everest லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
everest லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

செவ்வாய், 1 அக்டோபர், 2013

எவரெசுட்டு உச்சியில் தமிழ் முழங்கிய தமிழ் இளைஞர்

உலகின் மிக உயரமான மலை உச்சியான எவரெசுட்டு சிகரத்தில் ஏறி தமிழக இளைஞர் சென்னையைச் சேர்ந்த எசு..சந்தோசுகுமார் (வயது27) சாதனை படைத்துள்ளார். இமயமலையின் எவரெஸ்ட் சிகரத்தை சென்றடைந்ததும் கையில் எடுத்து சென்ற 'தமிழ் வாழ்க' என்ற பேனரை நெஞ்சில் ஏந்தியபடி தமிழ் வாழ்க என்று சத்தமாக முழக்கமிட்டுள்ளார்.

இந்த சாதனையை கேட்டு அவரது குடும்பத்தினர் மட்டுமில்லாமல் ஒட்டுமொத்த தமிழகமுமே பெருமை கொண்டது. இந்த சாதனை தமிழர் 'தினத்தந்தி'க்கு அளித்த சிறப்பு பேட்டி வருமாறு:-

எனது பூர்வீகம் புதுச்சேரி. ஆனால், சென்னையில் வளர்ந்தேன். படித்ததும் இங்குதான். எனது அப்பா சங்கரன் துபாயில் வங்கி அதிகாரியாக இருக்கிறார். அம்மா அமுதா இல்லத்தரசி. தங்கை அபிநயா துபாயில் இளங்கலை பட்டம் படித்துக் கொண்டிருக்கிறார். பிளஸ் டூ வரை சென்னையில் படித்த நான், சிங்கப்பூரில் பி.இ. (எலக்ட்ரிக்கல் என்ஜினீயரிங்) பட்டம் பெற்றேன். எனக்கு இயல்பாகவே ஓட்டத்திலும், சைக்கிளில் நீண்டதூரம் செல்வதும் பிடிக்கும்.

சிங்கப்பூரில் உள்ள 'பார்கலேஸ் கேபிடல்' வங்கியில் திட்ட அதிகாரியாக வேலை பார்த்து வருகிறேன். அங்கிருந்தபோது வெளிநாட்டு நண்பர் ஒருவர் அறிமுகமானார். அவர் மூலம் மலை ஏற்ற பயணத்தில் ஆர்வம் ஏற்பட்டது. முதல் முதலில் அவருடன் சேர்ந்து 2006-ம் ஆண்டு இந்தோனேஷியாவில் கடல் மட்டத்தில் இருந்து 9188 அடி உயரத்தில் உள்ள 'ரிஞ்சானி' என்ற மலையில் ஏறினேன். மலை உச்சிக்கு செல்ல 2 நாட்கள் ஆனது.

அதையடுத்து சிங்கப்பூரில் மலையேற்ற பயணம் தொடர்பான பயிற்சி எடுத்து கொண்டேன். பிறகு 2008-ம் ஆண்டு ஆப்பிரிக்காவில் 19340 அடி உயரத்தில் உள்ள 'கிளிமஞ்சாரோ' என்ற சிகரத்திற்கு 6 நாட்களில் சென்றேன். இதையடுத்து எவரெஸ்ட் மலை அடிவாரத்திற்கு (பேஸ் கேம்ப்) 2009-ம் ஆண்டு மார்ச் மாதம் 5 பேருடன் சென்றேன்.

கடல் மட்டத்தில் இருந்து 18 ஆயிரம் அடி உயரத்தில் உள்ள இந்த அடிவாரத்திற்கு 12 நாட்களில் போய் சேர்ந்தோம். அங்கிருந்து எவரெஸ்ட் சிகரத்தை பார்த்தபோது அதன் அழகில் மயங்கினேன். அந்த பனி மலையில் ஏறி சாதனை படைக்க வேண்டும் என்ற வேகமும் அப்போதே ஏற்பட்டது.

12 ஆயிரம் கிலோ பொருட்களுடன்...

