பலி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
பலி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வெள்ளி, 6 செப்டம்பர், 2013

மகாராட்டிரக் குருகுலப் பள்ளிகளில் 793 குழந்தைகள் பலி

http://img.dinamalar.com/data/largenew/Tamil_News_large_796736.jpg

மகாராட்டிரக் குருகுலப் பள்ளிகளில் 793 குழந்தைகள் பலி 
 மும்பை : கடந்த 10 ஆண்டுகளில் மகாராஷ்டிராவில் உள்ள குருகுல பள்ளிகளில் படித்த சுமார் 793 குழந்தைகள் உயிரிழந்திருப்பதாக மும்பை ஐகோர்ட் தெரிவித்துள்ளது. இந்த விவகாரத்தில் மகாராஷ்டிர அரசு எடுத்து வரும் நடவடிக்கைகளும் திருப்தி அளிக்கவில்லை எனவும் நீதிபதிகள் தெரிவித்துள்ளனர்.

மகாராஷ்டிராவில் உள்ள ஆசிரம பள்ளிகளின் நிலை குறித்து அறிய நாசிக்கை சேர்ந்த ரவீந்திர டல்ப் என்பவர் பொது நல மனு ஒன்றை தாக்கல் செய்திருந்தார். இந்த மனு, ஐகோர்ட் நீதிபதிகள் பி.வி.ஹர்தாஸ், பி.என்.தேஷ்முக் ஆகியோர் அடங்கிய பெஞ்ச் முன் விசாரணைக்கு வந்தது. இந்த மனு மீது விளக்கம் அளிக்கவும், இது போன்ற மர்மமான முறையில் நடைபெறும் மரணங்களை தடுப்பதற்காக செய்யப்பட்டுள்ள மருத்துவ பாதுகாப்பு ஏற்பாடுகள் உள்ளிட்டவைகள் குறித்து அறிக்கை தாக்கல் செய்ய கோர்ட் உத்தரவிட்டது.

விசாரணையின் போது கருத்து தெரிவித்த நீதிபதிகள், இது போன்ற இறப்புக்களை தடுக்க அரசு எடுத்துள்ள நடவடிக்கைகள் திருப்தி அளிக்கவில்லை; ஆசிரம பள்ளிகளில் வாழும் குழந்தைகளின் உயிருக்கு உத்தரவாதம் இல்லாத நிலை உள்ளது; ஒவ்வொரு ஆசிர பள்ளிக்கும் ஒரு மருத்துவ அதிகாரியை அரசு நியமிக்க வேண்டும்; ஆசிர பள்ளிகளில் காலியாக உள்ள 185 காலி பணியிடங்கள் செப்டம்பர் 13ம் தேதிக்குள் நிரப்பப்பட வேண்டும். இவ்வாறு நீதிபதிகள் உத்தரவிட்டுள்ளனர்.

மகாராஷ்டிராவில் சுமார் 1100 குருகுல பள்ளிகள் உள்ளது. இதில் 4.50 லட்சம் மாணவர்கள் படித்து வருகின்றவர். இவர்களில் பெரும்பாலானோர். பழங்குடியினர் இனத்தை சேர்ந்தவர்கள் ஆவர். இதுவரை உயிரிழந்த குழந்தைகளில் பெரும்பாலானவர்கள் பாம்பு கடித்தும், தேள் கடித்தும், காய்ச்சல் மற்றும் உடல்நலக் குறைவு காரணமாகவே உயிரிழந்துள்ளதாக மகாராஷ்டிர அரசு தெரிவித்துள்ளது. உயிரிழந்த குழந்தைகளில் 453 பேரின் பெற்றோர்களுக்கு உரிய இழப்பீட்டுத் தொகை வழங்கப்பட்டுள்ளது. அதேசமயம் 340 குழந்தைகளின் பெற்றோர்கள் இழப்பீட்டுத் தொகையை பெற மறுத்துள்ளனர்.

வியாழன், 22 ஆகஸ்ட், 2013

சிரியாவில் வேதியல் குண்டு வீச்சு : கிளர்ச்சியாளர்கள் 650 பேர் பலி?


http://img.dinamalar.com/data/largenew/Tamil_News_large_786092.jpg
சிரியாவில்  வேதியல்  குண்டு வீச்சு : கிளர்ச்சியாளர்கள் 650 பேர் பலி?

