capital punishment லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
capital punishment லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

புதன், 3 ஏப்ரல், 2013

கல்லூரிகளில் பேசா அமைதிப் போராட்டம்






கல்லூரிகளில்   பேசா அமைதிப் போராட்டம்: மாணவர் கூட்டமைப்பு அறிவிப்பு



சென்னை: ஐ.நா., சபையில் தீர்மானம் நிறைவேறும் வரை, கல்லூரிகளில், தினமும் மவுன போராட்டத்தை நடத்த உள்ளதாக, மாணவர்கள் அறிவித்துள்ளனர்.
தமிழீழ விடுதலைக்கான மாணவர் போராட்ட குழு ஒருங்கிணைப்பாளர் ஜோ பிரிட்டோ: கல்லூரிகள் இன்று திறக்க உள்ள நிலையில், எங்களின் அடுத்த கட்ட போராட்டம் குறித்து முடிவெடுத்துள்ளோம். தினமும் கல்லூரியில், காலை, 11:00 மணி முதல், 11:02 மணி வரை, மவுன புரட்சி போராட்டத்தை மேற்கொள்ள உள்ளோம். அப்போது, மாணவர்கள் எங்கிருந்தாலும், இரு நிமிடங்கள் அமைதி காப்போம். ஐ.நா., பதிலளிக்கும் வரை, எங்களின் போராட்டம் தொடரும். முதல் கட்டமாக, தமிழகம் முழுவதும் நடக்கும் போராட்டத்திற்கு, பின், உலக மாணவர்களையும் இணைக்க திட்டமிட்டுள்ளோம்.

தமிழ்நாடு மாணவர் கூட்டமைப்பு ஒருங்கிணைப்பாளர் பாரிமைந்தன் கூறியதாவது: அரசு, கல்லூரிகளை திறந்தாலும், மாணவர்கள் போராட்டம் தொடருவதை தெரிவிக்கும் வகையில், கறுப்பு பேட்ஜ் அணிந்து கல்லூரிக்குச் செல்வோம். தேர்வுகள் முடிந்த பின், எங்கள் போராட்டத்தை தீவிரப்படுத்த உள்ளோம்.

தமிழீழத்திற்கான மாணவர் போராட்ட குழு ஒருங்கிணைப்பாளர் இளையராஜா: கல்லூரிகளை, அரசு திறந்துள்ளதை வரவேற்கிறோம். கல்லூரிகள் வகுப்புகள் முடிந்த பின், மாலையில் போராட்டம் தொடரும். தேர்வுகள் பாதிக்கப்படாத வகையில், எங்கள் போராட்டம் இருக்கும்.

சனி, 16 மார்ச், 2013

மாணவர்கள் போராட்டம் இடர்வினை ஆகும் முன் உரிய விடை தாருங்கள்





 



 மாணவர்கள் போராட்டம் இடர்வினை ஆகும் முன் உரிய விடை தாருங்கள்

இலங்கை பிரச்னை தொடர்பாக, தமிழக மாணவர்கள் நடத்தி வரும் தொடர் போராட்டம், கடும் விளைவுகளை ஏற்படுத்தும் முன், உருப்படியான பதிலை மத்திய அரசு தர வேண்டும்' என, ராஜ்யசபாவில், தி.மு.க., மற்றும் அ.தி.மு.க., - எம்.பி.,க்கள் வலியுறுத்தினர்.
இலங்கைக்கு எதிராக போர்க்குற்ற விசாரணை நடத்த வேண்டும் என்றும், ஐ.நா., மனித உரிமை கமிஷனில், அந்நாட்டுக்கு எதிராக, தாக்கல் செய்யப்பட்டுள்ள தீர்மானத்தை, இந்தியா ஆதரிக்க வேண்டும் என்றும் வலியுறுத்தி, தமிழகத்தில் கல்லூரி மாணவர்கள் போராட்டத்தில் ஈடுபட்டு வருகின்றனர். இந்த மாணவர்கள் போராட்ட பிரச்னையை, ராஜ்யசபாவில் நேற்று, அ.தி.மு.க., மற்றும் தி.மு.க., - எம்.பி.,க்கள் எழுப்பினர்.
தி.மு.க., - எம்.பி., சிவா பேசியதாவது: மாநிலம் முழுவதும், ஆங்காங்கே கல்லூரி மாணவர்களின், தொடர் போராட்டங்கள் நடந்து வருகின்றன. இதனால், தமிழகமே பற்றி எரிந்து கொண்டிருக்கிறது. ஏறத்தாழ எல்லா கல்லூரிகளுமே, களத்திற்கு வரும் சூழ்நிலை காணப்படுகிறது. மத்திய அரசு என்ன செய்யப்போகிறது. ஐக்கிய நாடுகள் சபையின் மனித உரிமை கமிஷனில், தாக்கலாகியுள்ள தீர்மானத்தை, ஆதரிக்கும் முடிவை, மத்திய அரசு எடுக்க வேண்டும். இலங்கை மீது, நடுநிலையான விசாரணைக்கு வழி வகை செய்ய வேண்டும். இதன் மூலமே, மாணவர்களை அமைதிப்படுத்த முடியும். மத்திய அரசுக்கு, இதில், பொறுப்பும் கடமையும் உள்ளது. இந்த பிரச்னையில், தெளிவான உறுதியான பதிலை மத்திய அரசு தர வேண்டும். அவ்வாறு செய்யத் தவறினால், தமிழகம் எங்கும் கடும் விளைவுகள் ஏற்படுவது நிச்சயம். எதிர்காலத்தில் நடக்கப்போகும், விரும்பத்தகாத நிகழ்வுகளை, தடுத்து நிறுத்த வேண்டும் எனில், மத்திய அரசு இனியும் காலம் கடத்தாமல், உரிய முறையில் நடந்து கொள்ள வேண்டும். இவ்வாறு சிவா பேசினார்.
அ.தி.மு.க., - எம்.பி., மைத்ரேயன் பேசியதாவது: ஐக்கிய நாடுகள் சபையின் மனித உரிமை கமிஷனில், அமெரிக்கா தாக்கல் செய்துள்ள தீர்மானம், திருப்திகரமானது அல்ல. அதிலுள்ள அம்சங்கள் எல்லாமே, பெரிய அளவில், அழுத்தத்தை தரக்கூடியவை அல்ல. அத்துடன், தீர்மானத்தில் கூறப்பட்டுள்ள கருத்துக்களைக் கூட, மேலும் வலு இல்லாதவைகளாக மாற்ற, பல சக்திகள் முயன்று வருகின்றன. பாரபட்சமற்ற வகையில், சுதந்திரமான நீதி விசாரணை நடத்தப்பட வேண்டும். இதற்கு குறைவாக எதையும் ஏற்க முடியாது. மேலும், அமெரிக்காவின் தீர்மானத்தை, இந்தியா ஆதரித்தால் மட்டும் போதாது. அந்த தீர்மானத்தை, வலுவான தீர்மானமாக மாற்ற வேண்டிய பொறுப்பும், மத்திய அரசுக்கு உள்ளது. கடந்த, 1960ம் ஆண்டுகளில், இந்தி மொழியை திணித்தபோது, தமிழகம் பற்றி எரிந்தது. மாணவர்களே, அப்போதும் களத்தில் நின்றனர். அந்த இந்தி எதிர்ப்பு போராட்டம்தான், தமிழகத்தில் காங்கிரசை இல்லாமல் செய்து விட்டது. இப்போதும், மாணவர்களே களத்திற்கு வந்துள்ளனர் என்பதை இங்குள்ளவர்கள் உணர்ந்தால் சரி. இவ்வாறு மைத்ரேயன் பேசினார்.
மார்க்சிஸ்ட் கம்யூனிஸ்ட் எம்.பி., ரங்கராஜன் பேசுகையில், ""தற்போது நடைபெற்றுக் கொண்டிருக்கும் இந்த பிரச்னையில், மத்திய, மாநில அரசுகள் ஒருங்கிணைந்து செயல்பட வேண்டும். மாணவர்கள் போராட்டத்திற்கு, மத்திய அரசு போதிய உறுதி மொழியை அளிக்க வேண்டும். எத்தகைய முடிவை, மத்திய அரசு எடுத்தாலும், அதற்கு முன், மாநில அரசையும் கலந்து ஆலோசிக்க வேண்டும்,'' என்றார். இறுதியாக பதிலளித்து பேசிய அமைச்சர் ராஜிவ் சுக்லா, ""எம்.பி.,க்களின் உணர்வுகளை, அரசு கவனத்தில் கொள்ளும். இந்த கருத்துக்கள் எல்லாம், வெளியுறவு அமைச்சரிடம் தெரிவிக்கப்படும். இதுகுறித்து, அறிக்கை அளிக்கவும் ஏற்பாடு செய்யப்படும்,'' என்றார். லோக்சபாவிலும், இதே பிரச்னைக்காக குரல் கொடுத்த தி.மு.க., - எம்.பி.,யான டி.ஆர்.பாலு, ""அமெரிக்காவின் தீர்மானத்தை, மேலும் கூர்மையானதாக, இந்தியா மாற்ற வேண்டும். இல்லையெனில், விபரீத விளைவுகள் ஏற்படும்,'' என்றார். அ.தி.மு.க.,வின் தம்பி துரை, ""அமெரிக்காவை விட, இந்தியாவே இந்த விவகாரத்தில், முன்னின்று செயல்பட வேண்டும். இந்தியா சார்பில், அமெரிக்காவுக்கு எதிராக தீர்மானம் கொண்டு வர, மத்திய அரசு முன்வர வேண்டும்,'' என்றார்.
விரைவில் இறுதி முடிவு: ""இலங்கை எதிரான அமெரிக்காவின் தீர்மானத்தின் மீது என்ன நடவடிக்கை எடுப்பது என்பதை, மத்திய அரசு பரிசீலித்து வருகிறது. அதுபற்றி தீவிரமாக ஆய்வு செய்கிறது. இது முடிவு எடுக்கப்பட்ட உடன் சபையில் தெரிவிக்கப்படும்,'' என, வெளியுறவு அமைச்சர் சல்மான் குர்ஷித், ராஜ்யசபாவில் தெரிவித்தார். தி.மு.க., மற்றும் அ.தி.மு.க., - எம்.பி.,க்களின் கோரிக்கைக்குப் பின், ராஜ்யசபாவில் அறிக்கை தாக்கல் செய்த, சல்மான் குர்ஷித் இவ்வாறு கூறினார். அவர் மேலும் கூறியதாவது: தீர்மானம் தொடர்பாக, என்ன நிலையை கடைப்பிடிக்கலாம் என்பது குறித்து, மற்ற நாடுகளுடன் பேச்சுவார்த்தை நடத்தப்படுகிறது. என்ன நடவடிக்கை எடுக்க வேண்டியது தேவையோ, அதை மத்திய அரசு எடுக்கும். போர்க் குற்றங்கள் தொடர்பாக, பாரபட்சமற்ற, சுதந்திரமான, ஒளிவுமறைவற்ற விசாரணை நடைபெற வேண்டும் என்பதில், மத்திய அரசு உறுதியாக உள்ளது. இவ்வாறு குர்ஷித் கூறினார்.
- நமது தில்லிச் செய்தியாளர் -

