cellphone லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
cellphone லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

செவ்வாய், 13 நவம்பர், 2012

நீதிமன்ற அரங்கில்அலைபேசி கூடாது!: புதிய வழிகாட்டு நெறிமுறைகள்

கோர்ட் அரங்கில் மொபைல் போன் கூடாது!: புதிய வழிகாட்டு நெறிமுறைகள்
 
 
கோவை: நீதிமன்ற வளாகங்களில் செல்லும் அரசு அலுவலர்கள் பின்பற்ற வேண்டிய வழிகாட்டு நெறிமுறைகளை அரசு வெளியிட்டுள்ளது. "மொபைல் போன் உள்ளிட்ட எலக்ட்ரானிக் மற்றும் டிஜிட்டல் பொருட்களை, நீதிமன்ற அரங்கில் எடுத்துச் செல்லக் கூடாது; மீறினால் கடும் நடவடிக்கை எடுக்கப்படும்' என அரசு எச்சரித்துள்ளது.கடந்த மாதம் சென்னை ஐகோர்ட்டில் முன்னாள் அமைச்சர் வீரபாண்டி ஆறுமுகம் தொடர்பான வழக்கு விசாரணை நடந்த போது, அரசு அலுவலர் ஒருவர் மொபைல் போனில் நீதிமன்ற நடடைமுறைகளை பதிவு செய்தார். உடனே, அவரிடமிருந்து மொபைல் போன் பறிமுதல் செய்யப்பட்டது. அவர் நீதிபதியிடம் மன்னிப்பு கேட்டுக் கொண்டார். அவர் மீது துறை ரீதியாகவும் நடவடிக்கை எடுக்கப்பட்டுள்ளது.இந்த சம்பவத்தை அடுத்து, நீதிமன்ற வளாகங்களில் செல்லும் அரசு அலுவலர்கள் பின்பற்ற வேண்டிய நடைமுறைகள் குறித்த வழிகாட்டு நெறிமுறைகளை அரசு வெளியிட்டுள்ளது.
அரசு உத்தரவில் கூறியுள்ளதாவது:நீதிமன்றங்களில் நடக்கும் வழக்கு விசாரணைகளில்க உரிய அனுமதியின்றி அரசு அலுவலர்கள் பங்கேற்கக் கூடாது. அட்வகேட் ஜெனரல், கூடுதல் அட்வகேட் ஜெனரல், அரசு பிளீடர், பப்ளிக் பிராசிகியூட்டர், சிறப்பு அரசு பிளீடர், கூடுதல் அரசு பிளீடர், கூடுதல் பப்ளிக் பிராசிகியூட்டர், அரசு வக்கீல்கள் இவர்களில் ஒருவரிடம், எழுத்துப்பூர்வமாக சிறப்பு அனுமதி பெற்றிருக்க வேண்டும். வாய் மொழி உத்தரவுகள் ஏற்றுக் கொள்ளப்படமாட்டாது.நீதிமன்ற பணி நேரங்களில், மிகவும் அவசரம் என்றால், அட்வகேட் ஜெனரல், கூடுதல் அட்வகேட் ஜெனரல், அரசு பிளீடர், பப்ளிக் பிராசிகியூட்டர் இவர்களில் ஒருவரின் மேலாளர் அனுமதியை பெற்று நீதிமன்ற அரங்கில் நுழைய வேண்டும்.நீதிமன்ற அரங்கில் மொபைல் போன், டிஜிட்டல் மற்றும் எலக்ட்ரானிக் கருவிகள், ஆடியோ - வீடியோ பதிவு வசதி கொண்ட எந்த கருவிகளையும் எடுத்துச் செல்லக்கூடாது. நீதிமன்ற நடைமுறைகளை ஆடியோ, வீடியோ மற்றும் போட்டோ என, எந்த விதத்திலும் பதிவு செய்யக் கூடாது.அரசு ஆவணங்களை, சட்ட அலுவலர்கள் ஆய்வு செய்வதற்கான தேவை ஏற்படும்போது, அரசு அறிவுறுத்தியுள்ள விதிமுறைகளின்படி, அவற்றை ஒப்படைக்க வேண்டும். நீதிமன்ற வழக்கு விசாரணையில் பங்கேற்கும் அலுவலர்கள், தங்களின் அடையாள அட்டைகளை வைத்திருக்க வேண்டும்.இந்த வழிகாட்டுதல் விதிமுறைகளை பின்பற்றாத அலுவலர்கள் மீது, உயர் அதிகாரிகளால் கடுமையான ஒழுங்கு நடவடிக்கை எடுக்கப்படும்.இவ்வாறு, அரசு உத்தரவில் தெரிவிக்கப்பட்டுள்ளது.

வெள்ளி, 12 அக்டோபர், 2012

இழிபொருள் தகவல்களுக்கு மூன்றாண்டு ச் சிறை : 3 years imprisonment for porn messages and pictures

இழிபொருள் தகவல்களுக்கு  மூன்றாண்டு ச் சிறை
ஆபாச எஸ்.எம்.எஸ்., அனுப்பினால் மூன்றாண்டு சிறை

புதுடில்லி: மொபைல் போனில், ஆபாச படங்களை அனுப்புவது, பெண்களை ஆபாசமாக சித்தரித்து, எஸ்.எம்.எஸ்., மற்றும் மெயில் அனுப்புவது போன்ற செயல்களில் ஈடுபடுவோருக்கு, மூன்றாண்டு சிறைத் தண்டனை அளிக்கப்படும். இதற்கான சட்ட திருத்தம் கொண்டு வர, மத்திய அமைச்சரவை ஒப்புதல் அளித்துள்ளது.
பெண்களை இழிவுபடுத்தியும், ஆபாசமாக சித்தரித்தும், அருவருக்கத்தக்க செயல்களில் ஈடுபடுவோருக்கு எதிராக, தண்டனை வழங்கும் வகையில், 1986ம் ஆண்டு, சட்டம் கொண்டு வரப்பட்டது. தற்போது, நவீன தகவல் தொழில்நுட்பங்கள் வளர்ந்த பிறகு, பல்வேறு விதமான தகவல் தொடர்பு சாதனங்கள் வந்துள்ளன. மொபைல் போன், இணையதளம் ஆகியவற்றின் மூலம், தெரிந்தோ, தெரியாமலோ தகவல்களை எளிதில் பெற முடிகிறது. இதை சிலர், தவறாகப் பயன்படுத்தி, மொபைல் போனில் ஆபாச படங்களை, எம்.எம்.எஸ்., மூலம் அனுப்புவது, பெண்களை ஆபாசமாக சித்தரித்தும், இழிவுபடுத்தியும், எஸ்.எம்.எஸ்., அனுப்புவது அதிகரித்துள்ளது. பெண்களை ஆபாசமாக படமெடுத்து, இணையதளத்தில் பரவ விடுவது போன்ற செயல்கள் நடப்பதாக புகார்கள் வந்தவண்ணம் உள்ளன. இதில், பெரும்பாலும், கல்லூரி மாணவர்களும், பள்ளி மாணவர்களும், ஆபத்தை உணராமல் சிக்கிக் கொள்கின்றனர். "இது போன்ற, குற்றச் செயல்களில் ஈடுபடுவோருக்கு, கடும் தண்டனை அளிக்கப்பட வேண்டும்' என, பார்லிமென்டிலும் வலியுறுத்தப்பட்டது.

