கல்வெட்டு லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
கல்வெட்டு லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

செவ்வாய், 2 ஜூலை, 2013

பழங்காலக் கல்வெட்டு கண்டெடுப்பு

பழங்கால க் கல்வெட்டு கண்டெடுப்பு

பழங்காலத் தமிழர்களின் நீர் மேலாண்மையை உணர்த்திய 13 ஆம் நூற்றாண்டைச் சேர்ந்த குமிழி கல்வெட்டு, மதுரை அருகே கண்டெடுக்கப்பட்டுள்ளது.
 மதுரை- மேலூர் சாலையில் அரிட்டாபட்டி கிராமத்தின் அருகே உள்ள கழிஞ்சமலையில் இந்தக் கல்வெட்டை   தொல்லியல் துறையினர் கண்டெடுத்துள்ளனர்.
 இந்தக் கல்வெட்டில், 2 ஆயிரம் ஆண்டுகளுக்கு முன்பு இப்பகுதியில் வாழ்ந்த சமண துறவிகளுக்கு, படுக்கைகள் அமைத்துக் கொடுத்த விவரம் தமிழ் பிராமி எழுத்துகளால்  பொறிக்கப்பட்டுள்ளதாகக் கூறப்படுகிறது.
  கி.மு. 2-ம் நூற்றாண்டில் நெல்வேலி சிழிவன் அதினன் வெளியன் என்பவனும், இலஞ்சி எளம்பேராதான் மகன் எமயவன் என்பவனும் சமணத்துறவிகளுக்கு குகைத் தளங்களையும், படுக்கைகளையும் (முழாகை) அமைத்துக் கொடுத்துள்ளனர்.
  கழிஞ்சமலைக்கருகில் ஆப்டான் மலை, இராமாயி மலை ஆகிய 2 மலைகள் உள்ளன. மூன்று மலைகளில் இருந்து வரும் நீரை குடிநீர்த் தேவைக்காகவும் வேளாண்மைக்காகவும் தேக்கி வைப்பதற்கு கண்மாய் வெட்டி, கரை அமைத்து தண்ணீரை ஒழுங்குபடுத்தி முறையாக வழங்கிட மதகு (குமிழி) அமைக்கப்பட்டுள்ளது.
 இதனை கி.பி. 13 ஆம் நூற்றாண்டில் முதலாம் மாறவர்மன் சுந்தரபாண்டியன் ஆட்சிக்காலத்தில் ஆணைமேல் கொண்டான் என்ற பாண்டிய நாட்டு அதிகாரி செய்துள்ளான். இந்நிகழ்வைப் பற்றிய குமிழி கல்வெட்டு அரிட்டாபட்டி கண்மாயில் புதிதாகக் கண்டெடுக்கப்பட்டுள்ளது.
  கி.பி. 13 ஆம் நூற்றாண்டிலேயே நீர் மேலாண்மையும், நீர் ஒழுங்குமுறை திட்டமும் பாண்டிய நாட்டில சிறப்பாக நடைமுறையில் இருந்துள்ளதை இந்தக் கல்வெட்டு உணர்த்துவதாக, இதனைக் கண்டெடுத்த தொல்லியல்துறை மண்டல உதவி இயக்குநர் நா. கணேசன் தெரிவித்துள்ளார்.

