிலும் எவரெசுட்டு ஏறலாம்; சொல்கிறார் யப்பான் தமாய்

 

 

எந்த அகவை யிலும் எவரெசுட்டு ஏறலாம்; 

சொல்கிறார்  யப்பான் தமாய்

எவரெஸ்ட் சிகரத்தில் ஏறியவர்களிலேயே மிகவும் வயதான பெண் என்ற சாதனையை படைத்துள்ளார் ஜப்பானைச் சேர்ந்த தமேய் வடானபி. இவர் சிகரத்தின் உச்சியை தொட்ட போது இவரது வயது 73 ஆண்டுகளும், 180 நாட்களுமாகும்.
சாதாரண விவசாய குடும்பத்தில் பிறந்தவரான தமேய் சிறு வயது முதலே கடுமையான உழைப்பாளியாவார். அதிகாலை எழுந்து அப்பாவுடன் நிலத்திற்கு தண்ணீர் பாய்ச்சும் ஆண்களுக்கு நிகரான வேலைகளை அசராமல் பார்த்துவிட்டு, பிறகு ஆறு கிலோமீட்டர் தூரம் உள்ள பள்ளிக்கு நடந்தே போய் படித்துவிட்டு திரும்புவார். திரும்பிய பிறகு மலையென குவிந்திருக்கும் வீட்டு வேலைகளையும் செய்து முடித்துவிட்டே உறங்கப்போவார்.

இவரது இந்த உழைப்புதான் மலையேற அழைப்பு விடுத்தது எனலாம். அங்குள்ள பள்ளியொன்றில் வேலை பார்த்துக்கொண்டு இருக்கும் போது முதன் முதலாக ஒரு சிறு மலைமீது ஏறும் சந்தர்ப்பம் அமைந்தது. அப்போது அவருக்கு வயது 27. அந்த சம்பவம் தந்த சந்தோஷம் காரணமாக பிறகு ஜப்பானில் உள்ள மலைகளில் எல்லாம் சர்வ சாதாரணமாக ஏறி இறங்கிவிட்டார். மலையேறுவதே இவரது பொழுதுபோக்கு என்றானாலும், பொருளாதாரம் காரணமாக எவரெஸ்ட் ஏறுவது மட்டும் தள்ளிப் போய்க்கொண்டே இருந்தது.

வேலையில் இருந்து ஒய்வு பெற்ற பிறகு ஜப்பானில் உள்ள புகழ்பெற்ற பியூஜி மலையேறும் குழுவினருக்கு வழிகாட்டியாகவும், ஆலோசகராகவும் செயல்பட்டார். இந்த நிலையில்தான் தமேய்க்கு எவரெஸ்ட் சிகரம் போகும் வாய்ப்பு கிடைத்தது. ஆனால் அப்போது அவருக்கு வயது 62.

சாகசசம் புரிய நினைப்பவர்களின் உச்சகட்ட சாதனையே எவரெஸ்ட் சிகரம் ஏறுவதுதான். இதற்காக இளமை முறுக்கோடு கிளம்பிய 284 பேர்களில் இவர்தான் வயதானவர். ஆனால் 284 பேரில் குளிர்தாங்காமல் இறந்தவர்கள், ஏற முடியாமல் நின்றவர்கள், இன்னும் கொஞ்சம் நேரம் இருந்தாலும் இறந்துவிடுவேன் என்று அடித்து பிடித்து திரும்பியவர்கள் எல்லாம் போக எவரெஸ்ட் சிகரம் தொட்ட 82 பேர்களில் இவரும் ஒருவர்.

எவரெஸ்ட் சிகரம் தொட்ட வயதானவர் என்ற சாதனையை தனது 62 வயதில் ஏற்படுத்திய தமேய், தன் சாதனையை தானே முறியடிக்கும் வகையில் 11 ஆண்டுகள் கழித்து தற்போது கடந்த வாரம் தனது 73 வயதில் மீண்டும் எவரெஸ்ட் சிகரம் தொட்டு திரும்பியுள்ளார்.

இடையில் தனது 65 வயதில் ஒரு முறை எவரெஸ்ட் சிகரம் ஏறும்போது கடுமையான பனிப்புயலில் சிக்கி முதுகில் பலத்த காயமடைந்தார். எழுந்து நடக்கவே மாட்டார் என்று எல்லோரும் கருதியபோது, தனது மனவலிமை காரணமாக துள்ளி எழுந்தவர் கடுமையான பயிற்சி எடுத்து இந்த முறை வீழ்ச்சியின்றி எழுச்சி பெற்றுவிட்டார்.

இந்த சாதனை தனக்கு சந்தோஷம் தந்தாலும் கடந்த பதினொரு ஆண்டுகளில் எவரெஸ்ட் மிகவும் மாறிவிட்டதாக வேதனையும் படுகிறார், முன்பு பனி படர்ந்து அடர்ந்து இருந்த இடங்கள் எல்லாம், இப்போது நீர் நிலையாக நீண்டு காணப்படுகிறது. இது உலகம் வேகமாக வெப்பமயமாகி வருவதன் (குளோபல் வார்மிங்) அறிகுறியே, இதனை தடுத்து நிறுத்திட நிறைய விழிப்புணர்வு தேவை அது இளைஞர்களிடம் இன்னும் தேவை, ஏனெனில் இனி உலகம் அவர்களின் கையில்,அவர்களது உலகத்தை காப்பாற்ற அவர்கள்தான் முன்வரவேண்டும் என்கிறார்.

- முருகராஜ்

வடக்கில் தமிழர்கள் மீது திணிக்கப்படும் சிங்கள மரபு

வடக்கில் தமிழர்கள் மீது திணிக்கப்படும் சிங்கள மரபு – ஜப்பானிய பிரதிப் பிரதமருக்கு வெற்றிலை கொடுத்து மரியாதை

மீனகம் பதியப்பட்ட நாள்May 7th, 2012 நேரம்: 19:37

சிறிலங்காவின் வடக்குப் பகுதிக்குப் பயணம் மேற்கொண்ட ஜப்பானியப் பிரதிப் பிரதமருக்கு சிங்கள மரபுப்படி – தமிழர்களால் வரவேற்பு கொடுக்கப்பட்டுள்ளது.

இரண்டு நாள் அரசுமுறைப் பயணமாக சிறிலங்கா வந்த ஜப்பானிய பிரதிப் பிரதமர் கட்சுயா ஒகாடா, வடபகுதிக்குச் சென்றிருந்தார்.

அங்கு ஜப்பானிய நிதியுடதவியுடன் மேற்கொள்ளப்படும் உதவித் திட்டங்களின் முன்னேற்றங்கள் குறித்து ஆய்வு செய்தார்.

ஜப்பானிய உதவியுடன் 350 மில்லியன் ரூபா செலவில் மேற்கொள்ளப்படும் அக்கராயன்குள புனரமைப்புப் பணிகளைப் பார்வையிட்ட அவர் பின்னர், சாந்தபுரத்தில் பாதிக்கப்பட்ட குடும்பங்களுக்கு வாழ்வாதார உதவிகளை வழங்கும் நிகழ்வுக்கும் சென்றிருந்தார்.

யாழ்ப்பாணத்தில் வேலணையில் கருவாடு பதனிடும் தொழில் நிலையம் மற்றும் அச்சுவேலியில் அமைக்கப்பட்டுள்ள விதைப்பண்ணை ஆகிய இடங்களுக்கும் ஜப்பானிய பிரதி பிரதமர் சென்று பார்வையிட்டார்.

ஜப்பானிய பிரதிப் பிரதமரை அச்சுவேலியில் யாழ்.மாவட்ட அரசாங்க அதிபர் இமெல்டா சுகுமார் வெற்றிலை கொடுத்து வரவேற்றார்.

அதேவேளை கிளிநொச்சி சாந்தபுரத்தில் போரினால் பாதிக்கப்பட்ட மக்களுக்கான உதவி வழங்கும் நிகழ்வுக்குச் சென்ற போதும், அவருக்கு தாய் ஒருவரும், சிறுவன் ஒருவனும் வெற்றிலை கொடுத்து வரவேற்றதைக் காணமுடிந்தது.

தமிழரின் பண்பாட்டு மரபில் வெற்றிலை கொடுத்து வரவேற்கும் வழக்கம் இல்லை.

சிங்களவர்களின் இந்த மரபு இந்த நிகழ்வுகளின் போது, சிறிலங்கா அரசினால் தமிழர்களிடம் திணிக்கப்பட்டுள்ளது.

இரு மாவட்டங்களிலும் இவ்வாறு ஒரே மாதிரியாக வெற்றிலை கொடுத்து வரவேற்கப்பட்டதால், சிறிலங்கா அரசின் நேரடி உத்தரவின் பேரிலேயே இதற்கான ஏற்பாடுகள் செய்யப்பட்டுள்ளது என்பதை உறுதி செய்ய முடிகிறது.

On March 11, Japan

 

On March 11, Japan was hit by one of the largest earthquakes ever recorded. The magnitude-9.0 quake spawned a deadly tsunami that slammed into the small island nation, leaving a huge swath of devastation in its wake. 

