இசை லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
இசை லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வெள்ளி, 10 மே, 2013

இசை - கவின் கலைப் பல்கலைக் கழகம் ஏற்படுத்தப்படும் - முதல்வர்

சுற்றுலா மேம்பாட்டுக்கு ச் சில திட்டங்கள்: முதல்வர் அறிவிப்பு

சுற்றுலாத் துறையை மேம்படுத்தவும், தமிழகத்தின் பாரம்பரியமிக்க பண்பாடு மற்றும் கலைகளை நல்ல முறையில்  பாதுகாக்கவும், அவற்றை இளைய சமுதாயத்தினர் இடையே எடுத்துச் செல்லவும் சில திட்டங்களை இன்று முதல்வர் பேரவையில் அறிவித்தார்.
விதி எண் 110ன் கீழ் அவர் வெளியிட்ட அறிக்கையில்,
திருச்சிராப்பள்ளி மாவட்டம், துவாக்குடியில் உள்ள மாநில உணவக மேலாண்மை மற்றும் உணவாக்கத் தொழில் நுட்பவியல் நிறுவனத்தில் மூன்றாண்டு பட்டயப் பயிற்சியும், ஓராண்டு சான்றிதழ் பயிற்சியும் அளிக்கப்பட்டு வருகிறது. இது மட்டுமல்லாமல், ஓட்டல் பணியாளர்களுக்கான பயிற்சித் திட்டம் மற்றும் திறன் சார் பயிற்சித் திட்டங்களின் கீழ் திறன் சாராத நபர்களுக்கு வேலை வாய்ப்புப் பயிற்சிகள் அளிக்கப்படுகின்றன.    இந்த நிறுவனம் அனைத்து விதமான சுற்றுலா விருந்தோம்பல் கல்விக்கான சிறப்பு மையமாக 5 கோடி ரூபாய் செலவில் தரம் உயர்த்தப்படும்  .
விழுப்புரம் மாவட்டம், திண்டிவனம் வட்டம், பெருமுக்கல் என்ற கிராமத்தில் மலை மீது அமைந்துள்ள ஸ்ரீமுக்யாசலேஸ்வரர் கோயில் தொல்லியல் துறையால் பாதுகாக்கப்பட்ட சின்னமாக அறிவிக்கை செய்யப்பட்டு பாதுகாக்கப்பட்டு வரும் கோயில் ஆகும். செங்கல் கோயிலாக இருந்த இக்கோயில், சோழ மன்னனான விக்கிரம சோழ அரசர் காலத்தில் கற்கோயிலாக மாற்றப்பட்டது. இக்கோயிலில் உள்ள இறைவனின் பெயர் தமிழில் திருவான்மிகை ஈஸ்வரமுடையார் என்றும், பெருமுக்கல் உடையார் என்றும் வடமொழியில் ஸ்ரீமுக்யாசலேஸ்வரர் என்றும் வழங்கப் பெறுகிறது. தற்போது, இக்கோயில் மிகவும் சிதிலமடைந்த நிலையில் உள்ளதால், வரலாற்றுச் சிறப்புமிக்க இக்கோயிலை பழமை மாறாமல்  பாதுகாத்து மறு சீரமைப்புப் பணியை மேற்கொள்ள 1 கோடி ரூபாய் நிதி ஒதுக்கப்படும் .
இந்தியாவிலேயே தமிழ்நாட்டில் தான் அதிக அளவில் திருக்கோயில்களும் அவற்றில் கல்வெட்டுகளும் காணப்படுகின்றன. இதுவரை தொல்லியல் துறையால் 24,060 கல்வெட்டுகள் படியெடுக்கப்பட்டுள்ளன. இக்கல்வெட்டுகள் தமிழ் பிராமி, வட்டெழுத்து, பண்டைய தமிழ், கிரந்தம், தெலுங்கு, கன்னடம், நாகரி போன்ற எழுத்து வடிவங்களில் உள்ளன.  தமிழ்நாடு அரசு, தொல்லியல் துறையால் 1967 ஆம் ஆண்டு முதல் படியெடுக்கப்பட்ட கல்வெட்டு மைப்படிகள் சிதைந்து, கிழிந்து போகும் அபாயத்தில் உள்ளன.  இவற்றை ஒழுங்குபடுத்தி சீர் செய்து படிப்பதற்கு ஏற்றவாறு செய்வது அவசியம் என்பதைக் கருத்தில் கொண்டு, இக்கல்வெட்டுகளை எண்ணிலக்கம், அதாவது னுபைவையடணையவiடிn முறையில் ஆவணப் படுத்துவதற்காகவும், மாவட்டம், வட்டம், ஊர், கோயில்கள் வாரியாக மைப்படிகளில் உள்ள குறிப்பிடப்பட்ட எண்களைக் கொண்டு தனித் தனியாக பிரித்து கணினியின் மூலம் பதிவு செய்வதற்காகவும், 50 லட்சம் ரூபாய் நிதி ஒதுக்கீடு செய்யப்படும் . இந்தப் பணிகள் நடப்பாண்டு முதல் மூன்று ஆண்டுகளில் செய்து முடிக்கப்படும். இதன் மூலம் தற்போதைய மற்றும் வருங்கால ஆய்வாளர்களும், மாணவர்களும் மிகுந்த பயனடைவார்கள்.
