thiruvaiyaaru poison in chennai: சென்னையில் திருவையாறு – தமிழ்க்கடலில் கலக்கும் நஞ்சாறு

சென்னையில் திருவையாறு – தமிழ்க்கடலில் கலக்கும் நஞ்சாறு

இலக்குவனார் திருவள்ளுவன்



அமிழ்தினும் இனிய தமிழ்க் கடலில் நஞ்சு ஆறாகப் பெருகிக் கலந்தால் அழிவுதானே நமக்கு! ஆனால், நாம் அதைப்பற்றிக் கவலைப்படாமல் அழிப்போருக்கு உதவுகிறோம். அல்லது கண்டும் காணாமல் இருப்பதன் மூலம் மறைமுகமாகத் துணைபுரிகிறோம். திசம்பர்த் திங்களுக்கு உரிய பெருமைகளுள் ஒன்று, ‘சொல்லில் உயர்வு தமிழ்ச் சொல்லே’ என்பதை உணர்த்தி அதனைத் தொழுது படித்திடச் சொன்ன பாரதியார் பிறந்த திங்கள் என்பது. இந்தத் திங்களில்தான் சென்னையில் சில ஆண்டுகளாக நஞ்சு கலக்கும் நிகழ்ச்சிகள் நடைபெறுகின்றன.

திருவையாறு தமிழிசைப் பரம்பரைக்குரிய ஊர்தான். என்றாலும் நமக்கு என்ன நினைவிற்கு வர வேண்டும்? தமிழ்நாட்டில் தமிழர்களின் பொருளால் தமிழர்களால் கட்டப்பட்ட மேடையில் தமிழ்ப்பாட்டுப் பாடப்பட்டதால் தீட்டு என்று சொல்லி அதைக் கழுவிவிட்டபின்புதான் பாடுவேன் என்று அடம்பிடித்து வெற்றிக் கொடி நாட்டிய அவலம் தான் நினைவிற்கு வரவேண்டும். எனவே, இன்றைக்குத் திருவையாறு என்றால் தமிழிசைக்கு எதிரான ஒரு குறியீடாகத்தான் கருத வேண்டும். தமிழ் உணர்வாளர்களால் திருவையாற்றிலே பிற மொழிப் பாடல்களுக்கான எதிர்ப்பு வலுத்து வருவதால் சில ஆண்டுகளாகச் சென்னையில் அதனைச் சென்னையில் திருவையாறு என்று நடத்துகின்றார்கள். தமிழ் மக்களில் பெரும்பான்மையர் வெட்கம், மானம், சூடு, சொரணை அற்றவர்கள் என்று எண்ணி இசை வணிகர்கள் சிலர் இதில் ஈடுபட்டு வருகின்றனர்.

பொறுத்தது போதும் என நாம் எதிர்ப்பைக் காட்டினால்தான் கலைவணிகர்கள் நிலைதடுமாறிப் புறமுதுகிட்டு ஓடுவர்.

இசைக்குத்தான் மொழி வேறுபாடு கிடையாதே! என்ன மொழியில் பாடினால் என்ன என்று சொல்கிறார்களே! அப்படியாயின் தமிழில் பாடலாமே! தெலுங்கு, சமசுகிருதம், கன்னட மொழிகளில் தமிழ்மண்ணில் பாடுவது ஏன்? தமிழிசை என்பது நம் மண்ணிற்கானது. உயர் பண்ணிற்கானது. அதை மண்ணோடு மண்ணாக அழிக்க எண்ணுபவர்களை நாம் புறக்கணிக்க வேண்டாவா?

சாதி வேறுபாடு இல்லாமல் அனைத்துச் சாதியைச் சேர்ந்தவர்களும் தமிழிசைக்காகக் குரல் கொடுத்து வந்துள்ளனர்; வருகின்றனர். ஆனால், சாதி மாயையில் சிக்கிய சிலர் பிறரையும் அம்மாய வலையில் விழச் செய்வதற்காகத் தியாகராசர் (தியாகையர்) போர்வையில் அழிப்பு வேலைகளில் ஈடுபடுகின்றனர்.

தோல் காசு உள்ள தேசங்களில் இந்தத் துன்பத்தைப் பொறுத்துக் கொண்டிருக்க மாட்டார்கள் என்றும் இரும்புக்காதுகள் நமக்கு உள்ளதால்தான் நாம் பொறுத்துக் கொண்டிருப்பதாகவும் பைந்தமிழ்த் தேர்ப்பாகன் பாரதியார் அன்றே கவலைப்பட்டாரே! பாரதி பெயரால் தமிழ் வளர்ப்போர்கள் இனியும் பொறுக்கலாமா? “பாடுகிறவர்கள் தமிழர்கள்; கேட்பவர்களும் தமிழர்கள்; ஆனால், தமிழ்ப்பாட்டு மட்டும் பாடுவது கிடையாது. என்ன வெட்கக்ககேடு! எவ்வளவு காலம் தமிழர்கள் இதனைச் சகித்துக் கொண்டிருக்கப் போகிறார்கள்” என அன்றே கேட்டாரே அறிஞர் வெ.சாமிநாதசர்மா. இன்னும் நாம் பொறுமை காக்கின்றோமே!

