அறிமுகம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
அறிமுகம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

புதன், 8 நவம்பர், 2023

குறள் நூல் வெளியீடும் அறிமுகமும், ஐந்தாவது திருக்குறள் மாநாடு, சிகாகோ

 




குறள் நூல் வெளியீடும் அறிமுகமும்

ஐந்தாவது திருக்குறள் மாநாடு

பங்குனி 23 -25, 2055 **** 5-7/04/2024

சிகாகோ

அன்பு கெழுமிய திருக்குறள் ஆய்வுப்படைப்பாளர்களுக்கு

வணக்கம்.

வருமாண்டு (பங்குனி 23-25, 2055 **** 5-7/04/2024)  சிகாகோவில் நடைபெற உள்ள ஐந்தாவது திருக்குறள் மாநாட்டை முன்னிட்டுத் திருக்குறள் நூலரங்கு நிகழ உள்ளது.

இனித் திருக்குறள் தொடர்பான நூல்கள் வெளியிடுநர் அவற்றின் வெளியீட்டிற்கு இம்மாநாட்டு அரங்கைக் கட்டணமின்றிப் பயன்படுத்திக் கொள்ளலாம்.

இதற்கு முன்னர்த் திருக்குறள் தொடர்பான நூல்களை வெளியிட்டவர்கள் இம்மாநாட்டை அவரவர் நூல்களின் அறிமுக நிகழ்வாகக் கட்டணமின்றிப் பயன்படுத்திக் கொள்ளலாம்.  

திருக்குறள் தொடர்பாக வெளியிட உள்ள புதிய நூல்கள் / அறிமுகத்திற்காக அனுப்பப்பெறும் முன் வெளியிடப்பட்ட நூல்கள்  ஆகியவற்றின் ஆசிரியர் பெயர், நூலின் பெயர், ஆண்டு, பதிப்பகப் பெயர்,  முகவரி, மின்வரி, அலைபேசி எண், நிலைபேசி எண் முதலிய விவரங்களை thirunool50@gmail.com மின்வரிக்கு அனுப்ப வேண்டும்.

நூல்களின் ஐந்து படிகளைத்

திருக்குறள் ஆய்வு நூல் வெளியீடு அல்லது  திருக்குறள் ஆய்வு நூல் அறிமுகம் என நேர்விற்கேற்ப உரிய தலைப்பைக் குறிப்பிட்டுப் பின் வரும் முகவரியைக் குறிக்க வேண்டும்.

மே/பா இயக்குநர்

ஆசியவியல் நிறுவனம் * INSTITUTE OF ASIAN STUDIES

செம்மண்சேரி, சோழிங்க நல்லூர்  சென்னை 600 119

தமிழ்நாடு. பேசி: 044-24501851, 24500831

பழைய நூல்களாயின் வரும்    மாசி 29, 2055 / மார்ச்சு 12, 2024 ஆம் நாளுக்குள்ளும்

புதிய நூல்களாயின்  வரும் பங்குனி 13, 2055 / மார்ச்சு 26, 2024  ஆம் நாளுக்குள்ளும்   கிடைக்குமாறு அனுப்ப வேண்டும்

நூலறிமுகத்திற்கும் வெளியீட்டிற்கும் அனுப்பும் நூல்களின் மின்வடிவுகளை உரைக்கோப்பு வடிவிலும் பொதிவுக்கோப்பு(பி.டி.எஃப்.) வடிவிலும்  thirunool50@gmail.com  மின்வரிக்கு அனுப்ப வேண்டும்.

வெளியிடப்படும் புதிய நூல்களின் அட்டைக்கு அடுத்துள்ள முதல் பக்கத்தில்

இந்நூல், சிகாகோ நகரில், சிகாகோ தமிழ்ச்சங்கம், ஆசியவியல் நிறுவனம், உலகத்தமிழ் ஆராய்ச்சி மன்றம், அமெரிக்கா ஆகியன இணைந்து பங்குனி 23-25, 2055 /ஏப்பிரல் 5-7, 2024 ஆகிய நாள்களில் நடத்திய ஐந்தாவது உலகத் திருக்குறள் மாநாட்டின் போது வெளியிடப்பெற்றது/அறிமுகப்படுத்தப் பெற்றது

என நேர்விற்கேற்பக் குறிக்கப்பெறுவது சிறப்பாகும்.

5 ஆவது உலகத் திருக்குறள் மாநாட்டில் இதற்கென ஓர் அமர்வு ஒதுக்கி வைக்கப்படும். மாநாட்டிற்கு வருபவர்கள் நுழைமம்(விசா) பெறுவதற்காகத் தங்கள் பெயர், முகவரி, அலைபேசி எண், நிலைபேசி எண், கடவுச்சீட்டு எண், கடவுச்சீட்டு முடியும் நாள்  முதலிய விவரங்களை  thirunool50@gmail.com  மின்வரிக்கும்  contact@thirukkuralconference.org  மின்வரிக்கும் தெரிவிப்பின் விழாக் குழுவினர் அழைப்பு மடலை அனுப்பி வைப்பர். வெளியீட்டாளர் அல்லது பதிப்கத்தாரும் பங்கேற்கலாம். நேரில் வர இயலாதவர்களும் நூல்களை உரிய விவரங்களுடன் அனுப்பி வைக்கலாம்.

மாநாட்டின் பொழுது உணவு, உறையுள், உள்ளூர்ப் போக்குவத்து முதலிவயவற்றை விழாக் குழுவினர் ஏற்றுக் கொள்கின்றனர். தத்தம் இருப்பிடங்களில் இருந்து சிகாக்கோ சென்று வர ஆகும் பயணக் கட்டணங்களை  அவரவர் நிறுவனச் செலவில் அல்லது சொந்தச் செலவில்  அல்லது வேறு வகையில் ஏற்க வேண்டும்.

மாநாட்டுப் பேராளர்களுக்கு நூல்கள் அன்பளிப்பு வழங்க விரும்புவோர்  முன்னதாகத் தெரிவித்து விட்டு, மாநாட்டு வருகையின்போது கொணர வேண்டும்.

