நடவடிக்கை லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
நடவடிக்கை லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

திங்கள், 26 ஆகஸ்ட், 2013

இந்திரா பாணியில் நடவடிக்கை: வலியுறுத்துகிறார் கருணாநிதி

http://img.dinamalar.com/data/largenew/Tamil_News_large_788727.jpg


இந்திரா பாணியில் நடவடிக்கை: வலியுறுத்துகிறார் கருணாநிதி
 
சென்னை:"தமிழக மீனவர்கள் பிரச்னையில், இந்திரா காலத்தில் எடுக்கப்பட்ட நடவடிக்கை போல, தீவிரமான நடவடிக்கை எடுக்கப்பட்டால் மட்டுமே, இலங்கை அரசு வழிக்கு வரும்; தமிழக மீனவர்களும் காப்பாற்றப்படுவர்' என, தி.மு.க., தலைவர் கருணாநிதி கூறியுள்ளார்.

அவரது அறிக்கை:பார்லிமென்ட்டில், மத்திய வெளியுறவுத் துறை அமைச்சர், சல்மான்குர்ஷித் பேசுகையில், "மீனவர்கள் தாக்கப்படும் பிரச்னைகளுக்குத் தீர்வு காண, மத்திய அரசு பல நடவடிக்கைகளை எடுத்து வருகிறது. இப்பிரச்னைக்கு ஒரே தீர்வு, இந்தியா மற்றும் இலங்கை மீனவர்கள் இணைந்து பேச வேண்டும். தமிழக மீனவர்கள் குழு, தமிழக அரசின் ஆதரவுடன், இலங்கை சென்று திரும்ப வேண்டும் என, விரும்புகின்றனர்.ஆனால், இதுவரை அவர்களுக்கு உரிய அனுமதியை, தமிழக அரசு தரவில்லை.இப்பிரச்னையில், உண்மையிலேயே, தமிழக அரசு சுமூகப் பேச்சுவர்த்தைக்கு, தாமதம் செய்கிறதா என்பதை தெளிவுபடுத்த வேண்டும். அந்த செய்தி உண்மையாக இருக்குமானால், இதுவரை மத்திய அரசு மீது பழிசுமத்தி, காலம் கடத்தி வந்ததை போல செய்யாமல், தற்போதாவது, தாமதத்தை தவிர்த்து, மீனவர் பிரச்னைக்கு உடனடித் தீர்வு காண நடவடிக்கை எடுக்க வேண்டும்.

இந்திரா பிரதமராக இருந்த போது, சிங்கள கேப்டன் ஒருவர், அடிக்கடி, தமிழக மீனவர்களை, தமிழக எல்லை பகுதிக்குள்ளேயே வந்து, தாக்கி வருவதை கேள்விப்பட்டு, கோபமடைந்த இந்திரா, அந்த கேப்டனை கைது செய்ய, இந்திய கடற்படைக்கு உத்தரவிட்டார். கடற்படை வீரர்களும் சிங்கள கேப்டனை பிடித்து வந்து, மண்டபத்தில் சிறை வைத்தனர்.பின், அந்த கேப்டனையும், சக இலங்கை வீரர்களையும் மன்னிப்பு கேட்க வைத்து, இலங்கை அரசு திரும்ப பெற்றது. இச்சம்பவத்தை இந்திய அரசும், தமிழக அரசும் நினைவிலே கொண்டு, இந்திரா காலத்தில் எடுக்கப்பட்ட நடவடக்கை போல, தீவிரமான நடவடிக்கை எடுக்கப்பட்டால் மட்டுமே, இலங்கை அரசு வழிக்கு வரும். இலங்கை அமைச்சர்களும் தங்கள் மனம் போன படிப் பேசுவதை நிறுத்திக் கொள்ள முன்வருவர். தமிழக மீனவர்களும் காப்பாற்றப்படுவர்.இவ்வாறு, கருணாநிதி கூறியுள்ளார்
.
 

ஞாயிறு, 14 ஜூலை, 2013

குறுந்தகவல் அனுப்பினால் கையூட்டு கேட்குநர் மீது நடவடிக்கை தமிழகத்தில் அறிமுகம்

எல்லாமே கண்துடைப்பு நாடகம்தான். ஊழலைக் கண்டுகொள்ளாமல் ஊக்கப்படுத்துவதே ஊழலில் பங்கு வகிக்கும் ஊழல் ஒழிப்புத் துறையின் முதன்மைப் பணியாகும். பலரறிந்த உண்மைக்கு ஓர் எடுத்துக் காட்டு கூற விரும்புகின்றேன். ஒரு சமயம் அடையாற்றிலுள்ள ஊழல் ஒழிப்புத் துறை தலைமை அலுவலகத்தில், ஒருவர் கையூட்டு கேட்கப்படுவது தொடர்பாக முறையிட்ட பொழுது, மாவட்ட அலுவலகத்தில் போய்ச் சொல்லுங்கள் என்றனர். அங்கே அவர் சென்று தெரிவித்த பொழுது, அங்குள்ள அதிகாரி, தான் இப்பொழுதுதான் வந்துள்ளதாகவும் விசாரிக்காகமல் முடிவு எடுக்க முடியாது என்றும் கூறி அவரை அனுப்பி விட்டார்.  பணம் கேட்டதில் ஒரு பகுதி முன்பணமாக உரூபாய் 10,000 எடுத்துக்  கொண்டு பணத்தை வரிசையாக அடுக்கிப் பல பக்கங்கள் ஒளியச்சுப் படி எடுத்து வைத்துக் கொண்டு , கையூட்டு கேட்டவரிடம் பணத்தை முன்பணம் எனக் கூறி அளித்து விட்டு வந்து விட்டார் நண்பர். ஒளியச்சுப் படிகளை எடுத்துக் கொண்டு ஊழல் ஒழிப்பு அலுவலகம் சென்று காண்பித்து மீண்டும் முறையிட்டார். அதற்கு அங்குள்ள அதிகாரி, நீங்கள் வேறு எதற்காவது கொடுத்து இருப்பீர்கள்  கையூட்டு என்று எப்படிச் சொல்ல முடியும்?  வேண்டுமென்று பழி சுமத்துவதற்காக நீங்கள் போடும் நாடகமாகக்கூட இருக்கலாம். எனவே, நடவடிக்கை எடுக்க முடியாது என்றார்.  மீண்டும் பரிந்துரையுடன் ஊழல் ஒழிப்பு அதிகாரியை அனுப்பிய பொழுது, சிறு ஒலிப்பதியனைக் கொடுத்து அனுப்பி அவர் பணம் கேட்கும் பொழுது அதனைப் பதிந்து வாருங்கள்; நடவடிக்கை எடுக்கின்றோம் என்றார் அந்த அதிகாரி. ஆனால், இந்தத்தகவல் பணம் கேட்டவரிடம் சொல்லப்பட்டு விட்டது. எனவே, அவர், இவர் போனதும் செயகைமூலமே கேட்டு பணம் வாங்கிக்கொண்டு, அடுத்துள்ள குளியலறைக்குச் சென்று எண்ணிப் பார்த்துவிட்டுத் தன் உள்பையில் வைத்துக்  கொண்டார்.  அன்று பேசா நோன்பு இருப்பதாகச் கைகை மூலம்  பொய்யாகத் தெரிவித்து, இவரை அனுப்பி விட்டார். இவர் மனம் தளராமல் ஊழல்துறை அதிகாரியிடம் விவரத்தைத் தெரிவிதததற்குப் பணம்கேட்டதற்கான சான்று .இல்லை. எனவே, நடவடிக்கை எடுக்க முடியாது என்று தட்டிக் கழித்து விட்டார். ஊழல்  ஒழிப்பு என்பது ஊழல் பற்றிய விவரம் தெரிவிததாலேயே கண்டறிந்து நடவடிக்கை எடுப்பதாக இருக்க வேண்டும். அவ்வாறில்லாமல், பணம் கொடுக்கும் பொழுது மட்டும்தான்  கையும் களவுமாகப் பிடிப்போம்!  அதற்குப் பின் வந்தால் நடவடிக்கை எடுக்க மாட்டோம் என்பது சரியில்லை. ஊழல் ஒழிப்புத் துறையினர் பொழுது போக்கிற்காகவும், ஆதாயத்திற்காகவும் சில நேரங்களில் நடவடிக்கை எடுக்கின்றார்களே தவிர,  உண்மையாகப் பணியாற்றுவதில்லை.  இயக்குநரகத்தில்  நேரில் சென்று முறையீடு அளிக்க முயன்றால் விரட்டி அடித்து விடுகிறார்கள். தங்களை நேர்மையானவர்களாகக் காட்டிக் கொள்வதற்காக எடுக்கும் சில நடவடிக்கைகளால் ஊழல் ஒழியாது. அரசும் ஆட்சியாளர்களும் நேர்மையாக இருப்பின், இத்துறையும் ஒழுங்காகச் செயல்படும். அன்புடன் இலக்குவனார் திருவள்ளுவன் /தமிழே விழி! தமிழா விழி! எழுத்தைக் காப்போம்! மொழியைக் காப்போம்! இனத்தைக் காப்போம்!/




