sahithya acadamy லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
sahithya acadamy லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

செவ்வாய், 3 ஜனவரி, 2012

Sahithya academy awardee venkatesan said. . . .நல்லதங்காளின் பேருரு தான் முல்லைப் பெரியாறு!'

சொல்கிறார்கள்

"காவல் கோட்டம்' நாவலுக்காக, சாகித்ய அகடமி விருது பெற்ற எழுத்தாளர் வெங்கடேசன்: என் சொந்த ஊர் மதுரை அருகேயுள்ள ஹார்விப்பட்டி. கல்லூரி படிப்பை முடிச்சதும், மா.கம்யூ., கட்சியில முழு நேர ஊழியனாயிட்டேன். உலகின் பழமையான நகரங்களில் ஒன்று மதுரை; 2,500 ஆண்டுகள் பழமையான நகரம். இன்னமும் உயிர்ப்போடு இயங்குகிறது. நகரின் ஒவ்வொரு தெருவிலும், 2,500 ஆண்டுகள் பழமை அப்பி கிடக்கின்றன. வரலாற்றின் வசீகரங்கள் நிறைந்த நிலப்பரப்பு என்று மதுரையைச் சொல்லலாம். 600 ஆண்டு கால மதுரையின் வாழ்க்கையை எழுத எழுத, பல ரகசியங்களைத் தன்னுள் ஒளித்திருக்கும் மாயக் கம்பளம் போல, வரலாறு என் முன் விரிந்தது. அதை படைப்பாக மாற்றியபோது உருவானது தான், "காவல் கோட்டம்' நாவல். என் வாழ்நாளிலேயே அதிகபட்சம், காவல் கோட்டம் போல மூன்று நாவல்கள் தான் எழுத முடியும். காவல் கோட்டத்தை எழுதி முடிக்க, எனக்கு பத்து ஆண்டுகள் பிடித்தன. அப்படிப் பார்த்தால், சுந்தரராமசாமி தன் வாழ்நாளிலேயே மூன்றே மூன்று நாவல்கள் தான் எழுதி இருந்தார். நாவலுக்கு உள்ளிருந்து தான் விமர்சனம் வைக்கப்பட வேண்டுமே தவிர, ஒருவர் எத்தனை நாவல் எழுதி இருக்கிறார் என்பதை விமர்சிக்கக் கூடாது. ரசனை மிகுந்த வாசகர்களின் தீர்ப்பு தான் இறுதியானது. இந்த நாவலில் முல்லைப் பெரியாறு பற்றியும் குறிப்பிட்டுள்ளேன். வரலாற்று உணர்வுடன் அணுகும்போது, முல்லைப் பெரியாறு அணை உருவான காரணத்தையும், அதற்குப் பின்னணியில் இருந்த துயரங்களையும் புரிந்து கொள்ள முடியும். தன் மக்களை மீண்டும் சாகக் கொடுக்காமல், ஓடும் நதியை மறித்து மதுரைக்குத் திருப்பிவிடும் நல்லதங்காளின் பேருரு தான் முல்லைப் பெரியாறு அணை. வீட்டையும், குடும்பத்தையும் சுற்றிச் சுற்றி வந்த தமிழ் நாவல்கள், அதைத் தாண்டி வரலாற்றைப் பதிவு செய்பவையாகவும், தத்துவ விவாதங்களின் களனாகவும் மாறியுள்ளன. ஆனால், இன்னொரு பக்கம் நாம் கொண்டாடும் அளவுக்கு தமிழ் வாசிப்பு வளர்ந்திருக்கிறதா என்பதும் ஆராயப்பட வேண்டிய விஷயம்.

