DMK Group லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வெள்ளி, 11 ஜூன், 2010

ராஜபட்ச - தமிழக எம்.பி.க்கள் சந்திப்பு வெறும் நாடகம்: பொன். ராதாகிருஷ்ணன்

First Published : 11 Jun 2010 02:27:51 AM IST

சென்னை, ஜூன் 10: இலங்கை அதிபர் ராஜபட்சவை, தமிழக எம்.பி.க்கள் சந்தித்துப் பேசியது வெறும் நாடகம் என்று பா.ஜ.க. மாநிலத் தலைவர் பொன். ராதாகிருஷ்ணன் குற்றஞ்சாட்டியுள்ளார். இது குறித்து அவர் வியாழக்கிழமை வெளியிட்ட அறிக்கை: பல்லாயிரக்கணக்கான தமிழர்களை கொன்று குவித்த இலங்கை அதிபர் ராஜபட்ச புதுதில்லி வந்திருக்கிறார். அவருக்கு இந்திய அரசு ஆடம்பர வரவேற்பை அளித்துள்ளது. ஏற்கெனவே இலங்கை சென்று ராஜபட்சவை சந்தித்து வந்த தமிழக எம்.பி.க்கள், இப்போது மீண்டும் தில்லியில் அவரைச் சந்தித்துள்ளனர். இது வெறும் சம்பிரதாய சந்திப்பாக நடைபெற்றுள்ளது. தமிழர்கள் தங்கள் சொந்த இடங்களில் இன்னும் 3 மாதங்களில் குடிமயர்த்தப்படுவார்கள் என்று எப்போதும் சொல்வதையே இப்போதும் ராஜபட்ச சொல்லியிருக்கிறார். அதனைக் கேட்டு, ஏதோ பெரிய சாதனை செய்து விட்டதைப் போல தமிழக எம்.பி.க்கள் திரும்பி வந்துள்ளனர். இலங்கையில் நடைபெறும் கொடுமையைவிட, ஆளும் காங்கிரஸ் கட்சி, தி.மு.க. மற்றும் ராஜபட்ச நடத்தும் நாடகம் பெரும் கொடுமையாக உள்ளது. இந்தியா - இலங்கை இடையே இப்போது 7 ஒப்பந்தங்கள் கையெழுத்தாகியுள்ளன. ஆனால், இலங்கைத் தமிழர் பிரச்னை பற்றி மேம்போக்கான, கண்துடைப்பான ஒரு ஒப்பந்தம் தவிர, திட்டவட்டமான நடவடிக்கைகள் எதுவும் இல்லை. இதிலிருந்தே, தமிழர்களை ஒழிப்பதில் இந்தியாவும், இலங்கையும் கூட்டாக செயல்படுவது வெட்ட வெளிச்சமாகிறது. இந்தியாவில் தேடப்படும் குற்றவாளியான இலங்கை அமைச்சர் டக்ளஸ் தேவானந்தாவையும் ராஜபட்ச தன்னுடன் அழைத்து வந்திருக்கிறார். இந்திய நாட்டின் சட்டம், ஒழுங்கு எவரையும் விட்டு வைக்காது என்பதை புரிய வைக்க வேண்டும். எனவே, டக்ளஸ் தேவானந்தாவை உடனடியாக கைது செய்ய வேண்டும். இலங்கையில் நடக்கும் மறு சீரமைப்புப் பணிகளில் சீனர்களைப் பயன்படுத்தக் கூடாது. அந்தப் பணிகளை தமிழர்களுக்கு வழங்க ராஜபட்சவிடம் இந்திய அரசு வலியுறுத்த வேண்டும் என்று பொன். ராதாகிருஷ்ணன் வலியுறுத்தியுள்ளார்.

கருத்துக்கள்

நாடகம் நடத்துகிறார்கள் என்று நன்கு தெரிகிறது.இவ்வுண்மையை உணர்ந்த பா.ச.க., உலக அளவில் ஈழத்தமிழர் சிக்கல்கள், படுகொலைச் சதிகள், பேரின அழிப்புக் கொடுமைகள் ஆகியவற்றைக் கொண்டு சேர்க்க வேண்டும். கொடுமைகளுக்குக்காரணமான அனைத்து உலகத்தலைவர்களையும் குற்றவாளிக் கூண்டில் ஏற்றித் தண்டனை வாங்கித் தரவேண்டும். இதன்மூலம வேறு எந்நாட்டிலும் இவை போன்ற ஆட்சிவெறியர்களின் இன அழிப்புகளும் படுகொலைகளும் நடக்கக் கூடாது. அன்புடன் இலக்குவனார் திருவள்ளுவன்

By Ilakkuvanar Thiruvalluvan
6/11/2010 7:12:00 AM

உங்கள் கருத்தைப் பதிவு செய்யுங்கள் *

வியாழன், 10 ஜூன், 2010

இடம்பெயர்ந்த தமிழர்கள் 3 மாதங்களில் குடியமர்த்தப்படுவர்: ராஜபட்ச உறுதி

First Published : 10 Jun 2010 01:47:11 AM IST

குடியரசுத் தலைவர் மாளிகையில், இலங்கை அதிபர் ராஜபட்ச தம்பதியை புதன்கிழமை வரவேற்கும் குடியரசுத் தலைவர் பிரதிபா பாட்டீல், பிரதமர் மன்மோகன் சிங்.

புது தில்லி, ஜூன் 9: இலங்கையில் முள்வேலி முகாம்களில் அடைக்கப்பட்டுள்ள தமிழர்கள் 3 மாதங்களுக்குள் அவரவர் வசிப்பிடங்களில் குடியமர்த்தப்படுவர் என்று இலங்கை அதிபர் ராஜபட்ச உறுதி அளித்தார்.÷3 நாள் அரசு பயணமாக இந்தியா வந்துள்ள அதிபர் ராஜபட்சவை திமுக மற்றும் காங்கிரஸ் கட்சியைச் சேர்ந்த நாடாளுமன்ற உறுப்பினர்கள் குழு புதன்கிழமை காலை சந்தித்தது. அப்போது அவர்களிடம் ராஜபட்ச மேற்கண்டவாறு உறுதி அளித்தார்.÷திமுக நாடாளுமன்ற கட்சித் தலைவர் டி.ஆர்.பாலு, டி.கே.எஸ். இளங்கோவன், கனிமொழி உள்ளிட்ட திமுக எம்.பி.க்களும், காங்கிரஸ் கட்சியைச் சேர்ந்த முன்னாள் மத்திய அமைச்சர் மணிசங்கர் அய்யர், இ.எம்.சுதர்சன நாச்சியப்பன் உள்பட மொத்தம் 14 எம்.பி.க்கள் ராஜபட்சவை சந்தித்து மனு அளித்தனர்.÷இந்த சந்திப்புக்கு பிறகு நிருபர்களிடம் டி.ஆர். பாலு கூறியதாவது: விடுதலைப் புலிகளுக்கு எதிரான போரின்போது இடம்பெயர்ந்து முள்வேலி முகாம்களில் அடைக்கப்பட்டுள்ள 80 ஆயிரத்துக்கும் மேற்பட்ட தமிழர்கள் அவரவர் வசிப்பிடங்களுக்கு செல்லமுடியாமல் முகாமில் அடைபட்டுள்ளனர். அவர்களை உடனடியாக அவரவர் சொந்த இடங்களுக்கு அனுப்ப நடவடிக்கை எடுக்க வேண்டும். மேலும் 1987-ம் ஆண்டு அப்போதைய பிரதமர் ராஜீவ் காந்தி - ஜயவர்த்தனே இடையே ஏற்பட்ட ஒப்பந்தத்தின்படி 13வது அரசியலமைப்புச் சட்டத் திருத்தத்தின்படி இலங்கையின் வடக்கு மற்றும் கிழக்கு பகுதியில் தமிழர்களுக்கு தனி மாநில சுயாட்சி அதிகாரம் வழங்குவதை உடனடியாக அமல்படுத்த வேண்டும் என்றும் அவரிடம் வலியுறுத்தப்பட்டது.÷அதற்கு பதிலளித்த ராஜபட்ச, அண்மையில் நடைபெற்ற அதிபர் தேர்தல் மற்றும் நாடாளுமன்றத் தேர்தல் காரணமாக தமிழர்களை குடியமர்த்துவதில் தாமதம் ஏற்பட்டதாகவும், தற்போது முகாமில் 54 ஆயிரம் தமிழர்கள் மட்டுமே உள்ளதாகவும், மூன்று மாதங்களுக்குள் அதாவது பருவமழை தொடங்குவதற்கு முன்பு அவரவர் வசிப்பிடங்களுக்கு அனுப்பி வைக்க நடவடிக்கை எடுப்பதாகவும் தமிழக எம்.பி.க்கள் குழுவிடம் அவர் உறுதி அளித்தார் என்றார்.÷தமிழர்களுக்கு அதிகாரப் பகிர்வு வழங்குவது தொடர்பான கோரிக்கையில் ராஜபட்ச நம்பிக்கை தரும் வகையில் உறுதியான பதிலை அளிக்காததால் எம்.பி.க்கள் குழுவினர் அதிருப்தி அடைந்ததாகவும் அவர் மேலும் தெரிவித்தார்.÷இதனிடையே குழுவில் இடம்பெற்றிருந்த திமுக செய்தித்தொடர்பாளர் டி.கே.எஸ். இளங்கோவன் பிடிஐ செய்தி நிறுவனத்துக்கு அளித்த பேட்டியில், தமிழர்களுக்கு சுய அதிகாரம் வழங்குவது தொடர்பான 13வது அரசியலமைப்பு சட்டத் திருத்தத்தை நடைமுறைப்படுத்தும் நடவடிக்கையில் இலங்கை அரசு ஈடுபட்டுள்ளதாகவும், நீண்ட காலமாக நிலுவையில் உள்ள தமிழர்கள் பிரச்னைக்கு அரசியல் தீர்வு காண்பது குறித்து யோசனை செய்துவருவதாகவும் ராஜபட்ச தெரிவித்ததாக அவர் கூறினார்.÷இதற்கிடையே போரினால் பாதிக்கப்பட்ட தமிழர் பகுதிகளில் வளர்ச்சிப் பணிகளுக்காக இந்திய அரசு சார்பில் வழங்கப்பட்ட ரூ.500 கோடி நிதியை இலங்கை அரசு முறையாக பயன்படுத்தாமல் உள்ளது. அந்த நிதியை உடனடியாக வளர்ச்சிப் பணிகளுக்கு செலவிட முன்வர வேண்டும் என்று ராஜபட்சவிடம் எம்.பி.க்கள் குழுவினர் வலியுறுத்தினர்.முன்னதாக பிரதமர் மன்மோகன் சிங்கை ராஜபட்ச சந்தித்துப் பேசினார். இரு நாடுகளிடையே நீண்ட நல்லுறவு ஏற்படவும், எதிர்காலத்தில் ஆக்கபூர்வ நடவடிக்கைகளை மேற்கொள்ளவும் இரு தலைவர்களும் விரிவான பேச்சு நடத்தியதாக சந்திப்புக்குப் பிறகு நிருபர்களிடம் பேசிய வெளியுறவுத் துறை செயலர் நிருபமா ராவ் தெரிவித்தார்.÷இரு நாடுகளின் மீனவர்களிடையே அடிக்கடி மோதல்களை தடுத்து, நல்லுறவை ஏற்படுத்துவது மற்றும் மீனவர்களின் பாதுகாப்பு தொடர்பாக பேச்சு நடத்த கூட்டு நடவடிக்கை குழு அமைப்பதற்கு இரு தலைவர்களும் ஒப்புக்கொண்டனர் என்று நிருபமா ராவ் தெரிவித்தார்.