தமாசுகசு : சிரியா நாட்டில், கிளர்ச்சியாளர்கள் மீது, ராணுவம், ரசாயன குண்டுகளை வீசி தாக்கியதில், 650 பேர் பலியாகியுள்ளனர்.
சிரியா நாட்டில், அதிபர் பஷர் அல் ஆசாத் ஆட்சி நடக்கிறது. பல ஆண்டுகளாக ஆட்சியில் உள்ள அவரை, பதவி விலகும் படி, எதிர்கட்சியினர், இரண்டு ஆண்டுகளாக போராடி வருகின்றனர். அரசுக்கு எதிராக போராட்டத்தில் ஈடுபட்டுள்ள கிளர்ச்சியாளர்கள், ராணுவம் மூலம் ஒடுக்கப்பட்டு வருகின்றனர். அமெரிக்கா மற்றும் ஐரோப்பிய நாடுகளும், ஆசாத்தை பதவி விலகும் படி வலியுறுத்தின. ஆனால், ஆசாத் மறுத்து விட்டதால், கிளர்ச்சியாளர்களுக்கு, இந்த நாடுகள் ஆயுத சப்ளை செய்து வருகின்றன. இதனால், சிரியாவில், ஓயாத சண்டை நடக்கிறது. இரண்டு ஆண்டுகளாக தொடரும் இந்த சண்டையில், ஒரு லட்சத்துக்கும் அதிகமானவர்கள் உயிரிழந்துள்ளனர். ஏழு லட்சம் பேர், அண்டை நாடுகளில் அகதிகளாக தஞ்சம் புகுந்துள்ளனர். சிரியா நாட்டுக்கு, ரஷ்யா, சீனா, ஈரான் போன்ற நாடுகள் ஆதரவளித்து வருகின்றன.
சிரிய ராணுவத்துக்கு, ரஷ்யா, நவீன ஆயுதங்களை சப்ளை செய்து வருகிறது. இதனால், சிரியாவுக்கு எதிராக, ஐ.நா., பாதுகாப்பு சபையில் ஒரு மனதாக தீர்மானம் கொண்டு வர இயலவில்லை. கிளர்ச்சியாளர்களுக்கு எதிராக, சிரிய ராணுவம் ரசாயன ஆயுதங்களை பயன்படுத்துவதாக புகார் கூறப்பட்டு வருகிறது. இந்நிலையில், தலைநகர் டமாஸ்கசின், புறநகரான கவுட்டா என்ற இடத்தில், சிரிய ராணுவம், நேற்று, ரசாயன குண்டுகளை வீசியதில், 650 பேர் பலியானதாக, கிளர்ச்சியாளர்கள் தெரிவித்துள்ளனர். ஆனால், இந்த தகவலை சிரிய அரசு மறுத்துள்ளது. ""ரசாயன குண்டுகளை வீசி, அப்பாவிகளை கொல்லும் சிரியா அரசின் நடவடிக்கைகள் குறித்து, ஐ.நா., பாதுகாப்பு சபையை உடனடியாக கூட்டி விவாதிக்க வேண்டும்,'' என, சிரிய எதிர்கட்சி தலைவர் அகமது அல்-ஜார்பா கோரியுள்ளார்.
இந்த கோரிக்கையை ஏற்ற, பிரிட்டன் வெளியுறவுத்துறை அமைச்சர் வில்லியம் ஹக் குறிப்பிடுகையில், ""சிரிய எதிர்கட்சிகளின் கருத்தை, ஐ.நா., பாதுகாப்பு கவுன்சிலில் தெரிவிப்போம்,'' என்றார்.

