உலகத் தரத்தில் 25,00,000 வீடுகள்

தமிழகத்தில் அடுத்த, 10 ஆண்டுகளில், 25 லட்சம் வீடுகள் கட்டும் திட்டத்துக்காக, மாவட்டம்தோறும், 100 ஏக்கர் வரை, நிலம் எடுக்க முடிவு செய்யப்பட்டுள்ளது. இதற்கான நிலங்களை தேர்வு செய்யுமாறு, அனைத்து மாவட்ட கலெக்டர்களுக்கும் கடிதம் அனுப்பப்பட்டுள்ளது.தமிழகத்தில், "அனைவருக்கும் வீடு' என்ற நோக்கத்துடன், வீட்டு வசதி வாரியம், 1961ம் ஆண்டு துவங்கப்பட்டது. இவ்வாரியத்தின் மூலம் இதுவரை, நான்கு லட்சம் குடியிருப்புகள் உருவாக்கப்பட்டுள்ளன.பொருளாதாரத்தில் பின்தங்கிய பிரிவினருக்கு, 1.25 லட்சம் குடியிருப்புகளும், குறைந்த வருவாய் பிரிவினருக்கு, 93 ஆயிரம் வீடுகளும், நடுத்தர வருவாய் பிரிவினருக்கு, 72 ஆயிரம் வீடுகளும் இதுவரை ஒதுக்கப் பட்டுள்ளன.

புதிய திட்டம் இல்லை

இருப்பினும், நகர்மயமாதல், மக்கள் தொகை அதிகரிப்பு காரணமாக, குடியிருப்பு தேவை வெகுவாக அதிகரித்துள்ளது. இதனால், ஆட்சேபகரமான பகுதிகள், நகர்ப்புற பகுதிகளில் அனுமதியில்லாத குடியிருப்புகளின் எண்ணிக்கையும் அதிகரித்து வருகிறது.இதனால், நகர்ப்புற பகுதிகளில், சமமற்ற சூழல் உருவாகி வருகிறது. வீட்டு வசதி வாரியத்தால் உருவாக்கப்பட்டு, செயல்படுத்தப்படும் திட்டங்கள், மக்களின் தேவைகளை பூர்த்தி செய்வதாக இல்லை.புதிய திட்டங்களை செயல்படுத்த தேவையான நிலம்,

வீட்டு வசதி வாரியத்திடம் இல்லை. இதனால், கடந்த சில ஆண்டுகளாக, பெரிய அளவிலான புதிய வீட்டு வசதி திட்டங்கள் எதுவும் செயல்படுத்தப்படாமல் உள்ளது. இதனால், நியாயமான விலையில், அனைத்து வசதிகளுடன் வீடு கிடைப்பது, பெரிய சிக்கலாகஉருவாகியுள்ளது.

தொலைநோக்கு திட்டத்தில்...

இந்நிலையில், தமிழக அரசின், "விஷன் - 2023' தொலைநோக்கு திட்டத்தில், அடுத்த, 10 ஆண்டுகளில், உலகத்தரத்தில், 25 லட்சம் வீடுகள் கட்ட திட்டமிடப்பட்டுள்ளது.அதற்கு தேவையான குடிநீர் வசதி, கழிவு நீர் வடிகால், போக்குவரத்து, தொலைத்தொடர்பு, மருத்துவ வசதி போன்ற அனைத்து வசதிகளையும் செய்ய, 75,000 கோடி ரூபாய் முதலீடு பெறப்படும் என, குறிப்பிடப் பட்டுள்ளது.தொலைநோக்கு திட்டத்தில் குறிப்பிடப்பட்ட, திட்டங்களைச் செயல்படுத்த தேவையான நடவடிக்கையை எடுக்கும்படி, வீட்டு வசதி மற்றும் நகர்ப்புற வளர்ச்சித் துறை கேட்டுக் கொள்ளப்பட்டுள்ளது.

கலெக்டர்கள் கூட்டம்

இது குறித்து, வீட்டு வசதித் துறை உயர் அதிகாரி ஒருவர் கூறியதாவது: "விஷன் - 2023' அறிக்கையில் குறிப்பிட்டுள்ளபடி, உலகத்தரத்தில், 25 லட்சம்

புதிய வீடுகள் கட்ட, தேவையான நிலங்களை பெறுவது முக்கிய பிரச்னையாக உள்ளது.எனவே, இத்திட்டத்துக்காக மாவட்டம்தோறும், 50 முதல் 100 ஏக்கர் நிலங்களை, தேர்வு செய்து அரசுக்கு தெரிவிக்குமாறு, மாவட்ட கலெக்டர்கள் கேட்டுக்கொள்ளப்பட்டுள்ளனர்.இவ்வாறு தேர்வு செய்யப்படும் நிலங்களை, கையகப்படுத்தும் நடவடிக்கைகளை இறுதி செய்வதற்காக, மாவட்ட கலெக்டர்கள், காவல் துறை கண்காணிப்பாளர்கள் கூட்டம் விரைவில் நடக்க உள்ளது. இது தொடர்பான கடிதங்கள், மாவட்ட கலெக்டர்கள் மற்றும் காவல் துறை கண்காணிப்பாளர்களுக்கும் அனுப்பப்பட்டு வருகின்றன.இவ்வாறு அவர் கூறினார்.

-நமது செய்தியாளர், தினமலர்

தெருக்களில் 20 ஆயிரம் சூரியசக்தி விளக்குகள்: தமிழக அரசு புது த் திட்டம் - solar street lights

தெருக்களில் 20 ஆயிரம் சூரியசக்தி விளக்குகள்: தமிழக அரசு புது த் திட்டம்

 கிராமப்புறங்களில் உள்ள தெரு விளக்குகளை, சூரிய சக்தியில் இயங்கும் தெரு விளக்குகளாக மாற்ற, உலகளாவிய ஒப்பந்தப் புள்ளியை, தமிழ்நாடு எரிசக்தி மேம்பாட்டு முகமை கோரியுள்ளது. இதையடுத்து, ஒவ்வொரு மாவட்டத்திலும், கிராமங்கள் தேர்வு செய்யப்பட்டு, சூரிய சக்தி தெரு விளக்குகள்பொருத்தப்படுகின்றன.

தமிழகத்தில் நிலவும், கடும் மின் பற்றாக் குறையால், மின் வினியோகம் கடுமையாக பாதித்துள்ளது. மேலும், தெரு விளக்குகளால் ஏற்படும் மின் கட்டணம், உள்ளாட்சி அமைப்புகளுக்குப் பெரும் சுமையாக உள்ளது.பல கிராம ஊராட்சிகளுக்கு, தெரு விளக்கு மின் கட்டணத்தைச் செலுத்தக் கூட நிதியில்லை. இந்த, இக்கட்டான நிலையில், மின் சிக்கனம், செலவை குறைத்தல் ஆகியவற்றுக்காக, மாற்று எரிசக்திக்கு, தமிழக அரசு முக்கியத்துவம் அளிக்கிறது.இதன் ஒரு கட்டமாக, கிராம ஊராட்சிகளில் உள்ள, ஒரு லட்சம் தெரு விளக்குகள், சூரிய சக்தி தெரு விளக்குகளாக மாற்றும் திட்டம், பட்ஜெட்டில் அறிவிக்கப்பட்டது. சூரிய சக்தியையும் சிக்கனமாகப் பயன்படுத்த, சதாரண குழல் விளக்குகளுக்கு பதில், எல்.இ.டி., விளக்குகள் பொருத்தவும் முடிவுசெய்யப்பட்டது.