ஞாயிறு, 31 மார்ச், 2013

பழநி அருகே 800 ஆண்டுகள் பழமையான கல்வெட்டு, சிலை, பீடம் கண்டுபிடிப்பு




பழநி அருகே 800 ஆண்டுகள் பழமையான கல்வெட்டு, சிலை, பீடம் கண்டுபிடிப்பு

பழநி: பழநி அருகே, வீரக்குளத்தில், 800 ஆண்டுகள் பழமையான கல்வெட்டு, சிலை, பத்ம பீடம் கண்டுபிடிக்கப்பட்டன. பழநி அருகே, ஆயக்குடி ஊர் எல்லையிலுள்ள, வீரக்குளத்தில், வரலாற்று ஆய்வாளர் கன்னிமுத்து, ஆசிரியர்கள் மூவர் கொண்ட குழு, ஆய்வு மேற்கொண்டது. அங்கு, 12ம் நூற்றாண்டை சேர்ந்த, அழிந்து போன கோவிலைக் குறிக்கும் கல்வெட்டுகள், சிலை, பத்ம பீடம் கண்டுபிடிக்கப்பட்டன. ஆய்வாளர் கன்னிமுத்து கூறியதாவது: வீரக்குளத்தில் அழிந்து போன கோவிலை குறிக்கும் கல்வெட்டுகள் கிடைத்தன. சில சிதைந்த நிலையிலும், 10 வரிகளைக்கொண்ட ஒரு கல்வெட்டும் கிடைத்துள்ளது. அது, கி.பி., 12ம் நூற்றாண்டை சேர்ந்தது. ஆயக்குடி பட்டளத்து விநாயகர் கோவிலுக்கு, பெரிய திருமண்டபம் அமைத்து கொடுத்த செய்தியை தெரிவிக்கிறது. குளத்தின் மதகு ஓரத்தில், கோவிலின் அழிந்து போன பகுதிகள் சிதறிக் கிடக்கின்றன. மயில் மேல் முருகன் அமர்ந்த நிலையில் உள்ள சிலை, பத்ம பீடம் ஆகியவையும், சேதமடைந்த நிலையில் உள்ளன. இங்கு தனிக்கோவில் இருந்ததா அல்லது ஆயக்குடி சோழீஸ்வரர் கோவிலைச் சேர்ந்த பகுதிகளா என்பது குறித்து, ஆய்வு நடக்கிறது. கல்வெட்டில், தேசி விநாயகப் பிள்ளையார், நானா தே திசை ஆயிரத்து ஐந்நூற்றுவர், ஆயிரவர் ஆகிய பண்டைய வணிகக் குழுக்களின் வார்த்தைகள் உள்ளன. "தேசி' என்ற வார்த்தை, வணிக குழுக்களுடன் தொடர்பு உடையது. இவ்வாறு, அவர் கூறினார்.
 

ஞாயிறு, 10 மார்ச், 2013

ஏரியை அழித்தால் நரகம்!

ஏரியை அழித்தால் நரகம்!






திருவண்ணாமலை பகுதியில் உள்ள கல்வெட்டுகள் குறித்து இந்திய தொல்பொருள் துறையின் கல்வெட்டு ஆய்வுத்துறை தென்சரக துணை கண்காணிப்பாளர் கே.கருப்பையா, தொல்லியல் ஆய்வாளர்கள் பேரா.ஆர்.சேகர், வெ.நெடுஞ்செழியன், கல்வெட்டு படியாளர் எஸ்.அழகேசன், ஆய்வு மாணவர் தேவேந்திரன் ஆகியோர் நடத்திய ஆய்வில், பெரியகோளாப்பாடி, சின்னகோளாப்பாடி, வாசுதேவன்பட்டு, படி அக்ரகாரம், ஓரந்தவாடி, நரசிங்கநல்லூர், சொ.நாச்சிப்பட்டு, கீழ்சிறுபாக்கம் ஆகிய கிராமங்களில் நடந்த ஆய்வில் சுவையான வரலாற்றுப் பின்னணி கொண்ட ஆயிரம் ஆண்டுகள் பழைமையான சோழர்கால கல்வெட்டுகள் மற்றும் நடுகல் கண்டெடுக்கப்பட்டுள்ளன. அச்சோழர்கால கல்வெட்டில் உள்ள எச்சரிக்கை வாசகம் குறித்த செய்தி இது...
ஏரியை உருவாக்கிய ஆவணமாக இவை அமைக்கப்பட்டுள்ளது. ""ஏரியை அழிப்பவர்கள் ஏழாம் நரகத்துக்கும் கீழான நரகத்துக்கும் போவார்கள். ஏரியைக் காப்பவர்களின் பாதங்கள் எனது தலையின் மேலிருக்கும்'' என அக் கல்வெட்டில் குறிப்பிடப்பட்டுள்ளதாம்.
இதுகுறித்து, ஆய்வாளர்கள் டாக்டர் கே.கருப்பையாவும், ஆர். சேகரும், ""தமிழ் வட்டெழுத்து வடிவில் கிடைத்துள்ள இந்தக் கல்வெட்டுகளில் உள்ள சொல்லாட்சி இதுவரை வேறு எங்கும் கிடைக்காதது. தமிழர்களின் வீரம், தானம், நீர்நிலை பாதுகாப்பு போன்றவற்றை உணர இவை முக்கியமானவை'' என்று கூறியுள்ளனர். 25-8-2009-இல் வெளியான நாளிதழ் செய்தி இது!

