அஞ்சலகங்கள் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
அஞ்சலகங்கள் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

புதன், 7 ஆகஸ்ட், 2013

அஞ்சலகங்களில் பணம் பெறுவகம். இணையப்பணி விரைவில் அறிமுகம்

  அஞ்சலகங்களில் பணம்  பெறுவகம். இணையப்பணி
விரைவில் அறிமுகம்
 

தபால் நிலையங்களில் ஏ.டி.எம்.–இண்டர்நெட் சேவை: விரைவில் அறிமுகம்
சென்னை, ஆக. 7–
வங்கிகளை  ப் போன்று தபால் நிலையங்களில் ஏ.டி.எம், இண்டர்நெட் சேவை விரைவில் தொடங்கும் திட்டம் உள்ளது.
சென்னை அண்ணா சாலையில் உள்ள தலைமை தபால் நிலையம், தியாகராய நகர், மைலாப்பூர் மற்றும் தாம்பரம் அலுவலகங்களில் இந்த வசதி விரைவில் தொடங்கப்பட உள்ளது.
வங்கிகளில் உள்ள இண்டர்நெட் சேவை போல எந்த வங்கி கிளைக்கும் தங்களது கணக்கில் இருந்து பணம் அனுப்பும் வசதி, வெளி இடங்களில் உள்ளவர்களுக்கு வங்கி கணக்கில் பணம் அனுப்புவது போல் தபால் நிலையங்களில் சேமிப்பு கணக்கு வைத்திருப்பவர்கள் இந்த வசதியை பெற ஏதுவாக இத்திட்டம் செப்டம்பர் மாதம் செயல்படுத்த திட்டமிடப்படுத்தப்பட்டுள்ளது.
குறிப்பிட்ட சில தபால் அலுவலகங்களில் மட்டுமே இந்த விதியை முதலில் வழங்கப்பட உள்ளது.
சென்னையில் உள்ள 4 தலைமை தபால் நிலையங்களில் அறிமுகப்படுத்தப்படும் அத்திட்டத்தின் மூலம் வங்கிகளில் பெறக்கூடிய எல்லா சேவைகளையும் தபால் அலுவலக வாடிக்கையாளர்கள் பெறலாம். தபால் நிலையங்களில் பணம் எடுக்கவும், பென்சன் பணத்தை பெறவும் நீண்ட வரிசையில் காத்து நிற்கின்ற நிலை உள்ளது.
இண்டர்நெட் வசதி செயல்படுத்தப்பட்ட பிறகு வாடிக்கையாளர்கள் எந்த தபால் அலுவலகத்திற்கும் சென்று எளிதாக பணப் பரிமாற்ற நடவடிக்கையில் ஈடுபடலாம்.
இத்திட்டம் நீண்ட முறைப்படுத்தும் வேளையில் ஏ.டி.எம். வசதியும் வழங்கப்படுகிறது. சென்னையில் உள்ள 4 தலைமை தபால் நிலையங்களிலும் அக்டோபர் மாதம் ஏ.டி.எம். மையம் நிறுவப்படுகிறது. அதில் உள்ள 2.5 லட்சம் வாடிக்கையாளர்கள் ஏ.டி.எம். கார்டு மூலம் பணம் எடுக்கலாம்.
இது குறித்து தபால் துறை உயர் அதிகாரி ஒருவர் கூறும் போது, சென்னை மற்றும் புறநகர் பகுதிகளில் 110 தபால் அலுவலகங்களில் இண்டர்நெட் சேவையை அறிமுகம் செய்வதற்கான சாப்ட்வேர் அமைக்கப்படுகிறது. அதற்கான சோதனையும் தற்போது நடந்து வருவதாக தெரிவித்தார்.
இந்த திட்டம் அனைத்து தபால் நிலையங்களுக்கும் அடுத்த 2 வருடங்களில் படிப்படியாக செயல்படுத்தப்படும் என்று அதிகாரிகள் தெரிவித்தனர்.
இது குறித்து சென்னை தபால் துறை அதிகாரி மெர்வின் அலெக்ஸ்சாண்டர் கூறுகையில், சென்னை மண்டலத்தில் 3 கோடியே லட்சம் பேர் தபால் அலுவலகங்களில் சேமிப்பு கணக்கு வைத்துள்ளனர். அனைத்து தபால்துறை ஊழியர்களுக்கும் இண்டர்நெட் சேவை குறித்த பயிற்சி அளிக்கப்படுகிறது என்றார்.
இந்த புதிய திட்டத்தின் கீழ் இண்டர்நெட் சேவை, மொபைல் சேவை, மொபைல் பண பரிமாற்றம் போன்ற வசதிகள் வாடிக்கையாளர்களுக்கு கிடைக்கும்.