சனி, 24 செப்டம்பர், 2011

ravisankar: தூக்குத் தண்டனை கூடாது

அணுமின் நிலையப் பாதுகாப்பு: மக்களிடம் விளக்க விஞ்ஞானிகள் தவறிவிட்டனர்- ஸ்ரீ ஸ்ரீரவிசங்கர்

First Published : 24 Sep 2011 12:50:59 AM IST


தூத்துக்குடியில் வெள்ளிக்கிழமை பேட்டியளித்த வாழும் கலை அமைப்பின் நிறுவனர் பூஜ்ய ஸ்ரீ ஸ்ரீரவிசங்கர்.
தூத்துக்குடி, செப். 23: கூடங்குளம் அணுமின் நிலையப் பாதுகாப்பு குறித்து மக்களிடம் விளக்க விஞ்ஞானிகள் தவறிவிட்டனர் என்று வாழும் கலை அமைப்பின் நிறுவனர் ஸ்ரீ ஸ்ரீரவிசங்கர் வெள்ளிக்கிழமை கூறினார்.  தூத்துக்குடியில் செய்தியாளர்களுக்கு அவர் அளித்த பேட்டி:  கூடங்குளம் அணுமின் நிலையத்துக்கு எதிராக மக்கள் உண்ணாவிரதம் இருந்து நல்ல முடிவு ஏற்பட்டிருப்பது மகிழ்ச்சியை அளிக்கிறது. நாட்டை பற்றி மக்கள் கவலைப்பட தொடங்கியிருப்பது நல்ல அறிகுறி. நாட்டு நலனில் தங்களுக்கும் பொறுப்பு இருப்பதை மக்கள் தற்போது உணர்ந்துள்ளனர்.  ஜப்பான் நாட்டில் ஏற்பட்ட அணு உலை விபத்துக்குப் பிறகு அணுமின் நிலையம் குறித்து மக்களுக்கு கவலை அதிகரித்துள்ளது. அணுசக்தி தேவைதான். ஆனால், அணு உலைகளின் பாதுகாப்பு மிக முக்கியமானது.  கூடங்குளம் அணுமின் நிலையம் பாதுகாப்பானது என அரசு கூறினாலும், விஞ்ஞானிகள் அதை மக்களுக்கு விளக்கவில்லை. அணுமின் திட்டங்களில் கூட நிதி முறைகேடு இருப்பதாக நான் நினைக்கிறேன்.  ஜாதி மத மோதல்களை தவிர்த்து, அனைவரும் ஒற்றுமையாக வாழ வேண்டும். அதற்கு ஆன்மிகம் மிக முக்கியமானது. மக்கள் மத்தியில் தற்போது ஆன்மிக எழுச்சி ஏற்பட்டிருப்பது நல்ல அறிகுறி. நாடு சுபிட்சமாக இருக்க ஊழலை அடியோடு ஒழிக்க வேண்டும். மற்ற நாடுகளை ஒப்பிடுகையில் நமது நாட்டில் ஊழல் அதிகமாக உள்ளது.  ஊழலுக்கு அரசியல்வாதிகள் மட்டும் காரணம் அல்ல. எல்லோரும்தான் காரணம். லஞ்சம் கொடுக்க மாட்டோம் என மக்கள் உறுதி எடுத்துக் கொள்ள வேண்டும். எனது நிகழ்ச்சிகளில் பங்கேற்கும் மக்களிடம் இந்த உறுதிமொழியை நான் பெற்று வருகிறேன். ஊழலுக்கு எதிராக 14 மாநிலங்களில் நிகழ்ச்சிகளை நடத்தியுள்ளேன்.  அண்ணா ஹசாரே பாகிஸ்தான் செல்ல விருப்பம் தெரிவித்திருப்பது நல்ல விஷயம்தான். அந்நாட்டிலும் ஊழல் அதிகம் உள்ளது. அதை ஒழிக்க அந்நாட்டு மக்களுக்கு வழிகாட்ட அவர் வர வேண்டும் என அழைப்பு விடுத்துள்ளனர்.  இலங்கைத் தமிழர் பிரச்னை முழுமையாகத் தீரவில்லை. இங்குள்ள இலங்கைத் தமிழ் அகதிகளுக்கு இன்னும் குடியுரிமை வழங்கவில்லை. நாட்டில் தீவிரவாதம் ஒழிய அனைவரும் ஒற்றுமையாக இருக்க வேண்டும்.  தூக்குத் தண்டனை கூடாது என்பதுதான் எனது கருத்து. தவறு செய்வோரை சிறையில் அடைத்து நல்வழிப்படுத்த வேண்டும். அவர்களுக்கு திருந்த வாய்ப்பு அளிக்க வேண்டும். வாழும் கலை அமைப்பு சார்பில் 3 லட்சம் சிறைக் கைதிகளுக்கு பயிற்சி அளித்துள்ளோம் என்றார் அவர்

வெள்ளி, 23 செப்டம்பர், 2011

Release comes according to law: மன்னித்துவிடுதலை செய்வது என்பது சட்டப்படியான ஒன்று

தண்டனை பெற்றவர்களை மன்னித்துவிடுதலை செய்வது என்பது சட்டப்படியான ஒன்று. சட்டத்திற்கு  எதிராக ஆளாளுக்கு இப்படிப் புறப்பட்டால் நீதித்துறை தன் கடமையைச் செய்ய இயலாது. தங்கள் பதவி ஆசைகளுக்காக உண்மையை உரியவர்களிடம் கூறாமல் அப்பாவிகளைத் தூக்கிலேற்ற வேண்டும் எனக் கூலிக்குப் போராடுபவர்களைச் சட்ப்படிச் சிறையில் அடைக்க வேண்டும்.  தமிழனாக அல்ல மனிதனாகக்கூட நடந்து கொள்ளாதவர்கள் பற்றிய செய்திக்கு முதன்மை அளிப்பதை விட்டுவிடுவதே நன்று. அன்புடன் இலக்குவனார் திருவள்ளுவன். / தமிழே விழி! தமிழா விழி! எழுத்தைக் காப்போம்! மொழியைக் காப்போம்! இனத்தைக் காப்போம்! /

