அசாம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
அசாம் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

புதன், 1 மே, 2013

மூவருக்குப் பச்சைக்கொடி ? அசாம் கைதியின் தூக்கு ஆயுள் தண்டனையாகக் குறைப்பு - உச்ச மன்றம் அதிரடித் தீர்ப்பு

அசாம் கைதியின் தூக்கு  ஆயுள் தண்டனையாக க் குறைப்பு - உச்ச மன்றம்  அதிரடி த் தீர்ப்பு
அசாம் கைதியின் தூக்கு ரத்து: ஆயுள் தண்டனையாக குறைப்பு-சுப்ரீம் கோர்ட்டு அதிரடி தீர்ப்பு
புதுடெல்லி, மே 1-

அசாம் மாநிலத்தைச் சேர்ந்த மகேந்திரநாத் தாஸ் என்பவருக்கு கவுகாத்தி நீதிமன்றம் 1997-ம் ஆண்டு இரட்டை கொலை வழக்கில் தூக்கு தண்டனை விதித்தது.

1990-ல் ரஞ்சன்தாஸ் என்பவரை கொலை செய்த அவர் ஜாமீனில் வந்த போது 6 ஆண்டு கழித்து ஹரகந்ததாஸ் என்பவரை கொன்றார். அவருக்கு விதிக்கப்பட்ட தூக்கு தண்டனையை அசாம் ஐகோர்ட்டும், சுப்ரீம் கோர்ட்டும் 1999-ல் உறுதி செய்தன.

இதையடுத்து மகேந்திர நாத்தாஸ் ஜனாதிபதிக்கு கருணை மனு அனுப்பினார். 12 ஆண்டுகள் கழித்து கடந்த 2011-ம் ஆண்டு கருணை மனுவை ஜனாதிபதி நிராகரித்தார்.

கருணை மனு மீது தாமதமாக முடிவு எடுத்ததால் தனக்கு விதிக்கப்பட்ட தூக்கு தண்டனையை குறைக்க வேண்டும் என்று சுப்ரீம் கோர்ட்டில் மகேந்திரநாத் தாஸ் மனு தாக்கல் செய்தார்.

மனுவை நீதிபதி ஜி.எஸ். சிங்வி தலைமையிலான டிவிஷன் பெஞ்ச் விசாரித்து மகேந்திரநாத்தாசுக்கு விதிக்கப்பட்ட தூக்கு தண்டனையை ஆயுள் தண்டனையாக குறைத்து உத்தரவிட்டது. இந்த உத்தரவின் மூலம் 16 ஆண்டுகளாக தூக்கு கயிறை எதிர்நோக்கி இருந்த அவரது தலை தப்பியது.

ஏற்கனவே இது போல் கருணை மனு மீது ஜனாதிபதி தாமதமாக முடிவு எடுத்ததால் பஞ்சாபை சேர்ந்த காலிஸ்தான் தீவிரவாதி புல்லர் தண்டனையை குறைக்க கோரி சுப்ரீம் கோட்டில் மனு செய்தான். அவன் தீவிரவாதி என்பதாலும் குண்டு வெடிப்பில் தொடர்புடையவன் என்பதாலும் அவனது கோரிக்கையை ஏற்க சுப்ரீம் கோர்ட்டு மறுத்து தூக்கு தண்டனையை உறுதி செய்தது குறிப்பிடத்தக்கது.

புதன், 6 மார்ச், 2013

செயலிழந்த சிறுநீரகங்கள் - ஆனால், அருவினை ஆற்றத் துடிப்பு

 



அசாமில், இரண்டு சிறுநீரகமும் செயல் இழந்த நிலையில், உயிருக்கு போராடும் ஏழை மாணவி ஒருவர், 10ம் வகுப்பு தேர்வில் சாதனை படைக்கும் முயற்சியில், தேர்வுக்கு தீவிரமாக தயாராகி வருகிறார்.

அசாம் மாநிலம், ஜோர்கத் மாவட்டத்தில், ஒரு குக்கிராமத்தை சேர்ந்தவர் அவந்திகா. 15 வயது சிறுமியான இவர், படிப்பில் மிகவும் கெட்டிக்காரர்; நத்மால் - சுதா அகர்வாலா தம்பதியரின் மூன்றாவது மகள். மிகவும் ஏழை குடும்பத்தை சேர்ந்த இவருக்கு, ஆறாம் வகுப்பு படிக்கும்போதே சிறுநீரக கோளாறு ஏற்பட்டது. குடும்பத்தின் ஏழ்மை காரணமாக, நல்ல சத்தான உணவுகளை சாப்பிட முடியவில்லை. நாளுக்கு நாள் சிறுநீரகங்கள் சீர்கெட்டு வந்தன; இரண்டு சிறுநீரகங்களும் செயல் இழந்த நிலையில், சிகிச்சை பெறுவதற்காக ஐதராபாத்திற்கு அழைத்து சென்றுள்ளனர். அவந்திகாவை பரிசோதித்த டாக்டர்கள், கண்டிப்பாக, சிறுநீரக மாற்று அறுவை சிகிச்சை செய்தால் தான், காப்பாற்ற முடியும் என, கூறியுள்ளனர்.