இந்நிலையில், நேற்று, பிரதமர் தலைமையில் கூடிய, மத்திய அமைச்சரவை கூட்டத்தில், சட்ட திருத்தம் கொண்டு வர, ஒப்புதல் அளிக்கப்பட்டது. இதன்படி, பெண்களை இழிவுபடுத்தி, சித்தரித்து மோசமான செயல்களில் ஈடுபடுவதை தடுக்க வகை செய்யும், ஐ.ஆர்.டபிள்யூ.ஏ., சட்டத்தில் திருத்தம் கொண்டு வரப்படுகிறது. மின்னணு தொடர்பு சாதனங்களான, மொபைல் போன் மற்றும் இணையதளம் வழியாக, பெண்களை ஆபாசமாக சித்தரித்து படங்கள் மற்றும் குறுந்தகவல்கள் அனுப்பும் குற்றச் செயல்களில் ஈடுபடுவோருக்கு, அதிகபட்சம், மூன்றாண்டு சிறைத் தண்டனை கிடைக்கும். இந்த குற்றத்தை, முதல் முறையாக செய்து மாட்டிக் கொள்பவருக்கு, தற்போது, 2,000 ரூபாய் அபராதம் விதிக்கப்படுகிறது. இது, 50 ஆயிரம் ரூபாயாக அதிகரிக்கப்படுகிறது. அதிகபட்சம், 1 லட்சம் வரை அபராதம் விதிக்கப்படும். ஒரு முறை தண்டனை அனுபவித்து, இரண்டாவது முறையாக, இதே குற்றச் செயல்களில் ஈடுபட்டால், ஏழு ஆண்டு சிறைத் தண்டனை விதிக்கப்படும். அதேபோல், 1 லட்சம் அபராதம், 5 லட்சம் ரூபாயாக அதிகரிக்கப்படும்.

இன்ஸ்பெக்டர் அந்தஸ்துக்கு குறையாத போலீஸ் அதிகாரிகள், சந்தேகப்படுவோரின் வீடுகளைச் சோதனையிடவும், பறிமுதலும் செய்யலாம். இது மட்டுமின்றி, விளம்பரம், ஓவியம், எழுத்து என, எந்த வடிவிலும் பெண்களை இழிவுபடுத்தி, படங்களோ, வாசகங்களோ அமைந்தால், அதை தடுக்கும் வகையில், இந்த சட்ட திருத்தத்தில் வகை செய்யப்பட்டுள்ளது. இந்த சட்ட திருத்தம், வரவிருக்கும் பார்லிமென்டின் குளிர்காலத் தொடரில் தாக்கல் செய்யப்பட்டு நிறைவேற்றப்படும். இப்படியொரு சட்ட திருத்தம் கொண்டு வர வேண்டும் என, பல உறுப்பினர்கள் ஏற்கனவே வலியுறுத்தி உள்ளதால், இது கட்சி பேதமின்றி நிறைவேறும் என, எதிர்பார்க்கப்படுகிறது. இதை சட்ட வடிவமாக்குவதற்கு முன், சட்ட வல்லுனர்கள், சமூக ஆர்வலர்கள் மற்றும் பெண்கள் அமைப்பு பிரதிநிதிகளிடம் ஆலோசனை நடத்தப்பட உள்ளது.

வியாழன், 4 அக்டோபர், 2012

மாணவரின் அலை பேசி தொழில்நுட்ப ஆய்வுப் பணிக்குப் பரிசு

மாணவரின்  அலை பேசி 

தொழில்நுட்ப ஆய்வுப் பணிக்குப் பரிசு

First Published : 03 October 2012 02:16 AM IST
சென்னையை அடுத்த வண்டலூர் பி.எஸ்.அப்துர்ரகுமான் பல்கலைக்கழகத்தின் கணினி பயன்பாட்டியல் துறை சார்பில் மொபைல் போன் தொழில்நுட்பத்தில் இன்றைய வளர்ச்சி குறித்த தேசியக்கருத்தரங்கு திங்கள்கிழமை நடைபெற்றது.
கருத்தரங்கில் அன்ட்ராய்ட் மொபைல் போன் தொழில்நுட்பத்தில் மூன்று வகை அதிநவீன செயல்பாடுகளை உருவாக்கிய மாணவர் பங்கஜ்குமார் மிஸ்ராவைப் பாராட்டி ரொக்கப்பரிசும்,சான்றிதழும் வழங்கப்பட்டது.
சாம்சங் மொபைல் கையாண்டுவரும் அன்ட்ராய்ட் தொழில்நுட்பச் செயல்பாடு முறைப்படி, அவசர உதவிக்காக அருகில் உள்ள காவல்நிலையம், தீயணைப்பு நிலையம், மருத்துவமனைகள் உள்ளிட்ட தகவல்களையும்,வாடிக்கையாளர் சேவை மூலம் செல்லும் இடங்கள் பற்றிய வரைபடத் தகவல்களும், வணிகச் சேவை மூலம் கூரியர் சேவை, ஓட்டல் சேவை உள்ளிட்ட தகவல்களையும் உள்ளடக்கிய மூன்று வகை செயல்பாடுகளை தனது ஆய்வின் மூலம் மாணவர் பங்கஜ்குமார் உருவாக்கி இருந்தார்.
கணினி பயன்பாட்டியல் துறைத் தலைவர் பி.ஷேக்அப்துல் காதர், திரிசீ டெக்னாலஜீஸ் இயக்குநர் கோகுல் விஸ்வேஸ்வரன் உள்ளிட்டோர் கலந்துகொண்டனர்.

சனி, 16 ஜூன், 2012

aero charger for cell: அலைபேசி மின்னேற்றத்திற்குக் காற்றிலிருந்து மின்திறன்

சொல்கிறார்கள்

"தொலைத் தூரப்பயணங்களுக்கு...'

காற்றிலிருந்து மின்சாரம் தயாரித்து, மொபைல் போனை சார்ஜ் செய்யும் தொழில்நுட்பத்தைக் கண்டுபிடித்துள்ள ராமநாதபுரம் மாவட்டம், பரமக்குடியைச் சேர்ந்த பீட்டர் ஜான்: இன்றைய நிலையில், மிக அத்தியாவசியத் தேவையான மொபைல் போன்களை, நீண்ட நேர மின்வெட்டின் காரணமாக, சார்ஜ் செய்ய முடியாமல் போகிறது. இதற்குத் தீர்வு காண்பதற்காகவே, நான் காற்றிலிருந்து மின்சாரம் உருவாக்கி, அதன் மூலம் மொபைல் போன் சார்ஜ் செய்யும் கருவியைக் கண்டுபிடித்துள்ளேன். இந்த மொபைல் போன் சார்ஜர் கருவியை, பயணத்தின் போது ஜன்னல் ஓரம் வைத்தால், உள்ளே வரும் காற்று, விசிறியை சுழல வைக்கும். அந்த விசிறி, மின்சாரம் உற்பத்தி செய்யும் டைனமோவை சுழல வைக்கும்.டைனமோ சுற்றுவதால், "ஏசி' மின்சாரம் உற்பத்தியாகிறது. மொபைல் போனை, "டிசி' மின்சாரம் மூலமே, சார்ஜ் செய்ய முடியும். இதையடுத்து கிடைக்கும், "ஏசி' மின்சாரத்தை, "டிசி' மின்சாரமாக மாற்ற, சிறிய டையோடை பயன்படுத்தியுள்ளேன்.இக்கருவி, வாகனங்களில் வெகுதூரம் பயணிப்பவர்களுக்கு உதவியாக இருக்கும். இதை தயார் செய்ய, அதிகபட்சமாக, 350 ரூபாய் வரை செலவாகிறது. சைக்கிள் டைனமோ, தகடால் ஆன விசிறி, டையோடு, ஒயர், சிறிய பெட்டி ஆகிய பொருட்களைக் கொண்டு, இதைத் தயாரிக்கலாம். சில மொபைல் போன்களை சார்ஜ் செய்வதற்கு, ஐந்து வோல்ட் மின்சாரம் தேவைப்படுவதால், அதற்காக தற்போது சில மாறுதல்களைப் புகுத்தி வருகிறேன்.தற்போது, இதே தொழில்நுட்பத்தைப் பயன்படுத்தி, பேட்டரி மூலம் இயங்கும், இரு சக்கர வாகனங்களுக்கு, சார்ஜ் தீர்ந்து போனாலும், காற்றிலிருந்து மின்சாரத்தை உருவாக்கி, பேட்டரியை ரீசார்ஜ் செய்யும் கருவியை கண்டுபிடித்து வருகிறேன். இந்தக் கண்டுபிடிப்பிற்கு அதிக செலவு ஆவதால், அரசிடம் இருந்து ஊக்கத் தொகையை எதிர்பார்த்துக் காத்திருக்கிறேன்.