பின்னர் திபெத் நாட்டில் உள்ள உலகத்தில் 6-வது உயரமான பனிமலையில் (26900 அடி உயரம்) ஏறினேன். இந்த மலை உச்சிக்கு செல்ல 40 நாட்கள் ஆனது. அப்போதுதான் எவரெஸ்ட் சிகரத்தை ஏறி விட முடியும் என்ற நம்பிக்கை துளிர்த்தது. அதைத்தொடர்ந்து கடல் மட்டத்தில் இருந்து 29035 அடி உயரத்தில் உள்ள உலகின் மிக உயரமான எவரெஸ்ட் சிகரத்தை ஏறுவதற்கு ஆயத்தமானேன். நிறைய பணம் செலவாகும் என்பதால் விளம்பரதாரரும், உரிய பயிற்சியும் தேவைப்பட்டது. அப்பா, அம்மா, தங்கை, உறவினர்கள், நண்பர்கள் என்னை மிகவும் ஊக்கப்படுத்தினார்கள்.

எவரெஸ்ட் சிகரத்தில் ஏறி சாதனை படைப்பதற்காக கடந்த மார்ச் மாதம் 29-ந் தேதி சென்னையில் இருந்து விமானம் மூலம் நேபாள நாட்டு தலைநகர் காத்மாண்டு போனேன். அடுத்தநாள் அங்கிருந்து இமயமலை அடிவாரத்தில் உள்ள லுக்லா கிராமத்திற்கு நான் உள்பட 7 பேர் போனோம். மற்ற 6 பேரும் ஜெர்மனி, அமெரிக்கா, கனடா, தென் ஆப்பிரிக்காவை சேர்ந்தவர்கள் ஆவர். எங்களுடன் வந்த மற்றவர்களையும் சேர்த்தால் மொத்தம் 24 பேர்.

எவரெஸ்ட் போய் வர 60 நாட்கள்

எங்கள் அனைவருக்கும் எவரெஸ்ட் சிகரத்தில் ஏறி, இறங்கி வருவதற்கு தேவையான உணவு உள்ளிட்ட பொருட்களின் மொத்த எடை 12 ஆயிரம் கிலோ. எவரெஸ்ட் மலை அடிவாரத்திற்கு (பேஸ் கேம்ப்) இந்தப் பொருட்கள் மாடுகள், ஆட்கள், ஹெலிகாப்டர் மூலம் எடுத்து வரப்பட்டன. பின்னர் அங்கிருந்து நாங்கள் சாட்டிலைட் போன், சோலார் சார்ஜர், சாப்பாடு, ஆக்ஸிஜன் பாட்டில்கள் ஆகியவற்றை எடுத்துக் கொண்டு புறப்பட்டோம்.

தினமும் 6 மணி நேரம் நடந்தோம். 12 நாட்களில் எவரெஸ்ட் மலை அடிவாரத்தை சென்றடைந்தோம். அதற்கு மேலே மொத்தம் 4 கேம்ப்கள் உள்ளன. பனிப்பாறைகள் அந்தப் பகுதியில் காக்காவை மட்டும் காண முடிந்தது. சில குருவிகளும் கண்ணில் தென்பட்டன. அப்போதுதான் பறவைகள் குறிப்பாக காகம் இவ்வளவு உயரத்திற்கு வருகிறதே என்று ஆச்சரியப்பட்டேன். கடுங்குளிர் வாட்டி வதைத்தது. ஆக்ஸிஜனும் குறைவாக இருந்ததால் உடல்நலம் பாதித்தது. ஆக்ஸிஜன் பாட்டில்கள் அப்போது கைகொடுத்தன. சூரியன் சுட்டெரித்ததில் எனது முகத்தில் காயம் ஏற்பட்டது. இருந்தாலும் எவரெஸ்ட் சிகரத்தில் ஏறி சாதிப்பது என்ற மனஉறுதியும், வேகமும் கொஞ்சமும் குறையவில்லை.

எதிர்கால லட்சியம்

எவரெஸ்ட் சிகரத்தை நெருங்க, நெருங்க மலையின் அழகு பிரமிக்க வைத்தது. நிலவும், நட்சத்திரங்களும் மிக அருகில் இருப்பதாக உணர்ந்தோம். எங்களுடன் வந்த 24 பேரில் 15 பேர் மட்டுமே எவரெஸ்ட் சிகரத்தில் ஏறி சாதனை படைத்தோம். அந்த மலை உச்சியில் ஏறியதும் தமிழன் என்ற உணர்வில் கையில் எடுத்துச் சென்ற 'தமிழ் வாழ்க' என்ற பேனரை நெஞ்சில் ஏந்தி 'தமிழ் வாழ்க' என்ற உரக்க முழக்கமிட்டேன். மற்றவர்களும் அவரவர் நாட்டின் பெயரைச் சொல்லி மகிழ்ந்தனர். எவரெஸ்ட் சிகரத்தைஏறுவதற்கு 55 நாட்கள் ஆனது. 5 நாட்களிலே கீழே இறங்கி வந்துவிட்டோம்.

