தேர்தல் தோல்வியால் தமிழர்கள் மீது சிங்களப்படை தாக்குதல்

"தேர்தல் தோல்வியால் ஆத்திரம்: தமிழர்கள் மீது இராணுவம் தாக்குதல்': தப்பி வந்த இலங்கையர் தகவல்

இராமேசுவரம்: இலங்கையில், தமிழ் தேசிய கூட்டணி வெற்றியால், ஆத்திரமடைந்த சிங்கள ராணுவம், தமிழ் இளைஞர்களை கடத்தி தாக்குவதாக, தனுஷ்கோடி வந்த இலங்கை அகதி தெரிவித்தார்.

இந்திய கடற்படை, கடலோர காவல்படை ரோந்து கப்பலில் சிக்காமல், இலங்கையை சேர்ந்த மர்ம படகில் வந்த மூவர், நேற்று அதிகாலை, தனுஷ்கோடி, அரிச்சல்முனை கடற்கரையில், இலங்கை தமிழர் ஒருவரை இறக்கி திரும்பினர். தனுஷ்கோடி போலீஸ் ஸ்டேஷனுக்கு வந்த அவரிடம், போலீசார் நடத்திய விசாரணையில், இலங்கை, வல்வெட்டி துறையை சேர்ந்த, செல்வ கிருஷணன், 39, என்பதும், 1984ல், அகதியாக தமிழகம் வந்து, 2011ல், பாஸ்போர்ட் மூலம், இலங்கை சென்றதும், தற்போது அகதியாக தனுஷ்கோடி வந்ததும் தெரிந்தது.

செல்வகிருஷ்ணன் கூறியதாவது:

சமீபத்தில் நடந்த, வடக்கு மாகாண தேர்தலில், தமிழ் தேசிய கூட்டணி கட்சி வெற்றி பெற்றது. தேர்தலில், தமிழ் தேசிய கூட்டணிக்கு, பிரசாரம் செய்த இளைஞர்களை, ராணுவ சி.ஐ.டி., பிரிவு, இரவோடு இரவாக கடத்திச் சென்று, சில நாள் வைத்து தாக்குகின்றனர். நானும் பிரசாரத்தில் ஈடுபட்டதால், ராணுவ சி.ஐ.டி., பிரிவினர், என்னை தேடி வந்தனர். உயிருக்கு பயந்து, மனைவி, குழந்தைகளை விட்டு, பேசாளை கடற்கரையில் இருந்த மீனவர் படகிற்கு, 10 ஆயிரம் ரூபாய் வாடகை கொடுத்து, தனுஷ்கோடி வந்தேன். இவ்வாறு, அவர் கூறினார்.

தோற்றுப் போகவில்லை!

தோற்றுப் போகவில்லை!