புதன், 22 பிப்ரவரி, 2012

kothapaye ordered to the battlefield commander by cell phone :போர்முனைத் தளபதிக்கு செல்லிடத் தொலைபேசி மூலம் கட்டளையிட்ட கோத்தாபய?

போர்முனைத் தளபதிக்கு செல்லிடத் தொலைபேசி மூலம் கட்டளையிட்ட கோத்தாபய?

gotapaya5
சிறிலங்கா இராணுவத்தின் தொடர்பாடல் சமிக்கை அதிகாரியாகக் கடமையாற்றிய கோத்தாபய ராஜபக்ச போன்றவர்கள் கூட இரகசியத் தொடர்பாடல் முறைமையைப் பேணவில்லை. ஆகவே குறிப்பிட்ட யுத்த மீறல் தொடர்பில் கிடைக்கப் பெற்ற ஒரு தெளிவான யுத்த கால சாட்சியமாகவே கோத்தபாய ராஜபக்சவின் கட்டளை அமைந்துள்ளது. இது நேரடியாக வழங்கப்பட்ட கட்டளையாகும்.
இவ்வாறு அவுஸ்ரேலியாவை தளமாகக் கொண்ட ஊடகமொன்றில் Sydney Morning Herald ஊடகத்தின் Asia-Pacific editor, Hamish McDonald எழுதியுள்ளார்.
அச்செய்திக்கட்டுரையின் முழுவிபரமாவது,
மே 2009 ல் சிறிலங்காவின் வட கிழக்கு கரையோரப் பகுதியின் ஒடுங்கிய சதுப்பு நிலத்தில் அந்நாட்டு இராணுவப் படையால் மேற்கொள்ளப்பட்ட செறிவான எறிகணைகள், குண்டுகள், துப்பாக்கி ரவைகள் போன்றவற்றை முகங்கொடுத்தவாறு, பல்லாயிரக்கணக்கான தமிழ் மக்களும் விடுதலைப் புலிகளும் அகப்பட்டுக் கொண்டனர்.
யுத்தம் நிறைவுக்கு வந்த போது, விடுதலைப்புலித் தலைவர்கள் மூவர் அவர்களது குடும்பங்களுடன் யுத்த வலயத்தை விட்டு பாதுகாப்பாக வெளியேறி அரசாங்கத்திடம் சரணடைவதை நோக்காகக் கொண்டு, அவர்கள் தம்மிடமிருந்த செல்லிடத் தொலைபேசிகளின் மூலம் கொழும்பிலிருந்த அரசாங்கத்தின் வெளியுறவுச் செயலர், நோர்வே இராஜதந்திரிகள், பிரித்தானிய ஊடகவியலாளர் ஒருவர் மற்றும் தொடர்புபட்ட ஏனையவர்களுடன் தொலைபேசி அழைப்புக்களை மேற்கொண்டதுடன், குறுந் தகவல்களையும் அனுப்பி வைத்தனர்.
இவ்வாறு தொடர்பை மேற்கொண்ட இப் புலித்தலைவர்களையும் அவர்களுடன் இருந்தவர்களையும் இரு கைகளையும் உயர்த்தியவாறு வெள்ளைக் கொடியைக் காண்பித்தவாறு அரசாங்கப் படைகளின் நிலையை ஊடறுத்து வருமாறு பதிலளிக்கப்பட்டது.
இவ்வாறு கட்டளை வழங்கிய மறுநாள், புலித் தலைவர்களான பாலசிங்கம் நடேசன், சீவரத்னம் புலித்தேவன் மற்றும் ரமேஸ் ஆகியோரதும், அவர்களுடன் சென்ற அவர்களது குடும்பத்தவர்கள் சிலரின் உடலங்கள் போன்றன துப்பாக்கிச் சூட்டுக் காயங்களுடன் அரசாங்கப் படைகளால் கண்டெடுக்கப்பட்டன.
இதனை யுத்த வலயத்தில் இடம்பெற்ற கெட்ட நிகழ்வென சிறிலங்கா அரசாங்கம் அறிவித்துக் கொண்டது.
நாட்டில் 25 ஆண்டுகளாகத் தொடரப்பட்ட யுத்தத்தின் நிறைவாக அதன் கரையோரங்கள், ஆலயங்கள், மலைநாடு போன்றவற்றில் சுற்றுலாப் பிரயாணிகளின் வரவு அதிகரித்துள்ளபோதும், மூன்று ஆண்டுகள் கடந்துவிட்ட நிலையில் யுத்தத்தின் நிறைவில் இடம்பெற்ற குறிப்பிட்ட சம்பவம் தற்போது மீளவும் சிறிலங்கா அதிபர் மகிந்த ராஜபக்சவுக்கு பெரும் தலைவலியை ஏற்படுத்தியுள்ளது.
புலிகள் தோற்கடிக்கப்பட்டு சில மாதங்கள் கடந்த நிலையில், ராஜபக்சவின் இராணுவத் தளபதியாக இருந்து ‘யுத்த வெற்றியைப்’ பெற்றுக் கொடுத்ததாக புகழாரம் வழங்கப்பட்ட சரத் பொன்சேகா அதிபர் தேர்தலில் ராஜபக்சவை எதிர்த்து வேட்பாளராகப் போட்டியிட்டார்.
இக்காலப்பகுதியில், புலித் தலைவர்கள் மூவரும் அவர்களது உறவுகளும் சரணடைய முயற்சித்தமை தொடர்பாக சரத் பொன்சேகா ‘சண்டே லீடர்’ பத்திரிகைக்கு வழங்கிய நேர்காணலில் சிறிது வேறுபட்ட தகவலை வழங்கியிருந்தார்.
இப்புலித் தலைவர்கள் சரணடைவற்காக எடுத்துக் கொண்ட முயற்சிகள் தொடர்பாக ஆராய்ந்த போது உண்மையில் என்ன நடந்ததென்பது தெளிவானது. அதாவது யுத்த காலப்பகுதியில் 58 ஆவது படையணிக்கு பொறுப்பாக இருந்த பிரிகேடியர் சவீந்திர சில்வாவிற்கு சிறிலங்காவின் பாதுகாப்புச் செயலர் கோத்தாபய ராஜபக்ச “சரணடைய முயலும் எந்தவொரு புலித் தலைவர்களையும் ஏற்றுக் கொள்ள வேண்டாம்” என கட்டளை வழங்கியிருந்தார். “அவர்கள் கொல்லப்பட வேண்டும்” என கோத்தாபய ராஜபக்ச கட்டளை வழங்கியிருந்ததாக கூறப்படுகின்றது.
2009ல் இடம்பெற்ற அதிபர் தேர்தலில் பொன்சேகா தோல்வியடைந்தார். அத்துடன் பொன்சேகாவுக்கு எதிராக ஊழல் குற்றச்சாட்டு முன்வைக்கப்பட்டு அவர் சிறையிலடைக்கப்பட்டார். “சாரணர் இயக்கத்தை நிறுவிய பேடின் பவுளின் படத்தைப் பார்த்தவாறு சரத் பொன்சேகா தற்போது காற்சட்டை அணிந்தவாறு சிறை ஒன்றுக்குள் அடைக்கப்பட்டுள்ளார்” என The Economist என்ற ஊடகத்தில் குறிப்பிடப்பட்டுள்ளது.
ஆனால் இவருடன் தொடர்புபட்ட வெள்ளைக் கொடி விவகாரம் இன்னமும் முடிவிற்கு வரவில்லை. அது தற்போதும் தொடர்கின்றது. நிராயுதபாணிகளாக சரணடைந்த புலிகளை கொலை செய்யுமாறு கோத்தபாய ராஜபக்சவால் வழங்கப்பட்ட கட்டளை உண்மையானதெனவும் இதனை தமது புலனாய்வு அறிக்கைகள் உறுதிப்படுத்துவதாகவும் சிறிலங்கா அரசாங்கத்திடம் அமெரிக்கா எடுத்துக் கூறியதாக தகவல்கள் தெரிவிக்கின்றன.
யுத்த மீறல்கள் தொடர்பில் பொறுப்புக் கூறுவதற்கேற்ற தொடர்பாடல் ஆவணத்தைப் பெறுவதென்பது கடினமானதாகும். ஆனால் சிறிலங்கர்களைப் பொறுத்தளவில், உயர் மட்ட அதிகாரிகள் கூட தமது இரகசியத் தகவல்களை வெளிப்படையான செல்லிடத் தொலைபேசிகளின் மூலமே பரிமாறியுள்ளனர். இதனால் இவ்வாறான இரகசியத் தகவல்களைப் பாதுகாப்பதென்பது அவ்வளவு சுலபமான காரியமல்ல.
