tamil language லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
tamil language லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வெள்ளி, 19 நவம்பர், 2010

கிரந்தம் வடிவில் வரும் எமன்: - தமிழக அரசியல்




‘என்றும் உள தென்தமிழ்’ எனக் கம்பன் பாடிய தமிழுக்குக் காலம் தோறும் தமிழ்ப் பகைவர்கள் கேடு செய்து வருகின்றனர். இப்பொழுது தமிழுக்கு எதிராக அவர்கள் ஆயுதமாக எடுத்துக் கொண்டது கணிணியை. கணிணியில் கிரந்தப் பயன்பாடு வேண்டும் என்ற போர்வையில், தமிழ் ஒழிப்பு வேலையில் ஈடுபட்டுள்ளனர். ஆனால், அதனை நம்மில் பலர் உணரவில்லை. இதுபற்றி, தனது ஆய்வுக் கருத்துக்களை நம்மிடம் பகிர்ந்துகொள்கிறார் இருபது ஆண்டுகளாகத் தமிழ் எழுத்துச் சிதைவை எதிர்த்துப் போராடிவரும் ஆட்சித் தமிழறிஞரான இலக்குவனார் திருவள்ளுவன்.

கணிணியச்சிடுவதற்குப் பயன்படுத்தும் அதே எழுத்துரு மற்றவர் கணிணியில் இருந்தால்தான் நாம் அனுப்புவனவற்றை அடுத்தவர் படிக்க முடியும். இந்தக் குறையைப் போக்க, தகவல் மாற்றமைப்பிற்கான இந்தியத் தரக்குறியீட்டு முறையும் (ISCII - Indian Standard Code for Information Interchange) தமிழ்த்தரக் குறியீட்டுமுறையும் (TSCII - Tamil Standard Code for Information Interchange) அறிமுகப்படுத்தப்பட்டன. ஆனால் அடோப், ஆப்பிள், ஐ.பி.எம்., கூகுள், மைக்ரோசாப்டு முதலிய பன்னாட்டு நிறுவனங்களின் கூட்டிணைவான ஒருங்குறி அவையம்

(Unicode Consortium) அறிமுகப்-படுத்திய ஒருங்கீட்டு முறை மேலாதிக்கம் செலுத்தி-யமையால் நம் நாட்டு முறைகள் பின்தங்கின.

இப்பொழுது, உலக-மொழிகளின் கணிணிப் பயன்பாட்டிற்கு இந்த அமைப்பின் ஒதுக்கீடே அடிப்படை என்னும் நிலை வந்துவிட்டது. இந்த அமைப்பின் மூலம் கிரந்த எழுத்துகளைக் கணிணியில் பயன்படுத்த ஒதுக்கீடு வேண்டும்பொழுதுதான் தமிழுக்கு எதிரான சதி தெரியவந்திருக்கிறது.

கிரந்தம் என்றால் என்ன?

சமசுகிருத எழுத்துகளைத் தமிழ் முதலான மொழிகளில் எழுதுவதற்கு உருவாக்கப்பட்ட எழுத்துவகைதான் கிரந்தம். தமிழுக்கு இலக்கணம் வகுத்த தொல்காப்பியர் அயல் மொழி எழுத்துகளை நீக்கி எழுத வேண்டும் என்று வரையறுத்துள்ளார். ஆனால், நாம் கிரந்தத்தைப் பயன்படுத்தியதால் எண்ணற்ற சமசுகிருதச் சொற்களும், பின்னர் அரபு, ஆங்கிலம் போன்ற பிறமொழிச் சொற்களும் தமிழில் கலந்து தமிழைச் சிதைத்தன.

இந்த நிலையில்... மணிப்பிரவாள நடைக்குப் புத்துயிர் அளிக்கும் நோக்கத்தோடு, கிரந்தத்திற்கு ஒருங்குறியில் இடம் வேண்டி மத்திய அரசு 2 ஆண்டுகளாக ஆய்வு செய்து வந்தது. அதற்கிணங்க, மத்திய தகவல் தொழில் நுட்பத்துறை பல கூட்டங்களுக்குப் பின் செப்டம்பர் 2010&ல் இறுதிக் கூட்டம் கூட்டி முடிவெடுத்து, ஒருங்குறி அவையத்திற்கு 18.10.2010 அன்று பரிந்துரைத்துள்ளது. அதனை ஏற்பதற்கான முடிவெடுப்பு 06.11.2010 அன்று நடந்த ஒருங்குறி அவையத்தில் நடைபெறுவதாக இருந்தது.

அவ்வாறு அன்று அந்த முடிவை ஏற்றிருந்தால், பின் எந்த நாடு சொன்னாலும் அதனை அவ்வமைப்பு திரும்பப் பெற்றிருக்காது. நல்ல வேளையாகத் தமிழ்க் காப்பு அமைப்புகள் சார்பில் 2.11.2010 அன்று திராவிடர் கழகத் தலைவர் கி.வீரமணி வாயிலாக, அப்போதைய மத்திய தகவல் தொழில்நுட்பத்துறை அமைச்சர் ஆ.இராசாவிடம் முறையிட்டதன் தொடர்ச்சியாக இந்த முடிவெடுப்பு 26.02.2011 அன்று நடைபெற உள்ள கூட்டத்திற்கு ஒத்தி வைக்கப்பட்டது.

சுருக்கமாகக் கூறுவதாயின், மணிப்பிரவாள நடைக்காக, தமிழ் எழுத்துகளில்
க1 க2 க3 க4 என்பதுபோல் 26 கிரந்த எழுத்துகளைப் புகுத்த முதலில் திட்டமிட்டனர். பின் எ, ஒ, ழ, ற, ன ஆகிய தமிழ் எழுத்துகளையும் தமிழ் எண்களையும் கிரந்தத்தில் சேர்த்து 89 குறியீடுகளுக்காகக் கருத்துரு அளிக்கப்பட்டுள்ளது. இதனால் தமிழ், விரிவாக்கத் தமிழாக வளர்ச்சி பெறுவதாகக் கதையும் கூறப்பட்டது. மேலும், தமிழ் எழுத்துகளையும் கிரந்தத்தில் சேர்ப்பதன் மூலம் இந்தியாவின் அனைத்து மொழிகளையும் கிரந்த எழுத்து கொண்டே எழுத முடியும் எனத் தெரிவிக்கப்பட்டுள்ளது. அப்படியானால், ‘இந்தியா ஒரே நாடாக விளங்க அனைத்து மொழிகளையும் எழுதக் கூடிய கிரந்த எழுத்துகளைத்தான் அனைவரும் பின்பற்ற வேண்டும்’ என்ற முறையை அறிமுகப் படுத்துவதுதானே இதன் உள்நோக்கம்?

இதை வீண் கவலை என்று ஒதுக்கிட முடியாது. செந்தமிழ் வழங்கிய சேரநாட்டில் கிரந்த எழுத்துகளின் செல்வாக்கைப் புகுத்தியதால்தான் தமிழ், மலையாளம் ஆயிற்று. ஆக, மீண்டும் ஒரு மலையாள மொழி தமிழ்நாட்டில் தோன்ற வேண்டும் என்ற அவலத்திற்கு வித்திடத்தானே கிரந்தத்தைப் புகுத்துகின்றனர். ஆனால், இதைத் தடுத்திட நாம் என்ன செய்தோம்? ஒருங்குறி அவையத்தில் தமிழ்நாடும் உறுப்பினராக இருந்தது. ஆனால், உறுப்பினர் கட்டணம் அமெரிக்கப் பணத்தில் 12,000 செலுத்தத் தவறியமையால், உறுப்பினர் தகுதியைத் தமிழ்நாடு இழந்து விட்டது. பல நூறு கோடி ரூபாய் செலவழித்துச் செம்மொழி மாநாட்டை நடத்திய நமக்கு இந்தத் தொகை பெரிதா?

மத்திய அரசின் மனித மையக் கணிணிப் பிரிவு (Human Centered Computer Division)இயக்குநர் சொர்ணலதா 2008&லிருந்து நடத்திய கூட்டங்களில், தமிழ்நாடு சார்பில் யாரும் பங்கேற்காததன் காரணம் என்ன? அப்படிப்பட்ட சூழலிலும் கூட்ட விவரத்தைத் தெரிவித்துக் கருத்து கேட்டுள்ளது மத்திய அரசு. உரிய காலத்தில் கிடைக்கப் பெறவில்லை என்றாலும் தமிழ் இணையப் பல்கலைக்கழக (தமிழ் இணையக் கல்விக் கழக) இயக்குநர் மறுமொழி அளித்துள்ளார். அதற்கு முன்னரே, தமிழ் இணைய வளர்ச்சிக்கு என அமைக்கப்பட்ட உத்தமம் (INFITT) சார்பிலும் ஒருங்குறி அவையத்திற்கு மறுப்பு அளிக்கப்பட்டுள்ளது.

