fishermen.tamilnadu government லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
fishermen.tamilnadu government லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

செவ்வாய், 8 நவம்பர், 2011

மீனவர் மீது தாக்குதல்: இலங்கையுடன் கடுமையாகப் பேசுங்கள்:முதல்வர் செ.

 
 

சென்னை: ""தமிழக மீனவர்களுக்கு அச்ச உணர்வை ஏற்படுத்தி, மீன் பிடிக்க விடாமல் செய்ய வேண்டும் என்ற திட்டத்துடன், அவர்கள் மீது தாக்குதல் நடத்தப்படுகிறது. இலங்கை அரசுடன் பிரதமர் கடுமையாகப் பேச வேண்டும்'' என, பிரதமருக்கு எழுதியுள்ள கடிதத்தில், முதல்வர் வலியுறுத்தியுள்ளார்.

பிரதமர் மன்மோகன் சிங்குக்கு, முதல்வர் ஜெயலலிதா எழுதிய கடிதம்:பாக் ஜலசந்தி பகுதியில், தங்கள் பாரம்பரிய மீன்பிடித் தொழிலை, தமிழக மீனவர்கள் மேற்கொள்ளும்போது, இலங்கை கடற்படையினர் மற்றும் கூலிப்படையினர், தினமும் அவர்கள் மீது தாக்குதல் நடத்துவதால், மீனவர்களின் பாதுகாப்பு குறித்த மிகுந்த கவலையுடன், இக்கடிதத்தை எழுதுகிறேன்.இந்த அரசு பொறுப்பேற்றது முதல், தமிழக மீனவர்கள் மீது, இலங்கை அதிகாரிகள் தாக்குதல் நடத்துவது, சித்ரவதை செய்வது போன்ற சம்பவங்கள் அதிகரித்துள்ளது பற்றி, ஏற்கனவே தங்கள் கவனத்திற்குக் கொண்டு வந்திருந்தேன்.சென்னை வந்த, இந்திய வெளியுறவுத் துறை செயலர் ரஞ்சன் மத்தாயிடமும், நேரடியாக இதுபற்றி விளக்கியிருந்தேன். நியூயார்க்கில், இலங்கை அதிபரை தாங்கள் சந்தித்தபோது, இவ்விஷயம் பற்றி கவலை தெரிவித்ததாகவும், இதுபோன்ற சம்பவங்கள் பற்றி தீவிரமாக விசாரிப்பதாக, இலங்கை அரசு உறுதியளித்ததாகவும், எனக்கு எழுதிய கடிதத்தில் குறிப்பிட்டிருந்தீர்கள்.

ஆனால், தமிழக அரசு மற்றும் மத்திய அரசின் இதுபோன்ற கவலைகள் அனைத்தும், இலங்கை அரசைப் பொறுத்தவரை, செவிடன் காதில் ஊதியது போல, எவ்விதப் பலனும் அளிக்கவில்லை. கடந்த மே மாதத்தில் இருந்து, இதுவரை, 22 தாக்குதல் சம்பவங்கள், தமிழக மீனவர்கள் மீது நடந்துள்ளன.இதில், கடந்த மாதம் 10ம் தேதி, தங்களுக்கு நான் கடிதம் எழுதிய பின், ஆறு பெரிய தாக்குதல் சம்பவங்கள் நடந்துள்ளன.தமிழக மீனவர்கள், பாக் ஜலசந்தி பகுதியில், மீன்பிடித் தொழிலில் ஈடுபட விடாமல் தடுக்க வேண்டும் என்பதற்காக, அவர்களை அச்சமூட்டும் திட்டத்துடன், இலங்கை கடற்படையினரும், கூலிப்படையினரும் திட்டமிட்டு, ஒரே மாதிரியான தாக்குதலை நடத்தி வருவதாகத் தெரிகிறது.

