died லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
died லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

புதன், 10 அக்டோபர், 2012

மாணவன் பலி: பத்மா சேசாத்ரி பள்ளி நிருவாகிகள் மீது பிணையில் வர முடியா வழக்கு

நீச்சல் குளத்தில் மூழ்கி மாணவன் பலி: பத்மா சேசாத்ரி பள்ளி நிருவாகிகள் மீது  பிணையில்  வர முடியாத வகையில் வழக்கு
நீச்சல் குளத்தில் மூழ்கி மாணவன் பலி: பத்மா சேஷாத்ரி பள்ளி நிர்வாகிகள் மீது ஜாமீனில் வர முடியாத வகையில் வழக்கு
சென்னை, அக். 10-

சென்னை கே.கே.நகர் பத்மா சேஷாத்ரி பாலபவன் பள்ளி மாணவன் ரஞ்சன். பயிற்சியின்போது நீச்சல் குளத்தில் மூழ்கி பலியானான். இதுபற்றி கே.கே.நகர் போலீசார் வழக்குப்பதிவு செய்து, நீச்சல் பயிற்சியாளர், பள்ளி நிர்வாகி ஷீலா ராஜேந்திரன் உள்பட 5 பேரை கைது செய்தனர். இவர்கள் மீது ஜாமீனில் வெளிவரக்கூடிய 304(ஏ) பிரிவில் போலீசார் வழக்குப் பதிவு செய்து இருந்தனர்.

இந்நிலையில் இச்சம்பவம் தொடர்பாக வக்கீல்கள் கார்த்திக் ராஜா, புகழேந்தி மற்றும் வாராஹி ஆகியோர் ஐகோர்ட்டில் பொதுநல வழக்கு தொடர்ந்தனர். அதில், பத்மா சேஷாத்ரி பள்ளியில் உள்ள நீச்சல் குளத்தை உடனடியாக மூடவேண்டும். சம்பவத்துக்கு காரணமான பள்ளி நிர்வாகிகள் மீது ஜாமீனில் வெளிவர முடியாத 304(2) பிரிவின்கீழ் வழக்குப்பதிவு செய்ய வேண்டும். உயர்மட்ட கமிட்டி அமைத்து பள்ளி குழந்தைகளின் பாதுகாப்பு குறித்து ஆய்வு நடத்தி அறிக்கை தாக்கல் செய்ய வேண்டும் என்று குறிப்பிட்டு இருந்தனர்.

இந்த மனுவை தலைமை நீதிபதி இக்பால், நீதிபதி சிவஞானம் ஆகியோர் விசாரித்தனர். இன்று வழக்கு விசாரணையின்போது இன்ஸ்பெக்டர் மோகன்ராஜ் சார்பில் பதில் மனு தாக்கல் செய்யப்பட்டது.

அதில், இச்சம்பவம் தொடர்பாக 105 பேரிடம் விசாரணை நடத்தி உள்ளோம். பள்ளி துணை முதல்வர் ஷீலா ராஜேந்திரன் கைது செய்யப்பட்டு ஜாமீனில் வெளிவந்துள்ளார். நீச்சல் குளம் அமைப்பது தொடர்பாக தமிழ்நாடு விளையாட்டு மேம்பாட்டு ஆணையத்திடம் இருந்து தடையில்லா சான்றிதழ் பெறவில்லை. நீச்சல் குளத்தில் இருக்க வேண்டிய பாதுகாப்பு உபகரணங்கள் இல்லை.

நீச்சல் குளம் கட்டுவதற்கு சி.எம்.டி.ஏ.விடம் திட்ட அனுமதி பெறவில்லை. எனவே இந்த வழக்கில் சட்டப்பிரிகளில் மாற்றம் செய்ய கேட்டு சைதாப்பேட்டை கோர்ட்டில் மனு தாக்கல் செய்யப்பட்டுள்ளது. உள்நோக்கம் இல்லாமல் மரணம் விளைவித்தல் 304(2) என்ற பிரிவுக்கு மாற்ற முடிவு செய்துள்ளோம். எனவே பள்ளி நிர்வாகிகளுக்கு வழங்கப்பட்ட ஜாமீனை ரத்து செய்ய கேட்டு அவர்களுக்கு நோட்டீசு அனுப்பப்பட்டு உள்ளது.

இவ்வாறு அதில் கூறப்பட்டு உள்ளது.

இதையடுத்து வழக்கு விசாரணை தள்ளி வைக்கப்பட்டது.

செவ்வாய், 9 அக்டோபர், 2012

உலகின் மிகு அகவை மூதாட்டி மரணம் - world old age woman passes away

 உலகின்  மிகு அகவை மூதாட்டி மரணம்

இலண்டன்: ஜார்ஜியா நாட்டைச் சேர்ந்த, 132 வயது பெண் இன்று காலமானார்.முன்னாள் சோவியத் யூனியனில் இருந்து உடைந்த நாடு ஜார்ஜியா. இந்த நாட்டைச் சேர்ந்தவர் அன்டிசா க்விசாவா. 132 வயதான அன்டிசா, உலகின் மிக அதிக வயதான பெண்ணாகக் கருதப்பட்டார். இரண்டு உலகப் போர்களை கண்ட அன்டிசா, 1880ம் ஆண்டு, ஜூலை 8ம் தேதி, பிறந்தவர். 1965ம் ஆண்டு வரை, இவர், தேயிலை பறிக்கும் வேலையைச் செய்து வந்துள்ளார்.இவரது, 60 வயதில் பிறந்த மகன் மைக்கேலுக்கு தற்போது, 72 வயதாகிறது. 12 பேரக்குழந்தைகளும், 18 கொள்ளுப் பேரக்குழந்தைகளும் இவருக்கு உள்ளனர். தினமும் கொஞ்சம், பிராந்தி அருந்துவதை, இவர் பழக்கமாகக் கொண்டிருந்தார். இதுவும் அவர் ஆயுள் நீட்டிப்புக்குக் காரணமாகக் கூறப்படுகிறது.