சப்பான்: துண்டு சுருட்டுகள் சட்டைகள் ஆகின்றன

ஜப்பான்: துண்டு சிகரெட்கள் டீ-சர்ட்கள் ஆகின்றன

First Published : 12 Nov 2011 03:30:58 PM IST

டோக்யா, நவ.12: ஜப்பான் மாணவர்களின் ஒரு குழு, சிகரெட் பிடித்து தூக்கி எறியப்பட்ட துண்டுகளை வைத்து அவற்றை துணிகளாக்கி, அவை மூலம் டி-சர்ட்கள் தயாரிக்கும் நூதன முயற்சியில் வெற்றி கண்டுள்ளனர். இதற்காக பழைய சிகரெட்களை, பார்லர்கள், வாயு நிலையங்கள் உள்ளிட்டவற்றுக்குச் சென்று தேடிக் கண்டுபிடித்து எடுத்து வந்து அவற்றைச் சிதைத்து துணிகளாக மாற்றும் நுட்பத்தை செயல்படுத்துகின்றனர்.சிகரெட் எச்சங்களில் உள்ள டாக்ஸின் என்ற விஷப் பொருளை குறைத்துத் தரும் தொழில்நுட்பத்துடன் ஒரு விஞ்ஞானிகள் குழு  உதவுகிறது. பின்னர் அவை நூல்களாக்கப்பட்டு, துணிகளாக மாற்றி, டி-சர்ட்கள் உண்டாக்கப்படுவதாக ஆஷி ஷிம்புன் என்பவர் கூறியுள்ளார். இந்த யோசனை, ரிட்சுமெய்கன் பல்கலை பொருளாதாரக் கல்லூரியின் 21 வயது மாணவர் ஷின்ஜி சவாய் உள்ளத்தில் எழுந்ததாம். அதுவும், தான் சார்ந்த பகுதியில் தினமும் செல்லும் வழியில் மலைபோல் குவிந்து கிடக்கும் துண்டு சிகரெட்களைக் கண்டதும் அவருக்கு இப்படி ஒரு யோசனை எழுந்ததாம்!

நிலநடுக்கத்தை சரியாகப் பதிவு செய்தும் பயனில்லை!

நிலநடுக்கத்தை சரியாக பதிவு செய்தும் பயனில்லை!

தினமணி நாளிதழிலிருந்து

பதிவு செய்த நாள் : September 12, 2011



டோக்கியோ, செப்.11: ஜப்பானை மார்ச் 11-ம் தேதி உலுக்கிய மிகப்பெரிய நிலநடுக்கத்தை அரசின் வானிலை மையத்தைவிட தனியார் அமைப்பு சரியாக அளவிட்டது. ஆனால் அது தகவல் தெரிவிக்கத் தாமதம் செய்ததால் மிகப்பெரிய சேதம் ஏற்பட்டுவிட்டது.  நகாணோ என்ற இடத்தில் மட்சுஷிரோ நிலநடுக்க கண்காணிப்பு மையம் இருக்கிறது. மார்ச் 11-ல் நிலநடுக்கம் ஏற்பட்ட 3 நிமிஷங்களுக்குப் பிறகு அங்கே அது 9.1 அலகாக ரிக்டர் அளவுமானியில் காட்டியது.  அந்த மையம் வெளிநாடுகளில் ஏற்படும் நிலநடுக்கங்களைப் பதிவு செய்வதற்கானது.  ஆனால் ஜப்பானிலேயே ஏற்பட்ட நிலநடுக்கம் அதில் பதிவான நிலையில்கூட அதை ஜப்பானிய அரசு நிறுவனங்களுக்கு சொல்லவில்லை.  அதற்கு 2 காரணங்கள். வெளிநாடுகளில் நடைபெறும் நிலநடுக்கங்களைத்தான் தங்கள் அமைப்பு பதிவு செய்ய வேண்டும் என்பதால் இதை ஜப்பானிய நிலநடுக்கத்தைப் பதிவு செய்வதற்கான அலுவலகத்தார் பார்த்துக் கொள்வார்கள் என்று நினைத்தது.  9.1 அலகு என்றால் மிகப்பெரிய நில நடுக்கம் என்பதால் தங்கள் கருவியில் ஏதேனும் கோளாறு ஏற்பட்டிருக்கக் கூடும் என்று நிலைய அதிகாரி தவறாக நினைத்துவிட்டார். மிகச் சரியாகப் பதிவு செய்திருந்தும் அவருக்கு தன்னம்பிக்கை இல்லாததால் முக்கியமான இந்தத் தகவல் அரசை எட்டவில்லை.  அதே வேளையில் அரசு நியமித்துள்ள மற்றொரு மையத்தில் இந்த நிலநடுக்கம் சரியாகப் பதிவாகவில்லை. எனவே அவர்கள் அதன் தன்மையை முதலில் குறைத்து மதிப்பிட்டு 7.9 அலகுதான் என்று அறிவித்தனர். கடலில் அலைகள் 3 மீட்டர் முதல் 6 மீட்டர் வரையில் அதாவது சுமார் 10 அடி முதல் 18 அடி வரை மட்டுமே எழும்பும் என்று எச்சரித்தனர். சுமார் அரை மணி நேரம் கழித்துத்தான் சரியாக மீண்டும் கணக்கிட்டு கடலில் அலைகள் 30 அடி உயரத்துக்கு மேல் எழும்பும் என்று எச்சரித்தனர். அதற்குள் விபரீதம் நேர்ந்துவிட்டது.  ஜப்பானில் உள்ள நிலநடுக்கப் பதிவு கருவிகளின் தரம், மிகக்குறைந்த நடுக்கங்களைப் பதிவு செய்யத்தான் ஏற்றவை என்றும் மிகப்பெரிய நில நடுக்கங்கள் என்றால் கணக்கிட்டுத்தான் சொல்ல முடியும் என்றும் அதிகாரிகள் தெரிவிக்கின்றனர்.  வாரம் ஒரு முறை மிகப்பெரிய நிலநடுக்கம் ஏற்படும் நாட்டிலேயே இந்தக் குறை என்றால் நம்மைப்போன்ற நாட்டில் என்ன நடக்குமோ?  இனி தலையணை இல்லாமல் வெறும் தரையில் காதை வைத்துத் தூங்க வேண்டியதுதான்!

learn lesson from japanese - Messystems chairman: சப்பானிடமிருந்து பாடம் கற்றுக்கொள்ள வேண்டும்:

தமிழ்ப்பண்பாட்டை இந்திய  ஆரிய ஆதிக்கமும் மேலை ஆரிய ஆதிக்கமும்  சிதைத்து வருகின்றன.  ஆனால், சப்பானியர்களின் பண்பாடு போற்றக்கூடிய அளவில் வளர்ந்து சிறந்து விளங்குகிறது.  நெருக்கடியைப் பணம் ஆக்கத் துடிக்காத மனித நேயமும் வணிக அறமும்,  நெருக்கடியிலும் கூட்டு உணர்வுடன் பொறுமை காக்கும் அமைதியும் கடமை, கண்ணியம், பண்பாடு ஆகியவற்றில் சிறந்து விளங்கும் பெற்றிமையும் அனைவரும் போற்றத்தக்கன.. குறிப்பாகப் பண்பாடு என்று வாயளவில் பிதற்றும் நாம் கவனித்துப் பின்பற்ற வேண்டியன. சோதனையிலும் வேதனை காணாமல் சாதனை காணும் சப்பானியர்கள் விரைவில் தங்கள் துயரங்களில் இருந்து மீள்வார்களாக! உலகில் முதல் நிலையை உறுவார்களாக! அடைவார்களாக! வெல்வார்களாக! வாகை சூடுவாரகளாக!  நாம் திருந்துவோமாக!  அன்புடன் இலக்குவனார் திருவள்ளுவன்  / தமிழே விழி! தமிழா விழி! /  எழுத்தைக் காப்போம்!  மொழியைக் காப்போம்! இனத்தைக் காப்போம்!

ஜப்பானிடமிருந்து பாடம் கற்றுக்கொள்ள வேண்டும்: 

மெஸ் சிஸ்டம்ஸ் தலைவர்

First Published : 28 Mar 2011 12:00:00 AM IST

Last Updated : 28 Mar 2011 01:48:32 AM IST

சென்னை பள்ளிக்கரணை ஜெருசலேம் பொறியியல் கல்லூரியில் சனிக்கிழமை நடைபெற்ற விழாவில் மாணவி ஒருவருக்கு பணி நியமன உத்தரவை வழங்குகிறார் மெஸ் சிஸ்டம்ஸ் தலைவர்