குறுந்தகவல் அனுப்பினால் இலஞ்ச நபர் மீது நடவடிக்கை தமிழகத்தில் அறிமுகம்
 
சென்னை: இலஞ்சம், ஊழல் குறித்து, மொபைல் போன், கணினி மூலம், பொதுமக்கள், எஸ்.எம்.எஸ்., புகைப்படம், வீடியோக்களை அனுப்பும், "விஜ்-ஐ' (விஜிலென்ஸ் ஐ) திட்டத்தை, மத்திய கண்காணிப்பு ஆணையம், தமிழகத்தில் அறிமுகம் செய்துள்ளது.

லஞ்சம், ஊழல் குறித்து கடிதம் மூலம் புகார் அனுப்புவதில், பல்வேறு நடைமுறைச் சிக்கல்கள் உள்ளன. இதைக் கருத்தில் கொண்டு, மொபைல் போன், கணினி மூலம், எஸ்.எம்.எஸ்., போட்டோ, வீடியோ ஆதாரங்களையும் அனுப்பும் வகையில், "விஜ் - ஐ' என்ற புதிய திட்டத்தை, மத்திய கண்காணிப்பு ஆணையம், கொண்டு வந்துள்ளது. வடமாநிலங்களில் இது நடைமுறையில் இருந்தாலும், தமிழகத்தில் அறிமுகம் செய்யப்படவில்லை. இந்நிலையில், ஊழலுக்கு எதிரான, ஐந்தாவது தூண், மெட், எம் ஜங்ஷன் அமைப்புக்களுடன் இணைந்து, மத்திய கண்காணிப்பு ஆணையம், தமிழகத்தில், "விஜ்-ஐ' திட்டத்தை, நேற்று முன்தினம் அறிமுகம் செய்தது.

சென்னை, தி.நகர், சர்.பி.டி.தியாகராயா அரங்கில், திட்டத்தை அறிமுகம் செய்து, மத்திய விஜிலென்ஸ் கமிஷனர் ஸ்ரீகுமார் பேசியதாவது: ஊழல் பற்றி, எல்லா இடங்களிலும் பேச்சு நடக்கிறது. இரண்டு, மூன்று ஆண்டாக ஊழலை ஒழிப்பது குறித்தும் பேச்சு நடப்பது மிக நல்லது. ஊழலை ஒழிக்க, "விஜ்-ஐ' பயன்படும். இதற்கு, 92231 74440 அல்லது, 51964 என்ற எண்ணிற்கு, எஸ்.எம்.எஸ்., அனுப்பினால், மொபைல் போனுக்கு, விஜ்-ஐ மென்பொருள் அனுப்பப்படும். அதை பதிவு செய்தால், யூசர் நேம், ஐ.டி., கிடைக்கும். மொபைல் போன், கணினி மூலம், லஞ்சம், ஊழல் குறித்த, எஸ்.எம்.எஸ்., புகைப்பட, வீடியோ ஆதாரங்களையும் அனுப்பலாம். இது, ஆவணமாக்கப்பட்டு, உடனடி விசாரணை துவங்கும். நம்பிக்கையோடு அனுப்புங்கள். ஊழலை ஒழிக்க, இளைஞர்கள் மட்டுமின்றி, எல்லா தரப்பினரும் ஒன்றிணைய வேண்டும். இவ்வாறு, அவர் பேசினார்.

முன்னாள் தலைமைத் தேர்தல் கமிஷனர் கோபால்சாமி பேசியதாவது: நாட்டில், நேர்மையான அதிகாரிகளுக்கு மரியாதை இல்லை. பணம் சம்பாதிக்கும் அதிகாரிகளை தான், "நல்லவர்' என்று கருதும் போக்கு காணப்படுகிறது. மத்திய பிரதேசத்தில், அரசுப் பணியில் உள்ள, ஐ.ஏ.எஸ்., கணவனும், மனைவியும், 320 கோடி ரூபாய் சொத்து சேர்த்தது தெரிந்து, ஐந்து மாதங்களாகியும், வழக்கு கூட பதியவில்லை. அரசுகள், ஊழலை ஒழிக்கும் என, நினைத்தால் முட்டாள்தனம். நாம் நினைத்தால் முடியும்; அதற்கு இளைஞர்கள் முன் வர வேண்டும். இதற்கு, ஆர்.டி.ஐ., சட்டத்தை பயன்படுத்திக் கொள்ளலாம். இவ்வாறு, அவர் பேசினார்.