சென்னை அரசு அருங்காட்சியகத்தில் உள்ள 6 கட்டடங்களுள், 3 கட்டடங்கள் தொன்மையான பாரம்பரியமிக்க கட்டடங்கள் ஆகும். அதாவது 100 ஆண்டுகளுக்கு மேல் பழமையானவை. வரலாற்று முக்கியத்துவம் பெற்றவை. அத்தகைய கட்டடங்களில் ஒன்று ‘தேசியக் கலைக்கூடம்’ .  அந்த காலகட்டத்தில் இங்கு தொடர்ந்து அறிவார்ந்த சொற்பொழிவுகள் நடைபெற்று வந்தன. சென்னையின் அடையாளக் கட்டடமாக விளங்கும் இந்தக் கட்டடத்தில் பாரம்பரியமிக்க தஞ்சாவூர், ராஜஸ்தான், டெக்கான், மினியேச்சர் எனப்படும் ஓவியங்கள் மற்றும் சந்தன மரச் சிற்பங்கள் காட்சிக்கு வைக்கப்பட்டிருந்தன. இந்தக் கட்டடம் பழுதடைந்ததாலும், இக்கட்டடத்தின் ஒரு பகுதி ஏறத்தாழ ஒரு பக்கம் அழுத்தப்பட்ட நிலையில் இருந்ததாலும், பொது மக்களின் பயன்பாட்டிற்கு உகந்தது அல்ல என்று 2002-ஆம் ஆண்டு  முடிவு செய்யப்பட்டு இந்த காட்சிக் கூடம் மூடப்பட்டது. எனினும், இந்தக்  கட்டடம் தொடர்ந்து பராமரிக்கப்பட்டு வருகிறது. வரலாற்றுச் சிறப்பு மிக்க கட்டடங்களை ஆய்வு செய்ய நியமிக்கப்பட்ட சிறப்புக் குழு இந்த கட்டடத்தை ஆய்வு செய்து, இப்புராதனக் கட்டடம் தகுந்த வல்லுனர்களைக் கொண்டு பாதுகாக்கப்பட வேண்டும் என முடிவு செய்துள்ளது.  சென்னையின் அடையாளங்களில் ஒன்றான இக்கட்டடத்தை பழுது பார்த்து புதுப்பிக்க 11  கோடி ரூபாய் நிதி ஒதுக்கீடு செய்யப்படும்  .
கலை பண்பாட்டுத் துறை கட்டுப்பாட்டின் கீழ் உள்ள சென்னை, கும்பகோணம் அரசு கவின் கலைக் கல்லூரிகள் மற்றும் மாமல்லபுரம் அரசினர் கட்டடக் கலை மற்றும் சிற்பக் கலைக் கல்லூரி ஆகியவற்றில் பயிலும் மாணவர்களுக்கு மடிக் கணினி வழங்குவதன் மூலம் பாடத்தை ஒட்டிய கணினி மென்பொருட்களை நன்கு பயன்படுத்தி கலை படைப்புகளைப் புதுமையாகவும், பார்ப்போர் வியக்கும் வண்ணமும் செய்ய இயலும் என்பதைக் கருத்தில் கொண்டு,   இந்த மூன்று கல்லூரிகளிலும் இளங்கலை பட்டப் படிப்பு பயிலும் 633 மாணவ மாணவிகளில் ஏற்கெனவே 12 ஆம் வகுப்பின் போது விலையில்லா மடிக்கணினி பெற்ற 59 மாணவர்களைத் தவிர்த்து, எஞ்சியுள்ள 574 மாணவர்களுக்கு விலையில்லா  மடிக் கணினிகள் 1 கோடியே 3 லட்சம் ரூபாய் செலவில் வழங்கப்படும்  .
இதே போன்று, திருவையாறு அரசு இசைக் கல்லூரியில் அதாவது இளங்கலைப் பட்டப் படிப்பில் பயிலும் 32 மாணவ மாணவியரில்   ஏற்கெனவே  பள்ளிக் கல்வித் துறையின்  மூலம் 12ஆம் வகுப்பில் விலையில்லா மடிக் கணினிகள் பெற்ற 4 மாணவர்களைத் தவிர,  எஞ்சியுள்ள 28 மாணவ மாணவிகளுக்கு விலையில்லா மடிக் கணினிகள் 5 லட்சத்து 4 ஆயிரம் ரூபாய் செலவில் வழங்கப்படும்  .
