எழுவர் விடுதலை: கருத்து கூறும் அருகதை திமுகவிற்கும் காங்கிரசிற்கும் இல்லை ! – குவியாடி, தினசரி

அகரமுதல

இலக்குவனார் திருவள்ளுவன்      14 செப்தம்பர் 2018      கருத்திற்காக..

எழுவர் விடுதலை: கருத்து கூறும் அருகதை

திமுகவிற்கும் காங்கிரசிற்கும் இல்லை !

 எழுவர் விடுதலையை ஆதரிப்போர் குறித்துக் குறை கூற வேண்டுமா என எண்ணலாம். வரவேற்பவர்களை வாழ்த்த வேண்டாவா எனக் கருதலாம். ஆனால் விடுதலை செய்வதற்கான வாய்ப்புகள் வந்தபொழுது எதிராக நடந்துவிட்டு இப்பொழுது விடுதலைக்குக் குரல்  கொடுக்கும் நாடகத்தை நாம் எதிர்க்கத்தானே வேண்டும்!

 உச்ச நீதிமன்றத் தலைமை நீதிபதி சதாசிவம் கோவையில் 18.04.2014 அன்று மேற்கு மண்டல நீதிபதிகள் மாநாட்டில் கலந்து கொண்டார். அப்பொழுது அவர், தான் ஓய்வு பெறவுள்ள 25ஆம்  நாளுக்குள் ஒரு முக்கியமான வழக்கின் தீர்ப்பு வெளியாகும்  என்று தெரிவித்தார். முதன்மையான தீர்ப்பு என்றதால் இராசீவு கொலைவழக்கில் சிக்கியவர்கள் வழக்கு என்று ஊகித்து அவ்வாறே ஊடகங்கள் வெளியிட்டன. நல்ல தீர்ப்பு வெளிவரும் என்று சொன்னதாகவும் செய்திகள் வந்தன; வந்த தொடர்கள் மாறுபாட்டுடன் இருந்தன. ஆனால், அவற்றின் மையக்கருத்து எழுவர் விடுதலை குறிதத தீர்ப்பு வரும்; அனைவரும் மகிழும் வண்ணம் விடுதலைக்கு வழி வகுக்கும் என்பதுதான்.

  திமுக தலைவர் கருணாநிதிக்கு எழுவர் விடுதலை குறித்துப் பரிவும் மனித நேயக் கண்ணோட்டமும் இருந்திருந்தால் என்ன செய்திருப்பார்? தலைமை நீதிபதி சதாசிவம் பேச்சினைப் பாராட்டியிருப்பார்; எழுவரும் விடுதலை ஆகப்போவதை மகிழ்ந்து வரவேற்றிருப்பார். அன்னை சோனியாவின் அடிமையாக உள்ளவர் எங்ஙனம் வரவேற்க இயலும்? எனவே எதிர்ப்பு தெரிவித்தார்.

  இவ்விடுதலையால் நாடாளுமன்றத் தேர்தல் முடிவுகள் மாறி அமையும் என்ற அச்சம் வந்து விட்டது.  எழுவர் மீது அன்பு இருந்ததென்றால் என்ன சொல்லி இருப்பார்? “தலைமை நீதிபதி அவர்களே! நீங்கள் 25.04.2014 அன்றுதான் பணிநிறைவு அடைகிறீர்கள். அதற்கு முதல் நாள் நாடாளுமன்றத் தேர்தல் வருகிறது. எனவே, 25.04.2014 அன்று தீர்ப்பு வழங்குங்கள்” என்று சொல்லி யிருப்பார். மாறாகக் கடும் கண்டனமாக அவரது எதிர்ப்புக் குரல் வந்தது. இந்த அரசியல் அழுத்தத்திற்கு உச்ச நீதிமன்றம் உள்ளாகியது. எனவே முடிவை மாற்றிச் சில ஐயங்களை எழுப்பி அரசமைப்பு சட்ட ஆயத்திற்கு அனுப்பி விட்டனர். அன்றைக்கே வந்திருக்க வேண்டிய விடுதலைச் செய்தி தள்ளிப்போனதற்குக் காரணமான கட்சி வஞ்சகத்தை மறைத்து ஆதரவுக் குரல் கொடுப்பதுபோல நடிக்கலாமா?

  அவர் அத்துடன் நிற்கவில்லை. தமிழரே விசாரித்துத் தீர்ப்பு வழங்கினால் தவறாக எண்ணத் தோன்றும் என்பதால் தமிழரல்லாத நீதிபதி விசாரிக்க வேண்டும் என்றும் தெரிவித்தார். இவ்வாறு பாகுபாடு காட்டுவது தவறு. எல்லா மாநில வழக்குகளிலும் அவ்வாறுதான் பார்க்கின்றார்களா? உண்மையில் இவ்வழக்கு தலைமை நீதிபதி சதாசிவம் மட்டும் விசாரித்துத் தீர்ப்பு வழங்கும் வழக்கல்ல. அவருடன் நீதிபதி இரஞ்சன் கோகோயி(Ranjan Gogoi), நீதிபதி ஏ.விரமணா ஆகியோர் இணைந்த அமர்வே விசாரைணக்கானது. இருந்தும் நடுநிலையில் நின்று சொல்பவர்போல் தவறான காரணம் கற்பித்துள்ளார்.

  இவ்வாறெல்லாம் விடுதலைக்கு வாய்ப்புள்ள போது எதிராகத் திருவாய் மலர்ந்த கட்சி, இப்பொழுது பரிவுள்ளம் உள்ளதுபோல் நாடகம் ஆடுவது தவறுதானே! எனவே, கருத்து கூற அருகதை இல்லை என்பதை உணர்ந்து திமுக அமைதி காக்க வேண்டும்.

 பெருந்தன்மைப் போர்வை போர்த்திக் கொண்டு வஞ்சக உள்ளத்துடன் உள்ள காங்கிரசும் எதுவும் சொல்ல அருகதை யற்ற கட்சியே!