ஊழல் எதிர்ப்பு இயக்க துணைத் தலைவர் அரசு பேசுகையில், ""முன்னேற்றத் திட்டங்களை ஒதுக்கி வைத்து, ஊழல் ஒழிப்பை முக்கியப்படுத்த வேண்டும்."விஜ்-ஐ' என்ற ஆயுதம், இளைஞர்களிடம் தரப்பட்டுள்ளது. எல்லா நிலைகளிலும், வெளிப்படைத் தன்மையைக் கொண்டு வர வேண்டும். "யூத் விங்' தேர்தல் நேரத்தில், "யூத் இங்க்' ஆக மாறி, நல்ல ஆட்சியாளர்களை உருவாக்கினால், ஊழல் ஒழியும். மாநில விஜிலென்ஸ் பிரிவிலும் இந்த நடைமுறை வேண்டும்,'' என்றார். ஓய்வு பெற்ற ஐ.ஏ.எஸ்., அதிகாரி தேவசகாயம் பேசுகையில், ""ஊழல், லஞ்சம் மட்டும் தான் வெளிப்படையாக, திறமையாக நடக்கிறது. பல இடங்களில், இந்தப் பணிக்கு இவ்வளவு லஞ்சம் என, பட்டியல் போட்டு வசூலிக்கின்றனர். "விஜ்-ஐ 'யில் புகார் கொடுத்தாலும், ஊழல் குறையாது. பொருளாதார வீழ்ச்சிக்கு காரணமான, பெரிய அளவிலான ஊழல்களை ஒழிக்க வேண்டும்,'' என்றார். முன்னாள் தலைமை விஜிலென்ஸ் கமிஷனர் விட்டல், "ஐந்தாவது தூண்' தலைவர் விஜய் ஆனந்த், "யூத் விங்' ஒருங்கிணைப்பாளர் கார்த்திக் ராமநாதன் உள்ளிட்டோர் இதில் பங்கேற்றனர்.
 

புதன், 22 மே, 2013

கச்சத் தீவை மீட்க உடனடி நடவடிக்கை: முதல்வர் வலியுறுத்தல்

கச்சத் தீவை மீட்க உடனடி நடவடிக்கை:  முதல்வர் வலியுறுத்தல்

கச்சத் தீவை த் திரும்பப் பெற உடனடியாக நடவடிக்கை எடுக்க வேண்டுமென பிரதமர் மன்மோகன் சிங்கை முதல்வர் ஜெயலலிதா வலியுறுத்தியுள்ளார். மேலும், சட்டப் பேரவையில் நிறைவேற்றப்பட்ட தீர்மானத்தை சுட்டிக்காட்டி அவர் கடிதம் எழுதியுள்ளார்.
இது குறித்து பிரதமருக்கு முதல்வர் ஜெயலலிதா செவ்வாய்க்கிழமை எழுதியுள்ள கடிதத்தின் விவரம்:
இலங்கையிடம் இருந்து கச்சத் தீவை திரும்பப் பெறுவது தொடர்பாக தமிழக சட்டப் பேரவையில் கடந்த 3-ஆம் தேதி ஒருமனதாக தீர்மானம் நிறைவேற்றப்பட்டது.
அந்தத் தீர்மானத்தில், தமிழக மீனவர்கள் மீது இலங்கைக் கடற்படையினரின் கொடூரத் தாக்குதல்களும், துன்புறுத்தல்களும், சிறை பிடிக்கும் நிகழ்வுகளும் தொடர்வதைக் கருத்தில் கொண்டும், பெருபாரி வழக்கில் உச்ச நீதிமன்றம் அளித்த தீர்ப்பின் அடிப்படையில் கச்சத்தீவு இலங்கைக்கு வழங்கப்பட்டது சட்டப்படி செல்லத்தக்கது அல்ல என்பதாலும், இலங்கை கடற்படையினரால் தமிழக மீனவர்களுக்கு ஏற்படும் வாழ்வாதார பாதிப்புக்கு முற்றுப்புள்ளி வைக்கும் வகையில், இந்தப் பிரச்னைக்கு நிரந்தரத் தீர்வு காணும் வகையில், இந்திய-இலங்கை ஒப்பந்தத்தின் மூலம் இலங்கை நாட்டுக்கு ஒப்படைக்கப்பட்ட கச்சத்தீவு மற்றும் அதனைச் சுற்றியுள்ள பகுதிகளை தனது ஆளுகையின்கீழ் கொண்டுவர உடனடி நடவடிக்கை எடுக்க வேண்டுமென இந்தியப் பேரரசை தமிழக சட்டப் பேரவை வலியுறுத்துகிறது எனக் குறிப்பிடப்பட்டுள்ளது.
கச்சத் தீவு தொடர்பாக, இந்தியாவுக்கும், இலங்கைக்கும் இடையே 1974-ஆம் ஆண்டு ஒப்பந்தம் ஏற்பட்டது.
அதில், கச்சத்தீவானது இலங்கையின் ஒருபகுதியாக தீர்மானிக்கப்பட்டது. அது தொடர்பாக அரசியலமைப்புச் சட்டத்தில் திருத்தம் செய்வதற்கு, நாடாளுமன்றத்தின் இரு அவைகளின் ஒப்புதல் ஏதும் பெறப்படாமல், கச்சத்தீவின் உரிமை மத்திய அரசால் ஒருதலைப்பட்சமாக விட்டுக் கொடுக்கப்பட்டுள்ளது என்பதை தங்களுக்கு நினைவுபடுத்த விரும்புகிறேன்.
நிலவியல், நாகரிகம் மற்றும் வரலாற்றுப்பூர்வமான கச்சத்தீவானது, இந்தியாவின் ஒரு பகுதியாகும். பல்லாயிரக்கணக்கான இந்திய மீனவர்களின் வாழ்வாதாரத்தையும், பாதுகாப்பையும் கருத்தில் கொண்டு, இந்தத் தீவை திரும்பப் பெறுவது அவசியமாகிறது என்பது தமிழக அரசின் நிலையாகும்.
அதிமுக சார்பில் மனு தாக்கல்: தமிழக மீனவர்கள் மீது இலங்கை ராணுவப்படை துப்பாக்கிச்சூடு நடத்துவது, அவர்களைத் தாக்குவது, துன்புறுத்துவது போன்ற நிகழ்வுகள் சற்றும் குறையாத நிலையில் தொடர்கின்றன. இந்தியா-இலங்கை இடையே கச்சத் தீவு தொடர்பாக ஏற்பட்ட ஒப்பந்தங்களுக்கு இந்திய அரசியலமைப்புச் சட்டத்தில் திருத்தம் கொண்டு வருவது அவசியம் என்ற நிலையிலும், இவ்வாறு செய்யாதிருப்பது இந்த ஒப்பந்தங்களை முற்றிலும் செல்லாததாக்கிவிடும் என்ற வகையிலும், கச்சத்தீவை இந்தியா திரும்பப் பெறுவது அவசியம் என்ற நிலையிலும், கடந்த 1974 மற்றும் 1976-ஆம் ஆண்டுகளில் செய்து கொண்டுள்ள ஒப்பந்தங்களை பரிசீலிப்பதற்கென அதிமுக பொதுச் செயலாளர் என்ற முறையில், நான் என் சொந்தப் பொறுப்பில் கடந்த 2008 ஆம் ஆண்டில் உச்ச நீதிமன்றத்தில் ரிட் மனுவை தாக்கல் செய்துள்ளேன். இந்த வழக்கு இப்போது நீதிமன்றத்தின் பரிசீலனையில் உள்ளது.
கடந்த 2011 ஆம் ஆண்டு மே மாதம் அதிமுக அரசு ஆட்சிப் பொறுப்பேற்றவுடன், 2008 ஆம் ஆண்டில் இந்திய உச்ச நீதிமன்றத்தில் தாக்கல் செய்யப்பட்ட மனுவில் மாநிலத்தின் வருவாய்த் துறையை ஒரு தரப்பினராகச் சேர்ப்பதென்று சட்டப் பேரவையில் கடந்த 2011 ஆம் ஆண்டு மற்றொரு தீர்மானம் ஒருமனதாக நிறைவேற்றப்பட்டது.
நடவடிக்கை எடுக்க வேண்டும்: தமிழக மீனவர்கள் மீது தொடர்ந்து தாக்குதல்கள் நடந்து வருகிற பின்னணியிலும், மீனவர்களின் பாதுகாப்பு, நலன் ஆகியவற்றில் அக்கறை கொண்டு, இந்திய அரசு கச்சத்தீவையும் அதன் சுற்றுப்புறப் பகுதிகளையும் மீட்பதற்கு நடவடிக்கைகள் மேற்கொள்ள வேண்டும் என்று தெரிவித்து சட்டப் பேரவையில் கடந்த 3-ஆம் தேதி தீர்மானம் ஒன்று ஒருமனதாக நிறைவேற்றப்பட்டது.
எனவே, கச்சத் தீவையும் அதன் சுற்றுப்புறப் பகுதிகளையும் இலங்கையிடம் இருந்து திரும்பப் பெறுவதற்கு, உடனடியாக நடவடிக்கைகள் மேற்கொள்ளுமாறு உங்களிடம் மீண்டும் கனிவுடன் கேட்டுக் கொள்கிறேன்.
மேலும், கச்சத் தீவு மீட்கப்பட்ட பிறகு, இந்திய கடல் பகுதியில் மீண்டும் எல்லைக் கோட்டை வரையறை செய்ய வேண்டும் என்றும், அதனால் மீனவர்கள், பாதுகாப்பு பற்றிய கவலை ஏதுமின்றி அவர்களுடைய பாரம்பரிய கடற்பகுதியில் மீன்பிடிப்புத் தொழிலை மேற்கொள்ள முடியும் என்றும் தனது கடிதத்தில் முதல்வர் ஜெயலலிதா கேட்டுக் கொண்டுள்ளார்.