கடும் நடவடிக்கை தேவை: மத்திய அரசிடம் தொடர்ந்து முறையிட்டும், வெளியுறவு ரீதியான முயற்சிகளை மேற்கொண்டும், இதுபோன்ற தாக்குதல்கள் தொடருவதால், தமிழகம் முழுவதும், மீனவ சமுதாயத்தினரிடம், மிகுந்த கவலையும், அசாதாரண சூழ்நிலையும் நிலவி வருகிறது.எனவே, இலங்கை அரசுக்கு எதிராக, கடுமையான நிலையை பிரதமர் எடுக்க வேண்டும். மீனவர்கள் மீது, இதுபோன்ற தாக்குதல் தொடரக்கூடாது என, கடுமையான வார்த்தைகள் மற்றும் நடவடிக்கைகள் மூலம், தங்களது கண்டனத்தைத் தெரிவிக்க வேண்டும்.இப்பிரச்னையை, தமிழகப் பிரச்னையாக ஒதுக்கிவிடாமல், தேசிய பிரச்னையாகக் கருத வேண்டுமென, ஏற்கனவே நான் குறிப்பிட்டுள்ளதை, மீண்டும் வலியுறுத்துகிறேன்.இவ்வாறு, ஜெயலலிதா தெரிவித்துள்ளார்.



வெள்ளி, 29 ஜூலை, 2011

தமிழக மீனவர்கள் தாக்கப்பட்டனர்: இலங்கைக் கடற்படையினரின் தொடரும் அட்டூழியம்

இனிமேல் தமிழகக் காவல்துறையே உரிய நடவடிக்கை எடுக்கும் எனத் தமிழக அரசு அறிவித்து  நடவடிக்கை எடுத்தால்தான் ஒரு திருப்பு முனை ஏற்படும். 
அன்புடன் இலக்குவனார் திருவள்ளுவன் / தமிழே விழி! தமிழா விழி! / எழுத்தைக் காப்போம்!  மொழியைக் காப்போம்! இனத்தைக் காப்போம்!

