intorduction to web udaru ;இணைய அறிமுகம் ஊடறு

கலர் என்பதைத்தமிழ்ச்சொல் என எண்ணி விட்டீர்களா? வண்ணம், நிறம் என ஏதேனும் ஒன்றைக் குறிப்பிடலாம் அல்லவா? அன்புடன் இலக்குவனார் திருவள்ளுவன்

இணைய அறிமுகம் :

ஊடறு  -  udaru.blogdrive.com
இந்த வாரம் நாம் காணவிருப்பது ‘ஊடறு’ என்ற தமிழ் இணையம். இதன் முகப்புப் பகுதியில் ஒரு விழிமூடப்பட்ட நிலையில் ஒரு பெண்ணின் ஒற்றை விழி மட்டும் இருக்க, இதனருகே ஊடறு என்று எழுதப்பட்டுள்ளது. இவ்விணையத்தின் முகப்புப்பகுதி கருநீலக் கலரில் உள்ளது. இதில் உள்ள தலைப்புகள் யாவும் வெள்ளைக் கலரில் பளிச்சிடுகின்றன. இம்முகப்பில்  கடலில் படகு சென்றவாறு உள்ள படத்திற்கருகே ‘அதிகார வெளியினை ஊடறுக்கும் பெண்குரல்’  என்ற வாசகம் உள்ளது. இதன் இடதுபுறத்தில் INPO, ஆர்வலர்கள், உள்ளீடுகள், ஓவியம் / புகைப்படம், கவிதைகள், குறும்படங்கள், நூல்கள் போன்ற தலைப்புகளில் பல கருத்துக் குவியல்கள் உள்ளன.
இத்தலைப்பில் ‘உள்ளீடுகள்’ என்ற பகுதிக்குள் சென்றால் ‘ஊடறு பெண்குரல் அவிழ்க்கும் இணைய இதழ்’ பகுதி உள்ளது. இதில் பெண்ணுக்கெதிரான தீண்டாமை, வன்முறை, குறும்பட விழா போன்ற பல தலைப்புகளில் செய்திகள் உள்ளன. மேலும் 2005 முதல் 2010 வரை வந்த பெண்ணியம் சார்ந்த செய்திகள் பல உள்ளன. கவிதைகள் என்ற தலைப்பில் 49 பெண் கவிஞர்களின் பெண்ணியம் சார்ந்த சிறந்த கவிதைகள் இப்பகுதியில் உள்ளன. ஓவியம் / புகைப்படம் என்ற தலைப்பில் சுவாமியின் கோரமான அழிவுப் புகைப்படங்கள் உள்ளன. மேலும் குறும்படமும் ஆவணப்படமும் சேர்ந்து மொத்தம் 27 உள்ளன. நூல்கள் என்ற தலைப்பிற்குள் புது உலகம் எமை நோக்கி, ஊடறு, பெண்கள் சந்திப்பு மலர் – 2004, அனார் ஓவியம், வரையாத தூரிகை, சொல்லாத சேதிகள், உரத்துப் பேச, உயிர்வெளி, வன்மம், மை போன்ற பல நூல்களின் தொகுப்புகள் உள்ளன.
இம்முகப்பின் இடது ஓரத்தில் ‘அண்மைப் பதிவுகள்’ என்ற தலைப்பில் பல செய்திகள் உள்ளன. இதன் கீழ் ‘கருத்தாடல்கள்’ என்ற தலைப்பிலும் பல செய்திகள் உள்ளன. ‘வகைகள்’ என்ற தலைப்பில் அரங்கியல், அறிவிப்பு, இதழியல், உரையாடல், கட்டுரை, கவிதை, சினிமா / குறும்படம், சிறுகதை, செவ்வி, பதிவு, மடல், விமர்சனம், வேண்டுகோள் என்ற பல தலைப்புகளில் தலைப்பு சார்ந்த கருத்துக்கள், கட்டுரைகள் பல உள்ளன. இவ்விணையத்தின் முகப்பின் நடுவில் உள்ள பகுதிகளில் உள்ளூர் முதல் உலகம் வரை பெண்களுக்கெதிரான செய்திகள், வாழ்விழந்த பெண்களின் நேர்காணல் எனப் பல பெண்ணிய கருத்துக்கள் உள்ளன. ஆக மொத்தம் இந்த இணையமானது முழுக்க முழுக்க பெண்கள் சார்ந்த இணையமாக மட்டுமல்லாமல் பெண்ணியச் சிந்தனையோடு கூடிய கருத்துக்களே அதிகம் இடம்பெற்றுள்ளது. பெண்களுக்கான மொத்த தரவுகளைக் கூறுகிறது என்பதிலும் ஐயமில்லை.
-க. சித்திரசேனன்

செந்தமிழ் அரிமா சி.இலக்குவனார்
தமிழ் இனப் போராளி
கு.முத்துக்குமார்

படத்திறப்பு விழா தி.பி. 2041, தை 11 ( 25-1-2011), செவ்வாய்க்கிழமை

cong.wants berth in govt. : E.V.K.S.I. : அமைச்சரவையில் காங்கிரசுக்கு இடம் வேண்டும்: ஈ.வெ.கி.ச. இளங்கோவன்

தி.மு.க. தனிப் பெரும்பான்மையுடன் ஆட்சி அமைத்தாலும் எனக் கோவன் சொல்வதில் இருந்தே தமிழ்நாட்டில் காங்.விரட்டப்படும் என்பதை உணர்ந்துள்ளார் என்பது புரிகிறது. விரட்டப்படும் கட்சி ஆட்சியில் அமர ஆசைப்படுவது மக்களாட்சியைக் கேலிக்கூத்தாக்கும். மனித நேயர்களே! காங்.ஐ அடியோடு விலக்குங்கள். 