புதன், 21 செப்டம்பர், 2011

மரண தண்டனை என்பது அரசால் நிகழ்த்தப்படும் கொடூரமான கொலையேயன்றி வேறில்லை



மரண தண்டனை என்பது அரசால் நிகழ்த்தப்படும் கொடூரமான கொலையேயன்றி வேறில்லை

மின்னஞ்சல் அச்சிடுக PDF
பயனாளர் தரப்படுத்தல்: / 1
குறைந்தஅதி சிறந்த 

(முன்னாள் உச்ச நீதிமன்ற நீதிபதியான K.T.தாமஸ், ராஜீவ் காந்தி படுகொலை வழக்கில் நான்கு கைதிகளுக்கு மரண தண்டனை விதித்த ஆயத்தின் தலைமைப் பொறுப்பை வகித்தவர் ஆவார். கடந்த செப்டம்பர் 2, 2011ல் ஏசியன் ஏஜ் இதழில் வெளியான அவரது கட்டுரையின் மொழியாக்கம் இது)
afzalguru_360இந்திய குடியரசுத் தலைவர் கருணை மனுவை தள்ளுபடி செய்ததும், தமிழக சட்டமன்றம் ஒருமனதாகத் தீர்மானம் நிறைவேற்றப்பட்டதும், அப்சல் குரு குறித்து ஜம்மு காஷ்மீர் முதலமைச்சர் சமூக வலைப்பின்னல் தளமான ட்விட்டரில் சமீபத்தில் பதிவு செய்தவையும், மரணதண்டனை குறித்த விவாதத்தை முன்னிலைப்படுத்தியுள்ளது. உண்மையில், பரபரப்பான வழக்குகளில் குற்றம் சுமத்தப்பட்டவருக்கு நீதிமன்றங்கள் இந்த அதீதமான தண்டனையை எப்போதெல்லாம் விதிக்கிறதோ அப்போதெல்லாம் இந்த சர்ச்சை சூடுபிடிக்கத்தான் செய்கிறது. மற்ற நேரங்களில் இது குறித்த விவாதம் துடிப்பற்றே இருக்கிறது. சுவாரசியமான விஷயம் என்னவென்றால், ராஜீவ் காந்தி படுகொலை வழக்கில் குற்றம் சாட்டப்பட்டோர் 26 பேருக்கும் அமர்வு நீதிபதி ஒருவர் மரணதண்டனை விதித்தபோது விவாதம் ஏதும் எழாமலேயே போனது. பின்னர் உச்ச நீதிமன்றம் 22 குற்றம்சாட்டப்பட்ட நபர்களுக்கு எதிரான மரண தண்டனை தீர்ப்பை தள்ளுபடி செய்து, நால்வருக்கு எதிரான மரண தண்டனை தீர்ப்பை மட்டும் உறுதி செய்தது. அப்போதும் கூட கொந்தளிப்பை உருவாக்கக்கூடிய இப்பிரச்சனை பொது விவாதத்திலிருந்து தப்பியது.
இது இவ்வாறிருக்க, வன்புணர்ச்சிக் குற்றத்திற்காக ஒருவருக்கு உச்ச நீதிமன்றத்தால் அளிக்கப்பட்ட மரண தண்டனை தீர்ப்பில் கருணை மனுவை இந்திய ஜனாதிபதி தள்ளுபடி செய்தபோதுதான் இப்பிரச்சனை முன்னிலைக்கு வந்தது. மிக நீண்ட காலத்திற்குப்பிறகு அவர் தூக்கில் இடப்பட்டார். ராஜீவ் காந்தி படுகொலை வழக்கில் உள்ள கைதிகளின் நிலையும் வேறொன்றில்லை, ஏனெனில் மிக நீண்ட காலமாக தூக்குக்கயிர் கண்கள் முன்னால் ஆட, அவர்கள் சிறையில் இருந்திருக்கிறார்கள்.
இந்த நான்கு குற்றம்சாட்டப்பட்டோருக்கு மரண தண்டனை விதித்துத் தீர்ப்பு வழங்கிய உச்ச நீதிமன்ற ஆயத்திற்கு தலைமை வகிக்க நேர்ந்தது எனது துரதிர்ஷ்டம்.
ராஜீவ் காந்தி படுகொலை வழக்கில் முதலில் தூக்கிலிடப்படுவதற்காக தீர்ப்பளிக்கப்பட்ட நபர்களின் எண்ணிக்கை, என் ஞாபகத்தில், சரித்திரத்தில் வேறு எந்த வழக்கிலும் இருந்ததில்லை. நான் வழக்கறிஞராகப் பணியைத் துவங்கிய காலகட்டத்தில் மரண தண்டனை தீர்ப்பு அடிக்கடி வழங்கப்பட்டு வந்தது. அப்போதெல்லாம், சட்டப்படி, அமர்வு நீதிபதி மரண தண்டனை தீர்ப்பு அளிக்கவில்லையெனில், அதற்கான காரணங்களை அளிக்கவேண்டிய கட்டாயம் இருந்தது. பின்னர் சட்டம் மாற்றப்பட்டு ஆயுள் தண்டனையே சராசரி தண்டனை ஆன போது, மரண தண்டனை விதிப்பதற்கு அமர்வு நீதிபதிகள், சிறப்புக் காரணங்களை அளிக்கவேண்டிய நிலை வந்தது!
அரிதிலும் அரிதான வழக்கு இல்லையெனில் இவ்வதீதமான தண்டனையை சுமத்தக் கூடாது என உச்ச நீதிமன்றம் பின்னர் கட்டுப்பாடு விதித்தபோது, சட்டம் மேலும் முறுக்கப்பட்டது. ஆனால் “அரிதிலும் அரிதான” என்ற இந்த கருத்து சொற்பொருளியல் அளவிலேயேதான் இருந்து வந்தது.
ஒரு குறிப்பிட்ட கொலை வழக்கில் மற்ற வழக்குகளை விட குரூரமான மேலோட்டங்கள் அதிகமாக இருப்பதாகத் தோன்றிய போதெல்லாம் உயர் நீதிமன்றங்களும் உச்ச நீதிமன்றங்களும் மரண தண்டனையை விதித்து வந்துள்ளன. பெரும்பாலான கொலைகள் கொடூரமான முறையில் நிகழ்த்தப்படுபவையாகவே இருக்க, ஒரு குறிப்பிட்ட வழக்கை அரிதிலும் அரிதானது என்று தனது சொல்லாடலால் விவரிப்பது நீதிபதியின் விருப்பத்தைப் பொருத்து அமைந்தது. தீவிரவாதிகளின் தாக்குதல்களில் நிகழும் பெரும்பாலான கொலைகள் அரிதிலும் அரிதான வழக்குகளாக கருதப்படவில்லை என்று அறிந்து நீங்கள் ஆச்சரியப்படலாம். ஆனால் கொலை செய்யப்படுவது பிரபலங்களாக இருக்கும் பட்சத்தில், அரிதிலும் அரிதானதாக விவரிக்கப்பட்டு மரண தண்டனை வழங்கப்பட்டது.
இந்திரா காந்தி படுகொலை வழக்கிலும், ராஜீவ் காந்தி படுகொலை வழக்கிலும், ஜெனரல் வைத்யா கொலை வழக்கிலும் அளிக்கப்பட்டுள்ள தீர்ப்புகள் இதை உறுதி செய்கின்றன. ஆனால் 1984இல் நடந்த சீக்கியர் கலவரங்களின்போதைய கொலை வழக்குகள் ஏதும் அரிதிலும் அரிதான வழக்காகக் கருதப்படவில்லை. அரிதிலும் அரிதான வழக்குகள் என்ற கோட்பாட்டை எடுத்துரைத்த உச்ச நீதிமன்றத்தின் பிரபலமான பச்சென் சிங்க் வழக்கின் தீர்ப்பை இயற்றியவர் நீதியரசர் சர்க்காரியா ஆவார்.
இதுபோன்ற வழக்குகளை அடையாளம் கண்டுகொள்வதற்கான அளவுகோல் குறித்து அவர் கூறுகையில், “அரிதிலும் அரிதான வழக்கு என்பது ஆயுள் தண்டனை என்ற மாற்று கேள்விக்கிடமின்றி ஏற்றுக்கொள்ளமுடியாத வழக்குகளே ஆகும்” என்கிறார். ராஜீவ் காந்தி படுகொலை வழக்கில் உச்ச நீதிமன்றம் தீர்ப்பு அறிவித்தபோது சுவாரஸ்யமான விஷயம் ஒன்று நிகழ்ந்தமையால் இதைச் சுட்டிக்காட்டுகிறேன்.
அது, நான், நீதியரசர் வாத்வா மற்றும் நீதியரசர் முஹம்மது காத்ரி ஆகியோர் அடங்கிய ஆயம். நளினி குறித்த விசாரணையின் போது உச்ச நீதிமன்றம் அவரையும் குற்றவாளியாகவே அறிவித்தது. ஆனால் மூவரில் ஒரு நீதிபதி தனது காரணங்களை முன்வைத்து, அவர் தூக்கில் இடப்படக்கூடாது என்றார். எனினும், மற்ற இரு நீதிபதிகளும் அவரும் சாகும் வரை தூக்கில் இடப்பட வேண்டியவரே என்று எடுத்துரைத்தனர். ஆகவே, பெரும்பான்மை தீர்ப்புக்கேற்ப அவருக்கும் மரண தண்டனை விதிக்கப்பட்டது. ஆனால், உச்ச நீதிமன்றத்தின் முன்னர் மனு ஒன்று தாக்கல் செய்யப்பட்டபோது, இந்த தீர்ப்பு மறுஆய்வுக்கு வந்தது. ஆயத்தின் ஒரு மூத்த நீதிபதி என்ற முறையில் வழக்கறிஞர்களிடம் மறுஆய்வுக்கான சாத்தியக்கூறுகள் மிகவும் குறைவு என்பதை நான் கூறினேன். நான் அப்படிச் செய்ததற்கான காரணம், வெளிப்படையான தவறுகள் ஏதும் முந்தைய பதிவுகளில் இல்லாத பட்சத்தில், உச்ச நீதிமன்றம் தனது தீர்ப்பை மற்றிக்கொள்ளாது என்பது தான். ஆகவே நாங்கள் அந்த மறுஆய்வு மனுவைத் தள்ளுபடி செய்ய முடிவுசெய்தோம்.
எனினும் அந்த மறுஆய்வு மனு மீதான தீர்ப்பு பிறப்பிக்கப்படுவதற்கு முன்னர் என் மனதில் ஒரு புது யோசனை உதித்தது. அதனால், புதிய அடிப்படையில் அந்த மறுஆய்வு மனுவை அனுமதித்துக்கொண்டு தீர்ப்பைப் பிறப்பித்தேன். மூவர் ஆயத்தில் ஒருவர் ஆயுள் தண்டனைக்குச் சாதகமான நிலைப்பாடு எடுக்க, இரு நீதிபதிகளால் மரண தண்டனை விதிக்கப்பட்ட சூழலில், அரிதிலும் அரிதான வழக்குகளை அடையாளம் காண்பதற்கான அளவுகோல் கணக்கில் எடுத்துக்கொள்ளப்படலாம் என்று கூறினேன். அதாவது, ஒரு நீதிபதி மரண தண்டனைக்கு எதிராக பேசிய சூழலில், குறைவான மாற்று என்பது கேள்விக்கிடமின்றி தள்ளுபடி செய்யப்படவில்லை. மற்ற இரு நீதிபதிகளும் இதை ஏற்றுக்கொள்ளவில்லை. ஆனால் இறுதியாக குடியரசுத் தலைவர் நான் கூறியதை ஏற்றுக்கொண்டார். சட்டத்தால் நிறுவப்பட்ட செயல்முறைக்கேற்ப அல்லாமல், ஒரு மனிதனின் உயிரையோ சுதந்திரத்தையோ பறிக்கக்கூடாது என்று அரசியலமைப்புச்சட்டத்தின் சரத்து 21 கூறுகிறது. இதன் பொருள், சட்டம் நியாயமாக, நேர்மையாக, சரியானதாக இருப்பின் உங்களது உயிர் கூட அச்சட்டத்தால் எடுக்கப்படலாம். மரண தண்டனை என்பது ஒரு மனிதனைக் கொல்வதாகும். சட்டத்தின் பாதுகாப்பு இருந்தால் ஒரு நபரைக் கொல்வது குற்றம் இல்லை என்பதே இப்போது சட்டம்! சட்ட அனுமதி இருப்பின் ஒரு மனிதன் கொல்லப்படலாமா?