கலை பண்பாட்டுத் துறையின் கட்டுப்பாட்டின் கீழ், நான்கு அரசு இசைக் கல்லூரிகள், இரண்டு கவின் கலைக் கல்லூரிகள் மற்றும் ஒரு கட்டடக் கலை மற்றும் சிற்பக் கலைக் கல்லூரி ஆகிய ஏழு கல்லூரிகள் இயங்கி வருகின்றன. தற்போது திருவையாறு, மதுரை, கோயம்புத்தூர் அரசு இசைக் கல்லூரிகள் மற்றும் கும்பகோணம் அரசு கவின்கலைக் கல்லூரியில் பயிலும் மாணவ மாணவியருக்கு கட்டணமில்லா பேருந்து பயண அட்டை வழங்கப்பட்டுள்ளது.  ஆனால், சென்னை அரசு இசைக் கல்லூரி, சென்னை அரசு கவின் கலைக் கல்லூரி மற்றும் மாமல்லபுரத்தில் உள்ள அரசினர் கட்டடக் கலை மற்றும் சிற்பக் கலைக் கல்லூரியில் பயிலும் மாணவ மாணவிகளுக்கு கட்டணமில்லா பேருந்து பயண அட்டை வழங்கப்படவில்லை.  இந்த மூன்று கல்லூரிகளில் பயிலும் 801 மாணவ மாணவிகளுக்கும் எதிர் வரும் கல்வியாண்டில் இருந்து கட்டணமில்லா பேருந்து பயண அட்டை வழங்கப்படும். அதற்காக  10 லட்சத்து 41 ஆயிரம் ரூபாய் நிதி ஒதுக்கீடு செய்யப்படும்  .
இசையானது ஆன்மாவுடன்  தொடர்புடையது என்பதை சாதி, சமய, மத சார்பற்று அனைவராலும் ஏற்றுக் கொள்ளப்பட்டது ஆகும். மனதையும், ஆன்மாவையும் இசைய வைப்பதே இசை.
மேற்கத்திய நடைமுறைகள் மற்றும் நாகரிகம்,  நமது இசையின் உண்மைத் தன்மையை அழித்துவிடாமல் பாதுகாக்கும் பொருட்டும், மேற்கத்திய மற்றும் பாரம்பரியம் அற்ற ஓவியங்களுக்கு வழங்கப்பட்டு வரும் வரவேற்பு நமது பாரம்பரியமிக்க ஒவியங்களுக்கும் கிடைக்க வேண்டும் என்ற அடிப்படையிலும்,  தமிழகத்தின் தொன்மையான இசை மற்றும் கலையினை பாதுகாத்து, அவற்றினை எதிர்கால இளைய தலைமுறையினருக்கு எடுத்துச் செல்லும் வகையில், இசை மற்றும் கவின் கலைப் பல்கலைக் கழகம் ஒன்று ஏற்படுத்தப்படும் என்பதை பெருமகிழ்ச்சியுடன் தெரிவித்துக் கொள்கிறேன்.  இந்த பல்கலைக்கழகத்தின் கீழ், சென்னை, மதுரை, கோயம்புத்தூர் மற்றும் திருவையாறு  ஆகிய இடங்களில் உள்ள அரசு  இசைக் கல்லூரிகள், சென்னை மற்றும் கும்பகோணத்தில் உள்ள அரசு கவின் கலைக் கல்லூரிகள், மாமல்லபுரத்தில் உள்ள அரசினர் கட்டடக் கலை மற்றும் சிற்பக் கலைக் கல்லூரி, மற்றும் இத்துறைகளைச் சார்ந்த அனைத்து உதவி பெறும் மற்றும் உதவி பெறாத தனியார் கல்லூரிகள் மற்றும் இசை, நடனம், கவின் கலைகளை கற்பிக்கும் கல்லூரிகள் செயல்படும். இதர பல்கலைக் கழகங்களில் நடத்தப்படும் இசை சார்ந்த, கவின்கலைப் புலம் சார்ந்த, இளங்கலை மற்றும் முதுகலைப் பட்டப் படிப்புகளும் இப்பல்கலைக்கழகத்தின் ஆளுமையின் கீழ் கொண்டு வரப்படும். இசை மற்றும் கலைக்கு பொதுவான பாட திட்டம், அவற்றை செயல்படுத்தும் நடவடிக்கைகள், ஆய்வுகள் மற்றும் வளர்ச்சிப் பணிகள், தேர்வுப் பணி ஆகியவற்றை இந்த பல்கலைக்கழகம் மேற்கொள்ளும். இப்பல்கலைக்கழகத்தில்  குரலிசை, வீணை, வயலின், நாதஸ்வரம், தவில், மிருதங்கம், கடம், கஞ்சிரா, முகர்சிங், புல்லாங்குழல், பரதநாட்டியம், நட்டுவாங்கம், கிராமியக்கலை ஆகிய 13 துறைகள்  ஏற்படுத்தப்படும்.
- என்று கூறியுள்ளார்.