நூல் வெளியீட்டு அல்லது நூல் அறிமுக நிகழ்வில் பங்கேற்க இருப்போர்,  நிகழ்நிரல் திட்டமிடுவதற்காக  30.11.23 ஆம் நாளுக்குள் தத்தம் பெயர், நூற்பெயர் விவரங்களைத் தெரிவிக்க வேண்டும்.

மாநாட்டுச் செய்திகளுக்கான தளம் : https://thirukkuralconference.org

அன்புடன்

இலக்குவனார் திருவள்ளுவன்

பொறுப்பாளர் , நூலரங்கம்

ஐந்தாவது திருக்குறள் மாநாடு

‘குறள்நெறி ஓங்கின் குடியரசு ஓங்கும்!]

சனி, 8 மே, 2021

குவிகம் வெளியீடுகள் அறிமுகம், மே ஒன்பது, 2021

 அகரமுதல


சித்திரை 26, 2052  / 09.05.2021

ஞாயிறு மாலை 6.30

நிகழ்ச்சி தொடங்குவதற்கு 15 நிமிடங்களுக்கு முன்பாகவே நிகழ்வில் இணைய இயலும்.   நிகழ்வைச் சரியாக 18.30 மணிக்குத் தொடங்க விரும்புகிறோம்      
நிகழ்வில் இணைய 
கூட்ட எண் / Zoom  Meeting ID: 619 157 9931
கடவுக்குறி / Passcode: kuvikam123  
பயன்படுத்தலாம் அல்லது  



 


வெள்ளி, 11 அக்டோபர், 2013

சாலையிலும் இயங்கும் சரக்குத் தொடரிப் பெட்டிகள் அறிமுகம்

http://img.dinamalar.com/data/largenew/Tamil_News_large_824096.jpg

சாலையிலும் இயங்கும் வகையில் சரக்கு த் தொடரிப் பெட்டிகள் திசம்பரில் அறிமுகம்
இரயில் பாதையிலும், சாலையிலும் செல்லும் சரக்கு ரயில் போக்குவரத்து, "டோர் டூ டோர்' என்ற பெயரில், முதற்கட்டமாக, சென்னை புதுடில்லி இடையே, வரும் டிசம்பர் மாதம் அறிமுகம் செய்யப்படுகிறது.
இந்தியா முழுவதும், மாநிலம் விட்டு மாநிலம் செல்லக் கூடிய, சரக்குப் பரிமாற்றம் அதிகரித்துள்ளது. பஸ், லாரி சரக்குப் போக்குவரத்தை விட, ரயில்களில் ஏற்றப்படும் சரக்குகள், குறிப்பிட்ட நேரத்திற்கு, செல்ல வேண்டிய இடத்தை அடைகின்றன என்பதால், ரயில் சரக்கு போக்குவரத்திற்கு, அதிக மவுசு ஏற்பட்டுள்ளது. சரக்குப் போக்குவரத்து மூலம், இந்திய ரயில்வேக்கு, அதிக வருவாயும் கிடைத்து வருகிறது. எனினும், சரக்கு அனுப்ப வேண்டிய இடத்திலிருந்து, ரயில் நிலையத்திற்கு எடுத்து வருவதில் சிக்கல், நேரமின்மை, சரக்கை பாதுகாப்பதில் ஏற்படும் பிரச்னைகள், சென்று சேர வேண்டிய இடத்திற்கு, பெட்டியிலிருந்து சரக்கை இறக்கி அனுப்புவதில் ஏற்படும் தாமதம், ஏஜன்டுகள் கட்டணம் ஆகிய பிரச்னைகளை கருத்தில் கொண்டு, ரயில் பெட்டியையே, சாலைப் போக்குவரத்துக்கும் பயன்படுத்தும் வகையிலான திட்டம் குறித்து, ரயில்வே சிந்தித்தது. அதன்படி, பெட்டிகளின் அடியில், இரும்புச் சக்கரத்துக்குப் பக்கத்தில், டயர் சக்கரம் பொருத்தி, அதன் உதவியுடன் சாலையில் இயக்கிக் கொள்ளும் வகையில், பெட்டிகள் வடிவமைக்கப்பட்டுள்ளன. தண்டவாளத்தில் பெட்டிகள் பயணிக்கும் போது, மேலேறிய நிலையில் இருக்கும் டயர் சக்கரங்கள், சாலையில் இறங்கும் முன், கீழிறங்கும். தார் சாலையில், வாகன இன்ஜின் உதவியுடனும், தண்டவாளத்தில் மின்சார ரயில் இன்ஜின் மூலமும், இவை இயங்கும். மொத்தம், 51 பெட்டிகள் இவ்வகையில் மாற்றப்பட்டுள்ளன. முதல் முறையாக, சென்னை - புதுடில்லி இடையே, "டோர் டூ டோர்' சரக்கு ரயில் போக்குவரத்து திட்டம், வரும் டிசம்பரிலிருந்து துவங்குகிறது. இந்திய ரயில்வேயுடன், கிர்லோஸ்கர் பெனுமேட்டிக் நிறுவனம் இணைந்து, இப்புதிய திட்டத்தை செயல்படுத்துகிறது. இந்த நவீன சரக்கு ரயிலில் இணைக்கப்படும், 51 பெட்டிகளிலும், 1,200 டன்கள் வரை சரக்குகள் ஏற்றிச் செல்லாம். இந்த சரக்கு ரயில் போக்குவரத்திற்காக, சென்னை பேசின் பிரிட்ஜ் யார்டில், ரயில்வே பணியாளர்கள், 126 பேருக்கு பயிற்சி அளிக்கப்பட்டு வருகிறது.