உலகெங்கும் உள்ள கணிணி அறிஞர்களும் தமிழார்வலர்களும் இது குறித்து எச்சரித்தும்... தமிழக அரசு கவனத்திற்கும் பொது மக்களின் கவனத்திற்கும் முன்னரே இதை ‘உத்தமம்’ ஏன் கொண்டுசெல்லவில்லை? முதலமைச்சர் கவனத்-திற்குப் பிறரால் இது குறித்த தகவல்கள் கொண்டு செல்லப்பட்ட பொழுது 4.11.2010 அன்று ஒரு கூட்டம் கூட்டியுள்ளார். ஆனால், ஒத்தி வைக்க வேண்டும் என்ற ஒரு பக்க மடலை, மத்திய அரசிற்கு உடனே அனுப்பாமல், ஒருங்குறி அவையம் அமெரிக்காவில் கூடும் நாளான 6.11.2010 அன்று காலத்தாழ்ச்சியாக அனுப்பியது ஏன்?

ஒருவேளை, முன்பே இது தொடர்பான முடிவெடுப்பு ஒத்தி வைத்திருக்காவிட்டால் கிரந்தத்துடன் தமிழைக் கணிணி எழுத்துருப் பட்டியலில் ஒருங்குறிக்காக இணைக்கும் அவலம் அரங்-கேறியிருக்கும். தமிழாய்ந்த தமிழர்கள் முதல்வர் அருகே இருக்கும் பொழுதே இந்த நிலை!

இப்பொழுது கிரந்த எழுத்துகளைப் பயன்படுத்துவதால், பஸ், ஜாமீன், மிக்ஸி, ஜாம், ஷவர், முதலான அயற்சொற்கள் நம்மிடையே புகுந்து விட்டன.

எனவே தமிழ் நிலைப்பதற்கு, நாம் இப்பொழுது உடனடியாக தமிழ்ப் பாடநூல்களில் இருந்து கிரந்த எழுத்துகளை அடியோடு நீக்க வேண்டும். கிரந்தம் அறியாத தலைமுறையை நாம் உருவாக்க வேண்டும். இலங்கையில் அறிவியல் அகராதிகளில்கூடக் கிரந்த எழுத்துகள் இல்லையே! நம்மால் ஏன் முடியாது?

அடுத்த கூட்டம் அடுத்த ஆண்டுதான் என்று அமைதி காக்காமல், உடனே தமிழறிஞர்களையும் கலந்து பேசிச் சரியான கருத்துருவை அனுப்பி கிரந்தம் தொடர்பான முன்மொழிவைத் திரும்பப் பெற வேண்டும். இதைத்தான் உலகமெங்கும் உள்ள தமிழன்பர்கள் எதிர்பார்க்கின்றார்கள்.

தமிழ்ப் பகைவர்கள் விழிப்புடன் இருக்கையில் தமிழ், தமிழ் என முழங்கிக் கொண்டிருப்பவர்கள் உறங்குவது ஏன்? தமிழக அரசு ஆவன செய்யுமா? கணிணி உருவில் வரும் இடரிலிருந்து கன்னித் தமிழைக் காப்பாற்றுமா தமிழக அரசு?



--நன்றி: தமிழக அரசியல்(25.11.2010) [பக்: 2-3]

வியாழன், 11 நவம்பர், 2010

"ஸ, ஷ, க்ஷ, ஜ, ஹ' அல்ல பிரச்னை...!


