ஐ.நா. லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
ஐ.நா. லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வெள்ளி, 10 மே, 2019

யாழ்ப் பல்கலைக்கழக மாணவர்கள் தொடர்பில் ஐ.நா.வே தலையிடு! – நா.க.த.அ.

அகரமுதல

(மிசெல் பசேலே )
(மிசெல் பசேலே )

யாழ்ப் பல்கலைக்கழக மாணவர்கள் தொடர்பில் ஐ.நாவின் தலையீட்டைக்கோரும் நாடுகடந்த தமிழீழ அரசாங்கம்

இலங்கை அரசின் தடுப்புக்காவலில் வைக்கப்பட்டுள்ள யாழ்ப் பல்கலைக்கழக மாணவர்கள் தொடர்பில், ஐ.நா மனித உரிமை அவையின் கண்காணிப்பினை நாடுகடந்த தமிழீழ அரசாங்கத்தின் தலைமையர் வி.உருத்திரகுமாரன்கோரியுள்ளார்.
 இது தொடர்பில் ஐ.நா மனித உரிமை அவை ஆணையாளர் மிசெல் பசேலே அம்மையார்(Michelle Bachelet) அவர்களுக்கு எழுதியுள்ள மடலில், பயங்கரவாதத் தடைச்சட்டத்தினை நீக்குவதாக இலங்கை அரசாங்கம் பல தடவைகள் ஐ.நாவுக்கும் அனைத்துலகக் குமுகாயத்திற்கும் வாக்குறுதி அளித்திருந்த நிலையில், அதற்கு மாறாகக் கைது செய்யப்பட்டுள்ள யாழ்ப் பல்கலைக்கழக மாணவர்கள் மீது பயங்கரவாதத் தடைச்சட்டத்தினை ஏவிவிடுவதற்கான நிலைமை அங்கு காணப்படுகின்றது எனத் தெரிவித்துள்ளார்.
 இலங்கைத்தீவின் தற்போதைய நிலைமைகளில் இலங்கை அரசினால் நடைமுறைப்படுத்தப்பட்டுள்ள அவசரக்கால நிலையென்பது, தமிழர்களுக்கு எதிராகத் தவறாகப் பயன்படுத்தப்படும் நிலைமை அங்குக் காணப்படுகின்றது.
இந்நிலையில் ஐ.நா ஆணையாளர் அவர்கள் இது தொடர்பில் தீவிரகங கண்காணிப்பு மேற்கொள்ள வேண்டும்  எனத் தலைமையர் வி.உருத்திரகுமாரன் அவர்கள் தனது மடலில் கோரியுள்ளார்.

வெள்ளி, 20 ஜனவரி, 2017

ஈழத்தில் நடைபெற்றது இனப்படுகொலையே என்பதை வலியுறுத்த விரும்புகிறீர்களா?



அகரமுதல 169, தை 02, 2048 / சனவரி15, 2017

நீங்கள், ஈழத்தில் நடைபெற்றது

இனப்படுகொலையே

என்பதை வலியுறுத்த விரும்புகிறீர்களா? 

ஐ.நா.அவையில் அளிக்க

கருத்துகளைத் தெரிவியுங்கள்.

