திருவள்ளுவரின் படைமாட்சிக்கு இலக்கணமாகச் சிறந்த படைஞர்களை உருவாக்கியவர்!
இயற்றலும் ஈட்டலுங் காத்தலும் காத்த வகுத்தலும் வல்ல அரசை உருவாக்கியவர்!
படைகுடி கூழ்அமைச்சு நட்பரண் ஆறும் கொண்ட சிறந்த ஆட்சித் தலைவராய் விளங்கியவர்!
அறனிழுக்கா தல்லவை நீக்கி மறனிழுக்கா மானம் உடைய மக்களை உருவாக்கியவர்!
உலகில் அவரது இருப்பு இன்றைக்குப் புதிராக இருக்கலாம். ஆனால் உலகத்தார் உள்ளங்களில்அசையா நம்பிக்கையுடன் வீற்றிருக்கிறார்!
எத்தனை நூற்றாண்டுகள் இனி வந்தாலும் இவர்போல் தலைவரை உலகம் காண இயலாது என்னும் சிறப்புடன் வாழ்கிறார்!
உள்நாட்டிலும் வெளிநாடுகளிலும் உள்ள வஞ்சகர்களால் அவர் காத்த நாடு அழிவிற்குள்ளானது. எனினும் அவர் வழிகாட்டுதலால் மீண்டு எழும்! உலகின் முதன்மைக் குடியரசாகத் தமிழ் ஈழம் மலரும்!
வீழ்ச்சியுற்ற ஈழத்தமிழர்கள் மீண்டு வர மீண்டும் வருக!
தலைநிமிர்ந்து வாழ்ந்த தமிழர்களை மீண்டும் தலைநிமிரச்செய்த தலைமகனே வாழ்க!
கருத்துகள் இல்லை:
கருத்துரையிடுக