SLN imposes pass system to fishermen in Jaffna lagoon

SLN imposes pass system to fishermen in 

Jaffna lagoon

[TamilNet, Wednesday, 19 October 2011, 07:19 GMT]
The occupying Sri Lanka Navy in Jaffna has again introduced pass system for fishermen engaging in fishing in the Jaffna lagoon, fishing community leaders in Jaffna csaid. During the recent election campaign in the North, the SLgovernment had annonced that it was withdrawing the pass system which has been in practice for several years. However, the practice is getting re-introduced and the SLN has taken over the control of Jaffna lagoon from the Sri Lanka Army. The SLN which brings fishermen from South and engages in hostilities against the fishermen from Tamil Nadu is engaged in a systematic process of colonisation of Tamil coastal areas in the North by bringing in fishermen from the South to settle in Tamil areas.

Tamil fishermen from Kurunakar, Paasaiyaoor, Naavaanthu'rai and Kaakkai-theevu are forced to register themselves and carry a special pass from the SLN before going to sea and the practice.

Due to the lack of livelihood, almost all the members of most of the fishing families are forced to go fishing and this means every member of the family has to obtain a pass by going to the SLN camp, complained S. Thavaratnam, the president of the federation of fishermens associations in Jaffna.

Related Articles:
02.08.10   SLN reintroduces pass system for fishing in Trincomalee

Singhala navy is responsible for the murder of tamil fishermen : தமிழக மீனவர்களின் சாவுக்கு இலங்கைக் கடற்படைதான் காரணம்: வைகோ

மீனவர்களின் படுகொலைகளுக்குக் காரணம் சிங்களக் கடற்படைதான். ஆனால், அதன் இந்தக் கொலைவெறிப் போக்கிற்குக் காரணம் ஒத்தூதும் இந்திய அரசும் தட்டிக் கேட்காத் தமிழக அரசும்.  நாட்டு மக்களை அயல்நாட்டிடம் இருந்து காப்பாற்ற வக்கற்ற அரசுகள் ஏன் பதவியில் இருக்க வேண்டும் என்று  மக்களிடையே எழுந்துள்ள  எண்ணம் பெரு நெருப்பாகப் பரவுவதற்குள் விரைந்து நடவடிக்கை எடுக்க வேண்டும்.
வேதனையுடன்  இலக்குவனார் திருவள்ளுவன் 

/ தமிழே விழி! தமிழா விழி! / 

எழுத்தைக் காப்போம்!  மொழியைக் காப்போம்! இனத்தைக் காப்போம்! 

தமிழக மீனவர்களின் சாவுக்கு இலங்கைக் கடற்படைதான் காரணம்: வைகோ

First Published : 16 Apr 2011 02:00:42 AM IST

தங்கச்சிமடத்தில், இறந்துபோன மீனவர் ஜான்பாலின் மனைவி மற்றும் குடும்பத்தினரைச் சந்தித்தபோது கண்ணீர் விட்டு அழுத வைகோ.