வணக்கம்!
 தமிழக, தமிழீழச் செயற்பாட்டாளர்களுக்கான வேண்டுகோள்.
பெரும்பாலான தமிழ்த்தேசிய செயற்பாட்டாளர்கள் மாவீரர் நாளுக்கான  அதிகளவான முதன்மையைக் கொடுத்துச் செயற்படுகிறீர்கள் அதே  முதன்மையையும் மக்கள்  ஆற்றலையும் அந்த மாவீரர்களின் இலட்சியத்தை வென்றெடுப்பதற்காக ஐக்கிய நாடுகள்  அவை சார்ந்த செயற்பாடுகளுக்கும் வழங்கவேண்டுமென எதிர்பார்க்கிறோம்.
  நாம் இந்தத் தருணத்திலே அதற்காக அதிகமாக  அதிகமாக உழைக்கவேண்டியுள்ளது.
 தமிழர்களுடைய  சிக்கல்களை நாம்  அனைத்துநாட்டுமயப்படுத்த வேண்டிய நிலையில் இருக்கிறோம், தற்போதைய இறுக்கமான இக்கட்டான சூழ்நிலையைக் கருத்திற்கொண்டு ஐக்கிய நாடுகள்  அவையில்  சார்பாண்மை கொண்டுள்ள  அனைத்து நாடுகளின் ஆதரவை நாம் பெற்றாகவேண்டும் அதனை நோக்கியே எமது இலக்குகள் நகரவேண்டும்.
 தமிழ்நாட்டைப் பொருத்தவரை  இந்தச் சனவரி மாத நிறைவுக்குள் தீவிரமான முன்னெடுப்புக்களை எதிர்பார்க்கிறோம்.
 #தமிழர்கள் சிக்கல் சார்ந்த இன்னொரு தீர்மானத்தை நாடாளுமன்றில், மாநிலச் சட்டசபைகளில் கொண்டுவரவேண்டும். அப்படி ஒரு  சட்டமொழிவு கொண்டுவரப்படுமாயின் அது எங்கள் தீர்வை நோக்கிய பயணத்தில் மிக  முதன்மையான தன்மையாக மாறும் அத்துடன் இதனை ஐக்கிய நாடுகள் மனித உரிமை  அவைக்குக் கொண்டுசெல்வதோடு அதில் அங்கத்துவம் கொண்டுள்ள நாடுகளுக்கும் எம்மால் விளக்கமுடியும்..
  #மக்களால் தெரிவு செய்யப்பட்டுள்ள தமிழக அரசியல் தலைமைகள், சட்ட மன்ற உறுப்பினர்கள், நாடாளுமன்ற உறுப்பினர்கள் ஆளும் மத்திய அரசுக்கு இலங்கை  தொடர்பில் தமிழர்களுக்குச் சார்பான முடிவுகளை எடுக்கும்வகையில் அழுத்தங்களைப் பயன்படுத்த வேண்டும்…
எமக்குத் தேவையான  விவரங்கள்:
  நாம் இவற்றை அரசியல் தலைமைகள், மனித உரிமை அமைப்புகள், குமுக(சமூக) அமைப்புகள், சட்டமன்ற, நாடாளுமன்ற உறுப்பினர்கள், அறிஞர்கள், ஆய்வாளர்களிடமிருந்தும் எதிர்பார்க்கிறோம்.
1400  சொற்களுக்கு உள்ளடங்கிய எழுத்து மூல அறிக்கைகள்  விரைவாகவும்  கட்டாயமாகவும் தேவைப்படுகின்றன. எதிர்வரும் மார்ச்சில்  செனிவாவில் நடக்கும்  ஐ நா மனித உரிமைகள் கூட்டத்தொடரில் அஃதாவது பெப்பிரவரி 05 இற்கு முன்பதாக அவற்றை  அளிக்க வேண்டும்.
  எழுத்துமூல அறிக்கையில் இன்றியமையாது உள்ளடக்கவேண்டிய  குறிப்புகள்:
 #அறிக்கைகளை வழங்குவோர் தங்கள் அமைப்பு குறித்த அறிமுகத்துடன், இலங்கையில் நடந்த இன அழிப்பு தொடர்பான தங்கள் பார்வையினையும் பதிவு செய்யவேண்டும் இதில் இலங்கையில் வடமாகண அவை ,மற்றும் தமிழக சட்டமன்றத்தில் கொண்டுவரப்பட்ட “இலங்கையில் தமிழர்களுக்கு எதிராக நடந்தது இனப்படுகொலைதான்” என்ற சட்டமொழிவு தொடர்பாகவும் குறிப்பிடல் வேண்டும்.