தாம்பரம், மார்ச் 27: இயற்கையின் சீற்றத்தை மன உறுதியோடு எதிர் கொண்ட ஜப்பான் மக்களிடமிருந்து இந்திய இளைஞர்கள் பாடம் கற்றுக் கொள்ள வேண்டும் என்று மெஸ் சிஸ்டம்ஸ் தலைவர் டி.சீனிவாசன் கூறினார்.  சென்னையை அடுத்த பள்ளிக்கரணை ஜெருசலேம் பொறியியல் கல்லூரியில் சனிக்கிழமை நடைபெற்ற பணிநியமன உத்தரவு வழங்கும் விழாவில் பங்கேற்று அவர் பேசியதாவது:  பொறியியல் உள்ளிட்ட உயர் கல்வி பயின்று வெளிவரும் மாணவர்கள் மத்தியில் அதிக சம்பளம் கிடைக்கும் வேலையைப் பெறுவதில்தான் ஆர்வம் உள்ளது. ஆனால், எதிர்கால முன்னேற்றத்திற்கும் வளர்ச்சிக்கும் வாய்ப்பளிக்கும் வேலையைப் பெறுவதில் அக்கறை இல்லை.  இந்த விஷயத்தில் மாணவர்கள் மத்தியில் மனமாற்றம் தேவை. பணத்தை மட்டுமே குறிக்கோளாகக் கொண்டு வேலை தேடாமல், திறமையையும், ஆற்றலையும் வளர்த்துக் கொண்டால் பணம் தானாகத் தேடி வரும்.  சமீபத்திய இயற்கைச் சீற்றத்தாலும், வெடித்து சிதறிய அணுமின் நிலையங்களாலும் உண்டான பேரழிவை அந்த நாட்டு மக்கள் எப்படி எதிர்கொண்டார்கள் என்பதை நாம் உணர்ந்தால் அவர்களிடமிருந்து நாம் மகத்தான பாடத்தைக் கற்றுக் கொள்ள முடியும்.  தங்களது உடைமைகளை இழந்து நடுத் தெருவில் நின்ற போதும் அழுது, புரண்டு துயரத்தை வெளிப்படுத்தாமல் அமைதி காத்தனர்.  எல்லா மக்களும் கட்டுப்பாடுடன் வரிசையில் நின்று உணவு, குடிநீர் உள்ளிட்ட பொருட்களைப் பெற்றனர். யாரும் முண்டியடித்துக் கொண்டோ, ஆவேசத்துடன் போராடியோ எதையும் பெறவில்லை.  கடைகளில் மக்கள் பொருட்கள் வாங்கிக் கொண்டு இருந்த போது மின்தடை ஏற்பட்டதால் கையில் இருந்த பொருட்களை அங்கேயே வைத்து விட்டு வெளியேறிய மக்களின் நேர்மையும், மனசாட்சியும் பாராட்டுக்குரியது.  இப்படிப்பட்ட கடமை உணர்வும், கட்டுப்பாடும், பொறுமையும் நிறைந்த மக்களே ஜப்பானின் மகத்தான சொத்து என்பதை நாம் உணர்வது மட்டுமல்லாமல், அவர்களைப் போன்ற குணாதியங்களை வளர்த்துக் கொள்ள வேண்டும் என்றார் சீனிவாசன்.  விழாவில் 214 மாணவர்களுக்குப் பணிநியமன உத்திரவுகளை டி.சீனிவாசன் வழங்கினார். க கல்லூரி டீன் ஜி.சம்பந்தம், முதல்வர் எஸ்.பூர்ணச்சந்திரா, பணிநியமன அதிகாரி கே.எஸ்.நிவாஸ்குமார், மென்திறன் பயிற்சி பேராசிரியர்கள் அர்ச்சனா, சதீஷ்குமார் உள்ளிட்டோர் பங்கேற்றனர். 

Humanism of provisonal store owner in Japan: மளிகைக் கடைக்காரரின் மனிதாபிமானம்! நெகிழவைக்கும் சப்பானியர்கள்

பாராட்டுகள். சயூரியின் மனித நேயத்தைப் பிறரும் பின் தொடரட்டும்! பதுக்கல் வணிகத்தைத் துறந்த சப்பான் நாட்டிற்கு வாழ்த்துகள். 

அன்புடன் இலக்குவனார் திருவள்ளுவன் 

/ தமிழே விழி! தமிழா விழி! /

மளிகைக் கடைக்காரரின் மனிதாபிமானம்! 

நெகிழவைக்கும் ஜப்பானியர்கள்

First Published : 23 Mar 2011 12:00:00 AM IST

Last Updated :

கேசுன்னிமா, மார்ச் 22: நிலநடுக்கம், ஆழிப்பேரலை, அணுமின்சார நிலையங்களில் அணு உலைகள் வெடிப்பு என்று அடுக்கடுக்காக சோதனைகள் வந்த நிலையிலும், உழைப்புக்கும், நேர்மைக்கும் ஜப்பானியர்கள் தரும் முக்கியத்துவம் நெகிழவைக்கிறது. நாட்டுப்பற்றும் நாணயமும் வியக்கவைக்கின்றன.  ஜப்பானிய அரசு தன்னாலியன்ற முயற்சிகளை மேற்கொண்டு வரும் நிலையிலும் வட கிழக்கு கடலோரப் பகுதியில் இன்னமும் வாழ்க்கை சகஜ நிலைக்குத் திரும்பவில்லை. சாலைகள் சீரமைக்கப்படாததால் தரைவழி போக்குவரத்தும், கடலில் அடிக்கடி ஏற்படும் மாற்றங்களால் கடல் வழிப் போக்குவரத்தும், அணுக்கதிர் வீச்சால் வான் வழிப் போக்குவரத்தும் மேற்கொள்ள முடியாமல் கிட்டத்தட்ட துண்டிக்கப்பட்ட நிலையிலேயே இப்பகுதி இருக்கிறது.  இதனால் மக்களுக்கு உணவு, எரிபொருள், மருந்து - மாத்திரைகள் கிடைக்கவில்லை. மின்சார சப்ளையும் முழு அளவில் தொடங்கப்படவில்லை. அத்துடன் எதையாவது யாரிடமாவது வாங்கலாம் என்றால் கையில் பணமும் இல்லை. கைமாற்றாக எதையும் வாங்கிப் பழக்கம் இராத ஜப்பானியர்கள் பட்டினி கிடைப்பதை பெரிய பிரச்னையாகக் கருதுவதில்லை.  இந்த நிலையில் கடலோரத்தில் மளிகைக் கடை வைத்து நடத்திய சயூரி மியாகாவா துணிச்சலாகச் செயலில் இறங்கிவிட்டார்.  அவருடைய கடை பெருமளவு சேதம் அடைந்திருந்தாலும் அவரால் மீட்க முடிந்த ஒரு சில பொருள்களை கடை இருந்த இடத்துக்கு வெளியே வீதியில் விற்பனைக்கு வைத்தார். நில நடுக்கம், சுனாமிக்கு முன்னதாக என்ன விலையில் விற்றாரோ அதே விலைக்கு அவற்றை விற்க முன்வந்தார்.  அரசு நிர்வகிக்கும் முகாம்களில் தரப்படும் உணவும், உடைகளும், வேறு சில பண்டங்களும் தேவைக்குப் போதுமானதாக இல்லாததால் சயூரியின் கடையிலிருந்த சரக்குகள் அரை மணி நேரத்துக்குள் விற்றுத் தீர்ந்தன.  ஏ.டி.எம்.கள் வேலை செய்யாததால் கையில் ரொக்கம் இல்லாமல் மக்கள் திண்டாடுகின்றனர்.  ஏராளமான கார்களும், லாரிகளும் கடல் வெள்ளத்தில் அடித்துச் செல்லப்பட்டுவிட்டன. மின்சார உற்பத்தியும் சீரடையவில்லை. இந்த நிலையில் யாரோ ஒருவர் ஒரு லாரியை போக்குவரத்துக்குத் தயார் செய்துவிட்டார் என்பதை அறிந்த சயூரி அதை மொத்தவிலைக் கடை இருந்த இடத்துக்கு எடுத்துச் சென்று முடிந்தவரை அத்தியாவசியப் பொருள்களைத் திரட்டிக்கொண்டு தன்னுடைய கடை இருந்த இடத்துக்கு வந்து மீண்டும் விற்க ஆரம்பித்தார்.  சாக்கலேட்டுகள், பழங்கள், புட்டியில் அடைத்த பாதுகாக்கப்பட்ட குடிநீர், தக்காளிப்பழம், ஆப்பிள், மூலிகைகள் போன்றவற்றைப் புதிதாக வாங்கிவந்தார்.  இந்த முறை சாமான்களை லாரியிலிருந்து இறக்கி வைக்கும்போதே அவை விற்றுத் தீர்ந்துவிட்டன. ஆனால் அரிசி மாவு மட்டும் அப்படியே மூட்டைகளில் மிஞ்சியிருக்கிறது. அரிசி மாவை வேகவைக்க நல்ல நீரும் அடுப்பெரிக்க எரிபொருளும் தேவை.  விரைவில் அவையும் கிடைத்துவிடும் எங்கள் வாழ்க்கை சகஜ நிலைக்குத் திரும்பிவிடும் என்று நம்பிக்கையோடு சொல்கிறார் சயூரி மியாகாவா.  இனி தொடர்ந்து மொத்தவிலை மார்க்கெட்டுக்குச் சென்று மக்களுக்குத் தேவையான பொருள்களைத் தருவித்து அவர்களுடைய தேவைகளைப் பூர்த்தி செய்வேன், இதுதான் என்னுடைய இப்போதைய வேலை என்கிறார்.  சயூரி போன்றவர்களின் உழைப்பும், நேர்மையும்தான் ஜப்பானை உன்னத நிலைக்குக் கொண்டுவந்திருக்கிறது. ""இயற்கையே நீ விளையாடியது போதும், ஜப்பானியர்களை நிம்மதியாக வாழவிடு'' என்று மனதார வேண்டிக்கொள்ளவே தோன்றுகிறது.

Japanese dog refuses to leave his friend

சுனாமி பேரலையில் சிக்கி காயமடைந்த நண்பனின் அருகே 6 நாட்களாக காவலிருந்த நாய் (வீடியோ இணைப்பு)