வியாழன், 20 டிசம்பர், 2012

இணைய வழி இசை

சொல்கிறார்கள்

"ஆன்-லைனில்'இசை!

"ஆன் - லைனில்' கர்நாடக இசை கற்றுத் தரும், வித்யா சுப்ரமணியன்: நான், "சார்ட்டட் அக்கவுன்ட்ஸ்'சில், தங்க பதக்கம் பெற்றவள். அமெரிக்க பாஸ்டன் கல்லூரியில், எம்.பி.ஏ., பட்டதாரி. இருந்தாலும், கர்நாடக இசையில் தனி ஆர்வம் உண்டு.

அமெரிக்க அரசின் பல கலை அமைப்பு களில் பரிசுகளும், கர்நாடக இசை குறித்த ஆராய்ச்சிக் கட்டுரைக்கு, விருதுகளும் பெற்றிருக்கிறேன்.இசை மீது இருந்த ஆர்வத்தால், கணவரோடு, இந்தியா திரும்பினேன். ஏழு ஆண்டுகளுக்கு முன், கர்நாடக இசையை, சில மாணவர் களுக்கு கற்றுக் கொடுக்க ஆரம்பித்தேன்.ஆன்-லைன் மூலம், இசை கற்றுத் தர வசதி உள்ளதையும், அதற்கு ஏகப்பட்ட, "டிமாண்ட்' இருப்பதையும் அறிந்து, அத்தொழில் நுட்பத்தை கற்றேன். அதற்கு, எம்.பி.ஏ., படிப்பு உதவியது. கம்ப்யூட்டரில் இன்டர்நெட் மூலம், "ஸ்கைப் வைப்' தொழில் நுட்பத்தை பயன்படுத்தி, எலக்ட்ரானிக் முறையில் கற்பிக்கும் கருவி உதவியோடு, வீட்டிலிருந்தே இசையை கற்பிக்கிறேன்."ராக ரசிகா டாட். காம்' உருவாக்கி, கர்நாடக இசை பற்றிய தகவல்களை அளித்தேன். அதில், பல ரசிகர்கள் தங்கள் அனுபவத்தை தெரிவிக்கின்றனர்."குளோபல் கர்நாடிக் மியூசிக் லேர்னிங் அகடமி' யைத் துவக்கினேன். 200 மாணவ, மாணவியர், அமெ ரிக்கா, ஐரோப்பா, ஆசியா, ஆஸ்திரியா, நியுசிலாந்து என, உலகின் பல பகுதிகளிலிருந்தும், இசை யை கற்கின்றனர்.என்னிடம், 20 ஆசிரியர்கள் பணிபுரிகின்றனர். அவர்களை, ஆன்-லைனிலேயே சந்தித்து, தேவையான பயிற்சியளித்தேன். தொழில் நுட்பம் வளர்ந்தாலும், ஆசிரியருக்கு, "ஸ்பெஷலிஸ்ட் டெக்னிக்' தேவை.கர்நாடக இசையில் ஞானம் இருந்தாலும், எளிதில் புரியும்படி கற்றுத் தரும் திறமை வேண்டும். புரியாதவர்களுக்கு, விரிவான பாடத் திட்டம் தயாரித்து, அதற்கேற்ப பயிற்சியளிக்கிறோம். பயிற்சி பெற்றவர்கள் ஆசிரியர்களாகவும், மேடை பாடகர்களாகவும் உள்ளனர்.

சனி, 6 அக்டோபர், 2012

"சாவுக்கு ப் பறை அடிக்க மாட்டோம்!' "

சொல்கிறார்கள்


 "சாவுக்கு ப் பறை அடிக்க மாட்டோம்!' "

புத்தர் கலைக் குழு' என்ற பெயரில், பறை இசையை பரப்பி வரும் மணிமாறன்: சென்னை கோடம்பாக்கத்தில் பிறந்து, வளர்ந்தேன். சிறு வயதி லிருந்தே, கானா பாட்டு தான் எனக்கு உயிர். 10 வயதிலேயே கானாவிற்கு, டோலாக்கு இசைப்பது, பறை அடிப்பது என, அந்தக் கலைஞர்களுடன் ஒன்றிவிட்டேன். அந்த வயதில் அது உற்சாகமாக இருக்கும். பெரும்பாலும் சாவு வீடுகளில் தான் கானா பாட வேண்டும். சடலத்தை வைத்துக் கொண்டு, அவர் எத்தனை கெட்டவராக இருந்தாலும், அவரைப் போற்றிப் புகழ்ந்து பாட வேண்டும். இதில் கானாக் குழுக்களுக்கு இடையே போட்டி நடக்கும். அதிலேயே பழகி, பறை இசைப்பதுடன், எனக்கு பாடல் எழுதுவதும் கைவந்தது. சிவகங்கையில், அழகர்சாமி வாத்தியாரிடம் பறை இசைப் பயிற்சி எடுத்தேன். கிலுகிலுப்பை, தமுறு, கால் சலங்கை, தூம்பு, பறை ஆகிய ஐந்தும் சேர்ந்தது தான் ஒரு முழுமையான பறை இசை. ஒவ்வொரு வட்டாரத்திற்கும், ஒரு ஆட்டம் உண்டு. ஒவ்வொரு நிகழ்விற்கும் ஒரு அடி உண்டு. சென்னையில் சாவுக்கு அடிப்பதை, "ஒத்தையடி' என்பர். இதை திருமண வீட்டிற்கோ, கோவில்களுக்கோ அடிக்க முடியாது. பயிற்சி முடித்து, சென்னை வந்து சில காலம் கழித்து, ஒரு குழுவை அமைக்கும் முயற்சியில் இறங்கினேன். என் திருமணத்திற்குப் பின், குடும்பம் சகிதமாக பறை அடிக்கும் எங்களை, பலரும் வித்தியாசமாகப் பார்த்தனர். தற்போது எங்கள் குழுவில், 25 பேர் உள்ளனர். எங்களுக்கு என, சில விதிமுறைகள் உள்ளன. எத்தனை ரூபாய் கொட்டிக் கொடுத்தாலும், நாங்கள் ஒரு போதும், சாவுக்கு பறை அடிக்க மாட்டோம். கோவில் திருவிழாக்களில், குடும்ப நிகழ்ச்சிகளில், கட்சி நிகழ்ச்சிகளில், அரசியல் கூட்டங்களில் பறை இசைக்கிறோம். இப்படி, நிகழ்ச்சிகள் நடத்துவதில் கிடைக்கும் பணத்தின் ஒரு பகுதியை, சமூகத்திற்காக செலவிடுகிறோம். பறை, பெருமைக்குரிய கருவி; பாரம்பரியக் கருவி. அது இந்திய ஜாதியச் சாக்கடையில் சிக்கிவிட்டது; அதை மீட்டு எடுக்க வேண்டும்.