பிடில் சீனிவாசையர், “தமிழிசைதான் தென்னிந்தியாவின் இசை. அது சூரியனைப் போன்றது. மற்ற இசைகளுக்கும் மற்ற மொழிகளுக்கும் இடம் கொடுக்கும் பண்பு தமிழிசைக்கு உண்டு. அதனாலேயே தமிழிசை கேடுற்றது. பயிரைக் கெடுக்க வந்த களைகளைப் பிடுங்கி எறிய வேண்டுமா? அவற்றோடு உறவு கொண்டாட வேண்டுமா?” என வேதனையில் வெடித்தாரே! நாம் தொடர்ந்து எத்தனைக்காலம்தான் களைகளை வளர்த்துத் தமிழ்ப்பயிரை அழித்துக் கொண்டிருக்கப் போகிறோம்?

தமிழைப் புறக்கணிக்கின்றவர்களுக்குத் தமிழ்நாட்டில் இடம் இல்லை என்ற நிலை என்று உருவாகும்? யாரால் உருவாகும்? நாம் நினைத்தால் அந்த நிலை இன்றே உருவாகும். அது நம்மால்தான் உருவாக வேண்டும்! எனவே, முதலில் நாம் இந்த நிகழ்ச்சியைப் புறக்கணிக்க வேண்டும். ஆனால், நாம் இந்த நிகழ்ச்சியை மட்டும் புறக்கணித்தால் தமிழ்த்தாய் மகிழ மாட்டாள்.

தமிழ்க்கடலில் நஞ்சு கலக்கும் இசை நிகழ்ச்சியை நடத்துபவர்கள், பங்கேற்பவர்கள், விளம்பரதாரர்கள், என அனைத்துத் தரப்பாரின் பிற நிகழ்ச்சிகளையும் அவர்கள் தொடர்பான பொருள்களையும் நாம் புறக்கணிக்க வேண்டும்.

தமிழ்ப்பாட்டு பாடு

தமிழ்ப்பாட்டிற்கு ஆடு

இல்லையேல் ஓடு

என்பதை நாம் ஒவ்வொருவருக்கும் உணர்த்த வேண்டும். ஊர்கள் தோறும் நஞ்சாறு ஓடும் முன் நாம் சென்னையிலேயே அதனைத் தடுத்து நிறுத்த வேண்டும்.

உலக இசைகளி்ல் எல்லாம் தொன்மையும் நுண்மையும் மிக்கத் தமிழிசையைக் காக்க வேண்டும் எனில் காவலுக்கு இடையூறு தருபவர்களை இடறி விழச் செய்ய வேண்டும்.

எங்களிடம் பணம் இருக்கின்றது. எனவே, நஞ்சு கலக்கும் நிகழ்ச்சிக்குப் பணம் அளிக்கப் போகிறோம் என்கிறீர்களா? சற்று நில்லுங்கள். தாய் மண் காக்க தென் தமிழகத்தில் போராடுகிறார்களே! அவர்களுக்கு அந்தத் தொகையை வழங்குங்கள்! முத்தமிட வரும் கயிற்றை அறுத்தெறிய மூவர் துடிக்கின்றார்களே! அவர்களுக்கு உதவி செய்யுங்கள்! சொந்த மண்ணில் அறியாமையால் இடம் கொடுத்து அயலானை உயர்த்தி அவனால் அழிந்து எஞ்சியோர் வதைக்கூடங்களில் வாழ்கிறார்களே! அவர்களுக்கு உதவுங்கள். பொழுதுபோக்கு என்ற பெயரிலோ வேறு பெயரிலோ திருவையாற்று நிகழ்ச்சிக்கு உதவாதீர்கள்!

அயலிசை ஆதிக்கத்தினை நிலை நிறுத்தாதீர்கள்!

தமிழிசை நலிவிற்குத் துணை நிற்காதீர்கள்!

தமிழ்த்தாயை வாழ விடுங்கள்! ஆம்! நாம் நீடு வாழத் தமிழ்த்தாய் வாழ வேண்டும்! தமிழ்த்தாய் வாழத் தமிழசை முழங்க வேண்டும்.

 

http://www.natpu.in/?p=19015

தமிழ்-ரஷிய கலாசார உறவை வளர்ப்பதில் புதிய முயற்சிகள்

நமது நிருபர்

First Published : 26 Mar 2010 01:14:02 AM IST

Last Updated :

ரஷிய கலைஞர்களின் நாட்டுப்புற நடனம்.