புதன், 19 டிசம்பர், 2012

முதலாம் இராசாதிராசன் கல்வெட்டு கண்டுபிடிப்பு!

முதலாம் இராசாதிராசன் கல்வெட்டு கண்டுபிடிப்பு!
தஞ்சாவூர்: அடஞ்சூர் அனந்தீஸ்வரர் கோவில், கர்ப்பக்கிரக கதவு அருகில், கருங்கல்லில், முதலாம் ராஜேந்திர சோழனின் மூத்த மகன், முதலாம் ராசாதிராசன் செதுக்கிய அரிய கல்வெட்டை, தஞ்சை ஆய்வாளர்கள் கண்டுபிடித்தனர். தஞ்சையிலிருந்து, 35 கி.மீ., தூரத்தில், திருக்காட்டுப்பள்ளி அருகே அடஞ்சூர் கிராமம் உள்ளது. இங்குள்ள, அனந்தீஸ்வரர் கோவிலில், முதலாம் ராஜேந்திர சோழனின், மூத்த மகனான ராசாதிராசனின் கல்வெட்டு, கண்டுபிடிக்கப்பட்டுள்ளது.
ஆய்வு : தஞ்சை கல்வெட்டு ஆய்வாளர்கள் மற்றும் வல்லுநர்கள் அடங்கிய குழு, அனந்தீஸ்வரர் கோவிலுக்கு சென்று, அங்குள்ள கர்ப்ப கிரக கதவின் கருங்கல் நிலையில் காணப்படும் கல்வெட்டை, படி எடுத்து ஆய்வு செய்தனர். அந்த கல்வெட்டு, முதலாம் ராஜேந்திர சோழனின் மூத்த மகன், முதலாம் ராசாதிராசன் கல்வெட்டு, என்பது ஆய்வில் உறுதியானது. இது குறித்து ஆய்வாளர்கள் கண்ணதாசன், தில்லை கோவிந்தராஜன், ஜெயராமன், அருணாசலம் ஆகியோர் கூறியதாவது: அனந்தீஸ்வரர் கோவிலில், கர்ப்பக்கிரக கதவு அருகே உள்ள கல்வெட்டில், "பாண்டியன் தலையும், சேரலஞ்சாலையும் இலங்கையும் தண்டாற் கொண்ட கோப்பரகேசரி பன்மரான கோ இராசாதிராச தேவர்க்கு யாண்டு பத்தாவது என, வாசகம் துவங்குகிறது. அதில், செதுக்கப்பட்டுள்ள மங்கள வாசகத்தை அறிய முடியவில்லை.
தானம்: இருப்பினும், பாண்டிய குலாசனி வளநாட்டு அடைஞ்சூர் குடி வென்றாழி கணங்குடி அனந்தீஸ்வர மகேஸ்வரக் கண்காணி, ஸந்தி விளக்கெரிக்க பொன் தானம் கொடுத்தது குறித்து அறிய முடிகிறது. அதாவது, முதலாம் ராசாதிராசன் ஆட்சி பொறுப்பேற்று, பத்தாவது ஆண்டில், அவருடைய ஆணையின்படி கோவிலை நிர்வாகம் செய்து வந்த கண்காணி என்பவர் மூலம், பொன் தானம் வழங்கப்பட்டுள்ளது. கதவின் இடதுபுறம் நிலைக் கல்லிலுள்ள கல்வெட்டு வாசகங்களின் தொடர்ச்சி, வலது புறத்திலுள்ள, மற்றொரு நிலைக்கல்லில் பொறிக்கப்பட்டுள்ளது. ராசாதிராசனின் கல்வெட்டுகளில் மெய்க் கீர்த்திகள் பொதுவாக, "திங்களேர் தருதன் எனவும், "திங்களேர் பெருவளர் எனவும் துவங்கும்.
பரகேசரி : இவ்வாறு, துவங்கும் கல்வெட்டுகளில், "கல்யாணபுரம் எறிந்த விஜய ராசேந்திரன் என்னும் பட்டமும், உடையாளூரில் காணப்படும் கல்வெட்டில், "இராசேந்திர இராசாதி ராசன் எனவும் காணப்படுவதால், தன் தந்தையின் மீதுள்ள அன்பால் ராசாதிராசன் பெயர்சூட்டிக் கொண்டுள்ளது தெரியவருகிறது. ஆனால், முதலாம் ராசாதிராசனின் மெய்க்கீர்த்தி முழுமையும் இடம்பெறாமல், "வெற்றிச்செய்தி மட்டுமே மேற்கண்ட கல்வெட்டில் இடம்பெற்றுள்ளது. சோழமரபுப்படி, முதலாம் ராசாதிராசனுக்கு ராசகேசரி என்னும் பட்டம் காணப்பட வேண்டும். ஆனால், கல்வெட்டில் பரகேசரி, என உள்ளது. விரிவாக ஆய்வு மேற்கொண்டால், மேலும் பல தகவல்கள் வெளியாகும். இவ்வாறு அவர்கள் கூறினர்.
Share  
Bookmark and Share

