S.M.S. லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
S.M.S. லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வெள்ளி, 12 அக்டோபர், 2012

இழிபொருள் தகவல்களுக்கு மூன்றாண்டு ச் சிறை : 3 years imprisonment for porn messages and pictures

இழிபொருள் தகவல்களுக்கு  மூன்றாண்டு ச் சிறை
ஆபாச எஸ்.எம்.எஸ்., அனுப்பினால் மூன்றாண்டு சிறை

புதுடில்லி: மொபைல் போனில், ஆபாச படங்களை அனுப்புவது, பெண்களை ஆபாசமாக சித்தரித்து, எஸ்.எம்.எஸ்., மற்றும் மெயில் அனுப்புவது போன்ற செயல்களில் ஈடுபடுவோருக்கு, மூன்றாண்டு சிறைத் தண்டனை அளிக்கப்படும். இதற்கான சட்ட திருத்தம் கொண்டு வர, மத்திய அமைச்சரவை ஒப்புதல் அளித்துள்ளது.
பெண்களை இழிவுபடுத்தியும், ஆபாசமாக சித்தரித்தும், அருவருக்கத்தக்க செயல்களில் ஈடுபடுவோருக்கு எதிராக, தண்டனை வழங்கும் வகையில், 1986ம் ஆண்டு, சட்டம் கொண்டு வரப்பட்டது. தற்போது, நவீன தகவல் தொழில்நுட்பங்கள் வளர்ந்த பிறகு, பல்வேறு விதமான தகவல் தொடர்பு சாதனங்கள் வந்துள்ளன. மொபைல் போன், இணையதளம் ஆகியவற்றின் மூலம், தெரிந்தோ, தெரியாமலோ தகவல்களை எளிதில் பெற முடிகிறது. இதை சிலர், தவறாகப் பயன்படுத்தி, மொபைல் போனில் ஆபாச படங்களை, எம்.எம்.எஸ்., மூலம் அனுப்புவது, பெண்களை ஆபாசமாக சித்தரித்தும், இழிவுபடுத்தியும், எஸ்.எம்.எஸ்., அனுப்புவது அதிகரித்துள்ளது. பெண்களை ஆபாசமாக படமெடுத்து, இணையதளத்தில் பரவ விடுவது போன்ற செயல்கள் நடப்பதாக புகார்கள் வந்தவண்ணம் உள்ளன. இதில், பெரும்பாலும், கல்லூரி மாணவர்களும், பள்ளி மாணவர்களும், ஆபத்தை உணராமல் சிக்கிக் கொள்கின்றனர். "இது போன்ற, குற்றச் செயல்களில் ஈடுபடுவோருக்கு, கடும் தண்டனை அளிக்கப்பட வேண்டும்' என, பார்லிமென்டிலும் வலியுறுத்தப்பட்டது.

இந்நிலையில், நேற்று, பிரதமர் தலைமையில் கூடிய, மத்திய அமைச்சரவை கூட்டத்தில், சட்ட திருத்தம் கொண்டு வர, ஒப்புதல் அளிக்கப்பட்டது. இதன்படி, பெண்களை இழிவுபடுத்தி, சித்தரித்து மோசமான செயல்களில் ஈடுபடுவதை தடுக்க வகை செய்யும், ஐ.ஆர்.டபிள்யூ.ஏ., சட்டத்தில் திருத்தம் கொண்டு வரப்படுகிறது. மின்னணு தொடர்பு சாதனங்களான, மொபைல் போன் மற்றும் இணையதளம் வழியாக, பெண்களை ஆபாசமாக சித்தரித்து படங்கள் மற்றும் குறுந்தகவல்கள் அனுப்பும் குற்றச் செயல்களில் ஈடுபடுவோருக்கு, அதிகபட்சம், மூன்றாண்டு சிறைத் தண்டனை கிடைக்கும். இந்த குற்றத்தை, முதல் முறையாக செய்து மாட்டிக் கொள்பவருக்கு, தற்போது, 2,000 ரூபாய் அபராதம் விதிக்கப்படுகிறது. இது, 50 ஆயிரம் ரூபாயாக அதிகரிக்கப்படுகிறது. அதிகபட்சம், 1 லட்சம் வரை அபராதம் விதிக்கப்படும். ஒரு முறை தண்டனை அனுபவித்து, இரண்டாவது முறையாக, இதே குற்றச் செயல்களில் ஈடுபட்டால், ஏழு ஆண்டு சிறைத் தண்டனை விதிக்கப்படும். அதேபோல், 1 லட்சம் அபராதம், 5 லட்சம் ரூபாயாக அதிகரிக்கப்படும்.

