Central Institute for Classical Tamil லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
Central Institute for Classical Tamil லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

திங்கள், 25 ஜூலை, 2011

இடச் சிக்கல் - மத்திய அரசிடம் செம்மொழித் தமிழாய்வு நிறுவனம் முறையீடு- மாநில அரசின் முடிவுக்குக் காத்திருப்பு


மத்திய அரசு தன்னுடைய அலுவலகம் என்ற கடமை உணர்ச்சியுடன் சிக்கலை விரைவில் தீர்க்க வேண்டும். தமிழக அரசு தமிழ்மொழி தொடர்பான அமைப்பிற்கு உதவ  வேண்டியது கடப்பாடு என்ற நிலையில் உதவ வேண்டும்.  
அன்புடன் இலக்குவனார் திருவள்ளுவன் / தமிழே விழி! தமிழா விழி! / எழுத்தைக் காப்போம்!  மொழியைக் காப்போம்! இனத்தைக் காப்போம்! 

இடப் பிரச்னை: மத்திய அரசிடம் செம்மொழி தமிழாய்வு நிறுவனம் முறையீடு- மாநில அரசின் முடிவுக்கு காத்திருப்பு

First Published : 25 Jul 2011 02:31:01 AM IST


சென்னை, ஜூலை 24: இடப் பிரச்னையில் எந்தவொரு முடிவும் ஏற்படாத காரணத்தால், மத்திய அரசின் மனித வள மேம்பாட்டுத் துறையிடம் செம்மொழி தமிழாய்வு நிறுவனம் முறையீடு செய்துள்ளது. அதேசமயம், தமிழக அரசு மாற்று இடம் வழங்கும் என்றும் தமிழாய்வு நிறுவனம் நம்பிக்கையுடன் காத்திருக்கிறது.  தமிழுக்கு செம்மொழி அந்தஸ்து கிடைத்ததைத் தொடர்ந்து, அதற்கென தனியாக ஆய்வு நிறுவனத்தை அமைக்க முடிவு செய்யப்பட்டது. அதன் விளைவாக, சென்னையில் செம்மொழிவுத் தமிழாய்வு மத்திய நிறுவன அலுவலகம் கடந்த 2008-ம் ஆண்டு மே 19-ம் தேதி அமைக்கப்பட்டது. இந்த ஆய்வு நிறுவனத்தின் சார்பில் பல்வேறு பணிகள் மேற்கொள்ளப்பட்டு வருகின்றன.  முனைவர் பட்டத்துக்கு மாதத்துக்கு ரூ.12 ஆயிரம் வீதம் இரண்டு ஆண்டுகளுக்கு உதவித் தொகை வழங்கப்படுகிறது. மேலும், முனைவர் பட்ட மேற்படிப்புக்கும் தனியாக உதவித் தொகை அளிக்கப்படுகிறது. தமிழ் மொழியில் பல்வேறு ஆய்வுகளையும், பணிகளையும் மேற்கொள்ளும் தமிழறிஞர்களுக்கு பல்வேறு விருதுகளும் மத்திய அரசின் சார்பில் வழங்கப்படுகின்றன.  தொல்காப்பியர் விருது, தமிழ் மொழியில் ஆய்வு மேற்கொள்ளும் வெளிநாட்டவர் அல்லது வெளிநாடு வாழ் இந்தியருக்கு குறள்பீடம் விருது, இளைய தலைமுறையினரை ஊக்குவிக்க தனியாக விருதும் ஆண்டுதோறும் வழங்கப்பட்டு வருகிறது.  