சப்பான் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
சப்பான் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

திங்கள், 16 செப்டம்பர், 2013

சப்பான் செல்லும் புரட்சித்தமிழ்: அரசுப் பள்ளி மாணவி


சென்னை, செப்.15-   பேச்சு போட்டியில் வெற்றி பெற்ற சென்னை பெண்கள் மேல்நிலைப்பள்ளி மாணவி புரட்சித்தமிழுக்கு ஜப்பான் செல்ல வாய்ப்பு கிடைத்து உள்ளது.
தொழிற்பயிற்சிக்காக ஜப்பான் சென்று திரும்பியவர்களால் தொடங்கப் பட்டது ஏபிகே-ஏஒடிஎஸ் தோசோகாய் தமிழ்நாடு மய்யம். சென்னை அமைந்த கரையில் உள்ள இந்த மய்யம் ஹியோஷி என்னும் ஜப்பான் நாட்டு நிறுவனத் துடன் இணைந்து ஆண்டுதோறும் அரசு மற்றும் தனியார் பள்ளி, கல்லூரி மாண வர்களுக்கு பேச்சுப்போட்டி, ஓவியப் போட்டி உள்ளிட்ட பல்வேறு போட்டி களை சென்னையில் நடத்தி வருகிறது. இந்த ஆண்டுக்கான போட்டி கடந்த ஆகஸ்ட் 17-ஆம் தேதி நடத்தப்பட்டது.
இந்த போட்டிகளின் பரிசளிப்பு விழா சனிக்கிழமை நடைபெற்றது. சிறப்பு அழைப்பாளராக சென்னையில் உள்ள ஜப்பான் தூதரகத்தின் அதிகாரி மசோனரி நகோனா கலந்து கொண்டு வெற்றி பெற்ற மாணவர்களுக்கு பரிசு களை வழங்கினார்.
அரசுப்பள்ளிக்கூட மாணவர்களுக் கான தமிழ் பேச்சுப்போட்டியில் சென் னை பெண்கள் மேல் நிலைப்பள்ளியை சேர்ந்த பிளஸ்-2 மாணவி ஆர். புரட்சித் தமிழ் (படம்) முதல் பரிசை பெற்றுள் ளார். இந்த மாணவிக்கு அடுத்த மாதம் (அக்டோபர்) 7-ஆம்தேதி ஜப்பான் நாட்டுக்கு 2 வாரம் சுற்றுலா செல்ல வாய்ப்பு கிடைத்து உள்ளது. சுற்றுலாவுக்கான செலவுகள் அனைத் தையும் ஜப் பானைச் சேர்ந்த ஹியோசி என்ற சுற்றுச் சூழல் ஈடுபாடு கொண்ட நிறுவனம் ஏற்கிறது. மேலும் மெட்ரிக் பள்ளி மாணவர் பிரிவில், செயிண்ட்மேரீஸ் பள்ளியின் பிளஸ்-2 மாணவர் எச்.லோகேஸ், கல் லூரி மாணவர் பிரிவில், சென்னை மிஸ் ரிமல் நவஜி முனோத் ஜெயின் பொறி யியல் கல்லூரி மாணவர் சி.சாய்பிரசாந்த், ஏபிகே-ஏஒடிஎஸ் தமிழ்நாடு மய்யத்தை சேர்ந்த மாணவி மோனிகா ஆகிய 4 பேருக்கும், ஜப்பான் சுற்றுலா செல்ல வாய்ப்பு கிடைத்து உள்ளது

-  விடுதலை

சனி, 1 ஜூன், 2013

சப்பானில் வசிக்கும் 19 ஆம் நூற்றாண்டு மனிதர் - Jiroemon Kimura

சப்பானில் வசிக்கும் 19 ஆம் நூற்றாண்டு மனிதர்


டோக்கியோ:உலகில், 19ம் நூற்றாண்டை சேர்ந்த, ஒரே ஒரு ஆண், ஜப்பானில் வாழ்ந்து வருகிறார். 116 வயதான, சிரோமோன் கிமூரா, தன் வாழ்நாளில், நான்கு மன்னர்கள் மற்றும், 60 பிரதமர்களின் ஆட்சியை கண்டுள்ளார்.