இன்ஸ்பெக்டர் அந்தஸ்துக்கு குறையாத போலீஸ் அதிகாரிகள், சந்தேகப்படுவோரின் வீடுகளைச் சோதனையிடவும், பறிமுதலும் செய்யலாம். இது மட்டுமின்றி, விளம்பரம், ஓவியம், எழுத்து என, எந்த வடிவிலும் பெண்களை இழிவுபடுத்தி, படங்களோ, வாசகங்களோ அமைந்தால், அதை தடுக்கும் வகையில், இந்த சட்ட திருத்தத்தில் வகை செய்யப்பட்டுள்ளது. இந்த சட்ட திருத்தம், வரவிருக்கும் பார்லிமென்டின் குளிர்காலத் தொடரில் தாக்கல் செய்யப்பட்டு நிறைவேற்றப்படும். இப்படியொரு சட்ட திருத்தம் கொண்டு வர வேண்டும் என, பல உறுப்பினர்கள் ஏற்கனவே வலியுறுத்தி உள்ளதால், இது கட்சி பேதமின்றி நிறைவேறும் என, எதிர்பார்க்கப்படுகிறது. இதை சட்ட வடிவமாக்குவதற்கு முன், சட்ட வல்லுனர்கள், சமூக ஆர்வலர்கள் மற்றும் பெண்கள் அமைப்பு பிரதிநிதிகளிடம் ஆலோசனை நடத்தப்பட உள்ளது.

செவ்வாய், 27 செப்டம்பர், 2011

S.M.S. limited to 100 - suppression of basic right: தேவையற்ற அழைப்பு,குறுந்தகவல் இன்று முதல் விடுதலை

சரியான தகவல் தெரிவிக்கப்படவில்லை.  தேவையற்ற அழைப்புகளை நிறுத்துவது முன்பே நடைமுறைக்கு வந்து விட்டது. இப்பொழுது ஒரு நாளைக்கு ஒருவர் ஓர் அலை பேசியில் இருந்து  நூறு குறுந்தகவல் மட்டுமே அனுப்ப இயலும். அதற்கு மேல்தடை செய்யப்படும்.    நல்ல பொன்மொழிகளைப் பகிர்ந்து கொள்ள உடனுக்குடன் செய்திகளைத் தெரிந்து கொள்ள, இலக்கிய, கலை, பிற நிகழ்ச்சிகளை அறிந்து கொள்ள எனப் பலவகையில் பயன்பட்டு வரும்   குறுந்தகவல் தொண்டினைக் கட்டுப்படுத்தியிருப்பது கருத்துரிமைக்கு எதிரான நடவடிக்கையாகும். இதை எதிர்த்துத் தினமணியில் ஆசிரியவுரை வர வேண்டும். தவறான செய்தி வரக்கூடாது. அன்புடன் இலக்குவனார் திருவள்ளுவன் / தமிழே விழி! தமிழா விழி! எழுத்தைக் காப்போம்! மொழியைக் காப்போம்! இனத்தைக் காப்போம்! /

தேவையற்ற அழைப்பு, எஸ்எம்எஸ்: இன்று முதல் விடுதலை

First Published : 27 Sep 2011 12:03:05 PM IST

Last Updated : 27 Sep 2011 12:24:19 PM IST

புதுதில்லி, செப்.27: வாடிக்கையாளர்களுக்கு வரும் தேவையற்ற வணிக அழைப்புகள் மற்றும் எஸ்எம்எஸ்களை தடுத்து நிறுத்துமாறு தொலைத்தொடர்பு ஒழுங்குமுறை ஆணையம் தொலைத்தொடர்பு ஆபரேட்டர்களுக்கு வழிகாட்டுதல்களை வழங்கியுள்ளது.மொபைல்போன் இணைப்பு சேவைகளில் ஈடுபட்டுள்ள தனியார் தொலைத்தொடர்பு நிறுவனங்கள் விளம்பரங்கள் சேவை விவரங்கள் என தேவையற்ற அழைப்புகள் மற்றும் எஸ்.எம்.எஸ்.களை அனுப்புகின்றன. இந்த பிரச்சனையைத் தீர்க்க டிராய் நடவடிக்கை எடுத்துள்ளது. தேவையற்ற அழைப்புகளின் பதிவு என்ற புதிய திட்டத்தை அறிமுகப்படுத்தியுள்ளது. இதில் பதிவு செய்ய 1909 என்ற எண்ணில் தொடர்பு கொள்ளலாம். அல்லது www.nccptrai.gov.in என்ற இணையதளத்தில் சென்று உங்கள் செல்போன் எண்ணை பதிய வேண்டும். நீங்கள் பதிவு செய்த ஒரு வாரத்திற்குப் பிறகு உங்களுக்கு விளம்பர அழைப்புகள் மற்றும் எஸ்.எம்.எஸ்-கள் வந்தால் நீங்கள் பயன்படுத்தும் செல்போன் நிறுவனத்திடம் புகார் கொடுக்கலாம். தொல்லை செய்ய வேண்டாம் என்று பதிவு செய்தவர்களுக்கு விளம்பர அழைப்புகள் வந்தால் தொலைத்தொடர்பு நிறுவனங்களுக்கு ரூ. 2. 5 லட்சம் வரை அபராதம் விதிக்கப்படும் என்று டிராய் எச்சரித்துள்ளது.
கருத்துகள்