ஐந்து ரூபாய் சம்பளத்திலிருந்து, 30 கோடி வருமானம் ஈட்டுமளவிற்கு முன்னேறிய கிராமத்து பெண், ஜோதி ரெட்டி: நான், ஆந்திர மாநிலம், வாரங்கல் மாவட்டத்தின், மிக பின்தங்கிய கிராமத்தில் பிறந்தேன். பெற்றோருக்கு, ஐந்து பெண் குழந்தைகள். குடும்பத்தின் வறுமை காரணமாக, என் தந்தையே, நான் அனாதை எனச் சொல்லி, ஒரு இலவச காப்பகத்தில், 10 வயதிலேயே சேர்த்து படிக்க வைத்தார். மூன்று வேளை உணவு கிடைத்தாலும், இரவு தூங்கும் போது, அம்மா நினைவு வந்து அழுவேன். நன்கு படித்து, 10ம் வகுப்பில் அதிக மதிப்பெண்ணுடன் தேர்ச்சி பெற்றேன். வறுமையால் மேற்கொண்டு படிக்க முடியாமல், 18 வயதிலேயே திருமணம் நடந்தது. பொறுப்பில்லாத கணவரும், வதைக்கும் மாமியாரும், என் வாழ்க்கையை சீரழித்தனர். என்னை போல், பிள்ளைகளும் பசியால் பாதிக்கப்பட கூடாது என்ற எண்ணத்தில், 5 ரூபாய் சம்பளத்திற்கு விவசாய வேலை செய்து வந்தேன். நேரு யுவ கேந்திரா என்ற அமைப்பு, எங்கள் ஊரில் இருப்பவர்களுக்கு, எழுத படிக்க சொல்லித் தர, 150 ரூபாய் சம்பளத்தில், என்னை ஆசிரியராக நியமித்தது. ஆசிரியர் பணியின் போதே, தபால் மூலம் பட்ட மேற்படிப்பும், கம்ப்யூட்டர் தொடர்பான கல்வியும் படித்தேன். வாழ்க்கை இப்படியே முடிந்து விடுமோ என்ற பயத்தால், குழந்தைகளை விடுதியில் தங்கி படிக்க வைத்து, மாத ஊதியத்தை சிறுக சிறுக சேர்த்து, றவினர் மூலம் அமெரிக்கா சென்றேன். "என் தலையெழுத்தை, நான் தான் மாற்றியமைக்க வேண்டும். வேறு யாரும், எனக்காக கவலைப்பட போவதில்லை' என, புரிந்தது. பணம் சம்பாதிக்க, பல கடைகளில் வேலை செய்தேன். அமெரிக்க கம்பெனி ஒன்றில் நிரந்தர வேலை கிடைக்க, அங்கேயே தங்க முயற்சி பட த்து கஷ்டப்பட்டு, "ஒர்க் பர்மிட் விசா' பெற்றதால், விசா பெறும் வழிமுறைகள் நன்கு தெரியும். அதனால், "கீ சாப்ட்வேர் சொல்யூஷன்' என்ற, விசா வாங்கி தரும், குட்டி நிறுவனத்தை ஆரம்பித்தேன். வாழ்க்கையில் தோற்று போகாமல், கடின ழைப்பால், ஆண்டிற்கு, 30 கோடி சம்பாதிக்கும் அளவிற்கு முன்னேறி, இன்று குழந்தைகளுடன் சந்தோஷமாக

இருக்கிறேன்.

செனீவா தீர்மானம் - இலங்கைக்குத் தோல்வி: உருத்திரகுமாரன்

செனீவா தீர்மானம்- தமிழர்களுக்கு வெற்றி இல்லை; ஆனால் இலங்கைக்கு த் தோல்வி: உருத்திரகுமாரன்