தமிழக மீனவர்கள் தாக்கப்பட்டனர்: இலங்கைக் கடற்படையினரின் தொடரும் அட்டூழியம்

First Published : 29 Jul 2011 02:28:03 AM IST


ராமேசுவரம்/வேதாரண்யம், ஜூலை 28: நடுக்கடலில் மீன் பிடித்துக் கொண்டிருந்த ராமேசுவரம் மற்றும் நாகை மீனவர்களைத் துப்பாக்கியைக் காட்டி மிரட்டி இலங்கை கடற்படையினர் விரட்டியடித்தனர். இரு வேறு சம்பவங்களில் புதன்கிழமை இரவும், வியாழக்கிழமையும் இந்த அத்துமீறலால் மீனவர்கள் பாதிக்கப்பட்டனர். இலங்கைக் கடற்படையினரின் தாக்குதலில் ராமேசுவரத்தைச் சேரந்த முனியசாமி என்ற படகு டிரைவருக்குக் கன்னத்தில் காயம் ஏற்பட்டது. மேலும், 4 படகில் இருந்த இறால் மீன்களையும் கடற்படையினர் பறித்துக் கொண்டனர். இனிமேல் அப்பகுதியில் மீன்பிடிக்க வரக்கூடாது என்று எச்சரித்து அவர்களை விரட்டியடித்துள்ளனர். இதுகுறித்து செய்தியாளர்களிடம் ராமேசுவரம் மீனவர்கள் கூறியதாவது:ராமேசுவரத்தில் இருந்து ஜூலை 27-ம் தேதி சுமார் 400 விசைப்படகுகளில் கடலுக்கு சென்றனர். ராமேசுவரம் படகுகள் அனைத்தும் இந்திய-இலங்கைக் கடல் எல்லைப் பகுதியில் மீன் பிடித்துக் கொண்டிருந்த போது 3 கப்பல்களில் ரோந்து வந்த இலங்கைக் கடற்படையினர் துப்பாக்கியைக் காட்டி மிரட்டி திரும்பிச் செல்லும்படி விரட்டினர்.அதையடுத்து, வலைகளை படகில் வைத்துக்கொண்டு கரை நோக்கி திரும்பத் துவங்கினோம். அப்போது, ராமமூர்த்தி என்பவரது படகு உள்பட 4 படகுகளில் இருந்த இறால் மீன்களையும் பறித்துக் கொண்டு படகில் இருந்த மீனவர்களையும் அவர்கள் தாக்கினர். அதையடுத்து, அப்பகுதியில் மீன் பிடிக்க முடியாமல் கரைக்குத் திரும்பினோம் என்று மீனவர்கள் தெரிவித்தனர்.நாகை மீனவர்களின் வலைகள் துண்டிப்பு: முன்னதாக, நாகை மாவட்டம் கோடியக்கரை அருகே கடலில் மீன் பிடித்துக் கொண்டிருந்தத் தமிழக மீனவர்களின் வலைகளைத் துண்டித்து 3 மீனவர்களை இலங்கைக் கடற்படையினர் புதன்கிழமை இரவு விரட்டியடித்தனர்.நாகை மாவட்டம், வேதாரண்யத்தை அடுத்த புஷ்பவனம் மீனவர் காலனி பகுதியைச் சேர்ந்த ரெ. முருகச்செல்வன், சு. காஞ்சியப்பன், மு. துரை (35) மூவரும் கோடியக்கரையிலிருந்து தென்கிழக்குத் திசையில் கடலில் மீன் பிடித்துக் கொண்டிருந்தனராம்.அப்போது அங்கு படகில் வந்த இலங்கைக் கடற்படையினர் அவர்களுடைய வலைகளைத் துண்டித்து விட்டு விரட்டியடித்தார்களாம். துண்டிக்கப்பட்ட 4 வலைகளின் மதிப்பு சுமார் ரூ. 1 லட்சத்து 50 ஆயிரம் எனக் கூறப்படுகிறது.கரைக்குத் திரும்பிய மீனவர்களிடம் வேதாரண்யம் வட்டாட்சியர் அ. அசோகன், சட்டப்பேரவை உறுப்பினர் என்.வி. காமராஜ் மற்றும் கடலோரக் காவல் நிலைய போலீஸார், தனிப் பிரிவு, உளவுப் பிரிவு, மீன்வளத் துறை அலுவலர்கள் ஆகியோர் விசாரணை மேற்கொண்டனர்."தமிழக மீனவர்கள் மீதான இலங்கைக் கடற்படையினரின் அட்டூழியம் தொடர்கதையாகிவிட்டது. இதனால், மீன் பிடிக்கச் செல்ல முடியாத நிலையில் நாங்கள் வாழ்வாதாரத்தை இழந்துள்ளோம். இப்பிரச்னை குறித்து இலங்கை அரசிடம் மத்திய அரசு பலமுறைப் பேச்சு நடத்தியும் எந்தப் பயனும் ஏற்படவில்லை' என்று மீனவர்கள் சுட்டிக்காட்டினர்.

செவ்வாய், 22 பிப்ரவரி, 2011

dinamani editorial about tamil fishermen: தலையங்கம்: என்று தணியும் இந்த சோகம்?


எல்லாமே சரியாகத்தான் உள்ளன.  <இனி அவர்கள் சுட மாட்டார்கள் என்பது உறுதி.>என்னுமிடத்தில் தமிழகத் தேர்தல் முடியும் வரை என்று சேர்த்திருந்தால் மிகவும் சரியாக  இருந்திருக்கும். தமிழக மீனவர்களைக் கொன்றது யார் எனத் தெரியவில்லை என்ற நடித்த சிங்கள நாடகத்தின் ஒரு பகுதியாக இலங்கைத்தமிழ் மீனவர்கள் மீது பழி போடும் நாடகக் காட்சி அரங்கேறுகிறது. நாடகத்தால் சிங்களத்திற்கும் இந்தியத்திற்கும் பொழுது போகும். இனியும் மீனவர்களின் உயிர்களும் போகும்! 
வேதனையுடன் இலக்குவனார் திருவள்ளுவன்

தலையங்கம்: என்று தணியும் இந்த சோகம்?