புதன், 26 ஜூன், 2013

அஞ்சலகங்களில் தொலைவரிக்கு மாற்றாக மின்மடல் பணி

இப்பொழுதும் நடைமுறையில் இவ்வசதி உள்ளது. எனினும் மிகச் சில அஞ்சலகங்களில்தான் உள்ளது. மயிலாப்பூரில் உள்ள அஞ்சலகம்  கணிணி பயன்பாடு உள்ள பெரிய அஞ்சலகம்தான். அங்கேயே  மின்மடலில் அனுப்ப முயன்ற பொழுது இராயப்பேட்டை அஞ்சலகத்திற்குச் செல்லுமாறு தெரிவித்தனர். எனவே, அனைத்து அஞ்சலகங்களிலும் கணிணியை நிறுவி இவ்வசதி்யை எல்லா அஞ்சலகங்களிலும் நடைமுறைப்படுத்த வேண்டும்.
அன்புடன் இலக்குவனார் திருவள்ளுவன் /தமிழே விழி! தமிழா விழி! எழுத்தைக் காப்போம்! மொழியைக் காப்போம்! இனத்தைக் காப்போம்!/

 

தபால் நிலையங்களில் தந்திக்கு மாற்றாக இ-போஸ்ட் சேவை

தந்தி சேவை நிறுத்தப்படவுள்ள நிலையில், இ-போஸ்ட் சேவையைப் பயன்படுத்திக் கொள்ள பொதுமக்கள் மற்றும் வணிக நிறுவனங்களுக்கு தபால் துறை அழைப்பு விடுத்துள்ளது.
இது தொடர்பாக தமிழ்நாடு தபால் துறை தலைவர் வெளியிட்டுள்ள அறிக்கை:
இந்தியாவின் மிகப் பழமையான தகவல் தொடர்பு சேவைகளுள் ஒன்றான தந்தி சேவை ஜூலை 15-ஆம் தேதி முதல் நிறுத்தப்படவுள்ளது.
தந்தி சேவையைப் போன்றே இ-போஸ்ட் சேவையை இந்திய தபால்துறை வழங்குகிறது. இச்சேவையில், ஏ4 பக்க அளவிலான செய்திக்கு ரூ.10 கட்டணமாக வசூலிக்கப்படுகிறது.
மின்னஞ்சலின் வேகத்துடன் இணைந்து இச்சேவை வழங்கப்படுகிறது.
கணினிமயமாக்கப்பட்ட அனைத்து தபால் நிலையங்களிலும் இச்சேவை அளிக்கப்படுகிறது.
அச்சடிக்கப்பட்ட அல்லது கையால் எழுதப்பட்ட தகவலை, இ-போஸ்ட் மையத்தில் கொடுத்தால், அது ஸ்கேன் செய்யப்பட்டு இணையம் மூலம் மின்னஞ்சல் செய்யப்படும். விநியோகிக்கப்படும் மையத்தில் அத்தகவல் பிரின்ட் எடுக்கப்பட்டு, உறையிலிடப்பட்டு தபால்காரர் மூலம் உரிய முகவரியில் சேர்க்கப்படும்.
தபால் முகவரி தவிர, உலகின் எந்தப்பகுதியில் உள்ள மின்னஞ்சல் முகவரிக்கும் தகவல் கொண்டு சேர்ப்பதற்கும் இச்சேவையைப் பயன்படுத்தலாம்.
கார்ப்பரேட் நிறுவனங்களுக்காக இ-கார்ப்பரேட் எனும் சிறப்புத் திட்டம் அமலில் உள்ளது. இத்திட்டத்தின் கீழ், ஒரே சமயத்தில் 9,999 முகவரிகளுக்கு தகவல் அனுப்பலாம். இதற்கு ஏ4 பக்க அளவிலான தகவலுக்கு ரூ.6 கட்டணமாக வசூலிக்கப்படும். ஒரே முறை குறைந்தது 50 அல்லது அதற்கு அதிகமான முகவரிக்கு தகவல் அனுப்பும் நிறுவனங்களுக்கு ஒரு பக்கத்துக்கு ரூ.5 கட்டணமாக வசூலிக்கப்படும்.
பொதுமக்களும், வர்த்தக நிறுவனங்களும் இச்சேவையைப் பயன்படுத்திக் கொள்ளலாம் என அறிக்கையில் தெரிவிக்கப்பட்டுள்ளது.