சனி, 4 மே, 2013

இலங்கையில் மனித உரிமைகளைக் காக்க நடவடிக்கை!

இலங்கையில் மனித உரிமைகளைக் காக்க நடவடிக்கை

இலங்கையில் மனித உரிமைகளைக் காக்கவும், போரில் பாதிக்கப்பட்டவர்களுக்கான மறுவாழ்வுப் பணிகளையும் விரைந்து மேற்கொள்ள வேண்டுமென்று ஆஸ்திரேலியா வலியுறுத்தியுள்ளது.
இலங்கையில் வரும் நவம்பர் மாதம் காமன்வெல்த் நாடுகளின் தலைவர்கள் பங்கேற்கும் மாநாடு நடைபெறவுள்ளது.
இலங்கை அரசு தொடர்ந்து மனித உரிமைகளை மீறிச் செயல்பட்டு வருவதால் அந்நாட்டில் இந்த மாநாட்டை நடத்தக் கூடாது என்று சர்வதேச மனித உரிமை அமைப்புகள் வலியுறுத்தி வருகின்றன. இந்நிலையில் காமன்வெல்த் நாடுகளுக்கு இப்போது தலைமை வகிக்கும் ஆஸ்திரேலியா, இலங்கையை இது தொடர்பாக வலியுறுத்தியுள்ளது முக்கியத்துவம் பெறுகிறது.
ஆஸ்திரேலிய குடியேற்றத் துறை அமைச்சர் பிரண்டன் ஓ'கானர் இருநாள் பயணமாக இலங்கை வந்துள்ளார். அவரிடம், இலங்கை மனித உரிமை விஷயத்தில் எந்த அளவுக்கு பொறுப்புணர்வுடன் நடந்து கொள்கிறது என எண்ணுகிறீர்கள்?, இலங்கையில் காமன்வெல்த் நாடுகளின் மாநாட்டை நடத்தக் கூடாது என்று சர்வதேச அளவில் நெருக்கடி ஏற்பட்டுள்ளதே? என்று செய்தியாளர்கள் கேள்வி எழுப்பினர்.
இதற்கு பதிலளித்த பிரண்டன், "இலங்கையில் மனித உரிமைகளைக் காக்கும் நடவடிக்கைகளில் முன்னேற்றம் ஏற்பட வேண்டும் என்பதில் உறுதியாக இருக்கிறோம். தங்கள் சொந்த மக்களின் நலன்களைக் காப்பது அனைத்து அரசுகளுக்குமே அவசியமானது.
போர்ப் படிப்பினை, நல்லிணக்க ஆணையம் அளித்த பரிந்துரைகளை முழுமையாக அமல்படுத்துவதே அனைத்துப் பிரச்னைகளுக்கும் ஒரே தீர்வாக அமையும். இலங்கையின் எதிர்காலம் சிறப்பானதாக அமைய வேண்டுமென்றே ஆஸ்திரேலியா விரும்புகிறது' என்றார்.
இலங்கையில் நடைபெறவுள்ள காமன்வெல்த் மாநாட்டில் பங்கேற்கப் போவதில்லை என்று கனடா அறிவித்துள்ளது. பிரிட்டன் இறுதி முடிவை அறிவிக்கவில்லை.
எனினும் இலங்கையுடன் நல்லறவு பேணப்படும் என்று ஆஸ்திரேலியா அறிவித்துள்ளது.
54 நாடுகள் அடங்கிய காமன்வெல்த் மாநாடு நவம்பர் 15 முதல் 17-ம் தேதி வரை இலங்கையில் நடைபெறவுள்ளது.
இந்த மாநாடு தொடர்பாக காமன்வெல்த் நாடுகளின் அமைச்சர்கள் நிலையிலான நடவடிக்கைக் குழு விரைவில் சில முக்கிய முடிவுகளை எடுக்க இருக்கிறது. அப்போது இலங்கையில் மாநாட்டை நடத்தக் கூடாது என்று சில நாடுகள் எதிர்ப்புத் தெரிவிக்கும் என்று தெரிகிறது.