கருத்துக்கள்

தமிழர்களுக்கு எதிரான பேரின அழிப்புகளை விடுதலைப் புலிகளுக்கு எதிரான போர் எனக் குறிப்பிடுவதில் இருந்தே அடிமைகள் தங்கள் முதலாளியின் முதலாளியைச் சந்திக்கும் நிகழ்ச்சி என நன்கு புரிகிறது.

வேதனையுடன் இலக்குவனார் திருவள்ளுவன்

By Ilakkuvanar Thiruvalluvan
6/10/2010 4:07:00 AM

உங்கள் கருத்தைப் பதிவு செய்யுங்கள்

இலங்கைத் தமிழர் பிரச்னை: வாக்குறுதி நிறைவேற்றப்படவில்லை- ராஜபட்சவிடம் திமுக அணி எம்.பி.க்கள் கவலை

First Published : 10 Jun 2010 02:16:35 AM IST

தில்லியில் இலங்கை அதிபர் ராஜபட்சவை புதன்கிழமை சந்தித்த திமுக எம்.பி.க்கள் டி.ஆர்.பாலு, கனிமொழி, ஆதிசங்கர்.

புதுதில்லி / சென்னை, ஜூன் 9: இலங்கைத் தமிழர்களின் மறுவாழ்வு குறித்து அளிக்கப்பட்ட வாக்குறுதி நிறைவேற்றப்படவில்லை என்று அந்த நாட்டின் அதிபர் ராஜபட்சவிடம் திமுக அணி எம்.பி.க்கள் கவலை தெரிவித்தனர்.ராஜபட்சவை தில்லியில் புதன்கிழமை சந்தித்த எம்.பி.க்கள் தங்களது ஆழ்ந்த கவலையை எடுத்துக் கூறினர்.இந்தியாவுக்கு மூன்று நாள் பயணமாக ராஜபட்ச வந்துள்ளார். அவரை, திமுக அணி எம்.பி.க்கள் புதன்கிழமை சந்தித்துப் பேசினர். அப்போது, இலங்கைத் தமிழர் மறுகுடியமர்வு மற்றும் மறுவாழ்வு நடவடிக்கைகளை உடனடியாக மேற்கொள்ள வேண்டும் என்று வலியுறுத்தினர். இந்தச் சந்திப்பின் போது எம்.பி.க்கள் கையெழுத்திட்ட மனுவையும் ராஜபட்சவிடம் அளித்தனர். அதன் விவரம்:இலங்கையில் குடிபெயர்ந்த தமிழர்களின் நல்வாழ்வு, நலம் குறித்த பிரச்னைகளை இந்தியா தீவிரமாக எடுத்துக் கொண்டுள்ளது. பல்வேறு சமயங்களில் இலங்கை அரசிடம் தனது கவலையை உறுதிபடத் தெரிவித்துள்ளது. இந்தச் சூழலில், இலங்கையில் போர் முடிந்து ஓராண்டு முடிந்துள்ளது.அங்கு பொதுத் தேர்தல் நடந்து முடிந்துள்ளது. இதற்குப் பிறகும், இலங்கைத் தமிழர்கள் சந்தித்து வரும் துயரங்கள் குறையாமல் மேலும் தொடர்வது மனவருத்தம் அளிக்கிறது. உள்நாட்டில் குடிபெயர்ந்த இலங்கைத் தமிழர்கள் பல்லாயிரம் பேர் தங்களது சொந்த ஊர்களுக்குத் திரும்பிச் செல்ல முடியாமல் முகாம்களிலே தங்கியுள்ளதாகக் கூறப்படுகிறது.உள்நாட்டில் குடிபெயர்ந்த 80 ஆயிரத்துக்கும் அதிகமான மக்கள் இலங்கை அரசு தாற்காலிகமாக அமைத்துள்ள முகாம்களில் வாழ்ந்து வருவதாகக் கூறப்படுகிறது. அவர்களை மறுகுடியமர்வு செய்ய இறுதி இலக்கு ஆகஸ்ட் வரை நீட்டிக்கப்பட்டுள்ளதாக இலங்கை அரசை மேற்கோள் காட்டி செய்திகள் வெளிவந்துள்ளன.எனவே, மறுகுடியமர்வு பணிகளுக்கு காலம் கடத்தும் போக்கை கைவிட்டு குடிபெயர்ந்த இலங்கைத் தமிழர்கள் உடனடியாக திரும்புவதை உறுதிப்படுத்த வேண்டும். கவலை அளிக்கிறது: தாற்காலிக முகாம்களில் உள்ள தமிழர்கள் அனைவருக்கும் கடந்த ஆண்டு டிசம்பருக்குள் மறுவாழ்வு அளிக்கப்படும் என்று இலங்கை அரசு வாக்குறுதி அளித்தது. ஆனால், இந்த வாக்குறுதி நிறைவேற்றப்படவில்லை. இதற்கு எங்களது கவலையைத் தெரிவித்துக் கொள்கிறோம்.தாற்காலிக முகாம்களில் தங்கவைக்கப்பட்டுள்ள தமிழர்களை, மறுகுடியமர்வு செய்வதில் உள்ள தாமதத்துக்கு கண்ணி வெடிகளை அகற்றும் பணியே காரணம் என இலங்கை அரசு கூறிவருகிறது. எனவே, கண்ணி வெடிகளை அகற்றும் பணியை விரைவுபடுத்தி இலங்கைத் தமிழர்கள் விரைவில் தங்களது சொந்த இடங்களுக்கு திரும்பிச் செல்வதை உறுதிப்படுத்த வேண்டும்.காலம் தாழ்த்தக் கூடாது: இலங்கைத் தமிழர்களின் மறுவாழ்வு, மறுகுடியமர்வு பிரச்னைக்கு முறையான வாழ்வாதார திட்டங்கள், உட்கட்டமைப்பு வளர்ச்சி மையம் ஆகியவற்றை அளிக்க தீவிர முனைப்புக் காட்ட வேண்டும்.இலங்கைத் தமிழர்களின் மறுவாழ்வுக்காக இந்திய அரசு ரூ.500 கோடி அளித்தது. இதைப் பயன்படுத்தி பயனளிக்கும் பணியை இலங்கை அரசு இன்னமும் தொடங்கவில்லை. எனவே, இது தொடர்பாக இலங்கை அரசு தேவையான நடவடிக்கைகளை மேற்கொள்ள வேண்டும்.ஒன்றுபட்ட இலங்கை: ஒன்றுபட்ட இலங்கைக்குள் சிறுபான்மைத் தமிழர்களின் விருப்பங்களை நிறைவேற்ற 1987-ம் ஆண்டில் இந்தியாவும், இலங்கையும் ஒரு விரிவான ஒப்பந்தம் செய்து கொண்டன. இதன் மூலம், இலங்கையின் ஒற்றுமை, ஒருமைப்பாட்டை காப்பதோடு, இலங்கையில் உள்ள அனைத்துப் பிரிவினரின் நலனையும் மேம்படுத்தலாம். எனவே, 13-வது அரசியல் சட்டத் திருத்தத்தை உளப்பூர்வமாகவும், விரைவாகவும் முழுமையாக அமல்படுத்த வேண்டும்.குடிபெயர்ந்த இலங்கைத் தமிழர்களை விரைவில் மறுகுடியமர்த்தல், அவர்களின் நியாயமான எதிர்பார்ப்புகளை நிறைவேற்றுதல் ஆகியவற்றை உறுதிப்படுத்துவதில் இலங்கை அரசு சாதகமான செயல் துடிப்புள்ள நிலையை வகிக்க வேண்டும் என்று திமுக அணி எம்.பி.க்கள் தங்களது மனுவில் தெரிவித்துள்ளனர்.

கருத்துக்கள்

ஒரு கண்டனம் கூடத் தெரிவிக்க வக்கற்றவர்கள். ஒன்று பட்ட இலங்கை என்கிறார்கள். அந்த நாட்டு இறையாண்மையில் தலையிட இவர்கள் யார்? இந்தியம் சிங்களத்திற்கு நன்றி தெரிவிக்கவும் கைம்மாறாக மேலும் பல ஒப்பந்தப் பரிசுகளை நல்கவும் சிங்களம் இந்தியத்திடம் இன அழிப்பு அறிவுரைகளையும் நெறியுரைகளையும் பெறவும் நடைபெறும் சந்திப்பிற்காக வந்துள்ள கொலைவெறியனிடம் கஞ்சுகிறார்கள். தொடர்ந்து நடைபெற்று வரும் தமிழ் மொழி , தமிழ்இன அழிப்பு பற்றிக்கூட ஒரு வரி தெரிவிக்கவில்லை. போகட்டும்! தங்களுக்கும் அக்கரை இருக்கிறது எனக் காட்டுவதற்கான நாடகம்தானே! நமக்கென்ன? அவர்களே நடித்து மகிழ்ந்து கொள்ளட்டும்!