மரண தண்டனை இருக்க வேண்டும் என்று சொல்வோரும், ஒழிக்கப்படவேண்டும் என்று சொல்வோருமாக, சட்டம் அறிந்தோரும், மனித உரிமை ஆர்வலர்களும் தங்களை இரு குழுக்களாக பிரித்துக்கொண்டுள்ளனர். நீங்கள் ஒருவரைக் கொன்றால் எப்படி உங்களை தண்டனையிலிருந்து விலக்க முடியும்? தண்டனை என்பது என்ன? நீங்கள் உங்கள் குழந்தையை எதற்கு தண்டிக்கிறீர்கள்? ஒருவரை சீர்திருத்தவே அவரை தண்டிக்கின்றீர்கள் என்பது திண்ணம். முன்பெல்லாம் தண்டனைக்கு மூன்று பரிமாணங்கள் கொண்ட நோக்கம் இருந்தது: சீர்திருத்தம், குற்றங்களைத் தடுத்து நிறுத்துவது மற்றும் பழிவாங்குவது. பழிவாங்குதல் என்ற குறிக்கோள் இப்போது வழக்கற்றுப்போன, பட்டிக்காட்டுத்தனமான ஒன்றாக கருதப்படுகிறது. பல்லுக்கு பல், கண்ணுக்கு கண் என்ற கோட்பாட்டை பெரும்பாலான நவீன கால குற்றவியல் நிபுணர்கள் ஏற்றுக்கொள்வதில்லை. எஞ்சிய இரு நோக்கங்களில், சீர்திருத்தம் என்ற நோக்கம் குற்றம் இழைத்தவரை இல்லாமல் செய்யும் போது, அடையமுடியாததாகிறது.
எஞ்சுவது, குற்றங்களைத் தடுத்து நிறுத்தும் நோக்கம். மரண தண்டனை இருக்க வேண்டும் என்று கூறும் குழுவினர் தங்கள் கூற்றை நியாயப்படுத்த முன்வைப்பதும், மரண தண்டனை குற்றங்கள் நிகழ்வதை தடுக்கும் என்ற வாதமே ஆகும். ஆனால் இது நிஜமாகவே குற்றங்கள் நிகழ்வதை தடுக்கிறதா? இன்றைக்கும் சவுதி அரேபியாவில் வெள்ளிக்கிழமைகளில் ஜுமா வழிபாட்டிற்குப் பின்னர் ஒருவர் காண நிர்பந்திக்கப்படுகிற கொடூரமான காட்சி, குற்றவாளிகள் சிரச்சேதம் செய்யப்படுவதாகும்.
இதற்கான பொருள் என்னவென்றால், மக்கள் தொகை மிகவும் குறைவான ஒரு நாட்டில் ஆயிரம் வருடங்களுக்கு பின்னரும் குற்றம் புரிவோர் ஒழிக்கப்படவில்லை என்பதேயாகும். ஒரு குற்றவாளி தண்டனையில் இருந்து தப்பினால் மற்றவர்களை அதே போன்ற குற்றங்கள் இழைக்க அது ஊக்குவிக்கும் என்பதை நானும் ஏற்றுக் கொள்கிறேன். இருப்பினும் மரண தண்டனை நிஜமாகவே குற்றம் இழைப்பதிலிருந்து குற்றவாளிகளை தடுக்கிறதா என்று ஒரு ஆய்வை நாம் மேற்கொள்ள வேண்டிய தேவை இருக்கிறது. எனக்கு தெரிந்த வரை, மரண தண்டனையின் தாக்கத்தையும் ஆயுள் தண்டனையின் தாக்கத்தையும் எவரும் ஒப்பீடு செய்து பார்த்ததில்லை.
perarivalan_267ஆனால் நம்மிடம் திருவிதாங்கூர் மற்றும் கொச்சி மாகாணங்களைச் சார்ந்த பதிவுகள் உள்ளன. திருவிதாங்கூர் அரசர்தான், 1940இல் முதலில் மரண தண்டனையை ஒழித்தார். பின்னர் அதே வருடம் கொச்சியின் அரசரும் இதே போன்றதொரு அறிவிப்பை விடுத்தார். பின்னர் இந்த மாகாணங்கள் 1950இல் இந்திய குடியரசில் இணைந்த போது இங்கு மரண தண்டனையையை மீண்டும் அமுலுக்கு கொண்டுவரவேண்டியிருந்தது. இது இவ்வாறிருக்க, இவ்விரு மாகாணங்களிலும் 1940லிருந்து 1950 வரையிலும், 1950லிருந்து 1960 வரையிலும் நடந்தேறிய கொலைகளை குற்றவியல் நிபுணர்கள் ஒப்பீட்டு ஆய்வு செய்தனர். மரண தண்டனை நிலுவையில் இல்லாத காலத்தில் இருந்ததை விட 1950லிருந்து 1960 வரையிலான காலத்தில் கொலை விகிதம் அதிகமாக இருந்ததைக் கண்டறிந்து அவர்கள் திகைப்புற்றனர். குற்றம் நிகழ்வதிலிருந்து தடுக்கும் கருவியாக மரண தண்டனை அமையும் என்ற கருத்தில் உண்மையில்லை என்பதை இது தெளிவாக்குகிறது.
இங்கிலாந்தில் சிறு திருடர்களுக்கு கூட மரண தண்டனை விதிக்கப்பட்டு வந்த காலகட்டத்தில் நிகழ்ந்த ஒரு சுவரசியமான சம்பவத்தை மாபெரும் தத்துவவாதியான ஆர்தர் கொட்ஸ்லர் விவரிக்கிறார். குட்டித் திருட்டுகள் புரியும் நபர்களை மரண தண்டனை தடுக்கும் என்ற எண்ணத்தில்தான் மரண தண்டனை அறிமுகப்படுத்தப்பட்டது. ஒவ்வொரு திருடன் தூக்குமேடையேற்றப்படும் போதும் மக்கள் கூட்டம் கூட்டமாக அக்காட்சியை காண வருவர். அவ்வாறு ஒரு தூக்கு தண்டனை நிறைவேற்றப்பட்டதன் பின்னர் அக்காட்சியைக் கண்டுகொண்டிருந்த மக்களில் 63 நபர்களின் பணம் அந்நிகழ்ச்சியின் போது திருடப்பட்டதாக காவல்துறையினருக்கு செய்திகள் கிடைத்தது. மரண தண்டனை, குற்றத்தைத் தடுக்காது என்பதற்கு இதுவும் ஒரு எடுத்துக்காட்டு.
இனி எஞ்சுவது மரண தண்டனையைச் சூழும் மனிதத்தன்மையற்ற அம்சங்களே ஆகும். முதலாவதாக, குற்றவாளியை சீர்திருத்துவதற்கான குறிக்கோளை அது அழிக்கிறது. இரண்டாவதாக, உங்கள் முடிவைத் திருத்தும் கடமைக்கு (குறிப்பாக, உங்கள் தீர்மானம் தவறானது என்று பின்னர் தெரியவரும் போது) முன்கூட்டியே முடிவுகட்ட உங்களை நிர்பந்திக்கிறது. மூன்றாவதாக, குற்றவாளியை கொல்வதின் மூலம், சட்டத்தின் மறைவில் இருந்துகொண்டுதான் என்றாலும், நீங்கள் ஒரு கொலையைத் தான் புரிகிறீர்கள். நான்காவதாக, சட்டம் கொடுக்கும் அதிகாரத்தால் ஒருவரை கொல்லும்போது, நீங்களும் அந்த நபரின் பழிவாங்கும் மனப்போக்கையே பகிர்ந்துகொள்கிறீர்கள்.
ஐந்தாவதாக, ஆத்மீகமான முறையில் சொன்னால், உங்களால் திருப்பிக் கொடுக்க முடியாத உயிரை நீங்கள் எடுக்கவும் கூடாது. ஆறாவது காரணம், சம்பவத்தை நேரில் கண்ட சாட்சிகளின் கூற்றை வைத்து மரண தண்டனை விதிக்க முடிவு செய்வதைக் குறித்ததாகும். வழக்கறிஞராகவும் நீதிபதியாகவும் இருந்த எனது அனுபவங்களின் அடிப்படையில், சாட்சிகள் சாட்சியம் சொல்ல பயிற்றுவிக்கப்படுகின்றனர் என்று என்னால் அதிகாரப்பூர்வமாகக் கூற முடியும். கொலையின் தீவிரத்தை கொலை செய்யப்பட்டவரின் உற்றார் உறவினர் பொதுவாக மிகைப்படுத்தித் தான் கூறுவர். ஆகையால், ஒரு கொலை மிகக் கொடூரமான முறையில் நிகழ்த்தப்பட்டது என்ற உங்கள் முடிவு மிக பலவீனமான அடிப்படையைக்கொண்டு எடுத்த முடிவாகவும் இருக்கக்கூடும். மேலும், கொலை வழக்குகளில், குற்றவாளிகளாக கருதப்படுபவர்களின் எண்ணிக்கையைப் பார்த்தால் இவர்களில் 90 விழுக்காட்டினர் சமூகத்தின் கீழ் படிநிலைகளைச் சார்ந்தோர் என்பதைத் தெரிந்துகொள்வீர்கள்.
நான் கொலை புரிவதில்லை, நீங்களும் செய்யாமல் இருக்கலாம். இதற்கு நாம் வளர்க்கப்பட்ட விதமே காரணமாகும். ஆனால், கல்விபெற்ற வகுப்பினரின் குழந்தைகளுக்கு வாழ்க்கையின் மதிப்பு தெரிந்த அளவுக்கு சேரியில் வாழ்பவர் மற்றும் நாடோடியாக அலைபவர்களின் குழந்தைகளுக்குத் தெரிந்திருக்காமல் இருக்கலாம். அவர்களுக்கு ஆத்மீகம் குறித்தும் தெரியாமல் இருக்கலாம். அதனால் அவர்கள் எந்தவிதமான தார்மீகமான தடைகளும் இன்றி வன்முறையில் ஈடுபடுகின்றனர். மகசேசே விருது பெற்ற கிரண் பேடி எழுதியுள்ள புத்தகத்தைப் படித்த பின்னர் எந்தவொரு குற்றவாளியும் சீர்திருத்தப்படலாம் என்ற நம்பிக்கை எனக்கு வந்துள்ளது. ஆனால், துரதிர்ஷ்டவசமாக, அரசோ பொதுமக்களோ சீர்திருத்தம் என்ற இப்பிரச்சனையில் போதிய கவனம் செலுத்துவதில்லை. அவர்களுக்கு குறுக்கு வழிதான் தெரியும்; குற்றவாளியைத் தீர்த்துக்கட்டி அதில் கிடைக்கும் காட்டுத்தனமான மகிழ்ச்சியில் களிப்பது. எனது நீண்ட அனுபவத்தின் அடிப்படையில் உங்களுக்கு ஓர் எச்சரிக்கையை விடுக்கிறேன். குற்றவாளியை நிரபராதி என்று நீதிமன்றம் கூறுவதற்கான சாத்தியக்கூறுகள் அதிகம். ஆனால் சில நேரங்களில், அரிதாகத் தான், நிரபராதிகள் குற்றவாளிகளாக்கப்படுவர்.
இது வழக்குகளைப் பரபரப்பாக்குவதின் விளைவே ஆகும். குற்றம் சுமத்தப்பட்டவர் உண்மையில் நிரபராதி என்று நீதிபதி கண்டறிந்த ஒரு உதாரணம் சரித்திரத்தில் உள்ளது. இருப்பினும் குரோதம் நிறைந்த மக்கள் கூட்டம் ஒன்றை சமாதானப்படுத்துவதற்கு அவருக்கு மரண தண்டனை அளிக்க வேண்டியிருந்தது. இது 2000 வருடங்களுக்கு முன்னர் எருசலேம் நகரில் நடந்தது. அந்த நீதிபதியின் பெயர் பொந்தியு பிலாத்து என்றும் அந்த கைதியின் பெயர் நாசரேத்தைச் சேர்ந்த இயேசு என்றும் நான் உங்களுக்குச் சொல்ல வேண்டிய தேவை இல்லை!
(K.T. தாமஸ், T.S. ஸ்ரீநிவாச ராகவனிடம் கூறியது - http://www.asianage.com/ideas/death-penalty-nothing-brutal-murder-state-814)
தமிழில்: சபிதா, இராபர்ட் சந்திரகுமார் ( robertckumar@gmail.com)