கணினி பயன்பாட்டில் தமிழ்மொழியின் வரிவடிவங்களை உலகம் முழுவதும் சிரமம் இல்லாமல் எழுதவும், படிக்கவும் வகைசெய்யும் டேஸ் 16 ((Tamil All Ch​ar​a​cter En​coding 16) மென்பொருளைப் பயன்படுத்த அனுமதி தந்த தமிழக அரசு, தற்போது அந்தப் பரிந்துரையை நிறுத்தி வைக்குமாறு மத்திய அரசின் தகவல் தொழில்நுட்பத் துறைக்குக் கடிதம் அனுப்பியுள்ளது'' என்கிற தவறான கருத்து, பிரச்னையைச் சரியாகப் புரிந்துகொள்ளாமல் பரப்பப்படுகிறது. தமிழ் ஒருங்குறியின் "ஸ, ஷ, க்ஷ, ஜ, ஹ' என்கிற ஐந்து எழுத்துகளும் முன்பே உள்ளன. இவை அல்லாமல், மேலும் 26 கிரந்த எழுத்துகளைச் சேர்க்க வேண்டும் என்று இரமண சர்மா என்பவர் ஒருங்குறி ஆணையத்துக்கும் இந்திய அரசுக்கும் கடிதம் எழுதியதன் விளைவுதான் இப்போது ஏற்பட்டிருக்கும் சர்ச்சைக்கே காரணம். தமிழக முதல்வர் கருணாநிதி மத்திய தகவல் தொழில்நுட்பத் துறைக்குக் கடிதம் எழுதியது "ஸ, ஷ, க்ஷ, ஜ, ஹ'  எனும் ஐந்து கிரந்த எழுத்துகள் தமிழில் இடம்பெறலாமா, கூடாதா  என்பது பற்றியன்று. ஒருங்குறி (ன்ய்ண்ஸ்ரீர்க்ங்) அட்டவணையில் புதிதாகச் சேர்க்கக் கருதும் கிரந்த எழுத்துப் பட்டியலில் தமிழுக்கே உரியதான "எ,ஒ,ழ,ற,ன' ஆகிய எழுத்தொலி வடிவங்களையும் சேர்ப்பது பற்றியதுதான்.  எழுந்துள்ள கருத்து வேறுபாடுகளைக் கணக்கில் எடுத்துக்கொண்டு, முடிவை ஒத்திவைக்க வேண்டுமென்றுதான் முதல்வர் எழுதியுள்ளார். ஒருங்குறி ஆணையம் (ன்ய்ண்ஸ்ரீர்க்ங் ஸ்ரீர்ய்ள்ர்ழ்ற்ண்ன்ம்) உலக மொழிகளுக்கான எழுத்து வடிவங்களை எல்லைகள் கடந்து அனைவரும் கணினியில் கட்டுப்பாடற்றுப் பயன்படுத்திக்கொள்ள வழிவகை செய்யும் ஓர் அமைப்பாகும். இதில் பல நாடுகளும் தனி நபர்களும் உறுப்பினர்களாக உள்ளனர். இந்திய அரசின் தகவல் தொழில் நுட்பத்துறை வாக்குரிமை பெற்ற உறுப்பினராக உள்ளது. இந்தியாவின் அரசமைப்புச் சட்டத்தில் ஏற்பளிப்புப் பெற்றுள்ள 22 மொழிகளின் எழுத்து வடிவங்களும் ஒருங்குறி ஆணையத்தின் அட்டவணைப் பட்டியலில் இடம்பெற்றுள்ளன. வழக்கில் இல்லாத மரபுசார்ந்த வேதகால சம்ஸ்கிருதம், கிரந்த எழுத்துகள் ஆகியன ஒருங்குறி ஆணைய அட்டவணையில் இடம்பெற வேண்டுமென்று கருதப்பட்டன. கடந்த செப்டம்பர் 6-ம் நாள் கிரந்தப்புலமை மிக்கவர்களைக் கொண்டு நடத்தப்பெற்ற கூட்டத்தில் எடுக்கப்பட்ட முடிவினைப் பரிந்துரையாக  ஒருங்குறி ஆணையத்துக்கு இந்திய அரசின் தகவல் தொழில்நுட்பத்துறை அனுப்பியுள்ளது. கிரந்தம் என்பது ஒரு தனிப்பட்ட மொழியன்று. வடமொழிக்குத்  தமிழர்கள் கண்ட எழுத்து வடிவம். கி.பி. 4-ம் நூற்றாண்டிலிருந்து 13-ம் நூற்றாண்டு வரை பயன்பாட்டில் இருந்து வந்த எழுத்துமுறை. தேவநாகரி எழுத்து, பயன்பாட்டுக்கு வரத்தொடங்கிய பின்னர் கிரந்தத்தில் எழுதுவது மறைந்து போயிருக்கிறது. கிரந்த எழுத்துகளைக் கொண்ட ஏராளமான கல்வெட்டுகளும் செப்பேடுகளும் ஓலைச்சுவடிகளும் உள்ளன. வரலாற்றாவணங்கள் மட்டுமன்றித் திவ்வியபிரபந்தம் போன்ற தமிழ் நூல்களுக்கான ஈடு உரைகளும் கிரந்த எழுத்துகளைப் பயன்படுத்தி எழுதப்பட்டுள்ளன.வடமொழி ஒலிவடிவங்களுக்குக் கண்டெடுக்கப்பட்ட கிரந்த எழுத்து வடிவங்களைக் கொண்டே தமிழ் நூல்களை எழுதிக்கொள்ளும் நடைமுறையும் உருவானது. அப்போது வடமொழிக்கென்று உருவாக்கப்பட்ட கிரந்த எழுத்தில் இடம்பெறாத தமிழ் ஒலிக்கான வரிவடிவங்களைச் சேர்த்துக்கொண்டு எழுதும் முறை, அதாவது கிரந்தமும் தமிழும் கலந்த மணிப்பிரவாள நடை உருவானது.கிரந்த எழுத்துகளை ஒருங்குறி ஆணைய அட்டவணையில் இடம்பெறச் செய்வதன் வழி, பழைய எழுத்துமுறை பாதுகாக்கப்படலாம். பாதுகாப்பதன் வழியாக பழைய, இலக்கிய வரலாற்று ஆவணங்களைப் புரிந்துகொள்ளவும் தரவுகளாக்கிப் பயன்படுத்திக் கொள்ளவும் இயலும். எனவே ஒருங்குறி ஆணைய அட்டவணையில் பழைய கிரந்த எழுத்துகள் இடம் பெறுவதில் யாருக்கும் மறுப்பில்லை. ஆனால், பழைய கிரந்த எழுத்துப்பட்டியலில் இதுவரை இடம் பெறாத தமிழுக்கே உரிய எ,ஒ,ழ,ற,ன எனும் ஐந்து வடிவங்களை அப்படியே சேர்த்துக் கொள்வதால் ஏற்படும் பயன்களும் விளைவுகளும் யாவை என்பதைப்பற்றி ஆய்ந்து பார்க்கக் காலம் தேவைப்படும் என்பதால்  தற்போதைக்கு முடிவை ஒத்திவைக்க வேண்டுமென்று கடிதம் எழுதப்பட்டுள்ளது.கடந்த செப்டம்பர் 6-ம் நாள் நடந்த கூட்டத்தில் கலந்துகொண்ட கிரந்தப் புலவர்கள் 14 பேர்களில் முனைவர் ஆர்.கிருஷ்ணமூர்த்தி சாஸ்திரி, ரமண சர்மா (காஞ்சி சங்கரமடம்) ஆகிய இருவர் மட்டுமே தமிழ்நாட்டைச் சேர்ந்தவர்கள். தமிழறிஞர்களோ, கல்வெட்டுத் தொல்லியல் அறிஞர்களோ இக்குழுக்கூட்டத்தில் இடம்பெறவில்லை. கிரந்தத்தில் தமிழ் எழுத்துகள் தேவை என்று கருதும் ஆதரவாளர்கள் முன்வைக்கும் வாதம் இதுதான்- ""கிரந்தம் தென்னிந்திய மொழிகளுக்கு மட்டுமன்றி வடமொழிகளுக்கும் உரிய எழுத்தாகப் பயன்பட்டிருக்கிறது. இன்றைய நிலையில் இந்திய மொழிகள் அனைத்துக்குமான எழுத்தாகக் கிரந்த எழுத்துகளை வளர்த்தெடுத்துக் கொண்டால், ஒரே வரிவடிவத்தைக் கொண்டு பல இந்திய மொழிகளையும் படிக்கமுடியும். தமிழுக்கே உரிய தனி ஒலி வடிவங்களான ஐந்தும் தற்போது கிரந்தத்தில் இடம்பெறவில்லை என்பதால் தமிழைப் படிக்க முடியாது. எனவே தமிழுக்குரிய ஐந்து ஒலிவடிவங்களைக் ("எ,ஒ,ழ,ற,ன') கிரந்த எழுத்துப்பட்டியலில் புதிதாகச் சேர்த்துக்கொள்ள வேண்டும். இது தமிழுக்கும் தமிழர்களுக்கும் வளம் சேர்க்கும்.இனிவரும் காலங்களில் மின்-அஞ்சல், இணைய வலைப்பக்கம், மின்-இதழ்கள், இணைய நாளேடுகள் ஆகியவை, புதிதாக உருவாகும் கிரந்த எழுத்துகளிலேயே கணினியில் இடம்பெற வாய்ப்பு அமையும்''.  இந்த வாதம் நமக்கு ஏற்புடைத்தன்று.தமிழில் புது கிரந்தம் வேண்டாம் என்பதைப் போலவே கிரந்தத்திலும் புதிதாகத் தமிழ் எழுத்துகளைச் சேர்க்க வேண்டாம் என்பதுதான் நமது கருத்து.கடந்த காலத்து இலக்கிய வரலாற்று ஆவணங்களைப் படித்துப் பயன்படுத்திக் கொள்ளக் கடந்த காலத்துக் கிரந்த எழுத்துகளே போதுமானவை.புதிதாகக் கிரந்தத்தில் தமிழ் எழுத்துகள் ஐந்து சேர்க்கப்படுவதால் தமிழின் கடந்த கால நூல்களும், வரும் கால நூல்களும், இதழ்களும், பத்திரிகைகளும் தமிழ் கலந்த கிரந்த எழுத்திலேயே அமையும் நிலை ஏற்பட்டு, மீண்டும் மணிப்பிரவாள நடைக்கு மாறவேண்டிய கட்டாயம் ஏற்படும்.மற்ற தமிழ் எழுத்துகள்  பயன்படாமல் மறைந்து போகும். வரிவடிவம் என்பதும் ஒலிவடிவம் போன்றே மக்கள் மனநிலை உளவியல் சார்ந்தது. செயற்கையாகச் செய்யப்படும் மாற்றங்கள் காலைவெட்டிக் கொள்வது போன்றதாகும்.பிறமொழி ஒலிவடிவங்களுக்கு  உருவாக்கப்பட்ட வரி வடிவங்களைக் கொண்டு உருவாக்கியவர்களின் சொந்த வரிவடிவங்களைச் செயலிழக்கச் செய்யலாமா?எல்லாவற்றுக்கும் மேலாக, உலகில் பேச்சு மொழிகளாக உள்ள எல்லா மொழிகளுக்குமான ஒரே எழுத்துவடிவம் (ஐய்ற்ங்ழ்ய்ஹற்ண்ர்ய்ஹப் டட்ர்ய்ங்ற்ண்ஸ்ரீ அப்ல்ட்ஹக்ஷங்ற் (ஐடஅ) என்பதாகும். ஐய்ற்ங்ழ்ய்ஹற்ண்ர்ய்ஹப் டட்ர்ய்ங்ற்ண்ஸ்ரீ அள்ள்ர்ஸ்ரீண்ஹற்ண்ர்ய் 1897 முதல் மேற்கொண்ட முயற்சியின் தொடர்ச்சியாக 2005-ல் இவ்வடிவம் இறுதியாக்கப்பட்டுள்ளது. ஆங்கில எழுத்துகளைக் கொண்டே அமைக்கப்பட்ட இந்த வரிவடிவத்தை  ஐய்ற்ங்ழ்ய்ஹற்ண்ர்ய்ஹப் ஸ்ரீப்ண்ய்ண்ஸ்ரீஹப் டட்ர்ய்ங்ற்ண்ஸ்ரீள் ஹய்க் கண்ய்ஞ்ன்ண்ள்ற்ண்ஸ்ரீள் அள்ள்ர்ஸ்ரீண்ஹற்ண்ர்ய்  ஏற்றுக்கொண்டுள்ளது. இன்றைக்கு உலக மொழிகள் அனைத்துக்குமான ஒரே வரிவடிவமாக ஐடஅ  உருவாகிப் பயன்பாட்டில் உள்ளது. இதன் வழி உலகின் எந்த மொழி நூலையும் ஐடஅ  வரி வடிவத்தில் எழுதலாம். அவ்வாறு எழுதப்பட்ட வரிவடிவத்தை உலகின் எந்த மொழியின் வரிவடிவத்துக்கும் மாற்றிக் கொள்ளலாம்.இப்படியான இன்றைய வளர்ச்சி நிலையில் தென்னிந்திய மொழிகளுக்கென்று தனி எழுத்து வடிவம், இந்திய மொழிகளுக்கென்று தனி எழுத்து வடிவம் தேவை இல்லை.மேலும் ஒருங்குறி ஆணைய அட்டவணையில் ஒரே எழுத்துக்கு இரண்டு இடங்களில் இட ஒதுக்கீடும் தேவையற்றது. க,உ போன்ற எண்கள் தமிழ் எழுத்துப் பட்டியலில் இடம் பெற்றுள்ளதால் கிரந்த எழுத்துப்பட்டியலில் இடம் பெறவேண்டாம் என்று எடுக்கப்படும் முடிவு, எழுத்துகளுக்கும் பொருந்துமே.எனவே உலகெங்கும் வாழும் தமிழர்களில் கணினியிலும் இணையத்திலும் புழக்கத்திலிருக்கும் தமிழர்களும், அமைப்புகளும் எழுப்பிய கருத்து வேறுபாடுகளைக் கருதிப் பார்த்துத்தான் முடிவை ஒத்திவைக்க மத்திய அரசுக்குத் தமிழக முதல்வர் கடிதம் எழுதியுள்ளார்.இவை குறித்து, அறிஞர்களின் கருத்தறிய 3.11.2010 அன்று மாலை செம்மொழித் தமிழாய்வு மத்திய நிறுவனத்தில், தமிழ்ப் பல்கலைக்கழகத்தால் ஏற்பாடு செய்யப்பட்ட கூட்டத்தில், 17 பேர் கலந்துகொண்டு தெரிவித்த கருத்துகளின் அடிப்படையில் ஒரு மனதாக எடுக்கப்பட்ட முடிவைப் பேராசிரியர் ஆனந்தகிருட்டிணனிடம் 4.11.2010 அன்று மாலை 4.30 மணிக்குத் தெரிவிக்கப்பட்டது. அவரும் இதற்கு உடன்படவே, முதல்வரிடம் 4.11.2010 அன்று மாலை 5 மணிக்குத் தெரிவிக்கப்பட்டது. உடனே அன்றே (4.11.2010 தீபாவளி இரவு 8 மணி முதல் 9.30 வரை) முதல்வர் தலைமையில் புதிய தலைமைச் செயலகத்தில் முனைவர் வா.செ.குழந்தைசாமி, முனைவர் ஆனந்தகிருட்டிணன் முதலியோர் கலந்துகொண்ட கூட்டத்தில் மத்திய அரசுக்குக் கடிதம் எழுத முதல்வரிடம் கோரிக்கை வைக்கப்பட்டது. முதல்வரும் கடிதம் எழுதியிருக்கிறார்.அண்மையில் நடைபெற்ற ஒருங்குறி ஆணையக் கூட்டத்தில் முடிவெடுக்கப்படாமல் இப்பொருண்மை ஒத்திவைக்கப்பட்டுள்ளதாகத் தகவல் வந்துள்ளது. ஒருங்குறி அட்டவணையில் "ண,ன, ற' போன்ற தமிழ் எழுத்துகளையும் கிரந்த எழுத்துகளோடு தனி இடத்தில் உள்ளீடு செய்வது என்பதும் ஆபத்தானது. ஒருங்குறியில் இப்போது தமிழ்ப் பகுதியில் உள்ள எழுத்துகளைக் கணிப்பொறியில், இணையத்தில் பயன்படுத்துவதில் அது குழப்பத்தை ஏற்படுத்தும். "ஸ, ஷ, க்ஷ, ஜ, ஹ' ஆகிய ஐந்து எழுத்துகளும் ஒருங்குறியும், தமிழ்ப் பகுதியும் ஏற்கெனவே தமிழ் எழுத்துகளோடு உள்ளீடு செய்யப்பட்டு பயன்பாட்டில் உள்ளன என்பதை நாம் கருத்தில் கொள்ள வேண்டும். பிரச்னை "ஸ, ஷ, க்ஷ, ஜ, ஹ' பற்றியதல்ல. ஒருங்குறி அட்டவணையில் புதிதாகச் சேர்க்கக் கருதும் கிரந்த எழுத்துப் பட்டியலில் தமிழுக்கே உரித்தான "எ,ஒ,ழ,ற,ன' ஆகிய ஐந்து எழுத்துகளைச் சேர்ப்பது பற்றியதுதான். தமிழுக்கு நல்லது செய்ய நினைத்த முதல்வரை வம்புக்கு இழுத்து சர்ச்சைக்கு உள்படுத்துவது நியாயமல்ல!(கட்டுரையாளர்: துணைவேந்தர், தமிழ்ப் பல்கலைக்கழகம்).
கருத்துகள்