அன்புடன் இலக்குவனார் திருவள்ளுவன்

அமைச்சரவையில் காங்கிரசுக்கு இடம் வேண்டும்: ஈ.வி.கே.எஸ். இளங்கோவன்

First Published : 25 Jan 2011 12:02:00 AM IST

Last Updated : 25 Jan 2011 04:46:36 AM IST

தூத்துக்குடி, ஜன. 24: திமுக தனிப் பெரும்பான்மையுடன் வெற்றி பெற்றாலும் காங்கிரஸ் கட்சிக்கு அமைச்சரவையில் இடம் வழங்க வேண்டும் என்று முன்னாள் மத்திய இணை அமைச்சர் ஈ.வி.கே.எஸ். இளங்கோவன் கூறினார்.  தூத்துக்குடியில் திங்கள்கிழமை நடைபெற்ற வடக்கு மாவட்ட காங்கிரஸ் தலைவர் பி. கதிர்வேல் இல்லத் திருமண விழாவில் கலந்துகொண்ட இளங்கோவன், பின்னர் செய்தியாளர்களிடம் கூறியதாவது:  வரவிருக்கின்ற தமிழக சட்டப் பேரவைத் தேர்தலில் எந்தக் கட்சிக்கு எத்தனை தொகுதி, எந்தத் தொகுதி என்பது குறித்து அகில இந்திய காங்கிரஸ் தலைவர் சோனியா காந்தியும், தமிழக முதல்வர் கருணாநிதியும் முடிவு செய்வார்கள்.  அமைச்சரவையில் இடம் வேண்டும் என்பது எங்களது கோரிக்கை. பதவி வேண்டாம் என்று யாரும் சொல்லமாட்டார்கள். திமுக தனிப் பெரும்பான்மையுடன் ஆட்சி அமைத்தாலும், கூட்டணிக் கட்சி என்கிற முறையில் காங்கிரஸ் கட்சிக்கு அமைச்சரவையில் இடம் வழங்க வேண்டும்.  காங்கிரஸ் தொண்டர்களின் கருத்தைதான் இதுவரை கூறி வந்தேன். இப்போதும் கூறுகிறேன். நேற்று பேசியது, அதற்கு முந்தைய நாள் பேசியது பற்றியெல்லாம் கருத்து கூற விரும்பவில்லை. இப்போது என்ன நிலை என்பதுதான் முக்கியம் என்றார் இளங்கோவன்.  இணைந்து செயல்படுவோம்: முன்னதாக, திருமண விழாவில் மத்திய அமைச்சர் வாசனும், இளங்கோவனும் கலந்துகொண்டனர். அப்போது இளங்கோவன் பேசியது:  இந்த விழாவில் நானும் வாசனும் ஒன்றாக கலந்துகொண்டிருப்பதை பலரும் இங்கே குறிப்பிட்டனர். நானும் வாசனும் ஒன்றாக இருப்பது இயற்கைதான். காங்கிரஸ் கட்சியை பேரியக்கமாக வளர்க்க இருவருமே ஒன்றாகச் செயல்பட்டு வருகிறோம். இதில், எங்களுக்குள் எந்தவித வேறுபாடும் கிடையாது.  என்னுடைய குரல் வேண்டுமானால் சற்று பெரிதாக இருக்கும். ஆனால், வாசன் வேலையில் பெரியவர். அடுத்த சில மாதங்களில் நடைபெறவுள்ள தேர்தலில் வெற்றி பெற வேண்டும் என்பதுதான் நமது நோக்கமாக இருக்க வேண்டும். தேர்தல் அறிவிக்கப்படும்வரை, கூட்டணி குறித்து முடிவெடுக்கும்வரை கருத்துகளைச் சொல்லிக் கொண்டிருப்பதில் தவறில்லை.  ஆனால், தேர்தல் குறித்து சோனியா காந்தி என்ன முடிவெடுத்து அறிவிக்கிறாரோ அதனை அப்படியே ஏற்று பணியாற்றுவோம் என்றார் அவர்.  விழாவில் பேசிய பலரும் ஜி.கே. வாசனும் இளங்கோவனும் இணைந்து செயல்பட வேண்டும் என்ற கருத்தை முன்னிறுத்திப்பேசினர்.

Birth annivesary of Nethaji Subash chandira bose: இன்று சுபாசு சந்திரபோசு பிறந்த நாள்

பழைய கட்டுரை அவ்வாறே வெளியிடப்பட்டுள்ளது. எனவேதான் இக்கட்டுரையில்  முகர்சி ஆணையம் தன் அறிக்கையை 2005 நவம்பரில் வெளியிடும் என உள்ளது. அந்த ஆணையம்  18.08.1945 அன்று  தேசத்தலைவர் சுபாசு சந்திர போசு இறக்கவில்லை என அறி்க்கை அளித்தது. ஆனால், இந்திய அரசு அந்த அறிக்கையை ஏற்கவல்லை.  பைசியாபாத் நகரில் வாழ்ந்து வந்த  கும்நாமி பாபா என்பவர்தான் போசு எனச் சொல்லப்பட்டது.  அவரது பிறந்த நாள்  போசு  பிறந்த நாளான 23.01. இல் கொண்டாடப்பட்டதாலும், அவர் திரை  மறைவில் இருந்தே காட்சியளித்ததாலும் அவரது  உருவ அமைப்பு, கண்ணாடி முதலானவை போசு அவர்களுடன் ஒத்துப் போனதாலும்  அவரது வீட்டில் போசு குடும்பப் படங்கள் இருந்தமையாலும் அவ்வாறு நம்பப்பட்டது. அவரும்  1985 இல் மறைந்துவிட்டார்.  மேலும் இவ்வாணையத்திற்கு முன்பு அமைக்கப்பட்ட சாநவாசு ஆணையமும் கோசுலா ஆணையமும்  போசு இறப்பை உறுதி செய்திருந்தும் அவற்றையும் மத்திய அரசு ஏற்கவில்லை.  இவர் வழியில் நாட்டு விடுதலைக்குப் பாடுபடும் தமிழ்த் தேசிய ஞாலத் தலைவர் மேதகு பிரபாகரன் அவர்கள்  விரைவில் வெளிவந்து போராட்டத்தை முன்னின்று நடத்தி வெற்றி காண்பார். 