வெள்ளி, 26 ஏப்ரல், 2013

மாணவர்கள் புலமை இன்மை - ஆசிரியர்கள் மீது நடவடிக்கை

மாணவர்கள் தமிழ், ஆங்கிலத்தில் புலமை இல்லையென்றால் ஆசிரியர்கள் மீது நடவடிக்கை எடுக்கப்படும்

அரசு பள்ளிகளில் உள்ள மாணவர்கள் தமிழ் ஆங்கிலத்தில் புலமை இல்லையென்றால் பாடம் கற்பிக்கும் ஆசிரியர்கள் மீது கடும் நடவடிக்கை எடுக்கப்படும் என்று கல்வித்துறை அதிகாரிகள் தெரிவித்துள்ளனர்.
படிப்பை முடித்து விட்டு தகுதித் தேர்வில் தேர்ச்சி பெற முடியாமல்  மாணவர்கள் சிரமப்படுகின்றனர். இதற்கு காரணம் அரசு பள்ளிகளில் சரியான  ஆசிரியர்கள் மற்றும் உள்கட்டமைப்பு வசதி இல்லாததே ஆகும். எனவே இந்த நிலை மாறினால் மட்டுமே மாணவர்களின் கல்விதரம் உயர்த்த முடியும் என்று கல்வியாளர்கள் கூறுகின்றனர்.
இந்த கல்வியாண்டு முதல் 1ம் வகுப்பு முதல் 8ம் வகுப்பு வரை படிக்கும் மாணவர்களிடையே நடத்தப்பட்ட சர்வே குறிப்பில் தமிழ், ஆங்கிலம் எழுத, படிக்க தெரியாத மாணவர்கள் பலர் உள்ளனர்.
எனவே ஆசிரியர்கள் மாணவர்களுக்கு தமிழ், ஆங்கிலம், கணிதம் ஆகிய பாடங்களில் சிறந்த பயிற்சியளிக்க வேண்டும் என்று தேர்வுத்துறை உத்தரவிட்டுள்ளது. மாணவர்களுக்கு சரியான பயிற்சி வழங்கப்படவில்லையெனில் சம்மந்தப்பட்ட பள்ளியின் தலைமை ஆசிரியர் மீது தகுந்த நடவடிக்கை எடுக்கப்படும் என்று கல்வித்துறை கூறியுள்ளது.

திங்கள், 18 மார்ச், 2013

தீர்மானத்தைக் கடுமையாக்க இந்திய நடவடிக்கை- முதல்வர் மடல்

அமெரிக்க த் தீர்மானத்தை க் கடுமையாக்க இந்தியா நடவடிக்கை எடுக்க வேண்டும்: தலைமையமைச்சருக்கு முதல்வர் மடல்

இலங்கைத் தமிழர் விவகாரத்தில், ஐ.நா. மனித உரிமைக் கவுன்சிலில் அமெரிக்க கொண்டு வரும் தீர்மானத்தை இன்னும் கடுமையாக்கி அளிக்க இந்தியா ஆவன செய்ய வேண்டும் என்று முதல்வர் ஜெயலலிதா பிரதமருக்கு  கடிதம் எழுதியுள்ளார்.
இதுகுறித்த கடிதத்தில்,
தமிழ்நாட்டில் இலங்கைத் தமிழர் படும் அவதிக்கு எதிராக தமிழர்கள் மத்தியில் ஏற்பட்டுள்ள எழுச்சி குறித்து அறிவீர்கள் என்று நினைக்கிறேன். இலங்கை அரசு, சர்வதேச உணர்வுகளுக்கு மதிப்பு கொடுக்காமல், நடந்து கொள்கிறது. போர் சமயத்தில் இன அழிப்பு மற்றும் மனித உரிமை மீறல் நடவடிக்கைகளில் அது ஈடுபட்டதற்கான ஆதாரங்கள் உள்ளன. இந்த நிலையில், இலங்கை மீது கொண்டுவரப்படும் தீர்மான விவகாரத்தில் இந்தியா தனது நிலையை தெளிவாகத் தெரிவிக்க வேண்டும்.
இலங்கை விவகாரம் குறித்து வெளியுறவுத் துறை அமைச்சர் கூறிய கருத்துகள் கவலை அளிக்கிறது. இலங்கை விவகாரத்தில், வரலாற்று முக்கியத்துவமான இந்த நேரத்தில் இந்திய அரசு, வெகு துணிச்சலான ஒரு முடிவை எடுக்க வேண்டும்.
மேலும், சர்வதேச நீதிமன்றத்தில், இலங்கையின் போர்க்குற்றங்கள் குறித்து சுதந்திரமான அமைப்பு 6 மாத காலத்துக்குள் விசாரணை நடத்தி, இலங்கையின் இன அழிப்பு குறித்தும், ராஜபட்சவின் போர்க்குற்றம் குறித்தும் அறிவிக்கப்பட வேண்டும். இலங்கையில் தமிழர்களுக்கு அரசியல் பொறுப்பைத் தர இலங்கை நடவடிக்கை எடுக்க வழி செய்ய வேண்டும்.
ஐ.நா., மனித உரிமை கவுன்சிலில் அமெரிக்கா கொண்டு வரும் தீர்மானத்தில் தேவையான திருத்தங்களை மேற்கொண்டு, அதனை இன்னும் கடுமையாக்க இந்தியா நடவடிக்கை மேற்கொள்ள வேண்டும் என்று கூறி முதல்வர் ஜெயலலிதா பிரதமர் மன்மோகன் சிங்குக்கு கடிதம் எழுதியுள்ளார்.

