speak in Tamil லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
speak in Tamil லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

புதன், 18 ஆகஸ்ட், 2010

தமிழில் பேசினால்தான் மரியாதை!: ஐ.ஜி.​ பி.சிவனாண்டி பேச்சு



தருமபுரி, ​​ ஆக.​ 17: தமிழ் தெரிந்தவர்களிடம் தமிழில் பேசுங்கள்.​ அதுதான் தமிழர்களுக்கு மரியாதை என கோவை மேற்கு மண்டல ஐ.ஜி.​ பி.​ சிவனான்டி கூறினார்.​ தருமபுரி செந்தில் மெட்ரிக் மேல்நிலைப் பள்ளியில் செவ்வாய்க்கிழமை நடைபெற்ற விழாவில்,​​ அவர் பேசியது:​ மேடை கலாசாரத்தை மாற்ற வேண்டும்.​ மேடையில் பேசுபவர்கள் யாராக இருந்தாலும்,​​ அவர்களுக்கு தமிழ் தெரிந்தால்,​​ தமிழில் பேசுங்கள்.​ சிறப்பு விருந்தினர்களுக்கு மாலை,​​ சால்வை அணிவித்து மரியாதை செலுத்துவதைவிட அவர்களுக்கு நல்ல புத்தகங்களை வழங்கும் கலாசாரத்தை மாணவர்கள் எதிர்காலத்தில் கடைப்பிடிக்க வேண்டும்.​ மாணவர்களுக்கு எதிர்கால லட்சியம் இருக்க வேண்டும்.​ படித்துவிட்டு வெளிநாடு செல்லும் கலாசாரத்தை மாற்றி,​​ இந்தியாவிலே நாம் கற்ற கல்வியை சமுதாய முன்னேற்றத்துக்காக அர்ப்பணிக்க வேண்டும்.​ மாணவர்கள் தாங்கள் எந்த நிலைக்கு சென்றாலும் பெற்றோர்களை மறக்காமல் பாதுகாக்க வேண்டும்.​ ஆசிரியர்கள் மாணவர்களை சமூக சேவகர்களாக்கப் பாடுபட வேண்டும்.​ ​​ பொருளாதாரத்தில் உயர்ந்த நிலையில் உள்ளவர்கள் தங்களால் முடிந்த அளவுக்கு ஏழை மாணவர்களின் கல்விக்காக உதவ வேண்டும்.​ காவல் துறை சார்பில் 450 ஏழை மாணவர்கள் தத்தெடுக்கப்பட்டுள்ளனர்.​ பிள்ளைகளால் கைவிடப்பட்ட ​ பெற்றோர்கள் குறித்து 99400-65555 என்ற தொலைபேசி எண்ணில் தொடர்புகொண்டு தெரிவிக்கலாம் என்றார்.​ மாநில தகவல் உரிமை ஆணையர் ஆர்.​ பெருமாள்சாமி,​​ பள்ளித் தாளாளர் சி.​ கந்தசாமி,​​ மாவட்ட முதன்மைக் கல்வி அலுவலர் ஏ.​ கலைச்செல்வி,​​ பள்ளி அறக்கட்டளை செயலர் கே.​ தனசேகர் உள்ளிட்டோர் கலந்துகொண்டனர்.
கருத்துக்கள்

திரு பி.சிவனாண்டி இ.கா.ப. அவர்கள் கூறுவதை அனைவரும் பின்பற்றித் தமிழ் அறிந்தவர்களிடம் தமிழிலேயே பேச வேண்டும்! தமிழ் அறியாதவர்களைத் தமிழ் அறியச் செய்ய வேண்டும்!தமிழர்களுக்கான மரியாதையை வலியுறுத்துவதன் மூலம் காவல்துறைக்கு மரியாதை ஏற்படுத்தியமைக்குப் பாராட்டுகள். அன்புடன் இலக்குவனார் திருவள்ளுவன்
By Ilakkuvanar Thiruvalluvan
8/18/2010 1:14:00 PM
உங்கள் கருத்தைப் பதிவு செய்யுங்கள் *

வியாழன், 1 ஏப்ரல், 2010

எங்கு வாழ்ந்தாலும் தமிழன் தன் வீட்டில் தமிழ்தான் பேச வேண்டும்: தினமணி ஆசிரியர் கே. வைத்தியநாதன்



விழா மேடையில், ஏ.ஆர். ரஹ்மான், வெங்கட்ராமன் ராமகிருஷ்ணன் ஆகியோருடன் உரையாடுகிறார் தினமணி ஆசிரியர் வைத்தியநாதன்.