11.10.1984 இல் தலைமையமைச்சர் இந்திரா காந்தி  சீக்கியச் சமயத்தைச் சேர்ந்த இரு மெய்க்காவலர்களால்  சுட்டுக் கொல்லப்பட்டார். அன்று முதல் 4 நாள் சீக்கியர்களை அடையாளம் கண்டறிந்து காங்கிரசார் கொன்றனர். தில்லியில் மட்டுமே 3000 சீக்கியர்களைக் கொன்றனர்.

ஆனால், இதற்கு இராகுல் காந்தி ஒரு பெரிய மரம் விழும்பொழுது கீழ்நிலம் அதிரத்தான் செய்யும் (“When a giant tree falls, the earth below shakes.”) என்றார். இதனை ஒட்டிக் காங்கிரசு அமைச்சர் ஒருவர் “ஆலமரம் விழும் பொழுது அதனடியில் உள்ள புழு பூச்சி உயிரினங்களும் அழியத்தான் செய்யும்” என்றார். ஆளாளுக்கு ஆலமரம் விழுந்தால் அடியில் உள்ள சிறு செடிகளும் அழிவது இயற்கை என்பதுபோல் பேசினர்.

இவர்கள் தீவிரவாதம் குறித்துப் பேச என்ன தகுதி உள்ளது?

  அது மட்டுமல்ல.  தில்லியில் சீக்கியர்களுக்கு எதிராக நடத்தப்பட்ட படுகொலை, பாலியல் வல்லுறவுகள், கலவரம், தீவைப்பு குறித்து 740 வழக்குகள் தொடரப்பட்டன. ஒன்றில்கூட யாருக்கும் தண்டனை கிடைக்காவண்ணம் பார்த்துக் கொண்டனர்.

  நாடாளுமன்றத்தில் முதிர்ச்சியுடன் பேசிய இராகுல்கந்தி, சிறுபையனைப்போல் சீக்கியருக்கு எதிரான வன்முறை கட்டவிழ்த்துப்படவில்லை என்கிறார்.   கொலை முதலான வன்கொடுமைகளுக்கு வருத்தம்கூடத் தெரிவிக்காத காங்கிரசு இன்று எழுவரை விடுதலை செய்தால் தீவிரவாதம் என்னாகும் என்கிறது.

  காங்கிரசுக் கட்சியின் செய்தித்  தொடர்பாளர் இரந்தீப் சிங்கு சுர்சீவாலாசெய்தியாளர்கள் சந்திப்பில் “ இந்த அரசு செய்வது என்ன?. அரசின் வேலை தீவிரவாதிகளை பிடிப்பதா அல்லது காப்பாற்றுவதா?. இது தான் இந்த அரசின் கொள்கையா?. தீவிரவாதத்தில் ஈடுபட்டதாகக் குற்றம் மெய்ப்பிக்கப்பட்டவர்களைத் தற்போது நாம் விடுதலை செய்யப் போகிறோமா?” என்று பல்வேறு கேள்விகளை எழுப்பியுள்ளார். தன் இனம் காங்கிரசின் தீவிரவாதிகளால் கொல்லப்பட்டதும் கற்பழிக்கப்பட்டதும் உடைமைகள் அழிக்கப்பட்டதும் நினைவில் இருந்தால் இவ்வாறு பேசியிருப்பாரா?

  2014 நாடாளுமன்றத் தேர்தலில் தமிழ்நாட்டில் தமிழ்நலக் கட்சிகள் பாசகவை ஆதரித்தன.  பாசக தலைவர்களும்  தமிழக மீனவர்கள், ஈழத்தமிழர்களுக்கு ஆதரவுக் குரல் கொடுப்பதுபோல் பேசினர். காங்கிரசிற்கு எதிரான நிலைப்பாட்டை எடுப்பதே பாசகவின் கொள்கையாக உள்ளது. அவ்வாறிருக்க காங்கிரசு போல்  தமிழர்களுக்கு எதிரான முடிவுகளைப் பாசக எடுக்கலாமா?

  இந்த நேரத்தில் அதிமுகவைப் பாராட்டவேண்டும்.  பாசகவின் பொம்மை அரசு, அடிமை அரசு என்றெல்லாம் அதிமுக ஆட்சியைக் கேலி செய்கின்றனர்.  மேனாள் முதல்வர் செயலலிதா, எழுவர் விடுதலையில் உறுதியான நடவடிக்கை எடுத்ததுபோல் எடப்பாடி பழனிச்சாமி அரசும் உறுதியாக இருந்து எழுவர் விடுதலையைப் பரிந்துரைத்துள்ளது.

“பாசகவும், பாசகவின் கூட்டாளியான அதிமுகவும், பாசகவால் நியமிக்கப்பட்ட ஆளுநரும், இந்தக் கொலைக் குற்றவாளிகளை விடுதலை செய்யும் நோக்கில் செயல்பட்டுவருவது உண்மைதானே?” எனக் காங்கிரசு செய்தியாளர் கூறியுள்ளார். இதன் மூலம் எதிரான நிலைப்பாட்டிற்கு அக் கட்சி தூண்டுகிறது. ஆனால் தமிழின் பெருமையைப் பேசும் பாசக,  தமிழில் வாழ்த்து, சுட்டுரை போன்றவற்றைத் தெரிவிக்கும் பாசக, எழுவர் விடுதலைக்குத் தடையில்லை என வெளிப்படையாகத் தெரிவிக்க வேண்டும்.  இதன் மூலம் ஆளுநர் உடனடியாக விடுதலைக்கான பரிந்துரையை ஏற்க வேண்டும். கருத்து கூற அருகதையற்றவர்கள் வாய்மூடிக்கிடக்க வேண்டும்.