  1.இலங்கையில் நடந்த இனப்படுகொலை, மனித குலத்திற்கு எதிரான குற்றம், போர்க்குற்றம் ஆகியவற்றினை அனைத்துநாடுகளும் தங்களது நாடளுமன்றங்களில்  சட்டமொழிவாகக் கொண்டு வரவேண்டும்.
  2.வடகிழக்கில் வாழுகின்ற தமிழ்மக்களது  தன்னாட்சி(சுய நிர்ணய) உரிமையை அங்கீகரித்துத் தீர்மானங்கள் கொண்டுவரவேண்டும்.
  3.ஐக்கிய நாடுகள்  அவையில் அங்கீகாரமுள்ள நாடுகள் இலங்கையில் நடந்தது இன அழிப்புதான் என்பதை ஐக்கிய நாடுகள் சபையின் பொறிமுறைகளுக்கமைவாகப் பரிந்துரைக்க வேண்டும்.
  1. அனைத்து நாடுகளின் பாராளுமன்றங்களில் இலங்கையில் நடந்த இன அழிப்பு தொடர்பாகக் கலந்துரையாடல்களை மேற்கொள்ள வேண்டும் அது தொடர்பாக நாம் உங்கள் நாடுகளுக்கு வரவும் ஆயத்தமாக இருக்கிறோம் என்பதை உறுதிப்படுத்தவேண்டும்.
  2. அனைத்து நாடுகளின் நாடாளுமன்ற உறுப்பினர்களிடம் இலங்கையில் நடந்தது போர்க்குற்றம், மனித குலத்திற்கு எதிரான குற்றம்தான் எனவே அனைத்துலக விசாரணைதான் தேவை என்பதை வலியுறுத்தவேண்டும்.
6.இலங்கையில் தமிழருக்கு எதிராக இலங்கை அரசுதான் இனப்படுகொலையைச் செய்தது என்பது குறித்து  அனைத்து நாடுகளின் நாடாளுமன்றங்களில் தீர்மானங்கள் கொண்டுவரப்பட வேண்டும்.
7.இலங்கைத்தீவில் தமிழர்களுக்குத் தன்னாட்சி(சுய நிர்ணய) உரிமை உள்ளதென்பதை வாக்கெடுப்பு மூலமாகத் தமிழர்களே தீர்மானிக்க வேண்டும்.
  1. குமுக(சமூக) அமைப்புகள், அறிஞர்கள், மனித உரிமை ஆர்வலர்கள், அரசியல்வாதிகள் அந்ததந்த நாடுகளின் நாடாளுமன்றங்களில் எங்களது சிக்கல்களைத் தீர்மானமாகக் கொண்டுவர உதவி செய்யவேண்டும்.
(எழுத்துமூல அறிக்கைகள் ஆங்கிலத்தில் இருக்கவேண்டும்).
   எனவே, தமிழகத்தில் எமக்காகக் குரல் எழுப்பும் தமிழ்த்தேசிய செயற்பாட்டாளர்கள், மனித உரிமை ஆர்வலர்கள், அரசியற் தலைமைகள் இது குறித்து அக்கறை கொண்டு விரைவுபடுத்துங்கள்.
  இத்தோடு தமிழக மக்கள், அமைப்புக்கள், மனித உரிமை ஆர்வலர்கள் எல்லாரிடமும் கையெழுத்துப் பெறுவதற்கான நடவடிக்கைகளையும் மேற்கொள்வது  பயனுள்ளதாக இருக்கும்..
  உங்களால் வழங்கப்படும் அறிக்கைகளை ஐ நா வில்  அளிப்பதற்கு ஐ நா வின் அங்கீகாரம் பெற்ற அமைப்புகள் எம்மிடம் உள்ளன.
  இவை சார்ந்த மேலதிக விவரங்களிற்கு உங்களால்  முடிந்தால் கணிப்பேசி(Skype : boscomm) ஊடான கலந்துரையாடல்களில் கலந்துகொள்ள அழைக்கிறோம்.
பாசுகாம்
boscomm@gmail.com