புதுதில்லி, மார்ச் 31: தமிழர்கள் எங்கு வாழ்ந்தாலும் தங்கள் வீடுகளில் தமிழில்தான் பேச வேண்டும் என்கிற உறுதியேற்க வேண்டும் என்று கேட்டுக் கொண்டார் தினமணி ஆசிரியர் கே. வைத்தியநாதன்.
தினமணி நாளிதழும் தில்லி தமிழ்ச் சங்கமும் இணைந்து, பத்ம விருதுகள் பெற்ற நோபல் நாயகர் வெங்கட்ராமன் ராமகிருஷ்ணன், ஆஸ்கர் நாயகன் ஏ.ஆர். ரஹ்மான், அப்பல்லோ மருத்துவமனைத் தலைவர் டாக்டர் பிரதாப் சந்திர ரெட்டி, சிபிஐ முன்னாள் இயக்குநர் டி.ஆர். கார்த்திகேயன் மற்றும் சித்த மருத்துவ வல்லுநர் டாக்டர் ஜெ.ஆர். கிருஷ்ணமூர்த்தி ஆகிய தமிழர்களைப் பாராட்டி புதன்கிழமை நடத்திய விழாவில் பேசியபோது இதனை அவர் வலியுறுத்தினார்.
மேலும் தினமணி ஆசிரியர் கே. வைத்தியநாதன்.
பேசியது: திறமான புலமையெனில் வெளிநாட்டார் அதை வணக்கம் செய்தல் வேண்டும் என்ற பாரதியின் கனவை நனவாக்கித் தந்த அறிஞர்கள் இவர்கள். தமிழ்நாட்டின் பெருமையை இந்தியத் தலைநகரில் மட்டுமின்றி உலக அரங்கிலும் பட்டொளிவீசிப் பறக்கச் செய்தவர்கள். இவர்களைப் பாராட்டுவது தமிழர்களாகிய நம்மை நாமே பாராட்டிக் கொள்வதற்குச் சமம்.
சொல்லில் உயர்வு தமிழ்ச் சொல்லே, அதைத் தொழுது படித்திடடி பாப்பா என்பான் பாரதி. இசைமேதை ஏ.ஆர். ரஹமான் பேசும்போது "ஜெய் ஹோ' பாடலைத் தமிழில் இசையமைக்க வேண்டும் என்கிற ஏக்கமும் தாகமும் தனக்கு இருப்பதாகத் தெரிவித்தார். அவர் வெளிப்படுத்திய அந்தத் தமிழ் உணர்வு நம் அனைவரிடத்திலும் இருக்க வேண்டும். அதற்கு முதலில் நாம் தமிழில் பேச வேண்டும் என்கிற வைராக்கியம் நமக்கு ஏற்பட வேண்டும்.
தமிழ்நாட்டிலும் வெளிமாநிலங்களிலும் வாழும் மலையாளிகளைப் பார்க்கிறேன். அவர்கள் வீடுகளில் மலையாளத்தில் பேசிக்கொள்கிறார்கள். குஜாராத்திகள் குஜராத்தி மொழியில் பேசுகிறார்கள். கன்னடத்தவர் கன்னடத்திலும், வங்காளிகள் வங்க மொழியிலும் பேசுகிறார்கள். தமிழ்நாட்டிலேயேகூடத் தமிழன் மட்டுமே, தன் வீட்டில் தமிழ் பேசுவது குறைந்து வருகிறது. தமிழில் பேசுவது கெüரவக் குறைச்சலாகக் கருதுவதும் ஆங்கிலத்தில் பேசுவதுதான் பெருமை என்று நினைப்பதும் வேதனை அளிக்கிறது. இந்த மேடையில் ஜெய் ஹோ பாடலை குழந்தைகள் ஹிந்தியில் பாடியதைக் கேட்ட ரஹ்மான், இப்பாடலை தமிழல் கொண்டுவரப்போவதாகச் சொன்ன அதே தமிழ் உணர்வை முன்மாதிரியாக எடுத்துக்கொண்டு, நாமும் வீடுகளில் தமிழில்தான் பேசுவோம் என்று உறுதி ஏற்க வேண்டும். நாம் நமக்குள்ளே பேசும் மொழி நம் இனிய தமிழ் மொழியாக இருக்கட்டும் என்றார் ஆசிரியர் வைத்தியநாதன்.