சென்னை,​​ மார்ச் 25: தமிழ்-ரஷிய கலாசார உறவை வளர்க்கும் புதிய முயற்சிகள் இப்போது நடைபெற்று வருகின்றன.இந்தியாவுக்கும், ​​ ரஷியாவுக்கும் இடையே பல ஆண்டுகளுக்கு முன்பிருந்தே பாரம்பரிய நட்புறவு நிலவி வருகிறது.​ குறிப்பாக ஒன்றுபட்ட சோவியத் யூனியன் இருந்த காலத்தில் இரு நாடுகளுக்கும் இடையே அரசியல்,​​ அறிவியல்,​​ கலாசாரம் என அனைத்து துறைகளிலும் மிகுந்த ஒத்துழைப்பும்,​​ நட்புறவும் நிலவியது.அதிலும் குறிப்பாக தமிழ்}ரஷிய கலாசார உறவில் சோவியத் யூனியன் இருந்த காலத்தில் அதிக கவனம் செலுத்தப்பட்டது.​ ரஷிய அரசியல்,​​ அறிவியல்,​​ இலக்கிய நூல்கள் ஏராளமானவை தமிழில் மொழிபெயர்க்கப்பட்டன.​ ரஷிய மொழி கற்பதற்காக இங்கிருந்து ஏராளமானோர் அந்நாட்டு அரசு சார்பில் மாஸ்கோவுக்கு அழைத்துச் செல்லப்பட்டனர்.​ மாஸ்கோ பல்கலைக்கழகத்தில் தமிழுக்கென தனித்துறை ஏற்படுத்தப்பட்டது.1987}ம் ஆண்டு சோவியத் தலைநகர் மாஸ்கோவில் நடைபெற்ற இந்தியத் திருவிழாவில் அப்போதைய பிரதமர் ராஜீவ்காந்தி தலைமையில் ஆயிரக்கணக்கான இந்திய படைப்பாளிகளும்,​​ குறிப்பாக தமிழகத்திலிருந்து அதிக படைப்பாளிகளும் பங்கேற்றனர்.சோவியத் யூனியன் பிரிந்த பின்,​​ இத்தகைய உறவில் பின்னடைவு ஏற்பட்டது.​ இந்த சூழலில்,​​ தமிழ்}ரஷிய கலாசார உறவை வளர்ப்பதற்கான புதிய முயற்சிகள் இப்போது தொடங்கியுள்ளன.ரஷிய கலைவிழா:​​ இந்திய}ரஷிய கலாசார நட்புறவுக் கழகத்தின் ஏற்பாட்டில் வரும் மே மாதம் தமிழகத்தில் ரஷிய கலைவிழா நடைபெற உள்ளது.​ இதில் பங்கேற்க 25 ரஷிய கலைஞர்கள் தமிழகம் வர உள்ளனர்.​ பாலே நடனம்,​​ ரஷிய நாட்டுப்புற நடனம்,​​ ஜிம்னாஸ்டிக்,​​ மேஜிக்,​​ பாரம்பரிய ரஷிய இசைக் கருவிகள் மூலம் இசை நிகழ்ச்சி என பல நிகழ்ச்சிகள் நடைபெற உள்ளன.சென்னையில் தொடங்கி,​​ பின்னர் மாமல்லபுரம்,​​ தஞ்சாவூர்,​​ திண்டுக்கல்,​​ மதுரை,​​ சேலம்,​​ கோவை,​​ ஊட்டி ஆகிய நகரங்களில் ரஷிய கலைஞர்கள் கலைநிகழ்ச்சிகளை நடத்த உள்ளனர்.​ ​ரஷியாவில் திருவையாறு:​ ​ இதனைத் தொடர்ந்து அடுத்த ஆண்டு ஜூலை மாதத்தில் தமிழகத்தைச் சேர்ந்த 25 கலைஞர்கள் ரஷியா செல்ல உள்ளனர்.​ சீர்காழி சிவசிதம்பரம் தலைமையிலான இக்குழுவினர் "ரஷியாவில் திருவையாறு' என்ற தலைப்பில் பல்வேறு நிகழ்ச்சிகளை நடத்த உள்ளனர்.திரைத்துறையில் உறவு:​​ சோவியத் யூனியன் இருந்தபோது வீரபாண்டிய கட்டபொம்மன்,​​ தில்லானா மோகனம்பாள்,​​ முதல் மரியாதை,​​ வேதம் புதிது என பல தமிழ்த் திரைப்படங்கள் ரஷிய மொழியில் "டப்பிங்' செய்யப்பட்டன.​ குறிப்பாக "தண்ணீர்,​​ தண்ணீர்' திரைப்படம் ரஷியாவில் 360 பிரதிகள் பிரிண்டிங் செய்யப்பட்டது.​ பின்னர் இதிலும் தேக்கம் ஏற்பட்டது.இப்போது தமிழ்த் திரைப்படங்கள் ரஷிய மொழியில் டப்பிங் செய்வது மீண்டும் தொடங்கியுள்ளது.​ இதற்காக "இந்திய}ரஷிய திரைப்பட பரிமாற்றக் குழு' என்ற அமைப்பு சென்னையில் தொடங்கப்பட்டுள்ளது."இப்போது சந்திரமுகி படம் டப்பிங் செய்து முடிக்கப்பட்டுள்ளது.​ அசல்,​​ புன்னகை மன்னன் ஆகிய படங்கள் டப்பிங் செய்யப்பட்டு,​​ ரஷியாவில் விரைவில் திரையிடப்பட உள்ளன.மேலும்,​​ இந்த அமைப்பின் மூலம் ரஷிய திரைப்பட பிரிவு விரைவில் சென்னையில் தொடங்கப்பட உள்ளது.​ அதன் பின்னர் ஏராளமான ரஷிய மொழி திரைப்படங்கள் சென்னையில் தயாரிக்கப்படும்' என்று இந்திய}ரஷிய நட்புறவுக் கழக பொதுச் செயலாளர் பி.​ தங்கப்பன் தெரிவிக்கிறார்.வீடியோ கான்ஃபரன்ஸிங் முறையில் தமிழக மாணவர்களுக்கு ரஷிய மொழியை கற்பிக்கவும்,​​ மாஸ்கோ பல்கலைக்கழகத்தில் தமிழ் பயிலும் மாணவர்களுடன்,​​ தமிழகத்தில் உள்ள தமிழ் அறிஞர்கள் வீடியோ கான்ஃபரன்ஸ் மூலம் உரையாடவும் ஏற்பாடுகள் செய்யப்பட்டு வருகின்றன.இவை யாவும் தமிழ்}ரஷிய கலாசார உறவில் புதிய பரிமாற்றத்தை ஏற்படுத்தும் என எதிர்பார்க்கப்படுகிறது.