சிறிலங்கா இராணுவத்தின் தொடர்பாடல் சமிக்கை அதிகாரியாகக் கடமையாற்றிய கோத்தாபய ராஜபக்ச போன்றவர்கள் கூட இரகசியத் தொடர்பாடல் முறைமையைப் பேணவில்லை. ஆகவே குறிப்பிட்ட யுத்த மீறல் தொடர்பில் கிடைக்கப் பெற்ற ஒரு தெளிவான யுத்த கால சாட்சியமாகவே கோத்தபாய ராஜபக்சவின் கட்டளை அமைந்துள்ளது. இது நேரடியாக வழங்கப்பட்ட கட்டளையாகும்.
சிறிலங்காவில் தொடரப்பட்ட யுத்தத்தின் போது நேரடியாக வழங்கப்பட்ட கட்டளைக்கான சிறந்ததோர் சாட்சியமாக இது உள்ளது.
அத்துடன் தனது சகோதரனின் அரசாங்கத்தில் கோத்தாபய ராஜபக்ச அதிவலுமிக்க உயர் மட்ட அதிகாரியாக இருப்பதாலும், சிறிலங்கா இராணுவம் மற்றும் காவற்துறை போன்றவற்றை மட்டுமல்லாது சிறிலங்காவின் நகர அபிவிருத்தியை மேற்பார்வை செய்யும் அமைச்சின் உயர் மட்ட அதிகாரியாக இருப்பதாலும், இவரால் வழங்கப்பட்ட கட்டளையானது உண்மையில் பெறுமதிமிக்க யுத்த சாட்சியமாக உள்ளது.
அமெரிக்க அரசாங்கத்திற்கும் கோத்தாபயவால் வழங்கப்பட்ட கட்டளை தொடர்பான ஆவணமானது வலுமிக்க கருவியாக உள்ளது. தமிழ்ப் புலிகளுடன் மேற்கொண்ட யுத்தத்தின் போது சிறிலங்கா அரசாங்கத் தரப்பால் இழைக்கப்பட்ட யுத்தக் குற்றங்கள் தொடர்பில் விசாரணை செய்வதற்காக மகிந்த ராஜபக்சவால் நியமிக்கப்பட்ட ஆணைக்குழுவின் பரிந்துரைகளை உடனடியாக அமுல்படுத்துமாறு சிறிலங்கா அதிபர் மீது, இந்தியாவுடன் இணைந்து அமெரிக்கா அழுத்தம் கொடுத்து வருகின்றது.
சிறிலங்கா அதிபரால் உருவாக்கப்பட்ட கற்றுக் கொண்ட பாடங்களுக்கான ஆணைக்குழுவானது 18 மாதங்களாக மேற்கொண்ட விசாரணையின்  இறுதி அறிக்கையை கடந்த நவம்பரில் கையளித்திருந்தது. இது தொடர்பில் சிறிலங்கா அரசாங்கத்தால் மேற்கொள்ளப்பட்ட அனைத்தும் ஒரு கண்துடைப்பு நாடகமாகும்.
தமிழ்ப் புலிகள் மனித உயிரினங்களை மதிக்கவில்லை எனவும் சிறிலங்காப் படைகள் பொதுமக்களுக்கு இழப்புக்களை ஏற்படுத்தாதவாறு அவர்களைப் பாதுகாப்பதற்கு முன்னுரிமை அளித்ததாகவும் நல்லிணக்க ஆணைக்குழுவின் அறிக்கையில் குறிப்பிடப்பட்டுள்ளது.
‘யுத்த வலயமற்ற பகுதிகள்’ என அறிவிக்கப்பட்ட வலயங்களில் சிறிலங்கா இராணுவப் படைகள் தாக்குதல்களை மேற்கொள்ளவில்லை எனவும் அதில் குறிப்பிடப்பட்டுள்ளது. இது உண்மையில் ஆச்சரியப்படத்தக்க விடயமல்ல.
யுத்தத்தின் போது வெற்றி பெற்ற எந்தத் தரப்பும் தாமாகவே தம் மீதான யுத்தக் குற்றச்சாட்டுக்களை ஏற்றுக் கொண்டுள்ளனவா?
தமிழர்கள் பெருமளவில் வாழும் பகுதிகளில் குவிக்கப்பட்டுள்ள இராணுவத்தை எடுத்தல், துணை ஆயுதக் குழுக்களின் துப்பாக்கிகளைக் களைதல், பிரதிநிதிகளைக் கொண்ட நிறுவனங்களை அமைத்தல், காணமாற் போனவர்கள் தொடர்பாக விசாரணைகளை மேற்கொள்ளுதல், ஊடகவியலாளர்கள் மற்றும் மனித உரிமை செயற்பாட்டாளர்கள் மீதான தாக்குதல்கள் தொடர்பில் விசாரணைகளை மேற்கொள்ளுதல் போன்றன தொடர்பாக நல்லிணக்க ஆணைக்குழுவால் பரிந்துரைக்கப்பட்ட யுத்தத்தின் பின்னான செயற்பாடுகள் தொடர்பில் அமெரிக்கா மற்றும் இந்தியா ஆகியன மேலும் அதிக கவனத்தைச் செலுத்தியுள்ளன.
இதுவரையில் இப்பரிந்துரைகளை அமுல்படுத்துவதற்கான சிறிய சைகையைக் கூட மகிந்த ராஜபக்ச காண்பிக்கவில்லை. அனைத்துலக சமூகத்தால் இது தொடர்பில் மேலும் அழுத்தங்கள் வழங்கப்படாதிருப்பதற்கு, நல்லிணக்க ஆணைக்குழுவின் பரிந்துரைகளை உடனடியாக அமுல்படுத்த வேண்டும் என கடந்த மாதம் சிறிலங்காவுக்கு வருகை தந்திருந்த இந்திய வெளியுறவு அமைச்சர் எஸ்.எம்.கிருஸ்ணா, மகிந்த ராஜபக்சாவிடம் வலியுறுத்தியிருந்தார்.
சிறிலங்கா ஆணைக்குழுவின் பரிந்துரைகளை நிறைவேற்றத் தவறின் நடைபெறவுள்ள ஐ.நா மனித உரிமைகள் பேரவையின் கூட்டத் தொடரில் சிறிலங்காவுக்கு எதிராக முன்வைக்கப்படும் பிரேரணைக்கு ஆதரவாக வாக்களிக்கவுள்ளதாக அமெரிக்க இராஜாங்கச் செயலர் ஹிலாரி கிளின்ரனால் சிறிலங்கா அரசாங்கத்திடம் அனுப்பி வைக்கப்பட்ட கடிதத்தில் தெரிவிக்கப்பட்டிருந்தது.
இது தொடர்பில் எச்சரிக்கை விடுக்கும் நோக்கில் கடந்த வார இறுதியில் இரு அமெரிக்க உயர் மட்டப் பிரதிநிதிகளை கிளின்ரன் சிறிலங்காவுக்கு அனுப்பி வைத்திருந்தார். இவர்கள் கொழும்பில் நின்ற போது, ‘பிறிதொரு வெள்ளை வான் கடத்தல் சம்பவம்’ ஒன்று இடம்பெற்றது.
அதாவது எந்தவொரு குற்றச்சாட்டுக்களுமின்றி இரு ஆண்டுகள் வரை சிறிலங்கா அரசாங்கத்தால் தடுத்து வைக்கப்பட்டதை எதிர்த்து நீதிமன்றில் வழக்குத் தாக்கல் செய்திருந்த தமிழ் வர்த்தகர் ஒருவர் நீதிமன்ற விசாரணைக்காக செல்வதற்காக காத்திருந்த போதே குறிப்பிட்ட இத் தமிழ் வர்த்தகர் வெள்ளை வானில் கடத்தப்பட்டிருந்தார்.
ராஜபக்ச ஆட்சியில் தற்போது அச்சமும், பீதியும் நிலவுகின்றது. மீளிணக்கப்பாட்டின் ஒரு முயற்சியாக ஜெனரல் பொன்சேகாவுக்கு மன்னிப்பு வழங்கி அவரை விடுதலை செய்தல் மற்றும் நீண்ட காலமாகத் தொடரப்படும் இனப் பிரச்சினை தொடர்பில் பிரதான தமிழ்க் கட்சியுடன் பேச்சுக்களை நடாத்துதல் தொடர்பில் சிறிலங்கா அதிபர் மீது அமெரிக்கா அழுத்தத்தைப் பிரயோகிப்பதுடன், இவரது சகோதரரான கோத்தாபய ராஜபக்ச தொடர்பிலும் அமெரிக்கா தீவிர கவனத்தைச் செலுத்த வேண்டும்.
மொழியாக்கம்: புதினப்பலகை நித்தியபாரதி.