வியாழன், 20 செப்டம்பர், 2012

Self-immolation protestor dies, anti-Rajapaksa agitations intensify in Tamil Nadu

Self-immolation protestor dies, anti-Rajapaksa agitations intensify in Tamil Nadu

[TamilNet, Wednesday, 19 September 2012, 01:38 GMT]
26-year old auto driver Vijayaraj from Salem in Tamil Nadu, who immolated himself on Monday early morning protesting Mahinda Rajapaksa’s visit to India, succumbed to his injuries on Tuesday noon. A follower of Periyaar, member of CITU, and a supporter of the Tamil Eelam cause, Vijayaraj, despite being in his death bed, insisted on talking to media at the hospital that Rajapaksa should not be allowed into India. I did it, because Tamils in unison should rise up against the Indian government that welcomes Rajapaksa even after seeing the heroic sacrifices, he was cited by Tamil media Nakkeeran. Agitations intensify in Tamil Nadu, while the BJP Chief Minister of Madhya Pradesh, Shivaraj Singh Chauhan, claims that Rajapaksa’s visit to Sanchi to inaugurate a Buddhist University is ‘apolitical’.



Tamil Nadu political parties have intensified their protests against the entry of the genocide-accused SL President to India.

Leaders and supporters of the MDMK are on a journey to the Indian state of Madhya Pradesh to oppose the presence of Rajapaksa at the function on 21 September with black flags.

Meanwhile, activists belonging to Naam Tamizhar Katchi have observed a daylong bandh in Puduchery on Tuesday.

About 1050 MDMK activists will be travelling on 21 buses to Madhya Pradesh. These include 50 women working under MDMK women’s wing state secretary Kumari Vijayakumar.

Other MDMK stalwarts Ganeshamurthi, Mallai Sathya, Velacheri Manimaran will be travelling along with party leader Vaiko.

DMK leader Karunanidhi has also urged the centre to stop Rajapaksa’s visit to India.

Tamil Nadu Chief Minister Ms. Jayalalithaa’s stand on declaring Rajapaksa a war criminal is well known.

Mr Vijayaraj is a member of the CITU, which is a trade union of the Marxist Communist Party of India (CPI-M). His party follows an anti-Eezham stand, and in recent times it was seen in alliance with the Congress and BJP on the Eezham issue.

While the grassroot of Tamil Nadu and almost all the powerful political parties of the state, impelled by the realities, have taken up the Rajapaksa-visit issue as their own struggle for justice and self-respect, the detractors in New Delhi and Washington are busy in luring the TNA and some articulating sections in the diaspora to engage in submissive talks with Rajapaksa, compromising with the fundamentals of the struggle, informed circles commented.

The Eezham Tamil grassroot in the island and in the diaspora is simmering with anger over the deceptions of a polity that takes place behind their back. Their anger at seeing the least respect they receive from New Delhi and Washington even for their democratic struggle and righteous demands has now come to a silent but boiling point, the informed circles further commented.

Chronology:

புதன், 19 செப்டம்பர், 2012

பள்ளி க் குழந்தைகளை க் காவு வாங்கும் கொடூரம் ஓயவில்லை: பள்ளி ஊர்தி மோதி 2 சிறுவர்கள் பலி





பள்ளி க் குழந்தைகளை  க் காவு வாங்கும் கொடூரம் ஓயவில்லை: பள்ளி  ஊர்தி  மோதி 2 சிறுவர்கள் பலி



திருச்சி: திருச்சி மாவட்டத்தில், பள்ளி வேன் டிரைவர்களின் கவனக் குறைவு காரணமாக, நேற்று ஒரே நாளில், இரண்டு மாணவர்கள் பரிதாபமாக உயிரிழந்தனர்.
சென்னை, மவுன்ட் சீயோன் பள்ளி மாணவி ஸ்ருதி, பள்ளி பஸ்சுக்குள் இருந்த ஓட்டையில் விழுந்து இறந்த பின் தான், பள்ளி வாகனங்களுக்கு வழங்கப்படும் அனுமதியில், மிகப் பெரிய ஓட்டை இருந்தது அம்பலமானது. சென்னை உயர்நீதிமன்றம், தானாக முன்வந்து வழக்குப் பதிந்து, தமிழக அரசையும், போக்குவரத்து துறையையும் கேள்வி எழுப்பியபோது, அதிகாரிகளால் பதில் சொல்ல முடியவில்லை. எனினும், போர்க்கால அடிப்படையில், பள்ளி வேன், பஸ்களை, மீண்டும் ஒருமுறை, வட்டார போக்குவரத்து அதிகாரிகள் அதிரடியாக ஆய்வு செய்தனர். பெயரளவில் நடவடிக்கை எடுத்து, பிரச்னையை முடிவுக்கு கொண்டு வந்தனர்.

நான்கரை வயது:

மாணவர்களை வாகனங்கள் பலி கொள்ளும் கொடூரம், சென்னையில் இருந்து நகர்ந்து, மத்திய மண்டலமான திருச்சியில் நேற்று மையம் கொண்டதால், ஒரே நாளில், இரண்டு மாணவர்கள் பள்ளி வேன்கள் மோதி இறந்தனர். திருச்சி மாவட்டம், துறையூர் அருகே சிக்கத்தம்பூர் பாளையத்தைச் சேர்ந்தவர், சுரேஷ்குமார், 35; "டாஸ்மாக்' பார் மேற்பார்வையாளர்; மனைவி அமுதா. இவர்களுக்கு, நான்கரை வயது நிரம்பிய, கி÷ஷார், உட்பட, மூன்று மகன்கள் உள்ளனர். கி÷ஷார், ஸ்ரீ விக்னேச வித்யாலயா நர்சரி மற்றும் பிரைமரி பள்ளியில், யூ.கே.ஜி., படித்து வந்தான். பள்ளிக்கு சொந்தமாக இரண்டு வேன்கள் உள்ளன. நேற்று காலை, 8:20 மணிக்கு, சிக்கத்தம்பூர் பாளையத்தில், 20க்கும் மேற்பட்ட குழந்தைகள் வேனில் ஏற்றப்பட்டனர். வேன் டிரைவர் அருகில் உள்ள, கிளீனர் சீட்டில், கி÷ஷாரும், மற்றொரு மாணவர் விக்னேசும் உட்கார வைக்கப்பட்டனர். வேன் புறப்பட்ட, 100 அடி தூரத்தில், பக்கவாட்டு கதவு தானாகவே திறந்து, கி÷ஷார் கீழே விழுந்தான். தார்ச்சாலையில் தலைக்குப்புற விழுந்த, கி÷ஷாருக்கு, தலை, காது, மூக்கில் இருந்து, ரத்தம் கொட்டியது. அவரசகால ஆம்புலன்ஸ் மூலம், துறையூர் பாலாஜி மருத்துவமனைக்கு கொண்டுச் செல்லப்பட்ட வழியில், கி÷ஷார், பரிதாபமாக இறந்தான்.
கவனக் குறைவு:

விக்னேச வித்யாலயா பள்ளி, தாளாளர் மற்றும் முதல்வர், ராமராஜ், 45; எம்.காம்., பட்டதாரி. புதியதாக கட்டப்பட்ட கட்டடத்தில், 2012ம் ஆண்டு மே மாதம் முதல், பள்ளி செயல்பட்டு வருகிறது. அதற்குரிய ஒப்புதல் கேட்டு, மே மாதம், ராமராஜ் விண்ணப்பம் அனுப்பியும், இதுவரை பள்ளிக்கு ஒப்புதல் வழங்கப்படவில்லை. பள்ளி வேனில், கிளீனர் சீட் கதவு, எப்போதும் பூட்டப்பட்டு, வழக்கமான நடுபக்க கதவு வழியாக, மாணவர்களை ஆயா ஏற்றி, முன்பக்கம் உள்ள, கிளீனர் சீட்டுக்கு அனுப்பி வைப்பார். நேற்று முன்பக்க கதவை, சரியாகப் பூட்ட முடியாததால், ஓடும் வேனில் இருந்து கி÷ஷார், கீழே விழுந்து இறந்தான். அருகில் இருந்த விக்னேஷ் உயிர் தப்பினான். போலீசார், வழக்குப் பதிந்து விசாரித்தனர். வேன் டிரைவர் காலை, மாலை மட்டும், பள்ளியில் வேன் ஓட்டுவது; மற்ற நேரங்களில், வயல்களில் டிராக்டர் ஓட்டுவது உள்ளிட்ட, விவசாயப் பணிகளை செய்து வருகிறார். விபத்துக்கு காரணமான, மகிந்திரா வேன், 2001ம் ஆண்டு வாங்கப்பட்டது. 2012ம் ஆண்டு எப்.சி., பெறப்பட்டுள்ளது; 2013ம் ஆண்டு வரை இயக்க அனுமதி உள்ளது. மாணவன் இறந்ததுக்கு முழு காரணம், பள்ளி தாளாளர், வேன் டிரைவர் மற்றும் ஆயா ஆகியோரின் கவனக் குறைவு தான் என்பது, தெரிய வந்துள்ளது. அதையடுத்து, பள்ளி தாளாளர் ராமராஜ், வேன் டிரைவர் சிக்கத்தம்பூர் பாளையத்தை சேர்ந்த வேலுச்சாமி, 42, ஆயா கிரேசி, 50, ஆகியோரை, போலீசார் கைது செய்தனர்.
மற்றொரு காவு:

திருச்சியை அடுத்த துப்பாக்கி தொழிற்சாலை குடியிருப்பைச் சேர்ந்தவர் கருணாகரன். துப்பாக்கி தொழிற்சாலையில், டெக்னீஷியனாகப் பணியாற்றுகிறார். இவரது மகன் மிதுன், 13; வாய் பேச, காது கேட்க இயலாதவர். "பெல்' வளாகத்தில் உள்ள, "அறிவாலயம்' என்ற, மாற்றுத் திறனாளிக்கான சிறப்புப் பள்ளியில், ஆறாவது குரூப் படித்தார். கான்ட்ராக்ட் அடிப்படையில், பள்ளிக்கு அழைத்துச் செல்லும் தனியார், மகிந்திரா டூரிஸ்டர் வேன் மூலம், நேற்று காலை, 8:30 மணிக்கு, பள்ளி முன், மிதுன் இறங்கினார். முன் பக்கக் கதவு வழியாக, மிதுன் இறங்கியதை கவனிக்காத டிரைவர், வேகமாக வேனை எடுத்ததால், மிதுன் மீது வேனின் டயர், ஏறி இறங்கியது. இதில் படுகாயமடைந்த மிதுன், "பெல்' மருத்துவ மனையில் அனுமதிக்கப்பட்டு இறந்தார். இதுகுறித்து, "பெல்' போலீசார் வழக்குப் பதிந்து, காட்டூர் எம்.ஜி.ஆர்., நகரை சேர்ந்த வேன் டிரைவர் செந்திலை, 30, கைது செய்தனர்.
++++++++++++++++++++++++++++++++++++++++++++++++++++++++++++++++++++++++




துறையூர், செப். 18-

திருச்சி அருகே பள்ளி வேனின் கதவு சரியாக மூடாததால் அதிலிருந்து தவறி விழுந்த எல்.கே.ஜி. மாணவன் பலியானான். திருச்சி மாவட்டம் துறையூர் அருகே உள்ள சிக்கத் தம்பூர் கிராமத்தை சேர்ந்தவர் சுரேஷ். டாஸ்மாக் அரசு மதுபானக்கடையில் ஊழியராக வேலை பார்த்து வருகிறார். இவரது மனைவி அமுதா. இந்த தம்பதிக்கு 3 மகன்கன் இருந்தனர். இதில் மூத்த மகன் கிஷோர் (வயத 5).