இதையடுத்து, ஆண்டுக்கு, 20 ஆயிரம் தெரு விளக்குகள் என, ஐந்து ஆண்டுகளில், ஒரு லட்சம் தெரு விளக்குகளை, சூரிய சக்தி விளக்குகளாக மாற்ற, நடவடிக்கை எடுக்கப்பட்டுள்ளது. நடப்பு நிதியாண்டில், 20 ஆயிரம் தெரு விளக்குகள், சூரிய சக்தி விளக்குகளாக மாற்றப்படுகின்றன. இதற்கு, 52.50 கோடி ரூபாயை அரசு ஒதுக்கி உள்ளது.சென்னை நீங்கலாக, 31 மாவட்டங்களிலும், கிராமங்கள் தேர்வு செய்யப்பட்டு, இத்திட்டம் செயல்படுத்தப்படுகிறது. 15 தெரு விளக்குகளை ஒரு தொகுப்பாகக் கொண்டு, சூரிய சக்தியை ஈர்த்து, மின்சாரமாக மாற்றும் தகடுகள் அமைக்கப்படுகின்றன. இத்தொகுப்பு, 600 வாட்ஸ் மின்சக்தியை உற்பத்தி செய்வதாக அமைக்கப்படுகிறது.சூரிய சக்தி மின் விளக்குகள் அனைத்தும், "ரிமோட் கன்ட்ரோல்' முறையில், பராமரிக்கும் முறையும் ஏற்படுத்தப்படுகிறது. இதற்காக, தமிழகத்தை தெற்கு, வடக்கு என, இரு மண்டலங்களாகப் பிரித்துள்ளனர்.

இம்மண்டலங்களில், சூரிய சக்தி தெரு விளக்குகளை அமைக்கும் நிறுவனம், தலைமையகங்களை அமைத்து, பராமரிப்புப் பணிகளை மேற்கொள்ள வேண்டும்.சென்னை நீங்கலாக, மீதமுள்ள மாவட்டங்களில், தெற்கு மண்டலத்தில், 16 மாவட்டங்களும், வடக்கு மண்டலத்தில், 15 மாவட்டங்களும் பிரிக்கப்பட்டுள்ளன. அரியலூர், கடலூர், தருமபுரி, காஞ்சிபுரம், கிருஷ்ணகிரி, நாகபட்டினம், புதுக்கோட்டை, பெரம்பலூர், தஞ்சை, திருச்சி, திருவள்ளூர், திருவண்ணாமலை, திருவாரூர், வேலூர், விழுப்புரம் ஆகிய, 15 மாவட்டங்கள், வடக்கு மண்டலமாகப் பிரிக்கப்பட்டு உள்ளன.

கோவை, திண்டுக்கல், ஈரோடு, கன்னியாகுமரி, கரூர், மதுரை, நாமக்கல், நீலகிரி, ராமநாதபுரம், சேலம், சிவகங்கை, தேனி, திருப்பூர், தூத்துக்குடி, திருநெல்வேலி, விருதுநகர் ஆகிய, 16 மாவட்டங்கள், தெற்கு மண்டலமாகப் பிரிக்கப்பட்டு உள்ளன.

கிராமப்புறங்களில் உள்ள தெரு விளக்குகளை, சூரிய சக்தியில் இயங்கும் தெரு விளக்குகளாக மாற்ற, உலகளாவிய ஒப்பந்தப் புள்ளியை, தமிழ்நாடு எரிசக்தி மேம்பாட்டு முகமை கோரியுள்ளது. இதற்கான அறிவிப்பு வெளியிடப்பட்டு உள்ளது.தமிழகத்தில் தொடர்ந்து வரும் மின்வெட்டால், பெரும்பான்மையான கிராமப் பகுதிகள் இருண்டுள்ளன. இந்நிலையில், சூரிய சக்தி மூலம், தெரு விளக்குகள் அமைக்கும் திட்டத்தின் அவசியம் குறித்து, அரசு உணர்ந்துள்ளதால், இதை விரைந்து செயல்படுத்த, நடவடிக்கைகள் முடுக்கி விடப்பட்டுள்ளதாக, அதிகாரிகள் தெரிவித்தனர்.

- நமது சிறப்பு ச் செய்தியாளர், தினமலர் -

சட்டமன்ற வைர விழா நினைவு வளைவு: முதல்வர்

சென்னையில் சட்டமன்ற வைர விழா நினைவு வளைவு: முதல்வர் உத்தரவு

தினமணி BySriram Senkottai, சென்னை

First Published : 09 October 2012 06:27 PM IST

• புகைப்படங்கள்

சென்னை போர் நினைவுச் சின்னம் அருகே தமிழக சட்டமன்றத்தின் வைரவிழாவை ஒட்டி நினைவு வளைவு அமைக்கப்படும் என்று முதல்வர் ஜெயலலிதா அறிவித்துள்ளார்.

இதுகுறித்து இன்று அவர் வெளியிட்ட செய்திக் குறிப்பு:

இந்திய நாடு சுதந்திரம் அடைந்த பிறகு, இந்திய அரசமைப்புச் சட்டத்தின்படி 1952 ஆம் ஆண்டு அமைக்கப் பெற்ற தமிழ்நாடு சட்டமன்றப் பேரவை 2012 ஆம் ஆண்டு 60 ஆண்டுகளை பூர்த்தி செய்துள்ளது. இதையடுத்து, தமிழ்நாடு சட்டமன்றப் பேரவையின் வைர விழா வெகு விமரிசையாக விரைவில் நடைபெறவுள்ளது.

இதன் தொடக்கமாக, தமிழ்நாடு சட்டமன்றப் பேரவை வைர விழா நிகழ்ச்சியினை என்றென்றும் மக்கள் நினைவு கொள்ளும் வகையில்,  சென்னை, ராஜாஜி சாலையில் உள்ள போர் நினைவுச் சின்னத்திற்கும் தலைமைச் செயலகத்திற்கும் இடையில் தமிழ்நாடு சட்டமன்றப் பேரவை வைர விழா நினைவு வளைவினை அமைத்திட உத்தரவிட்டுள்ளேன்.  சரித்திரப் புகழ் மற்றும் பாரம்பரியம் வாய்ந்த புனித ஜார்ஜ் கோட்டையின் பொலிவிற்கு பொருந்துமாறு கம்பீரமான தோற்றத்துடன் இந்த வளைவு வடிவமைக்கப்படும்.