– குவியாடி

https://dhinasari.com/general-articles/55105-%E0%AE%8E%E0%AE%B4%E0%AF%81%E0%AE%B5%E0%AE%B0%E0%AF%8D-

காங்.உடன் கூட்டணி இல்லை – கலைஞர் அறிவிப்பு

காங்.உடன் கூட்டணி இல்லை – எதிர்பார்த்தவாறு கலைஞர் அறிவிப்பு

  சென்னை – இன்று (15.12.13) நடந்த தி.மு.க. பொதுக்குழுக் கூட்டத்தில்  பொதுக்குழு உறுப்பினர்கள் காங்கிரசுடனான கூட்டணிக்கு எதிராகப் பேச இசைவளிக்கப்பட்டனர். குத்தாலம் கல்யாணம், மேனாள் அமைச்சர் நேரு, மதுரை முனியாண்டி, திருச்சி சிவா, மேனாள் அமைச்சர் ஆ.இராசா, மேனாள் அமைச்சர் பழனிமாணிக்கம், சென்னை அன்பழகன் முதலான பலரும் வஞ்சகக் காங்.உடன் கூட்டணி வேண்டாம் எனக் கருத்து தெரிவித்தனர். பெரும்பாலான மக்களின் உணர்வினை இதுவரை ஏற்காத தி.மு.க. தலைமை, சூழ்நிலையின் உந்துதலால்  -  பொதுக்குழு உறுப்பினர்களின் கருத்துகளுக்கு இணங்க   உடன்படுவதுபோல் – இப்பொழுது ஏற்றுள்ளது.

தி.மு.க. பொதுக்குழுக்கூட்டம் 2013

தி.மு.க. தலைவர்  கருணாநிதி,

    “நம்முடன் இருந்து இரண்டகம் புரிந்த செய்த காங்கிரசுடன் இனிக் கூட்டணி கிடையாது.’காங்கிரசுடன் கூட்டணி வைத்து விடுவோம்’ என்று நீங்கள் ஒரு போதும் எண்ண வேண்டா. ஊழல் குற்றச்சாட்டில் கனிமொழிக்கு களங்கம் விளைவித்தும், ஆஇராசா மீது பழி சுமத்தியும், தயாளு அம்மாளுக்கு துயரத்தை ஏற்படுத்தியதோடு கட்சிக்கும் களங்கம் விளைவித்தவர்கள், இவர்களைப் பலிகடாவாக ஆக்கிவிட்டுத் தப்பி விட்டார்கள். இந்த வழக்கு இன்னும் நடக்கிறது. மத்தியப் புலனாய்வுப் பணியகம்(சி.பி.ஐ.) யாருடைய நிருவாகத்தில் உள்ளது என்பது உங்களுக்கு தெரியும். பூச்சியங்களைப் போட்டு ஊழல் குற்றச்சாட்டில் தி.மு.க.வைச் சிக்க வைத்து விட்டார்கள். கனிமொழி, ஆ.இராசா ஆகியோர் சிறைக்குப் போனார்கள்.

   நீங்கள் (தொண்டர்கள்) இருக்கும் போது நான் ஏன் அஞ்ச வேண்டும். தனித்து நின்று தேர்தலைச் சந்திக்கும்  துணிவு நமக்கு உண்டு. கழகம் நிறுத்தும் வேட்பாளர்களை வெற்றி பெறச் செய்ய வேண்டும். கடைசி வரை ஒற்றுமையாக இருந்து கட்சியின் வெற்றிக்கு உழைக்க வேண்டும்”  என்று பேசினார்.

- அகரமுதல

தமிழர்களுக்கு வஞ்சகம் புரிந்த காங்கிரசுக்கு மன்னிப்பு கிடையாது - வை கோ

தின இதழ் Home / அரசியல் / தமிழர்களுக்கு துரோகம் செய்த காங்கிரசுக்கு மன்னிப்பு கிடையாது

தமிழர்களுக்கு  வஞ்சகம் புரிந்த காங்கிரசுக்கு மன்னிப்பு கிடையாது

Posted by: admin in அரசியல் 1 day ago 0 3 Views

ஈரோடு, ஆக. 26
தமிழ் இனத்திற்கும், ஈழத்தமிழர்களுக்கும் துரோகம் செய்த காங்கிரசுக்கு மன்னிப்பே கிடையாது என்று ஈரோட்டில் மதிமுக பொதுச்செயலாளர் வைகோ பேசினார்.ஈரோட்டில் நடைபெற்ற ‘இணையதள நண்பர்கள் முன்னெடுக்கும் மாற்று அரசியலுக்கான இளையதலைமுறையின் கருத்துக்கள்’ என்ற நிகழ்ச்சியில் பங்கேற்ற மதிமுக பொதுச்செயலாளர் வைகோ பேசியதாவது:‘‘மாற்றம் வேண்டும் என்று இந்த இணையதள நண்பர்கள் முயற்சி செய்துள்ளனர். நாட்டிலேயே திராவிட இயக்கத்தில் மாற்றம் கொண்டுவர வேண்டும் என்பதற்காகவே மதிமுக தொடங்கப்பட்டது.
இருபது ஆண்டுகளுக்கு முன்பு திமுக கட்சி கூட்டத்தில் பேசியதற்காக கைதட்டல் கிடைத்தது. அதற்காக என்னை அந்த கட்சியிலிருந்து நீக்கினார்கள். மதிமுக இயக்கத்தில் புதிய ரத்தம் பாய்ச்சுவதற்காக இளைஞர்கள் இணைந்து வருகின்றனர். அவர்கள் கட்டுப்பாட்டுடன் உள்ளனர். வருகின்ற நாடாளுமன்ற தேர்தலில் யாருடன் கூட்டணி என்ற கேள்வி எல்லோருடைய மனதிலும் ஏற்பட்டுள்ளது. அரசியல் மாற்றம் வேண்டும்.
முதலில் இந்திய அரசியலில் மாற்றம் வேண்டும். தமிழக மக்களுக்கும், ஈழத்தமிழர்களுக்கும் துரோகம் செய்த சோனியா காந்தி தலைமையிலான, மன்மோகன்சிங் பிரதமராக உள்ள காங்கிரசை அகற்றியே தீர வேண்டும். வாஜ்பாய் அரசு ஈழத்தமிழர்களுக்கு செய்த உதவிபோல எந்த தலைவரும் செய்யவில்லை. கருணாநிதி வார்த்தை ஜாலத்தால் அரசியல் செய்து வருகிறார். இப்போது அரசியல் ஐம்பது ஆண்டுகளுக்கு பின்னோக்கி போய்க்கொண்டிருக்கிறது. ஆட்சி செய்தவர்களின் சுயநலத்தால் எடுக்கப்பட்ட முடிவால், கட்அவுட் கலாச்சாரத்தால், ஜாதி பெயரால் அரசியல் சீரழிந்து வருகிறது.
இளைஞர்கள் இதை முறியடித்து சாதிக்க வேண்டும். ‘மெட்ராஸ் கபே’ திரைப்படம் அப்பட்டமாக ஈழத்தமிழர்களை குறை கூறி தயாரிக்கப்பட்ட படமாகும்.அந்த படத்தை தமிழகத்தில் திரையிட அனுமதிக்க மாட்டோம். காமன் வெல்த் அமைப்பிலிருந்து இலங்கையை நீக்க வேண்டும். தமிழகத்தில் மாணவர்கள் நடத்தும் போராட்டத்திற்கு மதிமுக எப்போதும் ஆதரவளிக்கும். இவ்வாறு வைகோ பேசினார். கூட்டத்தில் நாடளுமன்ற உறுப்பினர் கணேசமூர்த்தி மற்றும் மதிமுக முக்கிய நிர்வாகிகள் கலந்து கொண்டனர்.