மிக நன்கு விளக்கியுள்ளார் முனைவர் ம.இரா.. இப்பொழுதாவது தினமணிக்குப் புரிந்திருக்குமா? அல்லது ஏற்கெனவே புரிந்துதான் திசை திருப்பினோம். எனவே, இது குறித்துக் கவலை இல்லை என எண்ணுகிறதா? 2.இதில் குறிப்பிட்டுள்ள ஆண்டு 1897ஆ 1987 ஆ? 3. கடந்த செப்.6 இல் மத்தியத் தகவல் தொழில் நுட்பத் துறை இது தொடர்பில் கூடி முடிவெடுத்த பின்னும் இவர்கள் தூ்ங்கியது ஏன்? 4. 3.11.10 இல் தமிழ் இணையப் பல்கலைக்கழகம் (கல்வியியல் கழகம்) கூட இரு்ந்த கூட்டம்தான் த.ப. கூட்டமாக மாற்றப்பட்டது. 5. 3.11.10 இல் தமிழ்க்காப்பு அமைப்புகள் இது தொடர்பில் கூடடம் நடததியது. ஆனால் அதற்கு முன்னரே இவ்வமைப்பு (இச்செய்தியை ஊடகம் வழியாக வெளியே கொணர்நத) திரு வீரமணி மூலம் மத்திய அமைச்சர் திரு ஆ.இராசா அவர்களிடம் முறையிட்டு 6.11.10 இல் நடைபெறும் ஒருங்குறி அவையக் கூட்டத்தில் இருந்த இப் பொருண்மையை 26.2.2011 அன்று நடைபெறும் கூட்டததிற்கு ஒத்தி ‌வைத்ததது. 
அன்புடன் இலக்குவனார் திருவள்ளுவன்.
By Ilakkuvanar Thiruvalluvan
11/11/2010 3:38:00 AM
உங்கள் கருத்தைப் பதிவு செய்யுங்கள் * Tamil English

செவ்வாய், 9 நவம்பர், 2010

தலையங்கம்: ஸ, ஷ, க்ஷ, ஜ, ஹ?

தலையங்கம்: ஸ, ஷ, க்ஷ, ஜ, ஹ?


