handicapped லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
handicapped லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

ஞாயிறு, 23 செப்டம்பர், 2012

Thendral T.V. honouring the teachers of handicapped

மாற்று த் திறனாளி மாணவர்களின் ஆசிரியர்களை ப் போற்றும்  தென்றல் தொலைக்காட்சி!

Thendran T.V., to honour handicapped teachersபணிகளில் சிறந்தது ஆசிரியர் பணி. அதிலும் காதுகேளாத, வாய்பேச முடியாத, பார்வையற்ற குழந்தைகளுக்கு பாடம் சொல்லி கொடுக்கும் ஆசிரியர்களின் சேவை ரொம்பவே பெரிது. இதை உணர்ந்த தென்றல் தொலைக்காட்சி அப்படி ஒரு உயரிய சேவையை செய்துகொண்டிருக்கும் ஆசிரியர்களை தேர்வு செய்து அவர்களுக்கு விருது அளித்து கவுரவப்படுத்த இருக்கிறது. அந்த விருதுக்கு ஹெலன் கில்லெர் விருதுகள் என்று பெயரும் சூட்டப்பட்டுள்ளது.

அமெரிக்காவில் பிறந்து குழந்தையிலேயே காதுகேற்கும் திறனையும், வாய்பேசும் திறனையும் இழந்த ஹெலன் கில்லர் என்ற பெண்மணி தனது 24வயதில் பட்டம் பெற்றார். உலகிலேயே இதுபோன்ற குறைகளை வைத்துகொண்டு, படித்து பட்டம் பெற்ற முதல் நபர் இவர் என்பது குறிப்பிடத்தக்கது. அதனால் தான் இவருடைய பெயரிலேயே ஹெலன் கில்லர் விருது  வழங்குகிறது. தென்றல் தொலைக்காட்சி.

இந்த ஆண்டு முதல் இந்த விருதினை வழங்கும் தென்றல் தொலைக்காட்சி இனி ஒவ்வொரு ஆண்டும் இதே பெயரில், இதுபோன்ற சிறப்பு குழந்தைகளுக்கும் , அவர்களுக்கு  ஆசிரியர் சேவை செய்பவர்களுக்கும  விருதினை வழங்க இருக்கிறது. இந்த விருதுடன் அவர்களுக்கு பரிசு தொகையாக பணம் முடிப்பும் வழங்கப்படுகிறது. இந்த முதலாம் ஆண்டு விருது வழங்கும் விழா வரும் செப்டம்பர் 24ஆம் தேதி சென்னை, காமராஜர் அரங்கில் மாலை 4 மணிக்கு நடைபெறுகிறது. இதில் சிறப்பு விருந்தினராக மத்திய அமைச்சர் ஜெகத் ரட்சகன் கலந்துகொள்கிறார். மேலும் திரையுலக நட்சத்திரங்கள் உள்ளிட்ட பல் துறை  பிரபலங்கள் இந்த விருது வழங்கும் விழாவில் கலந்துகொள்கிறார்கள். இதை தென்றல் தொலைக்காட்சியின் முதன்மை மேலாளர் செழியன் ராதாகிருஷ்ணன் மற்றும் முதன்மை மார்கெட்டிங் மேலாளார் உதயகுமார் இருவரும் பத்திரிகையாளர்களிடம் தெரிவித்தார்கள். இந்த விருது வழங்கும் நிகழ்ச்சியின் போது தென்றல் தொலைக்காட்சியில் ஒளிபரப்பாக இருக்கும் பல புதுமையான நிகழ்ச்சிகளையும் அறிமுகப்படுத்துகிறார்கள்.