திங்கள், 3 அக்டோபர், 2011

boarding pass through cellphone: விமானப் பயணிகளுக்கு ஏறுதலிசைவு அலைபேசியில்: விரைவில் நடவடிக்கைக்கு

விரைவில் அமலுக்கு வருகிறது
விமான பயணிகளுக்கு செல்போனில் “போர்டிங் பாஸ்”: விரைவில் அமலுக்கு வருகிறது
புதுடெல்லி, அக். 3-  
 
தற்போது விமானப் பயணிகள் விமானத்தில் ஏறும் முன் லக்கேஜ் சோதனை, பாஸ்போர்ட் விசா சோதனை ஆகியவை முடிந்த பின்பு “போர்டிங் பாஸ்” வழங்கப்படுகிறது. இதற்கு விமான பயணிகள் பல மணி நேரம் காத்திருக்க வேண்டிய நிலை உள்ளது.
 
உள்நாட்டு விமானங்களில் பயணம் செய்ய ஒரு மணி நேரமும், வெளிநாடுகளுக்கு செல்ல 3 மணி நேரத்துக்கு முன்பும் வந்து காத்திருக்க வேண்டி உள்ளது. இது பயணிகளுக்கு அசவுகரியத்தை ஏற்படுத்துவதால் விரைவில் “போர்டிங் பாஸ்” வழங்குவது பற்றி மத்திய விமான போக்குவரத்து துறை ஆலோசித்து வருகிறது.  
 
பயணிகளின் செல்போன்கள் மற்றும் இ.மெயில் முகவரிகளுக்கு “போர்டிங் பாஸ்” களை முன்கூட்டியே அனுப்புவது பற்றி ஆலோசிக்கப்படுகிறது. அவர்கள் டிக்கெட் முன்பதிவு செய்ததும் உடனே அவர்களது செல்போன்களுக்கு போர்டிங் பாஸ்கள் அனுப்பப்பட்டுவிடும். அதை அவர்கள் டவுன்லோடு செய்து கொள்ளலாம்.
 
இதன் மூலம் பயணத்துக்குப்பின் காத்திருக்கும் நேரம் குறையும். வழக்கமான லக்கேஜ் மற்றும் இதர சோதனைகள் மட்டும் விமான நிலையத்தில் நடைபெறும். போர்டிங் பாஸ் வழங்குவது தொடர்பாக ஏர் டிரான்ஸ்போர்ட் கம்யூனிகேசன்ஸ் நிறுவனமான “சிடா” மற்றும் விமான நிறுவனங்களுடன் பேச்சு நடத்தப்பட்டு வருகிறது.  
 
இதுபோன்ற “மொபைல் போர்டிங் பாஸ்” வழங்கும் முறை ஏற்கனவே அமெரிக்கன் ஏர்லைன்ஸ், கான்டினென்டில் ஏர்லைன்ஸ், டெல்டா ஏர்லைன்ஸ், பிரிட்டிஷ் ஏர்வேய்ஸ் உள்பட பல சர்வதேச விமான நிறுவனங்களில் அமலில் இருக்கிறது.

வியாழன், 24 பிப்ரவரி, 2011

thamizh web in cell: உங்கள் கைப்பேசியில் தமிழ் இணையத் தளம், தமிழில் தெரிய

உங்கள் கைப்பேசியில் தமிழ் இணையத் தளம், தமிழில் தெரிய…

உங்கள் கைப்பேசியில் தமிழ் இணையத் தளம், தமிழில்  தெரிய… www.m.opera.com போகவும். download opera mini 5.1 (English India) என்ற இணைய உலாவிக்கான (browser) மென் பொருளை, நினைவக அட்டையில் (memory card) சேமித்த பிறகு O-opera mini  என்ற சிறு படத்தோடு அந்த மென்பொருள்   உங்கள் கைப்பேசி மெனு பட்டியலில் காணக் கிடைக்கும்.
Install ஆன பிறகு start என்று அந்த மென்பொருளை இயக்கவா? என்று அனுமதி கேட்கும்.
அந்த மென்பொருள் முதன்முதலாக திறக்கும்போது மட்டும் கொஞ்சம்   நேரத்தை எடுத்துக் கொள்ளும்.
ஆப்ரா ப்ரவுசர் இணைய தளம் திறக்கப்பட்டு, பிரவுசர் அறிமுகப் பக்கத்தைக் காண்பிக்கும்.
accept கொடுத்து தொடருங்கள்.
தற்பொழுது இணைய தளங்களை திறப்பதற்கு, முழுமையாக தயாராகியிருக்கும். ஆனால் தமிழ் எழுத்துக்கள், தமிழாகத் தெரியாமல் கட்டம் கட்டமாகத் தெரியும். அதற்கு பிரசர் செட்டிங்கில் கொஞ்சம் மாற்றம் செய்ய வேண்டும்.
ஆப்ரா பிரவுசரின் அட்ரஸ் பார் போகவும். அங்கே www. என்பது போன்ற எல்லாவற்றையும் சுத்தமாக, அழித்த பிறகு… தவறில்லாமல்… opera:config என்று தட்டச்சு செய்த பிறகு ok செய்யவும்.
அந்த உலாவிப் பக்கம், மாறி செட்டிங் பக்கத்தைத் திறக்கும். அந்தப் பக்கத்தின் கீழே கடைசியாக… use bitmap fonts for complex scripts என்பதில் no என்று இருக்கும். அதை yes என்று மாற்றிய பிறகு வேறு எந்த மாற்றத்தையும் செய்யாமல் கவனமாக save செய்து, அந்த பிரவுசரை  விட்டு, வெளியேறவும்.
தவறான மாற்றங்கள் உலாவியை திறப்பதில் சிக்கலை உருவாக்கும். அப்படி ஏதேனும் சிக்கல் ஏற்பட்டால், அந்த மென்பொருளை அழித்த பிறகு முதலிருந்து தான் தொடங்க வேண்டும்.
எல்லா மாற்றங்களையும் செய்த பிறகு மொபைலை switch off செய்த பிறகு on செய்யுங்கள்.
அவ்வளவுதான்!
நோக்கியா, சோனி எரிக்சன் தயாரிப்பு கைப்பேசிகளில் சோதித்துப் பார்த்தபோது சரியாகவே இயங்குகிறது.
- மனிதன் ( foryouths@beyouths.com )
மீனகம் தளத்தினை செல்பேசியில் காண: http://meenakam.com/?mobile என்று தட்டச்சு செய்யவும்..