புதன், 16 அக்டோபர், 2013

பன்னாட்டு விருது பெறும் மாணவி

பன்னாட்டு விருது பெறும் மாணவி

Comment   ·   print   ·   T+  
1
  • ரஸியா சுல்தான் (படங்கள்: ஆசாத்)
    ரஸியா சுல்தான் (படங்கள்: ஆசாத்)
பள்ளிக்கூடம், படிப்பு, தொலைக்காட்சி, கதைப் புத்தகம், சினிமா, ஹோட்டல், பர்த் டே பார்ட்டி, ஃபேஸ்புக்...இந்தியாவில் பதின் பருவத்தைச் சேர்ந்த பெரும்பாலான மாணவ மாணவிகளின் காலம் இப்படித்தான் கழிகிறது. டீன் ஏஜ் பருவத்தில் ஒவ்வொருவரும் தத்தமது பின்னணிக்கு ஏற்ப வாழ்க்கையை முடிந்தவரையிலும் மகிழ்ச்சியாகக் கழிக்கவே விரும்புகிறார்கள். ஆனால் உத்தரப் பிரதேசத்தைச் சேர்ந்த இரசியா சுல்தான் விதிவிலக்கு. இவருக்கும் கல்வி முக்கியம்தான். ஆனால் தன்னுடைய கல்வியைப் போலவே பிறருடைய கல்வியைப் பற்றியும் கவலைப்படுகிறார் பிளஸ் டூ படிக்கும் இந்தப் பெண். கவலைப்படுவதோடு நின்றுவிடாமல் அதற்காக இவர் செய்துவரும் பணிகள் இவருக்கு மிகப் பெரிய விருதைப் பெற்றுத்தரும் அளவுக்குச் சிறப்பாக இருக்கின்றன என்றால் பார்த்துக்கொள்ளுங்கள்.
குழந்தைகள் தம் அடிப்படை உரிமையான கல்வியைக்கூடப் பெற முடியாத நிலைமை நம் நாட்டில் இன்னும் உள்ளது. இதற்காகப் போராடிவருகிறார் 15 வயது ரஸியா சுல்தான். இவரது சேவையைப் பாராட்டிய ஐக்கிய நாடுகள் சபை, இவரைத் தனது முதல் மலாலா விருதுக்காகத் தேர்ந்தெடுத்துள்ளது. இது இந்த அக்டோபர் மாதம் தில்லியில் அளிக்கப்பட்ட உள்ளது.
செயற்கரிய செயல்களைச் செய்த மலாலாவின் பெயரால் வழங்கப்படும் மலாலா விருதுக்காக (விவரத்திற்குக் காண்க: பெட்டிச் செய்தி) அறிவிக்கப்பட்டுள்ள ஏழு குழந்தைகளில் இரண்டு பேர் இந்தியாவைச் சேர்ந்தவர்கள். பெங்களூருவைச் சேர்ந்த பார்வையற்ற மாணவன் அஸ்வின் மற்றும் உத்தரப் பிரதேச மாநிலத்தின் ரஸியா சுல்தான். மிகவும் பின் தங்கிய பகுதிகளில் வாழ்பவர்களும் முயன்றால் சாதிக்க முடியும் என்பதற்கு ஒரு பெரிய உதாரணம் ரஸியாவின் வாழ்க்கை.
உ.பி.யின் மேற்குப் பகுதியில் உள்ள மீரட் மாவட்டத்தின் பல கிராமங்கள் கால்பந்துகள் மற்றும் நைலான் கயிறுகள் தயாரிப்பிற்கு பெயர் போனவை. காரணம், அங்குதான் இந்தப் பணிக்காகக் குறைந்த கூலியில் குழந்தைத் தொழிலாளர்கள் எளிதாகக் கிடைப்பார்கள். இதனால் அவர்கள் பள்ளிக்குச் செல்லவும் நேரமிருக்காது. கல்வி இல்லாமலே இவர்கள் வளர்ந்துவருவது பல வருடங்களாக நடந்துவரும் வாடிக்கையான ஒரு வருத்தம்.
இதுபோன்ற கிராமங்களில் ஒன்றான நக்லா கும்பாவில் வாழும் பர்மான்-ஜாஹிதா தம்பதிகளுக்கு அக்டோபர் 10, 1998இல் பிறந்தவர் ரஸியா சுல்தான். வீட்டில் மரியம் எனச் செல்லமாக அழைக்கப்படுபவரின் தந்தை வியாபாரத்தில் நஷ்டமாகி செங்கல் சூளையில் கூலி வேலை செய்யும் நிலைக்குத் தள்ளப்பட்டார். அந்த நிலையிலும் தனது பெண்ணை எப்படியும் படிக்க வைக்க வேண்டும் என விரும்பியவர் நான்கு வயதில் அருகிலிருந்த ஒரு அரசுப் பள்ளியில் சேர்த்தார். ஆனால், மாலையில் வீட்டிற்கு வந்த பின் ரஸியாவிற்குக் கால்பந்து தோல்களை வெட்ட வேண்டிய கட்டாயம். இப்படியே இரண்டையும் தொடர்ந்தவருக்கு ஐந்தாம் வகுப்புப் பயிலும்போது, அந்தப் பகுதியில் நடந்த குழந்தைத் தொழிலாளர்கள் காக்கும் போராட்டத்தில் கலந்துகொள்ளும் வாய்ப்பு கிடைத்தது. அன்று முதல் குழந்தைப் பருவத்தில் கல்வி பயிலாமல் பணிக்கு செல்லும் சிறுவர், சிறுமிகளின் நிலையை உணரத் துவங்கி விட்டார் ரஸியா.