கணினி பயன்பாட்டில் தமிழ்மொழியின் வரிவடிவங்களை உலகம் முழுவதும் சிரமம் இல்லாமல் எழுதவும், படிக்கவும் வகை செய்யும் டேஸ் 16 (TA​M​IL ALL CH​A​R​A​C​T​ER EN​C​O​D​I​NG​ 16) மென்பொருளைப் பயன்படுத்த அனுமதி தந்த தமிழக அரசு, தற்போது அந்தப் பரிந்துரையை நிறுத்தி வைக்குமாறு மத்திய அரசின் தகவல் தொழில்நுட்பத் துறைக்குக் கடிதம் அனுப்பியுள்ளது. தமிழக முதல்வர் கருணாநிதி இக் கடிதத்தை எழுதியிருப்பதோடு, தன் கடிதத்தின் மீது தகவல் தொழில்நுட்பத் துறை மேற்கொண்டிருக்கும் நடவடிக்கை குறித்து தமக்குத் தெரிவிக்க வேண்டும் என்றும் கேட்டுக் கொண்டுள்ளார். தமிழ் அறிஞர்களின் குழுவை அமைத்து, கலந்து ஆலோசித்து, பின்னர் இது தொடர்பான வேறு பரிந்துரை அனுப்பப்படும் என்றும் தனது கடிதத்தில் தெரிவித்துள்ளார் முதல்வர்.உலகம் முழுவதும் மின்அஞ்சல், குறுந்தகவல், தமிழ்ப் பதிப்புத்துறைக்குப் பயன்படும் இந்த ஒருங்குறி (யுனிகோட்) மென்பொருளைப் பரிந்துரைத்ததில் அப்படி என்ன இமாலயத் தவறு நேர்ந்துவிட்டது? ஒரு தவறும் இல்லை. இதில் பிரச்னை வெறும் ஐந்து எழுத்துகளின் வரிவடிவம்தான். அவை-ஸ,ஷ,க்ஷ,ஜ,ஹ. இந்த ஐந்தெழுத்துகளும் சம்ஸ்கிருத வார்த்தைகள் என்பதாக முதல்வருக்கு நெருக்கமானவர்கள் சிலர் எழுப்பிய பிரச்னையின் காரணமாகத்தான் இப்போது இந்த டேஸ் 16 மென்பொருளுக்கான தமிழக அரசின் பரிந்துரையை நிறுத்தி வைக்குமாறு கூறுகிறார் முதல்வர்.இந்த ஐந்து வரிவடிவங்களும் தமிழர்களால் தமிழுக்குக் கொண்டுவரப்பட்ட வரிவடிவங்கள். தமிழில் சம்ஸ்கிருத வார்த்தைகள் மலிந்து மணிப்பிரவாளம் புழங்கிய காலத்தில், சம்ஸ்கிருதத்தில் இருந்த, ஆனால் தமிழில் இல்லாத ஒலிப்புகளுக்கான வரிவடிவம்தான் இவை. இந்த வரிவடிவம் வேறு எந்த வடமொழியிலும், அல்லது திராவிட மொழிக் குடும்பத்திலும்கூட கிடையாது. தமிழில்தான் இந்த ஐந்து எழுத்துகளும் துல்லியமான ஒலிப்புமுறைக்காக வரிவடிவம் தரப்பட்டன.இன்றைய நடைமுறையை உதாரணமாகச் சொல்வதென்றால், ஆங்கில எழுத்து ஊ-ல் தொடங்கும் சொற்களைத் தமிழில் பயன்படுத்தும்போது இப்போது நாம் முன்னொற்றாகப்  ஃ பயன்படுத்தி ஃபெயில், ஃபெலோஷிப், ஃபிரன்ட்ஸ் என்று எழுதுவதைப் போன்ற ஒரு வசதிக்காக உருவாக்கப்பட்டதுதான் மேற்சொன்ன 5 வரிவடிவங்களும். "பஸ் மோதி பசு மரணம்' என்பதை "பசு மோதி பசு மரணம்' என்று எழுதினால் எத்தனை பொருள் மாறுபாடு ஏற்படும்? அக்காரணம் கருதி, தமிழர் பயன்பாட்டுக்காக உருவாக்கப்பட்டவைதான் இந்த வரிவடிவம். சம்ஸ்கிருத வார்த்தைகளைப் பயன்படுத்த அவசியமில்லாத ஒரு தமிழ்ச் சமூகத்தை உருவாக்குவது வரவேற்கத்தக்கதுதான். பாராட்டுக்குரியதுதான். தமிழ் உணர்வு உள்ளவர்கள் செய்ய வேண்டிய செயல்தான். இன்றைய நாளில் "பேருந்து மோதி பசு மரணம்' என்று எழுதவும் அதைப் பாமரரும் புரிந்துகொள்ளவும்கூடிய சூழல் ஏற்பட்டுள்ளது.  "காமாக்ஷியம்மன் கோயில்' என்பதுபோய், இப்போது "அருள்மிகு காமாட்சி அம்மன் ஆலயம்'  என்று எழுதும் நிலை உருவாகியுள்ளது. அடுத்த பத்து ஆண்டுகளில் இந்த சம்ஸ்கிருத ஒலிப்புக்கான தமிழ் வரிவடிவங்கள்  தானே வழக்கொழிந்துபோகும் நிலை உருவாகலாம். ஆனால், இந்த வரிவடிவங்களுக்காகத் தமிழ் மொழியின் ஒட்டுமொத்த வளர்ச்சியையும் நிறுத்திவைப்பது எந்த வகையில் சரியானது? மேலும், தமிழில் பஞ்சாங்கம், ஜோதிடநூல்கள் அச்சிடுவோர் இந்தச் சொற்களை, வரிவடிவங்களைப் பயன்படுத்திக் கொண்டிருக்கும்போது, இவை கணினியில் இடம்பெறாமல் தடுப்பது முறையாகுமா?மேலும், முந்தைய தலைமுறையின் மிகச்சிறந்த படைப்பாளிகளின் படைப்புகளை செம்பதிப்பாக வெளியிட வேண்டுமானால், அவர்கள் பயன்படுத்தியுள்ள இந்த வரிவடிவங்களை நீக்கிவிட்டு வெளியிடுதல் சரியானதாக இருக்குமா? ஒரு படைப்பில் "ஜன்மபூமி' என்றிருந்தால் அதை "சன்மபூமி' என்றும், "அருட்பெரும்ஜோதி' என்பதை "அருட்பெரும்சோதி' என்றும் வெளியிட்டால் அது செம்பதிப்பு ஆகுமா? ஜெயலலிதாவை செயலலிதா என்று எழுத முடியுமா? ஸ்டாலினை ச்டாலின் என்று அழைப்பதா? ரஜினி காந்தை ரசினி காந்த் என்றும், ஐஸ்வர்யா ராயை ஐசுவர்யா ராய் என்றும் அச்சிடுவதா? சம்ஸ்கிருத ஒலிப்பே இடம்பெறாத தமிழ்ச் சூழலை உருவாக்குதல் நன்று. ஆனால், தானே மெல்ல வழக்கொழிந்துவரும் 5 வரிவடிவங்களுக்காக உலகம் முழுவதும் இணைய தளத்தில் ஒன்றுபோல அனைத்துத் தமிழருக்கும் பயன்தரக்கூடிய மென்பொருளையே நிறுத்தி வைப்பது சரியல்ல. பெருவாரியான தமிழ் ஆர்வலர்களின் பேரக்குழந்தைகளின் பெயர்களை ஸ,ஷ,க்ஷ,ஜ,ஹ இல்லாமல் உச்சரிக்க முடியாத நிலைமை ஏற்பட்டிருப்பது முதல்வருக்குத் தெரியாதா என்ன? தேவையில்லாத சர்ச்சைகளை தேவையே இல்லாத வேளையில் கிளப்பி, மக்களின் பார்வையைத் திசை திருப்புவது என்பது அரசியல்வாதிகளுக்குக் கைவந்த கலை. இதுவும் அந்த ரகத்தைச் சேர்ந்தது என்பது மட்டும் தெரிகிறது. கண்ணெதிரில் தமிழை விழுங்கும் ஆங்கிலத்தைத் தமிழக அரசும், தமிழ்ச் சமூகமும் பார்த்துக் கொண்டிருக்கிறது. ஆனால் செத்துப்போன மொழியின், செத்தஉடலாக இற்றுக்கொண்டுவரும் 5 வரிவடிவங்களுக்காகத் தமிழக அரசு வேட்டியை வரிந்துகட்டிக் கொண்டு மல்லுக்கு நிற்கிறது. இதனால் யாருக்கு லாபம்?
கருத்துகள்