நோபல் நாயகர் வெங்கட் ராமகிருஷ்ணன் பாராட்டுக்கு நன்றி தெரிவித்துப் பேசுகையில், "நான் இங்கே உள்ள இசை மேதை ரஹ்மான் போல அனைவரும் தெரிந்த நபர் அல்ல, ஆனால் எனக்கு ஒரு நோக்கம் இருந்தது, அதை நான் ஈடுபாட்டுடன் பின் தொடர்ந்தேன். நான் எப்படி பி.எச்டி. படிக்க நேர்ந்தது என்பதெல்லாம் சுவாரஸ்யமான விஷயம். இருப்பினும் என்னைப் போன்றவர்களுக்கு விருது கிடைக்குமபோது அது மிகப்பெரிய நல்லெண்ணத்தைத் தமிழர்களிடத்தில் ஏற்படுத்துகிறது என்பதும், உழைப்பவருக்கு பாராட்டு கிடைக்கும் என்கிற நம்பிக்கையை ஏற்படுத்துகிறது என்பதும் என்னை ஆச்சரியம் கொள்ள வைக்கிறது. இது ஒரு பாடம். பணம், நல்ல வேலை என்பதைப் பற்றியெல்லாம் கவலைப்படாமல் உங்கள் விருப்பங்களைத் தீர்மானித்து, அதைத் தொடர்ந்து செல்லுங்கள். பாராட்டு வந்து சேரும்' என்றார்.
தமிழில் ஜெய்ஹோ: இசைமேதை ஏ ஆர். ரஹ்மான் பேசுகையில், எல்லாப் புகழும் இறைவனுக்கே, இந்த விழாவில் குழந்தைகள் நான் இசையமைத்த ஹெய் ஹோ பாடலை ஹிந்தியில் பாடியபோது, இதைத் தமிழிலும் அமைக்க வேண்டும் என்று தோன்றியது. அடுத்த ஆண்டு அதைச் செய்வேன், பாராட்டியதற்கு தினமணிக்கு நன்றி என்றார்.
டாக்டர் டி.ஆர். கார்த்திகேயன் பேசுகையில், விருது பெற்றவுடன் இங்கே வந்து கலந்து கொண்டதற்குக் காரணம் நாங்கள் தமிழ்நாட்டைச் சேர்ந்தவர்கள் என்பதால்தான். எனக்கு விருóது கிடைத்திருப்பதாக நண்பர்கள் சொன்னபோது, எனக்குத் தெரியாது, நான் கேட்டதும் இல்லை. இத்தகைய விருதுகள் பெற செல்வாக்கைப் பயன்படுத்தினால்தானே இத்தகைய விருதுகள் கிடைக்கும் என்றேன். தகுதிக்கேற்பவும் தருகிறார்கள் என்று சொன்னார்கள். தமிழ்நாட்டுக்கு மறுபடியும் பெருமை கிடைக்கத் தொடங்கியுள்ளது. சில காலமாக தொய்வு இருந்த நிலை மாறி, கடந்த இரு ஆண்டுகளாக ஐஏஎஸ், ஐபிஎஸ் தேர்ச்சி பெற்று நிறைய தமிழர்கள் மத்திய அரசுப் பணிக்கு வரத் தொடங்கியுள்ளனர். தமிழன் மறுபடியும் தலைதூக்கி உலகப் புகழைப் பெறத் தொடங்கியுள்ளான். இந்த விருது பெற்ற அனைவருமே, சாதாரண குடும்பங்களில் இருந்து இந்நிலைக்கு உயர்ந்தவர்கள் என்றார்.
டாக்டர் ஜெ.ஆர். கிருஷ்ணமூர்த்தி பேசுகையில், தமிழ் உணர்வு தமிழர்களிடத்தில் அவர்கள் எங்கு வாழ்ந்தாலும் இருக்கிறது. சோரியாஸிஸ் தோல் நோய்க்கு நான் உருவாக்கியுள்ள சித்த மருந்துக்காக எனக்கு இந்த விருது கிடைத்துள்ளது. சித்த மருத்துவமனை அதிகம் வருவதற்காக நாம் குரல் கொடுக்க வேண்டும் என்றார்.
1946-ல் தொடங்கப்பட்ட தில்லி தமிழச் சங்கத்தின் செயல்பாடுகளை தலைவர் எஸ். கிருஷ்ணமூர்த்தி விளக்கினார். செயலர் சக்தி பெருமாள், செயற்குழு உறுப்பினர்கள் பி. குருமூர்த்தி, ராஜ்குமார் பாலா ஆகியோர் விழா ஏற்பாடுகளைச் செய்திருந்தனர்.