வியாழன், 22 டிசம்பர், 2011

Sahithya awart to su.venkatesan

சு.வெங்கடேசனுக்கு இந்த ஆண்டுக்கான 
சாகித்ய அகாதமி விருது

First Published : 21 Dec 2011 03:47:51 PM IST

Last Updated : 21 Dec 2011 09:44:04 PM IST

சென்னை, டிச.21: எழுத்தாளர் சு.வெங்கடேசன் எழுதிய காவல் கோட்டம் நூலுக்கு இந்த ஆண்டுக்கான சாகித்ய அகாதமி விருது கிடைத்துள்ளது.தமிழ் நாவல் எழுத்தாளரான சு.வெங்கடேசன் மார்க்சிஸ்ட் கம்யூனிஸ்ட் கட்சியின் முழுநேர ஊழியராவார். மதுரையில் இவர் வசித்து வருகிறார். இவர் எழுதிய ஒரே நாவல் காவல்கோட்டம் என்பது குறிப்பிடத்தக்கது.இரு வேறு உலகங்கள் சந்திக்கும் சித்திரம் உள்ள நாவல் இது. பெருந்திரளான எண்ணிக்கையும் ஆயுதபலமும் கொண்ட மேய்ச்சல் நில மக்களான தெலுங்கு நாயக்கரும், சிறிய எண்ணிக்கையில் உள்ள கள்ளர்களும் எப்படி ஒருவருடன் ஒருவர் மோதி சமரசம்செய்து கொண்டு வரலாற்றை உருவாக்குகிறார்கள் என்பதை காவல்கோட்டம் எடுத்துக்காட்டுகிறது.
கருத்துகள்

ஊடங்கங்களின் தாக்கத்தால் புத்தகம் படிப்பதே குறைந்து போன காலகட்டத்தில் துணிச்சலுடன் மிக பெரும் நாவல் எழுதி சாகித்ய அகாதமி விருதுபெரும் தோழர் சு வெங்கடேசனுக்கு வாழ்த்துக்கள்!
By ந RAMIAH
12/21/2011 5:47:00 PM
எப்படி ஒரே ஒரு நாவல் எழுதியவருக்கு சாகித்திய அகதமி விருது? என்ன அளவு கோல்?
By Tamilian
12/21/2011 5:39:00 PM
சாகித்ய அகாடமி விருது பெற்ற தோழர் வெங்கடேசன் அவர்களுக்கு, பாராட்டுக்கள்.
By கம்பம் பி.டி.முருகன்
12/21/2011 4:45:00 PM
we should proud to get this award by Mr.Su.Venkatesan
By Kotteeswaran.K
12/21/2011 3:56:00 PM
உங்கள் கருத்தைப் பதிவு செய்யுங்கள் *

சனி, 12 நவம்பர், 2011

இந்திய இலக்கியச் சிற்பிகள் : சி.இலக்குவனார் – படித்துப் பயனடைக

சி.இலக்குவனார் – படித்துப் பயனடைக

பதிவு செய்த நாள் : 12/11/2011


புத்தகம் :
சி.இலக்குவனார்:

தமிழ்க் காப்புக் கழகம் மூலமும் ‘சங்க இலக்கியம்’,  ‘குறள் நெறி’ , முதலான இதழ்களைத் தமிழிலும், ஆங்கிலத்திலும் நடத்தியும், தமிழ் மறுமலர்ச்சிக்கு ஊக்கம் தந்தவர். இவருடைய ‘தமிழ் உரிமைப் பெருநடைப்பயணம்‘ தமிழர் வரலாற்றில் பெரும் புரட்ச்சியை ஏற்ப்படுத்தியது. ஆங்கில அறிவின் திறத்தால் தமிழ் மேன்மையை உலகுக்குக் காட்டியவர். இவரது ஆய்வு நூல்கள் சிறந்த விளக்கங்களையும், கூறிய முடிவுகளையும் தமிழர்க்கு வழங்கின. நுண்மான் நுழைபுலமும் அஞ்சா நெஞ்சமும் இவரின் தனி அடையாளங்கள். “ஆசிரியர் மறைமலை அடிகளாரின் பரந்தாழ்ந்த புலமையுடன். அறிஞர் கா.சு.பிள்ளையின் நுண்மான் நுழைபுல ஆய்வுத்திறனும், நாவலர் சோம சுந்தர பாரதியாரின் நிமிர்நடையும் துணிவும் உடையவர் இலக்குவனார்” எனக் குறிப்பிட்டார் பன்மொழிப் புலவர் கா.அப்பாதுரை. இலக்குவனாரது தொல்காப்பியத்தின் ஆங்கில மொழிபெயர்ப்பு மிகச் சிறப்பானது. ‘அரும்புலமையும் அஞ்சாமையும் சார்பற்ற நோக்கும் கொண்டவர் இவர்‘ என  அறிஞர் அண்ணா குறிப்பிட்டுள்ளார். வாழ்நாள் முழுமையும் தமில்காத்துத் தமிழ் வளர்க்கும் செந்தமிழ்க் காவலராகவே திகழ்ந்தார். அன்பின் பிணைப்பினால் பண்பு கெழுமிய மிகப்பெரும் நண்பர் குழாம் இவருக்கு உண்டு.