ஜப்பானின், கியோடோவில் வசிப்பவர், கிமூரா, 116. இவர், உலகின் மூத்த குடிமகனாக கருதப்படுகிறார். இவர், 1897ல்,ஏப்.,19ல், பிறந்தவர். உலகில், 19ம் நூற்றாண்டில் பிறந்த, 22 பேர் உயிருடன் இருக்கிறனர். இதில், கிமூரா மட்டுமே ஆண். மற்ற, 21 பேரும் பெண்க@ள.
இன்றும், ஆரோக்கியத்துடன் இருக்கும் கிமூரா, நண்பர்களுடன் அவ்வப்போது, மது அருந்தினாலும், புகையை அறவே வெறுப்பவர்.

குறைந்த உணவு உட்கொள்ளும் இவர், அதிக நேரம் உறங்கும் பழக்கத்தை கொண்டுள்ளார். வீட்டில், தன் மருமகள் மற்றும் பேத்தியுடன் இருக்கும் கிமூரா, அவர்களுக்கும் ஆரோக்கியமாக வாழ கற்றுக் கொடுத்துள்ளார். ஜப்பானில், 110 வயதை கடந்தவர்களை, "சூப்பர் சென்டினிரியன்ஸ்' விருது வழங்கி அந்நாட்டு அரசு கவுரவிக்கிறது. இவரும், அந்த விருதை பெற்றுள்ளார்.

உலகின் பல்வேறு நாடுகளிலும், 110 வயதைக் கடந்த, 200க்கும் மேற்பட்ட நபர்கள் உயிர்வாழ்கின்றனர். இருப்பினும், அவர்கள் அனைவரிடமும், சரியான வயது சான்றிதழ் இல்லாததால், இதுவரை, 60 பேர் மட்டுமே அதிகாரப் பூர்வமாக, 110 வயதைக் கடந்து உயிர் வாழ்பவர்களாக அறிவிக்கப்பட்டுள்ளனர். இதில், ஜப்பான் மற்றும் அமெரிக்காவை சேர்ந்தவர்களே, அதிக எண்ணிக்கையில் உள்ளனர்.

வியாழன், 23 மே, 2013

80 அகவை சப்பான் முதியவர் எவரெசுட்டில் ஏறி அருவினை


80  அகவை சப்பான் முதியவர் எவரெசுட்டில் ஏறி  அருவினை
80 வயதான ஜப்பான் முதியவர் எவரெஸ்டில் ஏறி சாதனை
காட்மாண்டு, மே 23- 

ஜப்பானைச் சேர்ந்தவர் யுசிரோ மியுரா. இவருக்கு வயது 80. இவர் உலகிலேயே உயரமான சிகரமான எவரெஸ்டில் ஏறி சாதனை  படைத்துள்ளார். கடல் மட்டத்திலிருந்து 29 ஆயிரத்து 28 அடி உயரம் கொண்ட எவரெஸ்ட் சிகரத்தின் உச்சியை இவர் இன்று காலை 8.30  மணியளவில் அடைந்தார். 

நான்கு முறை இதய அறுவை சிகிச்சை செய்து கொண்ட இந்த முதியவர், 60 ஆண்டுகளுக்கு முன் எட்மன்ட் ஹிலாரி ஏறிய அதே  பாதையில் சென்று இந்த சாதனையை செய்துள்ளார். இவருடன் மகன், 3 ஜப்பானியர்கள், 6 நேபாள மலையேற்ற வீரர்களும் சென்றனர். 

மியுரா முதல் முறையாக கடந்த 2003-ம் ஆண்டு எவரெஸ்ட் சிகரத்தில் ஏறினார். அதை தொடர்நது 2008-ம் ஆண்டு தனது 76 வது வயதில் இரண்டாம் முறையாக எறினார். 