இடப் பிரச்னை: செம்மொழி தமிழாய்வு மத்திய நிறுவனத்தின் அலுவலகமும், நூலகமும், சென்னை கடற்கரை சாலையில் உள்ள பாலாறு இல்லத்தில் செயல்பட்டு வந்தது. இடப்பிரச்னை காரணமாக, அந்த நூலகத்தை சென்னை கோட்டையில் உள்ள சட்டப் பேரவை மண்டபத்துக்கு மாற்றியது அப்போதைய திமுக அரசு.  நூலகம் முழுமையான வடிவம் பெற்று பணிகள் தொடங்கிய நேரத்தில் தமிழகத்தில் ஆட்சி மாற்றம் ஏற்பட்டது. இதையடுத்து, புதிய தலைமைச் செயலகத்தில் இருந்து பழைய தலைமைச் செயலகத்துக்கு சட்டப் பேரவை இடமாற்றம் செய்யப்பட்டது. செம்மொழி தமிழாய்வு நிறுவன நூலகத்தில் பயன்படுத்தப்பட்ட நூல்கள் அனைத்தும் புதிய தலைமைச் செயலகத்தில் உள்ள மூன்று அறைகளில் வைக்கப்பட்டுள்ளன. இதனால், நூலகம் செயல்படாமல் முடங்கியுள்ளது.  செயல்பட வைக்கத் தீவிரம்: செம்மொழி தமிழாய்வு நிறுவனத்தின் நூலகமும், அலுவலகமும் சீராக செயல்பட பல்வேறு நடவடிக்கைகளை செம்மொழி தமிழாய்வு நிறுவனம் மேற்கொண்டு வருகிறது.  சென்னையில் பிரதான இடத்தில் வாடகைக் கட்டடத்தைக் கோரியது அந்த நிறுவனம். அமைந்தகரையில் பல ஆயிரம் ரூபாய் மாத வாடகையில் கட்டடம் ஒன்று பேசப்பட்டு வருகிறது. அதேசமயம், இந்த அளவுக்கு வாடகை கொடுப்பதை விட, சென்னை புறநகர்ப் பகுதியில் தமிழாய்வு நிறுவனத்துக்கென ஒதுக்கப்பட்ட நிலத்தில் தாற்காலிக கட்டடம் கட்டலாம் என்ற யோசனையும் கூறப்பட்டுள்ளது.  இதுகுறித்து, மத்திய அரசின் பொதுப்பணித் துறை அதிகாரிகளுடன் கலந்து பேச தமிழாய்வு நிறுவன அதிகாரிகள் முடிவு செய்துள்ளனர்.  மத்திய அரசிடம் முறையீடு: இடப் பிரச்னை தொடர்பாக மத்திய அரசின் கவனத்துக்கும் கொண்டு செல்லப்பட்டுள்ளது. மத்திய மனிதவள மேம்பாட்டுத் துறை அமைச்சகத்தின் கீழ் செம்மொழி தமிழாய்வு நிறுவனம் வருகிறது. இங்கு நிலவும் இடப்பிரச்னை குறித்து மனித வள மேம்பாட்டு அமைச்சகத்திடம் முறையிட்டுள்ளது செம்மொழி தமிழாய்வு நிறுவனம்.  அதேசமயம், தமிழக அரசின் முடிவுக்காகவும் தொடர்ந்து காத்திருக்கிறது. மாநில அரசின் சார்பில் ஏதாவது விசாலமான இடம் ஒதுக்கப்படும் என தமிழாய்வு நிறுவனம் எதிர்பார்த்துக் கொண்டிருக்கிறது. இதனிடையே, சென்னை புறநகர்ப் பகுதியில் ஒதுக்கப்பட்ட நிலத்தில் கட்டடம் கட்டும் பணியையும் முழுவீச்சில் முடிக்கும் பணியில் செம்மொழி தமிழாய்வு நிறுவனத்தினர் இறங்கியுள்ளனர்.