வேதனையுடன் இலக்குவனார் திருவள்ளுவன்

By Ilakkuvanar Thiruvalluvan
6/10/2010 3:53:00 AM

உங்கள் கருத்தைப் பதிவு செய்யுங்கள் *

திங்கள், 7 ஜூன், 2010

ராஜபட்சவை தமிழக எம்.பி.க்கள் சந்திக்க ஏற்பாடு

First Published : 07 Jun 2010 02:19:36 AM IST

சென்னை, ஜூன் 6: இந்தியா வரும் இலங்கை அதிபர் ராஜபட்சவை சந்திக்க தமிழக எம்.பி.க்கள் குழு திங்கள்கிழமை தில்லி செல்கிறது.இலங்கையில் நடைபெற்ற போரின் இறுதிக் கட்டத்தில் ஆயிரக்கணக்கான தமிழர்கள் இலங்கை அரசின் முகாம்களில் அடைக்கப்பட்டனர். எவ்வித அடிப்படை வசதியும் இன்றி, அடைத்து வைக்கப்பட்டுள்ள ஏராளமான தமிழர்களை விடுவிக்க வேண்டும் என்ற கோரிக்கை போருக்குப் பின் உலகின் பல நாடுகளிலிருந்தும் எழுந்தது. எனினும், அவர்களை விடுவிக்க இலங்கை அரசு எந்த நடவடிக்கையும் எடுக்கவில்லை.இந்நிலையில் தமிழகத்திலிருந்து தி.மு.க., காங்கிரஸ், விடுதலைச் சிறுத்தைகள் ஆகிய கட்சிகளைச் சேர்ந்த தமிழக எம்.பி.க்கள் 10 பேர் கடந்த 10.10.2009 அன்று இலங்கைக்குச் சென்றனர்.அங்குள்ள முகாம்களில் அடைத்து வைக்கப்பட்டுóள்ள தமிழர்களின் நிலையை நேரில் கண்டறிந்த அவர்கள், இலங்கை அதிபர் ராஜபட்சவையும் சந்தித்து, அந்த மக்களை விடுவிக்குமாறு வலியுறுத்தினர்.5 நாள் பயணத்தை முடித்துக் கொண்டு சென்னை திரும்பிய எம்.பி.க்கள் குழுவினர், டிசம்பர் இறுதிக்குள் முகாம்களில் அடைத்து வைக்கப்பட்டுள்ள அனைத்து தமிழர்களையும் விடுவிக்க ராஜபட்ச உறுதி அளித்துள்ளதாக அப்போது செய்தியாளர்களிடம் தெரிவித்தனர்.அக்குழு சென்று வந்த அடுத்த சில நாட்களில் சில ஆயிரம் தமிழர்கள் விடுவிக்கப்பட்டனர். அடுத்தடுத்த வாரங்களில் மேலும் சில ஆயிரம் பேர் விடுவிக்கப்பட்டதாக செய்திகள் வந்தன.எனினும் ராஜபட்ச உறுதி அளித்தபடி முகாம்களில் உள்ள தமிழர்கள் அனைவரும் விடுவிக்கப்படவில்லை. இன்னும் ஏராளமானோர் முகாம்களில் வதைபட்டு வருகின்றனர்.இந்நிலையில் இலங்கை அதிபர் ராஜபட்ச செவ்வாய்க்கிழமை (ஜுன் 8) இந்தியா வருகிறார். அப்போது, முகாம்களில் உள்ள தமிழர்கள் அனைவரையும் விடுவிக்கவும், தமிழர்களுக்கான மறுவாழ்வுப் பணிகளை செய்யுமாறும் ராஜபட்சவை, இந்திய பிரதமர் மன்மோகன் சிங் வற்புறுத்த வேண்டும் என்று பல்வேறு தரப்பினர் கோரிக்கை விடுத்துள்ளனர்.தமிழக முதல்வர் கருணாநிதி பிரதமருக்கு எழுதியுள்ள கடிதத்திலும் இந்த கோரிக்கையை வலியுறுத்தியுள்ளார்.இந்நிலையில் இந்தியா வரும் ராஜபட்சவை தமிழக எம்.பி.க்கள் குழுவினர் நேரில் சந்திக்க உள்ளனர். இலங்கை முகாம்களில் அடைக்கப்பட்டுள்ள தமிழர்கள் அனைவரையும் விடுவிக்கவும், அவர்களுக்கான மறுவாழ்வு மற்றும் மறு குடியமர்வு பணிகளை போர்க்கால அடிப்படையில் மேற்கொள்ளவும் ராஜபட்சவிடம் தமிழக எம்.பி.க்கள் குழுவினர் வலியுறுத்துவார்கள் என தெரிகிறது.இதற்காக தமிழக எம்.பி.க்கள் குழுவினர் திங்கள்கிழமை சென்னையிலிருந்து தில்லி புறப்பட உள்ளதாகக் கூறப்படுகிறது. தமிழக எம்.பி.க்கள் - ராஜபட்ச சந்திப்புக்கான ஏற்பாடுகளை மேற்கொள்வதற்காக தி.மு.க. நாடாளுமன்றக் குழுத் தலைவர் டி.ஆர். பாலுவை, முதல்வர் கருணாநிதி ஏற்கெனவே தில்லிக்கு அனுப்பியுள்ளதாக தி.மு.க. வட்டாரங்கள் தெரிவிக்கின்றன.

கருத்துக்கள்

இக்குழுவினர் அளிக்கும் பொன்னாடைகள், பட்டாடைகள், நினைவுப் பரிசுகளால் பக்சே மகிழ்ச்சிக் கடலில் திக்குமுக்காடிப்போவான். எனினும் ஒரு வேண்டுகோள். குழுவினர் அனைவரும் கறுப்பாடைகள் அணிந்து செல்ல வேண்டும். கறுப்புத் துண்டுகளையே அணிவிக்க வேண்டும். உண்மை உணர்வில் செல்வதாயின் இதனைப் பின்பற்ற வேண்டும். வேறுநோக்கம் எனில் சென்றால் என்ன? இருந்தால் என்ன? வேதனையுடன் இலக்குவனார் திருவள்ளுவன்

By Ilakkuvanar Thiruvalluvan
6/7/2010 3:20:00 AM

ஏட்டுச சுரைக்காயை வரைந்து கொடுத்து தமிழனை தின்னச் சொன்னான் !!! இதைக் கண்ட முட்டாத் தமிழனுக்கு நாக்கில் நீர் ஊறியது !!! இவனை நான் கிழட்டு சிங்கம் என்று மறந்தும் சொல்ல மாட்டேன் ! இந்த கிழட்டு திருட்டு குள்ள நரி "பெண் சிங்கம் " வரைந்து கொண்டிருந்தது !! கர்நாடகத்தில் தெரு நாயினை சுடுவதாகச் சொல்லி தமிழனை குறி பார்த்து சுட்டான் !!! உள்ளபடியே எனக்கு இதுபோன்ற சிந்தனைகளில் உடன் பாடு இல்லை என்றாலும்....இந்நேரம் வீரப்பன் இருந்திருந்தால் ....பிரபாகரன் இருந்திருந்தால்....என்று சிந்தித்துப் பார்த்துக் கொண்டிருக்கிறேன் !!!...நாடு போகிற போக்கினைப் பார்த்தால் காட்டில் சில வீரப்பன்கள் வேண்டும் !!! நாட்டில் பலப் பல பிரபாகரன்கள் வேண்டும் !!! @ rajasji

By rajasji
6/7/2010 2:50:00 AM

உங்கள் கருத்தைப் பதிவு செய்யுங்கள்

ஞாயிறு, 31 ஜனவரி, 2010

நம் மக்கள் முள்வேலியில் தவிக்க திருமாவளவன், கனிமொழி யினரின் மகிழ்ச்சியினை காணுங்கள்

பதிந்தவர்_வன்னியன் on January 30, 2010
பிரிவு: காணொளி, செய்திகள்

[காணொளி] நம் மக்கள் முள்வேலியில் தவிக்க, நம் மக்களுக்காக பேசிய ஒவ்வொரு தலைவர்களின் மகிழ்ச்சியை பாருங்கள். திருமாவளவன், கனி மொழி, தி.ஆர். பாலு மற்றும் நம் ரத்தத்தை உறிஞ்சிய ரத்தத்தின் ரத்தங்கள் எப்படி வாதிடுகிறார்கள் என்று பாருங்கள் …..

(Visited 45 times, 45 visits today)