புதன், 14 நவம்பர், 2012

ஐ.நா.வின் அறிக்கை கிடைத்த பிறகே ?! நடவடிக்கை : இ. அகமது

ஐ.நா.வின் அறிக்கை கிடைத்த பிறகே நடவடிக்கை : இ. அகமது

First Published : 14 November 2012 04:44 PM IST
இலங்கை போரின் போது ஐ.நா. அதிகாரிகள் அலட்சியமாக இருந்தது குறித்து ஐ.நா.வின் உள்விவகாரத் துறை அறிக்கை முழுமையாகக் கிடைக்கவில்லை என்று மத்திய அமைச்சர் இ. அகமது தெரிவித்தார்.
சென்னை விமான நிலையத்தில் இன்று செய்தியாளர்களை சந்தித்த மத்திய வெளியுறவுத் துறை இணை அமைச்சர் இ. அகமது, ஐ.நா.வின் உள் விசாரணை அறிக்கை முழுமையாகக் கிடைக்கவில்லை. இலங்கை தமிழர் பிரச்னையில் சரியான நேரத்தில் இந்தியா குரல் கொடுத்துள்ளது. 
( தமிழினத்தை அழிக்குமாறுதானே!)
்ஐ.நாவி.ன் அறிக்கை முழுமையாகக் கிடைத்த பிறகு அடுத்தகட்ட நடவடிக்கை குறித்து முடிவு செய்யப்படும் என்று கூறினார்.

சனி, 27 நவம்பர், 2010

அலைக்கற்றை மோசடி: அனைவர் மீதும் நடவடிக்கை :செயலலிதா வலியுறுத்தல்

௧. இடைத்தரகர்களால் இராசாவிற்குப் பதவி கிடைத்தது என்றால் கனிமொழிக்கு ஏன் பதவி கிடைக்கவில்லை? ௨) இவ்வுரையாடல் செய்திக்கு ஏன் ஒருவருமே மறுப்பு தெரிவிக்கவில்லை? ௩) வேறுவகையில் பதவி கிடைததிருந்தும் கலைஞரால்தான் பதவி கிடைத்தது என்பதுபோல் நடித்துள்ளதை  அடக்கம் என்று எடுத்துக் கொள்ளலாமா? ௪) பணமுதலைகளால்தான் மக்கள் சார்பாளர்கள் தேர்ந்தெடுக்கப்படுகிறார்கள், அமைச்சர் முதலான பொறுப்புகளுக்கு வருகிறார்கள் என்பது ஆண்டாண்டு கால உண்மையாக இருக்கையில் இச்செய்தி என்ன விளைவை ஏற்படுத்தப் போகிறது.? ௫) அலைக்கற்றை ஊழல் தொடர்பில் பதிவுகள் இருப்பின் அவற்றை  வெளியிடுவதுதானே பொருத்தமாக இருக்கும். உரியவர்கள் குடும்பங்களில் குடுமிப்பிடிச் சண்டை போட்டுக்கொள்ள வழி வகுத்துள்ள இச் செய்தியால் பொதுமக்களுக்கு நன்மை ஒன்றும் இல்லை.அன்புடன் இலக்குவனார் திருவள்ளுவன்



2ஜி விவகாரத்தில் அனைவர் மீதும் நடவடிக்கை
: ஜெயலலிதா வலியுறுத்தல்

First Published : 26 Nov 2010 11:04:18 AM IST

Last Updated : 26 Nov 2010 11:21:21 AM IST

சென்னை, நவ.26: 2ஜி ஸ்பெக்ட்ரம் விவகாரத்தில் மத்திய புலனாய்வுத் துறை உள்ளிட்ட அமைப்புகளிடம் உள்ள உரையாடல் பதிவுகளை வைத்து சம்பந்தப்பட்ட அனைவர் மீதும் உரிய சட்டத்தின்கீழ் நடவடிக்கை எடுக்க வேண்டும் என அதிமுக பொதுச்செயலர் ஜெயலலிதா வலியுறுத்தியுள்ளார்.இதுகுறித்து அவர் இன்று வெளியிட்டுள்ள அறிக்கை:திமுக-வைச் சேர்ந்த ராசாவால் நிகழ்த்தப்பட்ட 2ஜி ஸ்பெக்ட்ரம் இமாலய ஊழல் குறித்த செய்திகளை கவனித்துக் கொண்டிருந்த அதே வேளையில், ஸ்பெக்ட்ரம் ஊழலின் ஊற்றுக்கண்ணாக விளங்கியவர்களுக்கும், அதிகார மையத்திடம் அதிக செல்வாக்கு பெற்றவருமான நீரா ராடியாவுக்கும் இடையே நடைபெற்ற முக்கியமான உரையாடல் காட்சிகள் தமிழக மக்களால் அவ்வளவாக கவனிக்கப்படவில்லை. நீரா ராடியாவின் தொலைபேசி மற்றும் கைபேசிகளின் உரையாடல்களை குறிப்பிட்ட சில நாட்களுக்கு வருமான வரித் துறை பதிவு செய்தது. 500 மணி நேரங்களுக்கும் மேலான தொலைபேசி உரையாடல்கள் பதிவு செய்யப்பட்டன.  இதில் 15 நிமிடங்களுக்கும் குறைவான உரையாடலைத் தான் ஊடகங்கள் தற்போது வெளியிட்டுள்ளன.  