ஆசிரியர் :
இந்நூலாசிரியர் மறைமலை இலக்குவனார் தமிழ்நாடு அரசின் கலைக்கல்லூரிகளில் 35 ஆண்டுகாலம் பணிபுரிந்தார். கலிபோர்னியா பல்கலைக்கழகத்தில் ஓராண்டுகாலம் சிறப்புவருகை பேராசிரியராகப் பனி புரிந்த இவர் பல்துறைசார் அணுகுமுறைகள் வழி இலக்கியத்தை ஆய்வதில் பெரும் நாட்டமுடையவர். திறனாய்வுத் துறையில் இவர் எழுதியுள்ள பன்னிரண்டு நூல்களும் இலக்கிய ஆய்வுப்புலத்தில் புதிய திசைகளைப் புலரவைக்க வேண்டும் என்னும் இவரது பெராவலைப் புலப்படுத்துவன எனலாம்.

புத்தகம் கிடைக்குமிடம் :
சாகித்திய அகாதெமி
#443, குணா அடுக்ககம்,
அண்ணா சாலை,
தேனாம்பேட்டை,
சென்னை-600 018.

அட்டைப் படங்கள்:



3

திங்கள், 3 அக்டோபர், 2011

thamizh sahithya academy: உடனடித் தேவை தமிழ் சாகித்ய அகாதெமி

உடனடித் தேவை தமிழ் சாகித்ய அகாதெமி

First Published : 03 Oct 2011 03:07:43 AM IST

Last Updated : 03 Oct 2011 05:20:32 AM IST

கு. சின்னப்பபாரதி அறக்கட்டளை சார்பில் நாமக்கல்லில் ஞாயிற்றுக்கிழமை நடைபெற்ற 2011-ஆம் ஆண்டிற்கான இலக்கிய விருதுகள் வழங்கும் விழாவில், பனிநிலவு என்ற நூ
நாமக்கல், அக். 2: தமிழ் எழுத்தாளர்களை ஊக்கப்படுத்தவும், கெüரவிக்கவும் தமிழக அரசு உடனடியாக தமிழ் சாகித்ய அகாதெமியை ஏற்படுத்த வேண்டும் என்று தினமணி ஆசிரியர் கே. வைத்தியநாதன் வலியுறுத்தினார்.நாமக்கல்லில் ஞாயிற்றுக்கிழமை நடைபெற்ற கு. சின்னப்பபாரதி அறக்கட்டளையின் 3-ம் ஆண்டு இலக்கிய விருது வழங்கும் நிகழ்ச்சியில், எழுத்தாளர்களுக்குப் பரிசுகளை வழங்கி அவர் பேசியதாவது: தனது பிறந்த நாளை சக எழுத்தாளர்களுக்கு விருது வழங்கிக் கொண்டாடும் அற்புதமான பண்பாட்டை தமிழகத்துக்கே முன்மாதிரியாக்கிக் காட்டியிருக்கிறார் கு.சி.பா.தமிழகத்தில் உள்ள நாவலாசிரியர்கள் பலர் நான்கு சுவர்களுக்குள் அமர்ந்து கொண்டு தொழிற்சாலைகளில் உள்ள எந்திரங்களைப் போன்று எழுதிக் குவித்து வருகின்றனர்.ஆனால் எதைச் சொல்ல வருகிறோம், நமது கதையின் களம் எது, சமுதாயத்துக்கு இதனால் என்ன நன்மை விளையப் போகிறது என்றெல்லாம் யோசித்து எழுதுவதுதான் கு.சி.