புதிதாக கட்டப்படவிருக்கும் இந்த நினைவு வளைவு, 80 அடி அகலமும், 41 அடி உயரமும் கொண்டதாக இருப்பதுடன், பெருமை வாய்ந்த புனித ஜார்ஜ் கோட்டை மற்றும் போர் நினைவுச் சின்னம் அமைந்துள்ள இடத்திற்கு பொருத்தமாகவும், பாரம்பரியம் மற்றும் நவீன கட்டடக்கலை நுட்பத்திறனை உள்ளடக்கியும் கட்டப்படும்.

- இவ்வாறு அந்த அறிக்கையில் கூறப்பட்டுள்ளது

கருநாடக அரசு மீது அவமதிப்பு வழக்கு: 

தமிழக அரசு முடிவு

தினமணி By dn, சென்னை

First Published : 09 October 2012 02:54 PM IST

• புகைப்படங்கள்

• 

உச்ச நீதிமன்ற தீர்ப்பின்படி, காவிரியில் தமிழக அரசுக்கு உரிய நீரைத் திறந்து விட மறுத்துள்ள கர்நாடக அரசு மீது நீதிமன்ற அவமதிப்பு வழக்குத் தொடர தமிழக அரசு முடிவு செய்துள்ளது.
இது குறித்து தமிழக அரசு அனுப்பியுள்ள செய்திக் குறிப்பில், காவேரி நதிநீர்ப் பிரச்சனை தொடர்பாக தமிழக முதலமைச்சர் ஜெயலலிதா தலைமையில் இன்று தலைமைச் செயலகத்தில் விரிவான ஆய்வுக் கூட்டம் நடைபெற்றது.  இந்தக் கூட்டத்தில், பொதுப்பணித் துறை அமைச்சர், தமிழக அரசின் தலைமைச் செயலாளர், பொதுப் பணித் துறை செயலாளர் மற்றும் அரசு உயர் அதிகாரிகள் கலந்து கொண்டனர்.
இந்தக் கூட்டத்தின் முடிவில், இந்தியக் கூட்டாட்சித் தத்துவத்திற்கு ஊறுவிளைவிக்கும் வகையிலும், உச்ச நீதிமன்றத் தீர்ப்பினை அவமதிக்கும் வகையிலும், தமிழகத்திற்கு விடுவித்துக் கொண்டிருந்த தண்ணீரை தன்னிச்சையாக நிறுத்தி, தமிழகத்திற்கு உரிய பங்கினை தர மறுக்கும் கர்நாடக அரசுக்கு எதிராக நீதிமன்ற அவமதிப்பு வழக்கினை உச்ச நீதிமன்றத்தில் தொடர்ந்து, தமிழகத்திற்கு உரிய பங்கினை உடனடியாக பெற முதலமைச்சர் உத்தரவிட்டார்.  முதலமைச்சரின் உத்தரவினையடுத்து, கர்நாடக அரசுக்கு எதிரான நீதிமன்ற அவமதிப்பு வழக்கு உடன் உச்ச நீதிமன்றத்தில் தாக்கல் செய்யப்படும் என்று கூறப்பட்டுள்ளது.
புது தில்லியில் கடந்த மாதம் நடைபெற்ற காவிரி நதிநீர் பங்கீட்டு ஆணையக் கூட்டத்தில் தமிழகத்துக்கு தினமும் 9 ஆயிரம் கன அடி நீரை திறந்து விட வேண்டும் என்று பிரதமர் உத்தரவிட்டார்.
அதனை ஏற்றுக் கொள்ளாத கர்நாடக அரசு தண்ணீரை திறந்துவிட மறுப்புத் தெரிவித்தது.இதையடுத்து தமிழக அரசு உச்ச நீதிமன்றத்தில் முறையீடு செய்தது. முறையீட்டு மனுவை விசாரித்த உச்ச நீதிமன்றம், கர்நாடக அரசுக்கு கடும் கண்டனம் தெரிவித்ததோடு, பிரதமரின் உத்தரவை அமல்படுத்துமாறு உத்தரவிட்டது. இதையடுத்து கர்நாடக அரசு தண்ணீரை திறந்து விட்டது.
இந்த நிலையில், காவிரி நதிநீர் பங்கீட்டு ஆணையத்தின் உத்தரவு குறித்து மறுபரிசீலனை செய்யுமாறு கர்நாடக அரசு சார்பில் பிரதமரிடம் கோரிக்கை வைக்கப்பட்டது. எனினும், பிரதமர் அந்த கோரிக்கையை நிராகரித்துவிட்டார்.
நேற்று மாலை, பிரதமர் கோரிக்கையை நிராகரித்த ஒரு சில மணி நேரங்களிலேயே கர்நாடக அணைகளில் இருந்து தண்ணீர் திறந்துவிடுவதை நிறுத்திவிட்டது கர்நாடக அரசு என்பது குறிப்பிடத்தக்கது.
 +++++++++++++++++++++++++++++++++++++++++++++++++++++++++++++

காவிரியில் தண்ணீர் நிறுத்தம்: கருநாடக அரசு மீது நீதிமன்ற அவமதிப்பு வழக்கு தொடர செயலலிதா உத்தரவு

மாலை மலர் Chennai செவ்வாய்க்கிழமை, அக்டோபர் 09, 1:15 PM IST

சென்னை, அக்.9

தமிழக அரசு வெளியிட்டுள்ள செய்திக்குறிப்பில் கூறியிருப்பதாவது:-

காவேரியில் தமிழகத்திற்கு உரிய பங்கினை பெற்றே தீர வேண்டும் என்ற முதலமைச்சர் ஜெயலலிதா உறுதியான நடவடிக்கை மற்றும் விடாமுயற்சி காரணமாக, காவேரி நதிநீர் ஆணைய உத்தரவின்படி 20.9.2012 முதல் 15.10.2012 வரை நாளென்றுக்கு 9,000 கன அடி தண்ணீரை தமிழகத்திற்கு விடுவிக்க வேண்டும் என்று கர்நாடகத்திற்கு உச்ச நீதிமன்றம் 28.9.2012 அன்று உத்தரவிட்டது.

உச்ச நீதிமன்றத்தின் உத்தரவினையடுத்து, 29.9.2012 முதல் தண்ணீரை விடுவிக்கத் துவங்கிய கர்நாடகம், நேற்று (8.10.2012) இரவு முதல் தமிழகத்திற்குரிய தண்ணீரை விடுவிப்பதை தன்னிச்சையாக நிறுத்திவிட்டது.

இந்தச் சூழ்நிலையில், காவேரி நதிநீர்ப் பிரச்சனை தொடர்பாக முதலமைச்சர் ஜெயலலிதா தலைமையில் இன்று தலைமைச் செயலகத்தில் விரிவான ஆய்வுக்கூட்டம் நடைபெற்றது. 

இந்தக் கூட்டத்தில், பொதுப்பணித் துறை அமைச்சர், தமிழக அரசின் தலைமைச் செயலாளர், பொதுப் பணித் துறை செயலாளர் மற்றும் அரசு உயர் அதிகாரிகள் கலந்து கொண்டனர்.