கருத்துக்கள்

ஆங்கிலேயர் அல்லாத இருவர் ஆங்கிலத்தில் பேசினால் அவர்கள் தமிழர்கள் என்பது உலகறிந்த உண்மையாக உள்ளது. தமிழர்கள் தங்களுக்கிடையே தமிழ் பேசாமையே மொழி அழிவுக்கும் நில இழப்பிற்கும் இன அழிப்பிற்கும் காரணமாயிற்று. தினமணி ஆசிரியர் தம் வேண்டுகோளைத் தொடர்ந்து வலியுறுத்தி இதழில் வெளியிட்டு வரவேண்டும். பின்னராவது நம்மவர்களுக்கு உணர்வு வரலாம். தமிழில் பேசுங்கள் ! தமிழ் பேசும் பொழுது (பிற மொழிக் கலக்காமல்) தமிழிலேயே பேசுங்கள்!தமிழில் எழுதுங்கள்! தமிழில் எழுதுகையில் தமிழிலேயே எழுதுங்கள்! தமிழ் அறிந்தவர்களுடன் தமிழிலேயே பேசுங்கள்! தமிழ் அறியாதவர்களைத் தமிழ் அறியச் செய்யுங்கள்! இச் செயல்பாடடுகளே தமிழை என்றென்றும் வாழவைக்கும்.

அன்புடன் இலக்குவனார் திருவள்ளுவன்

By Ilakkuvanar Thiruvalluvan
4/1/2010 2:29:00 AM
உங்கள் கருத்தைப் பதிவு செய்யுங்கள் *