அன்புடன் இலக்குவனார் திருவள்ளுவன்

 

இன்று சுபாஷ் சந்திர போஸ் பிறந்த நாள்

January 23rd, 2011 வரலாற்றுப்பதிவுகள்

நேதாஜி (தலைவர்) என்று இந்திய மக்களால் மரியாதையுடன் அழைக்கப்படும் சுபாஷ் சந்திர போஸ் (ஜனவரி 23, 1897 – ஆகஸ்டு 18, 1945) இந்திய சுதந்திரப் போடட்டத் தலைவர். இரண்டாம் உலக போர் சமயத்தில் வெளிநாடுகளில் போர் கைதிகளாய் இருந்த நூற்றுக்கணக்கான இந்தியர்களை ஒன்றுதிரட்டிஇந்திய தேசிய ராணுவத்தை உருவாக்கி அப்போது இந்தியாவை ஆட்சி செய்த ஆங்கிலேயருக்கு எதிராக தாக்குதல் நடத்தியவர்.

இவர் 1945 ஆகஸ்ட் 18 அன்று தைவான் நாட்டில் ஒரு விமான விபத்தில் இறந்து விட்டதாக கருதப்பட்டாலும், அவர் அப்போது இறக்கவில்லை என்பதற்கு பல சான்றுகள் உள்ளன. அவர் ரஷ்யாவிற்கு சென்று 1970களில் இறந்துவிட்டதாகவும், அல்லது ஒரு சன்னியாசியின் வடிவில் வட இந்தியாவில் மறைமுகமாக வாழ்ந்து 1985 இல் இறந்து விட்டதாகவும் பல கருத்துக்கள் உள்ளன. 1945 ஆம் வருடம் ஆகஸ்டு 14 முதல் செப்டம்பர் வரை எந்த விமான விபத்தும் தைவானில் ஏற்படவில்லை என அந்நாட்டு அரசு தெரிவித்திருப்பது போல் அவ்வாண்டு இறக்கவில்லை என்ற வாதத்திற்கு வலுவூட்டியுள்ளது. இந்திய அரசால் நியமிக்கப்பட்டு இதைப்பற்றி விசாரித்து வரும் முகர்ஜி கமிஷன், தன் இறுதி அறிக்கையை 2005 நவம்பரில் வெளியிடும் என்று தெரிகிறது.
சுபாஷ் சந்திர போஸ் 1897 ஆம் வருடம் இந்தியாவின் ஒரிசா மாநிலத்தில்லுள்ள கட்டாக் என்ற இடத்தில் பிறந்தார். இவரது தந்தையார் ஜானகிநாத் போஸ். போஸ் ராகின்சேவ் காலேஜ் ஸ்கூல் – கட்டாக், ஸ்காடிஷ் சர்ச் ஸ்கூல், கல்கட்டா மற்றும் பிட்ஷ்வில்லியம் காலேஜ் ஆகிய இடங்களில் படித்தார். 1920 இல் இந்திய மக்கள் சேவை படிப்புக்கான நுழைவுத்தேர்வில் பங்கேற்ற அவர் இந்தியாவிலேயே நான்காவதாக வந்தார். எனினும் ஏப்ரல் 1891 இல் மதிப்புமிக்க இந்திய மக்கள் சேவையிலிருந்து வெளியேறிய அவர் இந்திய சுதந்திர போரட்டத்தில் பங்கேற்றார்.
}

 

Prof.Dr.S.Ilakkuvnar : unveil of portrait: 25-1-2011 - பேராசிரியர் சி. இலக்குவனார் படத்திறப்பு விழா :

25-1-2011 - பேராசிரியர் சி. இலக்குவனார் படத்திறப்பு விழா :

செந்தமிழ்க் காவலர் பேராசிரியர் சி. இலக்குவனார் அவர்களின் படத்திறப்பு விழா மற்றும் தமிழ் இனப் போராளி கு.முத்துக்குமார் படத்திறப்பு தி.பி. 2041, தை 11 ( 25-1-2011), செவ்வாய்க்கிழமை அன்று திருக்குறள் தேசிய நூல்-தமிழ் மைய ஆட்சிமொழி மாநாட்டில், தலைநகரத் தமிழ்ச்சங்கம் நடத்துகிறது.
நிகழ்ச்சியைப் பற்றிய முழு விபரங்களை மற்றும் அழைப்பிதழ் காண இங்கே அழுத்தவும்

dinamani editorial: தலையங்கம்: நீதி கிடைப்பது எப்போது?

நல்ல தலையங்கம். தேர்தலில் காங்கிரசிற்குப் பாடம் புகட்டினால் அதன் பின் நீதி கிடைக்கும்.
வாக்குரிமையை விற்றுக் காங்கிரசிற்குப் பாடம் புகட்டத் தவறினால் அநீதியே தொடரும்.
அன்புள்ள இலக்குவனார் திருவள்ளுவன்

தலையங்கம்: நீதி கிடைப்பது எப்போது?