புதன், 6 ஜனவரி, 2010

அழிந்துவரும் தமிழ் வட்டார வழக்கு மொழி: தொகுத்து நூலாக்கும் முயற்சியில் செம்மொழித் தமிழாய்வு நிறுவனம்



சென்னை, ஜன. 5: தமிழகத்தில் பேசப்பட்டு வரும் "வட்டார பேச்சு மொழிகள்' அழிந்து போவதைத் தடுக்க, செம்மொழித் தமிழாய்வு மத்திய நிறுவனம் முயற்சி எடுத்து வருகிறது.
÷மாநிலத்தில் உள்ள 32 மாவட்டங்களில் வட்டார பேச்சு மொழிகளைத் தொகுத்து நூல் வடிவில் வெளியிடும் பணி இப்போது நடந்து வருகிறது. செம்மொழி வழக்காற்றாய்வு திட்டத்தின் கீழ் இப்பணி நடந்து வருகிறது.
÷மாறிவரும் சமூகச் சூழல், வேலைவாய்ப்புக்காக ஒரு வட்டாரத்தைச் சார்ந்த மக்கள் பிற வட்டாரங்களுக்குச் சென்று குடியேறும் நிலை மற்றும் பரம்பரைத் தொழில்களிலும், சமூகப் பழக்கவழக்கங்களிலும் மாறுதல் நிகழ்ந்து வருவது உள்பட பல காரணங்களால் அந்தந்த வட்டாரத்தில் பேசப்படும் பேச்சு மொழிகள் காலப்போக்கில் அழிந்துவரும் சூழல் நிலவுகிறது.
÷இப்படி அழிந்துவரும் வட்டார பேச்சு மொழிகளை, தொகுக்கும் முயற்சியில் சென்னையில் உள்ள செம்மொழித் தமிழாய்வு மத்திய நிறுவனம் ஈடுபட்டுள்ளது.
÷இதற்காக "செம்மொழி வழக்காற்றாய்வு திட்டத்தின்' கீழ் வட்டார பேச்சு மொழிகளை தொகுத்து ஆவணமாக்கும் முயற்சி நடந்து வருகிறது.
÷நாட்டுப்புறப் பாடல்கள், விடுகதைகள், கல்வெட்டுகள்...: சென்னை பல்கலைக்கழகத்தால் வெளியிடப்பட்ட பேரகராதியில் இல்லாத சொற்களை, இப்போது சேர்க்கும் பணி நடந்து வருகிறது. இதில் பேச்சு வழக்கு மட்டுமல்லாமல் நாட்டுப்புறப் பாடல்கள், நாட்டுப்புறக் கதைகள், பழமொழிகள், விடுகதைகள், கல்வெட்டுகள், சாசனங்கள் என வழக்காற்றில் உள்ள சொற்களும் அடங்கும்.
இதற்கான கள ஆய்வுப் பணி மாநிலத்தின் 32 மாவட்டங்களில் நடந்து வருகிறது.
இதுபற்றி செம்மொழித் தமிழாய்வு மத்திய நிறுவனத்தின் பொறுப்பு அலுவலர் க.இராமசாமி கூறியது:
÷""அந்தந்த மாவட்டத்தில் பேசப்படும் வட்டார மொழிகளை தொகுத்து வருகிறோம். இதைத் தொகுத்து நூலாக வெளியிட உள்ளோம். இப்பணிக்கான கால அளவை நிர்ணயித்து கொள்ளவில்லை. இப்பணி தொடர்ந்து பல ஆண்டுகள் நடைபெறும்'' என்றார்.
÷தொழில் வழக்கு...: தொழில் மாற்றங்கள் நிகழ்வதால் தொழில்முறை நுணுக்கங்களைப் பற்றிய சொற்கள், கருவிகளின் பெயர்கள் மற்றும் கையாளப்படும் முறைகள் குறித்த சொற்களும் மறைந்து வருகின்றன. அந்த வகையில் நெசவுத் தொழில், நகைப் பட்டறைத் தொழில், சாயப்பட்டறைத் தொழில், சிற்பத் தொழில் என 28 தொழில்கள் பட்டியலிடப்பட்டு, ஈடுபட்டுள்ளவர்களின் தொழில் சம்பந்தமான பேச்சு மொழியும் தொகுக்கப்பட்டு வருகிறது.
÷ஆயிரம் வகை சொற்கள்...: தமிழில் உள்ள நெல் வகைகளும் அவற்றின் பெயர்களும் (820 நெல் வகைகள்), நிறம், சுழி, கால், கொம்பு, குளம்பு அடிப்படையில் பருவநிலைகள் மற்றும் மாட்டுத் தரகர்கள் பயன்படுத்தும் எண்ணல் அளவைகள் அடிப்படையில் ஆடு, மாடுகள் குறித்த 1,500 சொற்கள் உள்ளன. மீன்களின் பெயர்கள் மற்றும் வகைகள், ஆமை, நண்டுகளின் வகைகள், கடல்நீர் நிலைகள், நீரோட்டம், காற்று, திசை, வலை, வலையின் பாகங்கள், படகு, படகின் பாகங்கள் என 30 தலைப்புகளில் கடல்சார் தொழில் புரியும் மீனவர்களின் 3,500 சொற்கள் உள்ளன. தமிழில் உள்ள அளவைகள் பற்றிய 3,400 சொற்கள் (நீட்டலளவை, நிறுத்தலளவை, எண்ணலளவை, தொலையளவு, கால அளவு, நாணய அளவு, முகத்தலளவை, தொழில்சார் அளவை, அளவைக் கருவிகள்) இதில் அடங்கும். இம்மாதிரி ஆயிரம் வகையான பேச்சு வழக்குச் சொற்களை தொகுக்கும் பணி முடியும் தறுவாயில் உள்ளது.
÷"செம்மொழி வழக்காற்றாய்வு திட்டத்தின் கீழ் தொகுக்கப்படும் சொற்கள் மூலம் தமிழ் மொழியின் சொல் வரலாறு, தமிழும் பிற திராவிட மொழிகளின் ஒப்பாய்வு, தமிழர்களின் சமூகப் பண்பாட்டுக்கூறுகள், தமிழர்களின் தொழில்சார் அறிவும், தொழில் நுணுக்க அறிவும், கருவிகளும் அவற்றின் பயன்பாடுகளும், தமிழர்களின் நாகரிக வளர்ச்சிக்கும் முதிர்ச்சிக்கும் ஆதாரமான வகைகள், வட்டார வழக்கு அகராதி, தொழில்சார் கலைச்சொல்லகராதி மற்றும் தமிழ் மொழியின் அகராதி ஆகியவை தயாரிக்கவும், அதுபற்றி ஆய்வு செய்யவும் உதவும். மேலும் இத் தலைப்புகளில் ஓராண்டுக்குள் நூல்கள் கொண்டு வரும் முயற்சியும் நடந்து வருகிறது' என்றார் இராமசாமி.