நோபாளைச் சேர்ந்த மின் பகாதூர் 2008-ம் ஆண்டு தனது 76 வது வயதில் எவரெஸ்டில் ஏறி கின்னஸ் சாதனை படைத்தார். இந்த சாதனையை 80 வயது மியுரா தற்போது முறியடித்துள்ளார். 

ஆனால் இந்த வார இறுதியில், எவரெஸ்ட் சிகரத்தில் 81 வயதாகும் மின் பகாதூர் மீண்டும் ஏறவுள்ளார். இதனால், மியுராவின் சாதனை மிக விரைவில் முறியடிக்கப்படலாம் எனறு கூறப்படுகிறது. 

எவரெஸ்ட் சிகரத்தில் இது வரை 4 ஆயிரம் பேர் ஏறியுள்ளனர். அதில் 240 பேர் தங்கள் முயற்சியின் போது உயிரிழந்துள்ளனர்.

செவ்வாய், 4 செப்டம்பர், 2012

சீன,சப்பானிய வரலாறுகளில் இடம் பெற்றிருக்கும்தமிழர்

சீன,சப்பானிய வரலாறுகளில் இடம் பெற்றிருக்கும் தமிழர் ஒருவரைப் பற்றிய வரலாறு!

பதிவு செய்த நாள் : 03/09/2012

சீன,சப்பானியவரலாறுகளில்இடம்பெற்றிருக்கும்தமிழர் ஒருவரைப்பற்றியவரலாறு!
போதி தருமர் என்பவர் 5ஆம் நூற்றாண்டைச் சேர்ந்த புத்தத் துறவி ஆவார். தமிழ்நாட்டில், காஞ்சிபுரத்தில், பல்லவ ஆட்சியில், கந்தவர்மன் என்ற அரசனின் மூன்றாம் மகனாகப் பிறந்த போதி தருமர், பல்லவ அரசராக இருந்து, பின்னர் புத்த சமயத்தைத் தழுவியதாகக் கருதப்படுகிறது. புத்த சமய ஆசானாக (குருவாக) மாறிய பிறகு, சீனத்துக்குப் பயணம் மேற்கொண்ட போதி தருமர், அங்கே மகாயான புத்தச் சமயத்தைப் பரப்பியதாகவும், 150 ஆண்டுகள் அங்கே உயிரோடு வாழ்ந்ததாகவும் சீன வரலாறு கூறுகிறது. சென் புத்தச் சமயத்தை (இன்று உலகெங்கும் புகழ்பெற்றுத் திகழும் சென் கதைகள்) உருவாக்கிய புகழ் இவரையே சாரும்! போதி தருமர், சீனத்தில் ‘சாலின் குங்பூ’ (Shaolin Kung Fu) என்னும் தற்காப்புக் கலையை அறிமுகப்படுத்தியவர் எனக் கருதப்படுகிறார்.