இந்தக் கூட்டத்தின் முடிவில், இந்தியக் கூட்டாட்சித் தத்துவத்திற்கு ஊறுவிளைவிக்கும் வகையிலும், உச்ச நீதிமன்றத் தீர்ப்பினை அவமதிக்கும் வகையிலும், தமிழகத்திற்கு விடுவித்துக் கொண்டிருந்த தண்ணீரை தன்னிச்சையாக நிறுத்தி, தமிழகத்திற்கு உரிய பங்கினை தர மறுக்கும் கர்நாடக அரசுக்கு எதிராக நீதிமன்ற அவமதிப்பு வழக்கினை உச்ச நீதிமன்றத்தில் தொடர்ந்து, தமிழகத்திற்கு உரிய பங்கினை உடனடியாக பெற முதலமைச்சர் ஜெயலலிதா உத்தரவிட்டார்.

முதலமைச்சரின் உத்தரவினையடுத்து, கர்நாடக அரசுக்கு எதிரான நீதிமன்ற அவமதிப்பு வழக்கு உடன் உச்ச நீதிமன்றத்தில் தாக்கல் செய்யப்படும்.  

இவ்வாறு அதில் கூறப்பட்டுள்ளது.

இடச் சிக்கல் - மத்திய அரசிடம் செம்மொழித் தமிழாய்வு நிறுவனம் முறையீடு- மாநில அரசின் முடிவுக்குக் காத்திருப்பு

மத்திய அரசு தன்னுடைய அலுவலகம் என்ற கடமை உணர்ச்சியுடன் சிக்கலை விரைவில் தீர்க்க வேண்டும். தமிழக அரசு தமிழ்மொழி தொடர்பான அமைப்பிற்கு உதவ  வேண்டியது கடப்பாடு என்ற நிலையில் உதவ வேண்டும்.  

அன்புடன் இலக்குவனார் திருவள்ளுவன் / தமிழே விழி! தமிழா விழி! / எழுத்தைக் காப்போம்!  மொழியைக் காப்போம்! இனத்தைக் காப்போம்! 

இடப் பிரச்னை: மத்திய அரசிடம் செம்மொழி தமிழாய்வு நிறுவனம் முறையீடு- மாநில அரசின் முடிவுக்கு காத்திருப்பு

First Published : 25 Jul 2011 02:31:01 AM IST

Last Updated :

சென்னை, ஜூலை 24: இடப் பிரச்னையில் எந்தவொரு முடிவும் ஏற்படாத காரணத்தால், மத்திய அரசின் மனித வள மேம்பாட்டுத் துறையிடம் செம்மொழி தமிழாய்வு நிறுவனம் முறையீடு செய்துள்ளது. அதேசமயம், தமிழக அரசு மாற்று இடம் வழங்கும் என்றும் தமிழாய்வு நிறுவனம் நம்பிக்கையுடன் காத்திருக்கிறது.  தமிழுக்கு செம்மொழி அந்தஸ்து கிடைத்ததைத் தொடர்ந்து, அதற்கென தனியாக ஆய்வு நிறுவனத்தை அமைக்க முடிவு செய்யப்பட்டது. அதன் விளைவாக, சென்னையில் செம்மொழிவுத் தமிழாய்வு மத்திய நிறுவன அலுவலகம் கடந்த 2008-ம் ஆண்டு மே 19-ம் தேதி அமைக்கப்பட்டது. இந்த ஆய்வு நிறுவனத்தின் சார்பில் பல்வேறு பணிகள் மேற்கொள்ளப்பட்டு வருகின்றன.  முனைவர் பட்டத்துக்கு மாதத்துக்கு ரூ.12 ஆயிரம் வீதம் இரண்டு ஆண்டுகளுக்கு உதவித் தொகை வழங்கப்படுகிறது. மேலும், முனைவர் பட்ட மேற்படிப்புக்கும் தனியாக உதவித் தொகை அளிக்கப்படுகிறது. தமிழ் மொழியில் பல்வேறு ஆய்வுகளையும், பணிகளையும் மேற்கொள்ளும் தமிழறிஞர்களுக்கு பல்வேறு விருதுகளும் மத்திய அரசின் சார்பில் வழங்கப்படுகின்றன.  தொல்காப்பியர் விருது, தமிழ் மொழியில் ஆய்வு மேற்கொள்ளும் வெளிநாட்டவர் அல்லது வெளிநாடு வாழ் இந்தியருக்கு குறள்பீடம் விருது, இளைய தலைமுறையினரை ஊக்குவிக்க தனியாக விருதும் ஆண்டுதோறும் வழங்கப்பட்டு வருகிறது.  இடப் பிரச்னை: செம்மொழி தமிழாய்வு மத்திய நிறுவனத்தின் அலுவலகமும், நூலகமும், சென்னை கடற்கரை சாலையில் உள்ள பாலாறு இல்லத்தில் செயல்பட்டு வந்தது. இடப்பிரச்னை காரணமாக, அந்த நூலகத்தை சென்னை கோட்டையில் உள்ள சட்டப் பேரவை மண்டபத்துக்கு மாற்றியது அப்போதைய திமுக அரசு.  நூலகம் முழுமையான வடிவம் பெற்று பணிகள் தொடங்கிய நேரத்தில் தமிழகத்தில் ஆட்சி மாற்றம் ஏற்பட்டது. இதையடுத்து, புதிய தலைமைச் செயலகத்தில் இருந்து பழைய தலைமைச் செயலகத்துக்கு சட்டப் பேரவை இடமாற்றம் செய்யப்பட்டது. செம்மொழி தமிழாய்வு நிறுவன நூலகத்தில் பயன்படுத்தப்பட்ட நூல்கள் அனைத்தும் புதிய தலைமைச் செயலகத்தில் உள்ள மூன்று அறைகளில் வைக்கப்பட்டுள்ளன. இதனால், நூலகம் செயல்படாமல் முடங்கியுள்ளது.  செயல்பட வைக்கத் தீவிரம்: செம்மொழி தமிழாய்வு நிறுவனத்தின் நூலகமும், அலுவலகமும் சீராக செயல்பட பல்வேறு நடவடிக்கைகளை செம்மொழி தமிழாய்வு நிறுவனம் மேற்கொண்டு வருகிறது.  சென்னையில் பிரதான இடத்தில் வாடகைக் கட்டடத்தைக் கோரியது அந்த நிறுவனம். அமைந்தகரையில் பல ஆயிரம் ரூபாய் மாத வாடகையில் கட்டடம் ஒன்று பேசப்பட்டு வருகிறது. அதேசமயம், இந்த அளவுக்கு வாடகை கொடுப்பதை விட, சென்னை புறநகர்ப் பகுதியில் தமிழாய்வு நிறுவனத்துக்கென ஒதுக்கப்பட்ட நிலத்தில் தாற்காலிக கட்டடம் கட்டலாம் என்ற யோசனையும் கூறப்பட்டுள்ளது.  இதுகுறித்து, மத்திய அரசின் பொதுப்பணித் துறை அதிகாரிகளுடன் கலந்து பேச தமிழாய்வு நிறுவன அதிகாரிகள் முடிவு செய்துள்ளனர்.  மத்திய அரசிடம் முறையீடு: இடப் பிரச்னை தொடர்பாக மத்திய அரசின் கவனத்துக்கும் கொண்டு செல்லப்பட்டுள்ளது. மத்திய மனிதவள மேம்பாட்டுத் துறை அமைச்சகத்தின் கீழ் செம்மொழி தமிழாய்வு நிறுவனம் வருகிறது. இங்கு நிலவும் இடப்பிரச்னை குறித்து மனித வள மேம்பாட்டு அமைச்சகத்திடம் முறையிட்டுள்ளது செம்மொழி தமிழாய்வு நிறுவனம்.  அதேசமயம், தமிழக அரசின் முடிவுக்காகவும் தொடர்ந்து காத்திருக்கிறது. மாநில அரசின் சார்பில் ஏதாவது விசாலமான இடம் ஒதுக்கப்படும் என தமிழாய்வு நிறுவனம் எதிர்பார்த்துக் கொண்டிருக்கிறது. இதனிடையே, சென்னை புறநகர்ப் பகுதியில் ஒதுக்கப்பட்ட நிலத்தில் கட்டடம் கட்டும் பணியையும் முழுவீச்சில் முடிக்கும் பணியில் செம்மொழி தமிழாய்வு நிறுவனத்தினர் இறங்கியுள்ளனர்.