கருத்துக்கள்

நல்ல முயற்சி.பாராட்டுகள். அவ்வாறு தொகுக்கும் பொழுது கொச்சை வடிவினை நீக்கி விட்டுத் திருந்திய செம்மையான நடையிலேயே வெளியிட வேண்டுகிறேன். அன்புடன் இலக்குவனார் திருவள்ளுவன்

By Ilakkuvanar Thiruvalluvan
1/6/2010 3:21:00 AM
உங்கள் கருத்தைப் பதிவு செய்யுங்கள் *

ஞாயிறு, 3 ஜனவரி, 2010

செம்மொழிக்கான நிதியை பயன்படுத்த நம்மிடம் திட்டம் இல்லை:
பேராசிரியர் க.ராமசாமி



சிவகாசி, ஜன. 2: தமிழை செம்மொழியாக மத்திய அரசு அறிவித்தது அதற்கான நிதி ஒதுக்கியும் அந்த நிதியைப் பயன்படுத்த நம்மிடம் திட்டம் இல்லை என சென்னை செம்மொழித் தமிழாய்வு மத்திய நிறுவனத்தின் பொறுப்பு அலுவலர் பேராசிரியர் க.ராமசாமி கூறினார். செம்மொழித் தமிழாய்வு மத்திய நிறுவனம், சிவகாசி காளீஸ்வரி கல்லூரி தமிழ்த் துறை ஆகியவை இணைந்து, பண்டைய இலக்கியப் பாத்திரங்கள் என்பது குறித்து பயிலரங்கம் நடத்துகின்றன. சனிக்கிழமை நடைபெற்ற தொடக்க விழாவில், தொடக்கவுரை மற்றும் நோக்கவுரையும் ஆற்றி ராமசாமி பேசியதாவது: தமிழ் இலக்கியம் குறித்து மாணவர்கள் அறிந்து கொள்ள வேண்டும் என்ற நோக்கிலும், தமிழ் படிப்பு குறித்து விழிப்புணர்வு ஏற்படுத்தவும், தென்மாநிலங்களில் இது போல பல பயிரலங்கங்களை நடத்திவருகிறோம். தமிழை செம்மொழியாக அறிவிக்க நூறு ஆண்டு காலம் போராட வேண்டியிருந்தது.சூரியநாராயண சாஸ்திரி பல போராட்டங்களை நடத்தினார். பல்வேறு அமைப்புகள் போராட்டங்களை நடத்தின. முதல்வர் கருணாநிதியும் 13 ஆண்டுகள் போராடிய பின்னர், தமிழை செம்மொழியாக மத்திய அரசு அறிவித்தது. தமிழ் வரலாற்றில் இது ஒரு மைல்கல் ஆகும். இது மத்திய அரசு நமக்குக் கொடுத்த அட்சயபாத்திரம். நாம் போராடிப் பெற்ற செம்மொழி உரிமையை பயன்படுத்த ஆள் இல்லாத நிலை உள்ளது. தமிழர்களுக்கு தமிழ் உணர்வு வேண்டும். தாய்மொழியின் அருமையை புரிந்து கொள்ள வேண்டும். தமிழ் இலக்கியங்களை எந்த மொழியிலும் மொழி பெயர்க்கலாம். அதற்கு நிதி உள்ளது. ஆனால் மொழி பெயர்க்க ஆள் இல்லை. தமிழ் செம்மொழியாக அறிவிக்கப்பட்ட பின்னர் உலகம் நம்மை திரும்பிப் பார்க்கிறது. ஆனால் நம்மிடம் சரியான திட்டம் இல்லாமல் திண்டாடி வருகிறோம். தமிழ் படித்தால் வேலை கிடைக்குமா என மாணவர்கள் நினைக்கிறார்கள். இது தவறு. பல வேலைக்கு தகுதியான நபர்கள் தேவைப்படுகிறார்கள். தமிழ் ஆய்வுக்கு பெரும்பாலும் பெண்களே வருகிறார்கள். தமிழக முதல்வர் தமது சொந்தப் பணத்தில் ரூ. 1 கோடியில் அறக்கட்டளை அமைத்துள்ளார். அதன் மூலம் சிறந்த தமிழ் அறிஞர்களுக்கு பரிசு மற்றும் விருது வழங்க உள்ளார். கி.பி. 6 ஆம் நூற்றாண்டு வரை தமிழ் செவிவழி காலம் என தெரியவந்துள்ளது. அதற்கு முந்தைய நிலை குறித்த ஆய்வு வேண்டும். மாணவர்களிடையே விழிப்புணர்வு ஏற்படுத்த மடல்கள் வெளியிடுகிறோம். அதை மாணவர்கள் படிக்க வேண்டும். தமிழ் குறித்த விழிப்புணர்வு அனைவருக்கும் வரவேண்டும் என்றார்.
கருத்துக்கள்