ஆசியாவில் உள்ள மிக உயரமான எவரெஸ்ட் சிகரம் உள்பட இதுவரை 3 கண்டங்களில் உள்ள உயரமான சிகரங்களில் ஏறிவிட்டேன். இவை தவிர அண்டார்டிகா, ஆஸ்திரேலியா, தென் அமெரிக்கா, வட அமெரிக்கா ஆகிய 4 கண்டங்களில் உள்ள உயரமான சிகரங்களில் ஏறி மொத்தம் 7 கண்டங்களில் உள்ள சிகரங்களிலும் ஏறி சாதனை படைக்க வேண்டும் என்பதே எனது லட்சியம்.

இவ்வாறு சந்தோஷ்குமார் கூறினார்.

சந்தோஷ்குமாரின் சாதனையை நினைத்து பெருமைப்படுகிறோம் என்று அவரது தாய் அமுதாவும், பாட்டி மகாலட்சுமியும் கூறினார்கள். சந்தோஷ்குமாருக்கு முன்னதாக 1997-ம் ஆண்டு கோவையைச் சேர்ந்த பி.சண்முகவடிவேலு என்பவர் தனது 28-வது வயதில் எவரெஸ்ட் சிகரத்தில் ஏறி சாதனை படைத்துள்ளார் என்பது குறிப்பிடத்தக்கது.

நன்றி-- இளஞ் சித்திரன்
1Like · ·

திங்கள், 17 ஜூன், 2013

ஒற்றைக் காலுடன் உயரமான சிகரத்தைத் தொட்ட வீராங்கனை!

ஒற்றை க் காலுடன் உயரமான சிகரத்தை த் தொட்ட வீராங்கனை!
 
கடந்த, 2011 ஆம் ஆண்டு, ஏப்பிரல், 12 ஆம் நாள், உத்தர ப் பிரதேச த்தலைநகர் இலக்னோவிலிருந்து, தில்லி செல்லும், "பத்மாவதி எக்ஸ்பிரஸ்' ரயிலில், பயணம் செய்தார், தேசிய அளவில், வாலிபால் போட்டிகளில் பங்கேற்ற, அருணிமா சின்கா, 25.

அப்போது, அவர் இருந்த பெட்டியில் நுழைந்த கொள்ளையர்கள், பயணிகளைத் தாக்கி, பணம், நகையைப் பறித்தனர். இதைப் பார்த்த அருணிமா, கொள்ளையர்களை விரட்டினார். எனினும், அதிக எண்ணிக்கையில் இருந்த கொள்ளையர்களை, அவரால் விரட்ட முடியவில்லை.அவர்களிடம் சிக்கிய அந்தப் பெண்ணை சரமாரியாக தாக்கிய கொள்ளையர்கள், ஓடும் ரயிலில் இருந்து வெளியே வீசினர். அடுத்த தண்டவாளத்தில் போய் விழுந்த அந்தப் பெண் மீது, ரயில் ஏறியது. இறந்தே விட்டார் என, பலரும் எதிர்பார்த்த நிலையில், வலது காலை மட்டும் இழந்தார்.