“இதற்குத் தூண்டுகோலாக இருந்து இன்றுவரை எனக்கு உதவி வருபவர் ‘பச்பன் பச்சாவ் அந்தோலன்’ எனும் குழந்தைகள் நல அமைப்பின் சமூக சேவகர் ஷேர்கான் . இவர், குழந்தைத் தொழிலாளர்களை மீட்க வேண்டி இந்தப் பகுதியின் பத்து கிராமங்களைத் தத்து எடுத்து 2005இல் குழந்தைகள் நலப் பஞ்சாயத்து ஒன்றை அமைத்தார். அதன் உறுப்பினராகச் சேர்ந்த எனக்கு, குழந்தைகள் பள்ளிக்குச் செல்லாமல் பணியாற்றுவதன் விளைவை அதிகமாக உணர முடிந்தது. இதை எனது கிராமத்தில் இருந்த குழந்தைத் தொழிலாளர்களின் பெற்றோர்களுக்குப் பொறுமையாக எடுத்து கூறினேன். ஆரம்பத்தில் என்னைப் பொருட்படுத்தாதவர்கள், பிறகு தொடர்ந்து நான் பொறுமையாக அவர்களை அணுகியபோது கேட்கத் துவங்கினார்கள். பெற்ற குழந்தைகளுக்கு ஆரம்பக் கல்வியைக்கூடத் தரவில்லை என்பது பெற்றோர்கள் அவர்களுக்கு செய்யும் பெரிய துரோகம். இது கிடைத்தால்தான் எந்த குழந்தையும் அரசு சலுகைகளை முழுமையாக அனுபவிக்க முடியும். தங்கள் உரிமைகளை அரசிடம் கேட்டுப் பெற முடியும். இதை எடுத்துக் கூறியதன் பயன் எனக்கு சிறிது தாமதமாக கிடைத்தது” என்று சொல்லும் ரஸியா சுல்தானுக்கு ஒரு சகோதரி மற்றும் இரு சகோதரர்கள்.
இதன் பலனாக அந்த குழந்தைகள் நலப் பஞ்சாயத்து தலைவரின் தேர்தல் வந்தபோது போட்டியிட இவருக்கு வாய்ப்புக் கிடைத்தது. இந்தப் பதவியின் பலன் என்ன என்று ரஸியாவுக்குச் சரியாகத் தெரியாது. மொத்தம் 242 வாக்குகள். போட்டியிட்டவர்கள் பத்துப் பேர். ரஸியா 102 வாக்குகள் பெற்று வெற்றி பெற்றார். அதன் பிறகு அவர் தனது கல்வியுடன் சேர்த்துக் குழந்தைத் தொழிலாளர்களைக் காக்கும் பணியில் முழுமூச்சுடன் இறங்கினார். விளைவு இதுவரை 48 குழந்தை தொழிலாளர்களை மீட்டுப் பள்ளிக்கு அனுப்பியுள்ளார். இந்தப் பணிகளுக்கிடையில் தன் கல்வியின் மீதான கவனத்தையும் அவர் இழந்துவிடவில்லை. இப்போது ப்ளஸ் டூ பயில்கிறார்.
இத்துடன் தன் கடமையை முடித்துக்கொள்ளாமல், போதுமான வகுப்பறை மற்றும் கழிவறை வசதிகள் இல்லாத பள்ளிகளில் அதைப் போராடிப் பெற்றுத் தந்திருக்கிறார். இதன் பிறகு பச்பன் பச்சாவ் அந்தோலனின் தேசிய உறுப்பினராகவும் தேர்ந்தெடுக்கப்பட்டவர் அருகிலுள்ள மாவட்டங்கள் மட்டுமன்றி ராஜஸ்தான், தில்லி ஆகிய மாநிலங்களிலும் குழந்தைகள் கல்விக்காகப் போராடியுள்ளார். இவரது அயராத பணியைக் கண்டு அசந்துபோன அந்தச் சமூக சேவை அமைப்பு அவரை நேபாள எல்லையில் உள்ள மகேந்தரபூர் முதல் தலைநகரமான காட்மாண்டு வரையிலான 13 நாள் பாதயாத்திரைக்காகத் தேர்ந்தெடுத்து அனுப்பியுள்ளது. நேபாளத்தில் இருந்த இளம்பெண்கள், ‘பணிக்காக’ என்ற பெயரில் இந்தியாவில் விபச்சாரத்தில் இறக்கிவிடப்படுவது குறித்தும் விழிப்புணர்வு ஏற்படுத்தினார் ரஸியா.