திங்கள், 26 அக்டோபர், 2009

இலங்கைத் தமிழ் அகதிகளும்-தமிழக அரசியலும்

உ . ரா. வரதராசன்

First Published : 26 Oct 2009 01:37:00 AM IST

இலங்கைத் தமிழ் அகதிகள் மூன்று பிரிவினராக உள்ளனர். கிளிநொச்சியிலிருந்து முல்லைத்தீவு வரையிலான பகுதிகளிலிருந்து விடுதலைப்புலிகள் உடனழைத்துச் சென்ற - அல்லது தாங்களாகவே விரும்பி உடன் சென்ற - வட இலங்கைப் பகுதித் தமிழ் மக்கள் ஈழப்போர் முடிவுக்கு வந்த பின்னர், இலங்கை அரசால் முள்வேலி முகாம்களுக்குள் முடக்கி வைக்கப்பட்டுள்ள சற்றொப்ப 3 லட்சம் பேர் ஒரு பிரிவினர். வடக்கு - கிழக்கு மாகாணங்களிலிருந்து விடுதலைப்புலிகளால் வெளியேற்றப்பட்டதாகக் கூறப்படும் இஸ்லாமிய - தலித் இலங்கைத் தமிழர்கள், சுமார் ஒன்றே முக்கால் லட்சம் பேர், இலங்கையின் தலைநகரம் கொழும்புவுக்கு அருகில் தெற்குப் பகுதியில் முகாம்களில் வைக்கப்பட்டுள்ளவர்கள் இரண்டாவது பிரிவினர். கடந்த இருபது ஆண்டுகளுக்கும் மேலாக அவ்வப்போது தமிழகத்தில் அடைக்கலம் புகுந்த இலங்கைத் தமிழ் அகதிகள் ஒரு லட்சத்துக்கும் மேற்பட்டோர் இந்திய மண்ணில் முகாம்களிலும், ஒரு சிறு பிரிவினர் தனித்த வாழ்விடங்களிலும் இருப்போர் மூன்றாவது பிரிவினர். இவர்களில் முதல் பிரிவினராக உள்ள யாழ்ப்பாணம், வவுனியா, மன்னார் மற்றும் திரிகோணமலைப் பகுதிகளில் 30 முகாம்களில் இலங்கை ராணுவத்தின் பாதுகாப்பில் இருந்து வரும் ஈழத்தமிழ் அகதிகள் பிரச்னையே இன்று இந்தியாவில் மட்டுமன்றி சர்வதேச அரங்கிலும், மிகுந்த கவலையோடும், அக்கறையோடும் பேசப்பட்டு வருகிறது. தமிழ்நாட்டில் உள்ள இலங்கைத் தமிழ் அகதிகளின் குடியுரிமைப் பிரச்னை தற்போது விவாதத்துக்குரிய ஒன்றாக முன்வந்துள்ளது. இடைப்பட்ட தென் இலங்கை முகாம் அகதிகளின் பிரச்னை அவ்வளவாக கவனத்தை ஈர்க்காத ஒன்றாகவே இருந்து வந்துள்ளது. இலங்கைத் தமிழர் பிரச்னையில் ஈழப்போர் நடைபெற்று வந்த காலம்தொட்டு, அங்கே இருதரப்பிலும் துப்பாக்கிகள் மௌனமானதற்குப் பின்னர், இன்று வரை தமிழ்நாட்டில் அரசியல் இயக்கங்களிடையே கடுமையான கருத்து வேறுபாடுகள் நிலவி வந்துள்ளன. 2008-ம் ஆண்டில் ஒரு மிகக்குறுகிய கால அளவில் மட்டுமே, போர்நிறுத்தம் என்ற கோரிக்கை, தமிழ்நாட்டிலிருந்து ஒருமித்த குரலில் எழுப்பப்பட்டது. இந்திய நாடாளுமன்றத் தேர்தல் காலத்திய அரசியல் கட்சி மாச்சரியங்களில் இலங்கைத் தமிழர் பிரச்னை சிக்கிச் சிதறுகாயானது. இந்தியாவில் பொதுத் தேர்தல் முடிவுக்கு வந்தது; இலங்கையிலோ, போர் நிறுத்தம் நிகழவில்லை; போர் முடிந்துவிட்டதாக இலங்கை அரசு வெற்றிப் பெருமிதத்தோடு அறிவித்தது. விடுதலைப்புலிகள் அமைப்பு ஒரு பெரும் பின்னடைவைச் சந்தித்துள்ள பின்னணியில், இன்றைய தமிழகத்து அரசியலில் இலங்கைத் தமிழர் பிரச்னையின் மூன்று மையமான அம்சங்கள் விவாதப்பொருளாக இடம்பெற்றுள்ளன. ஒன்று - விடுதலைப்புலிகள் அமைப்பின் தலைவரான பிரபாகரன் குறித்த செய்திகள். இரண்டு - முள்வேலி முகாம்களில் சிக்கி உள்ள மூன்று லட்சம் அகதிகளின் வாழ்வுரிமைப் பிரச்னைகள். மூன்று - இலங்கை இனப்பிரச்னைக்குத் தீர்வுகாண வழி எது என்ற கேள்வி. இந்த மூன்றிலுமே தமிழ்நாட்டின் அரசியல் இயக்கங்கள், வெவ்வேறான நிலைப்பாடுகளை எடுத்து வருகின்றன என்பது வெளிப்படையான உண்மை. இலங்கைப் பிரச்னையில் இன்று இந்தியாவில் நடுவண் அரசில் ஆட்சிப் பொறுப்பில் உள்ள பிரதமர் மன்மோகன்சிங் தலைமையிலான ஐக்கிய முற்போக்குக் கூட்டணி அரசு எடுத்துள்ள நிலைப்பாடு என்ன? பிரபாகரன் மறைவை அதிகாரப்பூர்வமாக உறுதிப்படுத்த மரணச்சான்றிதழை வழங்கி, ராஜீவ்காந்தி வழக்கை இறுதியாக முடித்து வைக்க உதவ வேண்டும் என்பது இலங்கை அரசுக்கு இந்திய அரசு விடுத்துள்ள கோரிக்கை. வட இலங்கை முகாம்களில் உள்ள சுமார் மூன்று லட்சம் தமிழர்களை அவர்களது சொந்த வாழ்விடங்களில் மீண்டும் குடியமர்த்துவதற்கான 180 நாள்கள் திட்டம் ஒன்றையும், இலங்கை அதிபருடனான கூட்டறிக்கை ஒன்றின் வாயிலாக இந்திய அரசு ஏற்றுள்ளது. இலங்கையின் அரசியல் சட்டத்தில் கொணரப்பட்ட 13-வது திருத்தத்தோடு தொடங்கி, இலங்கைத் தமிழர் பிரச்னைக்கு அரசியல் தீர்வு காண நடவடிக்கைகள் மேற்கொள்ளப்படும் என்பதும், அதே கூட்டறிக்கையில் இந்திய - இலங்கை அரசுகள் ஒப்புக்கொண்டுள்ளன. இவை எதிலும் கடந்த மூன்று மாதகாலமாகக் கடுகு அளவு முன்னேற்றம்கூட எட்டப்படவில்லை என்பதும் மறுக்க இயலாத எதார்த்தம். இந்தப் பின்புலத்தில்தான் தமிழ்நாட்டைச் சேர்ந்த நாடாளுமன்ற உறுப்பினர்களின் குழு ஒன்று, இலங்கைக்குச் சென்று அங்குள்ள அகதிகள் முகாம்களைப் பார்வையிட்டு, இலங்கை அதிபர் மகிந்த ராஜபட்ச உள்ளிட்ட தலைவர்களைச் சந்தித்துப் பேசித் திரும்பி இருக்கிறது. இது இலங்கைத் தமிழர் பிரச்னையில் தமிழ்நாட்டில் புதியதொரு விவாதத்தைக் கிளப்பியிருக்கிறது. இலங்கை செல்லும் திமுக அணியின் எம்.பி.க்கள் குழு மத்திய அரசின் அதிகாரப்பூர்வத் தூதுக் குழுவா என்ற கேள்வியை இந்தக் கட்டுரையாளர் எழுப்ப நேரிட்டது. (தினமணி, அக். 10, 2009) இதற்குத் தமிழக முதலமைச்சர், இது அரசாங்கத்தின் சார்பில், அரசு செலவில் அனுப்பப்பட்ட குழு அல்ல. அரசு சார்பிலே குழு அனுப்பும் போதுதான் அனைத்துக் கட்சிகளைச் சேர்ந்த உறுப்பினர்களையும், துறையின் பிரதிநிதிகளையும் அனுப்ப வேண்டும் என்று விளக்கம் அளித்தார் (முரசொலி, அக். 11, 2009). குழுவிலே சென்ற உறுப்பினர்களது விமானக் கட்டணம் போன்ற செலவுகளைக்கூட அந்தந்தக் கட்சிகள்தான் ஏற்றுக்கொண்டுள்ளன என்பது, இது அதிகாரப்பூர்வ தூதுக்குழு அல்லவே அல்ல என்பதற்கான அழுத்தமான சாட்சியமாகவும் முதலமைச்சரால் பதிவு செய்யப்பட்டது. திமுக, காங்கிரஸ் விடுதலைச்சிறுத்தைகள் ஆகிய கட்சிகளைச் சேர்ந்த எம்.பி.க்கள் பிரதமரைச் சந்தித்து விடுத்த கோரிக்கையை ஏற்று, அந்தக் கட்சிகளைச் சேர்ந்த உறுப்பினர்களை இலங்கை சென்று நிலைமைகளை அறிந்து வர மத்திய அரசின் வெளியுறவுத் துறை அனுமதித்துள்ளது என்றுதான் அன்றைய தினத்திலே முதலமைச்சர் கருத்து வெளியிட்டிருந்தார். பிரதமருடனான இந்தச் சந்திப்பு தில்லியில் செப். 22-ம் தேதி நடைபெற்றது. அப்போது பிரதமருக்கு மூன்று கட்சிகளின் பிரதிநிதிகள் கையெழுத்திட்டு அளித்த மனுவில், இக்கோரிக்கை இடம்பெறவில்லை. வாய்மொழியாகவே எம்.பி.க்கள் குழுவை இலங்கைக்கு அனுப்ப வேண்டுகோள் விடப்பட்டது. அனைத்துக் கட்சி நாடாளுமன்ற உறுப்பினர்களையும் ஏன் அனுப்பவில்லை என்ற கேள்வியை எழுப்பிய கட்சியினருக்கு அக்கறை இருக்குமேயானால் அவர்கள் பிரதமரைச் சந்தித்துக் கோரிக்கை வைத்து - இந்திய அரசு இலங்கை அரசோடு அதைப் பற்றிக் கலந்தாலோசித்து அனுமதி பெற்றுச் சென்று பார்க்க வேண்டியதுதானே என்று எதிர்க்கேள்வியையும் அவர் எழுப்பி இருந்தார் (முரசொலி, அக். 12, 2009). ஆனால், செப்டம்பர் 22 முதல் திமுக அணி எம்.பி.க்கள் இலங்கை சென்று திரும்பிய நாளான அக். 14 வரை வெளியிடப்படாத ஒரு தகவலை முதன்முறையாக, அந்தக் குழுவினரை விமான நிலையத்திலேயே சென்று வரவேற்று, அக்குழுவின் அறிக்கையை வெளியிட்டுப் பேசிய முதலமைச்சர் சொன்னார்: இலங்கை குடியரசுத் தலைவர் ராஜபட்ச ஒரு தூதுக்குழுவை அனுப்பி இலங்கை நிலவரங்களைத் தெரிந்து கொள்ளுங்கள் என்று எனக்கு (தமிழக முதலமைச்சருக்கு)க் கடிதம் எழுதியிருந்தார். அந்தக் கடிதத்தின் அடிப்படையில் நானே செயல்படுவது முறையல்ல என்பதால் மத்திய அரசின் கவனத்துக்கு அந்தச் செய்தியைத் தாங்கி இருந்த கடிதத்தை அனுப்பி வைத்தேன் என்று தொடங்கி, தில்லிக்குச் சென்று பிரதமரையும், சோனியா காந்தியையும் சந்தித்து, ஒரு குழுவை அனுப்பக் கேட்டுக் கொண்டதையும், உள்துறை அமைச்சர் ப. சிதம்பரம் வந்து சந்தித்துக் கலந்து பேசி, 10 எம்.பி.க்கள் கொண்ட குழுவை அனுப்ப முடிவு செய்ததையும், இலங்கை அரசின் ஒப்புதலைப் பெற்று அந்தக் குழு சென்று திரும்பியதையும், அப்போது விரிவாக எடுத்து இயம்பினார் தமிழக முதலமைச்சர் (முரசொலி அக்.15, 2009). அண்டை நாடு ஒன்றின் அதிபர், தமிழ்நாட்டு முதலமைச்சருக்கு எழுதிய கடிதம் அதிகாரப்பூர்வமற்ற ஒன்றாக இருக்க முடியாது. அதன் மீது மாநில முதலமைச்சர் முடிவெடுப்பது முறையல்ல என்று உணர்ந்திருந்த தமிழக முதலமைச்சருக்கு, அந்தக் கடிதத்தில் கண்டிருந்த அழைப்பு தனது தலைமையிலான அணியில் இடம்பெற்ற கட்சிகளுக்கு மட்டுமேயானது என்று எடுத்துக்கொள்வது மட்டும் முறையானதாகத் தெரிந்தது எப்படியோ அந்தக் கடிதம் இன்று வரை பகிரங்கப்படுத்தப்படாமல் வைக்கப்பட்டுள்ளதும் ஏன் என்று தெரியவில்லை. இது எவ்வாறாயினும், திமுக அணி எம்.பி.க்கள் இலங்கை சென்று அங்கு முகாம் வாழ் தமிழர்களின் நிலைமைகளைக் கண்டறிந்து வந்ததும், முகாமிலுள்ளவர்களை மீண்டும் அவரவர் வாழ்விடங்களில் குடியமர்த்தும் பணி தொடங்கப்பெறும் என்பதும் குறைகாணப்பட வேண்டிய விஷயங்களாகப் பார்க்கப்படுவது தமிழக அரசியலின் இன்றைய எதிர் - எதிர் நிலைப்பாடுகளின் வெளிப்பாடே. ஆனால், ஒரு குழுவாகச் சென்று திரும்பி, மாநில முதலமைச்சர் மூலமாக அறிக்கையொன்றை வெளியிட்டு முடித்ததுமே, அந்தக் குழுவில் இடம்பெற்ற மூன்று கட்சிகளும் ஒருமித்த செயல்பாட்டைத் தொடர முடியவில்லையே? கலைஞருக்குப் பாராட்டும் நன்றியும் தெரிவித்து மாநிலம் முழுவதும் சுவரொட்டிகள் ஒருபுறம்; பிரபாகரன் மரணத்தைத் தழுவிய நேரத்தில் உடனில்லாது தப்பியதை ஒட்டிய நகைச்சுவைப் பரிமாற்றத்தில் ஈடுபட்ட தொல். திருமாவளவன் இலங்கை அதிபர் ராஜபட்சவை போர்க்குற்றவாளியாக அறிவிக்கக் கோரி ஆர்ப்பாட்டத்துக்கு அறைகூவல் விடுவது மறுபுறம்; மத்திய அரசின் சார்பில் ப. சிதம்பரத்தைத் தவிர - குறிப்பாக வெளியுறவுத் துறை அமைச்சர் உள்ளிட்டு - வேறு யாரும் இலங்கைத் தமிழர் பிரச்னையில் வாய் திறவாது மௌனம் சாதிப்பது மூன்றாவது புறம் என்று நவக்கிரகப் பார்வை வெளிப்படுகிறதே. யுத்தக்களத்தில் எல்லாவிதமான துன்பங்களையும் அனுபவித்துவிட்டு வந்து, தற்போது முள்கம்பிச் சிறைக்குள் வார்த்தைகளால் குறிப்பிட முடியாத துயரத்தை அனுபவிக்கிற முகாம்களிலுள்ள மக்களை உடனடியாகச் சொந்த இடங்களில் குடியமர்த்தி, சிதைந்த தேசத்தை அபிவிருத்தி செய்து, இழந்த வாழ்வைக் கட்டி எழுப்ப நடவடிக்கை எடுங்கள் என்றும், நிரந்தரமான உரிமையற்ற அகதிகளாக அலைந்து கொண்டிருக்கின்ற எமது மக்களுக்கு நிரந்தரமான வாழ்வுரிமையைப் பெற்றுத்தர நடவடிக்கை எடுங்கள் என்றும், இரண்டு கோரிக்கைகளை முன்வைத்த யாழ் பல்கலைக்கழக மாணவர்களின் துயரந் தோய்ந்த மன்றாடல்களை மத்திய அரசின் செவிகளுக்கு எட்டச் செய்து, அதிகாரப்பூர்வமான செயல்பாடுகளில் இறங்குவதற்கான நிர்பந்தத்தை உருவாக்க வேண்டிய தருணம் இது. தமிழக அரசியலின் கட்சி மாச்சரியங்களைத் தாண்டி இந்த நிர்பந்தத்தை உருவாக்க முற்படுவோமா!