குங்பூவும்போதிதருமரும்:
போதி தருமர், சாலின் குங்பூவைச் சீனத்துக்குக் கொண்டு சென்ற பல்லவ அரச குலத்தவர் என நிறுவுவோர் பின் வரும் சான்றுகளை முன் வைக்கின்றனர்.
1.கல்வெட்டுச் சான்று:
சீனக் கோயிலில் (shoalin temple – kungfu school) உள்ள கல்வெட்டு, தென்னிந்திய புத்தத் துறவி போதி தருமர் உருவாக்கிய தற்காப்புக்கலையே குங்பூ என்கிறது.
2.டான்லின் பதிவுகள் (Tánlín):
டான்லின் பதிவுகள், தென்னிந்தியப் பல்லவப் பேரரசரின் மூன்றாம் மகன் போதி தருமர் என்கின்றன.
3.டௌசுவான் பதிவுகள் (Dàoxuān):
டௌசுவான் பதிவுகள், போதி தருமரைத் தென்னிந்தியப் பல்லவன் என்கின்றன. (南天竺婆羅門種 nán tiānzhú póluómén zhŏng).
4.பௌத்தக் காஞ்சிக் கோயில்:
தற்போதும் பௌத்தக் காஞ்சிக் கோயிலில் உள்ள தற்காப்புக்கலைச் சிற்பங்களில், தற்காப்புக்கலையின் மூல அசைவுகள் எப்படி பிறந்தன என்று உள்ளது.
5.பிராஃடன் கூற்று:
பிராஃடன் என்னும் ஆய்வாளர், போதி தருமரைக் காஞ்சியை தலைநகராகக் கொண்ட தமிழ்ப் பல்லவப் பேரரசின் இளவரசர் என்கிறார்.
6.யொங்சியா பாட்டு (yǒngjiā Xuánjué)
யொங்சியா என்னும் பாட்டு, 28 புத்த ஆசான்களின் வரிசையைக் கூறுகிறது. (சாக்கிய முனி முதல் போதி தருமர் வரை)
8.பிராஃடன், யாங் சுவான்சி (Yáng Xuànzhī) பதிவை மறுப்பது:
அக்காலச் சீனத்தில், எந்தத் துறவி சீனத்துக்கு வந்தாலும், அவரைப் பெர்சியர் என்றெண்ணி விடுவது வழக்கம் என்பதால், யாங் சுவான்சி (Yáng Xuànzhī) ( bō-sī guó hú rén) போதி தருமரைப் பெர்சியரென்று கூறியதைப் பிராஃடன் மறுக்கிறார்.
9. தற்காப்புக்கலை மூல அசைவுகள் எப்படிப் பிறந்தன என்பதைக் காட்டும் பௌத்தக் காஞ்சி கோயிலில் உள்ள தற்காப்புக்கலைச் சிற்பங்களைத் தற்போதும் சீன, சப்பானியத் தற்காப்புக்கலை ஆசிரியர்கள் வந்து பார்த்துச் செல்கிறார்கள்.
10. போதி தருமர் (பௌத்தவர்மப் பல்லவன்) நான்காம் கந்தவர்மனுக்குப் பிறந்த மூன்றாம் மகனென அறியப்படுகிறது. அக்காலப் பல்லவ மரபினர் கடைசி மகனைப் புத்தமடத்துக்கு அளித்து விடுவர்.
நான்காம் கந்தவர்மனுக்குப் பிறந்த மூன்று மகன்களென அறியப்படுவோர்:
1. முதலாம் நந்திவர்மன்,
2. இரண்டாம் குமாரவிட்டுணு,
3. புத்தவர்மன் (போதி தருமர் (எ) பௌத்தவர்மப் பல்லவன்).
11. கால ஒற்றுமை:
1. போதி தருமரின் காலமெனப் பதிவுகள் கூறுவது கி.பி.475-550.
2. விட்டுணுகோபனின் காலத்தின் அடிப்படையில் (கி.பி.340) நான்காம் கந்தவர்மனின் காலமாக அறியப்படுவது கி.பி.450-500.
3. 28 ஆசான்கள் வரிசையின் காலமாகக் கருதப்படுவது, கி.மு.563 முதல் (சாக்கியமுனி முதல்) கி.பி.550 வரை (போதி தருமர் வரை). மேற்கூறிய காலங்கள் அனைத்தும் கூடி வருவது கால ஒற்றுமை.
–நன்றி: விக்கிப்பீடியா.
போதி தருமர் பற்றிய செவிவழி வரலாறு:
போதி தருமர் ஒரு தமிழர். கி.பி.5ஆம் நூற்றாண்டில், காஞ்சியைத் தலைநகரமாகக் கொண்டு ஆட்சி புரிந்து வந்த பல்லவ அரசனின் 3ஆவது மகனார். சிறந்த வீரர்! தற்காப்புக் கலைகளைச் சிறப்பாகப் பயின்றவர். அரசு, ஆட்சியை விரும்பாமல் உள்ளம் செல்லும் வழியில் செல்கிறார். பிரசனதரா என்ற மகாயான புத்தத் துறவியைத் தன் இறைமை ஆசானாகத் (குருவாகத்) தேர்ந்தெடுத்துக் கொண்டு இறைமையில் (ஆன்மித்தில்) தெளிவு பெறுகிறார்.