இலங்கை ராணுவத்தால் கைது செய்யப்பட்ட தமிழக மீனவர்கள் 136 பேரும் தமிழ்நாடு வந்து சேர்ந்துவிட்டனர். சிறைப்பிடிக்கப்பட்ட படகுகளும் கரை திரும்பின. ஆனால், இன்னும் கடலிலேயே திக்குத் தெரியாமல் மிதக்கிறது பிரச்னை!  இம்முறை நடைபெற்ற சம்பவங்களில் இரண்டு புதிய போக்குகளை நாம் கவனித்தாக வேண்டியுள்ளது. முதலாவதாக, இலங்கைக் கடற்படை நம்மவர்கள் மீது துப்பாக்கிச் சூடு நடத்தவில்லை. தமிழக மீனவர்கள் கைது செய்யப்பட்டு, யாழ்ப்பாணத்துக்குக் கொண்டு செல்லப்பட்டது குறித்துக் கருத்துத் தெரிவித்த கடலோரக் காவல்படையின் கிழக்குப் பிராந்தியத் தலைவர், "இவர்கள் மீது துப்பாக்கிச் சூடு நடத்தாமல் அவர்களைக் கைது செய்தது வரவேற்கத்தக்கது. இதைத்தான் நாங்களும் வலியுறுத்தி வருகிறோம்' என்று குறிப்பிட்டிருக்கிறார்.  இரண்டாவதாக, கடந்த ஒரு வாரத்தில் இரண்டு முறை நடைபெற்ற கைது நடவடிக்கைகளில், தமிழக மீனவர்களே ஒப்புக்கொள்வதைப்போல, இலங்கைத் தமிழ் மீனவர்கள்தான் தமிழக மீனவர்களைச் சுற்றி வளைத்துக் கொண்டுபோய் இலங்கை காவல்துறையிடம் ஒப்படைத்துள்ளனர். இதனைப் பார்க்கும்போது இலங்கை ராணுவம் நேரடியாக இந்தப் பிரச்னையில் தலையிடாது என்பதையும், தமிழக மீனவர்களை இலங்கைத் தமிழ் மீனவர்களைக் கொண்டே மடக்கிக் கொண்டுவரும் புதிய போக்கினை இலங்கை அரசு கையாளத் தொடங்கியுள்ளது என்பதும் வெளிப்படை. இவர்கள் இலங்கைத் தமிழ் மீனவர்களா அல்லது அந்தப் போர்வையில் மறைந்துவரும் ராணுவத்தினரா என்கிற சந்தேகங்கள் எழுப்பப்பட்டாலும்கூட, இனி அவர்கள் சுட மாட்டார்கள் என்பது உறுதி.  உலக அளவில் நன்மதிப்பைப் பெறுவதற்காக இத்தகைய மென்மையான நடவடிக்கையை இலங்கை அரசு தொடர்ந்து மேற்கொள்ளக்கூடும். இந்த மென்மையான நடவடிக்கைகள் தமிழக அரசியல் ஆவேசங்களை மழுங்கடித்துவிடும்போது, கைது செய்யப்படும் மீனவர்கள் உடனே விடுவிக்கப்படும் கட்டாயங்களும் மெல்ல மறைந்துபோகும். மீனவர்கள் கைது செய்யப்பட்ட தகவல்கூட, அவர்கள் ஊர் திரும்பும்வரை, காணாமல்போனதாகவே கருத வேண்டிய சூழல்களும்கூட உருவாகலாம்.  இது மிகமிக மோசமான நிலைமை. இலங்கை ராணுவத்தால் வெளிப்படையாகச் சுடப்பட்டு இறக்கும்போது, குடும்பத்துக்கு இழப்பீட்டுப் பணம் கிடைக்கும், அரசு வேலை கிடைக்கும். காணாமல் போனால் எதுவுமே கிடைக்காது.  தங்களை வலுக்கட்டாயமாக எஜமானர்கள் இலங்கைக் கடற்பரப்பில் மீன்பிடிக்கச் சொன்னதாகவும் அதனால்தான் தாங்கள் எல்லை கடந்து சென்றதாகவும் கரைதிரும்பிய மீனவர்கள் கூறியுள்ளனர். இதன் அடிப்படையில், நாகை அக்கரைப்பேட்டையில் நடந்த மீனவ கிராமத்தார் பஞ்சாயத்தில் ஒரு தீர்மானம் போடப்பட்டுள்ளது. அதாவது, இலங்கை வாழ் தமிழ் மீனவர்களின் வாழ்வாதாரத்தைக் கருத்தில்கொண்டு நாகை தாலுகா மற்றும் காரைக்கால் பகுதி மீனவர்கள் இலங்கைக் கடற்பரப்பில் மீன்பிடித் தொழில் மேற்கொள்ளக்கூடாது. மீறினால், இலங்கைக் கடற்பரப்பில் பிடித்த மீன்களின் மொத்த விற்பனைத் தொகையை மீனவப் பஞ்சாயத்தில் அபராதமாகச் செலுத்த வேண்டும். அந்தப் படகு ஒரு மாத காலம் கடலுக்குள் செல்ல அனுமதிக்கப்பட மாட்டாது என்பதுதான் அது.  