சிறுநீரக மாற்று அறுவை சிகிச்சை செய்வதற்கு, போதுமான பணம் தங்களிடம் இல்லை என கூறி, அவந்திகாவின் பெற்றோர், ஆயுர் வேத சிகிச்சை அளிப்பதற்காக, மகாராஷ்டிரா மாநிலம் நாசிக்கிற்கு அழைத்து சென்றனர். ஆயுர்வேத சிகிச்சைக்கு பின், சில நாட்கள் அவர் நன்றாக இருப்பதுபோல் தெரிந்தாலும், கடந்த இரண்டு ஆண்டுகளாக தொடர்ந்து உடல் நிலை பாதிக்கப்பட்டு வந்து உள்ளது. இருப்பினும், மாற்று அறுவை சிகிச்சையை தவிர அவந்திகாவை காப்பாற்றுவதற்கு வழியில்லை என்ற கட்டத்திற்கு வந்து விட்டார் அவரின் தந்தை. இதற்காக, அரசு உதவி, தனிநபர் உதவி என, பலரையும் நாடி வருகிறார். ஆனால், அவரால் போதிய நிதியை திரட்ட முடியவில்லை. உயிருக்கு போராடி வரும் நிலையிலும், எப்படியும், 10ம் வகுப்பு தேர்வை எழுதியே தீருவேன் என்ற நம்பிக்கையுடன் அவந்திகா படித்து வருகிறார். அவரது குடும்பத்தாரும், பள்ளி நிர்வாகத்தினரும், தேர்வு எழுத வேண்டாம்; அறுவை சிகிச்சை செய்து கொள்ளலாம் என, முயற்சிகளை மேற்கொண்டு வருகின்றனர்.

இதற்கிடையில், அவந்திகாவுக்கு, ஒரு சிறுநீரகமாவது தானமாக கிடைக்குமா என, டாக்டர்கள் முயற்சிகளை மேற்கொண்டனர். ஆனால், துரதிருஷ்டவசமாக, அவந்திகாவின் ரத்த வகை "ஏபி பாசிட்டிவாக' இருப்பதால் இதுவரை, ஒரு சிறுநீரகம் கூட பெற முடியவில்லை. கடந்த ஒரு மாதமாக, அவருக்கு அளிக்கப்பட்ட மருந்து, மாத்திரைகள் வேலை செய்யவில்லை; தற்போது கடவுளின் கருணையை மட்டுமே நம்பி, உடல் நலிவடைந்த நிலையிலும், தேர்வுக்கு மும்முரமாக தயாராகி வருகிறார். அறுவை சிகிச்சைக்கு வாய்ப்பு ஏற்படும் பட்சத்தில், தேர்வுக்கு பிறகு பார்த்து கொள்ளலாம் என, நாட்களை நகர்த்தி வரும், அவந்திகா கூறுகையில், ""நோய் அதன் வேலையை செய்கிறது; நான் என் வேலையை செய்து கொண்டிருக்கிறேன்,'' என்கிறார். அவந்திகா படிக்கும் பள்ளியின் முதல்வர் அலோக் நந்தா கூறுகையில்,""அவந்திகா உடல்நிலை பாதிக்கப்பட்ட நிலையில் படிப்பில் என்றும் சோடை போனதில்லை;அவள் கண்டிப்பாக சாதிப்பாள். அவருக்காக பிராத்தித்து வருகிறேன்,'' என்றார்.

புதன், 13 பிப்ரவரி, 2013

வருந்துவதா? மகிழ்வதா?


வன்முறைக்கு வருந்துவதா?  பழங்குடிப் பெண்களின் போராட்ட உணர்விற்கு மகிழ்வதா? அன்புடன் இலக்குவனார் திருவள்ளுவன் /தமிழே விழி! தமிழா விழி! எழுத்தைக் காப்போம்! மொழியைக் காப்போம்! இனத்தைக் காப்போம்!/

செவ்வாய், 29 நவம்பர், 2011

அசாமிய எழுத்தாளர் இந்திரா கோசுவாமி காலமானார்


அசாமிய எழுத்தாளர் இந்திரா கோஸ்வாமி காலமானார்

First Published : 29 Nov 2011 09:12:15 AM IST


புதுதில்லி, நவ.29: புகழ்பெற்ற அசாமிய எழுத்தாளர் இந்திரா கோஸ்வாமி (வயது 69) இன்று கௌஹாத்தியில் காலமானார். கடந்த பிப்ரவரி மாதத்தில் இருந்து இவருடைய உடல்நிலை மோசமாக இருந்தது. ஆறு மாதங்களாக மருத்துவமனையில் அனுமதிக்கப்பட்டிருந்த இவர், இன்று காலை 7.45க்கு காலமானார்.  இவர் உல்ஃபா பயங்கரவாதிகளுடனான அரசுத் தரப்பு பேச்சுவார்த்தையில் மத்தியஸ்தராகச் செயல்பட்டவர். ஞானபீட விருது பெற்ற எழுத்தாளரான இவரின் மறைவுக்கு பல்வேறு தரப்பினரும் வருத்தம் தெரிவித்து வருகின்றனர்.பாஜக நாடாளுமன்றத் தலைவர் சுஷ்மா ஸ்வராஜ் தனது டிவிட்டர் பக்கத்தில், இந்திரா கோஸ்வாமியின் மறைவு இலக்கிய உலகுக்கு மிகப் பெரும் இழப்பு என்று இரங்கல் தெரிவித்துள்ளார்.