இந்த உரையாடல் கருணாநிதி குடும்பத்தினரின் சுயரூபத்தை வெளிச்சத்திற்கு கொண்டு வந்து அம்பலப்படுத்தியுள்ளது.தனக்கு சுற்றுச்சூழல் இலாகா வேண்டுமென்றும், இல்லையெனில் சுகாதாரம் அல்லது விமானப் போக்குவரத்து அல்லது சுற்றுலா மற்றும் கலாச்சாரம் ஆகியவற்றில் ஏதேனும் ஒரு இலாகா ஒதுக்கப்பட வேண்டுமென்றும் கருணாநிதியின் மகள் கனிமொழி கோரிக்கை விடுக்கிறார்.  ஆ. ராசாவுக்கு தொலைத்தொடர்பு இலாகா அளிக்கப்பட வேண்டும் என்று ஆவேசமாக வாதாடுகிறார்  கனிமொழி.  அதே சமயத்தில், தனது உறவினரும், கருணாநிதியின் பேரனுமான தயாநிதி மாறனை இழிவுபடுத்தியும் பேசுகிறார்.  திமுக-வின் பல்வேறு கோரிக்கைகளுக்கு செவிசாய்க்க வேண்டும் என்ற எண்ணத்தில் காங்கிரஸ் கட்சிக்கு தர்ம சங்கடத்தையும், நிர்பந்தத்தையும் உண்டாக்கும் விதமாக, பதவியேற்பு நிகழ்ச்சியை புறக்கணிக்க தி.மு.க. திட்டமிட்டு இருப்பதாக டி.ஆர். பாலு ஊடகங்களுக்கு பேட்டி அளித்தது காங்கிரஸ் தலைமையை எரிச்சல் அடையச் செய்திருக்கிறது என்ற தகவல் மற்றொரு மூத்த பத்திரிகையாளர் பர்கா தத்தின் உரையாடலில் பதிவாகி இருக்கிறது. தயாநிதி மாறனுக்கு அமைச்சர் பதவி அளிக்க கருணாநிதி எதிர்ப்பு தெரிவித்து இருந்தபோதிலும், மாறனுக்கு ஆதரவாக மு.க. ஸ்டாலினும், முரசொலி மாறனின் சகோதரர் செல்வத்தின் மனைவி மு.க. செல்வியும் தீவிரமாக ஈடுபட்டது நீரா ராடியா - வீர் சங்வி இடையேயான உரையாடல் மூலம் வெளி வந்துள்ளது.  15 நிமிடங்கள் நடந்த உரையாடல் பதிவுகளே இவ்வளவு சேற்றை வாரி இரைத்திருக்கிறது என்றால், 500 மணி நேர உரையாடல் பதிவுகளில் இன்னும் என்னென்ன குப்பைகள் வெளிப்படும் என்பதை ஒவ்வொருவரும் நினைத்துப் பார்க்க வேண்டும். இந்த உரையாடல் பதிவுகள் எல்லாம் ஊடகங்கள் வசம் இருக்கின்றன.  இவை அனைத்தும் எல்லா தேசிய தொலைக்காட்சிகளிலும், ஜெயா தொலைக்காட்சியிலும் ஒளிபரப்பப்பட்டன.  இந்த உரையாடலின் பிரதி அனைத்து தேசிய பத்திரிகைகளிலும், தினமணி நாளிதழிலும் வெளியிடப்பட்டன.  இவை வெளியிடப்பட்டு ஒரு வாரத்திற்கு மேலாகியும், இதில் தொடர்புடைய நபர் எவரும் இதற்கு ஆட்சேபணையோ அல்லது மறுப்போ தெரிவிக்கவில்லை.  எனவே, இதில் உள்ள ஒவ்வொரு வார்த்தையும் உண்மை என்று நாம் எடுத்துக் கொள்ளலாம்.  இந்த உரையாடல் பதிவுகள் வருமான வரித் துறையின் வசம் உள்ளன. மத்திய புலனாய்வுத் துறை மற்றும் அமலாக்க இயக்கத்திடமும் இந்த உரையாடல் பதிவுகள் உள்ளன.  இந்த அமைப்புகள் எல்லாம் உண்மையிலேயே சுதந்திரமாக செயல்படுகிறது என்றால் சம்பந்தப்பட்ட அனைவர் மீதும் உரிய சட்டத்தின் கீழ் நடவடிக்கை எடுக்க வேண்டும். தங்களால் தேர்ந்தெடுக்கப்பட்ட பிரதிநிதிகளின் உண்மையான குணம் மற்றும் நடத்தை குறித்து மக்களுக்கு தெளிவாக தெரிய வேண்டும். இவர்களுடைய அரசியல் கணக்கினை முடிப்பதற்கான நேரம் நெருங்கிக் கொண்டிருக்கிறது. தங்களுக்கு வாக்களித்த மக்களை பயன்படுத்தி, நாட்டைச் சுரண்டி, தங்களுடைய கருவூலத்தை நிரப்பிக் கொண்டவர்களுக்கு தக்கப் பாடம் கற்பிக்கும் வகையில் தமிழக மக்கள் வரும் தேர்தலில் வாக்களிக்க வேண்டும் என்று கேட்டு கொள்வதாக ஜெயலலிதா தனது அறிக்கையில் குறிப்பிட்டுள்ளார்.
கருத்துகள்