பா.வின் பாணி.அவரது கதைகளில் யதார்த்தம் இருக்கும். நிஜ மனிதர்கள், நிஜ உணர்வுகள் போன்றவற்றைப் பதிவு செய்வது கு.சி.பா.வுக்கு கைவந்த கலை. தனது ஒவ்வொரு நாவலுக்கும் கதைக் கருத்தைத் தீர்மானித்ததும் அதன் கதைக் களனைத் தேடிச் சென்று, அங்கேயே தங்கியிருந்து நிஜமனிதர்களின் உணர்வுகளை, பிரச்னைகளை, நிகழ்வுகளை முழுமையாக உள்வாங்கி நாவல் எழுதுவதுதான் கு.சி.பாவின் பாணி. ஒரு நாவலை எழுத இவர் மூன்று, நான்கு ஆண்டுகள் எடுத்துக்கொள்கிறார். சமுதாயக் கண்ணோட்டம்தான் இவரது நாவல்களின் அடிப்படை.எனக்கு உள்ள ஆதங்கம் கு.சி.பா. போன்றவர்களுக்கு சமுதாயத்தின் அங்கீகாரம் கிடைக்கவில்லையே என்பதுதான். இவருக்கு என்றோ கிடைத்திருக்க வேண்டிய சாகித்ய அகாதெமி, ஞானபீட விருதுகள் ஏன் தள்ளிப் போகின்றன என்று தெரியவில்லை.கேரளத்தைப் போன்று தமிழகத்துக்கும் ஒரு சாகித்ய அகாதெமி அமைப்பை ஏற்படுத்தி, விருதுகள் வழங்க வேண்டும். இன்றைய அவசியத் தேவையும், உடனடித் தேவையும் அதுதான். ஆட்சிப் பீடத்தில் இருப்பவர்கள் தங்களுக்கு நெருக்கமானவர்களுக்கு பரிசுகள் வழங்காமல், நல்ல படைப்பாளியைத் தேடிப் பிடித்து பரிசு வழங்க வேண்டும். இல்லாவிட்டால் இலக்கியம் என்பதே இல்லாமல் போய்விடும். வருங்காலத்தில் இன்றைய காலம் இலக்கியத்தின் இருண்ட காலமாக வர்ணிக்கப்படாமல் இருக்கவேண்டுமானால், திறமையான எழுத்துக்கள் இனம் காணப்பட்டு பாராட்டப்பட வேண்டும்.கு.சி.பா. அறக்கட்டளையின் இலக்கிய விருது, ஞானபீட விருதுக்கு நிகரானதாக உயர வேண்டும். அந்த விருது நமக்குக் கிடைக்காதா என்ற ஏக்கத்தை எழுத்தாளர்கள் மத்தியில் ஏற்படுத்த வேண்டும் என்றார் தினமணி ஆசிரியர் கே. வைத்தியநாதன்.விழாவில் விருது வழங்கும் நோக்கம் குறித்து எழுத்தாளர் கு.சின்னப்பபாரதி பேசினார். விழாவுக்கு தலைமை வகித்துப் பேசிய கு.சி.பா. அறக்கட்டளைத் தலைவர் பொ.செல்வராஜ், அடுத்த ஆண்டு முதல் அறக்கட்டளை சார்பில் இலக்கிய விருதுகளுக்கான முதல் பரிசாக ரூ.1 லட்சம் வழங்கப்படும் என்றார்.

வியாழன், 24 டிசம்பர், 2009

கவி​ஞர் புவி​ய​ர​சுக்கு சாகித்ய அகா​தெமி விருது!