இந்த அமைப்பின் பணியைப் பற்றிக் கேள்விப்பட்ட ஐக்கிய நாடுகள் சபையின் தலைவர் கார்டன் பிரவுன் கடந்த வருடம் தில்லியிலுள்ள அதன் தலைமையகத்திற்கு விஜயம் செய்துள்ளார். அங்கு ரஸியாவின் பணிகளைப் பற்றி கேள்விப்பட்ட பிரவுன், அவரைச் சந்தித்துப் பேசினார். அப்போது ரஸியா ஒரு பெரிய அனுபவசாலிபோல பிரவுனிடம் வைத்த கோரிக்கை அவரை மேலும் மலைக்க வைத்துள்ளது.
குழந்தைத் தொழிலாளர் முறையை ஒழித்து உலகின் அனைத்துக் குழந்தைகளும் கட்டாயக் கல்வி பெறும் பொருட்டு உலக அளவில் ஒரு சட்டம் இயற்ற வேண்டும் எனவும், இதற்காக ஐக்கிய நாடுகள் சபை நிதி உதவி செய்ய வேண்டும் எனவும் கோரியுள்ளார். இதைக் கேட்டு வியந்த பிரவுன், ரஸியாவை மனமாரப் பாராட்டியதுடன் மலாலா பெயரிலான முதல் விருதிற்கும் பரிந்துரைத்தார்.
“நன்றாகப் படித்து மருத்துவராகி அன்னை தெரசாவைப் போல் சமூகப் பணி செய்ய வேண்டும் என்பதே என் குறிக்கோள்” என்று சொல்லும் ரஸியா, இதற்கு முன் 2011இல் ‘சிட்டிசன் ஜர்னலிஸ்ட்’ விருதை அமிதாப்பச்சன் கைகளால் வாங்கினார். இந்த விருதிற்கான அறிவிப்பு வந்தபோது ஜெய்பூரில் இருந்த அவர் உடனடியாகத் தன் கிராமத்துக்கு வந்து தன் பெற்றோரைச் சந்தித்து ஆசி வாங்கிக்கொண்டார். “இதுபோன்ற ஒவ்வொரு மகிழ்ச்சியிலும் என் பெற்றோரை அணைத்துக் கொண்டாடுவேன்” என்கிறார் பரவசத்துடன்.
தன் கல்வியிலும் பணிகளிலும் வழக்கம்போல் மூழ்கியிருக்கும் இந்த டீன் ஏஜ் பெண், விருது பெறும் நாளுக்காக ஆவலுடன் காத்திருக்கிறார்.
மலாலா விருது: பின்னணி என்ன?
தாலிபான்களுக்கு எதிராக மலாலா எழுத்துக்களால் போராடியது பாகிஸ்தானின் இளைய சமுதாயத்தைத் தட்டி எழுப்பியது. இதனால் மூன்று வருடங்களாக பாகிஸ்தானின் புகழ் பெற்ற சிறுமியாக இருந்தார் மலாலா. அவர் வசிக்கும் ஸ்வாத் பள்ளத்தாக்கின் பெண் குழந்தைகள் படிப்பிற்காக ‘மலாலா எஜுகேஷனல் பவுண்டேஷன்’ என ஒரு அமைப்பைத் துவக்கி சமூக சேவையும் ஆற்றிவந்தார் மலாலா. அமெரிக்க அதிபர் ஒபாமாவின் பாகிஸ்தான் மற்றும் ஆப்கானிஸ்தானின் சிறப்பு பிரதிநிதி பாகிஸ்தானுக்கு வந்தபோது அவரிடம் இந்தப் பிரச்சினைகளைத் தீர்க்க உதவுமாறு தைரியமாகக் கோரிக்கை விடுத்தார். இவ்வாறு பெண் கல்வியை பாகிஸ்தானில் நிலை நாட்ட முயன்ற மலாலா யூசூப்ஜாய், கடந்த வருடம் அக்டோபரில் கொடூரமாகச் சுடப்பட்டார். உலகிற்கே முன்னுதாரணமான துணிச்சலான அந்த 14 வயதுப் பெண்ணுக்கு ஆதரவாக இந்தியா உட்பட பெரும்பாலான நாட்டு மக்கள் திரண்டு நின்றனர்.
பிறகு லண்டன் மருத்துவமனையில் சிகிச்சை பெற்று உயிர் பிழைத்தவரை கௌரவிக்க வேண்டி ஐக்கிய நாடுகள் சபை, ஜூலை 12ஆம் தேதியை மலாலா தினமாக அறிவித்துள்ளது. மேலும், குழந்தைகளின் கல்விக்காகப் பாடுபடும் மாணவ, மாணவிகளுக்கு மலாலாவின் பெயரில் ஒரு புதிய விருது ஒவ்வொரு வருடமும் அளிக்கப்படும் எனவும் அறிவித்துள்ளது.