இந்த வசதி குறித்து, ஏஜன்ட்கள் கூறியதாவது:
எங்கள் அலுவலகத்தில் இருந்து, சரக்குப் பெட்டகங்களை பெரிய லாரிகளில் ஏற்றி, ரயில் நிலையத்திற்கு அனுப்பி, லாரியிலிருந்து ரயிலில் ஏற்ற வேண்டும். இந்தப் பணிகள் முடியும் வரை, நாங்கள், கூடவே இருக்க வேண்டும். இனி அறிமுகமாகக் கூடிய சரக்கு ரயிலில், பெட்டகங்களை, நேரடியாக, ரயில் பெட்டிகளில் ஏற்றி விடுவதுடன், எங்கள் பணி முடிந்து விடும். சரக்கு ஏற்று, இறக்கு செலவு, சரக்கு காத்திருக்கும் இடத்திற்கான வாடகை, கண்காணிப்பு ஆட்கள் செலவு குறைவதுடன், சரக்குகள் மிகவும் பாதுகாப்பாக செல்ல வேண்டிய இடங்களுக்கு சென்று விடும். இந்த சரக்கு ரயில் போக்குவரத்து துவங்க, ஆவலுடன் காத்திருக்கிறோம். இவ்வாறு அவர்கள் கூறினர்.

- தினமலர் செய்தியாளர் -

சனி, 5 அக்டோபர், 2013

பள்ளிகளில் அறிமுகமாவது - திரள்கணிமையா? மேகவழிக்கணிணியா?

மேகவழிக்கணிணிக்கல்வி என்பது தவறாகும். கல்விக்குச் செய்மதியைப் பயன்படுத்துவதுபோல், முகில் கூட்டம் மூலம் கணிணி கற்பிக்கப்படுவது எனத் தவறான பொருள் வரும். கிளெடு (cloud) என்றால் முகில் என்பது மட்டும் பொருள் அல்ல. திரள் என்றும் பொருள் வரும். அதுபோல் கம்ப்பியூட்டு (compute)  என்பதற்கு அடிப்படையில் தொகுப்பு என்பதுதான் பொருள். பின்னர்தான் கணித்தல் பொருளாயிற்று. நிலத்திற்குப் புறம்பாக (விண்ணிலிருந்து) முகில் மழை பொழிவது போல் கணிணிக்குப் புறம்பான வேறிடத்திலிருந்து கணிணிக்குத் திரண்டு வரும் தொகுப்புப் பயனே இதுவாகும்.  எளிமையான பயன்பாட்டிற்காகக்  கேட்பதாக எண்ணுகின்றேன். பயன்பணிகளைத் திரட்டிக் கணிணியில் இடும் தொகுப்புச் செயலைத் திரள் பயனீடு என்னும் பொருளில்  திரளீடு எனலாம். இவ்வாறு சொன்னால் ‘கம்ப்பியூட்டிங்கு’ விடுபட்டதாக எண்ணுவர். எனவே, திரளீட்டுக் கணிமை > திரள்கணிமை எனலாம்.
ஆதலின், திரள்கணிமைக் கல்வி என்பதே இங்கு பயன்படுத்த வேண்டிய கலைச்சொல்லாகும். அன்புடன் இலக்குவனார் திருவள்ளுவன் /தமிழே விழி! தமிழா விழி! எழுத்தைக்காப்போம்! மொழியைக் காப்போம்! இனத்தைக் காப்போம்!/

மேகவழிக் கணினிக் கல்வி அரசு பள்ளியில் அறிமுகம்

இந்தியாவிலேயே முதல்முறையாக தமிழ்நாட்டில் 2 அரசுப் பள்ளிகளில் மேகவழிக்கல்வி முறை (கிளவுட் கம்ப்யூட்டிங்) அறிமுகப்படுத்தப்பட்டுள்ளது.
மேகவழிக்கல்வி முறை
மேகவழிக் கல்வி முறை என்பது கணினிகளின் இணைப்புகள் மூலம் மாணவர்களின் அறிவுத்திறனை பகிர்ந்துக்கொள்ளும் ஒரு புதுமையான கல்விமுறை ஆகும். இதன்மூலம் மாணவர்கள் தாங்கள் படிக்கும் பள்ளியிலிருந்தபடியே எந்த ஒரு பள்ளியோடும் அதன் மாணவர்களுடனும் பாடங்களை பகிர்ந்துக் கொள்ள முடியும். தங்களின் பாடங்கள் சம்மந்தமான தகவல்களை அவர்கள் பள்ளியில் உள்ள கணினி, மடிக்கணினி,செல்பேசி ஆகியவற்றின் மூலம் பெற்றுக்கொள்ளலாம். இதற்காக ஒரு குறிப்பிட்ட மென்பொருளை தங்களது கணினி மற்றும் செல்பேசிகளில் நிறுவிக்கொள்ள வேண்டும்.
தமிழ்நாட்டில் 2 அரசு மேல்நிலைப் பள்ளிகளில் மேகவழிக் கல்வி முறை திட்டத்தை செயல்படுத்த, பள்ளிக்கல்வித்துறை திட்டமிட்டு அதற்காக லேர்னிங் லிங் பவுண்டேஷன் என்ற நிறுவனம் மற்றும் டெல் கணினி நிறுவனத்துடன் புரிந்துணர்வு ஒப்பந்தம் செய்தது.
2 அரசு பள்ளிகளில் அறிமுகம்
இதைத்தொடர்ந்து, சென்னை எம்.ஜி.ஆர். நகர் அரசு மேல்நிலைப் பள்ளி, ஸ்ரீபெரும்புதூர் அரசு பெண்கள் மேல்நிலைப் பள்ளி ஆகிய இரண்டு அரசு பள்ளிகளில் அறிமுகப்படுத்த முடிவு செய்யப்பட்டது.
இதற்காக மேற்கண்ட இரு நிறுவனங்களும் ரூ.50 லட்சம் மதிப்புள்ள 11 மடிக்கணினிகள், 13 கையடக்க கணினிகள் ஆகியவற்றை இரு அரசு பள்ளிகளுக்கு வழங்க முன்வந்தன. அதுமட்டுமல்லாமல் இந்த புதிய தொழில்நுட்பம் குறித்து மாணவர்களுக்கு பயிற்சி அளிக்க ஒரு தொழில்நுட்ப உதவியாளரையும் பணியமர்த்தின.
இந்தியாவில் முதல்முறை
இந்த நிலையில், மேகவழிக்கல்வி முறையை சென்னை எம்.ஜி.ஆர். நகர் அரசு மேல்நிலைப்பள்ளியில் உயர்கல்வித்துறை அமைச்சர் பி.பழனியப்பன் வியாழக்கிழமை தொடங்கி வைத்தார். மடிக்கணினிகளையும், கையடக்க கணினிகளையும், சமூகநலத்துறை அமைச்சர் பா.வளர்மதி வழங்கினார்.
பள்ளியில் மேகவழிக்கல்வி முறை அறிமுகப்படுத்தப்படுவது இந்தியாவிலேயே இதுதான் முதல் முறை என்பது குறிப்பிடத்தக்கது. இந்த நிகழ்ச்சியில், பள்ளிக் கல்வித் துறை முதன்மைச் செயலர் டி.சபீதா, பள்ளிக் கல்வி இயக்குனர் வி.சி.ராமேஸ்வரமுருகன் உள்ளிட்டோர் கலந்து கொண்டனர்.