ஞாயிறு, 30 செப்டம்பர், 2012

இசையால் வழி நடத்தும் பார்வையற்ற சின்னபாபு

இசையால் வழி நடத்தும் பார்வையற்ற சின்னபாபு
 
ஒவ்வொரு நாளும் வித, விதமாய் நடனங்கள்

ஒவ்வொரு நடனத்திற்கும் வித, விதமாய் உடைகள்

ஒவ்வொரு உடையிலும் வித, விதமான அலங்காரங்கள்
இந்த அலங்காரங்களுடன் நேர்த்தியாய் பக்தர்கள் நடனமாடி வரும் அழகே தனி

இந்த அழகிய நடனத்தை அற்புதமான தனது மேளத்தால் இசைத்தபடி வழிநடத்திச் செல்பவர் பார்வையற்ற ஒருவர் என்றால் ஆச்சரியமாக இருக்கிறது அல்லவா
இந்த ஆச்சரியத்தை திருமலை திருப்பதியில் பார்த்து அசந்துவிட்டேன்.

பிரம்மோற்சவ விழாவின் போது நாள் தோறும்வீதி உலாவரும் பெருமாளைக் காண நான்கு மாடவீதிகளிலும் காத்திருக்கும் பக்தர்களை மகிழ்ச்சி படுத்தும் விதத்தில் பல்வேறு மாநில நடன கலைஞர்கள் நடனமாடியபடி வருவார்கள்
பக்தி சேவையாக செய்தாலும் இந்த நடனங்கள் அனைத்தும் பார்வையாளர்களை பரவசப்படுத்தும் விதத்தில் அழகாக, அற்புதமாக அமைந்திருக்கும்.

இவர்களை நடனமாட வைப்பதற்கு ஒவ்வொரு குழுவிலும் ஒரு தேர்ந்த இசை அமைப்பாளர் ஒருவர் இடம் பெறுவார்
அப்படி வந்த ஒரு குழுவிற்கு அபாரமான வரவேற்பு கிடைத்தது. அந்த குழு நடனத்தை சிறப்பாக இசைத்தபடி வழி நடத்திச் சென்றவர் ஒரு பார்வையற்றவர் என்பதுதான் ஆச்சர்யம்.

ஆந்திராவின் ஒரு மூலையில் உள்ள நாகரா என்ற கிராமத்தில் பிறந்த சின்னபாபுவிற்கு பிறவியிலே பார்வை கிடையாது. ஆனால் தேர்ந்த இசை ஞானம் உண்டு. படிப்பதற்கு பதிலாக கிராமங்களில் பாடிக்கொண்டு இருந்தார், அதிலும் சோதனையாக இவரது குரல் பாதிக்கப்பட்டது.
சின்ன பாபு சோர்ந்து போய்விடவில்லை, இசை வடிவத்தை குரலால்தான் தரவேண்டுமா ?என்ன என்று முடிவு எடுத்து மேளத்தில் தனது திறமையைக் காட்டினார்

அவரது பக்கத்து ஊரைச் சேர்ந்த கீதா சங்கீதா பிரசார் மண்டலி அமைப்பின் செயலாளர் ராஜேஸ்வரிக்கு இவரது திறமை தெரியவர உடனே இவரைப்பார்த்து இசையைக் கேட்டு, தனது குழுவிற்காக இசைக்கும்படி கேட்டுக் கொண்டார். மேலும் இவர் தன் திறமையை சீராக்கிக் கொள்ளவும், மேம்படுத்திக் கொள்ளவும் உதவி செய்தார்.
ஆயிற்று இப்போது ஐம்பது வயதைத் தொட்டுவிட்ட சின்னபாபுவின் இசைப் பயணத்திற்கு மட்டுமே நாற்பது வயதாகிறது.ஆந்திராவின் மூலை முடுக்கில் உள்ள கோயில்களின் அனைத்து விழாக்களிலும் கலந்துகொண்டு அற்புதமான இசையை வழங்கிவருகிறார்.