First Published : 24 Jan 2011 12:41:32 AM IST

Last Updated : 24 Jan 2011 12:48:58 AM IST

இலங்கைக் கடற்படையால் கடந்த 12-ம் தேதி ஒரு மீனவர் சுட்டுக் கொல்லப்பட்டார். சரியாக பத்து நாள்கள் முடியவில்லை. அதற்குள் நாகை மாவட்டம், புஷ்பவனத்தைச் சேர்ந்த மீனவர் ஜெயக்குமாரை இலங்கைக் கடற்படை கழுத்தை நெரித்துக் கொன்றிருக்கிறது.வழக்கம்போல மத்திய வெளியுறவுத் துறை அமைச்சர் இலங்கை அரசுக்குக் கண்டனம் தெரிவித்து, கடற்படையின் அத்துமீறலைக் கட்டுப்படுத்துங்கள் என்று கேட்டுக் கொண்டுள்ளார். வழக்கம்போல தமிழக அரசும் இறந்த மீனவரின் குடும்பத்துக்கு ரூ. 5 லட்சம் அறிவித்துள்ளது. வழக்கம்போல, இலங்கைக் கடற்படையும் இந்த மரணத்துக்கு நாங்கள் காரணமல்ல என்று கூறியுள்ளது. அப்படியானால் யார்தான் காரணம்? மீனவர் ஜெயக்குமார் வானத்தில் கயிறு மாட்டி தூக்கிட்டுக் கொண்டார் என்று சொல்லுமா இலங்கைக் கடற்படை?அரபிக் கடலில் இந்திய-பாகிஸ்தான் கடல் எல்லையில் இந்திய மீனவர்கள் பாகிஸ்தான் ராணுவத்தால் சுட்டுக் கொல்லப்படுவதாகச் செய்திகள் வருவதில்லை. அதேபோன்று வங்கக் கடலோரம் வங்கதேசப் பகுதியில் மீன் பிடித்தார்கள் என்று மேற்குவங்க மாநில மீனவர்கள் இறப்பதாகவும் செய்திகள் இல்லை. ஆனால், தொடர்ந்து தமிழக மீனவர்கள் மட்டுமே இலங்கைக் கடற்படையால் சுட்டுக் கொல்லப்பட்டு வருகின்றனரே, இது ஏன்? எப்படி?விடுதலைப் புலிகள் முழு பலத்துடன் இலங்கையை எதிர்த்துக் கொண்டிருந்த நேரத்தில் தமிழக மீனவர்கள் கடலில் சுட்டுக் கொல்லப்பட்ட வேளையில் சொல்லப்பட்ட ஒரே காரணம், இந்த மீனவர்கள் விடுதலைப் புலிகளுக்கான இன்றியமையாப் பொருள்களை, மருந்துகளை, பெட்ரோல், டீசலை கொண்டு சென்றனர் என்பதாகவே இருந்தது. ஆனால், இப்போது இலங்கையில் விடுதலைப் புலிகளே இல்லை, அவர்களை முற்றிலுமாக அழித்து விட்டோம் என்று இலங்கை அரசே வாக்குமூலம் வழங்கிவிட்டிருக்கும் நிலையில் நமது அப்பாவி மீனவர்கள் கொல்லப்படுவதன் காரணம்தான் என்ன?யாழ்ப்பாணத்துக்கு வந்து பொங்கல் பண்டிகையில் கலந்துகொள்கிறார் இலங்கை அதிபர் ராஜபட்ச. யாழ்ப்பாணத்தில் அமைதி நிலவுகிறது என்பதன் இன்னொரு அடையாளமாகஅங்கே அண்மையில் இந்தியன் வங்கி தனது அயல்நாட்டுக் கிளையைத் திறந்திருக்கிறது. இன்னும் நிறைய வங்கிகள் தங்கள் கிளையைத் திறக்கவுள்ளன என்றும் அறிவிக்கப்பட்டிருக்கிறது. அந்த அளவுக்கு மாறுதல் ஏற்பட்டுவிட்ட பிறகும், இந்திய மீனவர்கள் கடல் எல்லையைக் கடப்பது நிகழ்ந்தாலும் அது எந்த உள்நோக்கமும் இல்லாமல், மீன்பிடிக்கும் ஆர்வத்தில் எல்லை கடந்ததாக இருக்குமே தவிர, வேறு எந்தவித காரணங்களுக்காகவும் இருக்க முடியாதே! பிறகும் அவர்கள் கொல்லப்படுவதன் காரணம் என்ன? தமிழர்கள்மீதான வெறுப்பா, இல்லை இந்திய அரசு எதுவும் செய்யாது என்கிற நினைப்பா?தமிழக மீனவர்கள் எல்லை கடக்காமல் இருக்கும்படிச் செய்வதற்கான அறிவியல் கருவிகளை அளிக்க வேண்டும் என்பதும், கரையிலிருந்து குறிப்பிட்ட கடல் மைல்களைத் தாண்டும்போது எச்சரிக்கை மணியோசை கூடிய பிரத்யேகமான ஒலிப்பான்களைப்படகுகளில் நிறுவுவதும் இத்தகைய சம்பவங்கள் நிகழாமல் தடுக்க உதவும். ஆனால்,தமிழக அரசு இதுவரை அப்படி எந்த நடவடிக்கையும் எடுக்கவில்லை. மத்திய அரசாவது அதற்காக முயற்சிகளை ஊக்குவித்ததா என்றால் இல்லை. அப்படியானால், செத்தால் சாகட்டும் என்கிற அக்கறையின்மையா?கடந்த 12-ம் தேதி இலங்கைப் படையால் சுடப்பட்டு தமிழக மீனவர் இறந்தபோது சட்டப்பேரவையிலேயே இதுகுறித்து பேசப்பட்டது. இந்தியக் கடல் எல்லையை மீனவர் கடக்காதபடி, ஒளிரும் விளக்குகள் கொண்ட மிதவைகளை -அவை நகராதபடி நங்கூரம் பாய்ச்சி- மிதக்கவிடுவதாக அரசு அறிவித்தபடி செய்திருக்கலாமே, ஏன் செய்யவில்லை?சபரிமலை விபத்தின்போது, மலையில் எவ்வளவு நெரிசல் இருக்கிறது என்பதை செயற்கைக்கோள் படங்களை மூலம் அளித்து உதவிடத் தயார் என்று அறிவித்த இஸ்ரோ,கடல்எல்லையில் ராணுவ வீரர்களின் அத்துமீறலையும் செயற்கைக்கோள் உதவியுடன் படம்பிடித்துக் கொடுக்க முடியும். இலங்கை - இந்தியக் கடல் எல்லை என்பது மிகக் குறுகிய தொலைவுதான். இப்பகுதியில்இந்தியக் கடற்படையின் கப்பல் நிலையாக நிறுத்தப்பட்டு, வானுயர்ந்த பலூன்களில் சக்திவாய்ந்த கேமிராக்களைப் பொருத்தி, பல மைல் தூரத்துக்குக் கண்காணிப்பதும் சுலபம். நவீன உலகில் இவற்றைக் கண்காணிக்க, தடுக்க நிறைய வசதி, வாய்ப்புகள் உள்ளன. இதிலெல்லாம் தமிழக அரசும் மத்திய அரசும் அக்கறை காட்டவில்லையே, ஏன்?விடுதலைப் புலிகளுக்கு எதிராக ராஜபட்ச அரசு தாக்குதல் நடத்தத் தொடங்கியது முதல் இந்திய அரசியல் போக்கில் ஒரு மிகப்பெரிய மாறுதல் ஏற்படத் தொடங்கியது. இலங்கை அரசு எது செய்தாலும் அதை ஆதரிப்பது, தவறு செய்தால் கண்களை மூடிக் கொள்வது என்கிற மத்திய அரசின் போக்குக்கு என்ன காரணம் என்பது புரியவில்லை. தமிழிலும் இசைக்கப்பட்ட இலங்கையின் தேசிய கீதம் எந்தவிதக் காரணமும் இல்லாமல் ரத்து செய்யப்பட்டபோதுகூட, இலங்கைத் தமிழர்களுக்காக நீலிக்கண்ணீர் வடிக்கும் நமது மத்திய, மாநில அரசுகள் மௌனம் சாதித்தனவே தவிர, எச்சரிக்கைக் குரல்கூட எழுப்பவில்லை.தொடர்ந்து மீனவர்கள் கொல்லப்பட்டு வருகிறார்கள். தமிழக அரசு கடிதம் எழுதுகிறது. முதல்வர் வேண்டுகோள் விடுக்கிறார். மத்திய அரசு எச்சரிக்கை செய்வதாக அறிவிக்கிறது. அத்தோடு பிரச்னை கைகழுவப்படுகிறது.மத்திய அரசு நியாயமாக என்ன செய்ய வேண்டும்? இலங்கை அதிபர் ராஜபட்சவைஇந்தியப் பிரதமர் நேரில் அழைத்து எச்சரிக்க அல்லவா வேண்டும்? பலமுறை இலங்கைத் தூதரிடமும், வெளியுறவுத்துறை அமைச்சர் மூலமும் வேண்டுகோள், எச்சரிக்கை என்று விடுத்தும் பயனில்லாத நிலையில் அதுவல்லவா அடுத்த முடிவாக இருக்கும். ஆனாலும் தயங்குகிறார்கள். பயப்படுகிறார்கள். வலிமை மிகுந்த இந்தியா குட்டி இலங்கையிடம் பயப்படுகிறதே, ஏன்?அவரவர் குடும்பத்தில் ஒருவர் மீன் பிடிக்கப்போய் சுட்டுக் கொல்லப்பட்டிருந்தால்தான் இவர்களுக்கு அதன் வலி தெரியும்! கொல்லப்படும் மீனவர்களின் குடும்பமும் ஒரு குடும்பம்தான் என்பது ஏன் நமது ஆட்சியாளர்களுக்கு மறந்து விடுகிறது?எதையுமே செய்யாமல், எதையுமே கேட்டுப் பெறாமல் தமிழக அரசு கடிதம் எழுதுகிறது. கொல்லப்பட்டவர்கள் குடும்பத்துக்கு ரூ.5 லட்சம் வழங்குகிறது. தேர்தல் காலச் சாவு என்றால் அதிக நிதி கிடைக்கிறது. ஆனால், நீதி கிடைப்பது எப்போது?