புதன், 14 ஆகஸ்ட், 2013

காற்றிலிருந்து நீர் உற்பத்தி : மதுரையில் அறிமுகம்

நிலத்தடி நீர்மட்டம் குறைவு: காற்றிலிருந்து நீர் உற்பத்தி : முதன் முறையாக மதுரையில் அறிமுகம்



http://img.dinamalar.com/data/largenew/Tamil_News_large_78054120130814013532.jpg


மதுரை:மதுரையில், நிலத்தடி நீர்மட்டம் குறைந்து வருவதால், காற்றிலிருந்து நீர் உற்பத்தி செய்து, குடிநீர் வழங்கும் திட்டத்தை, முதன் முறையாக மாநகராட்சி அறிமுகம் செய்ய உள்ளது.

மழை குறைவு, மரங்கள் அழிப்பு போன்றவற்றால், மதுரையின் நிலத்தடி நீர்மட்டம், நாளுக்கு நாள் குறைந்து வருகிறது. வைகை அணையிலிருந்து கிடைக்கும் சுத்திகரிக்கப்பட்ட நீரை மட்டுமே, மாநகராட்சி நம்பியுள்ளது. போர்வெல்களில் தண்ணீர் இல்லாததால், வார்டுகளில், பொது குடிநீர் தொட்டிகள் நிறுவ முடியவில்லை. இதனால், மதுரை நீர் ஆதாரம் கேள்விக்குறியாகி உள்ளது. இந்நிலையில், காற்றிலிருந்து நீர் உற்பத்தி செய்யும் முறையை, நடைமுறைப்படுத்த முடிவு செய்யப்பட்டுள்ளது.

இந்தியாவின் வறண்ட எல்லை பகுதிகளில் மட்டுமே செயல்படுத்தப்பட்ட இத்திட்டத்தை, தமிழகத்தில் முதன் முறையாக, மதுரையில் நடைமுறைப்படுத்த உள்ளனர். காற்றிலிருந்து நீரை பிரிக்கும் திறன் கொண்ட "வாட்டர் மேக்கர்' இயந்திரம் மூலம், அதற்கான பரிசீலனை நடக்க உள்ளது. குழாய் இணைப்பு, நீர் ஆதாரங்கள் எதுவும் இன்றி, "திரவமாக்குதல், சேகரித்தல், வடிகட்டுதல் மற்றும் வழங்குதல்,' பணிகளை, அந்த இயந்திரம் செய்து முடிக்கும். அதிக ஈரப்பதத்துடன் கூடிய வெப்பமான பகுதிகளில், "வாட்டர் மேக்கர்' இயந்திரத்தின் செயல்பாடு, அபரிதமாக இருக்கும். சராசரி வெப்பநிலை, 25 டிகிரி செல்ஷியல் முதல், 32 டிகிரி செல்ஷியசிலும், ஈரப்பதம் 70 சதவீதம் முதல் 75 சதவீதம் வரை இருக்கும் நிலையில், திறனுக்கேற்ற நீரை உற்பத்தி செய்யும்.

வெப்பநிலையை, 8 முதல், 13 டிகிரி செல்ஷியஸ் வரை பராமரிக்கும். 120ல் துவங்கி, 5,000 லிட்டர் வரை, நாள் ஒன்றுக்கு குடிநீர் உற்பத்தி செய்யும் அளவிற்கு இயந்திரங்கள் உள்ளன. மத்திய கிழக்கு ஆப்பிரிக்கா, ஐரோப்பா, ஆஸி., அமெரிக்கா, தென் அமெரிக்கா மற்றும் கரீபியத் தீவுகளில் மட்டுமே, "வாட்டர் மேக்கர்' இயந்திரம் மூலம், குடிநீர் உற்பத்தி நடக்கிறது. இந்தியாவில், மணிப்பூர் மற்றும் அருணாச்சலில் உள்ள நேஷனல் ரூரல் ஹெல்த் மிஷன், குஜராத், கோல்கட்டா, திரிபுரா எல்லை பாதுகாப்பு படை, மணிப்பூர் துணை கமிஷனர் அலுவலகம், நாகலாந்து மருத்துவமனை கழகம் போன்ற இடங்களில் செயல்படுத்தப்பட்டுள்ள "வாட்டர் மேக்கர்' முறை, மதுரை மாநகராட்சியில் நடைமுறைக்கு வருகிறது.

மேயர் ராஜன் செல்லப்பா கூறியதாவது: மதுரையில், குடிநீர் பற்றாக்குறையான பகுதிகளில், காற்றின் ஈரப்பதத்திலிருந்து, குடிநீர் உற்பத்தி செய்யும் திட்டம் நடைமுறைப்படுத்தப்பட உள்ளது. முதலில், குறிப்பிட்ட சில பகுதிகளில் மட்டும் நிறுவப்படும். அதன் பலனைப் பொறுத்து, அனைத்து பகுதிகளிலும் "வாட்டர் மேக்கர்' முறையில், குடிநீர் வினியோகம் செய்யப்படும், என்றார்.