19 அயல்நாட்டுப் பல்கலைக்கழகங்களில் இருந்த தமிழ் இரு்க்கைளில் 18 மூடப்பட்டு எஞ்சிய ஒன்றும் மூடப்பட நடவடிக்கை எடுக்கப்பட்டு விட்டது. எனவே, இவ்வலவரங்களைத் துடைப்பதற்குரிய நிதியுதவியையும் அதிகாரத்தையும் செம்மொழித் தமிழ் மத்திய நிறுவனத்துக்கு உடனே வழங்க வேண்டும். அன்புடன் இலக்குவனார் திருவள்ளுவன்

By Ilakkuvanar Thiruvalluvan
1/3/2010 2:49:00 AM

ஆய்வுகளுக்கும் கருத்தரங்கங்களுக்கும் போதிய திட்டங்கள் இல்லாமல் இருக்கலாம். ஆனால் தமிழ் மொழியைப் பரப்ப எண்ணற்ற திட்டங்கள் உள்ளன. பிற மாநிலங்களிலும் பிற நாடுகளிலும் தமிழ்த்துறைகளை உருவாக்க வேண்டும். இதனை இந்திய மொழிகள் துறை என்ற பெயரில் இல்லாமல் தமிழ்ச் செம்மொழித் துறை என்றே உருவாக்க வேண்டும். செம்மொழி என்று அறிவிக்காமலேயே சமற்கிருதம், அரபி முதலான மொழிகளைக் கற்பிக்கவும் கற்கவும் மத்திய அரசு நிதி உதவிஅளிப்பது போல் தமிழ் மொழியைக் கற்பிக்கவும் கற்கவும் நிதி உதவி அளிக்க வேண்டும். இந்தி மொழி இலக்கிய இதழ்களுக்கு அரசு விளம்பரங்கள் தந்து ஊக்கப்படுத்துவது போல் தமிழ் இலக்கிய இதழ்களுக்கு விளமபரங்கள் தந்து ஊக்கப்படுத்த வேண்டும். சமற்கிருத, இந்தி வளர்ச்சிக்கு மேற்கொள்ளப்படும் திட்டங்களை அப்படியே பின்பற்றினால் போதும். செயலாற்றலும் ஆர்வமும் மிக்கப் பொறுப்பு அலுவலர் பேராசிரியர் முனைவர் இராமசாமி அவர்கள் நிறை வேற்றி விடுவார். ஆனால், மத்திய அரசு அதற் கெல்லாம் நிதி ஒதுக்க வில்லை. 19 அயல்நாட்டுப் பல்கலைக்கழகங்களில் இருந்த தமிழ் இரு்க்கைளில் 18 மூடப்பட்டு எஞ்சிய ஒன்றும் மூடப்பட நடவடிக்கை எடுக்கப்பட்டு

By Ilakkuvanar Thiruvalluvan
1/3/2010 2:48:00 AM
உங்கள் கருத்தைப் பதிவு செய்யுங்கள் *