கருத்துக்கள்

மிகவும் சரியாகச் சொல்லியிருக்கிறார். ஆனால், அனைத்துக் கட்சிக் குழு என்றால் சிங்கள கொடுங்கோலரசும் காங்கிரசு கொலைகாரக் கட்சியும் விரும்புவது போல் நற்சான்றிதழ் தர முடியாதே! அவர்கள கட்சியினரை மட்டும்தானே கண் மூடி வாய்பொத்தி இருக்கச் சொல்ல முடியும்? அவ்வாறிருக்க எவ்வாறு அனைத்துக் கட்சியினரையும் இலங்கைக்கு அனுப்பி வைக்க முடியும்? உலக மக்களைக் கவருவதற்காகக் கனிமொழி மட்டும் நாடகம் ஆடினால் போதுமா? இந்தக் குழுவின் அறிக்கையே செல்லத்தக்கது அல்ல என்று அறிவிக்க வேண்டும். தமிழர்தாயகமான தமிழ் ஈழம்அமைவது ஒன்றே தமிழர்களின் சிக்கல்களுக்குத் தீர்வு என்பதைப் புரிந்து கொண்டு அதற்கான ஆக்கச் செயல்களில் ஈடுபட்டு வெற்றி காண வேண்டும். ‌

வெல்க தமிழ் ஈழம்! மலர்க ஈழ-உலக நட்புறவு!

அன்புடன் இலக்குவனார் திருவள்ளுவன்

By Ilakkuvanar Thiruvalluvan
10/26/2009 3:51:00 AM

உங்கள் கருத்தைப் பதிவு செய்யுங்கள் *

சனி, 24 அக்டோபர், 2009

திருமாவளவனை திமுக கூட்டணி தவிர்ப்பது ஏன்?

First Published : 24 Oct 2009 12:11:00 AM IST

சென்னை, அக். 23: விடுதலைச் சிறுத்தைகள் கட்சித் தலைவரும், எம்.பி.யுமான திருமாவளவனை திமுக கூட்டணியினர் தவிர்ப்பது ஏன் என்ற கேள்வி அரசியல் வட்டாரத்தில் எழுந்துள்ளது.
அவர் மீது முதல்வர் கருணாநிதி கோபத்தில் உள்ளதாகத் தெரிகிறது.
இதன் வெளிப்பாடாகவே, பிரதமரைச் சந்திக்க வெள்ளிக்கிழமை தில்லி சென்ற எம்.பி.க்கள் குழுவில் திருமாவளவன் இடம்பெறவில்லை என தகவல் அறிந்த வட்டாரங்கள் தெரிவிக்கின்றன. திமுக தலைமையின் இந்தச் செயலால், விடுதலைச் சிறுத்தைகள் கட்சி கடும் அதிர்ச்சியில் உள்ளது.
காங்கிரஸ் தலைமையின் கோபத்தை குறைக்கவே, திமுக இத்தகைய நடவடிக்கையில் இறங்கி இருக்கலாம் என அரசியல் நோக்கர்கள் தெரிவிக்கின்றனர்.
எம்.பி.க்கள் குழுவில்... இலங்கையில் போர் முடிந்த பிறகு, அங்கு அல்லல்படும் தமிழர்களின் நிலையை ஆராய திமுக அணி எம்.பி.க்கள் அண்மையில் அங்கு சென்றனர். இந்தக் குழுவில் விடுதலைச் சிறுத்தைகள் கட்சியின் தலைவர் தொல். திருமாவளவனும் இடம்பெற்றிருந்தார்.
இலங்கையில் இருந்து சென்னை திரும்பிய பிறகு தொல். திருமாவளவன் மட்டும் இலங்கையில் தமிழர்கள் அல்லல்படுவதாகவும், அந்த நாட்டு அதிபர் ராஜபட்சவை போர்க் குற்றவாளியாக அறிவிக்க வேண்டும் எனவும் அறிக்கையும், பேட்டியும் கொடுத்தார்.
இந்தக் கோரிக்கையை வலியுறுத்தி, சென்னையில் வியாழக்கிழமை விடுதலைச் சிறுத்தைகள் கட்சி ஆர்ப்பாட்டம் நடத்தியது.
முதல்வர் கோபம்... திருமாவளவனின் இந்த நடவடிக்கைகள் முதல்வர் கருணாநிதியை கோபப்படுத்தி இருப்பதாக தகவல் அறிந்த வட்டாரங்கள் தெரிவிக்கின்றன. இலங்கை சென்ற திமுக அணி எம்.பி.க்கள் தங்களது அறிக்கையை பிரதமர் மன்மோகன் சிங்கிடம் வெள்ளிக்கிழமை அளித்தனர். தில்லி சென்ற குழுவில் இரண்டு எம்.பி.க்கள் இடம்பெறவில்லை. ஒருவர், திமுக எம்.பி. டி.கே.எஸ்.இளங்கோவன். அவர் அலுவல் பணி காரணமாக அமெரிக்கா சென்றுள்ளதாக திமுக வட்டாரங்கள் கூறுகின்றன. மற்றொருவர் தொல்.திருமாவளவன்.
கூட்டணியில் இருந்து... "தில்லி செல்லும் தகவல் அவருக்கு தெரிவிக்கப்படவில்லை' என்பதால் பிரதமரைச் சந்திக்கும் குழுவில் அவர் இடம்பெறவில்லை' என விடுதலைச் சிறுத்தைகள் கட்சியினர் தெரிவிக்கின்றனர்.
""திருமாவளவன் சென்னையில் வெள்ளிக்கிழமை இருந்தார். திமுக - காங்கிரஸ் எம்.பி.க்கள் குழு பிரதமரைச் சந்தித்த தகவல் பத்திரிகையாளர்கள் மூலமே தெரிய வந்தது.
இதைத் தொடர்ந்து, திமுக நாடாளுமன்றக் குழுத் தலைவர் டி.ஆர்.பாலு உள்ளிட்ட அந்தக் கட்சியின் எம்.பி.க்களை விடுதலைச் சிறுத்தைகள் கட்சித் தலைமை செல்போனில் தொடர்பு கொள்ள முயன்றது. கடைசி வரை முடியவில்லை. பிரதமரைச் சந்திக்கும் தகவல் தெரிவிக்கப்படாதது ஏன்? திமுக அணியில் நாங்கள் இருப்பதை அந்தக் கட்சியின் தலைமை நெருடலாகப் பார்க்கிறதா? இந்தச் செயலை திமுக அணியில் இருந்து எங்களை வெளியேற்றுவதற்கான முயற்சியாகவே பார்க்கிறோம்'' என விடுதலைச் சிறுத்தைகள் கூறுகின்றனர்.
காங்கிரûஸ சமாதானப்படுத்த... முதல்வரின் கோபம் ஒருபுறம் இருந்தாலும், தங்கள் தலைமையை சமாதானப்படுத்தவே திருமாவளவனை திமுக ஓரங்கட்டுவதாக காங்கிரஸ் கட்சியினர் தெரிவிக்கின்றனர்.
""இலங்கை செல்லும் எம்.பி.க்கள் குழுவில் திருமாவளவன் இடம்பெற்றதற்கு காங்கிரஸ் கட்சியின் ஒருசாரார் எதிர்ப்பு தெரிவித்தனர். இந்த எதிர்ப்பையும் மீறி, திருமாவளவன் இலங்கை சென்றார். இந்த நிலையில், மத்திய அமைச்சர் ஆ.ராசாவின் அலுவலகத்தில் சி.பி.ஐ. அதிகாரிகள் சோதனை நடத்தியுள்ளனர்.
இலங்கைப் பிரச்னை உள்ளிட்ட பல்வேறு விஷயங்களில், திமுக தலைமையின் மீதுள்ள கோபத்தை வெளிக்காட்டவே மத்திய அரசு இப்படிப்பட்ட "சோதனை' நடவடிக்கையில் இறங்கியிருக்கலாம். இந்தக் கோபத்தை தணிக்கும் வகையில் திருமாவளவனை தில்லியில் இருந்து சற்று தள்ளி வைக்க திமுக விரும்பி இருக்கலாம். அதன் எதிரொலியே, பிரதமரைச் சந்தித்த எம்.பி.க்கள் குழுவில் திருமாவளவன் இடம்பெறவில்லை'' என காங்கிரஸ் கட்சி வட்டாரங்கள் கருத்து வெளியிட்டுள்ளன.