கருத்துக்கள்

1.)இரட்டை நகரக்கலை பண்பாட்டு ப் பரிமாற்றங்கள் என்னும் நோக்கில் இரசிய நகரங்களு்ம் தமிழக நகரங்களும் (சா: மதுரை-மாசுகோ) இணைந்து செயல்படும் வகையில் கடந்த ஆட்சியில் ஒரு திட்டம் முன்னெடுக்கப்பட்டு அரசின் ஒத்துழைப்பின்றி வீணானது. அது போன்ற முயற்சிகைளைத் தொடர வேண்டும். 2) இரசியாவில் திருவையாறு என்னும் தலைப்பைப் பார்க்கும் பொழுது இத் திட்டத்தில் தமிழ்ப் பகைவர்கள கை ஓங்கி இருப்பது தெரிகிறது. தமிழ் இசையால் புகழ் பெறும் சீர்காழி சிவசிதம்பரம் இத் தலைப்பை மாற்றித் தமிழிசையே அங்கு நடத்த வேண்டும். இல்லையேல் விலக வேண்டும்.தமிழ் இரசியப் பண்பாட்டு உறவு என்ற பெயரில் ஆரியத்தையும் தெலுங்கிசையையும் பரப்ப எண்ணும் இம் முயற்சியை நீக்க அரசு உடனயாகத் தலையிட்டுத் தக்க நடவடிக்கை எடுக்க வேண்டும்.

அன்புடன் இலக்குவனார் திருவள்ளுவன்

By Ilakkuvanar Thiruvalluvan
3/26/2010 4:04:00 AM

உங்கள் கருத்தைப் பதிவு செய்யுங்கள் *

உலகின் ஆதி இசை தமிழிசைதான்!

ரவிக்குமார்

First Published : 16 Jan 2010 03:30:35 AM IST

Last Updated :

கருத்தரங்கை துவக்கிவைத்து வரவேற்புரையாற்றும் கவிஞர் இளையபாரதி. உடன் கருத்தரங்கில் பங்கேற்றவர்கள் (இடமிருந்து) பி.எம்.சுந்தரம், ஆர்.வேதவல்லி, எஸ்.ஏ.க