தெலுங்கானா அமைக்க ஒப்புதல்

1.    ஆந்திரத்தில் தமிழ்ப்பகுதிகளைச்சேர்க்காமல் இருந்தாலே தெலுங்கானா அமைந்திருக்கும்.
2.    ஆந்திரா, கேரளா, கருநாடக மாநிலங்களில் உள்ள தமிழ்ப்பகுதிகளை இணைத்துத் தனி மாநிலமாக்க வேண்டும்.
3.    ஒன்றியப் பகுதியாக விளங்கும் புதுச்சேரியைத் தனி மாநிலமாக்கக் கோரும் முறையீட்டை ஏற்றுப் புதுச்சேரியை மாநிலமாக உயர்த்த வேண்டும்.
4.    கூர்க்கா, போடா முதலான தனி இன மக்கள் கோரும் வகையில்  பிற வேண்டுகைகளையும் ஏற்று மாநிலங்கள் அமைக்க வேண்டும்.
5.    சம்மு. காசுமீர் எனத் தனித் தனி மாநிலங்களாக அமைக்க வேண்டும்.
6.    கொள்கை அளவில் அறிவித்து விட்டு நடைமுறைப்படுத்துவதாகக்  கூறி இழுத்தடித்துக்   கொண்டே போகக்கூடாது.
7.    நமக்குத்தேவை மொழிவழி மாநிலங்கள் அல்ல; தனியுரிமை உடைய மொழி வழித் தேசியக் கூட்டரசே நமக்குத் தேவை  எனத் தமிழ்ப்போராளி பேராசிரியர் சி.இலக்குவனார் வலியுறுத்தியதை
8.    நடைமுறைப்படுத்தும் காலம் விரைவில் வரவேண்டும்.
அன்புடன் இலக்குவனார் திருவள்ளுவன் /தமிழே விழி! தமிழா விழி! எழுத்தைக் காப்போம்! மொழியைக் காப்போம்! இனத்தைக் காப்போம்!/

புதுதில்லி : தெலுங்கானா பகுதி மக்களின், அரை நூற்றாண்டு கால கனவு, நேற்று நனவானது. நாட்டின், 29வது மாநிலமாக,தெலுங்கானா உதயமாகிறது. ஆந்திராவை உடைத்து,தனி தெலுங்கானா மாநிலம் அமைக்க,ஐ.மு., கூட்டணிஒருங்கிணைப்பு குழுமற்றும் காங்கிரஸ் செயற்குழு கூட்டங்களில்,நேற்று ஒப்புதல்அளிக்கப்பட்டது.

"ஆந்திராவின், மேடக், மெகபூப் நகர், அடிலாபாத், ஐதராபாத் உள்ளிட்ட, 10 மாவட்டங்களை பிரித்து, தெலுங்கானா தனி மாநிலம் அமைக்க வேண்டும்' என்பது, தெலுங்கானா பகுதி மக்களின், 50 ஆண்டுகளுக்கும் மேலான கோரிக்கை. இதற்காக, ஆந்திராவில், பல போராட்டங்கள் நடத்தப்பட்டன. தெலுங்கானா கோரிக்கைக்காகவே, சந்திரசேகர ராவ் தலைமையில், தெலுங்கானா ராஷ்டிரிய சமிதி என்ற கட்சி உருவானது. 2009ல், தெலுங்கானா தனி மாநிலம் அமைக்கக் கோரி, சந்திரசேகர ராவ், காலவரையற்ற உண்ணாவிரதத்தை துவக்கினார். அவரின், உண்ணாவிரதம், 10 நாட்கள் நீடித்தது. அவரின் உயிருக்கு ஆபத்து ஏற்பட்டதால், தெலுங்கானா பகுதி முழுவதும், கலவரம் வெடித்தது.இதையடுத்து, தனி மாநிலம் அமைக்க, மத்திய அரசு சம்மதித்தது. ஆனால், கலவரம் கட்டுக்குள் வந்ததும், தெலுங்கானா கோரிக்கையை, மத்திய அரசு, கிடப்பில் போட்டு விட்டது. இந்நிலையில், ஆந்திராவில், அடுத்த ஆண்டு சட்டசபை மற்றும் லோக்சபா தேர்தல் நடக்கவுள்ளதால், தெலுங்கானா பகுதிகளில், சமீப காலமாக மீண்டும் போராட்டங்கள் துவங்கின.காங்கிரஸ் கட்சியை சேர்ந்த, மூத்த தலைவர்கள் பலர், தெலுங்கானா கோரிக்கையை, மத்திய அரசு அலட்சியப்படுத்துவதாக கூறி, வேறு கட்சிகளுக்கு தாவினர். "தெலுங்கானா தனி மாநிலம் அமைக்காவிட்டால், லோக்சபா மற்றும் சட்டசபை தேர்தல்களில் காங்கிரஸ் வெற்றி பெறாது' என, அரசியல் வட்டாரங்கள் தெரிவித்தன. பீதியடைந்த காங்கிரஸ் மேலிடம், தெலுங்கானா மாநிலம் அமைப்பதற்கான நடவடிக்கைகளில் இறங்கியது. இதையறிந்த, ஆந்திராவின், தெலுங்கானா அல்லாத பிற பகுதிகளான, கடலோர ஆந்திரா, ராயலசீமா உள்ளிட்ட பகுதிகளில் வசிக்கும் மக்கள், போராட்டத்தில் இறங்கினர்.