செவ்வாய், 9 பிப்ரவரி, 2010

பொன்சேகா நள்ளிரவில் கைது



கொழும்பு, ​​ பிப்.9:​ இலங்கை அதிபர் தேர்தலில் எதிர்க்கட்சிகள் சார்பில் பொது வேட்பாளராக நிறுத்தப்பட்ட முன்னாள் படைத் தளபதி ஜெனரல் சரத் பொன்சேகா திங்கள்கிழமை இரவு திடீரென்று கைது செய்யப்பட்டார்.​ கொழும்பு நகரில் பொன்சேகாவும் அவருடைய பத்திரிகைச் செயலர் சேனக டிசில்வாவும் அலுவலக வேலைகளைப் பார்த்துக் கொண்டிருந்தபோது அவருடைய வீட்டைச் சூழ்ந்துகொண்ட ராணுவப் போலீஸôர் அவர்கள் இருவரையும் கைது செய்தனர்.​ அதிபர் மகிந்த ராஜபட்சவையும் அவருடைய குடும்பத்தாரையும் கொலை செய்ய சதி செய்ததாகவும் ஆட்சியைக் கவிழ்க்க சந்தர்ப்பத்தை எதிர்பார்த்ததாகவும் உங்கள் மீது கிரிமினல் குற்றச்சாட்டுகள் உள்ளன,​​ எனவே உங்களைக் கைது செய்கிறோம்;​ எங்களுடன் ஒத்துழைப்பதுதான் உங்களுக்கு நல்லது என்று மிரட்டும் தொனியிலும் எச்சரிக்கும் தொனியிலும் ராணுவப் போலீஸ் அதிகாரி கூறினார்.​ பொன்சேகா கைது செய்யப்பட்டபோது அந்த இடத்தில் அசாதாரணமான நிலைமை காணப்பட்டது.​ கைதுக்கு ​ முன்பாக அவர் எதிர்க்கட்சித் தலைவர்கள் 3 பேருடன் ஆலோசனை நடத்திக் கொண்டிருந்தார்.​ அப்போது அவரை ராணுவ வீரர்கள் வலுகட்டாயமாக கைது செய்து அழைத்துச் சென்றனர்.​ சம்பவ இடத்தில் நிருபர்கள்,​​ புகைப்படக்காரர்கள் யாரும் அனுமதிக்கப்படவில்லை.​ பகலில் கைது ​ செய்தால் பொன்சேகாவின் ஆதரவாளர்கள் வீதிகளில் வந்து சாலை மறியல் போன்றவற்றில் ஈடுபட்டு சட்டம்,​​ ஒழுங்கைச் சீர்குலைக்கக் கூடும் என்று கருதியே இரவில் கைது செய்திருப்பதாக அரசியல் நோக்கர்கள் கூறுகின்றனர்.​ ராணுவச் சட்டப்படி கைது செய்து குற்றம் சாட்டியிருப்பதாலும் ராணுவப் போலீஸôரே கைது நடவடிக்கையை மேற்கொண்டிருப்பதாலும் வழக்கு விசாரணையும் ராணுவ நீதிமன்றத்திலேயே நடக்கவிருப்பதால் சரத் பொன்சேகாவுக்கு இனி என்ன நேரும் என்று அவருடைய ஆதரவாளர்கள் அச்சப்படுகின்றனர்.​​ இனி அவருடைய ஆதரவாளர்களையும் அரசு வேட்டையாடும் என்ற அச்சமும் நிலவுகிறது.​ பொது வேட்பாளராக நின்றதோடு,​​ மகிந்த ராஜபட்சவும் அவருடைய தம்பிகளும் கோடிக்கணக்கில் பொதுப்பணத்தைக் கொள்ளை அடிப்பதாகவும் ஆட்சிக்கு வந்தால் இந்த ஊழல்களை அம்பலப்படுத்துவேன் என்றும் பொன்சேகா தன்னுடைய பிரசாரத்தில் பேசிவந்தார்.​ அத்துடன்,​​ ராணுவத்திடம் சரண் அடைய வந்த விடுதலைப் புலிகள் பற்றி தனக்குத் தகவலே தெரிவிக்காமல் மகிந்தவின் தம்பியே அவர்களைக் கொல்ல உத்தரவிட்டிருக்கலாம் என்றும் அவர் பிரசாரத்தின்போது கூறியிருந்தார்.அதையடுத்து மகிந்தவையும் அவருடைய தம்பியையும் போர்க்குற்றவாளிகளாக அறிவித்து விசாரிக்க வேண்டும் என்ற கோரிக்கைக்கு வலு ஏற்பட்டது.​ இதனால் ஆத்திரம் அடைந்த மகிந்த ராஜபட்ச,​​ இந்தப் புகாருக்காக பொன்சேகா மீது தேசத்துரோக வழக்கே தொடுக்கப்பட வேண்டும் என்று கூறியிருந்தார்.இப்போது அவர் மீது தொடுக்கப்பட்டுள்ள குற்றச்சாட்டுகளைப் பார்க்கும்போது பொன்சேகாவின் வழக்கு விசாரணை ரகசியமாகவும் விரைவாகவும் நடத்தி முடிக்கப்பட்டு அதிகபட்ச தண்டனையும் வழங்கப்படலாம் என்று தெரிகிறது.​ இலங்கை ராணுவத்திலிருந்து பாதியில் விட்டு ஓடிய ராணுவ வீரர்களுக்கு அவர் புகலிடம் கொடுக்கிறார் என்ற குற்றச்சாட்டும் அவர் மீது கூறப்பட்டுள்ளது.​ அவர்களைக் கொண்டுதான் ஆட்சிக்கவிழ்ப்பு முயற்சியில் அவர் இறங்க திட்டமிட்டிருந்தார் என்றும் வழக்கு போடப்படலாம் என்று தெரிகிறது.
கருத்துக்கள்

சோழனும் இராசுவும் சொல்வன சரிதான்.இன்று பொன்சேகாவிற்கு ஏற்படும்அழிவு நாளை பக்சேவிற்கும் காத்திருக்கிறது.இவர்களிடையே ஏற்பட்டுள்ள மோதல் படையிலும் பிளவை ஏற்படுத்தி அவர்களிடையேயும் அழிவை உண்டாக்கும். ஆனால், பின்னணியில் இயக்கிய இந்திய அதிகாரிகளுக்கும் அரசியல்வாதிகளுக்கும் பாடம் கற்பிக்கப் போவது யார்? திருந்தாப் பிறவிகளை வருந்தச செய்வது யார்? பேரினப் படுகொலைகளைத் தூண்டிவிட்டவர்களையும் அவற்றுக்கு உதவி செய்தவர்களையும் கைகட்டி வேடிக்கை பார்த்துக் கொண்டிருந்தவர்களையும் வீண்தத்துவத்தை வறட்டுத்தனமாகக் கத்திக் கொ்ணடிருந்தவர்களையும் தண்டிப்பது யாரோ? பேரழிவுகளை உருவாக்கியவர்கள் குடும்பத் தினருடன் சிறு அழிவையாவது சந்திப்பதுதானே முறை எனக் கருதும் இலக்குவனார் திருவள்ளுவன்