புத்த சமயத்தைக் கிழக்கு நாடுகளுக்குக் கொண்டு செல்ல விரும்பிக் கடல் வழியே, இன்றைய மலேசியா, இந்தோனேசியா, வியட்னாம், தாய்லாந்து வழியாக 3 ஆண்டுகள் பயணத்திற்குப் பிறகு, கி.பி.527இல் சீனம் சென்றடைகிறார். சீனத்தில், போதி தருமர் என்னும் பெயர் அவர்கள் வழக்கில் சிதைந்து ‘தா மோ’ என்று ஆகியிருக்கிறது. தாமோவைத், தெற்குச் சீனத்தை ஆண்டு கொண்டிருந்த அப்போதைய சீன அரசன் வூ வரவேற்று விருந்தோம்பியிருக்கிறான். அந்த அரசனின் தற்பெருமை, ஆணவம் ஆகியவற்றைத் தாமோவால் ஏற்றுக் கொள்ள முடியவில்லை. விளைவு, அரசனின் சினம், பகை, அந்த நாட்டை விட்டு வெளியேற ஆணை. பின்னர், வடச் சீனத்திற்குச் சென்ற தாமோ, யாங்ட்சி ஆற்றங்கரையில் இருக்கும் சாவோலின் கோயிலை அடைகிறார்.
கோயிலில் இருந்தவர்களின் அழைப்பை முதலில் ஏற்காமல், அருகில் இருந்த மலைக்குகை ஒன்றில் அறிதுயில் (தவம்) மேற்கொள்கிறார். மலைக்குகையில், ஒரு சுவரின் முன்னால் ஒன்பது ஆண்டுகள் உட்கார்ந்து கடுமையான அறிதுயிலைக் கடைப்பிடிக்கிறார். அதன் விளைவாகப் புதிய ஊக்கம் பெற்றுச், சாவோலின் கோயிலில் தன்னை இணைத்துக் கொள்கிறார். சாவோலின் பள்ளியில், பிள்ளைகளுக்குப் பௌத்தம், தியானம், தற்காப்புக் கலை போன்றவற்றைக் கற்பிக்கிறார்.
சீனத்தில்தாமோ:
சீனத்தில் புத்தச் சமயம் பரவ, உறுதிப்பட முதன்மைக் காரணமாக இருந்தவர், இங்கிருந்து சென்ற தமிழர் போதி தருமர். போதி தருமர் என்கிற தமிழரால் உருவாக்கப் பெற்றதுதான் சென் புத்தச் சமயம்! புத்தரின் 28ஆவது நேரடி மாணவராகப் போதி தருமரைச் சீனர்கள் ஏற்றுக் கொண்டார்கள். பின்னர் சப்பானிலும், வேறு வடிவங்களில் போதி தருமர் புகழ் பெற்றார். சப்பானில் அவர், எதிர்பாரா நன்மையைத் (அதிருட்டம்) தருபவராகக் கொண்டாடப்பட்டார்.
சீனத்திலும், சப்பானிலும் இன்றும் போதி தருமருக்கு ஏராளமான கோயில்கள் இருக்கின்றன. போதி தருமரின் முடிவு பற்றி வெவ்வேறு கதைகள் வழங்குகின்றன. அவர் 150 அகவை (வயது) வரை வாழ்ந்ததாகவும், இறந்த பிறகு சியாங் மலைச்சரிவில் புதைக்கப்பட்டதாகவும் ஒரு வரலாறு கூறுகிறது. ஆனால் அவரைப் புதைத்து 3 ஆண்டுகளுக்குப் பின், பாமியன் மலையருகே, கையில் ஒற்றைச் செருப்புடன் அவர் சென்று கொண்டிருந்ததைக் கண்டதாக, வெய் அரச குடும்பத்தைச் சேர்ந்த ஒருவர் கூறி இருக்கிறார். “எங்கே போகிறீர்கள்” என்று அவர் கேட்டதற்குப் போதி தருமர், “என் வீட்டிற்குச் செல்கிறேன்” என்று சொன்னாராம். ஐயமுற்றவர்கள், போதி தருமரின் கல்லறையைத் திறந்து பார்த்தபோது, அங்கே ஒற்றைச் செருப்பு மட்டுமே இருந்ததாகவும், போதி தருமரின் உடலைக் காணவில்லை என்றும் ஒரு வரலாறு கூறுகிறது.
போதி தருமர் பற்றிய வரலாற்றுக்குச் சீனத்திலும், சப்பானிலும் பல வடிவங்கள் இருந்தாலும், அடிப்படையில் அவர் தமிழ்நாட்டின் காஞ்சியிலிருந்து சென்றவர் என்பதும், சீனத்தில் சென் புத்தச் சமயமும், தற்காப்புக் கலை கற்றுக் கொடுக்கும் சாவோலின் பள்ளியும் உருவாக அவர் தலையாய காரணமாக இருந்தார் என்பதும் வரலாற்றில் ஒன்றே போலத்தான் கூறப்பட்டுள்ளன.
உண்மையில் மிகவும் பெருமையாக இருக்கிறது! அதே நேரம், வருத்தமாகவும் இருக்கிறது. சீன வரலாற்றில், சப்பானிய வரலாற்றில் இடம்பெற்றிருக்கும் தமிழர் ஒருவரைப் பற்றிய வரலாறு, தமிழ்நாட்டின் வரலாற்றில் காணப்படவில்லையே!!