இதுப்பற்றி கூறிய செழியன் ராதாகிருஷ்ணன், "தென்றல் டிவி மற்ற டிவி சேனல்களில் இருந்து வேறுபட்டு இருக்கும் வகையில் உருவாக்கப்பட்டுள்ளது. அதிகப்படியான சினிமா நிகழ்ச்சிகள் மற்றும் அழுகாச்சி  சீரியல்களை நாங்கள் தவிர்த்திருக்கிறோம். மக்களுடைய வாழ்க்கைக்கும், அவர்களை மேம்படுத்தும் வகையிலும் தென்றல் டிவியின் நிகழ்ச்சிகள் இருக்கும். ஒவ்வொரு மணி நேரமும் செய்திகள் ஒளிபரப்பு செய்யப்படும். அதே போல தினமும் சமூதாயத்தில் நடைபெறும் குற்றங்களையும், அதன் பின்னணிகளையும் நேரடியாக குற்றம் நடைபெற்ற இடத்தில் இருந்தே, அந்த தகவல்களை மக்களுக்கு தெரியப்படுத்துவோம். இது போன்ற பல புதுமையான நிகழ்ச்சிகளோடும், உடனுக்கு உடன் செய்திகளோடும் தென்றல் டிவி ஒளிபரப்பாகும்." என்றார்.
தென்றல் டிவியின் முதன்மை மார்கெட்டிங் மேலாளரும், ஹெலன் கில்லர் விருது நிகழ்ச்சியை உருவாகியவருமான உதயகுமார் பேசும் போது, "இது போன்ற மாற்றுத்திறனாலிக் குழந்தைகளுக்கு பாடம் சொல்லி கொடுக்கும் ஆசிரியர்களை கெளரவிக்க வேண்டும் என்ற ஆசை எனக்கு நெடுநாட்களாக இருந்தது. தென்றல் டிவி மூலம் அதை சாத்தியப்படுத்த முடிந்தது சந்தோசம்.   இந்த ஆண்டு முதல் இந்த விருதை நாங்கள் தொடங்கி இருக்கிறோம். இனி ஒவ்வொரு ஆண்டும் இந்த விருது வழங்குவோம். தற்போது இந்த விருதை பெரும் ஆசியர்கள் சென்னையைச் சேர்ந்த பள்ளியில் பணிபுரிபவர்களாக இருக்கிறார்கள். இனி வரும் ஆண்டுகளில் இந்தியா முழுவதும் உள்ள இதுபோன்ற ஆசிரியர்களுக்கு விருது வழங்குவோம். இந்த விருதுக்காக தேர்வு குழு ஒன்றையும் உருவாக்குவோம்." என்றார்.

இந்த ஆண்டு ஹெலன் கில்லர் விருது 15 ஆசிரியர்களுக்கு வழங்கப்படுகிறது. இவர்களுடன் 5 சிறப்பு விருதுகளும் வழங்கப்படுகிறது.