கருத்துக்கள்

தன் மீது ஈழத் தமிழர்கள் அன்பு செலுத்துவதாகத் தொல்.திருமா குமுதத்தில் தெரிவிததிருந்தார். இதனை அவர் உள்ளபடியே உணர்ந்தார் எனில், உடனே காங்.கூட்டணியை விட்டு விலக வேண்டும். நாடாளுமன்றத்திலும் போர்க்குற்றவாளிகள் மீது நடவடிக்கை எடுக்கக் கடுமையாக வலியுறுத்த வேண்டும். அறவுணர்வுடன் இலக்குவனார் திருவள்ளுவன்

By Ilakkuvanar Thiruvalluvan
10/24/2009 3:01:00 AM

உங்கள் கருத்தைப் பதிவு செய்யுங்கள் *

செவ்வாய், 20 அக்டோபர், 2009

இலங்கைப் போருக்கு திட்டம் வகுத்துக்கொடுத்ததே
மத்திய அரசுதான்:
வைகோ குற்றச்சாட்டு

First Published : 20 Oct 2009 02:14:50 AM IST

பெங்களூர், அக். 19: இலங்கையில் தமிழர்களுக்கு எதிரான போருக்கு திட்டம் வகுத்துக் கொடுத்ததே மத்திய காங்கிரஸ் அரசுதான் என்று வைகோ குற்றம்சாட்டினார்.
கர்நாடக தமிழ் மக்கள் இயக்கம் சார்பில் தமிழ் ஈழ விடுதலை ஆதரவு மாநாடு பெங்களூர் ஸ்ரீராமபுரத்தில் ஞாயிற்றுக்கிழமை நடைபெற்றது. இதில் கலந்துகொண்டு சிறப்புரையாற்றிய வைகோ பேசியதாவது:
இலங்கையில் ஆங்கிலேயர் ஆட்சிக்குப் பிறகு அந்நாட்டில் பூர்வீகக் குடிமக்களாக வாழ்ந்து வரும் தமிழர்களின் சம உரிமை பறிக்கப்பட்டு அவர்களுக்கு எதிராக பெரும்பான்மை சிங்களர்கள் வன்முறையை துவங்கினர்.
அதைத் தொடர்ந்து துவங்கிய தமிழ் ஈழ விடுதலைப் போராட்டத்தை இந்திய பிரதமராக இருந்த இந்திரா காந்தி, தமிழக முதல்வராக இருந்த எம்.ஜி.ஆர். ஆகியோர் ஆதரித்தனர். அங்குள்ள தமிழர்கள் சம உரிமையுடன் வாழ வேண்டும் என்பதற்காக தொலை நோக்குப் பார்வையுடன் விடுதலைப் போராளிகளுக்கு உதவினர்.
அதேபோல வாஜ்பாய் ஆட்சிகாலத்திலும் இலங்கையில் தமிழர்கள் படுகொலை செய்யப்பட்டதை கண்டித்து தீர்மானம் நிறைவேற்றப்பட்டது. பாஜக ஆட்சியில் இலங்கைக்கு ஆயுத உதவிகளை செய்யமாட்டோம் என்பதில் வாஜ்பாய் உறுதியாக இருந்தார்.
ஆனால் பிரதமர் மன்மோகன் சிங் தலைமையில் மத்தியில் காங்கிரஸ் கூட்டணி அரசு அமைந்ததும் இலங்கையில் போராளிகளையும் அப்பாவித் தமிழர்களையும் ஒழிக்க அந்நாட்டுக்கு இந்தியா அனைத்து உதவிகளையும் செய்தது. இலங்கையுடன் இந்தியா ராணுவ ஒப்பந்தம் செய்து, இலங்கைத் தமிழர்களை குண்டுவீசிக் கொல்ல உதவி செய்தது.
அங்கு லட்சக்கணக்கான பெண்களும், பச்சிளம் குழந்தைகளும் அணு அணுவாகக் கொல்லப்பட்டனர். அப்பாவித் தமிழர்கள் கொல்லப்படுவதைத் தடுக்கப் போரை நிறுத்த உலக நாடுகளும், ஐ.நா சபையும் வலியுறுத்தியும் போரை அதிபர் ராஜபட்ச நிறுத்தவில்லை.
எல்லை பிரிவினைவாதத்தில் மட்டும் எதிரிகளாக இருக்கும் இந்தியா, பாகிஸ்தான் மற்றும் சீனா ஆகிய நாடுகள் இலங்கைத் தமிழர்களைக் கொல்ல நேரடியாக ஆயுத உதவிகளை செய்தன
இந்தியர்கள், தமிழகத் தமிழர்களின் வரிப் பணத்தில் வாங்கப்பட்ட ஆயுதங்களை இலங்கைத் தமிழர்களை கொன்று குவிக்க இலங்கைக்கு இந்தியா வழங்கியது மன்னிக்க முடியாத குற்றம்.
போர் முடியும் வரை இலங்கைக்குத் தொடர்ந்து ஆதரவு தெரிவித்து வந்தது இந்தியா. தமிழக முதல்வர் கருணாநிதியும் போரை நிறுத்துமாறு கோரவில்லை. போரை நிறுத்த இந்தியா ஏன் வலியுறுத்தவில்லை என்று பார்த்தால், அந்த போரை வெற்றிகரமாக நடத்த திட்டம் வகுத்துக் கொடுத்ததே காங்கிரஸ் கூட்டணி அரசுதான் என்று தெரியவந்தது.
இலங்கைக்கு இந்தியா ஆயுத உதவி செய்ததை பிரதமர் மன்மோகன் சிங், எனக்கு அக்டோபர் 2-ம் தேதி எழுதிய கடிதத்தில் ஒப்புக்கொண்டு இருக்கிறார்.
இலங்கைப் பிரச்னையில் தொலைநோக்குப் பார்வையின்றி மிகப்பெரிய வரலாற்று தவறு செய்துவிட்டது. காங்கிரஸ் அரசுக்கு மன்னிப்பே கிடையாது. இலங்கையால் இந்தியாவுக்கு எப்போது வேண்டுமானாலும் ஆபத்து வரலாம்.
தமிழ் ஈழப் போராட்டமும் கனவும் அழிவதற்கு நாம் வாய்ப்புக் கொடுத்துவிடக்கூடாது. உலகத் தமிழர்கள் அனைவரும் ஒன்றுபட்டு போராட்டத்தை ஆதரிக்க வேண்டும். பிரபாகரன் உயிரோடு நலமுடன் இருக்கிறார். அவர் மீண்டும் நாட்டு மக்களுக்கு உரையாற்றுவார். ஈழப் போராட்டத்தை தொடருவார் என்றார்.
இலங்கைக்கு அண்மையில் சென்ற திமுக அணி எம்.பி.க்கள் குழு, தமிழர் பிரச்னையை பேசாமல் ராஜபட்சவுடன் சிரித்து பேசி வந்தது மிகவும் கொதிப்பை ஏற்படுத்தியது என்றும் வைகோ குற்றம்சாட்டினார்.

கருத்துக்கள்

உண்மை! உண்மை!உண்மைதான். ஆனால், என் செய்வது? குறுக்கு வழிகளில் ஆட்சி பீடத்தில் காங்கிரசு ஏறி அமர்ந்து விடுகிறதே! அதனை அகற்ற வேண்டும் என்ற உணர்வு மக்களிடம் கொழுந்து விட்டு எரிய வேண்டுமே! சீனாவுடனோ பாக்கிசுதாடனோ நட்பு கொண்டிருந்தால் எப்பொழுதோ வெற்றி வாகை சூடியிருக்க முடியும். என்றாலும் இந்தியாவிற்கு எதிரான நிலைப்பாட்டில் வெற்றியடைய விரும்பாத ஈழத்தமிழர்களை ஈவுஇரக்கமின்றிக் கொன்றொழித்து வருகிறதே, காங்கிரசு! தன்நாட்டுப் பகுதிகளை மீட்க இயலாத காங்கிரசு அரசு அவற்றைக் கைப்பற்றியவர்களின கூட்டாளிகளுடன் இணைந்து கேடயமாக விளங்கும் ஈழத் தமிழர்களைக் கொன்றொழித்து வருவதால் இதனைப் பூண்டோடு ஒழித்தால்தான் இந்தியா அமைதிநாடாகத் திகழும். வெல்க தமிழ் ஈழம்! ஓங்குக ஈழ-உலக நட்புறவுகள்!