சனி, 3 செப்டம்பர், 2011

தூக்குத் தண்டனையை நீக்க அமைச்சரவையில் தீர்மானம்:இராமதாசு

தூக்கு தண்டனையை ரத்து செய்ய அமைச்சரவையில் தீர்மானம்: ராமதாஸ்

First Published : 03 Sep 2011 05:26:49 AM IST

Last Updated : 03 Sep 2011 06:10:58 AM IST

சென்னை, செப். 2: பேரறிவாளன், சாந்தன், முருகன் ஆகியோரின் தூக்குத் தண்டனையை ரத்து செய்வதற்கான தீர்மானத்தை அமைச்சரவையில் நிறைவேற்றி ஆளுநருக்கு அனுப்பி வைக்க வேண்டும் என்று பாமக நிறுவனர் டாக்டர் ராமதாஸ் கோரிக்கை விடுத்துள்ளார்.இது தொடர்பாக முதல்வர் ஜெயலலிதாவுக்கு வெள்ளிக்கிழமை அவர் அனுப்பிய கடிதம்:பேரறிவாளன், சாந்தன், முருகன் ஆகியோருக்கு விதிக்கப்பட்ட மரண தண்டனையை ஆயுள் தண்டனையாகக் குறைக்க நடவடிக்கை எடுக்க குடியரசுத் தலைவரை வலியுறுத்தி சட்டப்பேரவையில் தீர்மானம் நிறைவேற்றியது பாராட்டுக்குரியது.அதே நேரத்தில் அரசியல் அமைப்பின் 161-ம் பிரிவின்கீழ் தமிழக அமைச்சரவையில் தீர்மானம் நிறைவேற்றி, அதன் மூலம் ஆளுநருக்கு உள்ள அதிகாரத்தைப் பயன்படுத்தி மூவரின் தூக்கு தண்டனையை முழுவதுமாக நிறுத்த வேண்டும்.குடியரசுத் தலைவரால் கருணை மனு நிராகரிக்கப்பட்ட நிலையில் மீண்டும் கருணை மனுவை பரிசீலிக்குமாறு ஆளுநரை மாநில அரசு கோர முடியாது என்று 1991-ம் ஆண்டு மத்திய அரசு தெளிவுரை வழங்கியுள்ளதாக 2-9-2011-ல் சட்டப்பேரவையில் முதல்வரால் விளக்கம் அளிக்கப்பட்டுள்ளது.அரசியல் சட்டம் 72-ன் கீழ் குடியரசுத் தலைவரால் கருணை மனு நிராகரிக்கப்பட்டிருந்தால், அது தொடர்பாக அரசியல் சட்டம் 161-ன் படி உள்ள அதிகாரத்தைப் பயன்படுத்த மாநில அரசுக்கு அதிகாரம் இல்லை என்று அரசியல் சட்டத்தின் 257 (1) பிரிவு கூறுவதாக 5-3-1991-ல் மத்திய உள்துறை அமைச்சகம் தெரிவித்துள்ளது. மத்திய அரசின் இந்த தெளிவுரை மாநில அரசையோ, ஆளுநரையோ கட்டுப்படுத்தக்கூடியது அல்ல என்பதை சுட்டிக்காட்ட விரும்புகிறேன்.எந்த அரசியல் சாசனத்திலிருந்து மத்திய அரசு அதிகாரத்தைப் பெறுகிறதோ, அதிலிருந்துதான் மாநில அரசும் அதிகாரத்தைப் பெறுகிறது. அரசமைப்புச் சட்டத்தின் 72-வது பிரிவின் கீழ் மத்திய அமைச்சரவையின் மூலமாக குடியரசுத் தலைவருக்கு மன்னிக்கும் அதிகாரம் அளிக்கப்பட்டுள்ளது. அதே அரசியல் சட்டத்தின் 161-ன் பிரிவின்படி மாநில அமைச்சரவையின் மூலம் ஆளுநருக்கு மன்னிக்கும் அதிகாரம் வழங்கப்பட்டுள்ளது. இருவரின் அதிகாரங்களும் சரிசமமானவை. இரண்டும் தனித்தனி அதிகாரங்கள். ஆளுநர் மற்றும் அவரது அமைச்சரவை, குடியரசுத் தலைவரைவிட உயர்வானது அல்ல எனும் கருத்திலிருந்து அரசியல் அமைப்பின் 161-வது பிரிவு விதிவிலக்கானதாகும் என உச்ச நீதிமன்றம் கூறியுள்ளது.மாநில ஆளுநருக்கும், குடியரசுத் தலைவருக்கும் உள்ள மன்னிக்கும் அதிகாரம் முழுமையான கட்டற்றதும் ஆகும். இங்கிலாந்து மன்னருக்கும், அமெரிக்க அதிபருக்கும் உள்ள உச்சமான மன்னிக்கும் அதிகாரம் இந்தியாவில் ஆளுநருக்கும், குடியரசுத் தலைவருக்கும் உண்டு என்கிறது உச்ச நீதிமன்றம்.அரசியல் சட்ட விதி 161-ன் கீழ் ஆளுநர் தன்னிச்சையாக எந்த முடிவையும் எடுக்க முடியாது. மாநில அமைச்சரவையின் முடிவை மறுக்கவும் முடியாது. மாநில ஆளுநரின் மன்னிக்கும் அதிகாரத்தை மத்திய அரசால் கட்டுப்படுத்த முடியாது.கருணாநிதியின் வரலாற்றுப் பிழை: 19-4-2000-ல் தமிழக அமைச்சரவை எடுத்த முடிவின்படிதான் ஆளுநரால் மூன்று பேரின் கருணை மனுக்கள் நிராகரிக்கப்பட்டன. அப்போதைய முதல்வர் கருணாநிதியின் இந்த வரலாற்றுப் பிழையை இப்போதைய முதல்வரால் மாற்ற முடியும்.ஆளுநராலும், குடியரசுத் தலைவராலும் ஏற்கெனவே கருணை மனுக்கள் தள்ளுபடி செய்யப்பட்டுவிட்டன என்பது ஒரு தடையல்ல. தண்டனை குறைப்பு கோரி மீண்டும் மீண்டும் விண்ணப்பிக்க சட்டப்படி இடம் உண்டு. எனவே, மூவரின் கருணை மனுக்களை ஏற்றுக்கொள்ள தமிழக அரசுக்கும் ஆளுநருக்கும் எவ்வித தடையும் இல்லை. எனவே, மூவரின் தூக்குத் தண்டனையை குறைக்க அமைச்சரவையில் தீர்மானம் நிறைவேற்ற வேண்டும் என ராமதாஸ் கேட்டுக் கொண்டுள்ளார்.

புதன், 3 ஆகஸ்ட், 2011

பேரறிவாளனின் தூக்குத் தண்டனையை நீக்க வேண்டும்: வைகோ கோரிக்கை

பேரறிவாளனின் தூக்குத் தண்டனையை ரத்து செய்ய வேண்டும்: பிரதமரிடம் வைகோ நேரில் கோரிக்கை

பேரறிவாளனின் தூக்குத் தண்டனையை ரத்து செய்ய வேண்டும்:
பிரதமரிடம் வைகோ நேரில் கோரிக்கை
 பிரதமர் மன்மோகன் சிங்கை மதிமுக பொதுச்செயலர் வைகோ இன்று நாடாளுமன்றக் கட்டடத்துக்கு உள்ளே இருக்கும் பிரதமர் அலுவலகத்தில் சந்தித்தார்.
அப்போது அவரிடம்,   ‘’முன்னாள் பிரதமர் ராஜீவ் காந்தி கொலை வழக்கில், பேரரறிவாளனுக்கு விதிக்கப்பட்டு உள்ள தூக்குத் தண்டனையை ரத்துச் செய்ய வேண்டும்.
இரண்டு பேட்டரி செல்களை வாங்கிக் கொடுத்தார் என்பதுதான் அவர் மீதான குற்றச்சாட்டு.
ஏற்கனவே நளினிக்கு மரண தண்டனையை ரத்துச் செய்து உள்ளீர்கள். அதுபோல, பேரறிவாளனுக்கு விதிக்கப்பட்டு உள்ள மரண தண்டனையையும் ரத்து செய்ய வேண்டும்’’ என்று கோரிக்கை விடுத்தார்.
Short URL: http://meenakam.com/?p=32154

புதன், 27 ஏப்ரல், 2011

War crimes and genocide by Sinhalese - U.N.O. committee report: இலங்கையில் நடந்தது போர்க் குற்றமே! ஐ.நா. குழு அறிக்கை தகவல்

அறிக்கை நடுநிலை என்ற பெயரில் தாய்நாட்டு மக்களைக் காத்த மாவீரர்களைக் குற்றம் சுமத்தினாலும் ஏற்கெனவே சொல்லப்பட்டு வந்தவாறு
சிங்களத்தின் இனப்படுகொலை வஞ்சகக் கொடூரச் செயல்கள் வெளிப்படுத்தப்பட்டுள்ளன. குற்றவாளிகள் அப்படியே விடப்பட்டால் எல்லா நாட்டு ஆள்வோர்களுமே ஏதோ ஒரு பெயரில் தங்களை நிலை நிறுத்திக் கொள்வதற்காகக் கூட்டாக மக்களைக் கொலை செய்யத் தயங்க மாட்டார்கள். எனவே, சிங்களத் தலைவர்கள், படையணித் தலைவர்கள, அதிகாரிகள், உதவிய நாடுகளின் தலைவர்கள், அதிகாரிகள், படைவீரர்கள்,இந்திய அதிகாரிகள், தலைவர்கள், படையணித்தலைவர்கள், என வேறுபாடின்றி அனைவருமே போர்க்குற்றங்களுக்காகவும் இனப்படுககொலைகளுக்காகவும்  தளையிடப்பட்டு
நடுவீதியில் தூக்குத் தண்டனை வழங்கப்பட வேண்டும். அவர்கள்  குடும்பத்தினர் , வழிமுறையினர்
யாரும், ௧௦௦ ஆண்டு காலத்திற்கு ஆட்சிப் பொறுப்பிலும்  படைப்பொறுப்பிலும் பதவி வகிக்கத் தடை விதிக்க வேண்டும். இதுவரை வாய்மூடி அமைதியாக இருந்து ஒரு வகையில் கொலைகளுக்கு உடந்தையாக இருந்த நாம், அதற்குக் கழுவாய்  தேடும் வகையில் இதனை உலகறிய முழங்கி உடனே செயற்படுத்த ஆவன செயய் வேண்டும். ஐ.நா. குழுவினருக்கும் இவற்றை வெளியிடும் தினமணி முதலான ஊடகங்களுக்கும் நம் நன்றி.  
இங்ஙனம் இலக்குவனார் திருவள்ளுவன் 
/ தமிழே விழி! தமிழா விழி! / எழுத்தைக் காப்போம்!  மொழியைக் காப்போம்! இனத்தைக் காப்போம்! 