சுனாமி பேரலையின்போது காயமடைந்த நாயொன்றின் அருகில் பிறிதொரு நாய் 6 நாட்களாக குளிரையும் பொருட்படுத்தாமல் உணவு உறக்கமின்றி காவல் இருந்த சம்பவம் வடகிழக்கு ஜப்பானிலுள்ள இபாரகி பிரதேசத்தில் இடம்பெற்றுள்ளது. மேற்படி பிரதேசத்தை சுனாமி பேரலை தாக்கிய போது வீடொன்று இடிந்து விழுந்ததில் நாயொன்று இடிபாடுகளின் கீழ் சிக்கி படுகாயமடைந்தது. இதன்போது அந்நாயுடன் நட்புறவுடன் பழகிய பிறிதொரு நாய் சுனாமியால் அடித்துவரப்பட்ட மண் சகதியால் நனைந்த நிலையில் உயிர் தப்பியிருந்தது. மேற்படி நாய் இடிபாடுகளின் கீழ் சிக்கியிருந்த தனது நண்பனான நாயை கைவிட்டு செல்வதற்கு மனம் ஒப்பாமல் 6 நாட்களாக அதனருகே அதற்கு காவலாக இருந்துள்ளது. இந்நிலையில் மேற்படி பிராந்தியத்துக்கு செய்தி சேகரிக்க ஊடகவியலாளர்கள் சென்ற போது உடல் முழுவதும் மண் சகதியால் நனைந்து நடுங்கிக்கொண்டிருந்த நாயொன்று, அவர்களை இடிந்து விழுந்த 4 மாடி கட்டிட வீட்டின் பின் பகுதிக்கு அழைத்துச் சென்றது. அங்கு சென்ற ஊடகவியலாளர்கள், இடிபாடுகளின் கீழ் நாயொன்று சிக்கியிருப்பதை கண்டு வியப்படைந்தனர். ஆரம்பத்தில் இடிபாடுகளின் கீழ் சிக்கியிருந்த நாய் இறந்துவிட்டதாகவே அவர்கள் நினைத்தனர். ஆனால் அருகில் சென்று அவதானித்த போது நாய் உயிருடன் இருப்பதை அவர்கள் அறிந்தார்கள். உடனடியாக மீட்புப் பணியாளர்களுக்கு தகவல் பறந்தது. இதனையடுத்து சம்பவ இடத்துக்கு வந்த மீட்புப் பணியாளர்கள் இடிபாடுகளின் கீழ் சிக்கியிருந்த நாயை மீட்டனர். மேலும் காயமடைந்த நாயை அருகிலிருந்த மிருக வைத்தியசாலையொன்றுக்கு எடுத்துச் செல்லப்படும் வரை ஒரு மணி நேரமாக குறிப்பிட்ட நாய் அங்கிருந்து நகர மறுத்து காயமடைந்த நாயின் அருகிலேயே இருந்துள்ளது. மனதை உருக்கும் இந்த சம்பவம் தொடர்பான வீடியோ காட்சி "யு ரியூப்' இணையத் தளத்தில் வெளியிடப்பட்டுள்ளது.

19 Mar 2011

33692 தடவைகள் பார்வையிடப்பட்டுள்ளது

Ruthrakumaran at the Secretariat of U.N.O. ஐநாவுக்கான சப்பான் செயலகத்தில் ருத்திரகுமாரன்

சம்சுதீன் அவர்களே ! தலாய்லாமா போன்றவர்கள் நீங்கள் கருதும் இல்லாத நாட்டிற்குத்தான் தலைவர்களாக இருக்கிறார்கள் என்று தெரியுமா? அன்புடன் இலக்குவனார் திருவள்ளுவன்
/ தமிழே விழி! தமிழா விழி! /

ஐநாவுக்கான ஜப்பான் செயலகத்தில் ருத்திரகுமாரன்

First Published : 15 Mar 2011 05:38:31 PM IST

Last Updated :

கொழும்பு, மார்ச் 15- அமெரிக்காவில் நியூயார்க் நகரில் உள்ள ஐநாவுக்கான ஜப்பான் செயலகத்துக்கு, நாடு கடந்த தமிழ் ஈழ அரசின் பிரதமர் ருத்திரகுமாரன் நேற்று வந்து, ஜப்பான் மக்களுக்கு தனது ஆறுதலை தெரிவித்தார் என்று தகவல்கள் வெளியாகியுள்ளன.இயற்கைப் பேரழிவில் சிக்கியுள்ள ஜப்பானுக்கு ஈழத் தமிழ் மக்கள் சார்பில் அவர் ஆறுதலை தெரிவித்ததாக இலங்கைத் தமிழ் இணையதளங்களில் செய்தி வெளியாகியுள்ளது.மேலும், இதுதொடர்பான கடிதம் ஒன்றையும் அவர் ஜப்பான் செயலக அதிகாரியிடம் வழங்கினார் என்றும் அந்த இணையதளச் செய்தியில் தெரிவிக்கப்பட்டுள்ளது.

Email

Print

Delicious

Digg

Facebook

Twitter

2 கருத்துகள்

கருத்துகள்

வரலாற்றில் என்றுமே இல்லாத இஸ்ரேல் நாடு யூதர்களின் போராட்டத்திற்கு கிடைத்த பரிசு. வரலாற்றில் எப்போதுமே இருந்த ஈழம் என்ற நாடடைய நடக்கும் சர்வதேச அங்கீகாரம் சார்ந்த முயற்சிகளுக்கு வாழ்த்துக்கள்.

By சரவணன்
3/15/2011 8:56:00 PM

ஐயய்யய்யோ, இவனுங்க அரிப்பு தாங்கமுடியலடா! இல்லாத ஒரு நாட்டுக்கு பிரதமராம், அவர் போய் ஜப்பானுக்கு ஆறுதல் சொல்றாராம்.

By Samsudheen
3/15/2011 6:29:00 PM

உங்கள் கருத்தைப் பதிவு செய்யுங்கள் *

Japan in calamity: தலையங்கம்: துன்பக்கடலில் சப்பான்!

சரியான தலையங்கம். ஆனால், சப்பானின் துயரம் குறித்துத் தனியாகவும் கற்க வேண்டிய பாடம் குறித்துத்தனியாகவும் எழுதியிருக்கலாம். 

அன்புடன் இலக்குவனார் திருவள்ளுவன்

/தமிழே விழி! தமிழா விழி! /

தலையங்கம்: துன்பக்கடலில் ஜப்பான்!

First Published : 14 Mar 2011 01:54:05 AM IST

Last Updated :