By Ilakkuvanar Thiruvalluvan
2/9/2010 2:49:00 AM

The Hunter Ties the hunting dog. Who is going to tie the hunter? very soon happen that too. Rajapaksha is doing the same politic such as India (encounter)

By raj
2/9/2010 2:38:00 AM

Sarath and Rajapsksa killed more than 100000 Tamils in Sri Lanka last year with Indian ruling party's help.If Sarath tell the truth India also need to answer to the world.India is behind all these war crimes.

By cholan
2/9/2010 2:19:00 AM
உங்கள் கருத்தைப் பதிவு செய்யுங்கள் *

ஞாயிறு, 16 ஆகஸ்ட், 2009

முடிந்தவரை தமிழில் மட்டுமே பேசுங்கள்! "தினமணி' ஆசிரியர் வேண்டுகோள்



சென்னை, ஆக. 15: "நண்பர்களுடனும், உறவினர்களுடனும் தமிழில் அளவளாவுவதை வழக்கமாகக் கொள்ளல் வேண்டும். அப்போதுதான் தமிழ் மொழி அழியாமல் பாதுகாக்கப்படும்' என்றார் தினமணி ஆசிரியர் கே.வைத்தியநாதன். சென்னை அண்ணா பல்கலைக்கழகம் மற்றும் யுவசக்தி என்ற தன்னார்வ அமைப்பு ஆகியவற்றின் சார்பில், "இளைஞர் ஊக்குவிப்பு பிரசாரம்' என்ற நிகழ்ச்சி அண்ணா பல்கலைக்கழகத்தில் சனிக்கிழமை நடைபெற்றது. நிகழ்ச்சியில் யுவசக்தியின் "சிந்தனைச் சிறகுகள்' என்ற புத்தகத்தை தினமணி ஆசிரியர் கே.வைத்தியநாதன் வெளியிட்டார். அதன் முதல் பிரதியை பல்கலைக்கழக மாணவர் சதீஷ் பெற்றுக் கொண்டார். பின்னர், "தாய் மண்ணே வணக்கம்' என்ற தலைப்பில் ஆசிரியர் கே.வைத்தியநாதன் பேசியதாவது: பிளாஸ்டிக்கின் உபயோகத்தால் நான்கைந்து தலைமுறைகளுக்குப் பிறகு விவசாயமே இல்லாமல் போகும் நிலை ஏற்படும் என்று சொல்லப்படுகிறது. நமது முன்னோர்கள் நல்ல மண்ணை, நல்ல சுற்றுச்சூழலை விட்டுச் சென்றார்கள். அதை நாம் இன்று அனுபவிக்கிறோம். நமது முன்னோர்கள் நமக்கு விட்டுவிட்டுப் போனதைப் போல, நல்லதொரு பூமியை நாளைய தலைமுறைக்கு நாம் விட்டுச் செல்லக் கடமைப்பட்டு இருக்கிறோம். நமது சுயநலம் நாளைய தலைமுறையை பாதித்துவிடக் கூடாது. நமது முன்னோர்கள் தத்தம் பிள்ளைகளையே காப்பீடாகக் கருதினார்கள். அதனால் மருத்துவக் காப்பீடு, ஆயுள் காப்பீடு, முதியோர் இல்லம் போன்றவற்றுக்கு அவசியம் இல்லாமல் போனது. ஆனால் இன்று நிலைமை வேறு. இது ஆரோக்கியமான வளர்ச்சி அல்ல. இதற்குப் பெற்றோரின் சுயநலம் கூட காரணம். குழந்தைகளை வளர்க்கும் போதே, "உங்களை நம்பி நாங்கள் இல்லை; நீங்கள் படித்து வசதியாக வாழ்ந்தால் போதும்' என்று கூறும் பெற்றோர் பலரும் முதுமையில் தங்கள் குழந்தைகளைப் பார்க்க