இது முழுக்க முழுக்க மீன்படகு உரிமையாளர்கள் தொடர்பான தீர்மானங்கள் என்பதும், இப்படியொரு கிராமப் பஞ்சாயத்து நடைமுறையில் இருக்கிறது என்றால், இவர்கள் ஏன் இதுவரை இலங்கை ராணுவத்தால் மீனவர்கள் தாக்கப்பட்டபோது, அவர்கள் குடும்பத்துக்கு நிதியுதவி செய்ய முன்வரவில்லை என்பதும், இப்படியாக அவர்களாகவே தீர்மானித்துக்கொள்ளவும் அபராதம் போட்டுக்கொள்ளவும் முடியும் என்றால், தமிழக அரசின் நிலைப்பாடுதான் என்ன என்ற கேள்வியை எழுப்புகிறது. வெறுமனே ரூ. 5 லட்சத்தை அமைச்சர்கள் மூலமாகக் கொடுத்துவிட்டு வந்துவிடுவது மட்டும்தான் தமிழக அரசின் பணியாக இருக்க முடியுமா?  இப்படியொரு மீனவ கிராமப் பஞ்சாயத்துத் தீர்ப்புகள் குறித்து அரசுக்குத் தெரியுமா, தெரியாதா? கட்டுப்பாடும் அபராதமும் தமிழக அரசு செய்ய வேண்டிய வேலையா அல்லது பஞ்சாயத்தின் அல்லது சங்கத்தின் வேலையா? திருப்பிக் கொடுக்கப்பட்ட படகுகள் அனைத்திலும் கண்ணாடிக் கதவுகள் அனைத்தும் அடித்து நொறுக்கப்பட்டிருந்தன என்று சொல்லப்படுகிறது. ஆனால், இதுகுறித்து படகு உரிமையாளர்கள் கூக்குரல் எழுப்பவில்லை. ஆழிப்பேரலைத் துயரத்தின்போது தெரியவந்த கசப்பான உண்மை, மிகச் சில மீன்பிடி படகுகள் மட்டுமே காப்பீடு செய்யப்பட்டவை என்பதாகும். இந்தப் படகுகளிலும் பெரும்பாலானவை காப்பீடு செய்யப்பட்டிருக்காது. ஆனால், இதுகுறித்து அவர்கள் எதிர்ப்புக்கூடத் தெரிவிக்கவில்லை என்றால், மீன்பிடி படகு உரிமையாளர்களால்தான் அப்பாவி மீனவர்கள் இலங்கைக் கடற்பரப்புக்குச் சென்று உயிரிழந்திருக்கிறார்கள் என்பது தெளிவாகிறது. இந்தப் படகு உரிமையாளர்களைக் கட்டுப்படுத்தும் நடவடிக்கையில் தமிழக அரசு ஏன் இதுவரை ஆர்வம்காட்டவில்லை?  இலங்கை அரசு புதிய நடைமுறையைக் கையில் எடுத்துக்கொண்டிருக்கும் இந்த வேளையில், தமிழக அரசு உடனடி நடவடிக்கையாக பெரிய மீன்பிடி படகுகள், சிறு மீன்பிடி படகுகள் எவையெவை என்று இனம் பிரித்து, அவற்றுக்கு ஜிபிஎஸ் பொருத்திக் கண்காணிக்க வேண்டியதும், இந்தப் படகுகள் இலங்கைக் கடற்பரப்பில் நுழைந்தால் "பீப்' ஒலிக்கும் கைப்பேசி வசதிகளை அளிக்கவும் உடனடியாக நடவடிக்கை எடுக்க வேண்டும்.  கச்சத்தீவை மீட்கும் போராட்டம் ஒருபுறம் இருக்க, இந்திய மீன்பிடி கடற்பரப்பை இலங்கை சில கடல் மைல்களுக்கு விட்டுக் கொடுக்க வேண்டும் என்பதையும் இந்தியா மூலமாக நிர்பந்திக்க வேண்டிய அவசியம் தமிழகத்துக்கு இருக்கிறது.  அறிக்கைகள் விடுவதும், கடிதங்கள் எழுதுவதும் கடலில் விடப்படும் காகித ஓடங்கள்தான் என்பது முதல்வருக்குத் தெரியாதா என்ன? தேர்தல் வர சில மாதங்கள்தான் இருக்கின்றன. இந்த அரசு தனது ஐந்தாண்டுப் பதவிக் காலத்தைப் பூர்த்தி செய்யும்போது, அப்பாவி மீனவர்களின் வாழ்வாதாரத்தைப் பாதுகாத்த பெருமையுடன் தேர்தலைச் சந்திக்க நேர்ந்தால், ஆயிரக்கணக்கான மீனவர் குடும்பங்கள் வாழ்த்தும்!  