சென்னை, ​​ டிச.​ 23:​ இந்த ஆண்​டுக்​கான சாகித்ய அகா​தெமி விருது,​​ கவி​ஞர் புவி​ய​ர​சுக்கு ​(79) வழங்​கப்​ப​ட​வுள்​ளது.​ கையொப்​பம் கவி​தைத் தொகு​திக்​காக இந்த விருது வழங்​கப்​ப​டு​கி​றது.​ இது இவர் பெறும் இரண்​டா​வது சாகித்ய அகா​தெமி விருது ஆகும்.​வா​னம்​பாடி கவிதை இயக்​கத்தை ஆரம்​பித்​த​வர்​க​ளில் முக்​கி​ய​மா​ன​வ​ரான இவர், ​நாடக ஆசி​ரி​ய​ரா​க​வும் பெரும் பங்​க​ளிப்​பைச் செய்​த​வர்.​ மேடை நாட​கங்​கள் மட்​டு​மின்றி ஏரா​ள​மான தெரு நாட​கங்​க​ளுக்​கா​க​வும் இவர் பாராட்டு பெற்​ற​வர்.​ ஏறத்​தாழ 80 நூல்​கள் எழு​தி​யி​ருக்​கும் புவி​ய​ர​சுக்கு இதற்கு முன் நஜ்​ருல் இஸ்​லாம் எழு​திய ரிபெள் அண்டு அதர் போயம்ஸ் என்ற நூலின் மொழி பெயர்ப்​புக்​காக ​(புரட்​சிக்​கா​ரன்)​ சாகித்ய அகா​தெமி விருது வழங்​கப்​பட்​டது.​இவர் எழு​திய மனி​தன் என்ற ரேடியோ நாட​கம் 19 இந்​திய மொழி​க​ளில் மொழி பெயர்க்​கப்​பட்டு ஒரே நேரத்​தில் அனைத்து வானொலி நிலை​யங்​க​ளி​லும் ஒலி​ப​ரப்​பப்​பட்​டது.​கமல்​ஹா​ சன் தயா​ரித்து இயக்கி நடிக்​கும் "மரு​த​நா​ய​கம்' படத்​தி​லும் பார்த்​தி​பன் நடித்த "ஹவுஸ்​ஃ​புல்' படத்​தி​லும் பணி​யாற்​றி​ய​வர்.​ஷேக்ஸ் ​பி​ய​ரின் ஹேம்​லெட்,​ ஒத்​தல்லோ,​​ உமர்​க​யா​மின் ருபா​யத் போன்ற பல மொழி பெயர்ப்​பு​க​ளைத் தமி​ழுக்​குத் தந்​தி​ருக்​கும் இவர்,​​ இப்​போது தாஸ்​த​யா​வெஸ்​கி​யின் 1200 பக்க நாவ​லான கர​ம​ஸோவ் சகோ​த​ரர்​கள் என்ற ரஷிய நாவலை மொழி பெயர்த்​து​வ​ரு​கி​றார்.​ கவி​ஞர் புவி​ய​ரசு கோவை​யைச் சேர்ந்​த​வர்.​ 30 ஆண்​டு​க​ளுக்​கும் மேலாக தமி​ழா​சி​ரி​ய​ரா​கப் பணி​யாற்​றி​ய​வர்.​ ​இவ ​ரது மூன்​றாம் பிறை​ என்ற நாட​கக் காவி​யம் மாநில அள​வில் முதல் பரி​சுக்​கான தங்​கப்​ப​தக்​கம் பெற்​றது.​ சர்​வோ​தய இயக்​கத்​தி​லும்,​​ தமி​ழ​ரசு இயக்​கத்​தி​லும் பங்​கு​கொண்டு தமிழ் ஆட்சி மொழி,​​ பயிற்சி மொழி மற்​றும் தமி​ழக எல்​லைப் போராட்​டங்​க​ளி​லும் பங்​கேற்று பல முறை சிறை சென்​ற​வர்.​இவ​ரது "ஞானக்​கிளி' என்ற 13 வாரத் தொடர் சென்னை தொலைக்​காட்​சி​யில் ​ஒளி​ப​ரப்​பா​யிற்று.​நீண்ட கால நாட​கத்​துறை அனு​ப​வம் பெற்ற இவ​ரது எல்லா மேடை நாட​கங்​க​ளும் பல முதல் பரிசு பெற்​றவை.​ அதற்​காக "நாட​கக் கலா​ரத்​தி​னம்'​ என்ற விருது பெற்​றுள்​ளார்.​ இவ​ரது "மூன்​றாம்​பிறை'​ நாட​கக் காவி​யம் பல பல்​க​லைக்​க​ழ​கங்​க​ளில் பாட நூலாக வைக்​கப்​பட்​டது.​வானம்​பாடி கவிதை இயக்​கத்தை தோற்​று​வித்​த​வர்​க​ளில் இவர் முக்​கி​ய​மா​ன​வர்.
கருத்துக்கள்

வாழ்த்துகள்! பாராட்டுகள்! இங்ஙனம் தினமணி நேயர்கள் சார்பில் இலக்குவனார் திருவள்ளுவன்

By Ilakkuvanar Thiruvalluvan
12/24/2009 3:34:00 AM
உங்கள் கருத்தைப் பதிவு செய்யுங்கள் *