திங்கள், 15 அக்டோபர், 2012

2000 ஆண்டுகள் கடந்த பழநி வையாபுரி குளம்: கல்வெட்டில் தகவல்

2000 ஆண்டுகள் கடந்த பழநி வையாபுரி குளம்: கல்வெட்டில் தகவல் 

 தினமலர்
பழநி:பழநி வையாபுரி குளத்தில் 12 ம் நூற்றாண்டைச் சேர்ந்த, கல்வெட்டுகள் கண்டுபிடிக்கப்பட்டது. இந்த கல்வெட்டு மூலம் 2000 ஆண்டுகளுக்கு முன்பே வையாபுரிகுளம் பயன்பாட்டில் இருந்தது தெரியவந்துள்ளது. தற்போது இதில் கண்டெடுக்கப்பட்டுள்ள கல்வெட்டில் 37 வரிகளில் எழுத்துகள் பொறிக்கப்பட்டுள்ளது. அதில் "வையாபி நாட்டு, பழனியில் ஏரி அறிமுஞ்சு இக்குளம் இறங்கிடதமையில்' என்ற வார்த்தை மூலம் பழநியும்-வையாபுரி குளமும் பேரழிவை சந்தித்தன என்பதை நமக்கு தெரிவிக்கின்றன.

அந்தகாலத்தில் பழநியை ஆண்ட ராஜாராஜ குமாரபாலன் என்ற அரசனின் மனைவி "கூத்தன் அதியசோழி' என்ற பெண் தான், வையாபுரி குளத்தை தூர்வாரி மீண்டும் பயன்பாட்டிற்கு கொண்டு வந்தாள் என்ற செய்தியும் இதன் மூலம் நமக்கு தெரியவருகிறது.தொல்லியல் ஆய்வாளர் நாராயணமூர்த்தி கூறுகையில்;"800 ஆண்டு பழமையான கல்வெட்டில், பழநியாண்டவரின் வேல் பொறிக்கப்பட்டுள்ளது. இரண்டு கல்வெட்டில் ஒன்று அரசு அருங்காட்சியத்திற்கு வழங்கப்பட்டுள்ளது. மேலும் கல்வெட்டு குறித்த தகவல்கள் சேகரிக்கப்பட்டு வருகிறது,' என்றார்.