சென்னை,ஜன.15: செம்மொழி அங்கீகாரம் தமிழுக்குக் கிடைத்த பிறகு "தமிழிசை கர்நாடக சங்கீதமான வரலாறு' என்று குறிப்பிடுவதே தவறு என்றார் திருப்பாம்புரம் சோ.சண்முகசுந்தரம்.சென்னை சங்கமம் அமைப்பு தென்னிந்திய திரைப்பட வர்த்தக சபை அரங்கத்தில் வியாழன் அன்று நடத்திய "தமிழிசை கர்நாடக சங்கீதமான வரலாறு குறித்த ஆய்வரங்கிற்கு' தலைமையேற்று அவர் மேலும் பேசியதாவது, ""யாழ் பாலையாகி, பாலை பண்ணாகியிருப்பதுதான் தொல்காப்பியம் காட்டும் வரலாறு. 103 பண்களிலிருந்துதான் வெவ்வேறு பெயர்களில் ராகங்களை அழைத்துக் கொண்டிருக்கின்றனர். உதாரணமாக, வியாழக் குறிஞ்சியை செüராஷ்டிரம் என்று கூறுகின்றனர். உலகின் ஆதி இசை தமிழ் இசைதான். தமிழிசையை வளர்க்க இனி "டிசம்பர் மாதத்தில் நடக்கும் இசை நிகழ்ச்சிகள் அனைத்தும் சபாக்களில் நடக்காது, பூங்காக்களில்தான் நடக்கும்' என்றும், "இனி விருதுகள் யாருக்கும் கிடையாது என்றும்' அரசாங்கம் சட்டம் கொண்டுவரவேண்டும். இதை என்னுடைய கோரிக்கையாக அரசுக்கு வைக்கிறேன்'' என்றார். கருத்தரங்கில் அரிமளம் பத்மனாபன் பேசியதாவது, ""சுர இயலுக்கு அடிப்படையாக சங்கீத ரத்னாகரத்தை காட்டுவார்கள். இதன் காலம் 11 அல்லது 12-ம் நூற்றாண்டுதான். தமிழ் இசையின் சுர இயல் தொல்காப்பியத்திலிருந்தே தொடங்குகின்றது. சங்கீத ரத்னாகரத்திற்கு முற்பட்ட காலத்தில் தோன்றிய "பிங்கள நிகண்டு'வில் "நரம்பின் மறையில் காணலாம்' என்று ஒரு குறிப்பு வருகின்றது. இதற்கு அர்த்தம் நரம்பு இசைக் கருவி இந்த நிகண்டு தோன்றிய காலத்திற்கு முன்பே இருந்தது என்பதுதான். இலக்கியம் தோன்றிய பின்தான் அதற்கான இலக்கணம் வகுக்கப்படும். தமிழிசை வடிவத்தின் தொன்மையைக் குறிப்பிடவே நிகண்டுவிலிருந்து இந்த உதாரணத்தைச் சொல்கிறேன். பெரும் பண், திறப் பண் என்று தேவார காலத்திலேயே வகுத்திருக்கின்றனர். அவைதான் இன்றைக்கு சம்பூர்ண ராகம், ஜன்ய ராகம் என்றாகிவிட்டன. ஆலத்தியியல் என்று அன்றைக்கு அழைக்கப்பட்டதுதான் இன்றைக்கு ஆலாபனை ஆகியிருக்கிறது. ஆலத்தியியல் குறித்து அடியார்க்கு நல்லார் குறிப்பிட்டுள்ளார். அவரின் காலம் "சங்கீத ரத்னாகரம்' நூலின் காலத்திற்கு முந்தையது!'' என்றார். எஸ்.ஏ.கே.துர்கா பேசியதாவது, ""மக்கள் இசையான கிராமிய இசைதான் முதலில் தோன்றியது. அதற்குப் பிறகுதான் பண்கள். தெய்வ சன்னதிகளில், சடங்குகளில் பாடுவதற்கு ஒருமுறையும், லெüகீக விஷயங்களுக்குப் பாடுவதற்கு ஒருமுறையும் என பிரிந்தன. பண்தான் ராகமா? என்றால் "இல்லை' என்பதுதான் பதில். பண் வேறு, ராகம் வேறு. பண் என்பது வர்ண மெட்டு. சன்னதிகளில் பாடப்படுவது தேவாரப் பண்கள். சன்னதிகளில் பாடுபவர்களிடம் அர்ப்பணிப்பு உணர்வுதான் மேலோங்கியிருக்கும். இசை நிகழ்ச்சியை ஒருவர் நிகழ்த்தும் போது அதில் அவருடைய தனித் திறமையைக் கொண்டுவரவேண்டும் என்று நினைத்து பாடுவார். அந்தக்காலத்தில் கோயில்களில் ஓதுவார்களின் மூலம் காலங்காலமாக பாடப்பட்ட தேவாரத்தின் தொன்மையை நம்மால் இன்றைக்கும் உணரமுடிகிறது. அதேநேரத்தில் அந்தக்காலத்தில் அரண்மனைகளில் எப்படி இசைக் கலை நிகழ்த்தப்பட்டது என்பதற்கு ஆதாரமில்லையே... எனவே தமிழிசைக்கும் கர்நாடக இசைக்கும் அதிக வித்தியாசமில்லை என்றோ வித்தியாசமிருக்கிறது என்றோ உடனடியாக கூறிவிட முடியாது. இது ஆழமான ஆய்வுக்கு உட்பட்ட விஷயம்'' என்றார்.ஆர்.வேதவல்லி பேசியதாவது, ""தமிழிசை, கர்நாடக இசை என எந்தப் பெயரில் இருந்தாலும் அது நம்முடைய இசைதானே! நமக்கே வீட்டில், அலுவலகத்தில், நண்பர்களிடத்திலே என்று வேறு வேறு பெயர்கள் இல்லையா? ஒரு மனிதர், எத்தனை உறவுகளால் அழைக்கப்படுகிறார்? அதைப்போல்தான் இதுவும். நம்முடைய இசையின் பலமே அதன் "கமக'த்தில்தான் இருக்கிறது. தமிழ்நாட்டு நாகசுரக் கலைஞர்களாலும், ஓதுவார்களாலும்தான் நமது இசைக்கு அழகும், அசைவும் கிடைத்திருக்கின்றது என்பதை யாராலும் மறுக்கமுடியாது'' என்றார்.பி.எம்.சுந்தரம் பேசியதாவது, ""இது கருத்தரங்க மேடையே தவிர விவாத மேடை அல்ல. தொடர்ந்து ஆய்வுக்கு உட்படவேண்டிய பல விஷயங்கள் இருக்கின்றன. தேவார காலத்திற்கு முன்பே காரைக்கால் அம்மையார் பண்களைக் கொண்டு பாடியிருக்கிறார். அண்ணாமலைப் பல்கலைக் கழகத்திற்கு முன்பு, மீனாட்சி கல்லூரி என்று ஒன்று இருந்தது. அங்கு வடமொழியும்,தெலுங்கும் கூட சொல்லிக் கொடுக்கப்பட்டன என்பது எத்தனை பேருக்குத் தெரியும்? தஞ்சாவூரைச் சேர்ந்த நட்டுவனார் பொன்னையாப் பிள்ளையைக் கொண்டுதான் ராஜா அண்ணாமலைச் செட்டியார் தமிழிசையை வளர்ப்பதற்கு எண்ணற்ற மாநாடுகளை நடத்தினார். தமிழனுக்கு கற்பனை உணர்வு அதிகம். அதனால் கலை வடிவங்களில் ஏற்படும் மாற்றங்களுக்கும் தமிழனே காரணமாக இருக்கின்றான். "கர்நாடக இசை என்பதே இங்கு கிடையாது' என்றெல்லாம் நடைமுறையில் கூறமுடியாது என்பதுதான் உண்மை'' என்றார்.சோ.முத்து கந்தசாமி தேசிகர் பேசியதாவது, ""ஞானசம்பந்தரின் பாடல்கள் அத்தனையும் இசைத் தமிழ். இங்கே துர்கா அம்மையார் பேசும்போது, தேவாரப் பாடல்களில் கட்டமைக்கப்படாத வர்ண மெட்டுதான் இருக்கும் என்று சொன்னார். அதை நான் மறுக்கிறேன். தமிழிசையில் "பண்' என்பதற்கு என்னால் பொருள் சொல்ல முடிகிறது. ஆனால் கர்நாடக இசையைக் கொண்டாடுபவர்களிடம் "ராகம்' என்பதற்கு என்ன பொருள்? அது என்ன மொழி? என்று கேட்கிறேன். அவர்களால் பதில் சொல்ல முடிவதில்லையே அது ஏன்?'' என்றார். கருத்தரங்கை தொடங்கி வரவேற்றுப் பேசினார் தமிழ்நாடு இயல் இசை நாடக மன்றச் செயலர் கவிஞர் இளைய பாரதி.