START 0 என்பது "ஓ" என்று எடுத்து கொள்ளவா "பூஜியம்" என்று எடுத்து கொள்ளவா. வேற எழுத்தே கிடைக்க வில்லையா?
By manoharan
9/27/2011 2:18:00 PM
அப்பாடா விட்டதடா தொல்லை
By வே.காளீஸ்வரன்
9/27/2011 12:41:00 PM

வெள்ளி, 1 ஏப்ரல், 2011

S.M.S. to voters: ஏமாறாமல் இருந்தால் ஏற்றம் பெறலாம்'

இவ்வாறு பலரும் தேர்தல் விழிப்புணர்வு பற்றிய குறுஞ்செய்திகளை அனுப்பி வருகின்றனர். நான்  அரசியல் ஆத்திசூடி என அனுபபி வருகின்றேன். இதுவரை அனுப்பியவை.1. அறநெறி தவறுவோர்க்கு வாக்கு அளிக்காதீர்! 2. ஆருயிர்த் தமிழைப் போற்றாதவர்க்கு வாக்களிக்காதீர்! 3. இனப் பகைவருக்கு வாக்களிக்காதீர். 4. ஈழத் தமிழர்களை அழித்தவர்க்கு வாக்களிக்காதீர்!  5. உண்மை பேசாதவர்க்கு வாக்களிக்காதீர்  6. ஊழலில் வாழ்பவர்க்கு வாக்களிக்காதீர்! 7.  எளிமையை மறந்தவர்க்கு வாக்களிக்காதீர்! 8. ஏய்த்துப் பிழைப்பவர்க்கு வாக்களிக்காதீர்!  9. ஐயததிற்கு இடம் ஆனவர்களுக்கு வாக்களிக்காதீர்! 10. ஒழுக்கக் கேடர்களுக்கு வாக்களிக்காதீர்! 11.ஓய்விலே சுவை காண்பவருக்கு வாக்களிக்காதீர்!  ௧௨ . ஔவியம் (அழுக்காறு) உடையவர்க்கு வாக்களிக்காதீர்! 13. அஃகம் (முறைமை ) தவறுபவர்க்கு வாக்களிக்காதீர்! 14*. கயவருக்கு வாக்களிக்காதீர்!  தேர்தல் ஆத்திசூடி என்னும் தலைப்பில் thiru-thoazhamai@googlegroups.com குழுவிலும் நாள்தோறும் காணலாம்.அன்புடன் இலக்குவனார் திருவள்ளுவன் / தமிழே விழி! தமிழா விழி! / எழுத்தைக் காப்போம்!  மொழியைக் காப்போம்! இனத்தைக் காப்போம்!






கண்ணியமான தேர்தல்-2011 குறித்து வாக்காளர்களிடம் விழிப்புணர்வு ஏற்படுத்தும் வகையில், ஆம்பூர் ஜமாத்தே இஸ்லாமி இந்த் அமைப்பு தினந்தோறும் வாக்காளர்களுக்கு எஸ்எம்எஸ் அனுப்பி வருகிறது.  வியாழக்கிழமை அனுப்பிய எஸ்.எம்.எஸ்ஸில் குறிப்பிட்டிருப்பது:  "ஏமாறாமல் நாம் இருந்தால் ஏற்றம் பெறும் நம் நாடு. வரும் ஏப்ரலிலும் ஏமாந்தால் - அது ஏங்கி நிற்கும் நம்மோடு! கடமையை செய்வோம் கண்ணியம் காப்போம்.