செவ்வாய், 31 ஜூலை, 2012

திருவாரூர் அருகே 1100 ஆண்டு பழமையுடைய கல்வெட்டுக்கள் கண்டெடுப்பு

திருவாரூர் அருகே 1100 ஆண்டு பழமையுடைய கல்வெட்டுக்கள் கண்டெடுப்பு

First Published : 31 Jul 2012 03:29:26 PM IST


திருவாரூர், ஜூலை 31: திருவாரூர் மாவட்டம் சீதக்கமங்கலத்தில் 1100 ஆண்டு பழமையான கல்வெட்டுக்கள் கண்டெடுக்கப்பட்டுள்ளன.திருவாரூர் மாவட்டம் குடவாசல் அருகே சீதக்கமங்கலம் என்ற கிராமத்தில் இருந்த பழைய சோழர் கால சிவாலயம் இடிந்து தரை மட்டமாக இருந்துள்ளது. அந்த ஆலயத்தைப் புதுப்பிப்பிக்க முன்னாள் ஊராட்சித் தலைவர் செ.இராமலிங்கம் மற்றும் ஊர்மக்கள் இணைந்து இடிபாடுகளைச் சீர்செய்தபோது மூன்று கல்வெட்டுக்கள் இருப்பது கண்டறியப்பட்டது.இதுகுறித்து கல்வெட்டு ஆராய்ச்சியாளர் குடவாயில் பாலசுப்ரமணியனுக்கு தகவல் தெரிவிக்கப்பட்டதையடுத்து அவர் மற்றும் ஆய்வாளர் சுந்தர் பரத்வாஜ், தமிழ்ப்பல்கலைக்கழகக் கண்காணிப்பாளர் முனைவர் பா.ஜம்புலிங்கம் ஆகியோர் ஆய்வு மேற்கொண்டனர்.அக்கல்வெட்டுக்கள் பற்றி குடவாயில் பாலசுப்ரமணியன் தெரிவிப்பது:  சீதக்கமங்கலத்தில் கிடைத்த கல்வெட்டுக்கள் காலத்தால் பழமையானது பராந்தக சோழனின் 5-ஆம் ஆண்டுக்குரியதாகும். இது கி.பி.912ஐக் குறிப்பிடுவதாகும். அதில் அவ்வூரின் பழம் பெயர் ஸ்ரீதொங்கமங்கலம் எனக் குறிக்கப்பட்டுள்ளது.நிலைக்கால் ஒன்றில் காணப்படும் மற்றொரு கல்வெட்டு இராஜராஜனின் 27-ஆம் ஆட்சியாண்டில் (கி.பி.1012) பொறிக்கப்பட்டது. அச்சாசனத்தில் அவ்வூருக்கு இரண்டு பெயர்கள் குறிக்கப்பட்டுள்ளது. ஸ்ரீதுங்கமங்கலம் என்னும் அபிமானபூஷண சதிர்வேதிமங்கலம் எனக் குறிக்கப்பெற்றுள்ளது.அபிமானபூஷணன் என்பது இராஜராஜனின் பட்டப்பெயராகும், நாகப்பட்டினத்தில் கடாரத்து (மலேசியா) அரசன் கட்டிக் கொண்டிருந்த பௌத்தக்கோயிலிக்கு மாமன்னன் இராஜராஜன் 97 வேலி நிலத்தைத் தானமாகக் கொடுத்து அதைச் செப் பேட்டில் சாசனமாகப் பதிவு செய்தான். அச்சாசனத்தில் கையொப்பமிட்ட துர்பில் ஸ்ரீதரபட்டன் என்பவர் ஸ்ரீதுங்கமங்கலத் தைச் சேர்ந்தவர் என்பது குறிப்பிடத்தக்கது, 1100 ஆண்டுகால அக்கோயிலைப் புதுப்பிக்க அவ்வூர் மக்கள் முன்வந்தது பாராட்டுக்குரியது என்றார் பாலசுப்பிரமணியன்.