இலங்கையில் நடந்தது போர்க் குற்றமே! ஐ.நா. குழு அறிக்கை தகவல்

First Published : 27 Apr 2011 02:39:25 AM IST


 நியூயார்க், ஏப். 26: இலங்கையில், பல்லாயிரக்கணக்கானோர் கொல்லப்பட்டது போர்க் குற்றம்தான் என்று ஐ.நா. குழு அறிக்கையில் தெரிவிக்கப்பட்டுள்ளது.  இது குறித்து ஐ.நா. சபை, திங்கள்கிழமை வெளியிட்ட அதிகாரப்பூர்வ அறிக்கையில் இலங்கை அரசு மீது மேலும் பல்வேறு குற்றச்சாட்டுகள் சுமத்தப்பட்டுள்ளன.  எனினும், இலங்கையில் நிகழ்ந்த போர்க் குற்றம் குறித்து உறுப்பு நாடுகள் கேட்டுக் கொண்டால் மட்டுமே சர்வதேச விசாரணைக்கு உத்தரவிட முடியும் என்று ஐக்கிய நாடுகள் சபை பொதுச் செயலர் பான் கி மூன் தெரிவித்துள்ளார்.  இலங்கையில் விடுதலைப் புலிகளுக்கு எதிரான தாக்குதல் நடவடிக்கையில் இலங்கை ராணுவம் அத்துமீறி நடந்து கொண்டது. இதனால் பல்லாயிரக்கணக்கான பொதுமக்கள் கொல்லப்பட்டனர். இலங்கையில் நிகழ்ந்த இனப் படுகொலை குறித்து சர்வதேச நீதிமன்றம் விசாரிக்க வேண்டும் என வலியுறுத்தப்பட்டு வரும் நிலையில், இலங்கையில் நிகழ்ந்த சம்பவம் குறித்து உலக அமைப்பு ஒன்று ஆய்வு செய்தது. இலங்கையில் போர்க் குற்றம் நிகழ்ந்துள்ளதாக அறிக்கையில் தெரிவிக்கப்பட்டது. இந்நிலையில் அங்கு சர்வதேச விசாரணை நடத்துவது குறித்து விசாரிக்க வேண்டும் என்ற கோரிக்கை எழுந்துள்ளது.  இதுகுறித்து கருத்து தெரிவித்துள்ள ஐக்கிய நாடுகள் சபை பொதுச் செயலர் பான் கி மூன், இத்தகைய விசாரணைக்கு உத்தரவிட வேண்டும் என்றால் உறுப்பு நாடுகள் இதற்கு கோரிக்கை வைக்க வேண்டும் அல்லது விசாரணை நடத்த இலங்கை ஒப்புக் கொள்ள வேண்டும் என்றார். இது தொடர்பாக ஐக்கிய நாடுகள் சபை வெளியிட்ட அறிக்கையில் இத்தகவல் வெளியிடப்பட்டுள்ளது. ஆனால் ஆய்வு நடத்தியதாகக் கூறப்படும் உலக அமைப்பு பற்றிய விவரம் ஏதும் வெளியிடப்படவில்லை. சர்வதேச விசாரணை தேவை என அந்த அமைப்பு தனது அறிக்கையில் வலியுறுத்தியுள்ளதா என்ற விவரமும் தெரிவிக்கப்படவில்லை. இருப்பினும் இது குறித்து சுயேச்சையான சர்வதேச குழு விசாரிக்க வேண்டும் என அந்த அமைப்பு கேட்டுக் கொண்டதைத் தொடர்ந்து இந்த அறிக்கையை ஐக்கிய நாடுகள் சபை பொதுச் செயலர் வெளியிட்டுள்ளார்.  உலக அமைப்பு நடத்திய ஆய்வில் இலங்கை ராணுவமும், விடுதலைப் புலிகளும் மனித உரிமைகளை மீறி நடந்துள்ளதாக தெரிவித்துள்ளது. மூன்று பேரடங்கிய குழுவினர் கடந்த 10 மாதங்களாக இதற்கான ஆதாரத்தை திரட்டியுள்ளனர். இலங்கை போரில் 2009-ம் ஆண்டு இறுதியில் ஆயிரக்கணக்கானோர் கொல்லப்பட்டனர். போரின் இறுதிக் கட்டத்தில் பொதுமக்கள் பலர் கொல்லப்பட்டனர். இதற்கு அரசு நடத்திய குண்டு வீச்சு தாக்குதலே காரணம் என அதில் தெரிவிக்கப்பட்டுள்ளது.  இலங்கை ராணுவம் பொதுமக்கள் வசிக்கும் இடங்களிலும், மருத்துவமனைகளிலும் குண்டுகளை வீசி தாக்குதல் நடத்தியுள்ளது. இப்பகுதியில் பாதிக்கப்பட்ட மக்களுக்கு எவ்வித உணவோ, மருத்துவ வசதியோ கிடைக்கவில்லை. குறிப்பாக அறுவைச் சிகிச்சை செய்ய முடியாமல் பலர் உயிரிழந்துள்ளனர் என்றும் அறிக்கையில் கூறப்பட்டுள்ளது. ஐக்கிய நாடுகள் சபை கணிப்பின்படி 40 ஆயிரம் பேர் கொல்லப்பட்டிருக்கலாம் என தெரிகிறது. ஆனால் குழுவின் அறிக்கைக்கு எவ்வித பதிலையும் இதுவரை இலங்கை அரசு தெரிவிக்கவில்லை என ஐக்கிய நாடுகள் சபை தெரிவித்துள்ளது.  விடுதலைப் புலிகள் மனித உரிமை மீறல் செயலில் ஈடுபட்டதாக அறிக்கையில் குறிப்பிடப்பட்டுள்ளது. பொதுமக்களை கேடயங்களாக அவர்கள் பயன்படுத்தியுள்ளனர் என்றும் தெரிவிக்கப்பட்டுள்ளது.  இதனிடையே ஐக்கிய நாடுகள் குழுவின் அறிக்கை குறித்து சர்வதேச விசாரணைக்கு உத்தரவிட வேண்டும் என்று நியூயார்க்கை தலைமையிடமாகக் கொண்டு செயல்படும் மனித உரிமைகள் குழு வலியுறுத்தியுள்ளது.  ரஷியா, சீனா ஆகிய உறுப்பு நாடுகள் கூட இலங்கை மீது விசாரணை நடத்த முட்டுக்கட்டை போடுவதாக தன்னார்வ அமைப்பின் ஆசிய பிரிவு இயக்குநர் பிராட் ஆடம்ஸ் தெரிவித்தார். இந்த அறிக்கை குறித்து இலங்கை அரசு விரிவான விளக்கம் அளிக்க வேண்டும் என்று அமெரிக்கா வலியுறுத்த வேண்டும் என்றும் அவர் கூறினார். இத்தகைய விசாரணை நடத்தப்பட்டால்தான் எதிர்காலத்தில் இதுபோன்ற மனித உரிமை மீறல் சம்பவங்கள் நிகழாது என்று ஐக்கிய நாடுகள் சபைக்கான அமெரிக்க பிரதிநிதி சூசன் ரைஸ் தெரிவித்தார்.  அறிக்கை குறித்து இலங்கை அரசு விரிவான விளக்கம் அளிக்க வேண்டும் என்று ஐக்கிய நாடுகள் சபை பொதுச் செயலர் பான் கி மூன் வெளியிட்ட கருத்தை அமெரிக்கா ஆமோதிப்பதாக அவர் தெரிவித்தார்.

சனி, 13 நவம்பர், 2010

மரணத் தண்டனையை நீக்கும் தீர்மானம்: ஐ.நா.வில் இந்தியா எதிர்ப்பு

மரண தண்டனையை ரத்து செய்யும் தீர்மானம்: ஐ.நா.வில் இந்தியா எதிர்ப்பு


நியூயார்க், நவ.12: மரண தண்டனையை ரத்து செய்யும் விதத்தில் ஐ.நா.வில் கொண்டுவரப்பட்ட தீர்மானத்துக்கு இந்தியா எதிர்ப்பு தெரிவித்துள்ளது. அந்த தீர்மானத்துக்கு ஆதரவாக 107 நாடுகள் வாக்களித்துள்ளன. தீர்மானத்தை எதிர்த்து இந்தியா, அமெரிக்கா, சீனா, ஈரான் உள்பட 38 நாடுகள் வாக்களித்துள்ளன. 36 நாடுகள் வாக்களிப்பதில் இருந்து ஒதுங்கியிருந்தன. மரண தண்டனையை ரத்து செய்ய வகை செய்யும் இதே தீர்மானம், 2007-லும் ஐ.நா. பொது சபையில் கொண்டுவரப்பட்டது. அப்போது தீர்மானத்தை ஆதரித்து 104 நாடுகளும், எதிர்த்து 54 நாடுகளும் வாக்களித்தன. வாக்களிப்பதில் இருந்து 29 நாடுகள் ஒதுங்கியிருந்தன. மரண தண்டனையை எதிர்க்கும் நாடுகளின் எண்ணிக்கை அதிகரித்துள்ளது. தீர்மானத்துக்கு ஆதரவாக வாக்களித்துள்ளதன் மூலம் இதை அறிய முடிகிறது. அதேபோல எதிர்த்த, வாக்களிப்பதில் இருந்து ஒதுங்கிய நாடுகளின் எண்ணிக்கையும் கணிசமாக குறைந்துள்ளது. இது வரவேற்கத்தக்கது என்று ஐ.நா. சபை சார்பில் தெரிவிக்கப்பட்டது.
கருத்துகள்

ஈழத் தமிழர்களின் படுகொலைக்குக் காரணமான கும்பலுக்கு மரணத்தண்டனை அளிக்க வேண்டியுள்ளது. அதுவரை மரணத் தண்டனை தேவை என இந்தியாவி்ன் உள்ளுணர்வு சொல்லுகிறது. எனவேதான், ஐ.நா.வின் தீர்மானத்தை எதிர்க்கிறது. இனப்படுகொலை புரிந்த கொடுங்கோலர்களுக்கு மரணத் தண்டனை வழங்கியபின் இந்தியா ஐ.நா.வின் தீர்மானத்தை ஏற்கும். 
இங்ஙனம் இலக்குவனார் திருவள்ளுவன்
By Ilakkuvanar Thiruvalluvan
11/13/2010 3:17:00 AM
சமுதாயத்திற்கு எவ்வித பிரயோஜனமும் இல்லாவிட்டாலும், ஒரு சமுதாயத்திற்கு ஆபத்தையும், அழிவையும் மட்டுமே விழைவிக்கக்கூடிய ஒருவனை கட்டாயம் தூக்கிலிடப்பட் வேண்டும். இல்லாவிட்டால் ஒட்டு மொத்த சமுதாயமும் சீகுலைந்து விடும். இன்னும் சொல்லப் போனால் உழைக்காமல் பிறரது உயிரையும் உடமைகளையும் பறித்து அதன் மூலம் வாழ்க்கை ந்டத்தும் ரவுடிகளின் மீது கடுமையான நடவடிக்கை எடுத்து அவர்களையும் தூககிலிடும் நாள் வந்தால்தான் நாடு நாடாக இருக்கும். இல்லாவிட்டால் நாடு சுடுகாடாக மாறும் நாள் வெகுதூரத்தில் இல்லை.
By ALLAHBUX, ADVOCATE
11/12/2010 8:08:00 PM
காந்தியின் கொள்கைகளை குழிதோண்டி புதைத்த முதல் அரசு, காந்தி என்ற பெயரையும் அவர் தோற்றுவித்த காங்கிரஸ் என்னும் பெயரையும் வைத்துள்ள இன்றைய ஆட்சியாளர்கள். வேதனை!
By மரமண்டை
11/12/2010 7:23:00 PM
மக்களின் கருத்தை பிரதிபலிக்காமல் அதிகாரிகளின் கருத்தை பிரதிபலிக்கும் எந்த விடயமும் எற்டூக்கொள்ளமுடியாது
By saravanan.s
11/12/2010 6:46:00 PM
nalladu. nalai itha uoozhalkarargalukkum kooda thandanai kodukka vendi varum. visaranai illamak encounter kooda panna athu uthavum
By raman
11/12/2010 6:21:00 PM
அஹிம்சையை போதித்தது நமது தேசம். அதையே தம் வாழ் நாளில் கொள்கையாகக் கொண்ட மகாத்மா காந்தியை போற்றி புகழ்கிறோம். போதித்த நாம் மரண தண்டனையை ஆதரிக்கிறோம். ஊருக்கு உபதேசம் சொல்லுகிறோம் நாம். இது மககளின் கருத்து அல்ல. ஆள்பவர்களின் கொள்கை என்பதையே காட்டுகிறது.
By Ramarasu
11/12/2010 5:41:00 PM
மரண தண்டனையை நீக்க கூடாது: அப்பொழுதுதான் கொடிய குற்றங்கள் குறையும். அதுவும் விரைவாக தீர்ப்பு வெளியான உடன் நிறைவேற்றப்பட வேன்ன்டும்'
By KPS
11/12/2010 5:02:00 PM
உங்கள் கருத்தைப் பதிவு செய்யுங்கள் *