திங்கள், 28 மார்ச், 2011

Propoganda through S.M.S.- Banned: எஸ்.எம்.எஸ். மூலம் பிரசாரம் செய்ய தடை

அறிவு சார்ந்த செயலன்று. பொதுவாகத்தமிழினப் படுகொலை புரியும் காங்.கிற்கு எதிராகவும் ஊழலற்ற ஆட்சி வேண்டும் என்றும் கட்சிச் சார்பற்ற பலர் குறுந்தகவல் அனுப்புகின்றனர். இவற்றைத் தடை செய்யும் நோக்கில்தான் கட்சியினரின் பரப்புரையைத் தடுக்க முயல்கின்றனர். இன்றைய அறிவியல் முறைக்கேற்ப குறுந்தகவல் வழியாகத் தேர்தல் பரப்புரை மேற்கொள்வது தவறல்ல. உடனே  விழுப்புரம் ஆட்சியர் இதனை நீக்கிக் கொள்ள வேண்டும். மக்கள் நலம் நாடும் வழக்கறிஞர்கள் உரியவர்களை  அணுகி இவ்வறிவிப்பிற்கான தடையைப் பெற ‌வேண்டும்.  அன்புடன் இலக்குவனார் திருவள்ளுவன் 
/ தமிழே விழி! தமிழா விழி! /  
எழுத்தைக் காப்போம்!  மொழியைக் காப்போம்! இனத்தைக் காப்போம்!


எஸ்.எம்.எஸ். மூலம் பிரசாரம் செய்ய தடை


விழுப்புரம், மார்ச் 27: விழுப்புரம் மாவட்டத்தில் 11 சட்டப்பேரவைத் தொகுதிகளுக்கான தேர்தல் பிரசாரத்தின் போது செல்போனில் எஸ்.எம்.எஸ். மூலம் வாக்களிக்க கோருவது தடை செய்யப்பட்டுள்ளது என்று மாவட்ட ஆட்சியர் ஆர். பழனிச்சாமி தெரிவித்துள்ளார்.  ÷இதுகுறித்து அவர் வெளியிட்டுள்ள செய்திக்குறிப்பு:  எஸ்.எம்.எஸ். செய்தி மூலம் வாக்கு கோருவது அல்லது தேர்தல் பிரசாரமோ நடந்தால் சம்பந்தப்பட்டவர்கள் மீது கடும் நடவடிக்கை எடுக்கப்படும். அத்தகைய எஸ்.எம்.எஸ் செய்தி யாருடைய செல்போனுக்கும் வந்தால், அந்த செய்தியை பெற்ற நபர் மாவட்ட காவல் துறை கண்காணிப்பாளர் அலுவலகத்தில் செயல்படும் தேர்தல் பிரிவு தொலைபேசியில் தெரிவிக்கலாம்.  ÷புகாரை 04146-228200, 222172 என்ற எண்களில் தெரிவிக்கலாம். புகார் அளிக்கும் நபர் எஸ்.எம்.எஸ் செய்தியின் விவரத்தை கூறி அது எந்த செல்போன் எண்ணிலிருந்து வரப்பெற்றுள்ளது என்ற தகவலையும் புகார் அளிப்பவரின் செல்போன் எண் மற்றும் பெயர், முகவரி ஆகியவற்றை தெரிவிக்க வேண்டும்.  ÷அவர்களின் புகார் பதியப்பட்டு உரிய நடவடிக்கை எடுக்கப்படும். அந்த செய்தியை யார் அனுப்பியிருந்தாலும், அதற்கான செலவினத்தை சம்பந்தப்பட்ட வேட்பாளர் கணக்கில் சேர்த்து தேர்தல் செலவினமாக கணக்கில் கொண்டுவரப்படும் என்று தெரிவித்துள்ளார்.

சனி, 2 அக்டோபர், 2010

பாரத ஸ்டேட் வங்கி சேவையில் அதிருப்தியா? இனி எஸ்எம்எஸ் உதவும்


சென்னை, அக். 1: பாரத ஸ்டேட் வங்கி சேவையில் அதிருப்தி ஏற்படும் நிலையில், குறையைப் போக்கும் "எஸ்எம்எஸ்' சேவை தொடங்கப்பட்டுள்ளது.
  செல்பேசியில் "unhappy' என "டைப்' செய்து, "8008202020' என்ற எண்ணுக்கு சேவை குறைபாட்டை எஸ்எம்எஸ் செய்தால், அதிகாரிகள் உடனடியாக  வாடிக்கையாளரைத் தொடர்பு கொண்டு குறையைத் தீர்க்க உதவுவார்கள்.
  வாடிக்கையாளர்களின் குறையைத் தீர்க்கும் இத்தகைய முயற்சியை நாட்டிலேயே முதன்முறையாக பாரத ஸ்டேட் வங்கி தொடங்கியுள்ளது.