சனி, 21 ஜூலை, 2012

புதுக்கோட்டை அருகே சங்கக் காலத் தமிழ்ப்பிராமி நடுகல்!

புதுக்கோட்டை அருகே சங்க காலத் தமிழ் பிராமி நடுகல்!



நடுகல்லை பார்வையிட்ட தமிழ்ப் பல்கலைக்கழக துணைவேந்தர் ம. திருமலை உள்ளிட்டோர். (உள்படம்) நடுகல்லில் உள்ள வரிகள்.
தஞ்சாவூர், ஜூலை 20: புதுக்கோட்டை அருகே சங்க காலத் தமிழ் பிராமி எழுத்துப் பொறிக்கப்பட்ட நடுகல்லை தஞ்சைத் தமிழ்ப் பல்கலைக்கழக மாணவர்கள் அண்மையில் கண்டெடுத்தனர்.  கி.பி. இரண்டாம் நூற்றாண்டைச் சேர்ந்த இந்த நடுகல்லை ஆய்வு செய்ததன் மூலம் பண்டைய தமிழகத்தில் வாழ்ந்த வேளாண், கால்நடை மேய்ப்புச் சமூக மக்கள் எழுத்தறிவு கொண்டவர்களாக இருந்துள்ளனர் என்பது உறுதியாகிறது என்கிறார் தமிழ்ப் பல்கலைக்கழகத் துணைவேந்தர் ம. திருமலை.  இதுகுறித்து அவர் வெள்ளிக்கிழமை மேலும் தெரிவித்தது:  இந்தப் பல்கலைக்கழகத்தின் கல்வெட்டியல் - தொல்லியல் துறையைச் சேர்ந்த ஆய்வு மாணவர்கள் த. தங்கதுரை, எஸ். பாண்டியன், அ. மோசஸ் ஆகியோர் புதுக்கோட்டை பகுதியில் கடந்த வாரம் கள ஆய்வு மேற்கொண்டனர்.  அப்போது, புதுக்கோட்டை மாவட்டம், பொற்பனைக்கோட்டைக்கு அருகே துணி துவைப்பதற்காகப் பயன்படுத்தப்பட்டு வந்த இந்த நடுகல்லை கண்டெடுத்தனர்.  இதையடுத்து, புதுவை பல்கலைக்கழகப் பேராசிரியர் க. ராஜன், இந்திய தொல்லியல் துறை தெற்கு வட்டார இயக்குநர் து. தயாளன் உள்ளிட்டோர் அதைப் பார்வையிட்டனர்.  இந்த நடுகல்லில் கி.பி. 2-ம் நூற்றாண்டைச் சேர்ந்த தமிழ் பிராமி (தமிழி) எழுத்துகள் இடம் பெற்றுள்ளன. இது இந்தியக் கல்வெட்டியலில் மிக முக்கியமானது. தமிழ் பிராமி எழுத்து பொறிக்கப்பட்ட 5-வது கல்வெட்டு இது.  நம் நாட்டிலேயே இதுவரை கண்டுபிடிக்கப்பட்ட நடுகல்களில் காலத்தால் முற்பட்ட நடுகல்களில் இதுவும் ஒன்று என்றார் அவர்.  இந்த நடுகல்லை பல்கலைக்கழகப் பேராசிரியர்கள் சு. ராசவேலு, ந. அதியமான், வி. செல்வகுமார், ம. பவானி, முன்னாள் பேராசிரியர் எ. சுப்பராயலு, கல்வெட்டு ஆய்வாளர் வெ. வேதாசலம் ஆகியோர் ஆய்வு செய்தனர்.  