துறையூரை அடுத்த பாளையம் பகுதியில் உள்ள ஒரு தனியார் நர்சரி பள்ளியில் எல்.கே.ஜி. படித்து வந்தான். வீட்டில் இருந்து சுமார் 2 கி.மீ. தூரத்தில் உள்ள பள்ளிக்கு தினமும் அவன் பள்ளி வேனிலேயே சென்று வந்தான். இன்று காலை வழக்கம்போல் அவனை பெற்றோர் தயார்படுத்தி பள்ளிக்கு வேனில் அனுப்பி வைத்தனர். மாணவர்களை ஏற்றி, இறக்கும் பணியில் பெண் ஒருவர் நியமிக்கப்பட்டு இருந்தார். அவர் மாணவன் கிஷோர் ஏறியதும் கதவை அடைத்தார். தொடர்ந்து வேன் அங்கிருந்து புறப்பட்டு அருகில் உள்ள மற்றொரு கிராமமான ஒட்டம்பட்டி நோக்கி சென்றது. வேன் புறப்பட்ட ஒருசில நிமிடங்களில் எதிர்பாராத விதமாக வேனின் கதவு திடீரென திறந்து கொண்டது. இதில் கதவோரமாக அமர்ந்திருந்த மாணவன் கிஷோர் தவறி கீழே விழுந்தான். இதில் அவனுக்கு தலையில் பலத்த காயம் ஏற்பட்டு ரத்தம் கொட்டியது. இதைப்பார்த்த அக்கம் பக்கத்தினர் ஓடிவந்து உயிருக்கு போராடிய மாணவன் கிஷோரை துறையூர் அரசு ஆஸ்பத்திரிக்கு தூக்கி சென்றனர்.

மேலும் அவனது பெற்றோருக்கும் தகவல் அளித்தனர். இதைக் கேட்ட பெற்றோர் பதறிய டித்துக்கொண்டு ஆஸ்பத்திரிக்கு வந்தனர். ஆனால் முதலுதவி சிகிச்சை அளிக்கப்பட்ட மாணவன் கிஷோர் சிகிச்சை பலனின்றி பரிதாபமாக இறந்தான். அவனது உடலைப் பார்த்து பெற்றோர் கதறித் துடித்தனர்.

இதுகுறித்து துறையூர் போலீசார் வழக்குப்பதிவு செய்து விசாரணை நடத்தி வருகிறார்கள்.

++++++++++++++++++++++++++++++++++++++++++++++++++++++++++++++++++++++++++

திருவெறும்பூர், செப்.18-

திருவெறும்பூரில் பள்ளி கூட வாசல் முன்பு இன்று காலை வேன் சக்கரத்தில் சிக்கி மாணவன் நசுங்கி பலியான சம்பவம் ஆசிரியர்கள் மற்றும் மாணவர்களை அதிர்ச்சி அடைய செய்து உள்ளது.

திருச்சி மாவட்டம் திருவெறும்பூர் அருகே துப்பாக்கி தொழிற்சாலையில் பணியாற்றி வருபவர் கருணாகரன். இவரது மகன் மிதுன் (வயது 12). இவன் தொழிற்சாலை அருகில் உள்ள அறிவாலயம் பள்ளியில் 6-ம் வகுப்பு படித்து வந்தான். தினமும் வீட்டில் இருந்து பள்ளி கூடத்துக்கு தனியார் வேனில் சென்று வந்தான். இன்று காலை வழக்கம் போல பள்ளிக்கூடத்துக்கு புறப்பட்டான்.

அவனுக்கு காலை டிபன் கொடுத்து விட்டு வேனில் பெற்றோர் அனுப்பி வைத்தனர். அந்த வேனை திரு வெறும்பூரை சேர்ந்த செந்தில் ஓட்டிச்சென்றார். அந்த வேன் பள்ளி கூடம் முன்பு வந்து நின்றது. வேனில் அமர்ந்து இருந்த மிதுன் உள்பட மாணவர்கள் இறங்கினார்கள். பின்னர் பைகளை தூக்கி கொண்டு பள்ளிக்குள் சென்றனர். இதில் மிதுன் கீழே இறங்கியதும் பையை தூக்கி கொண்டு இருந்தான். அப்போது திடீரென அந்த வேன் பின்நோக்கி நகர்ந்தது. இதனை கண்டதும் அங்கு நின்ற ஆசிரியர்கள், மாணவர்கள் சத்தம் போட்டனர். ஆனால் இதை சற்றும் பொருட்படுத்தாமல் டிரைவர் செந்தில் வேனை பின் பக்கம் ஓட்டினார்.

அங்கு நின்று கொண்டு இருந்த மிதுன் வேனின் பின் சக்கரத்தில் சிக்கி கொண்டான். கண் இமைக்கும் நேரத்தில் உடல் நசுங்கி பரிதாபமாக பள்ளிக்கூட வாசல் முன்பு இறந்து போனான். இந்த சம்பவத்தால் பள்ளி கூடமே அதிர்ச்சி அடைந்தது.

இதுபற்றி தகவல் அறிந்ததும் பாய்லர் ஆலை போலீஸ் இன்ஸ்பெக்டர் காவேரியம்மாள் மற்றும் போலீசார் சம்பவ இடத்துக்கு விரைந்து சென்று மிதுன் உடலை கைப்பற்றி விசாரணை நடத்தினார்கள். டிரைவர் செந்திலை கைது செய்தனர்.

மகன் இறந்த தகவல் அறிந்து விரைந்து வந்த பெற்றோர். அவனது உடலை பார்த்து கதறி அழுதது அனைவரையும் சோகத்தில் ஆழ்த்தியது.


செவ்வாய், 28 ஆகஸ்ட், 2012

அரசு மருத்துவமனையில் இறந்த குழந்தை: எலிகள் கடித்து க் குதறிய அவலம்

அரசு மருத்துவமனையில் இறந்த குழந்தை: எலிகள் கடித்து க் குதறிய அவலம்
தினமலர்

சென்னை:சென்னை, திருவல்லிக்கேணி கஸ்தூரிபாய் மகப்பேறு மருத்துவ மனையில், இறந்த குழந்தையை எலிகள் கடித்து குதறிய அவல சம்பவம் அரங்கேறியுள்ளது. இதனால் கொந்தளிப்படைந்த குழந்தையின் பெற்றோர், உறவினர்கள் ஆர்ப்பாட்டத்தில் ஈடுபட்டனர்.
குறை பிரசவம்:

அயோத்தி குப்பத்தை சேர்ந்தவர், ரஞ்சித் குமார், 28, துப்புரவு தொழிலாளி. இவருடைய மனைவி, மலர், 26. இவர் பிரசவத்திற்காக, திருவல்லிக்கேணி கஸ்தூரிபாய் நினைவு மருத்துவமனையில் சேர்க்கப்பட்டார். கடந்த வாரத்தில், இவருக்கு குறை பிரசவத்தில் பெண் குழந்தை பிறந்தது. இரு நாட்களுக்கு முன்பு, குழந்தைக்கு உடல்நிலை மோசமானதால், "இன்குபேட்டரில்' மருத்துவர்கள் வைத்திருந்தனர். எனினும் சிகிச்சை பலனின்றி நேற்று முன்தினம் குழந்தை இறந்தது.