ஓராண்டு சிகிச்சை பெற்ற அந்தப் பெண், காலை இழந்தாலும், நம்பிக்கையை இழக்கவில்லை. கொஞ்சமாக தொங்கிக் கொண்டிருந்த வலது காலில், செயற்கை காலை பொருத்தி, இமயமலை மீது ஏறும் பயிற்சி பெற்றார். அதில் அவர் தேர்ச்சி பெறவே, கடந்த ஏப்ரலில், "உலகின் மிகப் பெரிய சிகரம்' எவரெஸ்ட் மீது ஏறி, சாதனை படைத்தார்.இதன் மூலம், ஒரு காலை இழந்த, எவரெஸ்ட் சிகரம் ஏறிய முதல் பெண் என்ற பெருமையை அருணிமா பெற்றார். பனி சூழ்ந்த எவரெஸ்ட் சிகரத்தில் ஏறியதும், தன் முதுகுப் பையில் இருந்து, இரண்டு திரிசூலங்களை எடுத்து, தரையில் நட்டு வைத்தார்; அருகிலேயே, சுவாமி விவேகானந்தரின் படத்தையும் வைத்தார்; சிவபெருமானின் புகழ் பாடும், பாடல்களைப் பாடினார்.
ஒற்றைக் காலுடன் தன்னை உலகின் மிக உயரமான சிகரத்தை ஏற வைத்த, இறைவனுக்கு நன்றி தெரிவித்தார்.அதற்குப் பிறகு, உலகப் புகழ் பெற்ற அருணிமாவுக்கு, பணம், புகழ் குவியத் துவங்கியுள்ளது. கிடைத்த பணத்தைக் கொண்டு, மாற்றுத் திறனாளிகளுக்கு, விளையாட்டுப் பயிற்சி பள்ளி துவக்க உள்ளார்.
 

வியாழன், 27 டிசம்பர், 2012

எவரெசுட் மீது ஏறுகிறார் 19 அகவை தில்லி மாணவி

எவரெசுட் மீது ஏறுகிறார் 19 அகவை தில்லி மாணவி

செய்ப்பூர்: அனுபவம் வாய்ந்தவர்களால் கூட, எளிதில் ஏற முடியாத, முழுவதும் பனி சூழ்ந்த, எவரெஸ்ட் சிகரம் மீது ஏற, 19 வயது, டில்லி மாணவி தேர்ந்தெடுக்கப் பட்டுள்ளார்.ராஜஸ்தான் தலைநகர் ஜெய்ப்பூரை சேர்ந்தவர், சாச்சி சோனி. டில்லி பல்கலைக் கழகத்தில், ஊடகவியல் படித்து வருகிறார். மலையேற்றத்தில் விருப்பம் கொண்ட சாச்சி, 7 வயது முதல், உயர்ந்த மலை சிகரங்களில் ஏறி வருகிறார்.இமயமலையில் உள்ள பெரும்பாலான சிகரங்களை, இந்த வயதிற்குள் ஏறியுள்ள இந்த மாணவி, உலகின் மிக உயர்ந்த சிகரமாகக் கருதப்படும், நேபாள நாட்டில் உள்ள, எவரெஸ்ட் சிகரம் மீது ஏற விரும்பினார்.இதற்காக விண்ணப்பித்து, நேபாள அரசு மற்றும் பனி மலை ஏற்றத்திற்கு அனுமதி அளிக்கும் அமைப்பிடம் ஒப்புதல் பெற்றுள்ள சாச்சி, அடுத்த ஆண்டு, ஏப்ரல் - மே மாதங்களில், எவரெஸ்ட் மீது ஏற உள்ளார்.இது பற்றி அவர் கூறுகையில், ""மலையேற்றத்தில் அதிக விருப்பம் கொண்ட நான், எவரெஸ்ட் சிகரம் மீது ஏறுவதே இலக்காகக் கொண்டிருந்தேன்; அனுமதி கிடைத்துள்ளது. வெற்றிகரமாக என் சாதனையை நிறைவு செய்வேன்; நாட்டிற்கு பெருமை சேர்ப்பேன்,'' என்றார்.

ஞாயிறு, 15 ஜூலை, 2012

எந்த அகவை யிலும் எவரெசுட்டு ஏறலாம்; சொல்கிறார் யப்பான் தமாய்

 
 