இரண்டாவது உலகப் போரில் ஜப்பான் எதிர்கொண்ட சிக்கல்களுக்கு இணையானது இப்போது நிலநடுக்கத்தாலும் ஆழிப்பேரலையாலும், அணுஉலை வெடிப்புகளாலும் ஏற்பட்டுள்ள பாதிப்புகள். இதை ஜப்பான் பிரதமரே வெளிப்படையாகக் குறிப்பிட்டுள்ளார். ஏறக்குறைய துன்பக்கடலில் மிதக்கிறது ஜப்பான்.ஜப்பானில் நிலநடுக்கம் என்பது புதிதல்ல. அவர்கள் அடிக்கடி எதிர்கொள்ளும் பிரச்னை. இதிலிருந்து தங்களைத் தற்காத்துக்கொள்ள ஒவ்வொரு ஜப்பானியரும் பள்ளிக்கூடத்திலேயே பயிற்றுவிக்கப்படுகிறார். எப்படி உணர்ந்துகொண்டு, எப்படிப் பாதுகாப்பாகப் பதுங்குவது என்பதெல்லாம் அந்த நாட்டில் குழந்தைகளும் அறிந்த விஷயம். நிலநடுக்கத்தால் வானுயர்ந்த கட்டடங்கள் இடிந்து சரிந்ததாகச் செய்திகள் இல்லை. ஒவ்வொரு கட்டடமும் நிலநடுக்கத்தை எதிர்கொள்ளும் தொழில்நுட்பத்தால் உருவாக்கப்பட்டவை. ஆகையால்தான், ஆழிப்பேரலையில் பாதுகாப்புக்காக பலமாடிக் கட்டடத்தின் உச்சியில் நிற்பவர்கள், தங்கள் கட்டடம் கீழே முழுமையாக ஆழிப்பேரலையால் சேதமடைய, அவர்கள் மேலே அப்படியே பாதுகாப்பாக நிற்பதைப் பல தொலைக்காட்சிகளில் காண முடிகிறது. ஆழிப்பேரலையும் அவர்களுக்குப் புதிதல்ல. சுனாமி என்ற சொல்லே ஜப்பானியச் சொல்தான். ஆனால், இந்த முறை 8.9 ரிக்டர் அளவுக்கு நிலநடுக்கமும், 10 மீட்டர் உயரத்துக்கு ஆழிப்பேரலையும் எப்போதும் இல்லாத அளவுக்கு இணைந்து வந்துவிட்டது. ஜப்பானின் கடலோரப் பகுதியில், ஆழிப்பேரலை எச்சரிப்பு மணி, வானொலி அறிவிப்புகள், ஊடகங்கள் என மக்களுக்குச் சுனாமி குறித்த எச்சரிக்கை அறிவிக்கப்பட்டதால், பல லட்சம் உயிர்கள் சற்று முன்னதாகவே காப்பாற்றப்பட்டுவிட்டன. இப்போது இயற்கையின் சீற்றம் முடிந்து, அணுஉலையின் சீற்றத்தை எதிர்கொள்ள முடியாமல் திண்டாடிக் கொண்டிருக்கின்றனர் ஜப்பானியர்கள். ஜப்பானின் மூன்றில் ஒரு பங்கு மின் தேவையை அணுமின் உலைகள்தான் பூர்த்தி செய்கின்றன. அனல் மின்நிலையமோ புனல் மின்நிலையமோ அமைக்கப் போதுமான இயற்கை வளம் அங்கு இல்லை. அமெரிக்க அணுகுண்டு வீச்சால், கதிர்வீச்சைச் சந்தித்த தைரியத்தாலோ என்னவோ, அந்த நாட்டில் 50-க்கும் மேற்பட்ட அணுஉலை மின்நிலையங்கள் உள்ளன. தற்போது இவற்றில் 11 மின் நிலையங்கள் நிலநடுக்கம் காரணமாக மூடப்பட்டுவிட்டன. ஆனகவா அணுஉலைக்கூடத்தில் உள்ள மூன்று உலைகளும் நிலநடுக்கம் ஏற்பட்டவுடன் தானாகவே உற்பத்தியை நிறுத்திவிட்டன. ஆனால் மற்ற இடங்களில் உள்ள உலைகள் பெரும்பாலும் 1970-ம் ஆண்டுகளில் அமைக்கப்பட்டவை. அவை மனிதர்களால் நிர்வகிக்கப்படுபவை.புகுஷிமா அணுமின் நிலையத்தில் முதல் அணுஉலைக்கூடம் நிலநடுக்கத்தால் பாதிக்கப்பட்டவுடன் அதில் கடல்நீரைப் பாய்ச்சி நிலைமையைக் கட்டுக்குள் கொண்டுவந்துவிட்டனர். இனி அந்த முதல் உலையைப் பயன்படுத்தவே முடியாது. இப்போது மூன்றாவது உலை வெடித்து, உருகிக்கொண்டிருக்கிறது. உலைக் கலன் 15 செ.மீ. கனமுள்ள எஃகு தகட்டினால் மூடப்பட்டுள்ளது. இதுதான் இப்போது உருகிக்கொண்டிருக்கிறது. இது வெடித்தால், ஹைட்ரஜன் அணுவெடிகுண்டு விளைவித்த சேதத்தைக் காட்டிலும் அதிக சேதம் விளையும்.ஏறக்குறைய, இந்த நிலைமை செர்னோபில் அணுஉலைக் கூடத்துக்கு ஏற்பட்டதைப் போன்றதுதான். ஏற்கெனவே, அங்கே கதிர்வீச்சினால் உயிரிழப்புகள் நூற்றுக்கணக்கில் ஏற்பட்டுவிட்டதாகவும், 1.76 லட்சம் பேர் வெளியேற்றப்பட்டு, அவர்களுக்கு கதிர்வீச்சு பாதிப்புகள் உள்ளதா என்பதை அறிய ஜப்பானியர்கள் தாற்காலிக முகாம்களில் சோதிப்பதாகவும் செய்திகள் வந்துகொண்டிருக்கின்றன.உலக நாடுகள் அனைத்தும் ஜப்பானின் நிலைமைக்காகப் பரிதாபப்பட்டாலும், வேதனையைத் தெரிவித்தாலும் அவர்களை வேறு இடங்களுக்கு, தேவைப்பட்டால் வேறு நாடுகளுக்குப் பாதுகாப்பாகச் சிறிதுகாலம் கொண்டுபோய் வைத்திருக்கும் வாய்ப்புகளையும்கூட நல்க வேண்டும். அந்த அளவுக்கு அங்கே நிலைமை மோசமாகிக் கொண்டிருக்கிறது. எல்லாவற்றுக்கும் மின்சாரத்தை நம்பியிருக்கும் ஒரு நாட்டில், அணுஉலை விபத்து காரணமாக தற்போது மின்உற்பத்தி பாதியாகக் குறைந்துவிட்டது. தொழில்துறைக்கு மின்சாரம் அளிக்க முடியவில்லை. வீடுகளுக்கும் மின்சாரம் அளிக்க முடியவில்லை. ஆழிப்பேரலையால் பாதிக்கப்பட்ட பகுதிகளுக்கும் மின்சாரம் அளிக்க முடியவில்லை. மின்சாரம் கிடைத்தால், தற்போது உருகும் உலைக்கூடத்தில் கருவிகள் செயல்படத் தொடங்கி, நிலைமையை விரைந்து கட்டுப்படுத்திவிடலாம் என்கிறார்கள். அதற்கும்கூட வழியில்லை. 2007-ம் ஆண்டு காஸிவாஸகி அணுமின் நிலையம் (8000 மெகாவாட் உற்பத்தித் திறன் கொண்டது) நிலநடுக்கத்தால் பாதிக்கப்பட்டபோது, அதை இரண்டு ஆண்டுகளுக்கு மூடி வைத்த அனுபவம் ஜப்பானுக்கு உண்டு. இருந்தாலும்கூட, தற்போதைய நிலைமை, எல்லா அனுபவங்களையும் மீறியதாக இருக்கிறது. இயற்கையின் சீற்றத்தை எதிர்கொள்ள எந்தவொரு நாட்டாலும் முடியாது என்பதைத்தான் மீண்டும் இயற்கை நமக்குச் சொல்கிறது. இந்தியாவில் அணுமின் நிலையங்களை தனியார் அமைக்க ஒப்பந்தங்கள் போட்டுள்ளோம். அதற்கான இழப்பீடு குறித்துத்தான் நாம் முரண்படுகிறோம். உயிர்இழப்புகள் குறித்து அல்ல. அணுஉலைக்கூடங்களைப் பொறுத்தவரை இந்தியா ஒருமுறைக்கு நூறுமுறை யோசித்து முடிவெடுக்க வேண்டும்.விஞ்ஞானம் மனிதனின் நாகரிக மேம்பாட்டுக்கு உதவி இருக்கிறது என்பது உண்மை. ஆனால், எதுவுமே அளவுக்கு மீறினால் ஆபத்தாக மட்டுமே முடியும் என்பதை நாம் நினைவில் கொள்ள வேண்டும். வசதிகளைப் பெருக்கி வாழ்க்கையை வளமாக்குவது சரி. எப்படி, எந்த அளவுக்கு என்பதைப் பொறுத்துத்தான் அதற்கு நாம் என்ன விலை கொடுக்க நேரும் என்பதை இயற்கையின் சீற்றம் ஜப்பான் மூலம் உணர்த்தி இருக்கிறது.பட்டுத் திருந்துவது ஒருவகை. பார்த்துத் திருந்துவதும் ஒருவகை.

Inida helps to Japan: சப்பானுக்கு இந்தியா உதவி

விரைந்து உதவுக! நிறைவாக உதவுக! அரசியல் நோக்கமின்றி உதவுக! உற்றுழி உதவுக! 

துயரத்துடன்
 இலக்குவனார் திருவள்ளுவன் 

/தமிழே விழி! தமிழா விழி! /

ஜப்பானுக்கு இந்தியா உதவி

First Published : 13 Mar 2011 02:18:50 PM IST

Last Updated :

புதுதில்லி, மார்ச்.13: சுனாமியால் பாதிக்கப்பட்ட மக்களுக்கு கம்பளிப் போர்வைகள் உள்ளிட்ட நிவாரண உதவிகளை இந்தியா அளிக்க உள்ளது.நிலநடுக்கத்தால் பாதிக்கப்பட்ட செண்டாய் உள்ளிட்ட பகுதிகளில் வசிக்கும் மக்களுக்கு தரமான கம்பளிப் போர்வைகளுடன் இந்தியாவில் இருந்து முதல் விமானம் புறப்படத் தயாராக உள்ளது என வெளியுறவுச் செயலர் நிருபமா ராவ் தெரிவித்தார்.தில்லியில் உள்ள ஜப்பான் தூதருடன் இதுகுறித்து விவாதித்தோம். பாதிக்கப்பட்ட மக்களுக்கு குளிரைத் தாங்கக்கூடிய கம்பளிப்போர்வைகள் பயனுள்ளதாக இருக்கும் என நிருபமா கூறினார்.ஹரியானா, பஞ்சாப் அரசுகள் கம்பளிப்போர்வைகளை அளித்து உதவிவருவதாக வெளியுறவுத் துறை அதிகாரிகள் தெரிவித்தனர்.நிருபமா ராவ் ஜப்பான் மக்களின் தேவைகள் தொடர்பாக இந்தியத் தூதரகத்துடனும், ஜப்பான் அதிகாரிகளுடனும் தொடர்ந்து ஆலோசித்து வருகிறார். அவர்களுக்கு சாத்தியமுள்ள அனைத்து உதவிகளும் உடனடியாக வழங்கப்படும் என வெளியுறவுத் துறை அதிகாரிகள் தெரிவித்தனர்.ஜப்பானில் கடந்த வெள்ளிக்கிழமை கடும் நிலநடுக்கம் ஏற்பட்டது. இதனால் சுனாமி ஏற்பட்டு கடல்நீர் நிலப்பரப்புக்குள் புகுந்தது. சுனாமியால் 1300-க்கும் மேற்பட்டோர் உயிரிழந்திருப்பதாக ஊடகத் தகவல்கள் தெரிவிக்கின்றன. உயிரிழப்பு மேலும் அதிகரிக்கலாம் என்றும் அந்தத் தகவல்கள் குறிப்பிடுகின்றன.மினாமிசன்ரிகு நகரில் சுமார் 10 ஆயிரம் பேரைக் காணவில்லை என்று அந்நாட்டின் அரசு ஊடகம் தெரிவித்துள்ளது.

100000 people suffered without food in Japan: சப்பானில் லட்சக்கணக்கானோர் உணவின்றி தவிப்பு

ஜப்பானில் லட்சக்கணக்கானோர் உணவின்றி தவிப்பு

First Published : 13 Mar 2011 12:45:58 PM IST

Last Updated : 13 Mar 2011 12:47:57 PM IST

டகாஜோ, மார்ச்.13: ஜப்பானில் கடந்த வெள்ளிக்கிழமை ஏற்பட்ட நிலநடுக்கத்தைத் தொடர்ந்து லட்சக்கணக்கான மக்கள் 2 நாட்களாக உணவு, குடிநீர், மின்சாரம் இன்றி தவித்து வருகின்றனர்.வெள்ளிக்கிழமையன்று ஏற்பட்ட கடுமையான நிலநடுக்கத்தால் ஜப்பானை சுனாமி தாக்கியது. இதில் 1000-த்துக்கு மேற்பட்டவர்கள் உயிரிழந்தனர்.மீட்புப் பணிகளில் ஜப்பான் ராணுவத்தினர் சுமார் 100,000 பேர் ஈடுபட்டு வருகின்றனர். கடற்கரையோரம் அமைந்துள்ள ஒரு மின்சாரத் தொழிற்சாலையின் 2 அணு உலைகள் சுனாமியால் சேதமடைந்துள்ளன. இதனால் நாடுமுழுவதும் அணுக்கதிர் பரவும் அபாயம் ஏற்பட்டுள்ளது.முதலில் நிலநடுக்கம் குறித்து கவலை அடைந்தோம். தற்போது அணுக்கதிர் குறித்து கவலையில் ஆழ்ந்துள்ளோம். அணு உலைகளுக்கு அருகில் வசிப்பதால் இங்கு வந்து பரிசோதனை செய்தோம். பரிசோதனையில் உடலுக்கு பாதிப்பு எதுவும் இல்லை என்றாலும் அடுத்து என்ன நடக்கும் என்று தெரியாது என கோரியாமாவில் அவசரகால மையத்தில் கட்டுமானத் தொழிலாளி ஒருவர் தெரிவித்தார்.ஜப்பானின் பெரும்பகுதி தண்ணீரால் சூழப்பட்டுள்ளது. அப்பகுதிக்கு யாரும் செல்ல முடியவில்லை. எரிபொருள் நிலையங்கள் மூடப்பட்டுள்ளன.380,000 பேர் தங்கள் வீடுகளில் இருந்து வெளியேற்றப்பட்டு அவசரகால வசிப்பிடங்களில் தங்கவைக்கப்பட்டுள்ளனர். இவாகி நகரில் உணவு மற்றும் எரிபொருள் இல்லாததால் குடியிருப்புவாசிகள் வெளியேறி வருகின்றனர். அந்த நகரில் மின்சாரம் இல்லை. அனைத்து கடைகளும் மூடப்பட்டுள்ளன.ஜப்பான் முழுவதும் கடந்த 2 நாட்களாக 14 லட்சம் பேர் குடிநீர் இல்லாமலும், 25 லட்சம் பேர் மின்சார வசதி இல்லாமலும் தவித்து வருவதாக தகவல்கள் தெரிவிக்கின்றன.