செவ்வாய், 2 நவம்பர், 2010

இலங்கை கடற்படையினர் தாக்கி 15 மீனவர்கள் காயம்


ராமேஸ்வரம், நவ.2: சர்வதேச கடல் எல்லை அருகே மீன்பிடித்துக் கொண்டிருந்த தமிழக மீனவர்கள் மீது இலங்கை கடற்படையினர் இன்று அதிகாலை நடத்திய தாக்குதலில் 15 பேர் காயமடைந்தனர்.இப்பகுதியில் சுமார் 600 இயந்திரப் படகுகளில் மீனவர்கள் மீன்பிடித்து வருகின்றனர். இலங்கை கடற்படையினர் தாக்கியதால் மீனவர்கள் அனைவரும் ஒரு மீன்கூடப் பிடிக்காமல் திரும்பியதால் படகு உரிமையாளர்கள் அனைவருக்கும் ரூ 5,000 முதல் ரூ 10,000 வரை இழப்பு ஏற்பட்டுள்ளது என தமிழக கடலோர மீனவர்கள் சங்கத் தலைவர் என்.ஜே.போஸ் தெரிவித்தார்.கோடிக்கணக்கான ரூபாயில் அந்நியச் செலாவணியை மீனவர்கள் பெற்றுத்தந்தாலும், அவர்களை அரசு பாதுகாப்பதில்லை என போஸ் குற்றம்சாட்டினார்.
கருத்துகள்