T.N.govt. reduces the tax on petrol: விற்பனை வரியைக் குறைத்து மாநில அரசு உத்தரவு

தமிழக அரசு என்று தெளிவாகக் குறிப்பிடலாமே! இதனை வெளியிடாவிட்டாலும் செய்திப் பிரிவினருக்குத் தெளிவாகக் குறிப்பிட அறிவுரை வழங்குங்கள். 

அன்புடன் இலக்குவனார் திருவள்ளுவன் /தமிழே விழி! தமிழா விழி/

விற்பனை வரியைக் குறைத்து மாநில அரசு உத்தரவு

First Published : 02 Mar 2011 02:44:49 AM IST

Last Updated :

சென்னை, மார்ச் 1: பெட்ரோல் மீதான விற்பனை வரியை 3 சதவீதம் குறைத்து தமிழக அரசு செவ்வாய்க்கிழமை உத்தரவிட்டது. இதனையடுத்து பெட்ரோல் விலை லிட்டருக்கு ரூ.1.38 குறைகிறது.  இதுகுறித்து, முதல்வர் கருணாநிதி செவ்வாய்க்கிழமை வெளியிட்ட அறிவிப்பு:  மத்திய அரசு பெட்ரோல் விலையை உயர்த்த வேண்டிய நெருக்கடிக்கு ஆளாகி உயர்த்துவதால், நடுத்தர மக்கள் குறிப்பாக இரு சக்கர வாகனங்களைப் பயன்படுத்துவோர் பெரிதும் பாதிக்கப்படுகின்றனர். அவர்கள் பாதிக்கப்படக் கூடாது என்பதற்காக, தமிழக அரசு பெட்ரோல் மூலம் தனக்குக் கிடைக்கக் கூடிய விற்பனை வரியை ஓரளவுக்கு குறைத்துக் கொள்ள வேண்டும் என்பதை மனதில் கொண்டுள்ளது. இப்போது, பெட்ரோல் மீது தமிழக அரசு விதித்துள்ள விற்பனை வரி 30 சதவீதத்தில் இருந்து மூன்று சதவீதம் குறைத்து 27 சதவீதம் மட்டுமே வசூலிப்பதென்று முடிவு செய்துள்ளது.  இதனால் ஆண்டுக்கு தமிழக அரசுக்கு ரூ.210 கோடி வரி இழப்பு ஏற்படும். பெட்ரோலைப் பயன்படுத்துவோருக்கு லிட்டருக்கு இவ்வாறு விற்பனை வரியைக் குறைப்பதன் காரணமாக ரூ.1.38 குறையும். இந்த விலை குறைப்பு உடனடியாக அமலுக்கு வரும். இவ்வாறு விற்பனை வரி குறைக்கப்பட்ட பின்பு தமிழகத்தில் உள்ள 27 சதவீதம் பெட்ரோல் மீதான விற்பனை வரி என்பது தென் மாநிலங்களிலேயே மிகவும் குறைவு என்பது குறிப்பிடத்தக்கது. 

T.N.govt. ignores thamizh dramas : தமிழ் நாடகங்களைப் புறக்கணிக்கிறது தமிழக அரசு: ஆறு. அழகப்பன் குற்றச்சாட்டு

இயல் இசை நாடக மன்றம் என்னும்  ஓர் அமைப்பு மட்டும் செயல்படுவதால் தவறுகள் பல நேர்கின்றன.  இயல் மன்றம், இசை மன்றம், நாடக மன்றம், நாட்டிய மன்றம், நாட்டுப்புறக் கலை மன்றம் என ௫ மன்றங்கள் ஆக மாற்றப்பட வேண்டும். திரைப்படத்தைத்தனியார் பார்த்துக் கொள்வாரக்ள். அது குறிததுக் கவலைப்பட வேண்டா. தேசிய நாடகப் ப்ளளியின் விழாவின் பொழுது பிற மாநில நாடகங்கள் மட்மே நடத்தப்பட வேண்டும் என்பது விதியாம். அப்படியானால்  இதற்கிணங்க எத்தனை  மாநிலங்களில் எத்தனைத் தமிழ் நாடகங்கள் நடத்தப் பட்டன என்ற விவரத்தை அரசு தெரிவிக்க வேண்டும். அறிஞர்அண்ணா நூற்றாண்டை முன்னிட்டு அவர் நாடகங்களைத்   தஞ்சாவூரில் நடத்த முயன்றபொழுது இயலாமல் போனதையும்  நினைவு கூர்கிறேன். சரியான கவலையை  அரசின் பாராட்டுதல்கள் பெற்ற ஆறு. அழகப்பன் தெரிவித்துள்ளார். உடன் நடவடிக்கை எடுக்க வேண்டும். 

அன்புடன் இலக்குவனார் திருவள்ளுவன்

தமிழ் நாடகங்களை புறக்கணிக்கிறது தமிழக அரசு: 

ஆறு. அழகப்பன் குற்றச்சாட்டு

First Published : 08 Jan 2011 04:54:28 AM IST

Last Updated :