வெள்ளி, 4 பிப்ரவரி, 2011

Because of Raja, Cellphone comes to the poor-kalaignar con-gratulates: ஏழைகளிடம் அலைபேசியைக் கொண்டு சென்றவர்இராசா: முதல்வர் பாராட்டு

அண்ணா நூற்றாண்டு நூலகம் போன்ற சிறப்புகளை வரலாறு கண்டிப்பாகப்பாராட்டும். தமிழ்ச் சமுதாயத்திற்கு ஆற்றிய நற்பணிகைளப் பாராட்டும் வரலாறு இத்தகையவர் ஈழத் தமிழர்  ஒழிப்பிற்குத் துணை நின்ற அவலத்தையும் பதியும் என்பதை மறக்க வேண்டா. காலம் கடக்கவி்ல்லை. ஈழத் தமிழர்கள் தன்னுரிமையுடன் தம் நாட்டில் தனி நாட்டில் வாழ உரிய பணி ஆற்றினால் வையகம் உள்ள வரை கலைஞர் பெயர் நிலைத்திருக்கும். ஆங்கிலேயர் வஞ்சகத்தால்  தமிழர் உரிமைகள் சிங்களவர்களிடம்  அடகு வைக்கப்பட்ட  இன்றைய துயர நாளிலேனும் குலைஞர் சிந்தி்த்து அடிமைத் தளையை அறுக்க உதவலாம்! அன்புடன் இலக்குவனார் திருவள்ளுவன்


ஏழைகளிடம் செல்போனை கொண்டு சென்றவர் ராசா: முதல்வர் பாராட்டு

சென்னை, பிப். 3: ஏழை, எளிய மக்களுக்கும் செல்போனைக் கொண்டு சென்றவர் ராசா என்று முதல்வர் கருணாநிதி தெரிவித்தார்.  தென் சென்னை மாவட்ட தி.மு.க. சார்பில் தி.மு.க. பொதுக்குழுத் தீர்மானங்கள் விளக்கப் பொதுக்கூட்டம் சென்னை சைதாப்பேட்டையில் வியாழக்கிழமை நடைபெற்றது. இந்தக் கூட்டத்தில் முதல்வர் கருணாநிதி பேசியதாவது:  நமது உள்ளங்களிலே அதிர்ச்சி ஏற்படுத்திய செய்தி குறித்த தீர்மானம் நமது பொதுக்குழுவில் நிறைவேற்றப்பட்டுள்ளது. ஸ்பெக்ட்ரம் பிரச்னையில் ராசாவைக் கைது செய்தது தொடர்பானது இந்தத் தீர்மானம்.  ராசா இந்தத் துறை அமைச்சராகப் பொறுப்பேற்று செய்த குற்றம் என்ன என்று பார்த்தால், ஏழை, எளிய மக்களுக்கும் செல்போனைக் கொண்டுசென்றதுதான்.  செல்போன் பணக்காரர்களுக்கு மட்டும் சொந்தமானதாக, பயன்படுத்தக் கூடியதாக இருந்தது.  இப்போது நாற்று நடச் செல்லும் பெண்களும், தையல் வேலைக்குச் செல்லும் பெண்களும் செல்போனைப் பயன்படுத்துகிறார்கள். மிகக் குறைந்த விலையில், குறைந்த வாடகையில் செல்போன் பயன்படுத்துவதற்கான நிலையை ஏற்படுத்திய பெருமை இன்று தில்லிச் சிறையில் வாடும் ராசாவுக்கு உண்டு.  அந்த ஏழை, எளிய மக்களின் சார்பாக தில்லியில் உள்ள ராசாவை பாராட்டக் கடமைப்பட்டுள்ளேன்.  நம்மவர்கள் இதுபோன்ற கொடுமைகளை அனுபவித்துத்தான் தீரவேண்டும். இதுபோன்ற கொடுமைகளின் மூலமாகத்தான், இந்த சமுதாயத்துக்காக நாம் நம்மை அர்ப்பணித்துக்கொண்டவர்கள் என்ற உணர்வு வரும்.  அண்ணா நூற்றாண்டு நூலகம், புதிய தலைமைச் செயலகம் போன்ற பணிகளை எந்தப் பத்திரிகைகளும் பாராட்டி எழுதவில்லை.  யாரும் தடுக்க முடியாது: திருவள்ளுவர் சிலை, சட்டப் பேரவைக்கான உயர்ந்த கட்டடம் ஆகியவற்றைப் பற்றி இவர்கள் எழுதாமல் இருக்கலாம்.  100 ஆண்டுகளுக்குப் பிறகு கருணாநிதி இருந்தான் என்று வரலாறு சொன்னாலும் சொல்லாவிட்டாலும் கூட, நான் எழுப்பிய மாளிகைகள் இருந்து அதைச் சொல்லும். என் பெயர் நிலைக்க வேண்டும் என்பதற்காக இதைச் சொல்லவில்லை. நான் ஆற்றிய காரியங்கள் தமிழ் மக்களுக்காக, தமிழ்ச் சமுதாயத்துக்காக நான் ஆற்றிய பணிகளை ஏடுகள் கூறாவிட்டாலும், என்றாவது ஒரு நாள் வரலாற்றில் நிலைக்கத்தான் போகிறது. அதை யாரும் தடுக்க முடியாது என்றார்.  