By Sriram Senkottai

First Published : 22 March 2013 11:27 AM IST

ஜெனீவா ஐ.நா. மனித உரிமை கவுன்சிலில் நிறைவேற்றப்பட்ட இலங்கைக்கு எதிரான தீர்மானம், தமிழர்களுக்கு வெற்றி இல்லை; ஆனால், அது இலங்கைக்கு தோல்வியே என்று கூறியுள்ளார் நாடுகடந்த தமிழீழ அரசின் பிரதமர் ருத்திரகுமாரன்.
"தமிழீழ விடுதலைப் போராட்டத்தின் வெற்றி, இந்திய அரசை தம் வசப்படுத்துவதில் தமிழகம் அடையும் வெற்றியில்தான் பெரிதும் சார்ந்துள்ளது."
அமெரிக்காவினால் முன்மொழியப்பட்டு நிறைவேற்றப்பட்டுள்ள இந்தத் தீர்மானம் தமிழ் மக்களின் உணர்வுகளை எதிர்பார்ப்புகளை நெருங்கி வரவில்லை. இதனால் இத் தீர்மானத்தை நாம் தழிழர்களுக்குக் கிடைத்த வெற்றியாகக் கருத முடியாது. ஆனால் நிச்சயமாக இதனை இலங்கைக்கான தோல்வியாக நாம் பார்க்க முடியும் என்றார் ருத்திரகுமாரன்.
அவர் வெளியிட்ட அறிக்கையில்,
ஐக்கிய நாடுகள் மனித உரிமைப் பேரவையில் இலங்கை தொடர்பாக அமெரிக்கா கொண்டு வந்த தீர்மானம் 13 அதிகப்படியான வாக்குகளால் நிறைவேறியுள்ளது. 47 நாடுகளை உறுப்பினராக கொண்ட ஐக்கிய நாடுகள் மனித உரிமைப் பேரவையில் 26 நாடுகள் தீர்மானத்துக்கு ஆதரவாகவும் 13 நாடுகள் எதிராகவும் வாக்களிக்க 8 நாடுகள் வாக்கெடுப்பில் கலந்துகொள்ளாது நடுநிலையும் வகித்திருந்தன.
அமெரிக்காவினால் முன்மொழியப்பட்டு நிறைவேற்றப்பட்டுள்ள இத் தீர்மானம் தமிழ் மக்களின் உணர்வுகளை எதிர்பார்ப்புக்களை நெருங்கி வரவில்லை. இதனால் இத் தீர்மானத்தை நாம்தழிழர்களுக்கு கிடைத்த வெற்றியாகக் கருதமுடியாது. ஆனால் நிச்சயமாக இதனை இலங்கைவுக்கான தோல்வியாக நாம் பார்க்க முடியும்.
அனைத்துலக அழுத்தங்கள் எதுவுமின்றி, தான் விரும்பியவாறு அதிகாரத்தை தமிழர் தேசத்தின் மீதும் இலங்கைத் தீவின் ஏனைய மக்கள் மீதும் செலுத்த விரும்பும் மகிந்த ராஜபட்சவின் குடும்ப ஆட்சிக்கு இத் தீர்மானம் ஒரு தொல்லையாகவே இருக்கும். மேலும் இத்தகைய தீர்மானம் ஐக்கிய நாடுகள் மனித உரிமைப் பேரவையில் விவாதிக்கப்படுவதும் நிறைவேற்றப்படுவதும் சிங்களம் மறைக்கவும் மறக்கவும் விரும்பும் இறுதி போர்க்கால நிகழ்வுகளை அனைத்துலக அரங்கில் வெளிச்சத்துக்கு கொண்டு வருவதற்கு வழிகோலச் செய்கிறது.
கடந்த வருடத்தோடு ஒப்பிடும் போது இலங்கைக்கான ஆதரவு வீழ்ச்சியடைந்திருக்கிறது. இலங்கையின் உறுதியான ஆதரவு நாடான ஜப்பான் வாக்கெடுப்பில் கலந்து கொள்ளாது நடுநிலைமை வகித்திருப்பதை இங்கே குறிப்பிடலாம்.
இலங்கைக்கு ஆதரவாக வாக்களித்த நாடுகளை இலங்கையின் ஆதரவு நாடுகள் என்பதனை விட ஏதோ ஒரு வகையில் அமெரிக்க வெளியுறவுக் கொள்கைகைளுடன் முரண்பட்ட நாடுகள் எனக் குறிப்பிடுவதும் கூடுதல் பொருத்தமாக இருக்கும். இந்த உலகம் அமெரிக்கா தலைமையிலான ஒற்றை உலக ஒழுங்கில் (unipolar world order) இருந்து விலகி பல முனை உலக ஒழுங்கினுள் (Mulit-polar world order) நுழையும் காலகட்டத்தில் நாம் வாழ்கிறோம் என்பதனையும் எடுத்துக்காட்டுகிறது.
இருந்தபோதும் இலங்கை அனைத்துலக அரங்கில் கூடுதலான தனிமைப்பட்டு வருகிறது என்பதனை ஐக்கிய நாடுகள் மனிதஉரிமைப் பேரவை வாக்கெடுப்பு சுட்டிக் காட்டுகிறது.