சென்னை, ஜன. 7: தமிழக அரசு தமிழ் நாடகங்களை புறக்கணிக்கிறது என்று தமிழ்ச் சுரங்கத்தின் தலைவர் ஆறு. அழகப்பன் குற்றம் சாட்டியுள்ளார்.  இது குறித்து அவர் வியாழக்கிழமை வெளியிட்ட செய்திக் குறிப்பு: "தமிழக அரசு கடந்த 5 ஆண்டுகளாக தமிழ் நாடகங்களை முற்றிலும் கண்டு கொள்ளவில்லை. 5 நாள் நடைபெற்ற உலச் செம்மொழி மாநாட்டில் தமிழ் நாடகங்கள் நடத்த நேரமில்லை என்று தமிழக அரசு புறக்கணித்தது.  இயல், இசை, நாடகமன்றம், கலை பண்பாட்டுத்துறை முதலிய அரசு சார்ந்த நிறுவனங்கள், கண்காட்சி, சுற்றுலா நிகழ்ச்சிகளிலும் சான்றோர் விழாக்களிலும், சென்னை சங்கம விழாக்களிலும் ஒரு நாடகம் கூட நடத்திட அரசு உதவவில்லை.  தமிழரசன் தியேட்டர் நடத்திவரும் திருவள்ளுவர் நாடகம் பெங்களூரில் திருவள்ளுவர் சிலை திறப்பு விழாவின் போது நடத்தப்பட்டது. இதே போல் சென்னையில் உள்ள 15 சபாக்கள், திருச்சி, தஞ்சாவூர் பல்கலைக்கழக வளாகத்தில் இந்த நாடகம் அரங்கேற்றப்பட்டது. இப்போது இதற்கு சிறப்பான வரவேற்பு கிடைத்தது.  ஆனால் திருவள்ளுவர் நாளன்று, திருவள்ளுவர் நாடகத்தை நடத்த கடந்த 3 ஆண்டுகளாக முயன்றும், நாடகத்தை அரங்கேற்றாமல் அரசு தள்ளுபடி செய்து வருகிறது.  புதுதில்லியில் இயங்கும் தேசிய நாடகப் பள்ளியும், தமிழ்நாடு கலைப்பண்பாட்டுத் துறையும் இணைந்து சர்வதேச நாடக விழாவை வரும் 11-ம் தேதி சென்னையில் நடத்தத் திட்டமிட்டுள்ளது. 10 நாள்கள் நடைபெறும் இந்த விழாவில் இங்குள்ள மரபு வழி நாடகக் குழுவினருக்கு ஒரு நாடகம் கூட நடத்த வாய்ப்பு அளிக்கவில்லை. திரைப்படத் தயாரிப்பாளர் சங்கத் தலைவரே இயல், இசை, நாடக மன்றத்துக்கும் தலைவராக இருப்பதால் தமிழ் நாடகங்கள் அரங்கேற்றப்படாமல் அழிகின்றன என்ற கருத்து நிலவுகிறது.  வரும் திருவள்ளுவர் நாளன்று வள்ளுவர் கோட்டத்தில் உள்ள அரங்கை திருவள்ளுவர் நாடகம் நடத்த ஒரு நாள் இலவசமாக அளிக்க வேண்டும். இதனால் கடந்த 3 ஆண்டுகளாக முடங்கிப்போன திருவள்ளுவர் நாடகத்தை நடத்த ஒரு வாய்ப்பு கிடைக்கும்' என்று அந்த செய்திக்குறிப்பில் ஆறு. அழகப்பன் தெரிவித்துள்ளார்.

தமிழக அரசின் "ஜிம் க்ரோ' சட்டங்கள்

அ. நாராயணன்

First Published : 20 Sep 2010 12:01:00 AM IST

Last Updated :