வியாழன், 9 ஆகஸ்ட், 2012

மாற்றுத்திறனாளி மாணாக்கருக்கும் ஊக்கத் தொகை : தமிழக அரசு

மாற்றுத்திறனாளி மாணாக்கருக்கும் ஊக்கத் தொகை : தமிழக அரசு

First Published : 09 Aug 2012 11:04:08 AM IST தினமணி


சென்னை, ஆக., 09 : மாற்றுத் திறனாளிகள் நலத் துறையின் கீழ் இயங்கும் அரசு சிறப்புப் பள்ளிகள் மற்றும் அரசு அங்கீகாரம் பெற்ற சிறப்புப் பள்ளிகளில் 10 ஆம் வகுப்பு, 11ஆம் வகுப்பு மற்றும் 12ஆம் வகுப்புகளில் பயிலும் மாற்றுத் திறனாளி மாணவ, மாணவிகளுக்கும் ஊக்கத் தொகை வழங்க தமிழக முதலமைச்சர் ஜெயலலிதா உத்தரவிட்டுள்ளார்.இது குறித்து தமிழக அரசு வெளியிட்டுள்ள செய்திக் குறிப்பில், 10ஆம் வகுப்பு மற்றும் 11ஆம் வகுப்பு பயிலும் மாணவ, மாணவியர் ஒவ்வொருக்கும் ஊக்கத் தொகையாக 1,500 ரூபாயும், 12 ஆம் வகுப்பு பயிலும் மாணவ, மாணவியர் ஒவ்வொருவருக்கும் ஊக்கத் தொகையாக 2,000 ரூபாயும் வழங்கப்படும். இந்த ஊக்கத் தொகையினை தமிழ்நாடு மின்விசை நிதி மற்றும் அடிப்படை வசதி மேம்பாட்டு நிறுவனத்தில் வைப்பீடு செய்யும் வகையில் 22 லட்சத்து 34 ஆயிரத்து 500 ரூபாய் நிதி ஒதுக்கீடு செய்து முதலமைச்சர் ஆணையிட்டுள்ளார். இதன் மூலம் 1,359 மாணவ, மாணவியர் பயன் பெறுவர்.மேலும், தற்போது 32 மாவட்டங்களில் உள்ள ஆரம்ப பயிற்சி மையங்கள் மற்றும் முன்பருவ பள்ளிகளுக்கு செல்லும் 2,390 மாற்றுத் திறனாளி குழந்தைகளுக்கு அரசு பேருந்துகளில் கட்டணமின்றி பயணம் செய்ய அளிக்கப்பட்டு வரும் பயண சலுகையை, அவர்களுடன் செல்லும் ஒரு துணையாளருக்கும் விரிவுப்படுத்த முதலமைச்சர் உத்தரவிட்டுள்ளார்.பார்வையற்ற மாற்றுத் திறனாளிக்கு, நடப்பதற்கு உதவிகரமாக தற்பொழுது வழங்கப்பட்டு வரும் மேல் பகுதியில் வெள்ளை வர்ணமும், கீழ் பகுதியில் சிவப்பு வர்ணமும் பூசப்பட்ட மடக்கு குச்சிகளுக்கு பதிலாக ஒளிரும் மடக்கு குச்சிகள் வழங்க உத்தரவிட்டுள்ளார். இந்த ஒளிரும் மடக்கு குச்சிகள் 10 லட்சம் ரூபாய் செலவில் 5,000 நபர்களுக்கு வழங்கப்படும்.தற்போது, தங்களை தாங்களே பராமரித்துக் கொள்ள இயலாத 60 விழுக்காடு மற்றும் அதற்கு மேற்பட்ட மனவளர்ச்சி குன்றிய 77,112 நபர்களுக்கு பராமரிப்பு தொகையாக மாதந்தோறும் 1,000 ரூபாய் வழங்கப்பட்டு வருகிறது. இந்தப் பராமரிப்புத் தொகை இன்னும் அதிகமான நபர்களுக்கு கிடைப்பதற்கு ஏதுவாக, பராமரிப்பு தொகை பெறுவதற்கான குறைபாட்டின் விழுக்காட்டினை 60 லிருந்து 45 ஆக குறைத்து முதலமைச்சர் உத்தரவிட்டுள்ளார் என்று செய்திக் குறிப்பில் கூறப்பட்டுள்ளது.

செவ்வாய், 6 செப்டம்பர், 2011

வேல்முருகனுக்குக் "கை கொடுக்கும் கை'




மதுரை:பிஞ்சு கைகளை ஊன்றி, தவழ்ந்து, நடை பழகும் அனுபவம் வேல்முருகனுக்கு கிடைக்கவில்லை. பிறக்கும்போதே பிஞ்சு விரல்களை பறிகொடுத்துவிட்டு, தன்னம்பிக்"கை'யுடன் பிறந்த இந்த 30 வயது பிரம்மச்சாரி, வீட்டில் முடங்கி கிடக்கவில்லை. ஊனம் என்று தன்னை கேலி செய்ய காரணமாக இருந்த கைகளை கொண்டே இன்று எழுதி வருவாய் ஈட்டுகிறார்.