திருப்பதி திருமலை சீனிவாசப் பெருமாள் என்றால் இன்னும் கொஞ்சம் இஷ்டம். ஒவ்வொரு பிரம்மோற்சவ விழாவினையும் தவறவிடாமல் ஒரு பெரிய குழுவினருடன் வந்துவிடுவார். சின்ன பாபு வந்தாச்சா... என்று கேட்டு அவருக்கு முன் வரிசையில் இடம் ஒதுக்கி கொடுப்பதும் நடைபெறும்.
இவரது தோள்கள்தான் இவரது உணர்வுகள். கூடவே இருக்கும் நண்பர் தோளில் தட்டும் ஒவ்வொரு தட்டின் அர்த்த்தையும் புரிந்து கொண்டு அதற்கேற்ப அவரது வாத்தியத்தில் இசை நடனமாடும். மொத்தத்தில் உற்சாகம் ஊற்றெடுக்கும்.தனது இசைக்கு கிடைக்கும் வரவேற்பை, பாராட்டை, கைதட்டலை எல்லாம் தலைவணங்கி ஏற்கும் சின்னபாபு நிகழ்ச்சியின் நிறைவாக பெருமாள் இருக்கும் திசை நோக்கி பெரிதாக கும்பிடு போடுகிறார்.

பல பேருக்கு தெரியாது இவர் ஒரு பார்வையற்றவர் என்று, தெரிந்த பிறகு," நெருங்கிவந்து, பிரமாதம் சின்னபாபு ரொம்ப நல்லாயிருக்கு உங்க இசை,'' என்றதும், நன்றி தெரிவித்து காற்றில் கையை நீட்டுகிறார்.
 

செவ்வாய், 2 ஜூன், 2009

அரசு இசைக் கல்லூரியில் மாணவர் சேர்க்கைக்காக விண்ணப்பங்கள் வரவேற்கப்படுகின்றன.
தினமணி
First Published : 31 May 2009 12:54:10 PM IST

Last Updated : 31 May 2009 01:47:45 PM IST

இசைக்கல்லூரிகளில் சேருவதற்குரிய அடிப்டைக் கல்வித் தகுதியை உயர்த்தி இசைக் கல்வித் தரத்தை மேம்படுத்தினால் பிற கல்விக்கு இணையாக இசைக் கல்லூரியில் சேரவும் போட்டி இருக்கும். தரமான இசைக் கல்வியும் பெருகும்.

அன்புடன் இலக்குவனார் திருவள்ளுவன்
By Ilakkuvanar Thiruvalluvan
6/2/2009 9:00:00 AM

Govt. Music College if they give free class in internet will be helpful for who is interest in music. Please do some free class also. Thanks

By Syed Ibrahim Hussain
5/31/2009 10:07:00 P

வெள்ளி, 29 மே, 2009

Sri Lanka Rights Resolution
Fails to Call for Probe Into Abuses



By Paul Tighe

May 28 (Bloomberg) -- The United Nations Human Rights council passed a resolution on Sri Lanka that failed to include calls by European nations for a probe into abuses during the 26- year civil war with the Liberation Tigers of Tamil Eelam.

The 47-member body ended a meeting in Geneva yesterday by approving a statement urging Sri Lanka to protect minorities. The resolution was passed by 29 votes to 12 with six abstentions.

The vote is an “absolute endorsement” of President Mahinda Rajapaksa’s efforts toward “eradicating terrorism and the protection of human rights,” Mahinda Samarasinghe, the minister for disaster management and human rights, said in a statement. Human Rights Watch described the resolution as “deeply flawed.”

Sri Lanka defeated the last Tamil Tiger forces in a battle more than a week ago, ending their fight for a separate Tamil homeland in the South Asian island nation. Navi Pillay, the UN human rights chief, two days ago called for an independent investigation, saying there are “strong reasons to believe” that abuses were carried out by both government forces and the LTTE.

The council, an inter-governmental body within the UN system, called on Sri Lanka’s government to “continue strengthening its activities to ensure there was no discrimination against ethnic minorities in the enjoyment of the full range of human rights.”

It also commended Sri Lanka on its efforts to assist the estimated 300,000 people displaced from their homes by the war in the north and called on the international community to help the country rebuild after the conflict.

Bring to Justice

EU nations wanted Sri Lanka to investigate and bring to justice the perpetrators of human rights violations, Konrad Scharinger, Germany’s delegate, told the council, according to the UN. This wasn’t reflected in the resolution and the EU opposed the draft, he added.

The special session was called by countries wanting to address the plight of civilians trapped in the conflict zone, Dayan Jayatilleka, Sri Lanka’s permanent representative to the UN headquarters in Geneva, told the council.

Civilians have now been freed by the army and the war is over so there was no reason for holding the session, he said.

The council’s resolution is a step backward for the body, Human Rights Watch said in a statement.

‘Deeply Disappointing’

“It is deeply disappointing that a majority of the Human Rights Council decided to focus on praising a government whose forces have been responsible for the repeated indiscriminate shelling of civilians,” said Juliette de Rivero, the group’s Geneva-based advocacy director. “These states blocked a message to the government that it needs to hear, to ensure access to displaced people and uphold human rights standards. They undermined the very purpose of the council.”

An independent investigation is “crucial to set the record straight regarding the conduct of all parties in the conflict,” Pillay said in a video message to the council two days ago.

Sri Lanka’s future “hinges upon such an in-depth and comprehensive approach,” she said.