பத்தொன்பதாம் நூற்றாண்டு - அமெரிக்காவில், கருப்பர்களை அடிமைகளாக நடத்துவது நிறுத்தப்பட்ட பின்பும், தீண்டாமைக் கொடுமை மட்டும் தொடர்ந்தது. கருப்பு நீக்ரோக்கள் வெள்ளையர்களுக்கு சமம், ஆனால் தனித்தனியே என்ற "ஜிம் க்ரோ' சட்டங்கள் 1876 முதல் 1965 வரை, கிட்டத்தட்ட 90 ஆண்டுகள் அமலில் இருந்தன. தீண்டாமை இருந்த அமெரிக்காவில் "ஜிம் க்ரோ' சட்டங்களின் படி, கருப்பர்கள் வசிக்க தனி காலனிகள், தனி விடுதிகள், தனி பொதுக் கழிப்பிடங்கள், தனி பள்ளிகள், தனி வணிக வளாகங்கள், தனி கல்லூரிகள் என்று எல்லாமே தனித்தனி தான். ÷வெள்ளை, கருப்பு இரண்டு இனமும் சரி சமம் என்று சொல்லப்பட்டாலும், கருப்பர்களுக்கான எல்லா அமைப்புகளும் வசதிக்குறைவாக, நிலையற்ற தன்மை உடையனவாக இருக்கும். இதே போன்றதொரு நிறவெறிக் கொடுமை, காந்தி நெல்சன் மண்டேலா, 1994-ல் ஜனாதிபதியாகும் வரை தென் ஆப்பிரிக்காவில் தொடர்ந்தது. ÷உலகெங்கும் தீண்டாமைக் கொடுமைகள் மங்கிவரும் நிலையிலும், மக்களாட்சி அமையப் பெற்று 63 ஆண்டுகளும், அரசியலமைப்புச் சட்டம் அமையப்பெற்று 60 ஆண்டுகளும் முடிந்துவிட்ட நிலையில், இந்தியாவில் மட்டும் சாதியின் பெயரால், தீண்டாமை மங்காமல் சுடர்விட்டு எரிவதை என்னவென்று சொல்வது? இன்றும் ஒவ்வொரு கிராமங்களுக்கு வெளியிலும் சேரிகள். அந்தச் சேரி மக்கள் பயன்பாட்டுக்காக தனி சுடுகாடு. திடீர்திடீரென்று  முளைக்கும் தீண்டாமைச் சுவர்கள். ÷இந்நிலையில், தலித் மக்களின் முன்னேற்றத்துக்காக என்று தொடங்கப்பட்டு, அரசின் ஆளுமையில் இருக்கும் ஆதிதிராவிட நலப் பள்ளிகளும், விடுதிகளும், தலித் குழந்தைகளின், இளைஞர்களின் முன்னேற்றத்துக்குப் படிக்கற்களாக இருப்பதற்கு பதில் மிகப்பெரிய தடைக்கற்களாக நடைமுறையில் இருப்பதையும் பார்க்க முடிகிறது. ஆக, கல்வியில் முன்னேற்றம் அடைந்து, சமூகப் பொருளாதார விடுதலை கிடைப்பதற்குப் பதில், இந்தத் தலித்துகளுக்காக தனியாக உள்ள கல்வி நிறுவனங்கள் இக்காலகட்டத்திலும் தரமற்ற முறையில் தொடர்வது என்பது, அரசுகளே நடைமுறைப்படுத்தும் எழுதப்படாத "ஜிம் க்ரோ' சட்டங்கள் என்று கூறுவதுதானே சரியாக இருக்கும். ÷கிராமங்களில் உள்ள தீண்டாமையையும், வாழ்வாதார இழப்பையும் தாக்குப்பிடிக்க முடியாமல் நகரத்துக்கு வந்து, பொது சமுதாய நீரோட்டத்துடன் கலந்து வாழ்ந்து முன்னேறத் துடிக்கும் தலித்துகளுக்கு இப்பொழுது, அரசுகளின் வளர்ச்சித் திட்டங்கள் பேரவலமாக அமைந்து விட்டது. ÷நகர்ப்புறச் சேரிகளில் உள்ளவர்களுள் 92 சதவீதத்துக்கும் அதிகமானோர் தலித்துகள் என்பதை குடிசை மாற்று வாரியம் எடுத்த கணக்கெடுப்பே உறுதி செய்கிறது. இதில் கணிசமான குடும்பங்கள், ஓரிரு தலைமுறைகளுக்கும் மேலாக, சென்னையில் வசித்து வருபவர்கள். ÷கிராமங்களில் வேறூன்றியுள்ள சாதிப்பிளவு போதாதென்று, நகர்ப்புற விளிம்பு மக்களை, பொருளாதார அடிப்படையில் அரசுகளும், பெரிய நிறுவனங்களும் கூட்டுச்சதி செய்து பொது சமூகத்திலிருந்து தனிமைப்படுத்தி, ஒரு நவீன தீண்டாமையை ஆழமாக ஊன்ற முனைப்புடன் செயல்படுவதை என்னவென்று புரிந்து கொள்வது.÷ ÷தில்லியில் உள்ள வளரும் சமுதாயங்கள் பற்றிய ஆராய்ச்சி மையத்தின் சமூக அறிவியலாளர் அஷிஷ் நந்தி சமீபத்தில் அருமையான கட்டுரை ஒன்றை எழுதியுள்ளார். இன்றைய, சேரிகள் இல்லா இந்திய நகரங்களை உருவாக்கும் திட்டம் என்பது வெறுமனே சேரிகளை பொதுக்கண்களுக்குத் தெரியாமல் மறைத்து வைக்கும் திட்டம் தான். இது ஒன்றும் புதிய திட்டமல்ல, அன்றைக்கு சஞ்சய் காந்தி தில்லியில் முயற்சி செய்தார், பின்னர் ஜக்மோகன் முயற்சி செய்தார், அவர்களைக் குறைகூற முடியாத வகையில் இன்றைக்கு எல்லா அரசுகளும் கடைபிடிக்கின்றனர் என்கிறார் அவர். ÷சேரிகளை, கண்களுக்குத் தெரியாமல் செய்வதற்கான உந்துதல், மனசாட்சி இல்லாதவர்களிடமும், பெரும் செல்வாக்குப் பெற்றவர்களிடமும், முட்டாள்தனமானவர்களிடமும் மட்டும் இல்லை; யோசிக்கத் தெரியாத ஒவ்வொரு இந்தியனிடமும் இருக்கிறது என்கிறார் அஷிஷ் நந்தி. ÷சேரி மக்களிடமிருந்து தங்களுக்குத் தேவையான பணிகளை மட்டும் உறிஞ்சிக் கொண்டு, அவர்களைத் தங்கள் கண்களுக்குப் புலப்படாமல் இருக்கச் செய்யும் இக்குணம், இப்பொழுது ஒரு நோயாக - ஒரு பெரும் கொள்ளை நோயாக உருவெடுத்து வருகிறது என்று வருத்தத்துடன் அக் கட்டுரையை நிறைவு செய்திருக்கிறார் அவர். ÷தமிழகத்தைப் பொறுத்தவரை, இந்த விஷயத்தில் தமிழக அரசின் செயல்பாடுகளும், திட்டங்களும், நகர்ப்புற ஏழை மக்களிடம் வெளிக்காட்டும் கரிசனமும் சிறுவர்கதைகளில் வரும் குள்ளநரிகளின் தந்திரத்தை ஞாபகப்படுத்துகிறது. ÷சென்னைக்கு வெளியே கண்ணகி நகர், செம்மஞ்சேரி பகுதிகளில் மறுகுடியமர்வு என்ற பெயரில் நடக்கும் மானுட அவலத்தைப் பற்றி ஏற்கெனவே "தினமணி' கட்டுரை மூலம் பதிவு செய்தாகி விட்டது. இப்பொழுது, செம்மஞ்சேரியைத் தாண்டி, தமிழக அரசு கட்ட முற்பட்டு வரும் பெரும்பாக்கம் மெகா மறுகுடியமர்வுத் திட்டம், எதிர்காலத்தில் அங்கு அனுப்பப்பட்டு, நிச்சயமாக வாழ்க்கை சூன்யமாகி விடக்கூடிய குழந்தைகளையும், பெண்களையும் நினைத்து கவலை கொள்ளச் செய்கிறது. ÷சில நாள்களுக்கு முன், சென்னையின் சேரிப்பகுதிகளுக்குச் சென்று அங்குள்ள குடும்பங்களுக்கு, குடிசை அகற்று வாரிய அமைச்சர் சுப. தங்கவேலன் செய்த அறிவுரையையும், அந்த அறிவுரைக்குள் நயவஞ்சகமாகப் பொதிந்திருக்கும் நவீன தீண்டாமையையும், சிந்திக்கும் திறனுடன் மனசாட்சியும் கொண்டவர்களால் சிறிதும் ஜீரணிக்க முடியாது. ÷பெரும்பாக்கத்தில் மட்டும் 23,320 குடியிருப்புகளைக் கட்டி, கிட்டத்தட்ட ஒரு லட்சத்து முப்பதாயிரத்திற்கும் மேற்பட்ட குடிசைவாசிகளை சென்னையிலிருந்து காலி