இந்த பகுதிகளை சேர்ந்த, காங்., மூத்த தலைவர்கள், "ஒருங்கிணைந்த ஆந்திர மாநிலமே தொடர வேண்டும். தெலுங்கானா மாநிலம் அமைக்கக் கூடாது. அப்படி அமைத்தால், கட்சியிலிருந்து வெளியேறுவோம்' என, காங்., மேலிடத்துக்கு நெருக்கடி கொடுத்தனர். ஆந்திர முதல்வர் கிரண் குமார் ரெட்டியும், இவர்களில் குறிப்பிடத் தக்கவர்.
ஆந்திர காங்., மூத்த தலைவர்களான, பல்லம் ராஜு, புரந்தரேஸ்வரி, பனபகா லட்சுமி ஆகியோர், நேற்று, டில்லிக்கு சென்று, காங்., பொதுச் செயலர், திக்விஜய் சிங்கை சந்தித்து, "தெலுங்கானா மாநிலம் அமைக்கக் கூடாது' என, வலியுறுத்தினர்.இதற்கிடையே, நேற்று மாலையிலிருந்து, டில்லியில் பரபரப்பான நிகழ்வுகள் அரங்கேறின. காங்., தலைவர் சோனியா, பிரதமர் மன்மோகன் சிங்கை சந்தித்து, தெலுங்கானா விவகாரம் குறித்து பேசினார். இதன்பின், காங்., மூத்த தலைவர்கள், சுஷில் குமார் ஷிண்டே, சிதம்பரம், குலாம் நபி ஆசாத், திக்விஜய் சிங், அகமது படேல் உள்ளிட்டோர், காங்., தலைவர் சோனியாவை, அவரது இல்லத்தில் சந்தித்து, தெலுங்கானா மாநிலம் அமைவதால் ஏற்படும், சாதக, பாதக அம்சங்கள் குறித்து, விரிவாக ஆலோசித்தனர்.

இதையடுத்து, தெலுங்கானா விவகாரம் குறித்து இறுதி முடிவு எடுப்பதற்காக, ஐக்கிய முற்போக்கு கூட்டணி கட்சிகளின் தலைவர்கள் பங்கேற்ற கூட்டம் நடந்தது. காங்., தலைவர்கள், தேசியவாத காங்., தலைவர் சரத் பவார், ராஷ்டிரிய லோக்தளம் தலைவர் அஜித் சிங், தேசிய மாநாட்டு கட்சி தலைவர் பரூக் அப்துல்லா உள்ளிட்டோர் பங்கேற்றனர்.இதில், தனி தெலுங்கானா மாநிலம் அமைப்பதற்கு ஒப்புதல் அளிப்பதாக, ஒரு மனதாக முடிவு எடுக்கப்பட்டது. இதைத் தொடர்ந்து, காங்., தலைவர் சோனியா தலைமையில், காங்கிரஸ் கட்சியின் செயற்குழு கூட்டம் நடந்தது. இதிலும், தெலுங்கானா மாநிலம் அமைப்பதற்கு ஒப்புதல் அளிக்கப்பட்டது.

இதுகுறித்து, காங்., பொதுச் செயலர் திக்விஜய் சிங், மீடியா பிரிவு தலைவர் அஜய் மேக்கன் ஆகியோர், செய்தியாளர்களுக்கு அளித்த பேட்டி:அனைத்து தரப்பினரிடமும், பல கட்டங்களாக ஆலோசனை நடத்தி, இறுதியாக தனி மாநிலம் அமைப்பதற்கான முடிவு எடுக்கப்பட்டுள்ளது. இது, கடினமான முடிவு. இந்த நடவடிக்கைக்கு, அனைவரும் ஒத்துழைப்பு அளிக்க வேண்டும்.தெலுங்கானா தனி மாநிலம் அமைப்பது என்பது, மிக முக்கியமான பிரச்னை. இதற்காகவே, இவ்வளவு தாமதம் ஏற்பட்டது. அரசியல் சாசன விதிகளை பின்பற்றி, தனி மாநிலம் அமைக்க நடவடிக்கை எடுக்கும்படி, காங்கிரஸ் கட்சி, மத்திய அரசிடம் வலியுறுத்தும். ஆந்திர சட்டசபைக்கும், இந்த அறிவிப்பு குறித்து, முறைப்படி தெரிவிக்கப்படும்.தனி மாநிலத்தின் அடுத்த கட்ட நடவடிக்கை குறித்து முடிவு எடுப்பதற்காக, மத்திய அமைச்சரவை குழு ஏற்படுத்தப்படும். இந்த தனி மாநில அறிவிப்பின் பின்னணியில், எந்தவிதமான அரசியலும் இல்லை.ஆந்திரா, தெலுங்கானா ஆகிய இரண்டு மாநிலங்களுக்கும், பொதுவான தலைநகராக, அடுத்த, 10 ஆண்டுகளுக்கு, ஐதராபாத் இருக்கும்.இவ்வாறு, அவர்கள் கூறினர்.