தமிழில் மேலும் கிரந்தத்தைப் புகுத்துவதையும் கிரந்தத்தில் தமிழச் சேர்த்துத் தமிழ் எழுத்துகளைக் கிரந்தமாகக் காட்டுவதையும்தான் உலகத்தமிழறிஞர்கள் எதிர்க்கின்றனர். அதற்கேற்ப முதல்வர் அவர்களும் உரிய நடவடிக்கை எடுத்துள்ளார். நீங்களே குறிப்பிடும செத்துப் போன மொழியின் செத்த வடிவங்களுக்காக நீங்கள் ஏன் மல்லுக்கட்டிக் கொண்டு நிற்க வேண்டும் என விளக்குங்களேன். தமிழரின் தலையெழுத்து என்னவெனில் தமிழ் தொடர்பான பணிகளில் தமிழ்ப் பகைவர்களை அல்லது தமிழறியாதவர்களை அமர்த்துவது. எனவே, முதல்வர் அமைக்க இருக்கும்வல்லுநர் குழுவில் உங்களுக்கும் இடம் உண்டு என்று தெரிகிறது. தமிழே! நீ இன்னும் எத்தனைக்காலம்தான் பகைவர்களால் தாக்கப்பட்டுக் கொண்டே இருப்பாயோ! தினமணியில் இப்படி ஓர் உரையா? வேதனையுடன் இலக்குவனார் திருவள்ளுவன்
By Ilakkuvanar Thiruvalluvan
11/9/2010 3:22:00 AM
தினமணி புரிந்து கொள்ளாமல் அவசரப்பட்டு இவ்வாறு எழுதியுள்ளது. ஆனால், தினமணி தன் ஆரியப் புததியைக் காட்டி விட்டது எனப்பழிச் சொல் வரும். பிற மொழிச் சொற்களைக் கையாள வேண்டிய கட்டாய நேர்வு வரும் பொழுது அயலெழுத்துகளை நீக்கி நம் மொழியில் எழுத வேண்டும் என்ற தொல்காப்பியனாரின் கட்டளையை மீறியதால்தான் கிரந்த எழுத்துகள் உருவாகிப பல அயற்சொற்கள் புகுந்து தமிழ் சிதைந்து புதுமொழியாக உருவாகி அதனால் தமிழ் பேசும் பரப்பு குறைந்து புதிய மொழியினரும் அதைப் பேசுநரும் தமிழைப் பகையாகக் கருதும் இழிநிலையும் ஏற்ப்ட்டது. அந்த எழுத்துகளையே வரும் தலைமுறையினருக்குக் கற்பிக்காத சூழல் ஏற்பட்டால்தான் தமிழ் வளரும்; வாழும். கிரந்தத்திற்குத் தனியாக எழுத்துரு இருப்பதை எதிர்க்கவில்லை. தமிழில் மேலும் கிரந்தத்தைப் புகுத்துவதையும் கிரந்தத்தில் தமிழச் சேர்த்துத் தமிழ் எழுத்துகளைக் கிரந்தமாகக் காட்டுவதையும்தான் உலகத்தமிழறிஞர்கள் எதிர்க்கின்றனர். அதற்கேற்ப முதல்வர் அவர்களும் உரிய நடவடிக்கை எடுத்துள்ளார். நீங்களே குறிப்பிடும செத்துப் போன மொழியின் செத்த வடிவங்களுக்காக நீங்கள் ஏன் மல்லுக்கட்டிக் கொண்டு நிற்க வேண்டும் என விளக்குங்க
By Ilakkuvanar Thiruvalluvan
11/9/2010 3:17:00 AM
  இந்தத் தலையங்கம் மூலம் தினமணியின் இரண்டு ஆசைகள் நன்றாகத் தெரிகிறது ஒன்று, சமசுகிருதம் அழிந்துவிடகூடாது என்பது அடுத்து இந்தியை எதிர்த்துப் போராடிய தமிழர்கள் இன்னும் கிணற்றுத் தவளைகள்போல்  உள்ளார்களே என்ற கவலை
By ரிஜி.கரியாப்பட்டினம்
11/9/2010 3:15:00 AM
(continuation-2) Tamil language was well developed by then ruled great kings like Pandias or Cholas, who were true lovers of Tamil language. Those kings greatly respected saints and true scholars, who were also expert in Sanskrit language/grammar, to promote Tamil literature. This is preciously why Tamil literature is enormously enunciated with pure divinity and Manu Neidhi (Sanskrit words that depict true social justice). Therefore, Sanskrit is not so called ‘Annia (or Vada) Mozhi” but our true “Annai (or Thaai) Mozhi” – that is, with no doubt, Sanskrit is the mother language of all our Indian languages including Tamil. Therefore, respecting Sanskrit is just like respecting our own mother. Hope our great CM will also consider organizing a Maa-Nadu” (or in Sanskrit called Maha-Melana) for Sanskrit in Tamilnadu before other States take the credit.
By av
11/9/2010 3:14:00 AM
(continuation) If we carefully go through thousands of words in either Tamil or any other Indian language, we could sense the influence of Sanskrit. For example, “Karunanidhi” is a Sanskrit word. Similarly, “Dravida Munnetra Kazhagam” – the word “Dravida” itself is a Sanskrit word, which means south, This party’s symbol was emanated from Aryan symbol – that is “Udhaya Suryan” - two Sanskrit words. Both (Periyar) Ramasamy and Annadurai not only had their names in Sanskrit but also they belonged to Aryan race – (Mudaliars/Nayakars were Aryans who took administrative nature of work in a number ancient kingdoms. Tholkappiar, who wrote Grammar for Tamil language, was an Aryan. Without his great work, Tamil language would not have been compared with other classical language. Tamil language was well developed by then ruled great kings like Pandias or Cholas, who were true lovers of Tamil language. Those kings greatly respected saints and true scholars, who were also expert in Sanskrit
By av
11/9/2010 3:11:00 AM
Some researches well indicate that many Indian languages including Tamil, Marathi, Punjabi, Bengali or other such ancient languages were once spoken by different small groups of tribal then lived all over Indian subcontinent. Like English has influence in our day-to-day use (for example, words such as “bus”, “paper”, “road”, “bench”), several centuries back, Sanskrit language and associated culture had great influence with all our Indian languages and our way of life. Sanskrit is NOT a dead language. It is the source language of all Indo-European languages including contemporary Dravidian languages. If we carefully go through thousands of words in either Tamil or any other Indian language, we could sense the influence of Sanskrit. For example, “Karunanidhi” is a Sanskrit word. Similarly, “Dravida Munnetra Kazhagam” – the word “Dravida” itself is a Sanskrit word, which means south, This party’s symbol was emanated from Aryan symbol – that is “Udhaya Suryan” - two Sanskrit words. Both
By av
11/9/2010 3:09:00 AM
தலையங்கம் எழுதிய தமிழ் தெரியாத மதிப்பிற்குரிய ஆசிரியரே, அருட்பெருஞ்சோதி எப்பொழுது அருட்பெரும்ஜோதி ஆனது?
By Thenramizh Irumporrai
11/9/2010 1:46:00 AM
உங்கள் தலையங்கம் மிகவும் ஏற்புடையதே!. மொழி வளர, பிற மொழிச்சொல்கழையும் உள வாங்குதல் உரம் சேர்க்கும். ஆங்கிலத்தில் இல்லாத பிற மொழிச்சொற்களா? சில, உச்சரிப்புகளை இப்போது உள்ள தமிழ் எழுத்துகளால் கொண்டுவர இயலாது. என்னை பொறுத்த வரை இவ்வைந்து எழுத்துகளுடன், எஃப் உச்சரிக்க கூடிய ஒரு வரிவடிவமும் உருவாக்குவது தமிழை செழுமைப்படுத்த உதவும்.
By Suresh M
11/9/2010 1:15:00 AM
Tholkappiyar accepted these words. Pure Tamil does not require these words .But in today world it is necessary as we have to express many other Tamilized Words. Let us Tamilize these words . we make hue and cry for small compromise but English words have already replaced Tamil words in day to day life. Even in villages people go for " condolence " not YELAVU. words like FUNCTION, Tiffen,Rice, Water, DOOR, DAY,NIGHT are used by Tamils instead of original tamil words.T
By krishnan
11/9/2010 12:51:00 AM
தினமணி கூறுவதுபோல் நாளடைவில் வழக்கழிந்து போகும் இந்த 5 எழுத்துகர்ளூக்காக தமிழுக்கு ஏற்படும் சிற்ப்பை தடுக்கலாமா முதல்வர். ஷ்பெக்ர்ம் மறைக்க காமன்வெல்த் ஊழல் போல் வருகின்ற சட்டசபை தேதலுக்காக முதல்வர் நடத்தும் நாடகமே இது. புரிந்து கொள்வானா தமிழன்?
By Pa.Tha.Velan
11/8/2010 11:51:00 PM
உங்கள் கருத்தைப் பதிவு செய்யுங்கள் * Tamil English v