வியாழன், 4 ஏப்ரல், 2013

காற்றின் மாசினால் ஒரே ஆண்டில் 12 நூறாயிரம் சீனர்கள் பலி

காற்றின் மாசினால் ஒரே ஆண்டில் 12  நூறாயிரம் சீனர்கள் பலி
 
காற்றின் மாசினால் ஒரே ஆண்டில் 12 லட்சம் சீனர்கள் பலி
பீஜிங், ஏப். 4-

சீனாவின் தலைநகரான பீஜிங் உள்ளிட்ட பெருநகரங்களில் காற்றில் பெருமளவிற்கு மாசு கலந்துள்ளது. 'பி.எம்.2.5 துகள்கள்' என அழைக்கப்படும் கண்ணுக்கு புலப்படாத நச்சு துகள்கள் காற்றில் கலந்திருப்பதால் பெருநகரங்களில் வசிக்கும் சீனர்களில் பலர், சுவாசிக்கும் முகமூடிகளை அணிந்தபடி தான் வெளியே செல்கின்றனர்.

எனினும், சுவாசத்தின் மூலம் இந்த துகள்கள் நுரையீரலுக்குள் ஆழ்ந்து ஊடுருவி தங்கிவிடுவதால் ஆஸ்துமா, புற்றுநோய் போன்ற நோயினால் சீனர்கள் அதிகம் பாதிக்கப்படுகின்றனர்.

கடந்த 2010ம் ஆண்டில் மட்டும் சுமார் 12 லட்சம் சீனர்கள் காற்று மாசு தொடர்பான நோய்களுக்கு உள்ளாகி உயிரிழந்துள்ளதாக சீனாவில் இவ்வாரம் தாக்கல் செய்யப்பட்ட வாஷிங்டன் பல்கலைக் கழகத்தின் ஆய்வறிக்கை குறிப்பிடுகிறது.

உணவு சார்ந்த தீமைகள், உயர் ரத்த அழுத்தம், புகை பிடித்தல் ஆகியவற்றிற்கு அடுத்த 4வது இடத்தில் காற்று மாசினால் ஏற்படும் நோய்கள் சீனர்களின் இறப்புக்கு காரணமாக இருப்பதாகவும் அந்த அறிக்கை கூறுகிறது.

மே.வங்கத்தில் காவலர் தாக்கியதில் மாணவன் பலி : நாடு முழுவதும் கொந்தளித்த மாணவர்கள்




மே.வங்கத்தில் காவலர்  தாக்கியதில் மாணவன் பலி : நாடு முழுவதும் கொந்தளித்த மாணவர்கள்
கல்கத்தா -  மேற்குவங்க மாநிலத்தில் மாணவர் கூட்டமைப்பு தலைவர், போலீசார் தாக்கியதில் மரணமடைந்ததாக எழுந்த புகாரால் அம்மாநிலத்தில் மாணவர்களிடையே பெரும் கொந்தளிப்பு ஏற்பட்டு்ள்ளது. இந்த சம்பவத்தினை கண்டித்து நாடு முழுவதும் மாணவர்கள் போராட்டத்தில் ஈடுபட்டு வருகின்றனர். இது தொடர்பாக மனித உரிமை கமிஷன் விசா‌ரணைக்கு உத்தரவிடப்பட்டுள்ளது.

மேற்கு வங்க மாநிலத்தில் திரிணாமுல் காங்., ஆட்சி நடக்கிறது. முதல்வராக மம்தா பானர்ஜி உள்ளார். இம்மாநிலத்தில் மாணவர் சங்க தேர்தல் நடத்தும் முடிவினை அம்மாநில அரசு தள்ளிவைத்து உத்தரவிட்டிருந்தது. இதற்கு மாணவர்கள் சங்க கூட்டமைபினரிடையே பலத்த எதிர்ப்பு கிளம்பியது. நேற்று மாணவர்கள் கூட்டமைப்பினர் (எஸ்.எப்.ஐ.) சார்பில் கோல்கட்டாவில் பேரணி நடந்தது. அப்போது மாணவர் சங்க தேர்தலை நடத்த வேண்டும் என கோரி கோஷம் எழுப்பினர். இதில் போலீசார் அவர்கள் மீது தாக்குதல் நடத்தியதாக கூறப்படுகிறது.