the death toll in Miyagi region alone could top 10,000.: சப்பானின் மியாகியில் 10 ஆயிரம் பேர் பலி?

ஜப்பானின் மியாகியில் 10 ஆயிரம் பேர் பலி?

First Published : 13 Mar 2011 03:18:35 PM IST

Last Updated : 13 Mar 2011 03:21:46 PM IST

டோக்கியோ, மார்ச்.13: நிலநடுக்கம், சுனாமியால் மிக மோசமாக பாதிக்கப்பட்ட ஜப்பானின் வடகிழக்கு மியாகி பகுதியில் பலி எண்ணிக்கை 10 ஆயிரத்தைத் தாண்டும் என போலீசார் மதிப்பிட்டுள்ளனர்.மியாகியில் இதுவரை 379 உயிரிழப்புகள் மட்டும் உறுதிப்படுத்தப்பட்டுள்ளது.பலி எண்ணிக்கை 10 ஆயிரத்துக்கும் மேலாக இருக்கும் என மியாகி போலீஸ் தலைவர் மதிப்பிட்டுள்ளதாக போலீஸ் செய்தித்தொடர்பாளர் கோ சுகவாரா தெரிவித்தார்.

huge plast at japan nuclear power plant: சப்பானில் அணுஉலை வெடித்தது: நாடு முழுவதும் எச்சரிக்கை நிலை

ஜப்பானில் அணுஉலை வெடித்தது: நாடு முழுவதும் எச்சரிக்கை நிலை

First Published : 12 Mar 2011 04:10:20 PM IST

Last Updated : 12 Mar 2011 04:17:56 PM IST

டோக்யோ, மார்ச் 12- ஜப்பானில் அணுஉலை இன்று வெடித்ததால் அந்நாட்டில் அணுசக்தி ஆபத்துக்கான எச்சரிக்கை விடுக்கப்பட்டுள்ளது.இதனிடையே, அந்நாட்டில் சுனாமிக்கு உயிரிழந்தோரின் எண்ணிக்கை 1600 ஆக உயர்ந்துள்ளது. இத்தகவலை ஜப்பானின் க்யோடா செய்தி நிறுவனம் வெளியிட்டுள்ளது.வடக்கு ஜப்பானில் உள்ள ஃபுகுஷிமா அணுமின் நிலையத்தில் உள்ள முக்கிய அணுஉலை இன்று உள்ளூர் நேரப்படி மதியம் 3 மணியளவில் வெடித்தது. இதில், 4 பேர் காயமடைந்தனர். இதையடுத்து ஜப்பான் முழுவதும் அணுசக்தி ஆபத்துக்கான எச்சரிக்கை விடுக்கப்பட்டுள்ளது. மேலும், கதிர்வீச்சு அபாயம் காரணமாக அணுமின் நிலையம் அருகே 10 கி.மீ. சுற்றளவில் வசித்து வந்த 45 ஆயிரம் பேர் வேறு பாதுகாப்பான இடங்களுக்கு அழைத்துச் செல்லப்பட்டனர்.ஜப்பானில் நேற்று ஏற்பட்ட நிலநடுக்கம் மற்றும் சுனாமி காரணமாக அணுஉலை குளிரூட்டப்படவில்லை. இதனால் அணுஉலையின் வெப்பம் அதிகரித்து வெடித்ததாக கூறப்படுகிறது. ஃபுகுஷிமா அணுமின் நிலையத்தில், அணுஉலை உள்ள பிரதான கட்டடமும், வெளிப்புற சுவர்களும் முற்றிலும் சேதமடைந்ததாக தகவல்கள் கூறுகின்றன.முன்னதாக, இன்று காலை ஜப்பான் பிரதமர் நாடோ கன், ஹெலிகாப்டர் மூலம் அந்த அணுமின் நிலையத்தை பார்வையிட்டார்.

Tsunami in Japan and arivaalayam: ஜப்பானை புரட்டி போட்டது; தி.மு.க.,வை கலங்கடித்தது

ஜப்பானை புரட்டி போட்டது; தி.மு.க.,வை கலங்கடித்தது

சென்னை : ஜப்பான் நாட்டில் நேற்று சுனாமி தாக்கிய அதே நேரத்தில், சென்னையில் தி.மு.க., தலைமை அலுவலகம் அமைந்துள்ள அறிவாலயத்துக்குள் சி.பி.ஐ., அதிகாரிகள் புகுந்தனர். "2ஜி' ஸ்பெக்ட்ரம் விவகாரத்தில், "கலைஞர் டிவி'யின் பங்குதாரர்களான தயாளு, கனிமொழி எம்.பி., ஆகியோரிடம் அதிகாரிகள் விசாரணை நடத்தினர். கீழ்தளத்தில் கட்சியிருடன் அப்போது நேர்காணல் நடத்திக் கொண்டிருந்தார் தி.மு.க., தலைவர் கருணாநிதி. தி.மு.க., அலுவலகத்துக்குள்ளேயே சி.பி.ஐ., இரண்டாவது முறையாக புகுந்தது, தி.மு.க., வட்டாரத்தை கலங்கடித்துள்ளது.

"2ஜி' ஸ்பெக்ட்ரம் அலைவரிசை தொடர்பான ஏலத்தில், 1 லட்சத்து 76 ஆயிரம் கோடி ரூபாய் அரசுக்கு இழப்பு ஏற்படுத்தி, மோசடியில் ஈடுபட்டது தொடர்பாக, அத்துறையின் மத்திய அமைச்சராக இருந்த தி.மு.க.,வின் ராஜா, சி.பி.ஐ.,யால் கைது செய்யப்பட்டு திகார் சிறையில் அடைக்கப்பட்டுள்ளார்.ராஜாவிடம் நடத்திய விசாரணையில், "டி.பி. ரியாலிட்டி' நிறுவனத்தின் உரிமையாளரான சாகித் உஸ்மான் பல்வாவை கைது செய்தனர்.அவரிடம் நடத்தப்பட்ட விசாரணையில், தமிழக ஆளுங்கட்சி தி.மு.க.,வின், "கலைஞர் டிவி'யில் 214 கோடி ரூபாய் முதலீடு செய்த தகவல் கிடைத்தது. "கலைஞர் டிவி'யைப் பொறுத்தவரை, முதல்வரின் மனைவி தயாளுவுக்கு 60 சதவீத பங்குகளும், மகள் கனிமொழிக்கு 20 சதவீத பங்குகளும், அதன் மேலாண் இயக்குனரான சரத் ரெட்டிக்கு 20 சதவீத பங்குகளும் உள்ளன. "கலைஞர் டிவி'க்கு எந்த வகையில் முதலீடு செய்யப்பட்டது என்பது தொடர்பாக கேள்விகள் எழுந்தன.இந்நிலையில், அந்த தொகையை கடனாக பெற்றதாகவும், 30 கோடி ரூபாய் வட்டியுடன் திருப்பி செலுத்தி விட்டதாகவும், எப்போது வேண்டுமானாலும் அலுவலகத்தில் வந்து சோதனையிடலாம் என்றும், "டிவி' நிர்வாகம் அறிக்கை வெளியிட்டது. ஸ்பெக்ட்ரம் விவகாரம் தொடர்பாக இம்மாதம் 31ம் தேதிக்குள் அறிக்கை சமர்ப்பிக்க சுப்ரீம் கோர்ட் உத்தரவிட்டுள்ளதை அடுத்து, தற்போது சி.பி.ஐ.,யின் நடவடிக்கைகள் விரைவுபடுத்தப்பட்டுள்ளன.