உடனடியாகக்
கண்டன அறிக்கை விட வேண்டும். வீர மரணம் அடையச் செய்து சிவஉலகப் பதவியோ வைகு்ண்ட உலகப் பதவியோ கிடைக்க இருந்த வாய்ப்பைத் தட்டிப் பறிக்கும் வகையில் ஏனோதானோ என்று சுட்டதற்கு - இப்படி வேண்டும் என்றால் கொலைக்கூட்டணிக் கட்சியினர் எண்ணுவார்களே தவிர, இந்தியக் குடிமக்கள் உயிரைப் பறிக்கும் உடலுக்கு ஊறு ஏறபடுத்தும் சிங்களத்திற்கு எதிராகச் சிறு அசைவைக் கூட ஏற்படுத்த மாட்டார்கள். சிங்கள அரசின் இறையாண்மையைக் கட்டிக்காப்பதுதானே நம் கடமை. எனவே, இப்படிச் சுட்டிக்காட்டுவதைக்கூட மடமையாக எண்ணுவார்கள்.ஆதலின், தமிழர் நலனில் கருத்து செலுத்தும் ஆட்சியே மத்தியில் அமைய வேண்டும். 
அன்பன் இலக்குவனார் திருவள்ளுவன்
By Ilakkuvanar Thiruvalluvan
11/2/2010 4:24:00 PM
Now the best thing the fishermen can do to defend themselves is to carry heavy weapons and finish off all the naval forces of srilanka so that you can fish easily everywhere. God created the world without boundary
By Aishath Adam
11/2/2010 4:12:00 PM
Tamils had respect throughout the world as long as Prabhakaran and people like veerapan were alive. Veerapan was killed because he was a threat to all the corrupt politicians and he was smuggling sandalwood. How are we going to kill the ministers and under what pretext spectum scandal, common wealth swindling etc.? So the law is used only against the weaker and powerless ones in India, correct?
By Aishath Adam
11/2/2010 4:06:00 PM
It is shame that Tamils can not protect themselves from these animals who intellectually and physically are inferior. Tamils have become slaves to the politicians. Non-violence will not help with anyone in the modern world
By Onion Miranda
11/2/2010 3:56:00 PM
இதை ஒரு பெரிய செயிதி என்ரு போடுகிரார்கல்.செததாலே கேட்க ஆலில்லை.
By anandan
11/2/2010 3:55:00 PM
மானம் கெட்ட தமிழைர்கல் உனரைட்டும் இப்பொல்ல்ழுதாவது
By Jim Tolstoy
11/2/2010 3:53:00 PM
Let Karunanithi,Sonia, Thanga Balu, Ellangovan, Chidambaram speak now! It is time for the Tamils who votes these wolves to pay them back in the same coin
By John Christopher
11/2/2010 3:47:00 PM
This Central & state Government will do nothing for Fishermen, Both Karunanithi & Sonia slaves of Rajabaki, if there is no revolution no enhancement for fishermen.
By indian
11/2/2010 2:21:00 PM
Fishermen should have weapons when they are going to fishing. They do not have other way. This government will kill all the tamils in Tamilnadu and Eelam.
By Puravi
11/2/2010 2:16:00 PM
This govt is only interested in jailing people who speak for tamil/tamil fishermen rights. Some times I wonder if we are lving in srilanka ! (karunanidhi and sonia are assistants of rajapakse)
By Karthik
11/2/2010 12:58:00 PM
உங்கள் கருத்தைப் பதிவு செய்யுங்கள்

செவ்வாய், 20 ஜூலை, 2010

இங்கிலாந்தின் பிரபலமான மொழிகள் பட்டியலில் தமிழ்


லண்டன், ஜூலை 20- இங்கிலாந்தில் ஆங்கிலம் தவிர்த்த மிகப் பிரபலமான 10 மொழிகள் பட்டியலில் தமிழ் இடம்பெற்றுள்ளது.
இத்தகவலை லண்டன் பெருநகர காவல்துறை தெரிவித்துள்ளது.
லண்டன் காவல்துறையின் அவசர உதவிக்கான எண்களில் தினமும் சுமார் 8 ஆயிரம் பேரும், சாதாரண விசாரணை அழைப்புகளில் 12 ஆயிரம் பேரும் தமிழில் பேசுவதாக தெரிவிக்கப்பட்டுள்ளது.
லண்டனில், ஆங்கிலம் அல்லாத முக்கிய மொழிகளில் காவல்துறையினரிடம் பேச சிறப்பு வசதி செய்யப்பட்டுள்ளது. அந்த வகையில் பொதுமக்களால் அதிகம் பயன்படுத்தப்படும் 10 மொழிகள் விபரம்:
1. தமிழ்
2. பிரெஞ்சு
3. ரோமன்
4. பஞ்சாபி
5. துருக்கி
6. பெங்காலி
7. ஸ்பானிஷ்
8. சோமாலி
9. போலந்து
10. போர்ச்சுகல்
கருத்துக்கள்