singhala refused the assassinatiion of fisherman: மீனவர் படுகொலை: இலங்கை மறுப்பு

என்ன செய்வது? போராளிகள் கொன்று விட்டுப் பழியைச் சிங்களப் படைமீது சுமத்துகிறார்கள் என இப்போது சொல்ல முடியாது. இப்படித்தானே சொல்ல வேண்டும்.  

வேதனையுடன் இலக்குவனார் திருவள்ளுவன்

மீனவர் படுகொலை: இலங்கை மறுப்பு

First Published : 24 Jan 2011 12:00:00 AM IST

Last Updated :

கொழும்பு, ஜன. 23: தமிழக மீனவர் ஒருவரை இலங்கை கடற்படையினர் கழுத்தை நெரித்து கொன்றதாக வெளியாகியுள்ள தகவலை அந்த நாட்டு கடற்படை மறுத்துள்ளது. நாகை மாவட்டம் புஷ்பவனத்தில் இருந்து சனிக்கிழமை கடலுக்குள் மீன் பிடிக்கச் சென்ற மீனவர் ஒருவரை இலங்கை கடற்படையினர் கழுத்தை நெரித்து கொன்று விட்டனர் என்று கூறப்படுகிறது. தமிழகத்தைச் சேர்ந்த மீனவர் ஒருவர் கடந்த 12-ம் தேதி இலங்கை கடற்படையினரால் சுட்டுக் கொல்லப்பட்டார். இந்த சம்பவம் பெரும் பரபரப்பை ஏற்படுத்தியது. அந்த பதற்றம் தணிவதற்குள் மீண்டும் இந்த படுகொலை நிகழ்ந்திருப்பது மேலும் அதிர்ச்சியை ஏற்படுத்தியுள்ளது. இந்நிலையில் இலங்கை கடற்படையின் செய்தித் தொடர்பாளர் அதுலா சேனாரத இது குறித்து ஞாயிற்றுக்கிழமை செய்தியாளர்களிடம் கூறுகையில், "எங்களது கடற்படையினர் இந்த சம்பவங்களில் ஈடுபட்டனர் என்று கூறுவது அடிப்படையற்றது. இது போன்ற செயல்களில் ஈடுபடக்கூடாது என ரோந்து பணியில் ஈடுபட்டுள்ள எங்களது கடற்படையினரை நாங்கள் அறிவுறுத்தி உள்ளோம். இந்த குற்றச்சாட்டுகளில் உண்மை இல்லை' என்று தெரிவித்துள்ளார்.

central govt.asked ambassador report about assassination of fisherman:

எதற்கு அறிக்கை கேட்கிறது? ஒரு வேளை மூவரையுமே அழித்திருந்தால் சான்று இல்லாமல் போய் இருநதிருக்குமே! ஏன், பிற இருவரை விட்டு வைத்தீர்கள் என்று சிங்கள அரசிடம் கேட்டுச் சொல்லுமாறு கேட்டிருப்பார்களோ! நொடிக்கு நொடி சிங்கள அரசை நட்பு நாடு என்று சொல்லும் இந்தியஎன்ன நிலைப்பாடு எடுக்கும் என்பது தெரிந்ததுதான். தமிழ் மக்கள்தாம் இப்படுகொலைகள் நிறுத்தப்பட என்ன நடவடிக்கை எடுக்கப்பட வேண்டும் என முடிவெடுத்துக் கட்சிச் சார்பின்றிச் செயல்பட வேண்டும். 