ராமேசுவரம், ஏப். 15: உலகக் கோப்பை கிரிக்கெட் போட்டியில் இந்தியா வெற்றி பெற்றதால் ஆத்திரமடைந்த இலங்கைக் கடற்படை வீரர்கள், தமிழக மீனவர்கள் 4 பேரை சித்ரவதை செய்து படுகொலை செய்து, கடலில் வீசியுள்ளனர் என மதிமுக பொதுச் செயலர் வைகோ தெரிவித்தார்.இலங்கைக் கடற்படையினரால் அண்மையில் படுகொலை செய்யப்பட்ட தங்கச்சிமடத்தைச் சேர்ந்த 3 மீனவர்களின் குடும்பத்தினரை வெள்ளிக்கிழமை வைகோ நேரில் சந்தித்து ஆறுதல் கூறி, தலா ரூ. 25 ஆயிரம் நிவாரண நிதி வழங்கினார். பின்னர், அவர் செய்தியாளர்களிடம் கூறியது:ராமேசுவரத்தில் இருந்து ஏப்ரல் 2-ம் தேதி மீன் பிடிக்கச் சென்ற தங்கச்சிமடத்தைச் சேர்ந்த விக்டஸ், ஜான்பால், அந்தோணிராஜ் மற்றும் கமுதி தாலுகா, வீரசோழன் கிராமத்தைச் சேர்ந்த மாரிமுத்து ஆகிய மீனவர்கள் நடுக்கடலில் மீன் பிடித்துக் கொண்டிருந்தனர்.அப்போது, அன்றைய தினம் நள்ளிரவில் நடந்த உலகக் கோப்பை கிரிக்கெட் போட்டியில் இந்தியா வெற்றி பெற்றது. இந்த வெற்றியைத் தாங்கிக் கொள்ள முடியாத இலங்கைக் கடற்படையினர் ஆத்திரமடைந்து, அங்கு மீன் பிடித்த 4 மீனவர்களின் படகை மடக்கிப் பிடித்துள்ளனர்.பின்னர், மீனவர்களின் கை, கால்களை கயிற்றால் கட்டி கம்பு, அரிவாள் போன்ற ஆயுதங்களால் தாக்கியதில், படகிலேயே 4 பேரும் உயிரிழந்துள்ளனர். பின்னர், மீனவர் விக்டஸின் உடலைத் தூக்கி வீசியுள்ளனர். அந்த உடல் யாழ்ப்பாணம் கடற்கரையில் ஒதுங்கியது.மீதமுள்ள மீனவர்களின் உடலை ஒன்றன்பின் ஒன்றாக தமிழக கடல் எல்லையில் இலங்கைக் கடற்படையினர் தூக்கி வீசியதால், தொண்டி, பாசிப்பட்டினம் கடற்கரையில் அச் சடலங்கள் ஒதுங்கின. மற்றொரு மீனவர் உடலையும் விரைவில் கடலில் வீசுவார்கள். இறந்துபோன விக்டஸ் உடலில் 16 இடங்களில் படுகாயமும், காலில் கயிற்றால் கட்டியதற்கான அடையாளமும், ஜான்பாலின் மணிக்கட்டு கை துண்டித்தும், அந்தோணிராஜ் உடலில் பல்வேறு இடங்களில் வெட்டுக் காயமும் உள்ளன. மீனவர்களுக்கு ஏற்பட்டுள்ள இந்தக் கொடுமை 30 ஆண்டுகளாகத் தொடருகிறது. இக் கொடூரச் செயலைக் கண்டிக்க மத்திய, மாநில அரசுகள் தயாராக இல்லை. இதுகுறித்து ஏப்ரல் 4-ம் தேதி கடிதம் எழுதினேன். இதற்கு மத்திய அரசிடம் இருந்து பதில் இல்லை.இந்தப் படுகொலை குறித்து மதிமுக உயர்நிலைக் குழு சென்னையில் கூடி விவாதித்து, விரைவில் மக்களை திரட்டி மிகப்பெரிய போராட்டத்தை நடத்தும் எனத் தெரிவித்தார் வைகோ.மதிமுக ராமநாதபுரம் மாவட்டச் செயலர் ஜெயராமன், சிவகங்கை மாவட்டச் செயலர் புலவர் செவந்தியப்பன், மதுரை மாநகர் மாவட்டச் செயலர் பூமிநாதன், விருதுநகர் மாவட்டச் செயலர் சண்முகசுந்தரம், மாநில இளைஞரணி துணைச் செயலர் கராத்தே பழனிச்சாமி, மண்டபம் ஒன்றியச் செயலர் பேட்ரிக், மாநில மீனவரணிச் செயலர் நக்கீரன் உள்ளிட்ட நிர்வாகிகள், மீனவர்கள் ஏராளமானோர் இருந்தனர்.மீனவரின் மனைவிக்கு ஆசிரியர் பயிற்சிக்கு நிதியுதவி: இறந்துபோன மீனவர் அந்தோணிராஜின் மனைவி சாலியோனுக்கு (19) ஒரு பெண் குழந்தை உள்ளது. இவர் 12-ம் வகுப்பு படித்துள்ளார். இவர் ஆசிரியர் பயிற்சிக் கல்லூரியில் சேர்ந்து படிக்க ஆகும் செலவைத் தான் ஏற்றுக் கொள்வதாக வைகோ தெரிவித்தார்.