அன்புடன் இலக்குவனார் திருவள்ளுவன்

By Ilakkuvanar Thiruvalluvan
10/20/2009 2:49:00 AM

உங்கள் கருத்தைப் பதிவு செய்யுங்கள் *

வியாழன், 15 அக்டோபர், 2009

திமுக, காங்கிரஸ் எம்.பி.க்கள் குழுவால் தமிழர்களுக்கு எந்தப் பலனும் இல்லை:வெங்கைய நாயுடு

First Published : 15 Oct 2009 02:55:34 AM IST

சென்னை, அக். 14: ""இலங்கை சென்று திரும்பியுள்ள திமுக, காங்கிரஸ் எம்.பி.க்கள் குழுவால் இலங்கைத் தமிழர்களுக்கு எந்தப் பலனும் ஏற்படப்போவதில்லை'' என்று பாஜக மூத்த தலைவர் வெங்கைய நாயுடு தெரிவித்தார். இது குறித்து புதன்கிழமை செய்தியாளர்களிடம் அவர் கூறியது: இலங்கைத் தமிழர் பிரச்னை திமுக, காங்கிரஸ் என்ற இரண்டு கட்சிகள் சம்பந்தப்பட்ட பிரச்னை அல்ல. அது ஒரு தேசிய பிரச்னை. இலங்கைத் தமிழர்களுக்கு மறுவாழ்வு கிடைக்க வேண்டும் என்று பாஜக உள்ளிட்ட பல்வேறு கட்சிகள் நாடாளுமன்றத்தில் குரல் கொடுத்துள்ளன. ஆனால் அனுபவம் வாய்ந்த மூத்த அரசியல் தலைவரான தமிழக முதல்வர் கருணாநிதி தனிப்பட்ட முறையில் முடிவெடுத்து திமுக, காங்கிரஸ் எம்.பி.க்கள் குழுவை இலங்கைக்கு அனுப்பியிருப்பது சரியான நடவடிக்கை அல்ல. தமிழகத்தில் உள்ள பாஜக, அதிமுக மற்றும் இடதுசாரி கட்சிகளுக்கு அழைப்பு விடுக்காதது குறித்து மாநிலங்களவையில் கேள்வி எழுப்புவேன். நாடாளுமன்ற குழு என்றால் நாடாளுமன்றத்தில் உள்ள அனைத்துக் கட்சிகளின் உறுப்பினர்கள் அதில் இடம்பெற வேண்டும். அதுதான் ஜனநாயக நடைமுறையாகும். திமுக, காங்கிரஸ் எம்.பி.க்கள் குழுவால் இலங்கைத் தமிழர்களுக்கு எந்தப் பலனும் ஏற்படப் போவதில்லை. ஏனெனில் அங்கு இதுவரை எந்தவித மறுவாழ்வு பணிகளும் தொடங்கப்படவில்லை. போர் முடிந்து 180 நாள்களுக்குப் பிறகுதான் மறுவாழ்வு பணிகள் பற்றி இலங்கை அதிபர் ராஜபட்ச பேசத் தொடங்கியுள்ளார். சுமார் 3 லட்சம் தமிழர்கள் சுகாதாரமற்ற அகதி முகாம்களில் எந்தவித அடிப்படை வசதிகளும் இல்லாமல் அவதிப்பட்டு வருகின்றனர். அவர்களுக்கு திமுக, காங்கிரஸ் எம்.பி.க்கள் குழுவால் விடிவுகாலம் பிறக்கப்போவதில்லை. அரசியல் உள்நோக்கத்துடன் இந்தக் குழு அனுப்பப்பட்டுள்ளது என்றார் வெங்கைய நாயுடு.

கருத்துக்கள்

உண்மைதான். ஆனால், இவர்கள் தமிழர் நலனுக்காகச் சென்றதாக உங்களை யார் தவறாகக் கருதச் சொன்னது? உலகநாடுகளிடம் நிதி வேண்டுவதற்காக- சிங்கள இதழ்கள் சொல்வதன்படித் தமிழர்களைக்காட்டிப் பிச்சை கேட்க- உள்ள தடையைப் போக்குவதற்காகச் சிங்களமும் இந்தியமும் போடும் நாடகத்திற்குத் திமுக ஒத்துழைத்திருக்கிறது. என் செய்வது மத்திய அமைச்சர் பதவியைப் பிச்சையாகத்தர வேண்டியது காங்கிரசுதானே! பதவிநலம் (சுகம்) வேண்டும் என்னும் பொழுது அவர்கள் ஆட்டத்திற்கு ஆடத்தானே செய்ய வேண்டும்.3 இலட்சம் தமிழர்கள் 2 1/2 இலட்சம் ஆனது குறித்துக் கேள்வி கூடக் கேட்க உரிமையற்ற போலிக் குழு விடம் நன்மையை எதிர்பார்ப்பவர்கள் அப்பாவிகளே! அன்புடன் இலக்குவனார் திருவள்ளுவன்

By Ilakkuvanar Thiruvalluvan
10/15/2009 3:36:00 AM

உங்கள் கருத்தைப் பதிவு செய்யுங்கள்

ராஜபட்சேவுக்குத்தான் அனுகூலம்! -
நாடாளுமன்றக் குழு பற்றி விஜயகாந்த்

First Published : 15 Oct 2009 02:57:33 AM IST

சென்னை, அக்.14: "தமிழகத்திலிருந்து இலங்கைக்குச் சென்று வந்த நாடாளுமன்றக் குழுவால் இலங்கை அதிபர் ராஜபட்சேவுக்குத் தான் அனுகூலம் என்று தேமுதிக தலைவர் விஜயகாந்த் தெரிவித்துள்ளார். இதுதொடர்பாக விஜயகாந்த் புதன்கிழமை வெளியிட்ட அறிக்கை: தமிழகத்திலிருந்து இலங்கைக்கு சென்று வந்த நாடாளுமன்றக் குழுவால், அங்குள்ள தமிழர்களுக்கு சிறிதளவும் நன்மை கிடையாது. அந்நாட்டு அதிபர் ராஜபட்சவுடன் இனித்துப் பேசி, கைகுலுக்கி, புகைப்படத்துக்கு போஸ் கொடுத்துவிட்டு நாடு திரும்பியுள்ளது நாடாளுமன்றக் குழு. இந்தப் பயணம் ராஜபட்சவுக்குத்தான் அனுகூலமாக அமைந்துள்ளது. தமிழ்நாட்டைச் சேர்ந்த எம்.பி.க்களே தனக்கு நற்சான்றிதழ் கொடுத்துவிட்டார்கள் என்று, அவரை குறை சொல்லக்கூடிய ஐ.நா. சபைக்கும் மற்ற ஜனநாயக நாடுகளுக்கும் ராஜபட்ச இதை பயன்படுத்திக் கொள்வார். "இந்திய முன்னாள் பிரதமர் ராஜீவ்காந்தி கொலைக்காக, இதுவரை ஒரு லட்சம் தமிழர்கள் இறந்துவிட்டனர். இன்னும் எத்தனை தமிழர்களைக் கொல்லப் போகிறீர்கள்' என யாழ்ப்பாண பல்கலைக்கழக மாணவர் ஒருவர் நாடாளுமன்றக் குழுவிடம் கேள்வி எழுப்பியுள்ளார். "பேரழிவு ஆயுதங்களைக் கொண்டு தமிழர்களை இலங்கை ராணுவம் சுட்டு வீழ்த்திக் கொண்டிருந்தபோது, போர் நின்றுவிட்டது என்று அறிவித்த முதல்வர் கருணாநிதியை உலகத் தமிழர்களின் தலைவர் என்று எப்படி அழைக்க முடியும்' என்று மற்றொரு மாணவர் கேள்வி எழுப்பியுள்ளார். இந்தக் கேள்விகளுக்கு நாடாளுமன்றக் குழு பதிலளித்ததாகத் தெரியவில்லை. எங்கள் கூட்டணி சார்பில் பிரதமரை சந்தித்து மனு கொடுத்தோம். அதை ஏற்றுக்கொண்டு இலங்கை செல்ல அனுமதி அளித்தார். இலங்கைத் தமிழர்கள் மீது அக்கறை இருந்தால் எதிர்க்கட்சிகளும் இதுபோல் செய்யட்டும் என்று முதல்வர் கருணாநிதி அறிக்கை விட்டுள்ளார். முன்னாள் முதல்வர் எம்.ஜி.ஆர். காலத்திலேயே இலங்கைத் தமிழர் பிரச்னையில் ஒற்றுமை வேண்டும் என்றபோது, இதைச் சீரழித்தவர் கருணாநிதிதான். இவர் என்றைக்கு அரசியலில் புகுந்தாரோ அன்று முதல் இன்று வரை, பிரித்தாளும் சூழ்ச்சி மூலமே முன்னுக்கு வந்தவர் என்பதை உலகம் அறியும். நாடாளுமன்றக் குழு இங்கிருந்து இலங்கை சென்றுதான் உண்மையைக் கண்டறிய வேண்டும் என்றால், இலங்கையில் இந்தியத் தூதரகம் எதற்கு? பேராபத்தில் தமிழர்கள் உள்ளபோது, இந்திய அரசு மௌனம் சாதிப்பது யாருக்காக இந்த அரசு நடைபெறுகிறது என்ற சந்தேகத்தை எழுப்புகிறது. தமிழர்கள் இறந்தாலும் பரவாயில்லை, இந்திய -இலங்கை உறவு நன்றாக இருந்தால் போதும் என்று நினைக்கிறார்களோ என்ற சந்தேகத்தையும் எழுப்புகிறது என்று விஜயகாந்த் கூறியுள்ளார்.

கருத்துக்கள்

மிகவும் சரியான கருத்து.இந்திய இலங்கை உறவிற்காகத் தமிழர்களைக் காவு கொடுக்கும் மத்திய அரசின் கொடும் போக்கிற்குத் திமுக தலைமையும் அடிபணிந்து விட்டது. மேலும்'சகோதர யுத்தம்' என்று அடிக்கடிக் கூறி உரிமைப் போராட்டத்தைக் கொச்சைப்படுத்துவோர் முதலில் அதிமுக மதிமுக வுடனான பகைப்போரை நிறுத்தட்டும்!

அன்புடன் இலக்குவனார் திருவள்ளுவன்

By Ilakkuvanar Thiruvalluvan

10/15/2009 3:21:00 AM

VERY GOOD VIJAYKANTH..BUT YO ARE ALSO DOING STUNT POLITICS.WE KNOW VERY WELL, DON'T FOOLISH OUR SL TAMILS

By vijay

இலங்கையில் தமிழர்கள் முகாம்களின் அவலநிலை: எம்.பி.க்கள் குழு அறிக்கை

First Published : 15 Oct 2009 01:11:17 AM IST

Last Updated : 15 Oct 2009 01:20:24 AM IST

ராஜபட்சவுடன் (இடமிருந்து) கனிமொழி, டி.ஆர். பாலு, ஜே.எம். ஆருண்.