மதுரை தேனூர் அருகே தச்சம்பத்தைச் சேர்ந்த இவர், 9ம் வகுப்பு வரை படித்திருக்கிறார். கைகளை நம்பி உழைக்க தயாராக இருந்த இவருக்கு, அதுவே இடையூறாக குறுக்கிட்டது. யாரும் இவரது கைகளை நம்பி வேலை தர தயாராக இல்லை.வயிற்றுப் பசியை போக்க வருமானம் வேண்டுமே? அதுக்காக வேல்முருகன் பிச்சை எடுக்கவில்லை. எது தனக்கு வேலை தர இடையூறாக இருந்ததோ, அந்த கைகளை கொண்டே உழைக்க முடிவு செய்தார். விரல்கள் இல்லாத இரு கைகளை இணைத்து எழுதி பழகினார்.

இன்று... மதுரை கலெக்டர் அலுவலகத்தில் இவர் "கை'ப்படாத மனுக்கள் இல்லை. பத்து ரூபாய் பெற்று கோரிக்கை மனு எழுதி கொடுத்து நாள் ஒன்றுக்கு 100 ரூபாய் முதல் 200 ரூபாய் வரை சம்பாதிக்கிறார்.

அவர் கூறுகையில், ""நானும் பலரிடம் வேலை கேட்டுவிட்டேன். எனது குறையை காரணமாக வைத்து யாரும் தரவில்லை. அதுக்காக வீட்டில் முடங்கி கிடக்கவும் எனக்கு மனமில்லை. அதனால் எழுதி வருவாய் ஈட்டுகிறேன். யாராவது, "கிளார்க்' வேலை கொடுத்தால் நல்லா இருக்கும். அதுவரை இந்த "எழுத்து' தொழில்தான் எனது வாழ்க்கை,'' என்றார்.

தன்னம்பிக்கையுடன் உழைக்க காத்திருக்கும் இவருக்கு, வேலை கொடுக்க விரும்பினால், 83443 48135ல் தொடர்பு கொள்ளலாம்.



ஞாயிறு, 22 மே, 2011

computer operating by eye movements :விழி அசைவுக்கு ஏற்பச் செயல்படும் கணினி

பாராட்டுகள். செப்பமான முறையி்ல் குறைவான கட்டணத்தில் இவ்வகைக் கணிணிகள் கிடைக்கவும் மாற்றுத்திறனாளிகளுக்கு அரசே மிகக் குறைந்த சலுகை விலையில் வழங்கவும் நடவடிக்கை எடுக்க வேண்டும்.
அன்புடன் இலக்குவனார் திருவள்ளுவன் / தமிழே விழி! தமிழா விழி! /
எழுத்தைக் காப்போம்!  மொழியைக் காப்போம்! இனத்தைக் காப்போம்!