அன்புடன் இலக்குவனார் திருவள்ளுவன்

மீனவர் படுகொலை: தூதரிடம் அறிக்கை கேட்கிறது மத்திய அரசு

First Published : 23 Jan 2011 05:30:53 PM IST

Last Updated :

First Published : 23 Jan 2011 05:30:53 PM IST

Last Updated :

புதுதில்லி, ஜன.23- தமிழக மீனவர் படுகொலைகள் தொடர்பாக அறிக்கை சமப்பிக்குமாறு இலங்கையில் உள்ள இந்திய தூதருக்கு மத்திய அரசு உத்தரவிட்டுள்ளது.வெளியுறவுத்துறை அமைச்சர் எஸ்.எம். கிருஷ்ணா உத்தரவின் இந்தியத் தூதரிடம் அறிக்கை கேட்டு தகவல் அனுப்பப்பட்டுள்ளது.நேற்று, கோடியக்கரை அருகே கடலில் மீன் பிடித்துக் கொண்டிருந்த தமிழக மீனவர் ஜெயக்குமார் என்பவரை இலங்கை கடற்படையினர் கழுத்தை இறுக்கி படுகொலை செய்துள்ளனர். இச்சம்பவத்துக்கு முதல்வர் கருணாநிதி, வைகோ, ராமதாஸ் உட்பட தமிழக அரசியல் தலைவர்கள் கடும் கண்டனம் தெரிவித்துள்ளனர்.இந்நிலையில், மீனவர் படுகொலை தொடர்பாக கொழும்பில் உள்ள இந்தியத் தூதரிடம் மத்திய அரசு அறிக்கை கேட்டுள்ளது. மேலும், அந்த சம்பவம் தொடர்பான தகவல்களை அளிக்குமாறு தமிழக அரசையும் மத்திய அரசு கேட்டுக் கொண்டுள்ளது.

Email

Print

Delicious

Digg

Facebook

Twitter

4 கருத்துகள்

கருத்துகள்

அறிக்கை எதற்கு? எத்தனை பேர் கொலை செய்யப்பட்டிருக்கிறார்கள்,இன்னும் எத்தனை பேரை கொலை செய்வார்கள் என்பதை தெரிந்துகொல்லவா. கருணாநிதி மனதில் கொள்ளுவார்.இவர்களுடைய ஆட்சியை முடிவுக்கு கொண்டுவர நல்ல சந்தர்ப்பம் கிடைத்திருக்கிறது,சந்தர்பத்தை நழுவ விட்டுவிடாதீர்கள்.எல்லோரும் ஓட்டு சாவடி சென்று ஓட்டு எனும் ஆயுதத்தால் கருணாநிதி,சோனியாவை ஒழித்து கட்டுங்கள்.

By T.Selvan,Nellai
1/23/2011 10:52:00 PM

இன்று ஜெயகுமாருக்கு நடந்தது நாளை நமக்கும் நடக்கலாம் ,இது வரை அறநூருக்கும் மேற்பட்ட தமிழக மீனவர்கள் சிங்களவர்கழல் கொல்ல பட்டு உள்ளனர் ,இதற்கும் கருணாநிதி கடிதம் எழுத போகிறாரா?தமிழகத்தில் கூட தமிழனால் நிம்மதியாக இருக்க முடிய வில்லை என்றால் இந்த மானம் கெட்ட அரசாங்கம் நமக்கு எதற்கு ?மீனவர் கொலை பற்றி பேசினால் தேசிய பாதுகாப்பு சட்டமா ,இந்த கொலைகார அரசை வீட்டுக்கு அனுப்புங்கள் ,

By T.Selvan,Nellai
1/23/2011 10:41:00 PM

ஏன் டெல்லியில் உள்ள இலங்கை தூதரை அழைத்து கேட்க பயமா? தம்மாத்தூண்டு இலங்கை அரசைக்கண்டே இவ்வளவு பயப்படும் இந்தியா ஐ ந பாதுகாப்பு கவுன்சிலில் நிரந்தர உறுப்பினராக ஆசைப்படுவது வெட்கக்கேடு. இதில் இன்னொரு வேடிக்கை என்னவென்றால் நாங்கள் ஒரு வல்லரசு என்று பீற்றிக்கொண்டு அலைவதுதான். தன்னிடம் பத்து நாட்களாக பல மீனவர்களை இலங்கை கடற்ப்படை கொன்றுவிட்டதை மு க தெரிவித்ததாக பிரணாப் முக்கர்ஜி கூறுகிறார். ஏன் இது மத்திய அரசுக்கு நேரடியாக தெரியாதா? என்ன நாடகம் இது?

By திண்டல் சங்கர நாராயணன்
1/23/2011 7:45:00 PM

i give the srilanka report. on that day our navy no one visited on the sea. On such incident was happened. Our India government also accept that report.

By mohan
1/23/2011 6:03:00 PM

Seeman about rajapakshe: இராசபட்சேவைக் குற்றவாளிக் கூண்டில் நிறுத்த வேண்டும்: சீமான்

இராசபட்சேவை மட்டுமில்லாமல் இனப் படுகொலைக்குக் காரணமான ஒவ்வொருவரையும் குற்றவாளிக் கூண்டில் நிறுத்த வலியுறுத்தும்  இவ்வேண்டுகோளைத் தனிப்பட்ட சீமானின்அறிக்கையாகக் கருதக் கூடாது.உலக மனித நேயர்களின் கட்டளையாகக் கருத வேண்டும். பேரினப் படுகொலையாளிகள் தண்டிக்கப்படும் நாளே உலகில்  மனித நேயம் மிக்க மனிதர்களும் வாழ்கிறார்கள் என்பதை எடுத்துக் காட்டும் நாளாகும். அன்புடன் இலக்குவனார் திருவள்ளுவன்

ராஜபட்சவை குற்றவாளிக் கூண்டில் நிறுத்தவேண்டும்: சீமான்

First Published : 23 Jan 2011 07:53:52 PM IST

Last Updated :