ஞாயிறு, 7 நவம்பர், 2010

எல்லைச் சிக்கல் ; சப்பான்

எல்லைப் பிரச்னை: ரஷியாவுக்கான ஜப்பான் தூதர் திரும்பஅழைப்பு


டோக்கியோ, நவ. 2: பசிபிக் கடலில் உள்ள 4 தீவுகள் யாருக்குச் சொந்தம் என்ற சர்ச்சையால் ரஷியாவுக்கும், ஜப்பானுக்கும் இடையே மோதல் வெடித்துள்ளது. இதைத் தொடர்ந்து ரஷியாவுக்கான ஜப்பான் தூதர் திரும்ப அழைக்கப்பட்டுள்ளார்.  இரண்டாம் உலகப் போரின்போது குறிப்பிட்ட 4 தீவுகளை ரஷியா கைப்பற்றியது. அந்தத் தீவுகள் தங்களுக்கே சொந்தம் என்று ஜப்பான் உரிமை கோரி வருகிறது. இந் நிலையில் அந்த தீவுப் பகுதிக்கு ரஷிய அதிபர் மெத்ததேவ் திமித்ரி அண்மையில் பயணம் சென்றார்.  இதற்கு அதிருப்தி தெரிவிக்கும் வகையில், ரஷியாவுக்கான ஜப்பான் தூதர் மசாஹாரு திரும்ப அழைக்கப்படுவதாக ஜப்பான் அரசு அறிவித்துள்ளது.
கருத்துகள்

இதே போன்ற நிலைப்பாட்டைச் சீனாவிடம் எடுக்க இந்தியா ஏன் தயங்குகிறது? அன்புடன் இலக்குவனார் திருவள்ளுவன்
By Ilakkuvanar thiruvalluvan
11/7/2010 4:36:00 AM
Where ever we go: either border issue or island issue or encroachment issue. There is no end at all. When the world countries are advanced with hi-tech science,and human values and welfare is sounded worldwide by Art of Living Founder H.H.sri sri Ravi shankar and touring world wide,meeting the top brass of the countries,religious leaders,diplomats,berocrates, still the advanced countries and developing countries are fighting for the boundary issue is shameful. I feel the world still holds the negative aspect and make U turn from technology to cannibalism. My humble suggestion is that Turn towards TECHNOLOGY TO SPIRITUALITY. That is the only way to understand,respect the human values with belongingness. Let all countries should give a thought that ONE WORLD ONE FAMILY. Things will be easier. Thank U. Baradwaj
By s.Bharadwaj
11/3/2010 10:48:00 AM
உங்கள் கருத்தைப் பதிவு செய்யுங்கள் * Tamil English