சனி, 18 செப்டம்பர், 2010

தொடர்பு எல்லைக்கு வெளியே...
First Published : 18 Sep 2010 12:00:00 AM IST


அண்மையில் வெளியான திரைப்படம் ஒன்றில், செல்போனில் சிக்னல் கிடைக்காததால்  செல்போன் சேவை அளிக்கும் நிறுவனங்களை எல்லாம் நகைச்சுவை நடிகர் ஒருவர் திட்டித் தீர்ப்பது போன்ற ஒரு காட்சி. பார்ப்பதற்கு நகைச்சுவையாகத் தோன்றினாலும், செல்போன் வைத்திருக்கும் ஒவ்வொருவரும் அனுபவிக்கும் வேதனை அது. அன்றாட வாழ்வில் செல்போன் தவிர்க்க முடியாத ஓர் அம்சமாகிவிட்டதைப்போல பெரும் இம்சையாகவும் மாறிவிட்டது. இப்போதெல்லாம் 5 ரூபாய்க்குக் கூட செல்போனில் ரீசார்ஜ் செய்யும் வசதி  வந்துவிட்டது. ஆனால், பெருமைப்படக்கூடிய விஷயம் அல்ல அது. சட்டைப்பையில் 5 ரூபாயைக்கூட வைத்திருக்கவிடாமல் பறித்துக் கொள்ள செல்போன் நிறுவனங்கள் வகுத்துள்ள உத்தியாகத்தான் கருத வேண்டும். மக்களின் செல்போன் மோகத்தைப் பயன்படுத்தி செல்போன் சேவை அளிக்கும் நிறுவனங்கள் பெரும் கொள்ளையே அடிக்கின்றன. செல்போன் எண்களை வணிக நிறுவனங்களுக்குத் தந்து தேவையற்ற அழைப்புகளுக்கு வழிவகை செய்வது ஒருபுறம் என்றால், சேவை என்ற பெயரில் எதற்கெடுத்தாலும் காசு பறிப்பது மற்றொரு புறம். ரிங்டோனை தேர்வு செய்யக் கட்டணம், அதைப் பதிவிறக்கம் செய்யக் கட்டணம்.  "விருப்பமானவங்க கால் செய்யும்போது அவங்க விரும்பும் பாடலைக் கேட்கச் செய்யுங்க' என்று விளம்பரம் செய்து காலர் டியூனை செயலாக்கம் செய்யக் கட்டணம் என எதற்கெடுத்தாலும் கட்டணம்தான். பேலன்ஸில் உள்ள தொகையில் திடீர் திடீரென |30 குறையும். வாடிக்கையாளர்  சேவைப் பிரிவைத் தொடர்புகொண்டு கேட்டால், "எஸ்.எம்.எஸ். பேக் உங்கள் எண்ணுக்கு தவறுதலாகத் தேர்வாகிவிட்டது. அடுத்த மாதம் இந்தச் சேவையை நீக்கிவிடுகிறோம்' என்பார்கள். கட்டணம் குறைந்துவிட்டது குறித்துக் கேட்டால் குறைந்தது குறைந்ததுதான் என வருத்தமேயின்றிச் சொல்வார்கள். பிடித்தமானவர்கள் போன் செய்யும்போது காலர் டியூனால் மகிழ்விக்கலாம் என்றால், "இந்த காலர் டியூனை காப்பி பண்ண எண் ஒன்றை அழுத்துங்கள்' என்ற விளம்பரத்தைத்தான் அடிக்கடி கேட்க வேண்டியிருக்கும்.  சில நிறுவனங்கள் தங்களுக்குச் செல்போன் கோபுரம் இல்லாத பகுதியில் இணைப்புக் கிடைக்காததை மறைத்து, "நீங்கள் தொடர்பு கொள்ளும் எண் சுவிட்ச் ஆஃப் செய்யப்பட்டுள்ளது' எனத் தெரிவிக்கின்றன. 50 ரூபாய்க்கு ரீசார்ஜ் செய்தால் 42.50 ரூபாய்க்குத்தான் பேசலாம். எப்பேர்ப்பட்ட பகல் கொள்ளை இது. முழுத் தொகையும் கணக்கில் ஏறும் வசதி குறித்து பல மாதங்களுக்கு முன்னரே தொலைத்தொடர்பு ஒழுங்குமுறை ஆணையம் (டிராய்) ஆலோசனை செய்தது. ஆனால், இன்னும் நடைமுறைக்கு வந்தபாடில்லை. செல்போன் சேவை அளிக்கும் நிறுவனங்கள் "மனசு வைத்தால்' மட்டும் அவ்வப்போது முழு "டாக் டைம்' வசதி வாடிக்கையாளர்களுக்குக் கிடைக்கும். அது மட்டும் செல்போன் நிறுவனங்களுக்கு கட்டுபடி ஆகிறதா என்ன? "ஆட்-ஆன்' எண்களைத் தேர்வு செய்து குறைந்த கட்டணத்தில் பேசுங்கள் என்ற சலுகையை அனைத்து நிறுவனங்களுமே அளிக்கின்றன. ஆனால், அதற்கு மாதந்தோறும் தனி வாடகை. 50 ரூபாய்க்கு ரீசார்ஜ் செய்து, குறைந்த அழைப்புக் கட்டணத்தில் பேச வேண்டுமானால் தனியாக ஒரு தொகைக்கு ரீசார்ஜ் செய்ய வேண்டும். பூஸ்டர் கார்டு, போனஸ் கார்டு என ஒவ்வொரு நிறுவனமும் ஒவ்வொருவிதமாக ஏமாற்றுகின்றன. இப்போது அனைத்து செல்போன் நிறுவனங்களும் இணையதள சேவையிலும் இறங்கியுள்ளன. அதிலும் செல்போன் பயன்படுத்துவோருக்கு சாதகமான அம்சங்கள் இல்லை. இலவச "டவுண்லோட்', "அன்லிமிடெட் பிரவுசிங்' என்றெல்லாம் கவர்ச்சிகரமாக விளம்பரம் செய்தாலும் "பேலன்ஸ்' தொகை மொத்த மொத்தமாக காலியாவதுதான் மிச்சம். காரணம் கேட்டால் உரிய பதில் கிடைக்காது. மாதந்தோறும் வாடிக்கையாளர் எண்ணிக்கையைப் பெருக்குவதிலேயே குறியாக இருக்கும் நிறுவனங்கள், அதற்கேற்ப கட்டமைப்பு வசதிகளை ஏற்படுத்துவதில்லை. இதனால், செல்போனில் பேசும்போது தெளிவாகக் கேட்காதது, பேசிக் கொண்டிருக்கும்போதே பாதியில் இணைப்புத் துண்டிக்கப்படுவது என பல சிரமங்கள். மொத்தத்தில் செல்போன் சேவை அளிக்கும் நிறுவனங்கள் அனைத்துமே சேவையைப் பொறுத்தவரை தொடர்பு எல்லைக்கு வெளியேதான் உள்ளன.
சரியாக எழுதிச் சரியாக முடித்துள்ளார் கட்டுரையாளர் திரு இராசாராம். பாராட்டுகள். அலைபேசி நிறுவனங்கள் என்று திருத்திக் கொள்ளுமோ?
அன்புடன் இலக்குவனார் திருவள்ளுவன்
By Ilakkuvanar Thiruvalluvan
9/18/2010 4:05:00 AM
*