வெள்ளி, 15 அக்டோபர், 2010

மன்மோகன் சிங்- ராஜபட்ச இன்று சந்திப்பு


புது தில்லி, அக். 14: காமன்வெல்த் விளையாட்டுப் போட்டி நிறைவு விழாவில் சிறப்பு விருந்தினராகப் பங்கேற்க தில்லி வந்துள்ள இலங்கை அதிபர் மகிந்த ராஜபட்ச, பிரதமர் மன்மோகன் சிங்கை வெள்ளிக்கிழமை சந்தித்துப் பேசுகிறார்.  பிரதமர் அளிக்கும் மதிய விருந்தில் அவர் பங்கேற்கிறார். அவருடன் இலங்கை வெளியுறவு அமைச்சர் ஜி.எல்.பெரிஸ், வெளியுறவுச் செயலர் சி.ஆர்.ஜெயசிங்கே உள்ளிட்டோரும் விருந்தில் கலந்து கொள்கின்றனர். அப்போது இலங்கைத் தமிழர்கள் விவகாரம் குறித்து ஆலோசனை நடத்தப்படும் என்று தெரிகிறது.  
கருத்துக்கள்

தமிழின அழிப்பிற்கான பாராட்டு விருந்தின் பொழுது எஞ்சிய தமிழர்களை எவ்வாறு எப்பொழுது அழிப்பது என்பது குறித்துக் கண்டிப்பாகப் பேச்சு நடைபெறும். என்றாலும் காலம் ஒரு நாள் மாறும். அப்பொழுது இனப்படுகொலைகாரர்களை எவ்வாறு தண்டிப்பது? எங்கே தண்டிப்பது என்ற பேச்சு நடைபெறும். விருந்துண்ணுபவர்கள் அப்பொழுது சிறைக்கம்பிகளுக்குள் இருப்பர்.
விரைவில் நிலைமாறும் என்ற நம்பிக்கையுடன் இலக்குவனார் திருவள்ளுவன்
By Ilakkuvanar Thiruvalluvan
10/15/2010 3:40:00 AM
உங்கள் கருத்தைப் பதிவு செய்யுங்கள் *

வெள்ளி, 11 டிசம்பர், 2009




மதுரை, ​டிச.​ 9: மது​ரை​யில் பத்​தி​ரிகை அலு​வ​ல​கம் மீது பெட்​ரோல் குண்டு வீசி எரிக்​கப்​பட்​ட​தில் 3 ஊழி​யர்​கள் இறந்த வழக்​கில் குற்​றம் சாட்​டப்​பட்ட அட்​டாக் பாண்டி,​​ டி.எஸ்.பி.​ உள்​ளிட்ட 17 பேரை​யும் விடு​தலை செய்து மதுரை மாவட்ட நீதி​மன்​றம் புதன்​கி​ழமை தீர்ப்​ப​ளித்​தது.​
வழக்கு விவ​ரம்:​
தமி​ழக முதல்​வர் கரு​ணா​நி​தி​யின் அர​சி​யல் வாரிசு யார் என 2007,​ மே மாதம் கருத்​துக் கணிப்பு அந்​தப் பத்​தி​ரி​கை​யில் வெளி​யா​னது.​ இதில்,​​ மு.க.ஸ்டா​லி​னுக்கு 70 சத​வீ​த​மும்,​​ மு.க.அழ​கிரி,​​ கனி​மொ​ழிக்கு தலா 2 சத​வீ​த​மும்,​​ மது​ரை​யில் மட்​டும் மு.க.​ அழ​கி​ரிக்கு 6 சத​வீ​தம் ஆத​ரவு உள்​ள​தா​க​வும் கருத்​துக் கணிப்​பில் தெரி​விக்​கப்​பட்​டி​ருந்​தது.​
இதை​ய​டுத்து மு.க.​ அழ​கிரி ஆத​ர​வா​ளர்​கள் ​ என்று கூறப்​ப​டும் பலர் மதுரை உள்​ளிட்ட தென் மாவட்ட பகு​தி​யில் போராட்​டத்​தில் ஈடு​பட்​ட​னர்.​
​ கடந்த 9}5}2007 அன்று மதுரை}​மேலூர் சாலை​யில் உள்ள அந்​தப் பத்​தி​ரிகை அலு​வ​ல​கத்தை ஒரு கும்​பல் பெட்​ரோல் குண்​டு​கள் வீசி தாக்கி,​​ அலு​வ​ல​கத்​தைச் சூறை​யா​டி​னர்.​ இச்​சம்​ப​வத்​தில் பொறி​யா​ளர்​கள் வினோத்,​​ கோபி,​​ காவ​லர் முத்​துப்​பாண்டி ஆகிய 3 பேர் எரித்​துக் கொல்​லப்​பட்​ட​னர்.​
இது தொடர்​பாக மதுரை கீரைத்​து​றை​யைச் சேர்ந்த அட்​டாக் பாண்டி,​​ திருச்​செல்​வம்,​​ பிரபு,​​ சர​வ​ண​முத்து,​​ முரு​கன்,​​ விஜ​ய​பாண்டி,​​ கந்​த​சாமி,​​ ரமேஷ்​பாண்டி,​​ ராமை​யா​பாண்டி,​​ வழி​விட்​டான்,​​ தாழ​முத்து,​​ சுதா​கர்,​​ ரமேஷ்​கு​மார்,​​ திரு​மு​ரு​கன்,​​ ரூபன்,​​ மாலிக்​பாஷா ஆகிய 16 பேர் மீது வழக்கு பதிவு செய்​யப்​பட்​டது.​
பின்​னர்,​​ இந்த வழக்கை 19.5.2007 முதல் சிபிஐ விசா​ரித்​தது.​ அப்​போது ஊமச்​சி​கு​ளம் டி.எஸ்.பி.யாக இருந்த ராஜா​ராம் 17}வது குற்​ற​வா​ளி​யாக வழக்​கில் சேர்க்​கப்​பட்​டார்.​ அவர் பணி​யில் கவ​னக்​கு​றை​வாக இருந்​த​தா​க​வும் சம்​ப​வத்​தைத் தடுக்​கத் தவ​றி​விட்​ட​தா​க​வும் குற்​றஞ்​சாட்​டப்​பட்​டது.​
இந்த வழக்​கில் 32 பக்க குற்​றப்​பத்​தி​ரிகை தாக்​கல் செய்​யப்​பட்​டது.​ 85 சாட்​சி​க​ளி​டம் விசா​ரணை மேற்​கொள்​ளப்​பட்​டது.​
வழக்கு விசா​ரணை முடிந்து,​​ புதன்​கி​ழமை நீதி​பதி ரத்​தி​ன​ராஜ் தீர்ப்​ப​ளித்​தார்.​
பிறழ் ​சாட்​சி​க​ளாக மாறிய அரசு தரப்பு சாட்​சி​கள்:​ இந்த வழக்கு விசா​ர​ணை​யின்​போது முதல் சாட்​சி​யான ஒத்​தக்​கடை சப்}​இன்ஸ்​பெக்​டர் ஆல​டி​யான்,​​ 2}வது சாட்​சி​யான நாளி​தழ் அலு​வ​லக செய்தி ஆசி​ரி​யர் உள்​பட அனை​வ​ரும் பிறழ்​சாட்​சி​யம் அளித்​த​னர் என்​பது குறிப்​பி​டத்​தக்​கது.​

கருத்துக்கள்

தீயெரிப்புப் படுகொலை, தினகரன் அலுவலகத்தில் இழைக்கப்பட்ட நடைபெற்ற வன்முறைக் கொலை வெறியாட்டம் தொடர்பான படங்களும் ஒளிப்படங்களும் ஊடகங்களில் வந்துள்ளன. எனவே, உண்மைக் குற்றவாளிகளைக் கண்டறிந்து தண்டனை வழங்கித் தராத காவல்துறையினருக்கும் அதன் துறைத் தலைவருக்கும் பொய்ச்சான்றர்களுக்கும்(பொய்ச்சாட்சிகள்) தண்டனை வழங்கும் வகையில் தீர்ப்பு வழங்கப்பட வேண்டும். இல்லையேல் அத்துறை அமைச்சரான முதல்வரின் மனம் அல்லல்பட்டு வருநதி யழும். எனவே, தன்நெஞ்சறிவது பொய்யற்கப் பொய்த்தபின் தன் நெஞ்சே தன்னைச் சுடும் என்பதை மறந்தவர்களுக்கும் கொலைகாரர்களுக்கும் அவர்களுக்கு உடந்தையாய் இருந்தவர்களுக்கும் முறையாக வழக்கினை நடத்தாத காவல்துறையினர், வழக்குரைஞர்களுக்கும் முறை வழங்கா நீதிபதிக்கும் தண்டனை வழங்கும் வகையில் அவசரச் சட்டம் கொண்டு வரவேண்டும்.முதலமைச்சர் குடும்பத்தைச் சேர்நத - மத்திய அமைச்சராக உள்ள - ஒருவரின் குடும்ப நிறுவனத்தில் பணியாற்றுபவர்களுக்கே நீதி கிடைக்கவில்லையெனில ஏழை எளிய மக்களுக்கு எங்கே நீதி கிடைக்கும் என்ற உணர்வை ஏற்படுத்தக் கூடாது.

வேதனையுடன் அறத்தை வலியுறுத்தும் இலக்குவனார் திருவள்ளுவன்

By Ilakkuvanar Thiruvalluvan
12/11/2009 2:53:00 AM

Now ADMK and DMK have reached an understanding. Now DMK will not raise Dindigual incident where three students were burnt alive by ADMK volunteers and ADMK will not raise the Madurai issue. Vaazhga Democracy. MK nee idhuku kevalamaana thozhil panni panathai sambaadhikalam.