காங்., மேலிடத்தின் இந்த அறிவிப்பை அடுத்து, தனி மாநிலம் அமைப்பதற்கான நடவடிக்கைகள் துவங்கியுள்ளன. இதற்கிடையே, தனி தெலுங்கானா மாநிலம் குறித்த அறிவிப்பால், தெலுங்கானா பகுதி மக்களிடம், மகிழ்ச்சி கரை புரண்டோடியது. பட்டாசுகளை வெடித்தும், இனிப்புகளை வழங்கியும், ஒருவரை ஒருவர் கட்டித் தழுவியும், மகிழ்ச்சியை பகிர்ந்து கொண்டனர். நாட்டின், 29வது மாநிலமாக, தெலுங்கானா உதயமாவதை அடுத்து, அப்பகுதி மக்களின், 50 ஆண்டு கனவு, நனவாகியுள்ளது. அவர்களின் தொடர்ச்சியான போராட்டங்களுக்கு வெற்றி கிடைத்துள்ளது.

அடுத்தது என்ன?
* தெலுங்கானா தனி மாநிலத்துக்கு ஒப்புதல் அளிக்கப்பட்டாலும், அதிகாரப்பூர்வமாக தனி மாநிலம் அமைப்பதற்கான நடவடிக்கைகள் முடிவடைவதற்கு, இன்னும் ஆறு மாதங்களாகும்.
* மத்திய அமைச்சரவை இன்று கூடி, தெலுங்கானா மாநிலம் அமைக்கும் தகவலை, ஜனாதிபதி பிரணாப்

முகர்ஜியிடம், முறைப்படி தெரிவிக்கும்.
* கடலோர ஆந்திரா, ராயலசீமா, தெலுங்கானா ஆகிய பகுதிகளுக்கு வருவாய், நீர் உள்ளிட்டவற்றை பகிர்ந்து கொள்வதில், ஒருமித்த முடிவை ஏற்படுத்துவதற்காக, ஒரு குழுவை, பிரதமர் நியமிப்பார்.
* ஆந்திர சட்டசபையிலும், லோக்சபா மற்றும் ராஜ்யசபாவிலும், தெலுங்கானா தனி மாநிலம் அமைப்பதற்கான தீர்மானம் கொண்டு வரப்பட்டு, நிறைவேற்றப்படும்.

சோனியா முடிவால்ஆந்திராவில் பதற்றம்:தனி தெலுங்கானா மாநிலம் அமைப்பதற்கு, சோனியா தலைமையில் நடந்த காங்., செயற்குழு கூட்டத்தில், ஒப்புதல் அளிக்கப்பட்டதை தொடர்ந்து, ஆந்திராவில், தெலுங்கானா அல்லாத, ராயலசீமா, கடலோர ஆந்திர பகுதிகளில், கடும் பதற்றம் நிலவுகிறது.அங்கு, நேற்று காலை முதலே, மக்கள் நடமாட்டம் குறைந்தது. கடைகள், வர்த்தக நிறுவனங்கள் அடைக்கப்பட்டன. வாகன போக்குவரத்து குறைந்தது. மாணவர் கூட்டமைப்பை சேர்ந்தவர்கள், மத்திய அரசுக்கு எதிராக, கோஷங்களை எழுப்பினர்.
ஒரு சில இடங்களில் வன்முறை சம்பவங்கள் நடந்தன. நிலைமையை சமாளிப்பதற்காக, துணை ராணுவப் படையினர் கூடுதலாக அனுப்பி வைக்கப்பட்டுள்ளனர். கர்நாடகா, தமிழக போலீசாரும், பாதுகாப்பு பணியில் ஈடுபடுத்தப்பட்டுள்ளனர்

மத்திய உள்துறை அமைச்சர், சுஷில் குமார் ஷிண்டே கூறுகையில், ""ஆந்திராவில், சட்டம் - ஒழுங்கு அமைதியாக உள்ளது. அசம்பாவிதம் ஏற்பட்டால், அதை சமாளிப்பதற்கு, கூடுதல் படையினர் அனுப்பி வைக்கப்படுவர்,'' என்றார்.

ஐதராபாத் யாருக்கு?ஆந்திராவில், மொத்தம், 23 மாவட்டங்கள் உள்ளன. இவற்றில், ஐதராபாத் உட்பட, 10 மாவட்டங்களை தனியாக பிரித்து தான், தற்போது தெலுங்கானா மாநிலம் உருவாக்கப்படுகிறது. ஆனால், ஐதராபாத்துக்கு, தெலுங்கானா மக்களும், ஆந்திராவின் பிற பகுதிகளில் வசிக்கும் மக்களும், உரிமை கோருகின்றனர். இதனால், "இன்னும், ஐந்து ஆண்டுகளுக்கு, இரு பகுதிகளுக்கும் பொதுவான தலைநகராக, ஐதராபாத் இருக்கும். பின், தெலுங்கானாவுடன் சேர்க்கப்படும்' என, முதலில், தகவல் வெளியானது.இதற்கு கடும் எதிர்ப்பு எழுந்துள்ளதை அடுத்து, "ஐதராபாத், இருமாநிலங்களுக்கும் பொதுவான தலைநகராக, 10 ஆண்டுகளுக்கு தொடரும்' என, அறிவிக்கப்பட்டுள்ளது.


தெலுங்கானாவில் எத்தனை தொகுதிகள்: ஒன்றுபட்ட ஆந்திராவில், தற்போது 294 சட்டசபை தொகுதிகளும், 42 லோக்சபா தொகுதிகளும் உள்ளன. இந்நிலையில் மாநிலம் இரண்டாக பிரிக்கப்பட்டதால், 119 சட்டசபை தொகுதிகளும், 17 லோக்சபா தொகுதிகள் தெலுங்கானா மாநிலத்துக்குள் வருகிறது. ஆந்திராவில் 175 சட்டசபை தொகுதிகளும், 25 லோக்சபா தொகுதிகளும் இருக்கும்.

கட்சிகளின் பலம்:ஒன்றுபட்ட ஆந்திராவில் சட்டசபை (எம்.எல்.ஏ.,), லோக்சபா (எம்.பி.,) வாரியாக கட்சிகளின் தற்போதைய பலத்தை பார்க்கலாம்.