"கலைஞர் டிவி' விவகாரத்தை தாண்டி, கனிமொழிக்கு ஸ்பெக்ட்ரம் விவகாரத்தில் உள்ள தொடர்பு குறித்து விசாரிக்க சி.பி.ஐ., முடிவெடுத்து, அதற்கான நேரத்தை எதிர்பார்த்து காத்திருந்தது. இதே சூழலில், தி.மு.க., - காங்கிரஸ் கூட்டணி தொடர்பான பிரச்னைகளும் எழுந்தன.இப்பிரச்னை அடங்கிய நிலையில், கடந்த சில தினங்களுக்கு முன், "கலைஞர் டிவி' பங்குதாரர்களுக்கு சி.பி.ஐ., சம்மன் அனுப்பியது. அதில், நேற்று காலை "கலைஞர் டிவி' அலுவலகத்தில் விசாரணை நடத்தப் போவதாக அறிவிக்கப்பட்டிருந்தது. தி.மு.க., தலைமை அலுவலகமான அறிவாலய வளாகத்தில், "கலைஞர் டிவி' அலுவலகம் அமைந்துள்ளது. இந்த வளாகத்தில் தி.மு.க., வேட்பாளர்கள் நேர்காணல், கூட்டணி பேச்சுவார்த்தை நடந்து கொண்டிருக்கும் வேளையில், நேற்று காலை 8.45 மணிக்கு திடீரென, டில்லி சி.பி.ஐ., பெண் அதிகாரி ஒருவர் உள்ளிட்ட மூன்று அதிகாரிகள், சென்னை சி.பி.ஐ., அதிகாரி ஒருவர் உதவியுடன் நுழைந்தனர்.அப்போது, "டிவி'யின் மேலாண் இயக்குனர் சரத் ரெட்டி இருந்தார். கனிமொழி, தயாளு இருவருக்கும் தகவல் தெரிவிக்கப்பட்டது.

தொடர்ந்து, 10.15 மணிக்கு கனிமொழியும், 10.30 மணிக்கு தயாளுவும், "டிவி' அலுவலகத்திற்குள் நுழைந்தனர். திட்டமிட்டபடி, காலை 11 மணிக்கு, தயாளுவிடம் விசாரணை துவங்கியது. ஒரு மணி நேரம் நடந்த விசாரணையில், "டிவி'க்கு முதலீடு பெற்ற விதம், செலுத்தப்பட்ட வட்டித் தொகை எங்கிருந்து வந்தது என்பதற்கான விளக்கங்கள் பெறப்பட்டதாக கூறப்படுகிறது. பிற்பகல் 12.15 மணிக்கு விசாரணை முடிந்து, தயாளு புறப்பட்டார். அடுத்ததாக, கனிமொழியிடமும், தொடர்ந்து சரத் ரெட்டியிடமும் விசாரணை நடந்தது. பகல் 2.10 மணிக்கு விசாரணையை முடித்த சி.பி.ஐ., அதிகாரிகள், 2.15 மணிக்கு அங்கிருந்து புறப்பட்டு சென்றனர். விசாரணையில், ஸ்பெக்ட்ரம் விவகாரம் தொடர்பாக சில முக்கிய தகவல்கள் சி.பி.ஐ., அதிகாரிகளுக்கு கிடைத்திருப்பதாகக் கூறப்படுகிறது.

கூட்டணி பேச்சுவார்த்தை முடிந்தாலும், தொகுதி ஒதுக்கீடு விஷயத்தில் இன்னும் தி.மு.க., - காங்கிரஸ் இடையில் முடிவு ஏற்படாமல் இழுபறி நீடிக்கும் நிலையில், சி.பி.ஐ.,யின் இந்த விசாரணை நடவடிக்கை, தி.மு.க.,வினரிடையே கலக்கத்தை ஏற்படுத்தியுள்ளது. சி.பி.ஐ.,யின் அடுத்த கட்ட, "மூவ்' என்ன என்பது, யாருக்கும் தெரியாத நிலையில், என்ன நடக்குமோ என அனைத்து தரப்பும் அச்சத்தில் ஆழ்ந்துள்ளது. சுனாமி போல் "2ஜி' விவ காரம் தி.மு.க.,வை தாக்குவதால், கட்சியினர் கலக்கமடைந்துள்ளனர்.

ஜப்பானை புரட்டி போட்டது:

டோக்கியோ : ஜப்பானின் சமீபத்திய வரலாற்றில், இதுவரை இல்லாத அளவிற்கு நேற்று மிக பயங்கரமான நிலநடுக்கமும், சுனாமியும் ஏற்பட்டன. இந்த இயற்கைப் பேரழிவில், அந்நாட்டின் வட கிழக்குப் பகுதி பெரிதும் பாதிக்கப்பட்டது. இதில், நூற்றுக்கும் மேற்பட்டோர் பலியாயினர். தொடர்ந்து மீண்டும் நிலநடுக்கம் ஏற்படலாம் என்று நிபுணர்கள் எச்சரிக்கை விடுத்துள்ளனர்.

நிலநடுக்கப் பகுதியில் தான் ஜப்பான் அமைந்துள்ளது. பூமிக்கடியில் உள்ள யூரேஷியன், பசிபிக் மற்றும் பிலிப்பைன்ஸ் கண்டத் திட்டுகள் ஒன்று சேரும் இடத்தில் அமைந்துள்ளது ஜப்பான் தலைநகர் டோக்கியோ. இதனால், நிலநடுக்கம் ஜப்பானுக்கு வழக்கமானதே. மேலும் அங்கு எரிமலைகளும் அதிகம்.டோக்கியோ உள்ளிட்ட ஏழு பகுதிகள் அடங்கிய கான்ட்டூ பிராந்தியம், ரிக்டர் அளவில் 8 புள்ளிகள் அளவிலான நிலநடுக்கத்திற்கு ஆளாகும் வாய்ப்பு இருப்பதாக அறிவிக்கப்பட்ட பகுதி.பயங்கர நிலநடுக்கம்: கடந்த இரண்டு நாட்களாக ஜப்பானின் வடகிழக்குப் பகுதியில் நிலநடுக்கம் ஏற்பட்டுக் கொண்டே இருந்தது. முதல் நாளில் ஏற்பட்ட நிலநடுக்கத்தை அடுத்து கடலில் இரண்டடி உயரமுள்ள சுனாமி ஏற்பட்டது. இரண் டாவது நாளில் சுனாமி எச்சரிக்கை எதுவும் விடுக்கப்படவில்லை.அதே நேரம், ஜப்பானின் வடகிழக்குப் பகுதி, சீனாவின் தென்பகுதி, பாப்புவா நியூகினியா நாடு ஆகியவற்றில் நிலநடுக்கம் ஏற்பட்டது.

இந்நிலையில், டோக்கியோவில் இருந்து 400 கி.மீ., தொலைவில் வடகிழக்குப் பகுதியில் கடலில் நேற்று, இந்திய நேரப்படி முற்பகல் 11.16 மணியளவில் பயங்கர நிலநடுக்கம் ஏற்பட்டது. ஜப்பானின் வடகிழக்கு கடற்கரையோர நகரான செண்டாயில் இருந்து 81 மைல் தொலைவில் கடலில், 15 மைல் ஆழத்தில் இந்த நிலநடுக்கம் உருவானது. ரிக்டர் அளவுகோலில் பின்னர் 8.9 புள்ளிகள் பதிவானது.செண்டாய், புக்குஷிமா பகுதிகள் துவங்கி தென்பகுதியில் டோக்கியோ மற்றும் வடபகுதியில், ஐவேட் மாகாணம் வரை நிலநடுக்கம் உணரப்பட்டது.

மக்கள் அலறல்: டோக்கியோவில் கட்டடங்கள் குலுங்கின. நிலநடுக்கம் ஏற்பட்டதும், மக்கள் வீடுகளை விட்டு தெருக்களுக்கு வந்தனர். அவசரமாக எச்சரிக்கை சங்கும் ஒலித்தன. டோக்கியோ தெருக்களில் உள்ள 24 மணி நேர கடைகளில் சாண்ட் விச், இன்ஸ்டன்ட் நூடுல்ஸ், குளிர்பானங்களை அவசரமாக வாங்கி கடையை காலி செய்தனர். கடைகளில் ஏற்பட்ட அதிர்ச்சியில் அங்கிருந்த பீங்கான் பொருட்கள் உடைந்து சிதறி குவியலாக இருந்தது. அவசர அவசரமாக அரசு அறிவிப்புகள் ஒலிபரப்பப்பட்டன. அலுவலகத்தில் இருந்து எல்லாரும் வீடுகளுக்கு செல்ல வேண்டாம். நெரிசலை தவிருங்கள். இரவு நேரம் வந்து விடும் என்பதால், பாதுகாப்பான இடங்களில் அல்லது அலுவலகத்தில் பாதுகாப்பாக இருக்க அறிவுறுத்தப்பட்டனர்.நிலநடுக்கத்தையடுத்து, சுனாமி எச்சரிக்கை விடப்பட்டது.

சுனாமி பேரழிவு: இந்நிலநடுக்கத்தால் கடலில் சுனாமி உருவானது. 10 மீ., (33 அடி) உயரத்துக்கு உருவான அலை, ஜப்பானின் வடகிழக்கு கடற்கரையை கடும் வேகத்தில் வந்து தாக்கியது. தொடர்ந்து செண்டாய், புக்குஷிமா பகுதிகளுக்குள் அலை சீறிப் பாய்ந்தது.கார்கள், லாரிகள், படகுகள், கப்பல்கள், கட்டடப் பகுதிகள் என அனைத்தும் பொம்மைகளைப் போல சுனாமியில் அடித்துக் கொண்டு செல்லப்பட்டன. இந்தப் பயங்கரக் காட்சியை, "டிவி'யில் பார்த்த பலரும் மிரண்டனர். செண்டாய் மற்றும் டோக்கியோவின் புறநகர்ப் பகுதி உட்பட 80 பகுதிகளில், பயங்கர தீ விபத்து ஏற்பட்டது.செண்டாய் நகரின் புறநகர்ப் பகுதியில் இருந்த பண்ணைகள் அனைத்தும் சுனாமி வெள்ளத்தில் மூழ்கடிக்கப்பட்டன. சுனாமி ஏற்பட்ட பின்னும் நிலநடுக்கம் பல முறை நிகழ்ந்ததாக செய்திகள் வெளியாயின. சுனாமி மற்றும் நிலநடுக்கத்தில் இதுவரை நூற்றுக்கும் மேற்பட்டோர் பலியானதாக ஜப்பான் அரசு தெரிவித்துள்ளது. மீட்புப் பணிகள் இன்னும் முழு வீச்சில் துவங்காத நிலையில், பலி எண்ணிக்கை குறித்த முழு தகவல்கள் வெளிவரவில்லை.