எலிக்கு இரை:

மாலையில், குழந்தை இறந்தது தொடர்பாக, மருத்துவர்கள், குழந்தையின் பெற்றோரிடம் கையெழுத்து வாங்கினர். அதன் பின்னர், குழந்தையின் சடலத்தை, பெற்@றார் பார்க்க சென்ற போது, அதன் இடது கன்னம் முழுவதும் எலிகள், கடித்து குதறியிருப்பதாக தெரியவந்தது.இதை அடுத்து நேற்று காலை, மருத்துவமனை வளாகத்தில் குழந்தையின் பெற்றோரும், உறவினர்களும் ஆர்ப்பாட்டத்தில் ஈடுபட்டனர். இதனால் அந்த பகுதியில் பெரும் பரபரப்பு ஏற்பட்டது. இதை தொடர்ந்து அங்கு @Œர்க்கப் பட்டு இருந்த, மற்ற பெண்களின் உறவினர்களும் ஆர்ப்பாட்டத்தில் ஈடுபட்டனர்.

சுகாதார சீர்கேடு:

பிரசவத்திற்கு அனுமதிக்கப்படும் பெண்களின் குடும்பத்தினர், மருத்துவமனை சூழலால் பெரும் அல்லல்படுவதாக, ஆர்ப்பாட்டத்தில் ஈடுபட்டோர் வேதனையுடன் குறிப்பிட்டனர்.இது குறித்து, சிலர் கூறுகையில், "தனியார் மருத்துவமனை போல், இங்கு அதிகளவில் பணம் வசூலிக்கின்றனர். பெண்ணை பிரசவ வார்டில் சேர்ப்பதில் இருந்து, வீட்டிற்கு அழைத்து செல்வதற்குள், 5,000 ரூபாயாவது செலவாகி விடும். இருப்பினும் பாதுகாப்பான ‹ழல் இல்லை. இறந்த குழந்தைக்கே இந்த நிலை என்றால், அங்கு, அனுமதிக்கப்பட்டுள்ள மற்ற குழந்தைகளின் நிலை என்னாவது? அரசு உடனடியாக நடவடிக்கை எடுக்க வேண்டும்,' என்றனர்.

அரசு மருத்துவமனைகளுக்கே உரிய லட்சணத்துடன், இந்த மருத்துவமனையும் காட்சியளிக்கிறது. எங்கும், மருத்துவக் கழிவு மற்றும் குப்பை தேங்கி கிடக்கிறது. இதனால், மருத்துவமனைக்குள் எலிகள் தாராளமாக நடமாடுகின்றன. நாய்களும் சர்வ சாதாரணமாக வந்து செல்கின்றன."மருத்துவமனை வளாகத்துக்குள் சுகாதாரத்தை ஏற்படுத்தினால் தான், இது போன்ற பிரச்னைகளை தவிர்க்க முடியும்,' என, இங்கு சிகிச்சைக்கு வரும் பெண்கள் கூறுகின்றனர்.

பிரேத பரிசோதனை:

இதுகுறித்து, நிலைய மருத்துவ அதிகாரி(ஆர்.எம்.ஓ.,) ரமேஷ் கூறும்போது,"" இச்சம்பவம் குறித்து, மருத்துவ கல்வி துணை இயக்குனர் தலைமையிலான நான்கு பேர் கொண்ட விசாரணைக் குழு அமைக்கப்பட்டுள்ளது. குழந்தையின் கன்னத்தில், எலி கடித்ததால் காயம் ஏற்பட்டதா அல்லது அதன் சிறுநீரகம் பாதிக்கப்பட்டதால் இவ்வாறு ஏற்பட்டதா என்பது விசாரணையில் தான் தெரிய வரும். இதற்கிடையில், பெற்றோர் அளித்த புகாரின் காரணமாக, வீடியோ பதிவுடன், குழந்தைக்கு பிரேத பரிசோதனை செய்யப்பட்டது. பிரேத பரிசோதனை அறிக்கை மற்றும் விசாரணை அறிக்கை, மருத்துவக் கல்வி இயக்ககத்திடம் வழங்கப்படும்,'' என்றார்.

10 முதல் 1,000 வரை :

*மருத்துவமனைக்கு உள்ளே செல்ல வேண்டும் என்றால், நோயாளியானாலும், அவரைப் பார்க்க வந்தோர் ஆனாலும்,10 ரூபாய் கொடுக்க வேண்டும்.
*நோயாளியை "ஸ்ட்ரெச்சரில்' கொண்டு செல்ல வேண்டும்என்றால் 300 ரூபாய் லஞ்சம்.
*பிறந்த குழந்தை ஆணா பெண்ணா என்று சொல்வதற்குக் கூட, ஆண் குழந்தை என்றால் 1,000 ரூபாயும், பெண் குழந்தை என்றால் 500 ரூபாயும் கொடுக்க வேண்டும்.
*செவிலியர்களில் சிலர் எந்நேரமும் அலைபேசியில் பேசிக் கொண்டே இருப்பதாக மக்கள் குற்றம்சாட்டி உள்ளனர்.
*இதனால் மருந்துகள் கொடுப்பதிலும் அலட்சியம் காட்டப்படுவதாகக் கூறப்படுகிறது.
*நேற்று முன்தினம் மூன்று குழந்தைகள் இறந்துள்ளன என்பது குறிப்பிடத் தக்கது.

செவ்வாய், 31 ஜூலை, 2012

நாளும் ஒரு பலி ! யாருடைய வேண்டுதல்? துயரம் நிற்காதா?