செய்யவைத்து, அவர்கள் எல்லோரையும் வெறும் 125 ஏக்கர் பரப்பளவுக்குள் ஒரு முகாம் ஏற்படுத்தி முடக்கிவிட முன்வந்துள்ளது தமிழக அரசு. சென்னையைச் சுற்றி பெரிய நிறுவனங்கள் ஏக்கர் ஒன்றுக்குப் பல கோடிகள் கொடுக்கத் தயாராக உள்ள நிலையில், 23,320 ஏழைக் குடும்பங்களுக்கு 125 ஏக்கர் என்பதே மிகப்பெரிய அதிர்ஷ்டம் என்பது அரசின் நினைப்பு. ÷இந்த பிரம்மாண்டமான குடியிருப்புக்குள், நவீன வணிக வளாகங்கள், ஏழு அடுக்கு குடியிருப்புகள், குடியிருப்புகள் ஒவ்வொன்றிலும் லிஃப்ட் வசதி, பள்ளிகள், ஏன் ஒரு கல்லூரி கூடத் திறக்கப்படும் என்றும் குடிசை அகற்று வாரிய அமைச்சர் தூண்டில் போடுகிறார். ÷ஏற்கெனவே கட்டப்பட்டுள்ள மற்ற வளாகங்களின் ஒவ்வொரு அம்சத்திலும் அவலட்சணம். இன்று வரை அவற்றைச் சீர் செய்ய முடியவில்லை; முடியவும் முடியாது. இப்பொழுது பெரும்பாக்கத்தில் கட்டப்படும் ஏழு மாடி குடியிருப்புகள் எப்படி இருக்கும், அங்கு அரசு நிறுவும் லிஃப்ட் வசதி எப்படி இருக்கும் என்பதை எளிமையாக யூகிக்க முடியும். மக்களின் பங்களிப்பு, கலந்தாலோசனை இல்லாமல் கட்டப்படும் வளாகங்களில், குடிசை மாற்று வாரியத்தால் மட்டும் லிஃப்டுகளையும் மற்ற வசதிகளையும் எப்படிப் பராமரிக்க முடியும்? ÷பொருத்தப்பட்ட சில நாள்களுக்குள்ளோ, வாரங்களுக்குள்ளோ இந்த லிஃப்டுகள் பழுதடைவதோடு, அதன் உதிரி பாகங்களும் சமூக விரோதிகளால் சுரண்டப்பட்டு விடும். அது போன்றே, இவ்வளாகங்களில் மின்தடையே வராது என்றும், தரமான ஜெனரேட்டர்கள் பொருத்தப்பட்டு வேலை செய்யும் என்றும் அரசு உத்தரவாதம் தந்தால், வடிகட்டிய ஏமாளிகள் மட்டுமே நம்பமுடியும். ÷விளிம்பு நிலை மக்களுக்கான வளாகங்களில் குடிநீரும், தரமான கழிப்பிடச்சேவையும் ஏழு மாடிகள் வரை ஏறி வராது என்பது திண்ணம். நடுத்தர மக்கள் வசிக்கும் அடுக்குமாடிகளிலேயே மின்சாரம் தடைப்பட்டாலோ, லிஃப்டுகள் பழுதடைந்தாலோ, அந்த மக்கள் திணறிப்போய் விடுவார்கள். ÷பொதுக்கழிப்பிடத்துக்குச் செல்வது, பிளாஸ்டிக் குடங்களில் குடிநீர் பிடிப்பது, குழந்தைகளைப் பள்ளிக்கு அனுப்புவது, வேலைக்குச் சென்று வருவது என்று ஒவ்வொரு விஷயத்துக்கும் ஏழு மாடி ஏறி இறங்க இப் பெண்களால் முடியுமா? கருவுற்ற பெண்கள் 7 மாடிகள் ஏறி இறங்கி, படிகளிலேயே குழந்தை பிறப்போ, கருச்சிதைவோ ஏற்பட்டால்கூட ஆச்சரியப்பட ஒன்றுமில்லை. இப்படி, தண்ணீருக்கும், ஒவ்வொரு அத்தியாவசியத் தேவைகளுக்கும் ஏறி இறங்கி, ரத்த சோகை கொண்ட விளிம்புநிலைப் பெண்களின் மூட்டுகள் தேய்ந்து, நரம்புகள் புடைத்துப் போய்விடும். முழு மூட்டு மாற்றுச்சிகிச்சை போன்ற அதிக செலவாகும் நவீன அறுவைச் சிகிச்சைகளுக்கு, கலைஞர் காப்பீட்டுத்திட்டத்தில் இடமில்லையே. ÷இந்த ஒரு லட்சத்து முப்பதாயிரம் மக்களில் எத்தனை பேர் முதியவர்களாகவும், உடல் ஊனமுற்றவர்களாகவும் இருக்கப் போகிறார்களோ? அவர்கள் ஆறேழு மாடி ஏறி இறங்க முடியாமல், அரசு ஒதுக்கும் சிறு கான்கிரீட் அறைகளுக்குள்ளேயே வாழ்க்கையை முடக்கிக்கொள்ள வேண்டியது தான். ஆக, விளிம்பு நிலை மக்களுக்கு ஏழுமாடிக் குடியிருப்புகள் என்று யோசித்துள்ள அரசுத் துறைகளில் உள்ளவர்கள் இதயம் இல்லாதவர்கள் என்பது மட்டுமல்லாது, சிந்திக்கவும் மறுக்கும் அபூர்வப்பிறவிகளாகவே இருக்க முடியும். ÷பெரும்பாக்கம் வளாகத்தில் கொண்டு விடப்படும் ஏழை மக்களுக்காக அங்கு கல்லூரியும் அமைக்கப்படும் எனும் அமைச்சரின் அறிவிப்பின் மூலம், மறைமுகமாக ஒரு செய்தி வெளிப்படுகிறது.  பெரும்பாக்கம் முகாம்களுக்கு செல்லவிருக்கும் நாற்பதாயிரம் விளிம்புநிலை  குழந்தைகளே, நீங்கள் முகாமுக்குள்ளேயே உள்ள பால்வாடிகளில் உருண்டு புரண்டு, முகாமுக்குள்ளேயே உள்ள பள்ளிகளில் முடிந்தால் படித்து, முகாமுக்குள்ளேயே அமைய இருக்கும் கல்லூரியில் நுழைந்து கொள்ளுங்கள், கல்விக்காகக்கூட பொதுவெளிக்கு நீங்கள் வரத்தேவையில்லை என்பதாகும் இச்செய்தி. ÷பெரும்பாக்கம் மறுகுடியமர்வுத் திட்டத்துக்கு எதிராக நீதிமன்றத்தில் வழக்குத் தொடுத்தால், எல்லா வசதிகளையும் உள்ளடக்கிய நவீன வளாகம்தான் கட்டித் தருகிறோம் என்று அரசுத் தரப்பில் வாதம் வைக்கப்படும். அந்த வாதத்தை ஏற்று, அரசு கூறுவது சரிதான் என்று நீதிமன்றம் தீர்ப்பளிக்கவும் வாய்ப்பு அதிகம். அது, தீண்டாமை இருந்த அமெரிக்காவின் நீதிமன்றம் அங்கீகாரம் அளித்த "ஜிம் க்ரோ' சட்டத்தை நினைவுபடுத்தும். ஆனால், நீதியைத்தாண்டி, நியாயம் என்று ஒன்று உண்டு என்பார் அரசியல் பொருளாதார மேதை அமர்த்தியா சென்.  அரசின் பெரும்பாக்கம் பிரம்மாண்ட மறு குடியமர்வுத் திட்டம் என்பது நியாயமற்றது - விழுமியமற்றது, குறிப்பாக யோசனையற்றது. நாளை பிறக்க இருக்கும் ஏழைக் குழந்தைகளுக்கு இன்றைய அரசும், பெரிய நிறுவனங்களும் இணைந்து செய்யும் கூட்டுத்  துரோகம். இந்த துரோகத்தை முறியடிப்பதுடன், நிலையான மற்றும்  நியாயமான மாற்றுத்திட்டங்களைப் பற்றி அரசை யோசிக்க வைப்பது, கட்சிகளின், மக்கள் இயக்கங்களின், மனசாட்சி உள்ளவர்களின் உடனடிக் கடமை என்பதில் மாற்றுக்கருத்து இருக்க முடியாது.

Email

Print

Delicious

Digg

Facebook

Twitter

கருத்துக்கள்

அரசுத் திட்டத்தின் மாற்று முகத்தை அ.நாராயணன் நன்கு வெளிப்படுத்தி உள்ளார்.கறுப்பர்களுக்குப் பொது இடங்களில் தனியிடங்களில் தனி யிடங்களை ஒதுக்கித் தீண்டாமையைச் சட்ட முறைப்படி ஏற்ற யி்ம்கிரோ (Jim Crow) சட்டங்களுக்கு இணையாகக் குறிப்பிட்டாற்போல் மாறாதிருக்க அரசு முனைப்பான நடவடிக்கை எடுக்க வேண்டும். வேண்டுதலுடன் இலக்குவனார் திருவள்ளுவன்

By Ilakkuvanar Thiruvalluvan
9/20/2010 3:36:00 AM

உங்கள் கருத்தைப் பதிவு செய்யுங்கள் *