தமிழ் மக்களைப் பொறுத்தவரை ஐக்கிய நாடுகள் மனித உரிமைப் பேரவையில் முன்வைக்கப்படும் தீர்மானங்களில் இரண்டு விடயங்கள் உள்ளடக்கப்படுவது மிகவும் முக்கியமானது.
1) முதலாவது, ஈழத்தில் தமிழ் மக்களுக்கு எதிராக சிங்கள அரசு இனஅழிப்பு (Genocide) புரிகிறது என்பது தீர்மானத்தில் உள்ளடக்கப்படல்.
2) இரண்டாவது, இன அழிப்பில் ஈடுபட்டவர்கள் மீது அனைத்துலக விசாரணை, நீதியான பக்கச் சார்பற்ற விசாரணை மேற்கொள்ளப்பட்டு பாதிக்கப்பட்டுவர்களுக்கு நீதி வழங்கப்பட வேண்டும் என்பது உள்ளடக்கப்படல்.
இந்த இரண்டையும் அமெரிக்கத் தீர்மானம் உள்ளடக்கவில்லை. இதனால் இத் தீர்மானத்தை தமிழர்களுக்கு மகிழ்ச்சி தரும் தீர்மானமாக, திருப்பதிப்படுத்தும் தீர்மானமாக நாம் கருதமுடியாது.
இதேவேளை ஐக்கிய நாடுகள் மனிதஉரிமைப் பேரவையில் அரசுகள் இயங்கும் நடைமுறையினைப் அறிந்தவர்கள் என்ற வகையிலும் நலன்களின் அடிப்படையில் அமையும் அரசுகளின் லாப நட்டக் கணக்களின் சூத்திரங்களைப் புரிந்தவர்கள் என்ற வகையிலும் இந்தத் தீர்மானம் எமக்கு ஆச்சரியமான ஒன்றாக அமையவில்லை.
இருப்பினும் நீதி கோரும் தமிழ் மக்களின் நீதிக்கான குரல் இத் தீர்மானத்தில் உரிய முறையில் மதிக்கப்படவில்லை என்பது குறித்து நமது அதிருப்தியினை பதிவு செய்ய விரும்புகிறோம்.
குறைந்தபட்சம் இலங்கைத் தீவில் தமிழ் மக்களுக்கு அநீதி இழைக்கப்பட்டிருக்கிறது என்பதுகூட தீர்மானத்தில் உரியவகையில் உள்ளடக்கப்படவில்லை என்பது மிகவும் வருத்தமளிக்கும் ஒன்றாகும்.
மத அடிப்படையிலும் அரசியல் கருத்து அடிப்படையிலும் இலங்கைத் தீவில் மனித உரிமைகள் மீறப்படுகின்றன என்று குறிப்பிடும் இத் தீர்மானம் இலங்கைத் தீவில் பாரிய முறையில் மனித உரிமை மீறல்கள் தமிழினம் அடிப்படையிலேயே மீறப்படுகின்றன என்ற உண்மையை சுட்டிக் காட்டாமையை நாம் கண்டிக்கின்றோம்.
இத் தருணத்தில், நாம் கவனத்திற் கொள்ள வேண்டிய சிலவற்றை மக்களுடன் பகிர்ந்துகொள்ளுதல் முக்கியம் எனக் கருதுகிறேன்.
நாம் உலக அரசுகளுடன் நமக்கு நியாயம் கிடைப்பதற்காக அரசியல் ராஜதந்திர வழிகளில் தொடர்சியாகப் போராட வேண்டியவர்களாக உள்ளோம். இலங்கைத் தீவில் சிங்கள அரசாங்கம் தமிழீழ மக்கள் மேல் கட்டவிழ்த்துவிட்டுள்ள கொடூர வன்முறை இனஅழிப்பின் (genocide) பாற்பட்டது என்பதைப் புரிந்து கொள்வது ஒன்றும் கடினமான ஒன்றல்ல.
இருப்பினும் இதனை இன அழிப்பாக வெளிப்படுத்தாது வன்னிப் போரின் இறுதிக் கட்டத்தில் நிகழ்ந்தது இரு தரப்பிரானாலும் புரியப்பட்ட போர் குற்றம் என்ற நிலைப்பாட்டையே அனைத்துலக அரசுகள் கொண்டிருக்கின்றன.
இன அழிப்பை ஏற்றுக் கொள்ளும் பட்சத்தில் அதற்கு பாதுகாப்பான தீர்வாக பாதுகாப்பு, (self defense), தன்னினம் பேணுதல் (self preservation) ஆகிய சர்வதேச சட்ட தார்மீகக் கோட்பாடுகளின் அடிப்படையில் பரிகார நீதியாக remedial justice ) தமிழீழத் தனி அரசு அமைக்கும் நிலையை ஏற்றுக் கொண்டாக வேண்டிய நிலை உள்ளது குறிப்பிடத்தக்கது.