போலீஸ் தாக்கியதில் தான் மாணவர் பலி
: இந்த தாக்குதலில் சுதீப்தா குப்தா (23) என்ற கல்லூரி மாணவரை, போலீசார் தாக்கியதில் காயமடைந்தார். கோல்கட்டா எஸ்.எஸ்.கே.எம். மருத்துவமனையில் சிகிச்சைக்காக கொண்டு செல்லப்பட்டு அங்கு சிகிச்சை பலனின்றி இறந்தார். மாணவர் இறந்த சம்பவம் மாநிலம் முழுவதும் காட்டுத்தீயாக பரவியது. சம்பவம் தொடர்பாக கண்ணால் பார்த்த சக மாணவர் கூறிய போது, போலீசார் சுதீப்தா குப்தாவை தலையில் தாக்கினர். காயத்துடன் போலீஸ் காவலில் தான் இருந்தார். பின்னர் அவரை மருத்துவமனைக்கு அழைத்துச்செல்வதில் தாமதம் ஏற்பட்டது. இதனால் அவர் இறந்தார் என்றார்.

நீதி விசாரணை நடத்த கோரிக்கை
இது குறி்த்து முதல்வர் மம்தா பானர்ஜி கூறுகையில், மாணவர் சுதீப்தா குப்தா இறந்தது துரதிருஷ்டவசமானது. மம்தாவின் இந்த கருத்திற்கு எதிர்க்கட்சிகள் கண்டனம் தெரிவித்தன. தற்போது இந்த விவகாரம் பூதாகரமாக வெடித்துள்ளது. மாணவர் பலியான சம்பவத்திற்கு கண்டனம் தெரிவித்து டில்லியில் மாணவர்கள் தீவிர போராட்டம் நடத்தி வருகின்றனர். சென்னையிலும் சில மாணவ அமைப்புகள் போராட்டம் நடத்தினர்.

இதற்கிடையே மாணவர் இறந்தது குறித்து மனித உரிமை கமிஷன் விசாரணை நடத்த உத்தரவிட்டுள்ளது. இறந்த மாணவனின் இறுதி சடங்கிற்காக அவரது வீட்டின் முன்பு அரசியல் கட்சிகள், பொதுமக்கள் , மாணவர் அமைப்புகள் குவிந்து வருகின்றனர். மாணவர் இறந்த சம்பவத்தினை எதிர்க்கட்சிகள் அரசியலாக்கிவிட்டனர். எனினும் முதல்வர் மம்தா, இறந்த மாணவனின் குடும்பத்திற்கு தேவையான உதவிகளை அரசு செய்யும் என உறுதியளித்துள்ளார். இது தொடர்பாக இருவர் கைது செய்யப்பட்டதாக மம்தா கூறினார். மாணவர் இறந்தது குறித்து நீதி விசாரணை நடத்த வேண்டும் என எதிர்க்கட்சியான மார்க்சிஸ்ட் கட்சி தெரிவித்துள்ளது. காங். கட்சியும் கண்டனம் தெரிவித்துள்ளது.

சனி, 10 நவம்பர், 2012

இலங்கைச் சிறைக் கலவரம்: 15 பேர் பலி


இலங்கை ச் சிறை க் கலவரம்: 15 பேர் பலி ;
 மதில் சுவர் ஏறி பலர் தப்பி ஓடினர் 

கொழும்பு: இலங்கை வெலிக்கடை சிறைக்குள் ஏற்பட்ட மோதலில் 15 பேர் கொல்லப்பட்டனர். 35 பேர் காயமுற்றனர். கடும் குற்றம் புரிந்த குற்றவாளிகள் வெலிக்டை சிறையில் அடைக்கப்பட்டுள்ளனர். போர்க்காலத்தில் முன்னெச்சரிக்கையாக கைது செய்யப்பட்ட தமிழர்கள் 50 பேர் வரை இந்த சிறையில் உள்ளனர். இங்கு சோதனை நடத்துவதற்காக அதிரடிப்படையினர் வந்தபோது எதிர்ப்பு தெரிவித்த கைதிகள் போலீசார் மீது தாக்குதல் நடத்த துவங்கினர். இதனையடுத்து போலீசார் கண்ணீர்புகை மற்றும் துப்பாக்கிச்சூடு நடத்தியதில் கைதிகள் 15 பேர் பலியாயினர்.