இதுகுறித்து ராசவேலு தெரிவித்தது:  தலா 2 அடி அகலம், நீளமுடைய இந்த நடுகல் முக்கோண வடிவில் உடைக்கப்பட்டு, எழுதப்பட்டுள்ளது. இதில் கோவென் கட்டிற் நெதிர, ணறு பொன்கொங்கர் விண்ணகோன், ஆ எறிஇத்து ஏவ அதவ்வனரு, அங்கபடைத தாணையன் கணங், குமரன் கல்  என 5 வரிகள் எழுதப்பட்டுள்ளன.  அதாவது, கோவன் கட்டி என்பவருக்கு அடுத்து வந்த பொன் கொங்கர் விண்ணகோன் காலத்தில் அதவன்னூரைச் சார்ந்த கணங்குமரன் என்பவர் ஆநிரைப் போரில் பசுக் கூட்டத்தைக் கைப்பற்றி இறந்தமைக்காக எடுக்கப்பட்ட நடுகல்.  கணங்குமரன் என்பவர் மெய்க்காவல் படைத் தலைவராகவும், கோட்டையைக் காக்கும் தலைவனாகவும் இருந்துள்ளது இந்தக் கல்வெட்டின் மூலம் தெரிய வருகிறது. தாணையன் என்பது கோட்டை அல்லது அரணைக் காக்கும் தலைவன் எனப் பொருள்படும். மேலும், அங்கப் படை என்பது அக்காலத்தில் இருந்த மெய்க்காவல் படையைக் குறிக்கும்.  இந்தக் கல்வெட்டு கண்டுபிடிக்கப்பட்ட பொற்பனைக்கோட்டை, சங்கக் காலத்தில் கோட்டைப் பகுதியாக இருந்துள்ளது. இப்போதும், இந்தக் கோட்டையின் இடிபாடுகள் காணப்படுகின்றன.  எனவே, இந்தக் கோட்டையைக் காக்கும் தலைவனாக இப்போரில் இறந்த கணங்குமரன் இருந்திருக்க வேண்டும்.  இந்த நடுகல் கல்வெட்டில் உள்ள தமிழ் பிராமி எழுத்துப் பொறிப்புகளின் அமைப்பைப் பார்க்கும் போது, அரச்சலூர், அம்மன்கோவில்பட்டி, பூலாங்குறிச்சிக் கல்வெட்டுகளுக்கு முற்பட்டதாக உள்ளது.  எழுத்தமைப்புப்படி, இது கி.பி. 2 ஆம் நூற்றாண்டாகவும், கரூர் அருகே புகலூரில் கண்டெடுக்கப்பட்ட முதலாம் நூற்றாண்டைச் சேர்ந்த சேரர் கல்வெட்டுக்குப் பிற்பட்டதாகவும் உள்ளது என்றார் அவர்.  இந்தக் கல்வெட்டில் இடம் பெற்றுள்ள கட்டி மரபினர் குறித்து அகநானூறில் உள்ள பாடல் வரிகள் மூலம் பல்கலைக்கழக இலக்கியத் துறைத் தலைவர் வ. குருநாதன் விளக்கினார். பின்னர், நடுகல்லை கண்டெடுத்த மாணவர்களையும், ஆய்வு செய்த பேராசிரியர்களையும் துணைவேந்தர் பாராட்டினார்.