சென்னையில் பள்ளி மூடுந்தில்  சிக்கி ஒன்றரை அகவை குழந்தை பலி



சென்னை, ஜூலை 30: சென்னையில் பள்ளி வேனில் சிக்கி ஒன்றரை வயது குழந்தை பலியானது. இது மீண்டும் பள்ளி வாகனங்கள் மீது விமர்சனத்தை ஏற்படுத்தியுள்ளது.சென்னையை அடுத்த திருமுல்லைவாயலில் அன்னனூர் பிள்ளையார் கோவில் தெருவில் வசிப்பவர் ஆனந்தன். அப்பகுதியில் டீக்கடை நடத்தி வருகிறார். அவரது மனைவி மீனா. அவர்களின் குழந்தைகள் சந்தோஷ் (6), சுதாகர் (3 1/2), சஞ்சய் (1 1/2). அதில் சந்தோஷும், சுதாகரும் அரும்பாக்கம் லிட்டில் ஏஞ்சல் மெட்ரிகுலேஷன் பள்ளியில் படிக்கின்றனர்.இத்தனை நாட்களாக அவர்கள் இருவரும் தங்கள் தந்தையுடன் பைக்கில் பள்ளிக்குச் சென்று வந்தனர். இந்நிலையில் அவர்களை பள்ளி வேனில் அனுப்ப பெற்றோர் முடிவு செய்தனர். இன்று முதல் முதலாக பள்ளி வேனில் அவர்களை அனுப்பி வைக்க இருந்தனர். காலை 8 மணிக்கு வேன் வந்தது. அப்போது மீனா சஞ்சயை கீழே இறக்கிவிட்டுவிட்டு மற்ற 2 மகன்களையும் வேனில் ஏற்றினார்.வேன் கிளம்பியது. இதற்கிடையே குழந்தை சஞ்சய் தவழ்ந்து வேனுக்கு அடியில் சென்றதை யாரும் கவனிக்கவில்லை. டிரைவர் வேனை எடுத்ததும் குழந்தை பின் சக்கரத்தில் சிக்கி சம்பவ இடத்திலேயே பலியானது. இதைப் பார்த்த குழந்தையின் தாய் கதறினார். உடனே வேன் டிரைவர் அங்கிருந்து தப்பியோடிவிட்டார். அப்போது அங்கு நின்று கொண்டிருந்தவர்கள் ஓடி வந்து வேனில் இருந்த குழந்தைகளை கீழே இறக்கிவிட்டு வேனை அடித்து நொறுக்கினர்.இது குறித்து தகவல் அறிந்த ஆவடி போலீசார் சம்பவ இடத்திற்கு விரைந்து சென்று குழந்தையின் உடலைக் கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். அங்கு கூடியிருந்தவர்களை போலீசார் சமாதானப்படுத்தினர். நிலைமையை கட்டுக்குள் கொண்டு வர அங்கு போலீசார் குவிக்கப்பட்டனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.

சனி, 28 ஜூலை, 2012

3 குழந்தைகள் பலி: பள்ளிக் குழந்தைகளை க் காவு கொடுக்கும் பேருந்துகள்

அடுத்தடுத்து 3 குழந்தைகள் பலி: பள்ளி க் குழந்தைகளை  க் காவு கொடுக்கும்  பேருந்துகள்



சுருதி... படிப்பில் சுட்டி. சுதியோடு பாடுவது... ஜதியோடு ஆடுவது... எல்லாவற்றிலும் அவள் கெட்டிக்காரி. ஏழு வயதே நிரம்பிய அந்த இளம் பிஞ்சு, பள்ளி பஸ்சின் ஓட்டை வழியே கீழே விழுந்து அநியாயமாக பலியாகி போனாள்.

மரணத்தை தழுவுவதற்கு சில நிமிடங்களுக்கு முன்பு தாயை பார்த்து சுருதி போட்ட கடைசி “டாடா” “அம்மா, நான் போகப் போகிறேன்” என்று போட்ட இறுதி டாடாவாக மாறிபோக தாய் பிரியாவும், தந்தை சேதுமாதவனும் கண்ணீரில் தவித்துக் கொண்டிருக்கிறார்கள்.

வாழ்க்கையின் வாசனையை உணருவதற்கு முன்பே சிலரது அஜராக்கிரதையால் சுருதியின் உயிர் பறிக்கப்பட்டு விட்டது. பதறிப்போனது பெற்றோர் மட்டுமல்ல. ஒட்டு மொத்த தமிழகமே கதறியது. இதயம் உள்ள எல்லோரது இதயமும் ரணமாய் வலித்தது. அதனால்தான் நீதி தேவதையே (ஐகோர்ட்டு தலைமை நீதிபதி இக்பால், சிவஞானம்) தானாக முன்வந்து வழக்கு எழுதி கொலைக்கு சமமானது இது என்று தன் உள்ள குமுறலை வெளியிட்டுள்ளது.

தாம்பரம் அருகே நடந்த இந்த கோர விபத்து நெஞ்சில் நிழலாடிக் கொண்டிருக்கும் போதே வேலூரில் இருந்து வந்த செய்தி நெஞ்சை பிழிகிறது. ஈச்சம்பட்டு கிராமத்தைச் சேர்ந்த மெக்கானிக் குமாரின் மகள்கள் சுவேதா (1-ம் வகுப்பு), சுஜிதா (எல்.கே.ஜி.) இருவரும் மாலையில் பள்ளி பஸ்சில் இருந்து கீழே இறங்கினார்கள். கையைப் பிடித்துக் கொண்டே பிஞ்சுகள் இரண்டும் வீடு நோக்கி தளர் நடை போட்டார்கள். அதற்குள் டிரைவர் அவசரமாக பஸ்சை கிளப்பியதால் கண்ணிமைக்கும் நேரத்தில் சுஜிதா பஸ் சக்கரத்தில் சிக்கி சிதைந்து போனாள்.