சனி, 23 அக்டோபர், 2010

ஈழ மண்ணின் தற்போதைய கோலம்


ஈழ மண்ணின் தற்போதைய கோலம்

Share/Bookmark

ஞாயிறு, 17 அக்டோபர், 2010

வேதங்கள் ஓதுகின்ற இடம் எல்லா வளமும் பெற்றிருக்கும: ஆந்திர முதல்வர் ரோசய்ய

திருமலையில் வசந்த மண்டபத்தில் பேசும் ஆந்திர முதல்வர் ரோசய்யா.
திருப்பதி,அக்.15: வேதங்கள் ஓதுகின்ற இடம் எல்லா வளமும் பெற்றிருக்கும் என்று ஆந்திர முதல்வர் ரோசய்யா தெரிவித்தார்.  திருமலை திருப்பதி நவராத்திரி பிரம்மோற்சவத்தில் வெள்ளிக்கிழமை கலந்து கொண்டு முதல்வர் ரோசய்யா ஏழுமலையானை தரிசித்தார். பின்னர் வசந்த மண்டபத்தில் நித்ய வேதபாராயணம் என்ற வேதங்கள் ஓதும் நிகழ்ச்சியில் கலந்து கொண்டு அவர் பேசியது:  வேதங்கள் மிகவும் புனிதமானவை; அவை ஓதிக்கொண்டிருக்கின்ற பகுதிகளும், அங்கு வாழும் மக்களும் எல்லா வளங்களும் பெறுவர். தற்போதுள்ள சூழ்நிலையில் இது போன்ற கலாசார நிகழ்வுகள் மிகவும் அரிதாகிவிட்டன.  திருமலை நிர்வாகம் இத்தகைய புனிதமான காரியங்களை தொடர்ந்து செய்ய வேண்டும். இவ்வாறு முதல்வர் ரோசய்யா கூறினார்.  இதில் கோயில் நிர்வாகத்தின் சார்பில் தெலுங்கு மொழியில் அச்சிடப்பட்ட வேத புத்தகங்கள் முதல்வருக்கு நினைவுப் பரிசாக வழங்கப்பட்டன. இந்நிகழ்ச்சியில் அமைச்சர்கள் கல்லா அருணாகுமாரி, ராமச்சந்திரா ரெட்டி,வெங்கட்ட ரெட்டி மற்றும் திருமலை கோயில் நிர்வாகத்தின் சிறப்பு அதிகாரக்குழு தவைவர் சத்தியநாராயணா,முதன்மை செயல் அலுவலர் கிருஷ்ணா ராவ் உள்பட பலர் கலந்து கொண்டனர்.
கருத்துக்கள்

அயல்நாட்டு மொழியாம் சமசுகிருதத்தைப் போற்றும் அளவிற்கு மண்ணின் மொழியான தமிழைப்பற்றியும் தத்தம் மொழியின் தாய்மொழியான தமிழின் சிறப்பைப் பற்றியும் அறியாமல் பலரும் உரைப்பதன் (உளறுவதன்) காணரம் தமிழ் என்றும் திராவிடம் என்ளும் பேசுபவர்கள் உண்மை வரலாற்றை உலகறியச் செய்யும் பரப்புரைப் பணியில் ஈடுபடாமைதான். எனவே எங்கும் மூட நம்பிக்கை வளர்கிறது. தமிழ் தனக்குரிய இடத்தைப் பெறாமல் தவிக்கிறது. இனியேனும் திருந்தட்டும் தமிழினம்! உண்மையை உணரட்டும் பிற இனம்! அன்புடன் இலக்குவனார் திருவள்ளுவன்
By Ilakkuvanar Thiruvalluvan
10/17/2010 4:28:00 AM
மணி, துல்லுதுரை, சாலமன் நீங்கள் எல்லாம் பார்பன வர்ணாசிரம கொள்கையின் அடிமைகள் என்பது எங்களுக்கு தெரியும். நீங்கள் உங்கள் சுயமானத்தை விற்றுவிட்டீர்கள், உங்கள் மூளைகள் சலவை செய்யப்பட்டுள்ளது. சின்ன பிள்ளைகள் கூட இப்ப டிரவுசர் போடுவதை விட்டுவிட்டு பேண்டுக்கு மாறிவிட்டார்கள். நீங்கள் அந்த பார்பன ஆர்.எஸ்.எஸ். தீவிரவாத இயக்கத்தில் டிரவுசரை போட்டு கொண்டு வானர குரங்குகள் போல காட்சி அளிப்பது கண்கொள்ளா காட்சி. உங்களுக்கு எதற்கு படிப்பு, சாப்ட்வர் ஹைடெக் எல்லாம். பக்தி என்று வந்து விட்டால், மாட்டுச் சாணியையும், மாட்டு மூத்திரத்தையும் கலந்து குடிக்கலாம் (பஞ்சகவ்யம்: மாட்டு மூத்திரம், சாணி, பால், தயிர், வெண்ணெய்) என்கிற அளவுக்கு உங்கள் அறிவு மழுங்கி விட்டதே என்ன செய்ய. இது எல்லாம் வந்தேறி பிராமிணன் கொண்டுவந்தது. இது எல்லாம் தமிழர் பண்பாடு இல்லை என்பதை புரிந்து கொள். By SINTHIKKAVUM
By cop
10/17/2010 2:32:00 AM
உன்னை எல்லாம் முதலமைச்சராக ஆக்கியதற்கு பதிலா எரும மாட்டை ஆக்கி இருக்கலாம். நீ எல்லாம் பார்பன வர்ணாசிரம கொள்கையின் அடிமைகள் என்பது தெரியும். உங்களுக்கு எதற்கு படிப்பு, சாப்ட்வர் ஹைடெக் எல்லாம். பக்தி என்று வந்து விட்டால், மாட்டுச் சாணியையும், மாட்டு மூத்திரத்தையும் கலந்து குடிக்கலாம் (பஞ்சகவ்யம்: மாட்டு மூத்திரம், சாணி, பால், தயிர், வெண்ணெய்) என்கிற அளவுக்கு உங்கள் அறிவு மழுங்கி விட்டதே என்ன செய்ய
By KAVI
10/17/2010 12:51:00 AM
உங்கள் கருத்தைப் பதிவு செய்யுங்கள் *
தமிழை வளர்க்க ஆசிரியர்கள் தேவை: தென்னாப்பிரிக்கத் தமிழர்கள் கோரிக்கை


சென்னை, அக். 15: தென்னாப்பிரிக்காவில் தமிழை வளர்க்க ஆசிரியர்கள் தேவை என்று 150 ஆண்டுகளுக்கு முன்பு அந்த நாட்டுக்குச் சென்ற தமிழர்கள் கோரிக்கை விடுத்துள்ளனர்.  தென்னாப்பிரிக்காவுக்கு 150 ஆண்டுகளுக்கு முன்பு வெள்ளையர்களால் குடியமர்த்தப்பட்ட இந்தியர்கள் ஆந்திரம், தமிழகம் உள்ளிட்ட பகுதிகளை பார்வையிட 50 பேர் கொண்ட குழுவாக இந்தியா வந்துள்ளனர்.  அந்தக் குழுவின் தலைவர் லாசர் பிள்ளை சென்னையில் செய்தியாளர்களிடம் வெள்ளிக்கிழமை கூறியது:  இந்தியாவில் தமிழகம், ஆந்திரம், மகராஷ்டிரம் உள்ளிட்ட பகுதிகளைச் சேர்ந்தவர்கள் கடந்த 1860-ம் ஆண்டு கரும்புத் தோட்ட வேலைக்காக தென்னாப்பிரிக்காவில் ஆங்கிலேயர்களால் குடியமர்த்தப்பட்டனர்.  இவ்வாறாக தென்னாப்பிரிக்காவில் குடியேறி 150 ஆண்டுகள் ஆவதை முன்னிட்டு விழா எடுத்துள்ளோம். அந்த விழா தென்னாப்பிரிக்காவில் வரும் நவம்பர் மாதம் 21-ம் தேதி மோசர் மபிதா என்ற இடத்தில் நடைபெற உள்ளது.  இப்போது தென்னாப்பிரிக்காவில் 15 லட்சம் இந்திய வம்சாவழியினர் வாழ்ந்து வருகிறோம். இதில் தமிழ் வம்சாவழியினர் மட்டும் சுமார் 10 லட்சம் பேர். இப்போது 3 மற்றும் 4-ம் தலைமுறையினர் வாழ்ந்து வருகிறோம். எனவே 150-ம் ஆண்டு விழாவின் ஒரு பகுதியாக 50 பேர் கொண்ட குழுவினர் இந்தியா வந்துள்ளோம். முதலில் ஆந்திரம் சென்ற நாங்கள் ஹைதராபாதில் முதல்வர் ரோசய்யாவை சந்தித்தோம். மொழி மற்றும் கலாசாரத்தை பாதுகாக்க உரிய நடவடிக்கை எடுப்பதாக அவர் உறுதி கூறியுள்ளார். ஆந்திர பயணத்தை முடித்துக் கொண்ட நாங்கள் வெள்ளிக்கிழமை தமிழகம் வந்தோம். தமிழக முதல்வர் கருணாநிதியை சந்திக்க முடிவு செய்துள்ளோம்.  தமிழ் உள்ளிட்ட மொழிகளில் பேசினால் நாங்கள் புரிந்து கொள்வோம். ஆனால் அதை எழுதவோ, படிக்கவோ தெரியாது. எங்களது குழந்தைகளுக்கு தமிழை கற்றுக் கொள்ளும் ஆர்வம் குறைந்து விட்டது. எங்களது தலைமுறையினர் தமிழை கற்க தமிழக அரசு உதவி செய்ய வேண்டும் என்றார்.
கருத்துக்கள்