ஞாயிறு, 26 டிசம்பர், 2010

இலங்கையில் பழைமையான தமிழ் கல்வெட்டு மாயம்?

 
யில் பழைமையான தமிழ் கல்வெட்டு மாயம்?

First Published : 29 Oct 2010 03:28:12 PM IST

Last Updated : 29 Oct 2010 03:33:54 PM IST
There is no tamil people alive around the world( Tamils mass mudered by ariyans)There no need Tamils language any more. Tammil would learn English is better and prosperous in the thier life becuase the people who say they are Tamils who asisisted mass mudered the pure Tamils.
By Indian
10/30/2010 3:33:00 AM
YE NEENGA YELLA SUMMARUNGA YENNA THEREU VUNGALUCKU RAJA RAJAN SAMATHE THEDUMBOTHU ABASAGUNAMA. ATTHA LAKCHA MACKALA KONNA VADU THEREALA KHAL VETTU KHAL KATTUNUKETTU ENTHERAN PADAM YEPUDEE.
By jagan
10/30/2010 1:13:00 AM
தடயங்களை அழிப்பதன் மூலம் அவர்களது எண்ணம் உலகத்தார்க்கு புரியட்டும்.அவரது ஒவ்வொரு செயலும் என்னுள் எரியும் நெருப்புக்கு நெய்.எரியும் நான் துரோகிகளை தூக்கி எறியும் நாள் சற்று தொலைவிலேயே.இலக்குவனார் வருந்த வேண்டாம்.நமது எண்ண ஓட்ட்ங்கள் நமக்கு வலிமை சேர்க்கும்
By ambalavanan
10/29/2010 9:08:00 PM
இந்த ரஜபக்சை நாஇ எல்லாம் ஆப்பிடிய கொலுதுனும்...
By AKNI (Tamilan)
10/29/2010 8:42:00 PM
மக்களையே மாயமாக்கும் இலங்கை - கூடடு நாடுகளுக்குக் கல்வெட்டுகளை மாயமாக்குவது ஒரு பெரிய வேலையா? வேதனையுடன் இலக்குவனார் திருவள்ளுவன். வேதனையான விசயம், "தமிழின துரோகிகள்" எதயும் செய்ய போவதில்லை!
By tamilan
10/29/2010 7:33:00 PM
systematic cleanising.... of history. once that is done, nothing will there for world to question singalese
By kirukkan
10/29/2010 5:03:00 PM
மக்களையே மாயமாக்கும் இலங்கை - கூடடு நாடுகளுக்குக் கல்வெட்டுகளை மாயமாக்குவது ஒரு பெரிய வேலையா? வேதனையுடன் இலக்குவனார் திருவள்ளுவன்
By Ilakkuvanar Thiruvalluvan
10/29/2010 4:25:00 PM
கல்வெட்டு மட்டுமா?
By gk
10/29/2010 3:59:00 PM
உங்கள் கருத்தைப் பதிவு செய்யுங்கள் *

வெள்ளி, 29 அக்டோபர், 2010

இலங்கையில் பழைமையான தமிழ் கல்வெட்டு மாயம்?

கொழும்பு, அக்.29- இலங்கையில் தொல்பொருள் துறையின் கட்டுப்பாட்டில் பாதுகாக்கப்பட்டு வந்த பழைமையான தமிழ் கல்வெட்டு காணாமல் போய்விட்டதாக பரபரப்பு தகவல்கள் வெளியாகியுள்ளன.அம்பாந்தோட்டை மாவட்டத்தின் திசமஹாராம பகுதியில் ஜெர்மனி அறிஞரால் கண்டுபிடிக்கப்பட்ட தமிழ் பிராமி எழுத்துகளைக் கொண்ட கல்வெட்டு திடீரென காணாமல் போயுள்ளது என்று இலங்கைத் தமிழ் இணையதளங்களில் செய்தி வெளியாகியுள்ளது.அம்பாந்தோட்டையில் பழங்கால துறைமுகத்துடன் தமிழர்களுக்கு இருந்த தொடர்புக்கு, காணாமல் போன கல்வெட்டு முக்கிய ஆதாரமாக இருந்தது என்று அந்த இணையதளச் செய்தியில் தெரிவிக்கப்பட்டுள்ளது.
கருத்துக்கள்

மக்களையே மாயமாக்கும் இலங்கை - கூடடு நாடுகளுக்குக் கல்வெட்டுகளை மாயமாக்குவது ஒரு பெரிய வேலையா? 
வேதனையுடன் இலக்குவனார் திருவள்ளுவன்
By Ilakkuvanar Thiruvalluvan
10/29/2010 4:25:00 PM
கல்வெட்டு மட்டுமா?
By gk
10/29/2010 3:59:00 PM
உங்கள் கருத்தைப் பதிவு செய்யுங்கள் *