கிரஸ்ட் ஆக்வா டெக் உரிமையாளர் கிரி பிரசாத் கூறுகையில், ""காற்றிலிருந்து நீர் உற்பத்தி குறித்து மேயர், கமிஷனர் விளக்கங்களை கேட்டுள்ளனர். மதுரைக்கு பின், நெல்லை உள்ளிட்ட, நிலத்தடி நீர்மட்டம் குறைவான பகுதிகள் "வாட்டர் மேக்கர்' இயந்திரத்தை பொருத்த, விருப்பம் தெரிவித்துள்ளனர்,'' என்றார்

புதன், 7 ஆகஸ்ட், 2013

அஞ்சலகங்களில் பணம் பெறுவகம். இணையப்பணி விரைவில் அறிமுகம்

  அஞ்சலகங்களில் பணம்  பெறுவகம். இணையப்பணி
விரைவில் அறிமுகம்
 

தபால் நிலையங்களில் ஏ.டி.எம்.–இண்டர்நெட் சேவை: விரைவில் அறிமுகம்
சென்னை, ஆக. 7–
வங்கிகளை  ப் போன்று தபால் நிலையங்களில் ஏ.டி.எம், இண்டர்நெட் சேவை விரைவில் தொடங்கும் திட்டம் உள்ளது.
சென்னை அண்ணா சாலையில் உள்ள தலைமை தபால் நிலையம், தியாகராய நகர், மைலாப்பூர் மற்றும் தாம்பரம் அலுவலகங்களில் இந்த வசதி விரைவில் தொடங்கப்பட உள்ளது.
வங்கிகளில் உள்ள இண்டர்நெட் சேவை போல எந்த வங்கி கிளைக்கும் தங்களது கணக்கில் இருந்து பணம் அனுப்பும் வசதி, வெளி இடங்களில் உள்ளவர்களுக்கு வங்கி கணக்கில் பணம் அனுப்புவது போல் தபால் நிலையங்களில் சேமிப்பு கணக்கு வைத்திருப்பவர்கள் இந்த வசதியை பெற ஏதுவாக இத்திட்டம் செப்டம்பர் மாதம் செயல்படுத்த திட்டமிடப்படுத்தப்பட்டுள்ளது.
குறிப்பிட்ட சில தபால் அலுவலகங்களில் மட்டுமே இந்த விதியை முதலில் வழங்கப்பட உள்ளது.
சென்னையில் உள்ள 4 தலைமை தபால் நிலையங்களில் அறிமுகப்படுத்தப்படும் அத்திட்டத்தின் மூலம் வங்கிகளில் பெறக்கூடிய எல்லா சேவைகளையும் தபால் அலுவலக வாடிக்கையாளர்கள் பெறலாம். தபால் நிலையங்களில் பணம் எடுக்கவும், பென்சன் பணத்தை பெறவும் நீண்ட வரிசையில் காத்து நிற்கின்ற நிலை உள்ளது.
இண்டர்நெட் வசதி செயல்படுத்தப்பட்ட பிறகு வாடிக்கையாளர்கள் எந்த தபால் அலுவலகத்திற்கும் சென்று எளிதாக பணப் பரிமாற்ற நடவடிக்கையில் ஈடுபடலாம்.
இத்திட்டம் நீண்ட முறைப்படுத்தும் வேளையில் ஏ.டி.எம். வசதியும் வழங்கப்படுகிறது. சென்னையில் உள்ள 4 தலைமை தபால் நிலையங்களிலும் அக்டோபர் மாதம் ஏ.டி.எம். மையம் நிறுவப்படுகிறது. அதில் உள்ள 2.5 லட்சம் வாடிக்கையாளர்கள் ஏ.டி.எம். கார்டு மூலம் பணம் எடுக்கலாம்.
இது குறித்து தபால் துறை உயர் அதிகாரி ஒருவர் கூறும் போது, சென்னை மற்றும் புறநகர் பகுதிகளில் 110 தபால் அலுவலகங்களில் இண்டர்நெட் சேவையை அறிமுகம் செய்வதற்கான சாப்ட்வேர் அமைக்கப்படுகிறது. அதற்கான சோதனையும் தற்போது நடந்து வருவதாக தெரிவித்தார்.
இந்த திட்டம் அனைத்து தபால் நிலையங்களுக்கும் அடுத்த 2 வருடங்களில் படிப்படியாக செயல்படுத்தப்படும் என்று அதிகாரிகள் தெரிவித்தனர்.
இது குறித்து சென்னை தபால் துறை அதிகாரி மெர்வின் அலெக்ஸ்சாண்டர் கூறுகையில், சென்னை மண்டலத்தில் 3 கோடியே லட்சம் பேர் தபால் அலுவலகங்களில் சேமிப்பு கணக்கு வைத்துள்ளனர். அனைத்து தபால்துறை ஊழியர்களுக்கும் இண்டர்நெட் சேவை குறித்த பயிற்சி அளிக்கப்படுகிறது என்றார்.
இந்த புதிய திட்டத்தின் கீழ் இண்டர்நெட் சேவை, மொபைல் சேவை, மொபைல் பண பரிமாற்றம் போன்ற வசதிகள் வாடிக்கையாளர்களுக்கு கிடைக்கும்.

ஞாயிறு, 4 ஆகஸ்ட், 2013

உலகின் முதல் பறக்கும் மிதிவண்டி இங்கிலாந்தில் அறிமுகம்

உலகின் முதல் பறக்கும் மிதிவண்டி இங்கிலாந்தில் அறிமுகம்
உலகின் முதல் பறக்கும் சைக்கிள் இங்கிலாந்தில் அறிமுகம்
லண்டன், ஆக. 4-

உலகின் முதல் பறக்கும் சைக்கிளை இங்கிலாந்தை சேர்ந்த 2 வடிவமைப்பாளர்கள் தயாரித்துள்ளனர்.