The LTTE is accused of preventing civilians from leaving the conflict zone, forcibly conscripting people and using civilians as human shields, Pillay said, according to the UN.

The government is said to have used heavy weapons in a small, densely populated area even though it gave assurance that it would protect civilians, she said.

Sri Lanka’s Jayatilleka, before the meeting, criticized “former colonizers” for pursuing the meeting, accusing them of failing to consult with his country’s neighbors on the issue.

The government has lifted restrictions on aid agency vehicles visiting the main refugee camp in the north, the UN Office for the Coordination of Humanitarian Affairs said yesterday.

Camps need more doctors, health workers, better water supplies and sanitation, it said, according to the UN.

UN Secretary-General Ban Ki-moon visited Sri Lanka at the weekend and called on the government to allow aid workers into the north to assist civilians. Access to the conflict zone will be granted once the army completes operations to clear rebels hiding among the civilians, the government said.

To contact the reporter on this story: Paul Tighe in Sydney at ptighe@bloomberg.net.

Last Updated: May 27, 2009 22:31 EDT

புதன், 27 மே, 2009

கட்டுரைகள்
தமிழ் இலக்கியங்களில் யாழிசை

First Published : 24 May 2009 12:52:00 AM IST


இயற்கையோடு எழுந்த இசை தமிழிசை. ஆற்றொலி, அருவியொலி, வண்டொலி, தும்பியிசை, குயிலின் கூடி ஒலிக்கும் இசை தமிழிசையாம். யாழ் நூல் என்ற பழந்தமிழ் நூல் விபுலாநந்தரால் இயற்றப்பட்டதாம். அதன் சிறப்பியல்புகளை விபுலாநந்தர் விளக்கியுரைத்தபோது ஈர்க்கப்பட்ட பண்ணாராய்ச்சி வித்தகர் குடந்தை ப.சுந்தரேசனார், யாழை மீட்டுருவாக்கம் செய்ய முயற்சி செய்தது தனிச் சிறப்புடையதாம். வில்யாழ், பேரியாழ், சீறியாழ், செங்கோட்டியாழ், மகரயாழ், சகோடயாழ் என அதன் பகுப்புகள் அமையும். பண்டை நாளில் சிறப்புப் பெற்றிருந்த மிசரம் என்னும் எகிப்து நாட்டிலும், பாரசீகக் கடற்கரை நாடான அழிந்து விட்ட சுமேரியாவிலும் "சால் தேயா' எனச் சிதைந்த சோழ தேசத்திலும், சேரர் வென்று ஆட்சி புரிந்த கிரேக்கத் தீவு, அதனருகே இருந்த யவனபுரத்திலும், உரோமர் வருதற்கு முன் இத்தாலியிலும், பழைய ஸ்பெயின் தேசத்திலும், தமிழ் மக்கள் வாழ்ந்து நாகரிகம் பரப்பினர் என மேற்றிசை அறிஞர்கள் தம் ஆராய்ச்சியில் கண்டு வெளியிட்டுள்ளனர். இந்நாடுகளில் யாழிசைக் கருவி தெய்வமாகவே போற்றப்பட்டது என விபுலாநந்தர் அறுதியிட்டுக் கூறுகின்றார். சிந்து நதி தீரத்தில் பாண்டிய மன்னர்கள் ஆட்சி புரிந்த காலத்தில் "முகிஞ்ட தரை' எனப் பொருள் தரும் மொகஞ்சதாரோவின் இறந்தோர் மேடான இடத்திலும் மிதுனராசி யாழ் என்ற பெயரால் அழைக்கப்பட்டு திணையாழுருவக் குறியீடு செய்யப்பட்டுள்ளதை விபுலாநந்தர் சுட்டிக் காட்டுவது காணத்தக்கது. அடிகளார் பத்து ஆண்டுகள் யாழ் நூலை ஆய்ந்து பல நுண்ணிய விளக்கங்கள் தருதல் காணலாம். கி.மு.3000-த்தில் சுமேரியர் பயன்படுத்திய கலைப்பொருள்களுள் யாழும் ஒன்றாம். அது ஆங்கிலத்தில் "ஆர்ப்' எனப்படும். எகிப்தியர் பயன்படுத்திய யாழ், பிரமிடுகள் எழுந்த காலத்தில் கல்வெட்டுகளில் பொறிக்கப்பட்டுள்ளன. யாழ் பழந்தமிழகத்தில், சங்க காலத்திற்கு முன்னரே காணக் கிடைத்துள்ளது. யாழ் உருப்பியலுள் வில்யாழ் பற்றிய விளக்கம் கடைச்சங்கப் புலவர் கடியலூர் உருத்திரங் கண்ணனார் தொண்டைமான் இளந்திரையனைப் பாடிய பெரும்பாணாற்றுப்படை பாடலடிகளில் காணலாம்.""