வட தமிழ்நாட்டில் குலைநடுங்க வைத்த இந்த சம்பவங்களைத் தொடர்ந்து சிதம்பரத்தில் இருந்து அடுத்த செய்தி. தீபிகா என்ற 6-ம் வகுப்பு மாணவி பஸ் நிலையத்தில் பஸ் ஏறியபோது தவறி கீழே விழுந்தாள். மாலை நேரத்தில் கூட்டம் இப்படித்தான் மொய்க்கும்... யார் ஏறினால் என்ன? அசட்டுத் தனத்தில் டிரைவர் பஸ்சை கிளப்பியதால் பஸ் சக்கரத்தில் தீபிகா அநியாயமாக உயிர் இழந்தாள்.

அடுத்தடுத்து அநியாயமாக பறிக்கப்பட்ட இந்த 3 இளந்தளிர்களின் உயிரும் மீண்டும் வரப் போவதில்லை. ஆனால் முடிந்துபோன இந்த சம்பவங்கள் நெஞ்சை பதற வைக்கிறதே? எத்தனை ஆசைகள்? கனவுகளுடன் குழந்தைகளை வளர்க்கிறோம்!. பள்ளிக்கு அனுப்புகிறோம். கடவுளுக்கு நிகராக குருவையும் (ஆசிரியரையும்) கோவிலாக கல்வி கூடங்களையும் நினைத்துத்தானே குழந்தைகளை அனுப்புகிறார்கள். பெற்றோர்களைவிட பள்ளியில்தான் குழந்தைகள் அதிக நேரம் இருக்கிறது. அவர்களை பெற்ற தாயைவிட கவனமாக பேணி காக்கும் கடமை பள்ளிகளுக்கு உண்டல்லவா?

ஆனால் அந்த கடமையை பள்ளிகள் சரிவர செய்கிறதா? என்பதுதான் இப்போதைய கேள்வி. பள்ளி வளர்ச்சி கட்டணம், கல்வி கட்டணம், பஸ் கட்டணம் என்று பல கட்டணங்களில் குறியாக இருக்கும் பள்ளிகள் மாணவர் நலனிலும் குறியாக இருக்க வேண்டுமல்லவா? ஏதாவது பிரச்சினை வந்தால் பழியை யார் மீதாவது போட்டுவிட்டு தப்பிக்க பார்க்கிறார்களே! பணம் மனிதாபிமானத்தையும் சாப்பிட்டு விட்டதா? பஸ் ஓட்டை வழியாக சிறுமி சுருதி விழுந்து பலியானாள் என்றதும் பஸ் உரிமையாளர் மீது பழியை போட்டு தப்பிக்க நினைத்தது சீயோன் பள்ளி நிர்வாகம்.

ஆனால் ஐகோர்ட்டு நீதிபதிகள் ஆப்பு வைத்து விட்டனர். இனி வழக்கு நடக்கும். தீர்ப்பு வரும். இந்த 3 இளம் பிஞ்சுகளின் உயிரோடு இந்த சோக அத்தியத்துக்கு முடிவுரை எழுதுவோம் என்பது தான் எல்லோரது எதிர்பார்ப்பும்.

எனவேதான் ஐகோர்ட்டும் பல சட்ட விதிமுறைகளை உருவாக்க அரசுக்கு உத்தர விட்டுள்ளது. சட்டங்கள் தவறு செய்பவர்களை தண்டிக்கலாம். ஆனால் தவறு செய்யாமல் இருப்பது பல உயிர்களை காக்கும். இந்த களேபரத்துக்கு இடையேயும் கன்னியாகுமரி மாவட்டம் திருவட்டாரில் ஒரு பள்ளி பஸ்சில் ஓட்டை இருந்ததை அதிகாரிகள் பார்த்துள்ளனர். அந்த பஸ் பறிமுதல் செய்யப்பட்டுள்ளது.

பள்ளி பஸ்களை தினமும் பள்ளி நிர்வாகம், பஸ் டிரைவர், பஸ் உரிமையாளர்கள் பார்வையிட வேண்டும். சுருதியை காவு வாங்கி பஸ்சை 15 நாட்களுக்கு முன்புதான் போக்குவரத்து அதிகாரிகள்ஆய்வு செய்து தகுதிச் சான்றிதழ் வழங்கி இருப்பது வெட்கக்கேடான விஷயம்.

தகுதி சான்று வழங்கும் அதிகாரிகள் தகுதி இருந்தால் மட்டுமே சான்றிதழ் வழங்க வேண்டும். பணத்துக்காக தன் தகுதியை இழந்து விடக்கூடாது. அவரவர் கடமையை ஒவ்வொருவரும் சரிவர செய்தால் இந்த அவலங்கள் அரங்கேறாது. அன்பு மகள் சுருதியை பறிகொடுத்த சேதுமாதவன் எப்படி கடமையாற்ற வேண்டும் என்பதற்கு முன்னுதாரணமாக திகழ்கிறார்.

சுருதி விபத்தில் சிக்கிக் கொண்டாள் என்ற தகவலை அறியும்போது சேதுமாதவன் தனது ஆட்டோவில் பள்ளி குழந்தைகளை ஏற்றிக் கொண்டு சவாரி சென்று கொண்டிருந்தார். அந்த இக்கட்டான நேரத்திலும் பதட்டப்படாமல் தன் பாதுகாப்பில் இருந்த பள்ளி குழந்தைகளை பத்திரமாக அவரவர் வீடுகளில் இறக்கி விட்டுவிட்டு மகளை பார்க்க ஓடினார். இப்படி ஒவ்வொருவரும் பொறுப்புடன் தமது கடமைகளை செய்தால் இந்த மாதிரி அவலங்கள் நிகழாது என்பதை உணர வேண்டும்.

வருங்காலத்தில் சரித்திரம் படைக்கப் போகும் பச்சிளம் குழந்தைகளை காவு கொடுப்பது, கொடுமையிலும் கொடுமை. நல்ல நல்ல பிள்ளைகளை நம்பி, இந்த நாடே இருக்குது தம்பி. சின்னஞ்சிறு கைகளை நம்பி ஒரு சரித்திரம் இருக்குது தம்பி.

மழலையர் உயிர்கள் மலிவா? பள்ளிப் பேருந்தில் மற்றொரு பலி!