சென்னை, ஜன.23- இலங்கை அதிபர் ராஜபட்சவை குற்றவாளிக் கூண்டில் நிறுத்த வேண்டும் என்று நாம் தமிழர் கட்சி சீமான் கூறியுள்ளார்.இதுகுறித்து அவர் இன்று வெளியிட்டுள்ள அறிக்கையில் கூறியிருப்பதாவது:உலகின் எந்த நாட்டிலும் நடமாட முடியாதபடி இலங்கை அதிபர் ராஜபட்சவை விரட்டி அடிக்கும் புலம்பெயர் தமிழ்ச் சொந்தங்களுக்கு நாம் தமிழர் கட்சி நன்றி தெரிவித்துக் கொள்கிறது. பல நாடுகளிடமிருந்தும் ஆயுதம் வாங்கி, ஒரு லட்சம் பேரைக் கொன்று குவித்தவர் ராஜபட்ச. இன்று அவரால் எந்த நாட்டுக்கும் போகமுடியாத நிலை. லண்டனிலிருந்து அமெரிக்கா வரை, ராஜபட்சவை ஒரு விரும்பத்தகாத விருந்தாளியாகக் கருதும் அளவுக்கு ஒன்றரை ஆண்டுகளில் நிலைமை தலைகீழாக மாறிவிட்டது. அந்த அளவுக்கு வலுவான போராட்டங்களை நடத்தி வரலாறு படைத்திருக்கும் புலம்பெயர் சொந்தங்கள் ஒவ்வொருவரையும் வரலாறு வாழ்த்தும்.லண்டனில், கொட்டுகிற பனியில் நனைந்தபடி ராஜபட்சவை விரட்ட ஆயிரக்கணக்கில் திரண்ட இளைஞர்கள், உலகெங்குமுள்ள தமிழ்ச் சொந்தங்களுக்கு தெளிவான பாதையைக் காட்டியிருக்கிறார்கள். ஒன்று சேர்ந்து உறுதியுடன் நின்றால் எதையும் சாதிக்க முடியும் என்பதை நிரூபித்ததோடு, 'ராஜபட்சே ஒரு நாட்டின் அதிபரல்ல, ஓர் இனத்தைப் படுகொலை செய்த கொலைவெறியன்' என்பதை சர்வதேச அளவில் நிலைநிறுத்தியும் உள்ளார்கள்.ராஜபட்சேவை மட்டுமில்லாமல் இனப் படுகொலைக்குக் காரணமான ஒவ்வொருவரையும் குற்றவாளிக் கூண்டில் நிறுத்தும் கடமை நம் ஒவ்வொருவருக்கும் இருக்கிறது. அந்தக் கடமையை நிறைவேற்றாவிட்டால் வாகரையிலிருந்து முள்ளிவாய்க்கால் வரை விரட்டி விரட்டிக் கொல்லப்பட்ட நமது சொந்தங்களுக்கு நியாயம் கிடைக்காது. இவ்வாறு சீமான் அந்த அறிக்கையில் தெரிவித்துள்ளார்.

Email

Print

Delicious

Digg

Facebook

Twitter

2 கருத்துகள்

கருத்துகள்

தங்கள் பணி சிறக்க வாழ்த்துக்கள் .சீமான்

By சேகர்
1/23/2011 9:36:00 PM

Yes, this is possible, until and unless, congress is routed out from power, lest, Rajapakshe will be like Ravana with ten heads and hence ensure that in the ensuing elections, congress and DMK should loose their deposit. If electorate of tamilnadu goes after freebies, it is certain that fishermen should switch over from their present fishing and live similar to Lankan refugees in our own country. Once congress is routed out like Bihar from entire country, certainly country will develop economically without any corruption and can challenger China. Now, China have their foothold in Lanka, it gives speculation that fishermen is shot dead by Chinese army and by provoking, easily invade India, this is what happening. Lanka playing dual role, getting benefit from India and using Chinese army to kill fishermen.

By V Gopalan
1/23/2011 8:41:00 PM

உங்கள் கருத்தைப் பதிவு செய்யுங்கள் *

இலங்கை Cruel arrogant of singhala navy continues: கடற்படை அட்டூழியம் தொடர்கிறது: தமிழக மீனவர் படுகொலை

ஓயாமல் சிங்கள நாட்டை நட்பு நாடு என்று சொல்லிக் கொண்டிருக்கும் இந்தியாவின் கண்டனம் தமிழகத் தேர்தல் சூழலில் வரும் வெளிப்பூச்சு என்பது சிங்கள அரசிற்கும் தெரியும். தமிழ் மக்கள் ஒன்றிணைந்து  எதிர்ப்புக் குரல் கொடுத்தாலன்றி இப்படுகொலைகள் நிற்கா.  அல்லது கடலோரப் பழகுதிகளைச் சிங்கள அரசிற்குப் பரிசாகக் கொடுத்தாலும் வியப்பதற்கில்லை. 

வேதனையுடன் இலக்குவனார் திருவள்ளுவன்

இலங்கை கடற்படை அட்டூழியம் தொடர்கிறது: தமிழக மீனவர் படுகொலை

First Published : 24 Jan 2011 01:21:30 AM IST

Last Updated :

இறந்த மீனவரின் சடலத்துடன் வேதாரண்யம் வட்டாட்சியர் அலுவலகம் முன் ஞாயிற்றுக்கிழமை நடைபெற்ற ஆர்ப்பாட்டத்தில் பங்கேற்றவர்கள். (உள்படம்) இறந்த மீனவர் நா.