இலங்கை Cruel arrogant of singhala navy continues: கடற்படை அட்டூழியம் தொடர்கிறது: தமிழக மீனவர் படுகொலை

ஓயாமல் சிங்கள நாட்டை நட்பு நாடு என்று சொல்லிக் கொண்டிருக்கும் இந்தியாவின் கண்டனம் தமிழகத் தேர்தல் சூழலில் வரும் வெளிப்பூச்சு என்பது சிங்கள அரசிற்கும் தெரியும். தமிழ் மக்கள் ஒன்றிணைந்து  எதிர்ப்புக் குரல் கொடுத்தாலன்றி இப்படுகொலைகள் நிற்கா.  அல்லது கடலோரப் பழகுதிகளைச் சிங்கள அரசிற்குப் பரிசாகக் கொடுத்தாலும் வியப்பதற்கில்லை. 

வேதனையுடன் இலக்குவனார் திருவள்ளுவன்

இலங்கை கடற்படை அட்டூழியம் தொடர்கிறது: தமிழக மீனவர் படுகொலை

First Published : 24 Jan 2011 01:21:30 AM IST

Last Updated :

இறந்த மீனவரின் சடலத்துடன் வேதாரண்யம் வட்டாட்சியர் அலுவலகம் முன் ஞாயிற்றுக்கிழமை நடைபெற்ற ஆர்ப்பாட்டத்தில் பங்கேற்றவர்கள். (உள்படம்) இறந்த மீனவர் நா.