சிறை வளாகத்தில் வைக்கப்பட்டிருந்த ஆயுதங்களை எடுத்து கைதிகள் தாக்குதல் நடத்தினர். பலர் படுகாயமுற்ற நிலையில் ஆஸ்பத்திரியில் சேர்க்கப்பட்டுள்ளனர். இந்த மோதலில் இறந்தவர்கள் அனைவரும் கைதிகளே ஆவர் பாதுகாப்பு போலீசார் ஒரு சிலர் காயமுற்றதாக தெரிகிறது. கைதிகள் கலவரத்தை அடுத்து சிறையை சுற்றிலும் சுமார் 2 ஆயிரத்திற்கும் மேற்பட்ட பாதுகாப்பு படையினர் குவிக்கப்பட்டுள்ளனர்.
இதற்கிடையில் கலவரத்தை பயன்படுத்தி பல கைதகிள் மதில்சுவர் ஏறி வெளியே தப்பி விட்டதாக கூறப்படுகிறது. பல கைதிகள் சிறை கூடாரத்தின் மதில் மீது ஏறி நின்ற படி இருந்தனர். இந்த கலவரம் சுமார் 2 மணி நேரத்திற்கு மேல் நீடித்ததாகவும் சிறை வளாகத்தில் பயங்கர துப்பாக்கிச்சப்தம் கேட்டபடி இருந்ததாகவும் உள்ளூர் காரர் ஒருவர் தெரிவித்தார். இந்த மோதலில் தமிழ்கைதிகள் யாரும் இறக்கவில்லை
 

செவ்வாய், 30 அக்டோபர், 2012

அமெரிக்காவில் சாண்டி ப் புயலுக்கு 10 பேர் பலி

அமெரிக்காவில் சாண்டி ப் புயலுக்கு 10 பேர் பலி
அமெரிக்காவில் சான்டி புயலுக்கு 10 பேர் பலிநியூயார்க்,அக் 29-

கரிபியன் கடலில் தோன்றிய, "சாண்டி' புயல், கடந்த வாரம், பகாமாஸ் தீவுகளையும், கியூபா, ஹய்தி ஆகிய நாடுகளையும் தாக்கியது. தற்போது இந்த புயல், அமெரிக்காவின் நியூயார்க், வாஷிங்டன், நியூஜெர்சி உள்ளிட்ட மாகாணங்களை மையம் கொண்டுள்ளது. இந்த புயலின் காரணமாக, அங்கு பலத்த மழை பெய்து வருகிறது.

30 செ.மீ., வரை மழை பெய்யும் என்பதால், பல மாகாணங்களில் பள்ளிகளுக்கு விடுமுறை விடப்பட்டுள்ளது. தாழ்வான பகுதிகளில் உள்ள நான்கு லட்சம் மக்கள், வெளியேற்றப்பட்டு இவர்கள் பள்ளிக்கூடங்களில் தங்க வைக்கப்பட்டுள்ளனர்.

அமெரிக்காவை கடுமையாக தாக்கி உள்ள சூப்பர் சான்டி புயலுக்கு நியூயார்க்கில் இதுவரை 10 பேர் பலியாகி உள்ளனர். பூமிக்கு அடியில் ஓடும் ரயில் மற்றும் பஸ் சேவையும் நிறுத்தப்பட்டு விட்டது. கடும் புயல் வீசுவதால், 11 மாகாணங்கள் பாதிக்கப்பட்டுள்ளன. மின் இணைப்புகள் துண்டிக்கப்பட்டு, பெரும்பாலான நகரங்கள் இருளில் மூழ்கியுள்ளன.

வெள்ளத்தால் பாதிக்கப்பட்டவர்களை மீட்க, அனைத்து முன்னெச்சரிக்கை நடவடிக்கைகளும் மேற்கொள்ளப்பட்டுள்ளன. சாண்டி புயலுக்கு சுமார் 60 மில்லியனுக்கும் அதிகமான மக்கள் கடுமையான பாதிப்புக்களை சந்தித்து வருகின்றனர்.

தெருக்களில் சுமார் 3 அடி உயரத்திற்கு நீர் தேங்கி உள்ளது. புயல் காரணமாக இதுவரை சுமார் 6800 விமானங்கள் ரத்து செய்யப்பட்டுள்ளன. ஆயிரக்கணக்கான மக்கள் நியூயார்க் நகரை விட்டு வெளியேற்றப்பட்டுள்ளனர். சென்னையிலிருந்து அமெரிக்கா செல்லும் விமானங்களும் ரத்து செய்யப்பட்டுள்