சாதாரண சைக்கிளுடன், இறகுகள் பொருத்தப்பட்டு இறகுகளில் உள்ள காற்றாடியை சுழல வைக்க இயற்கை எரிசக்தி பயன்படுத்தப்படும் இந்த சைக்கிள், திறந்த வெளியில் இருந்து உயர கிளம்பி 40 கிலோ மீட்டர் வேகத்தில் பறக்கும் வகையில் உருவாக்கப்பட்டுள்ளது. இதற்கு லைசென்ஸ் தேவையில்லை.

தேவையான தூரம் பறந்த பின்னர் சைக்கிளில் உள்ள பாரச்சூட்டை மடக்கி விட்டால் ஆர்ப்பாட்டமின்றி தரையில் இறங்கி சாதாரண சைக்கிளாக இது மாறிவிடும்.

சோதனை முறையில் உருவாக்கப்பட்ட இந்த பறக்கும் சைக்கிளின் வடிவமைப்பை வர்த்தக ரீதியாக மேம்படுத்த 1/2  லட்சம் பவுண்டுகள் தேவைப்படும்.

அந்த பணம் கிடைத்ததும் வர்த்தக ரீதியான தயாரிப்பு தொடங்கி விடும் என இந்த பறக்கும் சைக்கிளை வடிவமைத்த ஜான் ஃபோடென் மற்றும் யான்னிக் ரீட் தெரிவித்தனர்.

ஞாயிறு, 14 ஜூலை, 2013

குறுந்தகவல் அனுப்பினால் கையூட்டு கேட்குநர் மீது நடவடிக்கை தமிழகத்தில் அறிமுகம்

எல்லாமே கண்துடைப்பு நாடகம்தான். ஊழலைக் கண்டுகொள்ளாமல் ஊக்கப்படுத்துவதே ஊழலில் பங்கு வகிக்கும் ஊழல் ஒழிப்புத் துறையின் முதன்மைப் பணியாகும். பலரறிந்த உண்மைக்கு ஓர் எடுத்துக் காட்டு கூற விரும்புகின்றேன். ஒரு சமயம் அடையாற்றிலுள்ள ஊழல் ஒழிப்புத் துறை தலைமை அலுவலகத்தில், ஒருவர் கையூட்டு கேட்கப்படுவது தொடர்பாக முறையிட்ட பொழுது, மாவட்ட அலுவலகத்தில் போய்ச் சொல்லுங்கள் என்றனர். அங்கே அவர் சென்று தெரிவித்த பொழுது, அங்குள்ள அதிகாரி, தான் இப்பொழுதுதான் வந்துள்ளதாகவும் விசாரிக்காகமல் முடிவு எடுக்க முடியாது என்றும் கூறி அவரை அனுப்பி விட்டார்.  பணம் கேட்டதில் ஒரு பகுதி முன்பணமாக உரூபாய் 10,000 எடுத்துக்  கொண்டு பணத்தை வரிசையாக அடுக்கிப் பல பக்கங்கள் ஒளியச்சுப் படி எடுத்து வைத்துக் கொண்டு , கையூட்டு கேட்டவரிடம் பணத்தை முன்பணம் எனக் கூறி அளித்து விட்டு வந்து விட்டார் நண்பர். ஒளியச்சுப் படிகளை எடுத்துக் கொண்டு ஊழல் ஒழிப்பு அலுவலகம் சென்று காண்பித்து மீண்டும் முறையிட்டார். அதற்கு அங்குள்ள அதிகாரி, நீங்கள் வேறு எதற்காவது கொடுத்து இருப்பீர்கள்  கையூட்டு என்று எப்படிச் சொல்ல முடியும்?  வேண்டுமென்று பழி சுமத்துவதற்காக நீங்கள் போடும் நாடகமாகக்கூட இருக்கலாம். எனவே, நடவடிக்கை எடுக்க முடியாது என்றார்.  மீண்டும் பரிந்துரையுடன் ஊழல் ஒழிப்பு அதிகாரியை அனுப்பிய பொழுது, சிறு ஒலிப்பதியனைக் கொடுத்து அனுப்பி அவர் பணம் கேட்கும் பொழுது அதனைப் பதிந்து வாருங்கள்; நடவடிக்கை எடுக்கின்றோம் என்றார் அந்த அதிகாரி. ஆனால், இந்தத்தகவல் பணம் கேட்டவரிடம் சொல்லப்பட்டு விட்டது. எனவே, அவர், இவர் போனதும் செயகைமூலமே கேட்டு பணம் வாங்கிக்கொண்டு, அடுத்துள்ள குளியலறைக்குச் சென்று எண்ணிப் பார்த்துவிட்டுத் தன் உள்பையில் வைத்துக்  கொண்டார்.  அன்று பேசா நோன்பு இருப்பதாகச் கைகை மூலம்  பொய்யாகத் தெரிவித்து, இவரை அனுப்பி விட்டார். இவர் மனம் தளராமல் ஊழல்துறை அதிகாரியிடம் விவரத்தைத் தெரிவிதததற்குப் பணம்கேட்டதற்கான சான்று .இல்லை. எனவே, நடவடிக்கை எடுக்க முடியாது என்று தட்டிக் கழித்து விட்டார். ஊழல்  ஒழிப்பு என்பது ஊழல் பற்றிய விவரம் தெரிவிததாலேயே கண்டறிந்து நடவடிக்கை எடுப்பதாக இருக்க வேண்டும். அவ்வாறில்லாமல், பணம் கொடுக்கும் பொழுது மட்டும்தான்  கையும் களவுமாகப் பிடிப்போம்!  அதற்குப் பின் வந்தால் நடவடிக்கை எடுக்க மாட்டோம் என்பது சரியில்லை. ஊழல் ஒழிப்புத் துறையினர் பொழுது போக்கிற்காகவும், ஆதாயத்திற்காகவும் சில நேரங்களில் நடவடிக்கை எடுக்கின்றார்களே தவிர,  உண்மையாகப் பணியாற்றுவதில்லை.  இயக்குநரகத்தில்  நேரில் சென்று முறையீடு அளிக்க முயன்றால் விரட்டி அடித்து விடுகிறார்கள். தங்களை நேர்மையானவர்களாகக் காட்டிக் கொள்வதற்காக எடுக்கும் சில நடவடிக்கைகளால் ஊழல் ஒழியாது. அரசும் ஆட்சியாளர்களும் நேர்மையாக இருப்பின், இத்துறையும் ஒழுங்காகச் செயல்படும். அன்புடன் இலக்குவனார் திருவள்ளுவன் /தமிழே விழி! தமிழா விழி! எழுத்தைக் காப்போம்! மொழியைக் காப்போம்! இனத்தைக் காப்போம்!/