மொரீசசு தமிழர்கள் ஏமாற்றம் அடைந்தது போல் தெ.ஆப்பிரிக்கத் தமிழர்களே நீங்களும் ஏமாற்றம்அடையாமல் இருக்க வேறு முயற்சியை நாடுங்கள். கண்டிப்பாக உங்கள் ஆர்வம் போற்றக் கூடியது. இதே நாளிதழில் தினமணி ஆசிரியர் கூறியுள்ளது போல் மொழிதான் நம் அடையாளம். எனவே, எப்பாடுபட்டேனும் தமிழ் கற்கும் ஆர்வத்தைத் தளரவிடாமல் நம்ப வைத்துக் கழுத்தறுப்போரை நம்பாமல், உண்மைத் தமிழார்வலர்களை நம்புங்கள். அடுத்த தலைமுறையில் உங்களை நாடி நாங்கள் வந்து தமிழ் பயில வேண்டிய மாற்றம் வந்தாலும் வரலாம். வளர்க உங்கள் தமிழர்வம்! வெல்க உங்கள் முயற்சி! வாழ்த்துகளுடன் இலக்குவனார் திருவள்ளுவன்
By Ilakkuvanar Thiruvalluvan
10/17/2010 3:40:00 AM
4/4) தொடர்ச்சி: எனவே, மொரீசசு தமிழர்களே! உங்களுக்குத் தமிழ் பயில வேண்டும் என்று ஆர்வம் இருப்பின் தமிழக மக்களை நம்பாதீர்கள். புலம் பெயர்ந்த தமிழர்கள் மீது நம்பிக்கை வைத்து அவர்கள உதவியுடனும் இணையம் மூலமும் தமிழ் படிக்க வழிவகை செய்து கொள்ளுங்கள். அதுவே ஏற்ற எளிய வழியாக இருக்கும். பேச்சிலே மட்டும் தமிழன் எனக் கூறிக்கொண்டு செயலிலே அயலவராக உள்ள எங்கள் யாரையும் நம்பாதீர்கள். 50 ஆண்டுகளுக்கும மேலாக நம்ப வைத்துக் கழுத்தை அறுத்த பணியை இப்பொழுதும் தப்பாமல் செய்து ஏமாற்றுவோம். மாட்டோம் என்று சொல்ல மாட்டோம். ஆனால் உதவ மாட்டோம். வேதனையுடன் இலக்குவனார் திருவள்ளுவன்
By Ilakkuvanar Thiruvalluvan
10/17/2010 3:35:00 AM
3/4) தொடர்ச்சி: ஆனால் செம்மொழி அறிந்தேற்பு வழங்கப்பட்ட பின்பும் நம்மால் தங்களைத் தமிழின் வேர்வழி கிளைத்தவர்களாக எண்ணி மகிழும், தமிழகம் வந்து தங்களின் மூதாதையர் இடங்களைத் தேடிக் கண்டு களிப்புறும், தமிழை எவ்வாறேனும் தங்கள் தலைமுறையிலாவது கற்பிக்க வேண்டும் என்று துடிப்புடன் விளங்கும், மொரீசசு மக்களுக்குத் தமிழ் கற்பிக்க வகை செய்ய முடியவில்லை. காரணம் ஆட்சியாளர்கள் யாராக இரு்நதாலும் தமிழ் வளர்ச்சியில் காட்டும் அலட்சியத்தில் ஒற்றுமை இருப்பதுதான். தொடர்ச்சி காண்க. வேதனையுடன் இலக்குவனார் திருவள்ளுவன்
By Ilakkuvanar Thiruvalluvan
10/17/2010 3:35:00 AM
2/4) தொடர்ச்சி: அடுத்த ஆட்சியில் தமிழிசை ஆசிரியர்கள் கேட்டார்கள். ஒரே ஒருவர் அனுப்பப்பட்டார். அந்தப் பெண்மணி தன் இனத்திற்குரிய கடமையைத் தவறாமல் ஆற்றி சமசுகிருதப்பாடல்களைக் கற்பித்தும் வானொலிகளில் சமசுகிருதப் பாடல்களைப் பாடியும் ஒலிப்பேழைகள் போட்டும் தவறாமல் தமிழ் ஒலிக்காமல பார்த்துக் கொண்டார். 1998 இல் தாராபுரம் சுந்தரராசனைத் தமிழிசை ஆசிரியராக அனுப்பப் பரிந்துரைத்தும் தேவையற்ற கேள்விகள் அடுத்தடுத்துக் கேட்கப்பட்டுப் பாவம் அவர் கனவு நனவாகாமல் மறைந்து போனார். அக் கோப்பும் தூக்கி எறியப்பட்டது. செம்மொழி என்ற ஏற்பு இல்லாமலேயே நம்மால் உலகெங்கும் 140க்கும் மேற்பட்ட பள்ளிகளில் சமசுகிருதம் கற்பிக்க முடிகிறது. இந்திதான் தேசிய மொழி என்ற பொய்யான போர்வையில் உலகெங்கும் இந்தி கற்பிக்க முடிகிறது. தொடர்ச்சி காண்க. வேதனையுடன் இலக்குவனார் திருவள்ளுவன்
By Ilakkuvanar Thiruvalluvan
10/17/2010 3:34:00 AM
1/4) 1967 இற்கு முன்பிருந்த காங். ஆட்சியின் பொழுதும் இவ்வாறு கோரிக்கை வைத்தனர். இந்திய அரசு நீங்கள் இந்தியர் எனக் கூறி இந்தி கற்பிக்க வசதி செய்து தந்ததே தவிர தமிழக அரசு தமிழ் கற்பிக்க வசதி செய்து தரவில்லை. நாங்கள் எங்கள் நாட்டில் தமிழ் படிக்கவும் இங்கு வந்து தேர்வு எழுதவும் வசதி செய்து தாருங்கள் எனக் கேடடார்கள். ஆய்வு செய்வதாக் கூறிக் காலங்கடத்தப்பட்டது. தி.மு.க. ஆட்சியில் நம்பிக்கை வந்தாலும் ஒரு முன்னேற்றமும் இல்லை. மக்கள் திலகம் ம.கோ.இராமச்சந்திரனார் காலத்தில் 3000 தமிழாசிரியர்களை நியமிக்க நடவடிக்கை எடுப்பதுபோல் தொடங்கினார்கள். கிடப்பில் போடப்பட்டது. தொடர்ச்சி காண்க. வேதனையுடன் இலக்குவனார் திருவள்ளுவன்
By Ilakkuvanar Thiruvalluvan
10/17/2010 3:34:00 AM
tamil natila tamil ilai pina epadi ungaluku utavathu
By tamil tai
10/17/2010 1:38:00 AM
உங்கள் கருத்தைப் பதிவு செய்யுங்கள் *
இலக்குவனார் திருவள்ளுவன் அடுக்கடுக்காகத் 
தெரிவித்துள்ளதைப் பார்க்கும் பொழுது தமிழ் மீது எந்த அரசியல்வாதிக்கும் அக்கறை இல்லை என்பது புரிகிறது. தென் ஆப்பிரிக்காவிலேயே தமிழ்க்கல்விக்கான பல்கலைக்கழகம் ஒன்றை அமைக்கத் தென்னாப்பிரிக்கத் தமிழர்கள் முயல வேண்டும்.
By thamizhan
10/17/2010 9:01:00 AM