பள்ளி பஸ் சக்கரத்தில் சிக்கி எல்.கே.ஜி., மாணவி பலி

வேலூர்:வேலூம் மாவட்டம், ஆம்பூர் அருகே பள்ளி பஸ் மோதியதில், அதே பள்ளி எல்.கே.ஜி., மாணவி இதாறந்ர்.

ஆம்பூர் அடுத்த உம்மராபாத் அருகே, ஈச்சம்பட்டு மீனாட்சி காலனியைச் சேர்ந்தவர் குமார். கூலித் தொழிலாளி. இவர் மகள்கள் ஸ்விதா,10, சுஜிதா, 3, உறவினர் மகன் அசோக், 12, ஆகியோர் மாரப்பட்டு எம்பாசோ (இ.எம்.பி. ஏ.எஸ்.எஸ்.ஓ.,) மெட்ரிக் மேல் நிலைப் பள்ளியில்
படிக்கின்றனர்.

சுஜிதா, எல்.கே.ஜி., படிக்கிறார். பள்ளியின் சார்பில், 20க்கும் மேற்பட்ட எய்ச்சர் மினி பஸ்கள் உள்ளன. நேற்று வாணியம்பாடியைச் சேர்ந்த டிரைவர் கிருஷ்ணன், 35, பள்ளி பஸ்சை ஓட்டி வந்தார். மாலை, 5 மணிக்கு மாணவ, மாணவியரை பள்ளியில் இருந்து ஏற்றிக் கொண்டு, ஒவ்வொரு கிராமமாகப் போய் இறக்கி விட்டு வந்து கொண்டிருந்தனர். மாலை, 5. 15 மணிக்கு, ஸ்விதா, சுஜிதா வை, அவர்கள் வீட்டுக்கு அருகில் அருகன் துருகம் என்ற இடத்தில் உள்ள முருகன் கோயில் அருகே, பஸ்சில் இருந்து இறக்கி விட்டனர். இறங்கிய உடன் வீட்டுக்கு போகும் ஆவலில், ஸ்விதா, சுஜிதா ஆகியோர் பஸ்சுக்கு முன் பக்கமாக ஓடி, எதிர் புறமும் இருந்த சாலையை கடக்க முயன்றனர்.

அப்போது டிரைவர் வேகமாக, பஸ்சை எடுக்க, பஸ்சின் முன் பக்க டயரில் சுஜிதா சிக்கிக் கொண்டார். இதை கவனிக்காத டிரைவர் பஸ்சை வேகமாக ஓட்டினார். சுஜிதாவின் உடலில் முன்புற சக்கரம் ஏறி இறங்கியது. சுஜிதா உடல் நசுங்கி ரத்த வெள்ளத்தில் சம்பவ இடத்திலேயே இறந்தார்.அப்பகுதியினர், பஸ் சக்கரத்தில் சிக்கிய சுஜிதாவை மீட்கப் போராடினர். இதை பார்த்த டிரைவர் கிருஷ்ணன் தப்ப முயன்ற போது, பொது மக்கள் அவரை பிடித்து மரத்தில் கட்டி வைத்து தர்ம அடி கொடுத்தனர்.

பின் மாணவி சாவுக்கு காரணமான பஸ்சை கொளுத்த அப்பகுதியினர் மண்ணெண்ணெய் கேன்களுடன் வந்தனர். சாலை மறியலில் ஈடுபட்டனர். தகவல் அறிந்த உம்மராபாத் போலீசார் வந்து பேச்சு வார்த்தை நடத்தினர்.பின் பஸ் டிரைவர் கிருஷ்ணனை கைது செய்தனர். பள்ளி தாளாளர் சண்முகத்திடம் விசாரணை செய்து வருகின்றனர். பள்ளி பஸ் டிரைவர் கிருஷ்ணன், மண்பாடி லாரி ஓட்டிக் கொண்டு இருந்தார் என்றும், அவரை பகுதி நேரமாக பஸ்சை ஓட்டச் சொன்னதால் விபத்து நடந்ததாக பெற்றோர் குற்றம் சாட்டியுஉள்ளனர்.


திங்கள், 16 ஜனவரி, 2012

India's first female press photographer died : இந்தியாவின் முதல்ஒளிப்பட இதழாளர் காலமானார்

இந்தியாவின் முதல் புகைப்பட பெண் பத்திரிகையாளர் காலமானார்

First Published : 15 Jan 2012 06:59:36 PM IST


வடோதரா, ஜன.15: இந்தியாவின் முதல் பெண் புகைப்பட பத்திரிகையாளரான ஹோமாய் வ்யாரவாலா தனியார் மருத்துவமனையில் இன்று காலமானார். அவருக்கு வயது 98.கடந்த மூன்று தினங்களுக்கு முன்னர் படுக்கையில் இருந்துகீழே விழுந்து காயம் அடைந்த அவர் பின்னர் தனியார் மருத்துவமனையில் சேர்க்கப்பட்டு சிகிச்சை பெற்று வந்தார்.  இவரது கணவர் மானெக்‌ஷா வ்யாரவாலா 1970ல் இறந்துவிட்டார். 1913 டிசம்பர் 9 ல் பிறந்தவர் ஹோமாய். பார்சி குடும்பத்தைச் சேர்ந்த இவர் மும்பையில் வளர்ந்தார். 1942ல் சுதந்திரப் போராட்ட நிகழ்வுகளைப் படம்பிடித்த இவர், பிரிட்டிஷ் இன்பார்மேஷன் சர்வீஸில் பணியில் இருந்தார்.ஜூன் 3ல் இந்தியப் பிரிவினை குறித்து நடந்த ஓட்டெடுப்பு, 1947 ஆக.15 அன்று சுதந்திர இந்தியாவின் முதல் கொடியேற்று வைபவம், மௌண்ட் பேட்டன் பிரபு விடைபெறும் நிகழ்வு, மகாத்மா காந்தி, ஜவஹர்லால் நேரு, லால் பகதூர் சாஸ்திரி ஆகியோரின் இறுதிச் சடங்கு உள்ளிட்ட பல்வேறு நிகழ்வுகளை தத்ரூபமாகப் படம்பிடித்தவர் இவர். இவருக்கு பத்ம விபூஷன் விருது கடந்த ஜனவரியில் வழங்கப்பட்டது.