குறுந்தகவல் அனுப்பினால் இலஞ்ச நபர் மீது நடவடிக்கை தமிழகத்தில் அறிமுகம்
 
சென்னை: இலஞ்சம், ஊழல் குறித்து, மொபைல் போன், கணினி மூலம், பொதுமக்கள், எஸ்.எம்.எஸ்., புகைப்படம், வீடியோக்களை அனுப்பும், "விஜ்-ஐ' (விஜிலென்ஸ் ஐ) திட்டத்தை, மத்திய கண்காணிப்பு ஆணையம், தமிழகத்தில் அறிமுகம் செய்துள்ளது.

லஞ்சம், ஊழல் குறித்து கடிதம் மூலம் புகார் அனுப்புவதில், பல்வேறு நடைமுறைச் சிக்கல்கள் உள்ளன. இதைக் கருத்தில் கொண்டு, மொபைல் போன், கணினி மூலம், எஸ்.எம்.எஸ்., போட்டோ, வீடியோ ஆதாரங்களையும் அனுப்பும் வகையில், "விஜ் - ஐ' என்ற புதிய திட்டத்தை, மத்திய கண்காணிப்பு ஆணையம், கொண்டு வந்துள்ளது. வடமாநிலங்களில் இது நடைமுறையில் இருந்தாலும், தமிழகத்தில் அறிமுகம் செய்யப்படவில்லை. இந்நிலையில், ஊழலுக்கு எதிரான, ஐந்தாவது தூண், மெட், எம் ஜங்ஷன் அமைப்புக்களுடன் இணைந்து, மத்திய கண்காணிப்பு ஆணையம், தமிழகத்தில், "விஜ்-ஐ' திட்டத்தை, நேற்று முன்தினம் அறிமுகம் செய்தது.

சென்னை, தி.நகர், சர்.பி.டி.தியாகராயா அரங்கில், திட்டத்தை அறிமுகம் செய்து, மத்திய விஜிலென்ஸ் கமிஷனர் ஸ்ரீகுமார் பேசியதாவது: ஊழல் பற்றி, எல்லா இடங்களிலும் பேச்சு நடக்கிறது. இரண்டு, மூன்று ஆண்டாக ஊழலை ஒழிப்பது குறித்தும் பேச்சு நடப்பது மிக நல்லது. ஊழலை ஒழிக்க, "விஜ்-ஐ' பயன்படும். இதற்கு, 92231 74440 அல்லது, 51964 என்ற எண்ணிற்கு, எஸ்.எம்.எஸ்., அனுப்பினால், மொபைல் போனுக்கு, விஜ்-ஐ மென்பொருள் அனுப்பப்படும். அதை பதிவு செய்தால், யூசர் நேம், ஐ.டி., கிடைக்கும். மொபைல் போன், கணினி மூலம், லஞ்சம், ஊழல் குறித்த, எஸ்.எம்.எஸ்., புகைப்பட, வீடியோ ஆதாரங்களையும் அனுப்பலாம். இது, ஆவணமாக்கப்பட்டு, உடனடி விசாரணை துவங்கும். நம்பிக்கையோடு அனுப்புங்கள். ஊழலை ஒழிக்க, இளைஞர்கள் மட்டுமின்றி, எல்லா தரப்பினரும் ஒன்றிணைய வேண்டும். இவ்வாறு, அவர் பேசினார்.

முன்னாள் தலைமைத் தேர்தல் கமிஷனர் கோபால்சாமி பேசியதாவது: நாட்டில், நேர்மையான அதிகாரிகளுக்கு மரியாதை இல்லை. பணம் சம்பாதிக்கும் அதிகாரிகளை தான், "நல்லவர்' என்று கருதும் போக்கு காணப்படுகிறது. மத்திய பிரதேசத்தில், அரசுப் பணியில் உள்ள, ஐ.ஏ.எஸ்., கணவனும், மனைவியும், 320 கோடி ரூபாய் சொத்து சேர்த்தது தெரிந்து, ஐந்து மாதங்களாகியும், வழக்கு கூட பதியவில்லை. அரசுகள், ஊழலை ஒழிக்கும் என, நினைத்தால் முட்டாள்தனம். நாம் நினைத்தால் முடியும்; அதற்கு இளைஞர்கள் முன் வர வேண்டும். இதற்கு, ஆர்.டி.ஐ., சட்டத்தை பயன்படுத்திக் கொள்ளலாம். இவ்வாறு, அவர் பேசினார்.