கருத்துக்கள்

தருமபுரம் சுவாமிநாதன் மறைவுக்கு மதுரை ஆதீனம் இரங்கல்

First Published : 17 Oct 2009 01:26:54 AM IST

Last Updated :

சென்னை, அக். 16: இசைப் பேரறிஞர் தருமபுரம் சுவாமிநாதன் மறைவுக்கு மதுரை ஆதீனம் அருணகிரி தேசிக பரமாச்சர்ய சுவாமிகள் இரங்கல் தெரிவித்துள்ளார். ""இசைப் பேரறிஞரும், ஓதூவா மூர்த்தியுமான தருமபுரம் சுவாமிநாதனின் மறைவு திருமுறை இசைவாணர்களுக்கும், சைவ உலகுக்கும் ஈடு செய்ய முடியாத இழப்பாடும். திருமுறைகளை அழகாகவும், கம்பீரமாகவும் பாடி சைவ சமயத்தைப் பரப்பியவர்'' என்று அவர் தனது இரங்கல் செய்தியில் குறிப்பிட்டுள்ளார்.

கருத்துக்கள்

தமிழிசை வாணரின் மறைவிற்குத் தினமணி வாசகர்கள் சார்பில் ஆழ்நத இரங்கல்கள்! வருத்தத்துடன் இலக்குவனார் திருவள்ளுவன்.

By Ilakkuvanar Thiruvalluvan
10/17/2009 2:53:00 AM

உங்கள் கருத்தைப் பதிவு செய்யுங்கள் *

சீர்காழியில் தமிழிசை மூவர் விழா தொடக்கம்

தினமணி

First Published : 07 Jul 2009 01:17:19 AM IST

Last Updated :

சீர்காழி, ஜூலை 6: நாகை மாவட்டம், சீர்காழியில் தமிழிசை மூவர் விழா சட்டைநாதர் திருக்கோயில் வளாக இசையரங்கில் திங்கள்கிழமை மாலை தொடங்கியது. விழாவை தமிழக பால் வளத் துறை அமைச்சர் உ. மதிவாணன் தொடக்கிவைத்தார். சீர்காழி தொகுதி சட்டப்பேரவை உறுப்பினர் எம். பன்னீர்செல்வம் முன்னிலை வகித்தார்.

கருத்துக்கள்

கலைஞர் கடந்த முறை ஆட்சியில் இருந்தபொழுது சீர்காழி மூவருக்கு மணிமண்டபம் கட்டுவதாக அறிவித்து அடிக்கல் நாட்டப்படவும் வகை செய்தார். ஆட்சியில் இருந்தவரை மண்டபம் உருவாக ஒன்றும் செய்யவில்லை. ஆட்சி போனதும் இசைவேளாளர் மாநாட்டில் மூவரின் சிறப்பு அப்போதைய ஆட்சியில் புறக்கணிக்கப்படுவதாகக் கூறி மூவரின்புகழ் பரவ நாடெங்கும் விழா கொண்டாடுதல், மணி மண்டபம் எழுப்பல் முதலான குறித்தும் பேசினார். மீண்டும் ஆட்சிக்கு வந்துள்ளார். எனினும் மணிமண்டபப் பணி தொடக்க நிலையிலேயே உள்ளது. தமிழிசையில் ஆர்வம் காட்டும் கலைஞரின் ஆட்சியிலேயே இத்திட்டம் ஊறப் போடப்பட்டது எனில் யார்தான் ஆர்வம் காட்டுவர்? குண்டு சட்டிக்குள் குதிரை ஓட்டுவது போன்று சீர்காழி சட்டநாதர் கோயிலுக்குள் மட்டும் மூவர் விழாவைக் கொண்டாடி என்ன பயன்?