ANYBODY CAN QUESTION ANYONE IN A DEMOCRATIC SETUP!BUT THE QUESTIONER SHOULD HAVE CERTAIN MORALITY TO QUESTION OTHERS!
By CHANDRADASAN
11/26/2010 11:08:00 PM
1999-ல் நிலத்தை வாங்கிப் போட்டால் 2004-ல் வாங்கிய விலைக்கு விற்க முடியுமா? 1999-ல் தங்கத்தை வாங்கியிருந்தால் 2004-ல் அதே விலைக்கு விற்க முடியுமா? அதே போல் 1999-ல் வழங்கப்பட்ட அலைக்கற்றை தொகைக்கும் 2004-ல் வழங்கப்பட்ட அலைக்கற்றை தொகைக்கும் வித்தியாசம் இருக்க வேண்டாமா? இதுதான் மத்திய, மாநில அரசுகளுக்கெதிராக ஊழல் ஊழல் என கூப்பாடு போடுவோரின் அடிப்படை வாதம். ஆக, இவர்கள் நிலம் மற்றும் தங்க புரோக்கர்கள் போல் அரசாங்கமும் செயல்பட வேண்டும் என நினைக்கின்றனர். சமீபத்திய கண்டுபிடிப்புகளில் செல்போன் அதிக முக்கியத்துவம் பெற்று எல்லோராலும் விரும்பப்பட்டு மிக அதிக அளவு உபயோக வளர்ச்சியைப் பெற்றிருக்கிறது. இந்த வளர்ச்சியை 1999-முதல் 2004-வரை உரிமம் பெற்ற நிறுவனங்கள் ஏகோபித்த லாபம் பெற வாய்ப்பில்லாமல், வேறு பல நிறுவனங்களுக்கும் பழைய விலையிலேயே அலைகற்றை ஒதுக்கீடு செய்தது ஊழல் என்று பிரச்சாரம் செய்ய எதிர்க் கட்சிகள் முனைந்துள்ளன. இதற்குப் பின் யார் இருப்பார்கள் என்பது சந்தர்ப்ப சூழ்நிலை புரிந்தோர்க்குப் புரியும்.
By நாடோடி
11/26/2010 10:48:00 PM
If it is not Jaya madam who else has got the guts to question ALAIKATRAI RASA AND MAHAARAJAA KARUNA?
By shyamsundar
11/26/2010 9:48:00 PM
My dear friend Mr.Parthiban, I am also a citizen tax payer like you and as a citizen ,I have the responsibility to protect public money and I am strictly against to any corruption in any form.Now this 2G spectrum story has been reached all over the world and it is a big shame for our country.Now,everybody knows very well about this scandal and can guess who are the peoples behind this scandal. If these recorded audio tapes are irrelevant to the 2G spectrum case, then why it was submitted to the Supreme Court ? Is it for fun ? The audio has a total duration of about 500 recording hours of more than 5000 recordings.Have you listened the entire audio recordings ? Yes , I am not a English man like you and I am just a pure Tamil national citizen. Yes, now , everybody knows who is the stupid ! Thanks.
By Kannan M
11/26/2010 8:53:00 PM
ஓகே.ஓகே உத்தமர் வறாரு எல்லாரும் செம்ப எடுத்து உள்ள வைங்கப்பா
By edison
11/26/2010 8:33:00 PM
dear editorsiur oru nijathai velia kondu vanthatharku ungalakku nandri. veeramani suba vee thiru pondra jalrakkal solvathaiallam kuppaiyel podungal jathi arasialukku bihar makkal nallapathikai sonna piragum intha janmanga thiruntha villai endral varum thrthalil makkal ivargalaiym ivar thalaivaraiyum thiruthividuvargal.ambu eithavarirukka jalrakkalai patri neengal kathipodathirgalpani sirakkattum.
By nithyanandham
11/26/2010 8:11:00 PM
கடவுளே எங்கள் தேசத்தை காப்பாற்று.
By ஜானுசிசி
11/26/2010 7:45:00 PM
As per raja Comment, PM also involed in this 2G revenue loss... with out PM knowlegde its not possible to do this, Our PM is "Joker"
By anand
11/26/2010 5:21:00 PM
Mr. Chandran, I am not taking sides, but remain neutral. However, I want to ask you one thing. You have said "The conversation which was taped are internal to DMK and Cong. There are no loss to people or nothing related to 2G revenue loss". Please tell me are you anybody connected with the investigation or whether the tapes were played for you specially. How are you so categorical about the tapes?
By visu
11/26/2010 4:35:00 PM
//தங்களால் தேர்ந்தெடுக்கப்பட்ட பிரதிநிதிகளின் உண்மையான குணம் மற்றும் நடத்தை குறித்து மக்களுக்கு தெளிவாக தெரிய வேண்டும்// நியாயமான கருத்து. நாட்டு நலனில் அக்கறையுள்ள அனைத்து மக்களும் இதை வரவேற்பார்கள்.
By Tamilkudimagan
11/26/2010 4:25:00 PM
I appreciate Kannan's comments. Because jayalalitha has cases against her..it does not mean that no body should talk about DMK and its brokers. They have caused a huge loss to the country. They have made a mockery of democracy by involving with a lobbyist. Both congress and dmk deserve to be booted out.
By Karthik
11/26/2010 4:21:00 PM
Mr.Chandra, all the politicians are corrupted guys.....we need stand on the side where is the less corruption and who will do the needfull to the country and people....Watever it may be the loss to the country 1.76 lakhs crore is not trivial, must be punishable, Ms.Jaya is voice is representing the all indians voice....
By Sri
11/26/2010 3:57:00 PM
இந்த கருத்தை சொல்ல ஜெயலலிதாக்கு . அருகதை இல்லை
By shoe court
11/26/2010 3:23:00 PM
Hey Irrelevant Kannan or anyone says this is the spectrum negotiation audio, I am a tax payer and also strictly against to any corruption in the form of anything But This audio has got nothing to do with Spectrum negotiation and this is sounds like portfolio negotiation right after the last general election (Well, If you understand the English correctly, you will also agree to it). Give us the proof of spectrum negotiation audio conversation. Don’t put something and fabricate the stories on it. I would say the spectrum case in the court and they will decide and come to conclusion which is true or false. So, until then shut your bloody mouth. I am not a stupid to belief this audio is the spectrum negotiation audio.
By R.Parthiban
11/26/2010 3:17:00 PM
In this 1.76 cr, D.M.K and Raja can be only a small part of it, most of it will be congress. If congress give support this lady will be leaking at congress foot..... let her first stop this non sense before speaking about corruption......
By Sakthi
11/26/2010 2:53:00 PM
அம்மா எனும் சொல் மிகவும் புனிதமானது. கன்டிப்பாக ஜெ வுக்கு அது பொருந்தாது.தமிழா புரிந்து திருந்து.
By parithi
11/26/2010 1:26:00 PM
இனியொரு ஊழல் செய்வோம்! வாழ்க நற்றமிழர்! வாழிய பாரதமணித்திருனாடு! வந்தேமாதரம் என்று கூறுவோமா?
By Tamilian
11/26/2010 1:17:00 PM
Dear Mr.Chandra , Why you are so upset on this ? Since there was a huge loss to Indian citizens and to the Nation from the 2G spectrum scandal, your comment on this shows your irresponsibility and blindly backing one side. The Revenue authorities are not fools to submit the recorded tape to the Supreme Court as you think simply that it is a matter between DMK and Congress.There are a lot of secrets inside the conversation and you will hear the truth very soon.My advise for you is "Think logically" Thanks.
By Kannan M
11/26/2010 12:48:00 PM
திமுக-காங். இரண்டுமே இன்று ஊழலின் ஊற்றுக்கண்ணாக விளங்குகின்றன. ஆகவே அவர்கள் பேச்சு அதற்கான அச்சாரமே. எனவே அதைப் பற்றி ஜெயலலிதா விமர்சிக்கும் போது திமுக அபிமானிகளால் தாங்க இயலவில்லை போலும். புலம்பிப் பயனில்லை. இவர்களை விட ஜெ. எவ்வளவோ மேல். ஜெ. மேல் உள்ளது 66 கோடி வழக்கு. இவர்கள் நாட்டுக்கு இழைத்த நட்டம் 1.76 லட்சம் கோடி. நாட்டை வீட்டுச் சண்டைக்கு இட்டுச் சென்ற வெட்கக்கேட்டுக்கு 'சொந்தக்'காரர்கள்.
By Mahadevan
11/26/2010 12:39:00 PM
CENTRAL SHOULD INITIATE FOR THE SPEEDY DISPOSAL OF ALL THE CASES AGAINST JAYA TOO.
By CHITRAKULLAN, SEYYAR
11/26/2010 12:26:00 PM
அருமை
By priya
11/26/2010 12:19:00 PM
Amma's stand is correct. No culprit should be allowed to escape. Because it is the matter of 1.76 lakh crore scandal. So Central government should act as first example in punishing the persons who made crores of rupees loss to the nation, as well as the people of India.Will the Central Government take action immediately as per the Supreme Court note- G.R.Srinivasan.
By G.R.Srinivasan
11/26/2010 11:53:00 AM
உங்கள் மீதுள்ள வழக்குகளை முடிக்க முயன்றால் பெரியவர் வாயை அடக்கலாம். மக்களும் மஹிழ்வுடன் பேரதரவு அளிப்பர்.செய்வீர்ஹளா அம்மா?
By Thirunilayan
11/26/2010 11:40:00 AM
What is your problem here? You are mother of all scams, how many cases you have on you? Why do not you allow the court to inquire about your wealth case in Bangalore. The conversation which was tapped are internal to DMK and CONG. There are no loss to people or nothing related to 2G revenue loss. Why are you shouting and barking?
By Chandra
11/26/2010 11:22:00 AM
ஜெயலலிதாவின் நாடகம் இனி எடுபடாது
By Vadukanathan
11/26/2010 11:13:00 AM
உங்கள் கருத்தைப் பதிவு செய்யுங்கள் *