வேதாரண்யம், ஜன. 23: நாகை மாவட்டம், கோடியக்கரை அருகே கடலில் மீன்பிடித்துக் கொண்டிருந்த தமிழக மீனவர்கள் மீது இலங்கைக் கடற்படையினர் மீண்டும் தாக்குதல் நடத்தினர். அப்போது இலங்கைக் கடற்படையினர் வேதாரண்யம் பகுதி மீனவர் ஒருவரின் கழுத்தில் கயிற்றால் சுருக்கிட்டு இழுத்ததில் சனிக்கிழமை இரவு அவர் உயிரிழந்தார். வேதாரண்யத்தை அடுத்த புஷ்பவனம், மீனவர் காலனி பகுதியைச் சேர்ந்தவர்கள் நாகப்பன் மகன்கள் ஜெயக்குமார் (28), செந்தில் (25), ஆரியசாமி மகன் ராஜேந்திரன் (45). மீனவர்களான இவர்கள் மூவரும் கண்ணாடியிழைப் படகில் புஷ்பவனத்திலிருந்து சனிக்கிழமை காலை 10 மணிக்கு கடலுக்குச் சென்றனர். இவர்கள் அன்று மாலை 6 மணியளவில் கோடியக்கரைக்கு தென்கிழக்கே 11 நாட்டிக்கல் மைல் தொலைவில் மீன்பிடிக்க வலை விரித்தனர். இரவு 11 மணியளவில் அந்தப் பகுதிக்கு கருநீலத்தில் உடையணிந்த 10-க்கும் மேற்பட்ட இலங்கைக் கடற்படையினர் வந்தனர். அவர்களைப் பார்த்த மீனவர்கள், தாங்கள் மீனவர்கள்தான் என்பதை அடையாளப்படுத்தும் வகையில் சைகை (சிக்னல்) செய்தனராம்.இதைப் பொருள்படுத்தாமல் அவர்களைத் திட்டிய இலங்கைக் கடற்படையினர், கடலில் குதிக்கும்படி மீனவர்களை எச்சரித்தனராம். இதையடுத்து, மீனவர்கள் செந்தில், ராஜேந்திரன் ஆகியோர் படகிலிருந்து கடலில் குதித்தனர். ஜெயக்குமார் மட்டும் கடலில் குதிக்க தாமதித்ததாகக் கூறப்படுகிறது. அந்த நேரத்தில் மீனவர்களின் படகுக்குள் குதித்த இலங்கைக் கடற்படை வீரர் ஒருவர், ஜெயக்குமாரின் கன்னத்தில் அறைந்ததுடன், படகில் இருந்த நைலான் கயிற்றால் சுருக்கு வைத்து அவரது கழுத்தில் மாட்டினாராம். மேலும், கயிற்றின் ஒரு முனையை இலங்கைப் படையினர் இருந்த படகில் வீசிவிட்டு, அவரும் அந்தப் படகுக்குச் சென்றுவிட்டார். பின்னர், படகில் இருந்தவாறு கயிற்றின் முனையைப் பிடித்துக்கொண்ட இலங்கைக் கடற்படையினர் மீனவர்களின் படகைச் சுற்றி வந்தனராம். அப்போது ஜெயக்குமார் கடலுக்குள் விழுந்தார். இதையடுத்து, கயிற்றை வீசிவிட்டு இலங்கைக் கடற்படையினர் அங்கிருந்து சென்றுவிட்டனர்.கடலில் குதித்த மற்ற இரு மீனவர்களும் படகுக்கு வந்து, கயிற்றை இழுத்து பார்த்தபோது ஜெயக்குமார் உயிரிழந்தது தெரியவந்தது. இதனால், மீன்பிடி வலைகளைத் துண்டித்துவிட்டு, ஜெயக்குமாரின் சடலத்துடன் மீனவர்கள் ஞாயிற்றுக்கிழமை காலை 5 மணிக்கு கரைக்குத் திரும்பினர்.ஜெயக்குமாரின் கழுத்துப் பகுதியில் கயிறு இறுக்கியதால் ஏற்பட்ட வீக்கம், சிராய்ப்பு காணப்பட்டது.பின்னர், அவரது சடலம் மருத்துவப் பரிசோதனைக்காக வேதாரண்யம் அரசு மருத்துவமனைக்கு கொண்டு செல்லப்பட்டது. மீனவர்கள் செந்தில், ராஜேந்திரன் இருவரும் மருத்துவமனையில் அனுமதிக்கப்பட்டனர்.உயிரிழந்த ஜெயக்குமாருக்கு மனைவி முருகேஸ்வரி (24), குழந்தைகள் ஜனனி (6 மாதம்), பூமிகா (18 மாதம்) ஆகியோர் உள்ளனர்.இந்தச் சம்பவத்தால் மீனவக் கிராமங்களில் ஞாயிற்றுக்கிழமை பதற்றம் ஏற்பட்டது.மீனவரின் குடும்பத்துக்கு ரூ.5 லட்சம்; மனைவிக்கு அரசு வேலை: உயிரிழந்த மீனவரின் குடும்பத்துக்கு முதல்வரின் பொது நிவாரண நிதியிலிருந்து ரூ.5 லட்சம் ஞாயிற்றுக்கிழமை அளிக்கப்பட்டது. இந்தக் காசோலையை ஜெயக்குமாரின் மனைவி முருகேஸ்வரியிடம் மாவட்ட வருவாய் அலுவலர் வை.ராஜேந்திரன் வழங்கினார். ஜெயக்குமாரின் மனைவி முருகேஸ்வரிக்கு அவரது கல்வித் தகுதிக்குரிய அரசு வேலை 15 நாள்களில் அளிக்கப்படும் என்று நாகை மக்களவை உறுப்பினர் ஏ.கே.எஸ்.விஜயன் கூறினார்.இந்தியா கண்டனம்புது தில்லி, ஜன. 23: நாகை மாவட்டம் புஷ்பவனத்தைச் சேர்ந்த மீனவர் இலங்கை கடற்படையால் சனிக்கிழமை கழுத்து நெரித்து கொல்லப்பட்டதற்கு இந்தியா கடும் கண்டனம் தெரிவித்துள்ளது.இந்திய மீனவர்கள், தொடர்ந்து இதுபோல் கொல்லப்படுவது ஏற்றுக் கொள்ள முடியாதது என்று மத்திய வெளியுறவு அமைச்சகம் தெரிவித்துள்ளது.இந்த விவகாரத்தை மத்திய வெளியுறவு அமைச்சர் எஸ்.எம். கிருஷ்ணா மிகவும் கடுமையாக எடுத்துக் கொண்டுள்ளதாகவும் இலங்கையில் உள்ள இந்திய தூதரகத்திடம் இது குறித்து அவர் அறிக்கை கேட்டிருப்பதாகவுபம் அமைச்சகம் தெரிவித்துள்ளது. கொல்லப்பட்ட மீனவரைப் பற்றிய விவரங்களையும் இந்த சம்பவம் குறித்தும் மத்திய அரசுக்கு விவரங்கள் தெரிவிக்குமாறு தமிழக அரசையும் வெளியுறவு அமைச்சகம் கேட்டுக் கொண்டுள்ளது.இதனிடையே வேதாரண்யம் மீனவரை இலங்கை கடற்படையினர் கொன்றதாக வெளியான தகவல்களை இலங்கை மறுத்துள்ளது.