சென்னை, அக். 14: இலங்கையில் முகாம்களில் அடைக்கப்பட்டுள்ள தமிழர்கள் உணவு, குடிநீர், மாற்று உடை இன்றி அவதிப்பட்டு வருவதாக தமிழக எம்.பி.க்கள் குழு அறிக்கையில் குற்றஞ்சாட்டப்பட்டுள்ளது.இலங்கையில் முகாம்களில் உள்ள தமிழர்களின் நிலைமையை நேரில் கண்டறிவதற்காக முன்னாள் மத்திய அமைச்சர் டி.ஆர்.பாலு தலைமையில் தி.மு.க., காங்கிரஸ், விடுதலைச் சிறுத்தைகள் கட்சிகளைச் சேர்ந்த 10 எம்.பி.க்கள் கடந்த 10-ம் தேதி இலங்கைக்கு சென்றனர். 5 நாள் பயணத்தை முடித்துக் கொண்டு புதன்கிழமை சென்னை திரும்பினர்.முகாம்களின் நிலைமை குறித்து அக்குழு வெளியிட்ட அறிக்கையில் கூறப்பட்டுள்ளதாவது:இலங்கையில் முள்வேலி முகாம்களில் உள்ள தமிழ் மக்களை பார்க்கும்போது வேதனை தாங்க முடியவில்லை. அவர்களை விடுதலை செய்து, சொந்த ஊர்களில் குடியமர்த்த வேண்டும். அங்கேயே தொடர்ந்து இருக்க வேண்டிய நிலைமை ஏற்படுமேயானால், பருவமழை நேரத்தில் எவ்வளவு கஷ்டங்களை அனுபவிப்பார்கள் என்பதை எண்ணிப் பார்க்கவே முடியவில்லை.

இலங்கையில் உள்ள முள்வேலி முகாமில் தமிழர்கள்.

இவைகளையெல்லாம் இலங்கை அரசுக்கு எடுத்துச் சொல்லியிருக்கிறோம். இலங்கை அதிபர் ராஜபட்சயை சந்தித்தபோதும் இந்த நிலைமைகளை அவரிடத்திலே கூறியிருக்கிறோம். இதை மனிதாபிமான உணர்ச்சியோடு அணுகி, ஆவன செய்வதாக அவர் எங்களுக்கு வாக்களித்திருக்கிறார். அந்த மனிதாபிமான உணர்ச்சிக்கு எவ்வளவு மரியாதை கொடுக்கிறார்கள் என்பதை, முகாம்களில் உள்ள தமிழர்களை அவர்களுடைய சொந்த இடங்களுக்கு கொண்டு போய் சேர்ப்பதில்தான் தெரிந்து கொள்ள முடியும்.

மொத்தம் 2 லட்சத்து 53 ஆயிரத்து 567 பேர் முகாம்களில் தங்க வைக்கப்பட்டுள்ளனர். அவர்களில் "மெனிக் பண்ணை' முகாமில் மட்டும் 2 லட்சத்து 38 ஆயிரத்து 56 பேர் தங்க வைக்கப்பட்டுள்ளதாக ஐ.நா. அமைப்பு தெரிவிக்கிறது.இந்த மக்களை நாங்கள் நேரில் சந்தித்துப் பேசினோம். ஒவ்வொரு முகாமிலும் எங்களை சூழ்ந்து கொண்டு பல்வேறு குறைகளைச் சொன்னார்கள். "உணவு சரியாக வழங்கப்படவில்லை; தண்ணீர் கிடைக்கவில்லை; குழந்தைகளுக்கு பால் கிடைக்கவில்லை' என தெரிவித்தார்கள். தங்களை எப்படியாவது சொந்த ஊருக்கு அனுப்பி வைக்க வேண்டும் என அவர்கள் கெஞ்சினர்.

சென்னை திரும்பிய பிறகு இலங்கைத் தமிழர்களின் நிலை குறித்த அறிக்கையை முதல்வர் கருணாநிதியிடம் சமர்ப்பிக்கிறார் எம்.பி.க்கள் குழுவின் தலைவர் டி.ஆர். பாலு. உடன் எம்.பி.க்கள் கனிமொழி, என்.எஸ்.வி. சித்தன், ஆரூண், திருமாவளவன்.

பொதுவாக அவர்களில் பல பேர் மாற்று உடை இல்லாமல் ஒரே உடையைப் பல நாட்களாக அணிந்திருப்பது தெரியவந்தது. தண்ணீர் இல்லாமையால் குளிக்கவும், மலம் கழிக்கவும் அவர்கள் சிரமப்படுவதைத் தெரிவித்தனர். ஆங்காங்கே அமைக்கப்பட்டிருந்த தண்ணீர் குழாய்களுக்கு எதிரே, மிக நீண்ட வரிசையில் வைக்கப்பட்டிருந்த பாத்திரங்களை வழியெங்கும் கண்டோம்.

மேலும் ஓரிரு மாதங்கள் அந்த மக்கள் அங்கே தங்க வைக்கப்பட்டிருந்தால், அவர்கள் மிக மோசமான நிலையைச் சந்திக்க வேண்டியிருக்கும். சதுப்பு நிலக் காடுகள் என்பதால் பருவமழை தொடங்கிய பின் அவர்கள் நிலைமை மிகவும் கொடுமையாக இருக்கும்.அமருவதற்கு கூட வசதிகள் இல்லாமல் போய்விடும். தொற்று நோய்த் தாக்குதல் பரவக்கூடிய நிலை ஏற்படும். குழந்தைகள், சிறுவர்கள், வயோதிகர்கள் மிகுந்த அவதிக்கு ஆளாகி உயிரிழக்க நேரிடும்.அரசு சில கட்டமைப்பு வசதிகளை செய்து தந்திருந்தாலும், இதுபோன்ற முகாம்கள் மிகக் குறைந்த காலத்திற்கு மட்டுமே பயன்படுத்தப்பட வேண்டும். மாதக் கணக்கில் லட்சக்கணக்கான மக்கள் தங்குவது விபரீத விளைவுகளையே ஏற்படுத்தும்.மொத்தத்தில், முகாம்களில் தங்க வைக்கப்பட்டுள்ள தமிழர்கள் பல்வேறு அவதிகளைச் சந்தித்து வந்த போதிலும், இலங்கை அரசு மீண்டும் அவர்களின் சொந்த ஊர்களுக்கு அனுப்பி வைக்கும் என்ற நம்பிக்கையை இன்னும் இரண்டு வார காலத்தில் ஏற்படுத்தும் என தோன்றுகிறது என்று அந்த அறிக்கையில் கூறப்பட்டுள்ளது.

கருத்துக்கள்

முழு அறிக்கையையும் வெளியிடுங்கள்.(ஏற்கெனவே நூறாயிரக்கணக்கான தமிழ்மக்களைக் கொன்றதற்காகவா? அல்லது நூறாயிரக்கணக்கான தமிழ்மக்களை அடைத்துக் கொடுமைப்படுத்துவதற்காகவா? அல்லது அவர்களுள் ஐம்பதாயிரம் பேருக்கு மேற்பட்டவர்களைக் காணாமல போன (கொல்லப்பட்டோர்) பட்டியலில் சேர்க்கச் செய்ததற்காகவா? எதற்கு இந்தப் பொன்னாடை? காக்கும் படை என்ற பெயரில் சென்று கொல்லும் படையாக மாறிய இந்திய அமைதிக் காப்புப் படையை வரவேற்க மாட்டேன் என்ற கலைஞரின் தம்பி தங்கையர் எதற்காக இப்பொழுது பொன்னாடை அணிவிக்கின்றார்கள்?) வருத்தத்துடன் இலக்குவனார் திருவள்ளுவன்

By Ilakkuvanar Thiruvalluvan

10/15/2009 2:47:00 AM

இனிமேலாவது மத்திய , மாநில அரசுகள். இன ,மத, அரசியல், கட்சி பேதமை பார்க்காமல் இதயப் பூர்வமான ,மனிதாபிமான நடவடிக்கைகளை இலங்கை தமிழர்களின் விசயத்தில் நல்ல முடிவை எடுக்க வேண்டும் என நம்புகிறோம்.

By Ibnusalih,abudhabi,uae.
10/15/2009 2:42:00 AM

Good ,atleast these MPs ahd gone and given the informations. The informations ar erefelcting the true nature only and now these MPS and T.N people and government can pressure Center to carryout the sppedy recovery works soon. As they rightly mentioned ,Tamils must be shifted to comfortable zones,certainly to their places so that they feel secure and how long lakhs of people can stay like that. All tehse coming to light with politica,back gtround as these MPS had visited. Instead commenting wrongly or seeing in negative way let us encourage them and anticipate them to act swiftly towards welfare of our Tamils. when going to other country and meeting head of the state ,honoring with shawl etc ,as a mere routine courtesey and not more than that and commenting badly on such incidents are bad. Just giving bad comments will not fetch any benefits. Think assertively and unite towards the welfare of tamils. Rahman/Raja/Karthikeyan Note We will be thankful if some of our friends

By rahman/raja/karthi
10/15/2009 2:36:00 AM

Good job KanimoZhi and co. All tamils should unite to uphold our culture and tradition and contribute to worlds peace and harmony and productivity. What happens in Sri Lanka is nothing but a genocide with vengence. Karunanithi and co should ask the central government to assume moral conciousness and further explain that seeking a practical solution(Tamil self rule) to a shear state sponsored political, diplomatic and physical brutality by the tamils in Sri Lanka should not be construed as a step that will destabilize India.

By Manoratnam
10/15/2009 2:31:00 AM

இலங்கைத்தமிழர் பிரச்சனை தொடர்பாக கலைஞர் மீது முன்பு விமர்சனங்கள் இருந்தாலும் தற்போது பல ஆக்கபூர்வமான செயல்களைச் செய்து வரலாற்றில் இடம்பிடித்துக்கொண்டிருக்கின்றார். அரசியலுக்காக இதனை அவர் செய்தாலும் அகதிமுகாம் மக்களின் விடுதலைக்கு அது உதவுகின்றது என்பது இங்கு முக்கியம்.

By Ravi
10/15/2009 2:22:00 AM

For the Tamil KILLER Raja Pakakshe these Tamil MPS are honoring with Ponnadai. This is what you can expect from Karunanithi to save his power and FOOL the entire TAMIL WORLD. Plople should understand his cunningness. I think Karunanidhi is Thanking Rajapakshe for killing all tamil people and saved him from LTTE and their supporters. Pal

By PAL
10/15/2009 2:13:00 AM

I would have a put a garland of bombs to that chimp in colombo,,fkers I am a tamil, stupid tamil mps, you have no shame..

By madrasrowdy
10/15/2009 2:01:00 AM

I would have fkingSmack the shytout of the punkazzchimp stupid gayfagggotsob rajapakshe if he said anything to my face, fkers how can you shake the hand of a tamil kller or smile at that sinhala fkhead, stupid tamil guys be a man first. You think rajapakshe would have the guts to talk infront of leader prabhakaran, he would run away as soon as he saw the tiger the real tamil leader prabhakaran. man what a frikkinstupid bunch of MPs from india.. and I am from Chennai. bunch oflosers...

By madraspokkiri
10/15/2009 1:59:00 AM

உங்கள் கருத்தைப் பதிவு செய்யுங்கள் *