அன்புடன் இலக்குவனார் திருவள்ளுவன்

By Ilakkuvanar Thiruvalluvan
7/7/2009 4:34:00 AM

கட்டுரைகள்

தமிழ் இலக்கியங்களில் யாழிசை

முனைவர் அ.கோபிநாத்

தினமணி

First Published : 24 May 2009 12:52:00 AM IST

Last Updated :

இயற்கையோடு எழுந்த இசை தமிழிசை. ஆற்றொலி, அருவியொலி, வண்டொலி, தும்பியிசை, குயிலின் கூடி ஒலிக்கும் இசை தமிழிசையாம். யாழ் நூல் என்ற பழந்தமிழ் நூல் விபுலாநந்தரால் இயற்றப்பட்டதாம். அதன் சிறப்பியல்புகளை விபுலாநந்தர் விளக்கியுரைத்தபோது ஈர்க்கப்பட்ட பண்ணாராய்ச்சி வித்தகர் குடந்தை ப.சுந்தரேசனார், யாழை மீட்டுருவாக்கம் செய்ய முயற்சி செய்தது தனிச் சிறப்புடையதாம். வில்யாழ், பேரியாழ், சீறியாழ், செங்கோட்டியாழ், மகரயாழ், சகோடயாழ் என அதன் பகுப்புகள் அமையும். பண்டை நாளில் சிறப்புப் பெற்றிருந்த மிசரம் என்னும் எகிப்து நாட்டிலும், பாரசீகக் கடற்கரை நாடான அழிந்து விட்ட சுமேரியாவிலும் "சால் தேயா' எனச் சிதைந்த சோழ தேசத்திலும், சேரர் வென்று ஆட்சி புரிந்த கிரேக்கத் தீவு, அதனருகே இருந்த யவனபுரத்திலும், உரோமர் வருதற்கு முன் இத்தாலியிலும், பழைய ஸ்பெயின் தேசத்திலும், தமிழ் மக்கள் வாழ்ந்து நாகரிகம் பரப்பினர் என மேற்றிசை அறிஞர்கள் தம் ஆராய்ச்சியில் கண்டு வெளியிட்டுள்ளனர். இந்நாடுகளில் யாழிசைக் கருவி தெய்வமாகவே போற்றப்பட்டது என விபுலாநந்தர் அறுதியிட்டுக் கூறுகின்றார். சிந்து நதி தீரத்தில் பாண்டிய மன்னர்கள் ஆட்சி புரிந்த காலத்தில் "முகிஞ்ட தரை' எனப் பொருள் தரும் மொகஞ்சதாரோவின் இறந்தோர் மேடான இடத்திலும் மிதுனராசி யாழ் என்ற பெயரால் அழைக்கப்பட்டு திணையாழுருவக் குறியீடு செய்யப்பட்டுள்ளதை விபுலாநந்தர் சுட்டிக் காட்டுவது காணத்தக்கது. அடிகளார் பத்து ஆண்டுகள் யாழ் நூலை ஆய்ந்து பல நுண்ணிய விளக்கங்கள் தருதல் காணலாம். கி.மு.3000-த்தில் சுமேரியர் பயன்படுத்திய கலைப்பொருள்களுள் யாழும் ஒன்றாம். அது ஆங்கிலத்தில் "ஆர்ப்' எனப்படும். எகிப்தியர் பயன்படுத்திய யாழ், பிரமிடுகள் எழுந்த காலத்தில் கல்வெட்டுகளில் பொறிக்கப்பட்டுள்ளன. யாழ் பழந்தமிழகத்தில், சங்க காலத்திற்கு முன்னரே காணக் கிடைத்துள்ளது. யாழ் உருப்பியலுள் வில்யாழ் பற்றிய விளக்கம் கடைச்சங்கப் புலவர் கடியலூர் உருத்திரங் கண்ணனார் தொண்டைமான் இளந்திரையனைப் பாடிய பெரும்பாணாற்றுப்படை பாடலடிகளில் காணலாம்.""தொடுதோல் மரீஇய வடுவாழ் நோனடிஒன்றமர் உடுக்கை கூழார் இடையன்கன்றமர் நிரையொடு கானத் தல்கிஅந் நுணவிர் புகை கமழகத்தை முயன்றுஞெலி கோற் கொண்ட பெரவிறல் நெகிழாசெந்தீத் தொட்ட கருந்துளைக் குழலின்இன்தீம் பாலை முனை குமிழின்புழற்கோட்டுத் தொடுத்த மரபுரி நரம்பின்வில்யாழ் இசைத்தம் விரலெறி குறிஞ்சிபுல்லார் வியன்புலம் போகி'' என்பதாம். வில்யாழின் இசை வண்டின் இமிரிசையை ஒத்த காரணம் ஒலியைப் பெருக்கிக் காட்டக் கூடிய