singhala looted : இலங்கை கடற்படை அட்டூழியம்: மீனவர்களிடம் மீன்கள் பறிமுதல்

இன்றைய நிலவரம் என நாளும் சிங்கள அட்டூழியங்கள் குறித்துச் செய்திகள் வந்தாலும அசையா உறுதி கொண்டது இந்தியம். தமிழர்களின் கொலை கொள்ளை குறித்து அதன் மனம் சலனம் அடையாது. நாம் பெற்ற பேறு அது! அதற்குத்தான் வால் பிடிக்கின்றன தமிழகக் கட்சிகள்! கச்சத் தீவைத்தாரை வார்த்த இந்தியா ,  தமிழின அழிப்பைப் பாராட்டி. இராமேசுவரத்தையும்  சிங்களத்திற்குப் பரிசாகக் கொடு்த்தாலும் கொடுக்கும். 

வேதனையுடன் இலக்குவனார் திருவள்ளுவன்

இலங்கை கடற்படை அட்டூழியம்: மீனவர்களிடம் மீன்கள் பறிமுதல்

First Published : 21 Jan 2011 01:19:29 AM IST

Last Updated :

ராமேசுவரம், ஜன. 20: கடலில் மீன் பிடித்துக் கொண்டிருந்த ராமேசுவரம் மீனவர்களிடம் இலங்கை கடற்படையினர் இறால் மீன்களைப் பறித்துக் கொண்டு விரட்டியடித்தனர் என்று வியாழக்கிழமை மீனவர்கள் தெரிவித்தனர்.இது குறித்து பாதிக்கப்பட்ட மீனவர்கள் செய்தியாளர்களிடம் கூறியது:ராமேசுவரத்தில் இருந்து ஜனவரி 19-ம் தேதி சுமார் 400 விசைப் படகுகள் கடலுக்குள் மீன் பிடிக்கச் சென்றன. இந்தப் படகுகள் இந்தியா, இலங்கை கடல் எல்லையில் மீன் பிடித்துக் கொண்டிருந்தன. அப்போது 4 போர் கப்பல்களில் ரோந்து வந்த இலங்கை கடற்படையினர் ராமேசுவரம் மீனவர்களை மீன் பிடிக்க விடாமல் துப்பாக்கியைக் காட்டி மிரட்டி விரட்டி அனுப்பினர்.பின்னர் தங்கச்சிமடம் செல்வம், ரமேஷ் ஆகியோருக்குச் சொந்தமான விசைப் படகுகளைப் பிடித்த இலங்கை கடற்படையினர் அதில் இருந்த விலை உயர்ந்தஇறால் மீன்களைப் பறித்துக் கொண்டனர். பின்னர் மீனவர்களிடம் இனிமேல் இந்தப் பகுதியில் மீன் பிடிக்க வரக் கூடாது என எச்சரிக்கை விடுத்தனர். இதனால் பலத்த நஷ்டத்துடன் மீனவர்கள் கரையை நோக்கித் திரும்பினர் என அந்த மீனவர்கள் வேதனையுடன் கூறினர்.