கட்சிகள் எம்.எல்.ஏ., எம்.பி.,
காங்., 146 29
தெலுங்கு தேசம் 86 6
தெலுங்கானா ராஷ்ட்ரிய சமிதி 17 4
ஒய்.எஸ்.ஆர்., காங்., 17 2
மற்றவை 19 1

புதிய மாநிலம் உருவாவது எப்படி:நாட்டில் ஒரு புதிய மாநிலம் உருவாக வேண்டுமெனில், அதற்கென சட்ட நடைமுறைகள் உள்ளன. இதன்படி, இந்திய சட்ட விதி 3ன் படி, புதிதாக உருவாகும் மாநிலம், எந்த மாநிலத்திலிருந்து பிரிக்கப்படுகிறதோ, அம்மாநில சட்டசபைக்கு, ஜனாதிபதியால் பரிந்துரை (மசோதா) ஒன்று அனுப்பப்படும். இந்தப் பரிந்துரையை, மாநில அரசு, சட்டசபையில் பெரும்பான்மையுடன் நிறைவேற்ற வேண்டும். இதன் பின், இதே மாதிரியான மசோதா, பார்லிமென்ட்டில் தாக்கல் செய்யப்பட்டு, மசோதா பெரும்பான்மையுடன் நிறைவேற்றப்பட வேண்டும். அப்போதுதான் தனி மாநிலம் சட்டப்படி உருவாக்கப்பட முடியும்.

தனி மாநில கோரிக்கை:இந்தியாவில் சில மாநிலங்களில் தனி மாநில கோரிக்கை தொடர்கிறது. அதில் முக்கியமானவை:மகாராஷ்டிரா (விதர்பா),உ.பி., (பந்தல்கண்ட், பூர்வாஞ்சல், அவாத் பிரதேசம், பச்சிம் பிரதேசம்)
மேற்கு வங்கம் (கூர்க்காலாந்து),அசாம் (போடோலேன்ட்)

கடினமான முடிவு: காங்., : காங்., பொதுச் செயலர் திக்விஜய் சிங், மீடியா பிரிவு தலைவர் அஜய் மேக்கன் ஆகியோர் அளித்த பேட்டி:அனைத்து தரப்பினரிடமும், பல கட்டங்களாக ஆலோசனை நடத்தி, இறுதியாக தனி மாநிலம் அமைப்பதற்கான முடிவு எடுக்கப்பட்டுள்ளது. இது, கடினமான முடிவு. இந்த நடவடிக்கைக்கு, அனைவரும் ஒத்துழைப்பு அளிக்க வேண்டும்.தெலுங்கானா தனி மாநிலம் அமைப்பது என்பது, மிக முக்கியமான பிரச்னை. இதற்காகவே, இவ்வளவு தாமதம் ஏற்பட்டது. அரசியல் சாசன விதிகளை பின்பற்றி, தனி மாநிலம் அமைக்க நடவடிக்கை எடுக்கும்படி, காங்கிரஸ் கட்சி, மத்திய அரசிடம் வலியுறுத்தும். ஆந்திர சட்டசபைக்கும், இந்த அறிவிப்பு குறித்து, முறைப்படி தெரிவிக்கப்படும்.தனி மாநிலத்தின் அடுத்த கட்ட நடவடிக்கை குறித்து முடிவு எடுப்பதற்காக, மத்திய அமைச்சரவை குழு ஏற்படுத்தப்படும். இந்த தனி மாநில அறிவிப்பின் பின்னணியில், எந்தவிதமான அரசியலும் இல்லை.ஆந்திரா, தெலுங்கானா ஆகிய இரண்டு மாநிலங்களுக்கும், பொதுவான தலைநகராக, அடுத்த, 10 ஆண்டுகளுக்கு, ஐதராபாத் இருக்கும், என்றனர்.
மாநிலங்கள் பிரிக்கப்பட்ட வரலாறு: இந்தியாவில் தற்போது 29 மாநிலங்கள், 7 யூனியன் பிரதேசங்கள் உள்ளன. ஆங்கிலேயரிடம் இருந்து 1947ல், இந்தியா சுதந்திரம் பெற்ற போது, நாட்டில் 565 சமஸ்தானங்கள் இருந்தன. இவைகள் சுதந்திர

Advertisement

பகுதிகளாக இருக்க வேண்டும், என சமஸ்தான ஆட்சியாளர்கள் கோரினர். ஆனால், அனைத்து சமஸ்தானங்களும், இந்தியாவுடன் இணைய வேண்டும் என அரசு அறிவித்தது. அதன்படி பிகானிகர், பாட்டியாலா, குவாலியர், பரோடா முதலிய சமஸ்தானங்கள் உடனடியாக இணைந்தன. மற்ற சமஸ்தானங்களை இணைக்கும் பொறுப்பு, அப்போதைய உள்துறை அமைச்சர் "இரும்பு மனிதர்' என அழைக்கப்பட்ட வல்லபாய் படேலிடம் ஒப்படைக்கப்பட்டது. அவரின் முயற்சியால் 552 சமஸ்தானங்கள் இணைந்தன. தமிழகத்தில் இருந்த ஒரே சமஸ்தானமான புதுக்கோட்டை, 1948, மார்ச் 3ல் இணைந்தது. காஷ்மீர், ஐதராபாத், திருவாங்கூர், ஜூனாகத் போன்ற சில சமஸ்தானங்கள் இணைய மறுத்தன. பின் ராணுவ நடவடிக்கைகள் மூலம் இணைக்கப்பட்டன.