ஊழல் எதிர்ப்பு இயக்க துணைத் தலைவர் அரசு பேசுகையில், ""முன்னேற்றத் திட்டங்களை ஒதுக்கி வைத்து, ஊழல் ஒழிப்பை முக்கியப்படுத்த வேண்டும்."விஜ்-ஐ' என்ற ஆயுதம், இளைஞர்களிடம் தரப்பட்டுள்ளது. எல்லா நிலைகளிலும், வெளிப்படைத் தன்மையைக் கொண்டு வர வேண்டும். "யூத் விங்' தேர்தல் நேரத்தில், "யூத் இங்க்' ஆக மாறி, நல்ல ஆட்சியாளர்களை உருவாக்கினால், ஊழல் ஒழியும். மாநில விஜிலென்ஸ் பிரிவிலும் இந்த நடைமுறை வேண்டும்,'' என்றார். ஓய்வு பெற்ற ஐ.ஏ.எஸ்., அதிகாரி தேவசகாயம் பேசுகையில், ""ஊழல், லஞ்சம் மட்டும் தான் வெளிப்படையாக, திறமையாக நடக்கிறது. பல இடங்களில், இந்தப் பணிக்கு இவ்வளவு லஞ்சம் என, பட்டியல் போட்டு வசூலிக்கின்றனர். "விஜ்-ஐ 'யில் புகார் கொடுத்தாலும், ஊழல் குறையாது. பொருளாதார வீழ்ச்சிக்கு காரணமான, பெரிய அளவிலான ஊழல்களை ஒழிக்க வேண்டும்,'' என்றார். முன்னாள் தலைமை விஜிலென்ஸ் கமிஷனர் விட்டல், "ஐந்தாவது தூண்' தலைவர் விஜய் ஆனந்த், "யூத் விங்' ஒருங்கிணைப்பாளர் கார்த்திக் ராமநாதன் உள்ளிட்டோர் இதில் பங்கேற்றனர்.
 

திங்கள், 12 நவம்பர், 2012

மீச்சிறு கணிணி அறிமுகம்

"ஆகாஷ் - 2 டேப்ளட் பிசி' அறிமுகம்

புதுதில்லி: குறைந்த விலை, "ஆகாஷ் - 2 டேப்ளட் பிசி' டில்லியில் நேற்று அறிமுகம் செய்யப்பட்டது.
ஆப்பிள் கம்ப்யூட்டர் நிறுவனம், ஐபேட் என்ற பெயரில், "டேப்ளட் பிசி'யை (சிறிய அளவிலான பர்சனல் கம்ப்யூட்டர்) அறிமுகம் செய்தது. குறைந்தபட்சம், 27 ஆயிரம் ரூபாய் முதல், விலை கொண்டுள்ள அந்த சிறிய கம்ப்யூட்டரைப் போலவே, "டேட்டாவிண்ட்' என்ற இந்திய தனியார் நிறுவனம், "ஆகாஷ் - 1' என்ற பெயரில், டேப்ளட் பிசியை தயாரித்தது. அதற்கு, துவக்கத்தில், அதிகபட்சம், 3,000 ரூபாய் விலை நிர்ணயம் செய்யப்பட்டது.முதற்கட்டமாக, 2011, அக்டோபரில், 20 ஆயிரம் டேப்ளட் பிசிக்கள், ஐ.ஐ.டி., மாணவர்களுக்கு இலவசமாக வழங்கப்பட்டன. மும்பை ஐ.ஐ.டி., மற்றும் சி - டி.ஏ.சி., என்ற மத்திய அரசின் நிறுவனங்கள் இணைந்து, "ஆகாஷ் டேப்ளட் பிசி' தயாரிப்பில் இறங்கின.ஆனாலும், சில தொழில்நுட்ப கோளாறுகளால், "ஆகாஷ் - 1 டேப்ளட் பிசி', மாணவர்களுக்கு வினியோகம் செய்யப்படாத நிலை ஏற்பட்டது.இந்நிலையில், "ஆகாஷ் - 2 டேப்ளட் பிசி' அறிமுக நிகழ்ச்சி, டில்லியில் நேற்று நடந்தது. 2,700 ரூபாய் விலை கொண்ட, "ஆகாஷ் டேப்ளட் பிசி'களை, ஜனாதிபதி பிரணாப் முகர்ஜி அறிமுகம் செய்தார்.
நிகழ்ச்சிக்குப் பிறகு, பத்திரிகையாளர்களை சந்தித்த, "டேட்டாவிண்ட்' நிறுவனத்தின் தலைமை செயல் அதிகாரி, சுனில் துலி கூறியதாவது:எங்களிடம் இருந்து, "ஆகாஷ் - 2 டேப்ளட் பிசி'யை, மத்திய அரசு, 2,263 ரூபாய்க்கு வாங்குகிறது. அதை, 50 சதவீத விலை குறைப்பில், 1,130 ரூபாய்க்கு, மாணவர்களுக்கு வழங்குகிறது. இந்த விலையையும் குறைத்து, அனைத்து கல்லூரி மாணவர்களுக்கும் வழங்க வேண்டும் என, மாநில அரசுகளுக்கு, மத்திய அரசு அறிவுறுத்தியுள்ளது. அவ்வாறு வழங்கப்படுமானால், இலவசமாகவே, மாணவர்களை ஆகாஷ் சென்றடையும்.இன்னும், நான்கைந்து ஆண்டுகளில், நாட்டில் உள்ள, 22 கோடி உயர்கல்வி மாணவர்களுக்கும், ஆகாஷ் வழங்கப்பட்டுவிடும். நாளை (இன்று), 20 ஆயிரம் டேப்ளட் பிசிகள் மத்திய அரசிடம் வழங்க உள்ளோம்.இவ்வாறு அவர் கூறினார்.ஆகாஷ் - 2 டேப்ளட் பிசி, லினக்ஸ் ஆபரேட்டிங் சிஸ்டம் கொண்டது. ஒரு, கிகா ஹெர்ட்ஸ் புராசசர், 512 எம்.பி., ராம், ஏழு அங்குல திரை போன்ற அம்சங்களை கொண்டது.
-தினமலர்

புதன், 10 அக்டோபர், 2012

புதிய கையடக்கக் கணிணி அறிமுகம்


புதிய கையடக்கக் கணிணி அறிமுகம்


தினமலர் பதிவு செய்த நாள் : அக்டோபர் 09,2012,00:00 IST
சென்னை: சென்னையில், பி.எஸ்.என்.எல்.,லில் 3ஜி தொழில்நுட்ப வசதி கொண்ட புதிய கையடக்க கணிணி அறிமுகப்படுத்தப்பட்டது, தலைமை பொது மேலாளர் பாலசுப்பிரமணியம், தமிழக தலைமை பொது மேலாளர், அஸ்வப்கான், புனித் ஜெயின் ஆகியோர் அறிமுகப்படுத்தினர்.