விழி அசைவுக்கு ஏற்ப செயல்படும் கணினி

First Published : 22 May 2011 03:16:55 AM IST


திருவண்ணாமலை, மே 21: மாற்றுத் திறனாளிகளுக்கு உதவும் வகையில் திருவண்ணாமலை அருணை பொறியியல் கல்லூரி மாணவிகள், விழி அசைவுக்கு ஏற்பட செயல்படும் கணினியை வடிவமைத்துள்ளனர்.அருணை பொறியியல் கல்லூரியில் இறுதி ஆண்டு பயிலும் மாணவர்கள் தங்கள் படிப்பின் நிறைவாக புதிய கண்டுபிடிப்புகளை வடிவமைத்து சமர்ப்பிக்கின்றனர். அதற்கு ஏற்ப அவர்களுக்கு மதிப்பெண்களும் தரப்படுகின்றன. மேலும் சிறந்த வடிவமைப்புகள் தேசிய அறிவியல் மாநாட்டுக்கும், இந்திய தொழில்நுட்ப கல்வி மையத்துக்கும் அனுப்பி வைக்கப்படுகின்றன.மாற்றுத்திறனாளிகள் சிலருக்கு கணினியை இயக்குவதில் சிரமம் ஏற்படுகிறது. இதைக் களையும் வகையில் அருணை பொறியியல் கல்லூரி கம்ப்யூட்டர் சயின்ஸ் பிரிவு இறுதி ஆண்டு மாணவிகள் சோ.கெüரி பிரியா, ஜீ.ஜீவிதா, ரா.மிரோஷினி ஆகியோர் 4 மாதங்கள் கடும் முயற்சியில் கண்களாலேயே கட்டுப்படுத்தப்படும் கணினியை வடிவமைத்துள்ளனர். கணினியின் மெüஸ் கருவியை இயக்குவதில் சிரமம் உள்ள மாற்றுத் திறனாளிகளுக்கு இக் கண்டுபிடிப்பு உதவும்.இதுதொடர்பாக அம்மாணவிகள் கூறியதாவது: எங்கள் துறை பேராசிரியர்கள் உதவியோடு இக்கணினியை வடிவமைத்துள்ளோம். கண் மற்றும் முக அசைவைக் கொண்டு (முக அசைவில் குறிப்பாக மூக்கு) இயங்கும் வகையில் இக்கணினி உருவாக்கப்பட்டது. இத்தகைய அசைவுகளை மின்திரையில் பதிவு செய்து அதற்கேற்ப கணினி இயங்குகிறது. மேலும் வலது கண் சிமிட்டல் மூலம் வலது புறமும், இடது கண் சிமிட்டல் மூலம் இடதுபுறமும் மெüஸ் கர்ஸர் இயக்கப்படுகிறது.கைகள் செயலிழந்த மாற்றுத் திறனாளிகள் தங்களை கண்கள் மூலம் கணினிகளை இயக்கி தங்கள் கட்டளைகளை நிறைவேற்றலாம். இந்த கணினி வடிவமைக்க எங்களுக்கு ரூ.18 ஆயிரம் செலவானது. அதிகளவில் தயாரித்தால் தயாரிப்புச் செலவு குறையும் வாய்ப்புள்ளது என்றனர்.இதேபோல் தனிப்பட்ட அடையாள எண் முறையில் மனிதர்களை வானொலி அதிர்வெண் மூலம் சான்றளிக்கும் முறை, தடைகள் மற்றும் போக்குவரத்து இயக்கத்தை கண்டறியும் பார்வையற்றோர் கைத்தடி, வளாகத்தின் உள்ளே செல்போனை கண்டுபிடிக்கும் கருவி, வாகனம் இருக்கும் இடத்தை கண்டுபிடிக்கும் கருவி, வாகன விபத்து உயிர்காக்கும் திட்டம் போன்றவற்றையும் மாணவர்கள் வடிவமைத்துள்ளனர்.

ஞாயிறு, 28 மார்ச், 2010


'ஊனமுற்றோர்' சொல்லை மாற்றி முதல்வர் ஆணை



சென்னை, மார்ச் 27: அரசு அலுவலகங்களின் பெயர்களில் உள்ள "ஊனமுற்றோர்' எனும் சொல்லை "மாற்றுத் திறனாளிகள்' என்று மாற்றி முதல்வர் கருணாநிதி உத்தரவிட்டுள்ளார்.இதுதொடர்பாக தமிழக அரசு சனிக்கிழமை வெளியிட்ட செய்திக்குறிப்பு:ஐக்கிய நாடுகள் சபை மேற்கொண்ட முடிவின்படி, "ஊனமுற்றோர்' என்ற சொல்லால் அழைக்கப்படுபவர்கள் இனி "மாற்றுத் திறனாளிகள்' என அழைக்கப்படுவார்கள் என்று முதல்வர் கருணாநிதி அறிவித்திருந்தார்.மாற்றுத் திறனாளிகளுக்கான தனித் துறை உருவாக்கப்படும் என பட்ஜெட்டிலும் அறிவிக்கப்பட்டது.இதன் தொடர்ச்சியாக, ஊனமுற்றோர் அலுவலகம் உள்ளிட்டவற்றின் பெயர்களை மாற்றி கருணாநிதி உத்தரவு பிறப்பித்துள்ளார்.அதன் விவரம்:"ஊனமுற்றோருக்கான மாநில ஆணையர் அலுவலகம்' இனி, ""மாற்றுத் திறனாளிகள் நல ஆணையரகம்' என அழைக்கப்படும்."தமிழ்நாடு ஊனமுற்றோர் நல வாரியம்' இனி, "தமிழ்நாடு மாற்றுத் திறனாளிகள் நல வாரியம்' என அழைக்கப்படும்."ஊனமுற்றோருக்கான மாநில ஆணையர்' இனி, "மாற்றுத் திறனாளிகளுக்கான மாநில ஆணையர்' என அழைக்கப்படுவார்."மாவட்ட ஊனமுற்றோருக்கான மறுவாழ்வு அலுவலர்' இனி, "மாற்றுத் திறனாளிகள் நல அலுவலர்' எனவும் அழைக்கப்படுவார் என்று செய்திக்குறிப்பில் தெரிவிக்கப்பட்டுள்ளது.
கருத்துக்கள்