1912 பீகார்
1937 உத்தரபிரதேசம்
1948 காஷ்மீர், ஒடிசா, ராஜஸ்தான்
1947 மணிப்பூர், மேற்கு வங்கம்
1956 ஆந்திரா, கர்நாடகா, தமிழகம், கேரளா, மத்திய பிரதேசம், திரிபுரா
1960 மகாராஷ்டிரா
1961 கோவா
1963 நாகலாந்து
1966 அரியானா, பஞ்சாப்
1970 மேகாலயா, குஜராத்
1971 இமாச்சலப்பிரதேசம்
1972 மிசோரம், அருணாச்சல பிரதேசம்
1975 சிக்கிம், அசாம்2000 சட்டீஸ்கர், உத்தரகண்ட், ஜார்க்கண்ட்
2013 தெலுங்கானா

தனி தெலுங்கானா மாநிலத்துக்காக, பா.ஜ., தொடர்ந்து குரல் கொடுத்து வந்தது. தனி மாநிலத்துக்கான அறிவிப்பை வெளியிட்டால் மட்டும் போதாது. இதுதொடர்பான மசோதாவை, பார்லிமென்ட் மழைக்கால கூட்டத் தொடரில்,ஒருமனதாக நிறைவேற்றவும் நடவடிக்கை எடுக்க வேண்டும்.
-பிரகாஷ் ஜாவடேகர், பா.ஜ., செய்தி தொடர்பாளர்

""தனி தெலுங்கானா மாநிலம் அமைக்கும் முடிவை வரவேற்கிறேன். ஆனால், இதைப் பின்பற்றி, நாட்டின் மற்ற பகுதிகளிலும், தனி மாநிலம் அமைப்பதற்கான கோரிக்கைகள் வலுக்கும். இது, அபாயகரமான போக்கு.
-ஒமர் அப்துல்லா,காஷ்மீர் முதல்வர், தேசிய மாநாட்டு கட்சி தலைவர்


தெலுங்கானா உருவான கதை:* புதிதாக உருவாக்கப்பட்ட தெலுங்கானா மாநிலம், இந்தியா சுதந்திரம் பெற்ற போது, ஐதராபாத் சமஸ்தானத்தில் இடம்பெற்றிருந்தது.
*1948 செப்., 17 ல், இந்தியாவுடன் ஐதராபாத் சமஸ்தானம் இணைக்கப்பட்டது. இதன் முதல்வராக எம்.கே.வெல்லோடி பதவியேற்றார்.
*1952 ல் நடந்த முதல் தேர்தலில் வெற்றி பெற்று, ஜனநாயக முறைப்படி ராமகிருஷ்ண ராவ் முதல்வரானார்.
*1953 ல், கர்னூலை தலைநகராக கொண்டு, ஆந்திரா உருவாக்கப்பட்டது.
ஐதராபாத் மாநிலத்தை, ஆந்திராவுடன் இணைக்க, அப்போதைய மத்திய அரசு முடிவு செய்தது. அதற்கு ஐதராபாத்தில் இருந்த தெலுங்கானா பகுதி மக்கள், எதிர்ப்பு தெரிவித்தனர்.
*1956 பிப்., 20: எதிர்ப்பை மீறி, ஆந்திராவுடன், தெலுங்கானாவை உள்ளடக்கிய ஐதராபாத் மாநிலம் இணைக்கப்பட்டது.
* மொழிவழி மாநிலம் பிரிக்கப்பட்டபோது, தெலுங்கு பேசும் மக்கள்தொகை வாரியாக, சென்னை மாகாணத்தில் இருந்து, சில பகுதிகள், ஆந்திராவுடன் இணைக்கப்பட்டன. இறுதியாக, 1956 நவ., 1 ல், ஒன்றுபட்ட ஆந்திரா உருவாக்கப்பட்டது. தலைநகராக ஐதராபாத் உருவாக்கப்பட்டது.
* 1969ல் தெலுங்கானா தனிமாநிலமாக உருவாக்க வேண்டும் என அப்பகுதி மக்கள் போராட்டத்தில் ஈடுபட்டனர். தெலுங்கானா பிரஜ்ஜா சமிதி என்ற அமைப்பின் மூலம் போராட்டம் தீவிரமானது.
*1972 : தெலுங்கானாவுக்கு எதிராக, ராயலசீமா-கடலோர ஆந்திராவை உள்ளடக்கிய பகுதியில், "ஜெய் ஆந்திரா' என்ற கோஷம் எழுப்பப்பட்டது.
*1985 மற்றும் ராமாராவ் ஆட்சிக்காலத்தில், தெலுங்குதேச மக்களுக்கு, அரசு வேலைவாய்ப்பில் முன்னுரிமை அளிக்கப்பட்டது.
*1999 வரை, தெலுங்கானா மாநில பிரிவினை கோரப்பட வில்லை.
*1999 ல், மாநிலத்தில் தொடர்ந்து சந்தித்த சட்டபை தேர்தல் தோல்விகளால் காங்., கட்சி, தெலுங்கானா கோரிக்கையை எழுப்பியது.
*2001: தெலுங்கானா கோரிக்கையை வலியுறுத்தி, தெலுங்குதேச கட்சியில் இருந்து விலகிய சந்திரசேகர ராவ், தெலுங்கானா ராஷ்ட்ரிய சமிதி என்ற தனிக்கட்சியை தொடங்கினார்.
*2009 நவ., 29: சந்திரசேகர ராவ், உண்ணாவிரத போராட்டம் தொடங்கினார். இதையடுத்து டிச., 9 ல், மத்திய அரசு,
தெலுங்கானா அமைக்க உறுதி அளித்தது. இருப்பினும், டிச., 23 ல், இதனை கிடப்பில் போட்டது.
*2010 பிப்., 3: தெலுங்கானா அமைப்பது குறித்து, மக்களின் கருத்துகளை அறிய, நீதிபதி ஸ்ரீகிருஷ்ணா
தலைமையிலான கமிட்டி உருவாக்கப்பட்டது. இது டிச., 30ல் அறிக்கையை சமர்பித்தது.
*2011 -12: எம்.எல்.ஏ., மற்றும் எம்.பி.ஏ.,க்கள் தெலுங்கானாவை வலியுறுத்தி, பதவிகளை ராஜினாமா செய்தனர்.
* 2012 டிச., 28: மத்திய அரசு, சர்வ கட்சி கூட்டத்தை நடத்தியது. முடிவு எட்டப்படவில்லை.
*2013 ஜூலை 30: தெலுங்கானா தனிமாநிலம் அமைக்க, மத்திய அமைச்சரவை ஒப்புதல்.