வேதாரண்யம், ஜன. 23: நாகை மாவட்டம், கோடியக்கரை அருகே கடலில் மீன்பிடித்துக் கொண்டிருந்த தமிழக மீனவர்கள் மீது இலங்கைக் கடற்படையினர் மீண்டும் தாக்குதல் நடத்தினர். அப்போது இலங்கைக் கடற்படையினர் வேதாரண்யம் பகுதி மீனவர் ஒருவரின் கழுத்தில் கயிற்றால் சுருக்கிட்டு இழுத்ததில் சனிக்கிழமை இரவு அவர் உயிரிழந்தார். வேதாரண்யத்தை அடுத்த புஷ்பவனம், மீனவர் காலனி பகுதியைச் சேர்ந்தவர்கள் நாகப்பன் மகன்கள் ஜெயக்குமார் (28), செந்தில் (25), ஆரியசாமி மகன் ராஜேந்திரன் (45). மீனவர்களான இவர்கள் மூவரும் கண்ணாடியிழைப் படகில் புஷ்பவனத்திலிருந்து சனிக்கிழமை காலை 10 மணிக்கு கடலுக்குச் சென்றனர். இவர்கள் அன்று மாலை 6 மணியளவில் கோடியக்கரைக்கு தென்கிழக்கே 11 நாட்டிக்கல் மைல் தொலைவில் மீன்பிடிக்க வலை விரித்தனர். இரவு 11 மணியளவில் அந்தப் பகுதிக்கு கருநீலத்தில் உடையணிந்த 10-க்கும் மேற்பட்ட இலங்கைக் கடற்படையினர் வந்தனர். அவர்களைப் பார்த்த மீனவர்கள், தாங்கள் மீனவர்கள்தான் என்பதை அடையாளப்படுத்தும் வகையில் சைகை (சிக்னல்) செய்தனராம்.இதைப் பொருள்படுத்தாமல் அவர்களைத் திட்டிய இலங்கைக் கடற்படையினர், கடலில் குதிக்கும்படி மீனவர்களை எச்சரித்தனராம். இதையடுத்து, மீனவர்கள் செந்தில், ராஜேந்திரன் ஆகியோர் படகிலிருந்து கடலில் குதித்தனர். ஜெயக்குமார் மட்டும் கடலில் குதிக்க தாமதித்ததாகக் கூறப்படுகிறது. அந்த நேரத்தில் மீனவர்களின் படகுக்குள் குதித்த இலங்கைக் கடற்படை வீரர் ஒருவர், ஜெயக்குமாரின் கன்னத்தில் அறைந்ததுடன், படகில் இருந்த நைலான் கயிற்றால் சுருக்கு வைத்து அவரது கழுத்தில் மாட்டினாராம். மேலும், கயிற்றின் ஒரு முனையை இலங்கைப் படையினர் இருந்த படகில் வீசிவிட்டு, அவரும் அந்தப் படகுக்குச் சென்றுவிட்டார். பின்னர், படகில் இருந்தவாறு கயிற்றின் முனையைப் பிடித்துக்கொண்ட இலங்கைக் கடற்படையினர் மீனவர்களின் படகைச் சுற்றி வந்தனராம். அப்போது ஜெயக்குமார் கடலுக்குள் விழுந்தார். இதையடுத்து, கயிற்றை வீசிவிட்டு இலங்கைக் கடற்படையினர் அங்கிருந்து சென்றுவிட்டனர்.கடலில் குதித்த மற்ற இரு மீனவர்களும் படகுக்கு வந்து, கயிற்றை இழுத்து பார்த்தபோது ஜெயக்குமார் உயிரிழந்தது தெரியவந்தது. இதனால், மீன்பிடி வலைகளைத் துண்டித்துவிட்டு, ஜெயக்குமாரின் சடலத்துடன் மீனவர்கள் ஞாயிற்றுக்கிழமை காலை 5 மணிக்கு கரைக்குத் திரும்பினர்.ஜெயக்குமாரின் கழுத்துப் பகுதியில் கயிறு இறுக்கியதால் ஏற்பட்ட வீக்கம், சிராய்ப்பு காணப்பட்டது.பின்னர், அவரது சடலம் மருத்துவப் பரிசோதனைக்காக வேதாரண்யம் அரசு மருத்துவமனைக்கு கொண்டு செல்லப்பட்டது. மீனவர்கள் செந்தில், ராஜேந்திரன் இருவரும் மருத்துவமனையில் அனுமதிக்கப்பட்டனர்.உயிரிழந்த ஜெயக்குமாருக்கு மனைவி முருகேஸ்வரி (24), குழந்தைகள் ஜனனி (6 மாதம்), பூமிகா (18 மாதம்) ஆகியோர் உள்ளனர்.இந்தச் சம்பவத்தால் மீனவக் கிராமங்களில் ஞாயிற்றுக்கிழமை பதற்றம் ஏற்பட்டது.மீனவரின் குடும்பத்துக்கு ரூ.5 லட்சம்; மனைவிக்கு அரசு வேலை: உயிரிழந்த மீனவரின் குடும்பத்துக்கு முதல்வரின் பொது நிவாரண நிதியிலிருந்து ரூ.5 லட்சம் ஞாயிற்றுக்கிழமை அளிக்கப்பட்டது. இந்தக் காசோலையை ஜெயக்குமாரின் மனைவி முருகேஸ்வரியிடம் மாவட்ட வருவாய் அலுவலர் வை.ராஜேந்திரன் வழங்கினார். ஜெயக்குமாரின் மனைவி முருகேஸ்வரிக்கு அவரது கல்வித் தகுதிக்குரிய அரசு வேலை 15 நாள்களில் அளிக்கப்படும் என்று நாகை மக்களவை உறுப்பினர் ஏ.கே.எஸ்.விஜயன் கூறினார்.இந்தியா கண்டனம்புது தில்லி, ஜன. 23: நாகை மாவட்டம் புஷ்பவனத்தைச் சேர்ந்த மீனவர் இலங்கை கடற்படையால் சனிக்கிழமை கழுத்து நெரித்து கொல்லப்பட்டதற்கு இந்தியா கடும் கண்டனம் தெரிவித்துள்ளது.இந்திய மீனவர்கள், தொடர்ந்து இதுபோல் கொல்லப்படுவது ஏற்றுக் கொள்ள முடியாதது என்று மத்திய வெளியுறவு அமைச்சகம் தெரிவித்துள்ளது.இந்த விவகாரத்தை மத்திய வெளியுறவு அமைச்சர் எஸ்.எம். கிருஷ்ணா மிகவும் கடுமையாக எடுத்துக் கொண்டுள்ளதாகவும் இலங்கையில் உள்ள இந்திய தூதரகத்திடம் இது குறித்து அவர் அறிக்கை கேட்டிருப்பதாகவுபம் அமைச்சகம் தெரிவித்துள்ளது. கொல்லப்பட்ட மீனவரைப் பற்றிய விவரங்களையும் இந்த சம்பவம் குறித்தும் மத்திய அரசுக்கு விவரங்கள் தெரிவிக்குமாறு தமிழக அரசையும் வெளியுறவு அமைச்சகம் கேட்டுக் கொண்டுள்ளது.இதனிடையே வேதாரண்யம் மீனவரை இலங்கை கடற்படையினர் கொன்றதாக வெளியான தகவல்களை இலங்கை மறுத்துள்ளது.