செவ்வாய், 11 மே, 2010

யார் யாரு​டன் நளினி செல்​போ​னில் பேசி​னார்?​​ அமைச்​சர் துரை​மு​ரு​கன் விளக்​கம்

சென்னை, ​​ மே 10:​ வேலூர் சிறை​யில் அடைக்​கப்​பட்​டுள்ள நளினி செல்​போன் மூலம் யார் யாரு​டன் பேசி​னார் என்​பது குறித்த விவ​ரங்​கள் கிடைத்து வரு​வ​தாக சட்​டப் பேர​வை​யில் அமைச்​சர் துரை​மு​ரு​கன் விளக்​கம் அளித்​தார்.​சட் ​டப் பேர​வை​யில் திங்​கள்​கி​ழமை நடை​பெற்ற உள்​துறை,​​ மது​வி​லக்கு மற்​றும் ஆயத்​தீர்​வைத் துறை​க​ளின் மானி​யக் கோரிக்கை மீதான விவா​தத்​தில் சட்​டப் பேரவை காங்​கி​ரஸ் தலை​வர் டி.சுதர்​ச​னம் பேசி​ய​தா​வது:​கா​வல் துறை மற்​றும் நீதித் துறை​யில் உள்ள சில​ரி​டம் ஒழுங்​கீ​னம் காணப்​ப​டு​கி​றது.​ இது குற்ற பின்​னணி கொண்​ட​வர்​க​ளி​டம் பய​மின்மை உணர்வை தோற்​று​விப்​ப​து​டன் குற்​றங்​கள் அதி​க​ரிக்​க​வும் ஒரு கார​ண​மா​கி​றது.​÷கா​வல் துறை அதி​கா​ரி​கள் சிலர் பணியி​லி​ருந்து ஓய்வு பெற்ற பின் அர​சி​யல் கட்​சி​யில் சேர்ந்து பதவி பெறு​கின்​ற​னர்.​ இத்​த​கைய அதி​கா​ரி​கள் அர​சி​யல் பிர​மு​கர்​க​ளு​டன் தங்​க​ளுக்கு உள்ள நெருக்​கம் கார​ண​மாக உயர் அதி​கா​ரி​களை மதிப்​ப​தில்லை.​ இது​வும் குற்​றச் செயல்​க​ளில் ஈடு​ப​டு​வோ​ருக்கு துணிச்​சலை அளிப்​ப​தாக உள்​ளது.​த​மி​ழ​கத்​தில் கடந்த 3 மாதங்​க​ளில் ரியல் எஸ்​டேட் தொழில் தொடர்​பான தக​ராறு கார​ண​மாக 50 கொலை​கள் நிகழ்ந்​துள்​ளன.​ ​தற்​போது சிறை​யில் இருக்​கும் நளி​னி​யி​டம் இருந்து 2 செல்​போன்​கள்,​​ சில சிம் கார்​டு​கள் பறி​மு​தல் செய்​யப்​பட்​டன.​இது சாதா​ர​ண​மாக எடுத்​துக் கொள்​ளக்​கூ​டிய விஷ​ய​மல்ல.​கஞ்சா கடத்​தல் உள்​ளிட்ட வழக்​கு​க​ளில் கைதாகி சிறை​யில் அடைக்​கப்​பட்​ட​வர்​க​ளி​டம் இருந்து செல்​போன்​கள் பறி​மு​தல் செய்​யப்​பட்​டால் அதன் பாதிப்பு சாதா​ர​ண​மா​கத்​தான் இருக்​கும்.​ஆ ​னால்,​​ முன்​னாள் பிர​த​மர் ராஜீவ் காந்தி கொல்​லப்​பட்ட வழக்​கில் கைது செய்​யப்​பட்டு தண்​டனை விதிக்​கப்​பட்டு சிறை​யில் அடைக்​கப்​பட்​டி​ருக்​கி​றார் நளினி.​ அவர் ஒரு தேச விரோத சக்தி.​ அப்​ப​டிப்​பட்ட நப​ரி​டம் செல்​போன்​கள் பறி​மு​தல் செய்​யப்​பட்​டி​ருப்​பது சிறைக் காவ​லர்​கள் அவ்​வ​ளவு கவ​ன​மாக அவரை கண்​கா​ணிக்​க​வில்லை என்​ப​தையே காட்​டு​கி​றது என்​றார்.​ ​ ​ ​ ​ ​ ​ ​ ​அ​மைச்​சர் துரை​மு​ரு​கன்:​​ சிறைக் காவ​லர்​கள் மிகுந்த கவ​னத்​து​டன் நளி​னியை கண்​கா​ணித்து வரு​கின்​ற​னர்.​ இத​னா​லேயே அவ​ரி​டம் செல்​போன்​கள் இருந்​தது கண்​டு​பி​டிக்​கப்​பட்டு பறி​மு​தல் செய்​யப்​பட்​டன.​டி.சுதர்​ச​னம்:​​ நளினி கடந்த ஓராண்​டாக செல்​போனை பயன்​ப​டுத்தி பல்​வேறு வெளி நாடு​க​ளில் உள்ள நபர்​க​ளு​டன் பேசி இருக்​கி​றார்.​இது வேறு ஒரு பெரிய அசம்​பா​வித சம்​ப​வத்​துக்கு வழி​வ​குத்​து​வி​டா​மல் இருக்க வேண்​டு​மா​னால்,​​ இந்த செல்​போன் பேச்​சு​கள் குறித்து முழு​மை​யாக விசா​ரிக்க வேண்​டும்.​ தேவைப்​பட்​டால் மத்​திய அர​சின் உத​வி​யை​யும் இதற்​காக தமி​ழக அரசு கேட்​டுப் பெற​லாம்.​வை.சிவ​புண்​ணி​யம் ​(இந்​திய கம்​யூ​னிஸ்ட்)​:​ நளி​னியை ஏதோ தேச விரோத சக்தி போல குறிப்​பிட்டு பேசு​கி​றீர்​களே,​​ அப்​ப​டி​யா​னால்,​​ உங்​கள் கட்சி தலை​வி​யின் மகள் பிரி​யங்கா ஏன் சந்​தித்​தார்?​​பீட்​டர் அல்​போன்ஸ் ​(காங்​கி​ரஸ்)​:​​ ஒரு குற்​றச் செய​லில் ஈடு​பட்​ட​வரை அவ​ரால் பாதிக்​கப்​பட்​ட​வர்​கள் மன்​னிப்​பது என்​பது அவர்​க​ளது தனிப்​பட்ட விஷ​யம்.​ ஆனால்,​​ நாட்​டுக்கு எதி​ராக குற்​றம் இழைத்த நளினி சட்​டப்​படி தண்​டனை பெற வேண்​டி​ய​வர்.​ ராஜீவ் காந்தி கொலை குறித்து தா.பாண்​டி​யன் எழு​தி​யுள்ள புத்​த​கத்தை சிவ​புண்​ணி​யம் படித்​துப் பார்க்க வேண்​டும்.​அமைச்​சர் துரை​மு​ரு​கன்:​​ நளினி செல்​போன் மூலம் தனது மக​ளி​டம் பேசி​யுள்​ளார்.​ இலங்​கை​யில் உள்ள சில​ரி​டம் பேசி​யுள்​ளார்.​ வெளி​நா​டு​க​ளில் வேறு எவ​ரி​ட​மா​வது அவர் பேசி​யுள்​ளாரா என்​பது குறித்து விசா​ரித்து வரு​கி​றோம்.​÷இ​து​ வரை விசா​ர​ணை​யில் தெரிய வந்த விவ​ரங்​கள் அனைத்​தும் பேர​வை​யில் தெரி​விக்​கப்​பட்​டு​விட்​டன.​ தேச விரோத சக்​தி​களை அவர் தொடர்பு கொண்​டது போல ஒரு நினைப்பை ஏற்​ப​டுத்​தும் வித​மாக சுதர்​ச​னம் பேசு​கி​றார்.​ நிலைமை கட்​டுக்​குள் உள்​ளது.​டி.சுதர்​ச​னம்:​​ இந்த விஷ​யத்​தில் நளினி யார் யாரு​டன் பேசி​னார் என்​பது குறித்த முழு​மை​யான விசா​ரணை நடத்​தப்​பட வேண்​டும் என்​ப​து​தான் எங்​கள் கோரிக்​கையே தவிர,​​ இதில் வேறு நோக்​கம் எது​வும் இல்லை என்​றார்.
கருத்துக்கள்

நளினியிடம் அலைபேசி இருந்தது உண்மை யெனில் கடமை ஆற்றிய தவறியமைக்காக அச்சிறையின் அனைத்து அதிகாரிகளையும் துறைத் தலைவரையும் உடனே பணி நீக்கம் செய்யுங்கள். இந்திரா காந்தி, இராசீவ காந்தி மரணத்தைஒட்டி எண்ணற்றவர்களைக் கொலை செய்த கட்சி , நம் நாட்டில் வன்முறை அரசியலை அரங்கேற்றிய கட்சி, ஈழத்தில் இனப்படுகொலை செய்த கட்சி, இந்திய நிலத்தைச் சீனாவிடமும் பாகிசுதானிடமும் பறி கொடுத்தகட்சி மனித நேயமற்ற கட்சி நாட்டுப் பற்று பற்றி பேசுவது வேடிக்கையாக உள்ளது. நளினி நாட்டுக்கப் பகையானவர் எனில் அவரைச் சந்தித்து நாட்டுப்பகைத் திட்டம் குறித்து சதி செய்த பிரியங்காவைச சிறையிலிட்டு விசாரணை செய்யுங்கள். எந்தத் தலைவரையும் அழிப்பதற்குச் சதித் திட்டம் தீட்டினாரகளா எனக் கண்டறியுங்கள். கல்விக் கொள்ளையடிக்கும் சுதர்சனம் போன்ற காங்.தலைவர்கள் நிதியுதவி செய்கிறார்களா எனத் துப்பு துலக்குங்கள்.

அன்புடன் இலக்குவனார் திருவள்ளுவன்

By Ilakkuvanar Thiruvalluvan
5/11/2010 3:23:00 AM
உங்கள் கருத்தைப் பதிவு செய்யுங்கள் *

புதன், 21 ஏப்ரல், 2010

நளினியிடமிருந்து செல்போன் பறிமுதல்



வேலூர், ஏப். 20: வேலூர் பெண்கள் சிறையில் அடைக்கப்பட்டுள்ள, ராஜீவ்காந்தி கொலைக் குற்றவாளியான நளினியிடமிருந்து செவ்வாய்க்கிழமை செல்போன் பறிமுதல் செய்யப்பட்டதாக சிறைத்துறை வட்டாரங்கள் தெரிவித்தன.
வேலூர் பெண்கள் சிறையில் அதன் கண்காணிப்பாளர் ஆர்.ராஜலட்சுமி, செவ்வாய்க்கிழமை அதிகாலை 5.30 மணி முதல் காலை 7 மணி வரை திடீர் சோதனை மேற்கொண்டார். அப்போது, நளினி அடைக்கப்பட்டிருந்த சிறையிலிருந்து நோக்கியா 1203 மாடல் செல்போனை பறிமுதல் செய்தார்.

கருத்துக்கள்

இல்லாத அலைபேசியை இருப்பதாக அறிவிக்கவும் வாய்ப்பு உண்டு; அல்லது மறைமுகமாக இசைவளிப்பதுபோல் இசைவளித்து விட்டுப் பின் பிடிப்பது போல் பிடித்ததற்கும் வாய்ப்பு உண்டு. எவ்வாறிருப்பினும் அடுத்து அறிவுரைக் கழகம் கூடும் பொழுது விதிமுறை மீறி நடந்தவர், நடத்தை பிறழ்ந்தவர் எனக் கூறி முன் விடுதலையை மறுப்பதற்கான சதியாகத்தான் இருக்க வேண்டும்.

அன்புடன் இலக்குவனார் திருவள்ளுவன்

By Ilakkuvanar Thiruvalluvan
4/21/2010 3:25:00 AM
உங்கள் கருத்தைப் பதிவு செய்யுங்கள்