பத்தர் குமிழும் கொம்பே இதில் கோடாக-பத்தராக அமைந்துள்ளது. புதியதாகச் செய்யும் முறைக்குரிய அளவுகளையும் நூலில் தந்துள்ளமையைக் காணலாம். கல்லாடம் கூறும் நாரதப் பேரியாழ் 32 விரல் அளவு அகலம், நான்கு விரல் அளவு நீளம் முனைகளைக் கொண்ட இந்த யாழ் ஆயிரம் தந்திகளைக் கொண்டிருந்தது என்பது குறிப்பிடத்தக்கதாகும். இதில் 1008 விதமாக இசை வேதங்களை வாசிக்க இயலும் மும்முனை என்பது மந்திர, மத்யம் கேட்க அமைக்கப்பட்டிருந்தது. இக்கருவி இத்தாலி தேசத்தவர் பயன்படுத்தும் அரமண்டிலம் என்ற கருவியை ஒத்தது என ஆபிரகாம் பண்டிதர் கருத்துத் தெரிவிக்கின்றார். தொல்காப்பியம் தொடங்கி பல சங்க இலக்கியங்கள், இடைக்கால இலக்கியங்கள், காப்பிய இலக்கியங்கள், பக்தி இலக்கியங்கள் யாழைப் பற்றிய இனிய செய்திகளை நமக்குத் தருகின்றன. தொல்காப்பியத்தில்,............இசையொடு சிவணியநரம்பின் மறைய என்மனார் புலவர் எனவரும் நரம்பின் மறை என்பது இசைக்குறிப்பு மட்டுமன்று, நச்சினார்க்கினியர் கூறும் யாழ் நூலையும் நினைக்கச் செய்யும். குழலை விட யாழை விட இனியது மழலை என்பார் திருவள்ளுவர். இக்கருவிகளில் வரும் ழகரச் சிறப்புப் போன்றே மழலைச் சிறப்பு இனியதாம். மழலை மொழிச் சிறப்பு எவ்வாறோ அவ்வாறே யாழிசைச் சிறப்பு. பதிற்றுப்பத்தில் பகைவர்க்குப் பணியாத தன்மையுடைய மன்னரை பேரியாழ் துணையுடன் பாணர் பண்பாடிப் போற்றுவதாக அமையும் பாடலொன்று,வண்டுபடு கூந்தல் முடி புனை மகளிர்தொடைபடு பேரியாழ் பாலைப் பண்ணிப்பணியா மரபின் உழிஞை பாடஇனிது புறந்தந்தவர்க் கின்மகிழ் சுரத்தலின்என அமையும். நெடுநல்வாடையில் ஆடல், பாடல் இரண்டிலும் வல்லமை வாய்ந்த மகளிர், யாழை மீட்டி, இனிமையுறப் பாடல் பாடும் செய்தி குறிப்பிடப்படுகிறது. யாழின் நரம்புகள் முறுக்கவிழ்ந்திருந்தால், தம் மார்பில் ஒற்றிச் சூடுபடுத்தி யாழை மீட்டிய நிலையினை,ஆடல் மகளிர் பாடல் கொண் புணர்மார்தண்மையில் திரிந்த தண்குரல் தீந்தொடைகொம்மை வருமுலை வெம்மையில் தடைஇகருங்கோட்டுச் சீறியாழ் பண்ணுமுறை நிறுப்ப(நெடுநல்.67-70) என விளக்கும். யாழின் கோடாகிய கொம்பு பெரும்பாலும் கரிய நிறத்துடன் விளங்கியமையைப் பல சங்க இலக்கியங்கள் சான்று காட்டுகின்றன. யாழின் இனிமைக்கு விளக்கம் காட்டும் மதுரைக் காஞ்சிப் பாடலொன்று,தாதுண் தும்பி போது முரன்றால்கோதில் அந்தணர் வேதம் பாடசீரினது கொண்டு நரம்பின் தியக்கியாழோர் மருதம் பண்ண(மதுரை.655-658) எனக்கூறும். வேதம் பாடுநர் இசையுடன் மருதப் பண்ணும் கலந்து ஒலிப்பது யாழிசையின் சிறப்பாக உள்ளது. யாழில் பண்ணல், பரிவட்டணை ஆராய்தல், தைவரல், நண்ணிய செலவு, குறும்போக்கு ஆகிய குற்றங்கள் நீங்கிய யாழைக் கையில் தொழுது வாங்கும் இயல்பால் யாழின் தெய்வீகத் தன்மை புலனாகும். அத்தகைய யாழை பண்ணாராய்ச்சி வித்தகர் விருப்பப்படி மீட்டுருவாக்கம் செய்யும் முயற்சியும் தக்கதே எனக் கருதத் தோன்றுகிறது.