எந்த அகவை யிலும் எவரெசுட்டு ஏறலாம்; 
சொல்கிறார்  யப்பான் தமாய்

எவரெஸ்ட் சிகரத்தில் ஏறியவர்களிலேயே மிகவும் வயதான பெண் என்ற சாதனையை படைத்துள்ளார் ஜப்பானைச் சேர்ந்த தமேய் வடானபி. இவர் சிகரத்தின் உச்சியை தொட்ட போது இவரது வயது 73 ஆண்டுகளும், 180 நாட்களுமாகும்.
சாதாரண விவசாய குடும்பத்தில் பிறந்தவரான தமேய் சிறு வயது முதலே கடுமையான உழைப்பாளியாவார். அதிகாலை எழுந்து அப்பாவுடன் நிலத்திற்கு தண்ணீர் பாய்ச்சும் ஆண்களுக்கு நிகரான வேலைகளை அசராமல் பார்த்துவிட்டு, பிறகு ஆறு கிலோமீட்டர் தூரம் உள்ள பள்ளிக்கு நடந்தே போய் படித்துவிட்டு திரும்புவார். திரும்பிய பிறகு மலையென குவிந்திருக்கும் வீட்டு வேலைகளையும் செய்து முடித்துவிட்டே உறங்கப்போவார்.

இவரது இந்த உழைப்புதான் மலையேற அழைப்பு விடுத்தது எனலாம். அங்குள்ள பள்ளியொன்றில் வேலை பார்த்துக்கொண்டு இருக்கும் போது முதன் முதலாக ஒரு சிறு மலைமீது ஏறும் சந்தர்ப்பம் அமைந்தது. அப்போது அவருக்கு வயது 27. அந்த சம்பவம் தந்த சந்தோஷம் காரணமாக பிறகு ஜப்பானில் உள்ள மலைகளில் எல்லாம் சர்வ சாதாரணமாக ஏறி இறங்கிவிட்டார். மலையேறுவதே இவரது பொழுதுபோக்கு என்றானாலும், பொருளாதாரம் காரணமாக எவரெஸ்ட் ஏறுவது மட்டும் தள்ளிப் போய்க்கொண்டே இருந்தது.

வேலையில் இருந்து ஒய்வு பெற்ற பிறகு ஜப்பானில் உள்ள புகழ்பெற்ற பியூஜி மலையேறும் குழுவினருக்கு வழிகாட்டியாகவும், ஆலோசகராகவும் செயல்பட்டார். இந்த நிலையில்தான் தமேய்க்கு எவரெஸ்ட் சிகரம் போகும் வாய்ப்பு கிடைத்தது. ஆனால் அப்போது அவருக்கு வயது 62.

சாகசசம் புரிய நினைப்பவர்களின் உச்சகட்ட சாதனையே எவரெஸ்ட் சிகரம் ஏறுவதுதான். இதற்காக இளமை முறுக்கோடு கிளம்பிய 284 பேர்களில் இவர்தான் வயதானவர். ஆனால் 284 பேரில் குளிர்தாங்காமல் இறந்தவர்கள், ஏற முடியாமல் நின்றவர்கள், இன்னும் கொஞ்சம் நேரம் இருந்தாலும் இறந்துவிடுவேன் என்று அடித்து பிடித்து திரும்பியவர்கள் எல்லாம் போக எவரெஸ்ட் சிகரம் தொட்ட 82 பேர்களில் இவரும் ஒருவர்.

எவரெஸ்ட் சிகரம் தொட்ட வயதானவர் என்ற சாதனையை தனது 62 வயதில் ஏற்படுத்திய தமேய், தன் சாதனையை தானே முறியடிக்கும் வகையில் 11 ஆண்டுகள் கழித்து தற்போது கடந்த வாரம் தனது 73 வயதில் மீண்டும் எவரெஸ்ட் சிகரம் தொட்டு திரும்பியுள்ளார்.

இடையில் தனது 65 வயதில் ஒரு முறை எவரெஸ்ட் சிகரம் ஏறும்போது கடுமையான பனிப்புயலில் சிக்கி முதுகில் பலத்த காயமடைந்தார். எழுந்து நடக்கவே மாட்டார் என்று எல்லோரும் கருதியபோது, தனது மனவலிமை காரணமாக துள்ளி எழுந்தவர் கடுமையான பயிற்சி எடுத்து இந்த முறை வீழ்ச்சியின்றி எழுச்சி பெற்றுவிட்டார்.