வெள்ளி, 17 செப்டம்பர், 2010

ஓய்வூதியம், வைப்பு நிதி குறித்து அறிய எஸ்.எம்.எஸ். சேவை


சென்னை, செப். 16: ஓய்வூதியம் மற்றும் வைப்பு நிதி தொடர்பான தகவல்களை அறிய எஸ்.எம்.எஸ். சேவை அறிமுகப்படுத்தப்பட்டுள்ளது. இது குறித்து மாநில முதன்மை கணக்காயர் அலுவலகம் சார்பில் வியாழக்கிழமை வெளியான செய்தி: ஓய்வுபெற்ற தமிழக அரசு ஊழியர்களின் ஓய்வூதியம் மற்றும் பொது வருங்கால வைப்பு நிதி முதிர்வு விண்ணப்பங்கள் அவரவர் பணிபுரிந்த அலுவலகங்களிலிருந்து அனுப்பப்படும். மாநில முதன்மை கணக்காயர் அலுவலகத்துக்கு அந்த விண்ணப்பங்கள் வந்து சேர்ந்த பின், அது பற்றிய விவரங்கள் ஓய்வு பெற்ற அரசு ஊழியர்களுக்கு எஸ்.எம்.எஸ். மூலம் அனுப்பி வைக்கப்படும். விண்ணப்பங்களின் இப்போதைய நிலை குறித்த தகவல்களையும் ஓய்வுபெற்ற அரசு ஊழியர்கள் எஸ்.எம்.எஸ். மூலம் தெரிந்து கொள்ளலாம். உதாரணமாக, ஒருவர் தனது பொது வருங்கால வைப்பு நிதி முதிர்வு விண்ணப்பம் குறித்த நிலையை தெரிந்து கொள்ள, அவரது வைப்பு நிதி எண் AG​RI  1234, அவரது பிறந்த தேதி 16.02.1945 எனில், அவர் AG GPF AG​RI  1234 16021945 என டைப் செய்து, 9962117777 என்ற கைபேசி எண்ணுக்கு எஸ்.எம்.எஸ். அனுப்ப வேண்டும். ஓய்வூதிய விண்ணப்பம் குறித்த நிலை அறிந்து கொள்ள, ஒருவரது ஓய்வூதிய விண்ணப்ப எண் 12345678 எனில், AG PEN  12345678 என டைப் செய்து, அதே கைபேசி எண்ணுக்கு எஸ்.எம்.எஸ். அனுப்ப வேண்டும். இவ்வாறு அனுப்பும் ஓய்வுபெற்ற அரசு ஊழியர்களுக்கு தேவையான தகவல்கள் உடனடியாக எஸ்.எம்.எஸ். மூலம் தெரிவிக்கப்படும் என்று அந்த செய்தியில் கூறப்பட்டுள்ளது.
கருத்துக்கள்

இத்தகைய திட்டம் எல்லாம் வெறும் கண்துடைப்பு அறிவிப்பாக இருக்கின்றதேயன்றி நடைமுறையில் இல்லை. சான்றாக இணையம் வழியாக ஓய்வூதிய நிலைப்பாட்டை அறிந்து கொள்ளலாம் என உள்ளது. எப்பொழுது பார்த்தாலும் ஆய்வில் உள்ளதாகத்தான் வருமே தவிர உண்மை நிலை வராது. இங்கு என்றில்ல எல்லா இடத்திலும் இதே நிலைதான். சான்றாகக் கடவுச் சீட்டு நிலையறிய முயன்றால் எப்பொழுதுமே காவல்துறை அறிக்கை எதிர்பார்க்கப்படுவதாகத்தான் செயதி வரும்.எனவே, அன்றாடம் புதுப்பிக்கப்பட்டு உண்மையிலேயே நடைமுறைப் படுத்தாமல் பெயரளவிற்குச் செய்தியை வெளியிட்டுப் பயன் என்ன? 
வருத்தத்துடன் இலக்குவனார் திருவள்ளுவன்
By Ilakkuvanar Thiruvalluvan
9/17/2010 3:06:00 AM
உங்கள் கருத்தைப் பதிவு செய்யுங்கள் *