அணு உலைகள் மூடல்: தொடர்ந்து நாட்டின் வடகிழக்குப் பகுதிகளில் உள்ள அணு உலைகள் அனைத்தும் மூடப்பட்டதாக அரசு அறிவித்தது. அவற்றில் இருந்து கதிர்வீச்சு வெளியாகவில்லை என்று பிரதமர் நவோட்டா கான் தெரிவித்துள்ளார். எனினும், அணு உலைகள் இருக்கும் பகுதிகளில் அவசர நிலை உத்தரவு பிறப்பிக்கப்பட்டுள்ளது.மெட்ரோ ரயில் போக்குவரத்து நிறுத்தப்பட்டது. டோக்கியோ விமான நிலையம் மூடப்பட்டதால் விமானப் போக்குவரத்து தடைபட்டது.இந்நிலையில், மீண்டும் நிலநடுக்கம் ஜப்பானின் அதே பகுதியை தாக்கக் கூடும் என்று நிலவியல் நிபுணர்கள் எச்சரிக்கை விடுத்துள்ளனர்.

இந்தியர்களுக்கு ஆபத்து இல்லை : சுனாமியால் இந்தியாவுக்கும், ஜப்பானில் வாழும் இந்தியர்களுக்கும் ஆபத்து எதுவும் இல்லை என்று மத்திய அரசு தெரிவித்துள்ளது.

இதுதொடர்பாக, மத்திய உள்துறை அமைச்சகம் வெளியிட்டுள்ள அறிக்கை: ஐதராபாத்தைச் சேர்ந்த இந்திய தேசிய கடல்சார் தகவல் சேவைகள் மையம் தெரிவித்துள்ள தகவல்களின்படி, இந்தியாவுக்கு சுனாமி ஆபத்து எதுவும் இல்லை. இருந்தாலும், அந்த மையம் தொடர்ந்து நிலைமையை கண்காணித்து வருகிறது. ஜப்பானை பூகம்பம் மற்றும் சுனாமி தாக்கியது, 2004ல் இந்தியாவின் பல பகுதிகளை சுனாமி ஆழிப் பேரலை தாக்கியதை நினைவுபடுத்தியுள்ளது.டோக்கியோ அருகில் உள்ள கான்டூ மற்றும் கான்சாய் பகுதிகளில் வசிக்கும் 25 ஆயிரம் இந்தியர்களுக்கு பாதிப்பு இல்லை. இந்த பேரிடர் பாதிப்பில் இந்தியா உதவிக்கரம் நீட்ட தயார். இவ்வாறு தெரிவிக்கப்பட்டுள்ளது.

ஐதராபாத்தைச் சேர்ந்த தேசிய பேரிடர் மேலாண்மை ஆணையத்தின் துணைத் தலைவர் சசிதர் ரெட்டி கூறுகையில், ""இந்தியாவுக்கு சுனாமி ஆபத்து எதுவும் இல்லை. இந்திய கடலோரப் பகுதிகளை சுனாமி தாக்கும் என்ற அச்சமும் தேவையில்லை. அதேநேரத்தில், பிலிப்பைன்ஸ், தைவான் மற்றும் இந்தோனேசியா போன்ற நாடுகள் சுனாமி எச்சரிக்கை விடுத்துள்ளன,'' என்றார்.கடந்த 2004ம் ஆண்டில் சுனாமி தாக்கிய போது, இந்தோனேசியா, இலங்கை மற்றும் இந்தியா ஆகிய மூன்று நாடுகளும் கடுமையாக பாதிக்கப்பட்டன.

Tsunami in Japan: ஜப்பானில் சுனாமி: 1000 பேர் சாவு

ஜப்பானில் சுனாமி: 1000 பேர் சாவு

First Published : 12 Mar 2011 01:46:48 AM IST

Last Updated :

மியாகி மாகாணம் நடோரியில் சுனாமியின் சீற்றம்.

டோக்கியோ, மார்ச் 11: ஜப்பானில் வெள்ளிக்கிழமை ஏற்பட்ட கடுமையான நிலநடுக்கம், அதைத் தொடர்ந்து ஏற்பட்ட சுனாமியில் ஆயிரத்துக்கும் மேற்பட்டோர் உயிரிழந்திருக்கலாம் என அஞ்சப்படுகிறது.தலைநகர் டோக்கியோவின் வடமேற்குப் பகுதியில் சுமார் 400 கி.மீ தொலைவில் ஏற்பட்ட இந்த நிலநடுக்கம், ரிக்டர் அளவுகோலில் 8.9 அலகுகளாகப் பதிவானது. 33 அடி உயரத்துக்கு ராட்சத அலைகள் எழுந்தன. கார்கள், பஸ்கள், ரயில், வீடுகள் என ஒரு நகரையே கடல் நீர் அடித்துச் சென்றுவிட்டது.கடலோரப் பகுதிகளில் மின்சாரமும் தொலைத் தொடர்பு வசதிகளும் துண்டிக்கப்பட்டன. மியாகி மாநிலத்தில் உள்ள செண்டாய் நகர விமான நிலையத்தில் நிறுத்தி வைக்கப்பட்டிருந்த சிறிய ரக விமானங்களையும், கார்களையும் கடல்நீர் அடித்துச் சென்றது.நிலநடுக்கத்தால் பல பகுதிகளில் குடியிருப்புகள் தீப்பற்றி எரிந்துகொண்டிருக்கின்றன. எண்ணெய்ச் சுத்திகரிப்பு ஆலை ஒன்றிலும் கட்டுக்கடங்காமல் தீ எரிந்து கொண்டிருக்கிறது.செண்டாய் நகரின் ஒரு பகுதியில் மட்டும் 200 முதல் 300 உடல்கள் கிடைத்திருக்கின்றன. நாடு முழுவதும் ஆயிரத்துக்கும் மேற்பட்டோர் இறந்திருக்கலாம் என்றும், நூற்றுக்கணக்கானோரைக் காணவில்லை என்றும் கூறப்படுகிறது.அணுமின் நிலையம் எரிந்தது:கடலோரப் பகுதியில் இருக்கும் ஓனகவா அணுமின் நிலையம் தீப்பற்றி எரிவதாகவும், இதையடுத்து அந்தப் பகுதியில் அவசரச் சட்டம் பிறப்பிக்கப்பட்டதாகவும் கூறப்பட்டது. அங்கு கதிர்வீச்சு அபாயம் ஏற்பட்டிருப்பதாகவும் செய்திகள் வெளியாகின. ஆனால், இதை ஜப்பான் அரசு மறுத்திருக்கிறது. கதிர்வீச்சு ஆபத்தில்லை என சர்வதேச அணுசக்தி முகமையும் அறிவித்தது.ஆனால், ஃபுகுஷிமா பகுதியில் உள்ள மற்றொரு அணு உலையில் குறைந்த அளவு கதிர்வீச்சு ஏற்பட்டிருக்கலாம் என ஜப்பான் வர்த்தக அமைச்சர் தெரிவித்தார். இந்த அணு உலையைக் குளிர்விப்பதற்கான கருவிகளை அமெரிக்கா அனுப்பி வைத்திருப்பதாக அந்நாட்டு வெளியுறவு அமைச்சர் ஹிலாரி கிளின்டன் தெரிவித்திருக்கிறார்.அணை உடைந்தது:ஃபுகுஷிமா பகுதியில் உள்ள அணை உடைந்து ஊருக்குள் வெள்ளம் புகுந்துவிட்டதாக கியோடா செய்தி நிறுவனம் தெரிவித்திருக்கிறது. இதில் சுமார் 1800 வீடுகள் அடித்துச் செல்லப்பட்டதாகவும் தெரிகிறது.50 நாடுகளுக்கு சுனாமி எச்சரிக்கை:ஜப்பானில் ஏற்பட்ட நிலநடுக்கத்தைத் தொடர்ந்து அமெரிக்கா, சீனா, ரஷியா, ஆஸ்திரேலியா, நியூசிலாந்து, மெக்சிகோ, கனடா, சிலி, பிலிப்பின்ஸ், மெக்சிகோ உள்ளிட்ட பசிபிக் கடலோர நாடுகளுக்கு சுனாமி எச்சரிக்கை விடுக்கப்பட்டிருக்கிறது. எல்லா நாடுகளிலும் கடலோரப் பகுதிகளில் வசிக்கும் மக்களை வெளியேற்றும் பணி துரிதமாக நடந்து வருகிறது. மணிக்கு 500 கி.மீ. வேகத்தில் ஆழிப் பேரலை கடலோரப் பகுதிகளை நோக்கிச் சென்று கொண்டிருக்கிறது.அமெரிக்காவில்...ஜப்பானை அடுத்து அமெரிக்காவையும் சுனாமி தாக்கியது. கலிபோர்னியாவில் உள்ள ஓரிகன் பகுதியில் 7 அடி உயரத்துக்கு அலைகள் எழுந்ததாக அமெரிக்க வானிலை ஆய்வு மையம் தெரிவித்திருக்கிறது. சுனாமி எச்சரிக்கை விடுக்கப்பட்டிருந்ததால் அந்தப் பகுதியிலிருந்த மக்கள் முன்னரே வெளியேற்றப்பட்டுவிட்டனர். இதனால் அங்கு உயிர்ச்சேதம் ஏதும் இல்லை. முன்னதாக ஹவாய் தீவுகளையும் சுனாமி தாக்கியது. அங்கு சேதம் ஏதும் இல்லை எனக் கூறப்படுகிறது.

உங்கள் கருத்தைப் பதிவு செய்யுங்கள் *