தமிழ்நலம் நாடும் தினமணியே !தமிழ் உயிர் எழுத்துகளைத் தொலைத்து விட்டுத் தமிழல்லாத 5 எழுத்துகளைத் தமிழ் எழுத்துகளுடன் சேர்த்து வெளியிட்டதன் காரணம் என்னவோ! உடனே அவற்றை நீக்க வேண்டுகிறேன். 
அன்புடன் இலக்குவனார் திருவள்ளுவன், 
தமிழ் எழுத்துப் பாதுகாப்பு இயக்கம்
By Ilakkuvanar Thiruvalluvan
7/20/2010 3:35:00 PM
நம்மை அடிமைப்படுத்திய நாட்டில் ஏறத்தாழ நாள்தோறும் 20 ஆயிரம்பேர் காவல்துறையுடன் தமிழிலேயே பேச முடிகிறது. விடுதலை அடைந்த நம் நாட்டில்அவ்வாறு தமிழில் பேசுவோர் 200 பேர் இருப்பினும் தமிழில் விடை சொல்வோர் 20பேராகவாவது இருப்பார்களா என்பது ஐயமே! செம்மாழி மாநாடு தொடர்பான விண்ணப்பங்கள் ஆங்கிலத்தில்! பொது நூலக விண்ணப்பங்கள் ஆங்கிலத்தில்! மாநகராட்சி விண்ணப்பங்கள் ஆங்கிலத்தில்! என எங்கும் எதிலும் ஆங்கிலமே ஆட்சி செய்யும் நாட்டின் அதிகாரப்பீடம் என்று திருந்துமோ எனத் தெரியவில்லை. வேதனையுடன் இலக்குவனார் திருவள்ளுவன்
By Ilakkuvanar Thiruvalluvan
7/20/2010 3:30:00 PM
இது என்ன பெருமையோ? தமிழர்கள் அகதிகளாக போனவர்களால் ஏற்பட்ட நிலை என எண்ணுகிறேன்.
By செம்மொழியான்
7/20/2010 3:21:00 PM
உங்கள் கருத்தைப் பதிவு செய்யுங்கள்

திங்கள், 12 ஜூலை, 2010

அதிமுக ஆட்சியில் தமிழக மீனவர்கள் மீது தாக்குதல் ஜெயலலிதா என்ன செய்தார்?: கருணாநிதி கேள்வி
First Published : 11 Jul 2010 02:39:16 AM IST
++++++++++++++++++++++++++++++
அ.தி.மு.க. செய்யவி்ல்லை; ஒன்றும் செய்யாது என்பது அனைவரும் அறிந்ததே! ஆனால், தி.மு.க. செய்யும் ;அதன் தலைவர் தமிழினக் காவலர் என மக்கள் நம்புகிறார்களே! அப்படி நம்புகின்றவர்களுக்காகவாவது எதுவும் செய்ய் வேண்டாமா? வங்கதேசம் உருவாகும் முன்னர் கிழக்குப் பாகிசுதானில் வங்க மக்கள் துயருற்ற பொழுது வங்க முதல்வர் மத்திய அரசிற்கு மடலா எழுதிக் கொண்டிருந்தார். மத்திய அரசு வங்க மக்களுக்கு உதவாவிட்டால் வங்க மாநிலமே நேரடியாகக் காவல்துறையை அனுப்பி ஆவன செய்யும் என எச்சரிக்கை விட்டார் அல்லவா? மத்திய அரசு அதற்குப் பணிந்தது அலலவா? தமிழ்நாட்டு முசிபூர் இரகுமானிடம் அவ்வாறு எதிர்பார்ப்பதது தவறா? தமிழர் நலனில் கருத்து செலுத்தாத அரசு இருநதாலென்ன? இல்லாதொழிந்தால் என்ன? என்று மக்களை எண்ணச் செய்யும் பாதைக்கு முதல்வரே தள்ளிவிடலாமா? மத்திய அமைச்சரவைக் கூட்டத்திலாவது தி.மு.க. அமைச்சர்கள் கடுமையாக எதிர்ப்பைக் காட்டி மத்திய அரசை நல்வழிப்படுத்தலாம் அல்லவா? அவ்வாறெல்லாம் செய்ய முடியும்;ஆனாலும் முடியாது என்ற போக்கு சரிதானா? வேதனையுடன் இலக்குவனார் திருவள்ளுவன்
By Ilakkuvanar Thiruvalluvan
7/12/2010 3:33:00 AM