By Raju
12/10/2009 8:06:00 PM

Karunadhi unakku maaanam soodu sorani endru irundhaal un maganukku central minister padhavi vaangi koduthirupaaya? Andha ezhai thaayin kanneer ungal kudum bathayey suttu erikkum. Now SunTV Dinakaran all these will become silent. This is the family pact that has been reached between maran and azhagiri. maran naaangala ungalukkaaga uir kodutha andha kudumbathukku sila pala lathchangalai veesi erindhu vidungal. avalavethaan. Tamil naadu makkalukku niraia ilavasangal koduhu vidungal...ungal veettu kazhivu porutkalai koduthu vidungal..undu maghizvaargal. Vairamuthu and vaali idharku kavidhai iyatri thara sollungal. Long live MK and his family let the people of TN eat shit and die

By GR
12/10/2009 7:58:00 PM

THIS IS ONE MORE EXAMPLE OF HOW MONEY AND POWER CAN BE USED TO DO ANYTHING IN INDIA. SINCE OUR JUDICIAL, LEGISLATURE, BEAUCRACY, POLICE, ELECTION COMMISSION, CBI ETC., APPEAR TO BE MEANT FOR THE BENEFIT OF THE RICH AND POWERFUL. JUST LIKE BRITISH, PRESENT RULERS ALSO KEEP PEOPLE DIVIDED SO THAT THERE WILL NOT BE ANY UNITY FOR OPPOSING THESE THINGS.

By RAJA
12/10/2009 5:41:00 PM

This is another worst example of the FAMILY government. The people are not at all valued by our politicians who manage judiciary & adminstration for their own welfare.

By Arulappa
12/10/2009 5:04:00 PM

அடுத்தவன் உயிரை காவு வாங்கி அரசியல் பண்னும் அரசியல் நாய்களா நீங்கள் எப்போ சாவீர்கள்........

By anna
12/10/2009 4:16:00 PM

I appriciate Dinakaran for not publishing a single line about the judgement of the Dinakaran office Murder case. very good, give news to the Tamil people like the same way. Dinakaran is great.

By Rusel.R
12/10/2009 3:29:00 PM

During the regime of this Manuneethi cholan, Ex Minister Thaa.Krishnan killed himself and Dinakaran staff killed themself. What a surprise! Justice wins again & again.

By Ruvikash
12/10/2009 3:21:00 PM

"ARASAN anru KOLVAV....THEIVAM ninruy KOLLUM. Indian Penal Code Should be IMMEDIATELY CORRRRRECTED to PUNIIIIIISH those who PRONOUNCE FALSE EVIDENCE in COURTS and who encourages this."In spite of photo and video evidences the CRIMINALS are not found GUILTY." If the arrested CULPROTS are not the CRIMINALS the WHO ARE THOSE BLACK SHEEPS behind this HUMAN and Humanity Massacre? Will the JUDGES REPPLY or the RYLERS REPLY but definitely G....O.....D..?!?!?!?! will prove HIS EXISTENCE to these BOSTARDS ! Please Dont afraid to be truthful to your consciounce."VAZHVADHU ORY MURAI VAZHTHATTUM THAZHAI MURAI ! "VINAI VIDAITHAVAN VINAI ARUPPAAN !.. face.... pwg_paradeshi@rediffmail.com

By "PARADESHI"
12/10/2009 3:20:00 PM

​​ 2}வது சாட்​சி​யான நாளி​தழ் அலு​வ​லக செய்தி ஆசி​ரி​யர் உள்​பட அனை​வ​ரும் பிறழ்​சாட்​சி​யம் அளித்​த​னர் Don't these person has heart? His co workers were killed in front of him but now!!

By bala-Madurai
12/10/2009 2:51:00 PM

For another 30 yaears nobody can not do anything against us.Be careful

By ak
12/10/2009 2:34:00 PM

intha theerpu Karunanidhin nenjugu needhi illai , avan kunjil porathavanukku ELATAH PATTA needhi , dai pottai tamilangala tamil nattai vittu manathudan veliyerungal . NEENGAL ONNUM PANNA MUDIATHU IN THE KUNJUKKU NEEDHI KILAVANIDAM. Mudicha anja kunjanidamum (Algiridamirudum) attack padiyanidamum thapithu kollungal

By naa
12/10/2009 1:53:00 PM

its very shame for judicial and law and order.

By indian
12/10/2009 1:46:00 PM

Where is democracy? What benefits for Judicial Courts? .....nothing

By K.Sardhar
12/10/2009 1:34:00 PM

அந்த் 17 பேரும் குற்றவாளி இல்லையென்றால் யார் குற்றவாளி அலுவலகம் தானாக தீப்பிடித்ததா? இல்லை அவர்கள் தான் தானாக தங்களை எரித்துக்கொண்டார்களா? என்னடா நாடு இது பணம், பதவி வைத்திருப்பவன் கொலை செய்தாலும் அது சரியா

By சத்ரியன்
12/10/2009 1:02:00 PM

MONEY AND POWER CAN CHANGE EVERY THING..? RIGHT NOW UR HAVING THAT BOTH MR.KALANGAR AND FAMILIES.. SOON U WILL LOOSE IT DAYS ARE NOT FAR. U HAVE TO PAY BACK FOR ALL WHAT YOU DID.

By RAJESH
12/10/2009 12:34:00 PM

மனு நீதி சோழன் ஆட்சி தான் நடக்கிறது. மகனுக்கும் கன்றுக்கும் ஒரே நீதி. அதே தான் இப்பவும். அழகிரிக்கும் விடுதலை, அட்டாக் பாண்டி, மற்றும் பலருக்கும் விடுதலை. பாரபட்சமே கிடையாது.

By sivan
12/10/2009 11:45:00 AM

மனு நீதி சோழன் ஆட்சி தான் நடக்கிறது. மகனுக்கும் கன்றுக்கும் ஒரே நீதி. அதே தான் இப்பவும். அழகிரிக்கும் விடுதலை, அட்டாக் பாண்டி, மற்றும் பலருக்கும் விடுதலை. பாரபட்சமே கிடையாது.

By sivan
12/10/2009 11:45:00 AM

Dont blame Karunaaai!!! ellam panathukku vote podum muttal arivu ketta jenmangal makkal than karanam.oru murai MLA or MP aga therthedukkapattavar than paniyai sariyaga seiyavillai entral next time podumakkal avargalai thoguthikkul vote ketka vidakkoodathu. KALLAL ADTHU THURATHA VENDUM eppodu ithu nadakiratho antru than SATHIYAM VELLUM

By UNMAI
12/10/2009 11:36:00 AM

MOONU UYIR THANAIYA POCHHU, KUDUMBAM ONNU SERNTHATHEY ADUVALLAVA MUKKIYAM. ELLARAYUM PIDITHU JAIL-A THALLITTA NADAZHA THALAVARGAL VENDAMA.

By Bindumathavan
12/10/2009 11:15:00 AM

NAATAMAI.... NEETHI SETHUPOCHHU....... NAATAMAI.... NEETHI SETHUPOCHHU....... NAATAMAI.... NEETHI SETHUPOCHHU.......

By sundar
12/10/2009 10:05:00 AM

The Maran (Moron) family did a deal with Karuna, and would have got what they wanted. The morons will go around in Benz and BMWs, How do they care about the deaths of 3 faceless people? But wait., Diovine justice will prevail on the morons.

By BD
12/10/2009 9:49:00 AM

மதுரையில் 'தினகரன்' அலுவலகம் அடித்து நொறுக்கப்பட்டு தீ வைக்கப்பட்டது உண்மையா? அதில் மூன்று உயிர்கள் பலியானது உண்மையா? இது உள் குடும்பப் பிரச்சினையின் காரணமாக நடந்ததா? இதில் உயிர் இழந்த மூவரும் கூலிக்காக உழைப்பை நல்கியவர்களா? இந்த அராஜக நிகழ்ச்சி எல்லா ஊடகங்களிலும் புகைப்படத்துடனும், படக்காட்சியுடனும் வெளியிடப்பட்டதா? அப்படியொரு சம்பவம் அங்கு நடந்தது உண்மையா? அதில் குற்றவாளிகள் யார்? சட்டம் ஒழுங்கு இவற்றின் அடிப்படையில் நடக்கும் ஒரு அரசாங்கத்தால் குற்றவாளிகளுக்குத் தண்டனை வாங்கித் தரும்படி வழக்கை நடத்த முடியாதா? பொய் சாட்சி சொன்னால் தண்டனை இல்லையா? குஜராத்தில் பொய் சாட்சி சொன்ன ஒரு பெண்மணிக்கு தண்டனை கொடுத்தது உண்டா இல்லையா? இந்த நாட்டில் அதே குடும்பத்தினருக்கே பாதுகாப்பு இல்லாதபோது சாதாரண பாமரனுக்கு என்ன பாதுகாப்பு? உயிரிழந்தோருக்காக பழிவாங்க பாடுபடுவேன் என்று சூளுரைத்த அந்தப் பத்திரிக்கை முதலாளி என்ன சொல்கிறார்? இவற்றுக்கு பதில் மக்களுக்குத் தெரிய வேண்டும்.

By Adithyan
12/10/2009 9:03:00 AM

ITHU INIMEL ELLA IDATHILUM NADAKKUM, Hostile turned witness will happen every where . Killer family is acquited. Shame on you indian penal court , shame on you Tamil Nadu , Shame on you India. It is proved again there is no justice for common man. Only money , power and mafias will win. Court should declare 3 persons committed suicide and close the case. We dont need court , police station , press or government. We are living in concrete Jungle. Long live nejukku needhi Karunanodhi, God will smile on you and your generation . You curse of tamil will be cursed for this generation and for your generations yet to come

By naa
12/10/2009 9:03:00 AM

பணம் பத்தும் செய்யும். அரசன் அன்று கொல்வான், தெய்வம் நின்று கொல்லும். தா. கிருட்டிணன் கொலை வழக்கில் எண்பத்து இரண்டு பிறழ் சாட்சியங்கள். இந்த வழக்கிலும் முக்கிய சாட்சிகள் பிறழ். நீதி தேவன் மயக்கம் எழுதிய அண்ணாவின் ஆவி உறக்கமில்லாமல் அலையும்.

By sankaran
12/10/2009 7:47:00 AM

WHO IS THE KILLER OF THOSE THREE INNOCENTS. DID THEY KILL THEMSELVES. WHAT A SHAME TO JUSTICE. Karunanithi very clever.

By KRS
12/10/2009 7:42:00 AM

பட்ட பகலில் மூன்று பேரை வெளி கதவை மூடிவிட்டு நெருப்பு வைத்து கொன்று விட்டு, இன்று உங்கள் குடும்பம் ஒன்று சேர்ந்தவுடன் வழக்கை ஒன்றுமே இல்லாமல் செய்துவிடீர்களே. அந்த மூன்று பேர் ஆத்மா உங்களை மனிக்கவே மணிக்காது.

By syed iqbal, kuwait
12/10/2009 6:45:00 AM

We should immagine how the family members of these deceased persons will curse our police, courts, administration and specifically Karuna Nithi and his family members. It is similar to Pandiayan murder case at Madurai. God will definitely punish the culprits .

By S.Balan
12/10/2009 5:33:00 AM

MK familiyie Intha pavam summa vidathu

By SN
12/10/2009 4:36:00 AM
உங்கள் கருத்தைப் பதிவு செய்யுங்கள் *