பெயரை மாற்றிப் பயனில்லை. அவர்களின் வாழ்வாதாரத்தை உயர்த்த வேண்டும். நிலைமைகளை மாற்றாத வரை எந்தப் பெயர் சூட்டினாலும் அந்தப் பெயருக்கே வழக்கமான பொருள் சேர்ந்து விடும். ஒடுக்கப்பட்டவர்களைக் கடவுளின் குழந்தைகள் என்று கூடப் பெயர் மாற்றம் செய்தனர். அவர்களின் வாழ்க்கை உயர்ந்ததா? எனவே, ஊடகங்களில் கேலியாகச் சித்தரிக்கப்படுவதைத் தடுத்தும் வாழ்க்கை நிலைகளை உயர்த்தியும் தன்னம்பிக்கை அளித்தும் ஊனத்தைப் போக்கி மாற்றுத்திறனைப் பெருக்க வேண்டும்.

அன்புடன் இலக்குவனார் திருவள்ளுவன்

By Ilakkuvanar Thiruvalluvan
3/28/2010 4:35:00 AM

ஒரு ஊர்ல ஒரு 80 வயது கிழவனுக்கு ஏகப்பட்ட பெண்டாட்டிங்க , எண்ணற்ற பிள்ளைங்க , கணக் கற்ற பேரப பிள்ளைங்க, ஏராளமான எடுபிடிகள் ..இப்படிப் பட்ட சூழலில் அந்த வீட்டுக்கு சமைக்க உப்பு தேவைப்பட்டது ! சின்னப் பயலுக்கிட்ட 10 காச கொடுத்து வாங்கியாடான்னா ஒரு நொடில வாங்கி வந்துடுவான்! அப்படி செய்யாம அந்த கிழவன் கையில 10 காச கொடுத்தாங்க...கிழவன தூக்கி ஒரு பல்லக்குல வச்சாங்க....ஒரு பத்து.. பன்னண்டு பேரு பல்லக்க தூக்குனாங்க..ரோட்டுல கார் சைக்கிள் என்ன ...எவனும் நடக்க அனுமதி இல்லை !!! இப்படியாக ஒரு பத்து பன்னண்டு மைல் பயணம் பண்ணி கிழவன் , உப்பு வாங்கி வந்த கதைய விவரிக்க நேரம் இல்லை ....அனுமதியும் இல்லை !!! அனால் மக்கள் மட்டும் வாயப் பொளந்துகிட்டு பாத்து ஆச்சரியப் பட்டுப் போனாங்க!...பாருடா இந்த வயசுல இந்தக் கெழவன் என்னமா குடும்பத்துக்கு உழைக்கிறான் என்று .... இப்படித் தான் தெரியுது எனக்கு.... இந்தக் கருணாநிதி டெல்லிக்கு பயணம் பண்ணுறது !!!...ஆட்சி அதிகாரத்துல உட்கார்ந்து இருப்பது !!!

By rajasji
3/28/2010 1:50:00 AM
உங்கள் கருத்தைப் பதிவு செய்யுங்கள்