துரத்திய தோல்வி வென்ற மன உறுதி

சொல்கிறார்கள்

"துரத்திய தோல்வி  வென்ற மன உறுதி!'
"பேப்பர் கப்' தயாரிப்பில் ஈடுபட்டுள்ள தேவகி: பேராசிரியை வேலை தான், என் கனவு. அரசு வேலையில் உள்ள மாப்பிள்ளை என்ப தால், டிகிரி முடித்ததும், திருமணம் செய்து விட்டனர். கொஞ்ச நாளிலேயே, "சட்டி, பானை சுரண்டுவதிலேயே என் வாழ்க்கை கழியப் போகுதா... பணத்திற்கு கடைசி வரை, உங்க கையை தான் எதிர்பார்க்க வேண் டுமா?' என, கணவரிடம் ஆதங்கப்பட்டேன். என் எண்ணத்தை புரிந்து கொண்ட அவர், சுய தொழில் துவங்க ஆதரவளித்தார். ஐஸ் கிரீம் பார்லர் துவங்கினேன். கோடையில் ஓரளவு ஓட்டம் இருக்கும்; பின், மந்தமாகி விடும். ஒரு கட்டத்தில் என் நிலைமை கணவருக்கு தெரிய வர, குத்திக் காட்டி பேசாமல், அனுசரணையாக இருந்தார். அப்போது, குடும்ப நண்பர் ஒருவர், என் பேச்சுத் திறமையைப் பார்த்து, "எல்.ஐ.சி., முகவராகலாமே' என, யோசனை கூறினார். ஏற்கனவே சந்தித்த தோல்வியால் நான் தயங்க, என் கணவர் பணம் கட்டி, என்னை தேர்வெழுத வைத்தார்; தேர்வில் பாஸ் ஆகிவிட்டேன். ஆரம்பத்தில் தடுமாறினாலும், ஐந்து ஆண்டில், மாதம், 40 ஆயிரம் ரூபாய் சம்பாதிக்கும் அளவுக்கு, தேறி விட்டேன். அடுத்து புதிதாக ஏதாவது தொழில் செய்யலாம் என, யோசித்த போது, என் கணவர், பணம் தர மறுத்து விட்டார். மனம் சோர்ந்து போகாமல், "பேப்பர் கப்' தொழில் செய்ய முடி வெடுத்தேன். ஒரே ஆளாக, "பேப்பர் கப்' தொழில் செய்யலாம் என, புரிந்து கொண்டேன். வங்கியில் கடன் வாங்கி, ஏழு லட்சம் ரூபாய் முதலீட்டில், தொழில் துவங்கினேன். தொழில் துவங்கிய போது, கேரளாவில் இருந்து வந்த, ஆர்டருக்காக, 50 ஆயிரம் கப்களை தயாரித்து, டெலிவரிக்காக வைத்திருந்தேன். சில பிரச்னையால், பொருட்கள் தேக்கம் அடைய, சோர்ந்து போனேன். சில நாளில் அந்த பிரச்னை தீர்ந்து, தயாரித்த கப்கள் அனைத்தும் விற்பனையாகின; தொழிலும் வளர்ந்தது. இப்போது, பெரிய நிறுவனங்களை நானே தொடர்பு கொண்டு, என் தயாரிப்பு பற்றி சொல்கிறேன்; "ஆர்டர்' வாங்குகிறேன்.