தொடுதோல் மரீஇய வடுவாழ் நோனடிஒன்றமர் உடுக்கை கூழார் இடையன்கன்றமர் நிரையொடு கானத் தல்கிஅந் நுணவிர் புகை கமழகத்தை முயன்றுஞெலி கோற் கொண்ட பெரவிறல் நெகிழாசெந்தீத் தொட்ட கருந்துளைக் குழலின்இன்தீம் பாலை முனை குமிழின்புழற்கோட்டுத் தொடுத்த மரபுரி நரம்பின்வில்யாழ் இசைத்தம் விரலெறி குறிஞ்சிபுல்லார் வியன்புலம் போகி'' என்பதாம். வில்யாழின் இசை வண்டின் இமிரிசையை ஒத்த காரணம் ஒலியைப் பெருக்கிக் காட்டக் கூடிய பத்தர் குமிழும் கொம்பே இதில் கோடாக-பத்தராக அமைந்துள்ளது. புதியதாகச் செய்யும் முறைக்குரிய அளவுகளையும் நூலில் தந்துள்ளமையைக் காணலாம். கல்லாடம் கூறும் நாரதப் பேரியாழ் 32 விரல் அளவு அகலம், நான்கு விரல் அளவு நீளம் முனைகளைக் கொண்ட இந்த யாழ் ஆயிரம் தந்திகளைக் கொண்டிருந்தது என்பது குறிப்பிடத்தக்கதாகும். இதில் 1008 விதமாக இசை வேதங்களை வாசிக்க இயலும் மும்முனை என்பது மந்திர, மத்யம் கேட்க அமைக்கப்பட்டிருந்தது. இக்கருவி இத்தாலி தேசத்தவர் பயன்படுத்தும் அரமண்டிலம் என்ற கருவியை ஒத்தது என ஆபிரகாம் பண்டிதர் கருத்துத் தெரிவிக்கின்றார். தொல்காப்பியம் தொடங்கி பல சங்க இலக்கியங்கள், இடைக்கால இலக்கியங்கள், காப்பிய இலக்கியங்கள், பக்தி இலக்கியங்கள் யாழைப் பற்றிய இனிய செய்திகளை நமக்குத் தருகின்றன. தொல்காப்பியத்தில்,............இசையொடு சிவணியநரம்பின் மறைய என்மனார் புலவர் எனவரும் நரம்பின் மறை என்பது இசைக்குறிப்பு மட்டுமன்று, நச்சினார்க்கினியர் கூறும் யாழ் நூலையும் நினைக்கச் செய்யும். குழலை விட யாழை விட இனியது மழலை என்பார் திருவள்ளுவர். இக்கருவிகளில் வரும் ழகரச் சிறப்புப் போன்றே மழலைச் சிறப்பு இனியதாம். மழலை மொழிச் சிறப்பு எவ்வாறோ அவ்வாறே யாழிசைச் சிறப்பு. பதிற்றுப்பத்தில் பகைவர்க்குப் பணியாத தன்மையுடைய மன்னரை பேரியாழ் துணையுடன் பாணர் பண்பாடிப் போற்றுவதாக அமையும் பாடலொன்று,வண்டுபடு கூந்தல் முடி புனை மகளிர்தொடைபடு பேரியாழ் பாலைப் பண்ணிப்பணியா மரபின் உழிஞை பாடஇனிது புறந்தந்தவர்க் கின்மகிழ் சுரத்தலின்என அமையும். நெடுநல்வாடையில் ஆடல், பாடல் இரண்டிலும் வல்லமை வாய்ந்த மகளிர், யாழை மீட்டி, இனிமையுறப் பாடல் பாடும் செய்தி குறிப்பிடப்படுகிறது. யாழின் நரம்புகள் முறுக்கவிழ்ந்திருந்தால், தம் மார்பில் ஒற்றிச் சூடுபடுத்தி யாழை மீட்டிய நிலையினை,ஆடல் மகளிர் பாடல் கொண் புணர்மார்தண்மையில் திரிந்த தண்குரல் தீந்தொடைகொம்மை வருமுலை வெம்மையில் தடைஇகருங்கோட்டுச் சீறியாழ் பண்ணுமுறை நிறுப்ப(நெடுநல்.67-70) என விளக்கும். யாழின் கோடாகிய கொம்பு பெரும்பாலும் கரிய நிறத்துடன் விளங்கியமையைப் பல சங்க இலக்கியங்கள் சான்று காட்டுகின்றன. யாழின் இனிமைக்கு விளக்கம் காட்டும் மதுரைக் காஞ்சிப் பாடலொன்று,தாதுண் தும்பி போது முரன்றால்கோதில் அந்தணர் வேதம் பாடசீரினது கொண்டு நரம்பின் தியக்கியாழோர் மருதம் பண்ண(மதுரை.655-658) எனக்கூறும். வேதம் பாடுநர் இசையுடன் மருதப் பண்ணும் கலந்து ஒலிப்பது யாழிசையின் சிறப்பாக உள்ளது. யாழில் பண்ணல், பரிவட்டணை ஆராய்தல், தைவரல், நண்ணிய செலவு, குறும்போக்கு ஆகிய குற்றங்கள் நீங்கிய யாழைக் கையில் தொழுது வாங்கும் இயல்பால் யாழின் தெய்வீகத் தன்மை புலனாகும். அத்தகைய யாழை பண்ணாராய்ச்சி வித்தகர் விருப்பப்படி மீட்டுருவாக்கம் செய்யும் முயற்சியும் தக்கதே எனக் கருதத் தோன்றுகிறது.