இந்த சாதனை தனக்கு சந்தோஷம் தந்தாலும் கடந்த பதினொரு ஆண்டுகளில் எவரெஸ்ட் மிகவும் மாறிவிட்டதாக வேதனையும் படுகிறார், முன்பு பனி படர்ந்து அடர்ந்து இருந்த இடங்கள் எல்லாம், இப்போது நீர் நிலையாக நீண்டு காணப்படுகிறது. இது உலகம் வேகமாக வெப்பமயமாகி வருவதன் (குளோபல் வார்மிங்) அறிகுறியே, இதனை தடுத்து நிறுத்திட நிறைய விழிப்புணர்வு தேவை அது இளைஞர்களிடம் இன்னும் தேவை, ஏனெனில் இனி உலகம் அவர்களின் கையில்,அவர்களது உலகத்தை காப்பாற்ற அவர்கள்தான் முன்வரவேண்டும் என்கிறார்.


- முருகராஜ்

திங்கள், 18 ஜூன், 2012

புகழ் நாட்ட ஏது அகவை?

சாதனைக்கு ஏது வயது?

First Published : 17 Jun 2012 12:00:00 AM IST


நேபாளத்தைச் சேர்ந்த டெம்பா ஷெரி ஷெர்பா என்னும் பதினாறு வயது சிறுவன்தான் (கடந்த 2001-ல்) குறைந்த வயதில் எவரெஸ்டின் உச்சியை அடைந்த வளர் இளம் பருவத்தினன் என்னும் சாதனையைச் செய்தான். அமெரிக்காவின் ஜோர்டான் ரோமரோ தன்னுடைய 13 வயதிலேயே ஷெர்பாவின் சாதனையை முறியடித்த சிறுவனாக உலகம் முழுவதும் கொண்டாடப்பட்டான். ஆம்.. இவன் எவரெஸ்டின் உச்சியைத் தொட்டது 13 வயதில்!நிமா செம்ஜி ஷெர்பா என்னும் பதினாறு வயது சிறுமி சமீபத்தில் எவரெஸ்டின் உச்சியை மலை ஏறும் வீரரான அவளுடைய தந்தையுடன் அடைந்திருக்கிறாள். உலகில் மிகக் குறைந்த வயதில் எவரெஸ்டின் உச்சியை அடைந்த பெண் என்பதற்காக ஷெர்பாவின் பெயர் கின்னஸ் சாதனைப் புத்தகத்தில் இடம்பெற இருக்கிறது.நேபாளச் சிறுமியின் இந்த சாதனை நிகழ்ந்த மூன்றாவது நாளில் ஜப்பானைச் சேர்ந்த டாமே வாடனேப் என்னும் பெண்மணி தன்னுடைய 73 வயதில் எவரெஸ்டின் உச்சியை அடைந்து, எவரெஸ்டின் உச்சியை இதற்கு முன் அடைந்த மிக அதிகமான வயதுடைய பெண்மணியின் சாதனையை முறியடித்துள்ளார். எவரெஸ்டின் உச்சியை இதற்கு முன் (கடந்த பத்தாண்டுகளுக்கு முன்) தன்னுடைய 63-ஆவது வயதில் அடைந்தவரும் டாமே வாடனேப்தான்! அவருடைய சாதனையை அவரே முறியடித்திருப்பதுதான் மிகப் பெரிய சாதனை!

திங்கள், 3 அக்டோபர், 2011

everest peak view through net: இணையத்தில் ஒளிபரப்பாகும் இமயமலை உச்சி

இன்டர்நெட்டில் ஒளிபரப்பாகும் எவரெஸ்ட் சிகரம்
காத்மாண்டு, அக் 2-
 
எவரெஸ்ட் உலகிலேயே மிக உயரமான சிகரமாகும். இது. இமயமலையில் உள்ளது. பனி படர்ந்த இந்த சிகரத்தின் இயற்கை எழில் நேபாளத்தில் இருந்து இன்டர்நெட்டில் ஒளிபரப்பப்பட்டு வருகிறது.
 
அதற்காக இமயமலையில் 5675 மீட்டர் உயரத்தில் வெப் காமிரா பொருத்தப்பட்டுள்ளது. இது சூரியசக்தியில் இயங்கும் தானியங்கி காமிராவாகும். இதனால் காலை 6 மணி முதல் மாலை 6 மணி வரை எவரெஸ்ட் சிகரத்தின் இயற்கை எழிலை இன்டர்நெட்டில் கண்டுகளிக்கலாம்.
 
மைனஸ் 30 டிகிரி தட்பவெப்ப நிலையில் இமயமலையின் அருகே இருந்து இது ஒளிபரப்பப்படுகிறது.