மாட்டோமா என்கிற ஏக்கத்துடன் முதியோர் இல்லத்தில் வாழ்வது அதிகரித்து வருகிறது. "நம்மைக் காப்பாற்ற குழந்தைகள் கடமைப்பட்டவர்கள்' என்று பெற்றோரும், "பெற்றோரைக் காப்பாற்றுவது தங்கள் கடமை' என்று குழந்தைகளும் கருதிய நல்ல பண்பு பாரதத்துக்கு மட்டுமே உள்ளது. அதை நாம் இழந்துவிடக் கூடாது. இரண்டாம் உலகப் போருக்குப் பின், 180 நாடுகள் சுதந்திரம் அடைந்தன. அவற்றில் முழுமையாக தேர்தலை நடத்தி ஜனநாயகத்தை நிலைநாட்டும் ஒரே நாடு இந்தியாதான். தேர்தலில் தில்லுமுல்லுகள், தவறுகள் இருக்கத்தான் செய்கின்றன. ஆனால், எல்லாரும் பணம் வாங்கித்தான் ஓட்டு போடுகிறார்கள் என்று சொல்வது இந்திய வாக்காளர்களை அவமதிப்பதாகும். தவறுகள் நடக்கத்தான் செய்கின்றன. அவை தட்டிக்கேட்கப்பட வேண்டும். மொழி வேறு, தேசம் வேறு என்று தனித்தனியாக பிரித்துப் பார்க்கக் கூடாது. பாரதிக்கும், தாகூருக்கும் மொழிப் பற்று இல்லாமல் இருந்ததா? அவர்கள் தத்தம் மொழியை நேசித்ததால் தேசப் பற்று இல்லாமல் போய்விட்டதா? மொழிப் பற்று என்பது தேசப் பற்றுக்கு எதிரானது அல்ல என்பதை இன்றைய இளைய சமுதாயம் புரிந்து கொள்ள வேண்டும். பேச்சு வழக்கில் இருந்தால் மட்டுமே ஒரு மொழி வாழவும், வளரவும் முடியும். பேச்சு வழக்கு ஒழிந்ததால்தான், லத்தீன், சம்ஸ்கிருதம் போன்ற மொழிகள் அழிந்தன. அந்த நிலைமை தமிழுக்கு ஏற்பட்டு விடுமோ என்ற அச்சம் சமீபகாலமாக ஏற்படுகிறது. தனித் தமிழில் பேச வேண்டும் என்பது இல்லை. முடிந்தவரை பிறமொழிக் கலப்பில்லாமல் தமிழில் பேச நாம் முயற்சிக்க வேண்டும். ரஷ்யா, சீனா, ஜப்பான், பிரான்ஸ் போன்ற நாடுகளைச் சேர்ந்தோர் தங்கள் தாய் மொழியில் மட்டுமே பேசுகிறார்கள், எழுதுகிறார்கள். அதனால் அவர்களது வளர்ச்சி பாதித்ததா என்ன? ஆங்கிலமோ, பிற மொழிகளோ படிக்க வேண்டாம் என்கிற கருத்தில் நான் இதைக் கூறவில்லை. நமது அலுவல் மொழியாக ஆங்கிலமோ, ஹிந்தியோ, உருதுவோ, பிரெஞ்சோ எதுவாக வேண்டுமானாலும் இருந்துவிட்டுப் போகட்டும். ஆனால், வீட்டில் உற்றார், உறவினர், நண்பர்கள் மத்தியில் பேசும் மொழியாகத் தமிழையோ, உங்கள் தாய்மொழியையோ மட்டுமே கொள்ளுதல் வேண்டும். பாரதி சொல்வது போல, "சொல்லில் உயர்வு தமிழ்ச் சொல்லே' என்பதை இன்றைய இளைய தலைமுறை மறந்து விடக் கூடாது' என்றார் ஆசிரியர் வைத்தியநாதன். நிகழ்ச்சியில் கிண்டி பொறியியல் கல்லூரியின் முதல்வர் எம்.சேகர், தேசிய நாட்டு நலப்பணித் திட்ட ஒருங்கிணைப்பாளர் எஸ்.செல்லதுரை, இளைஞர் செஞ்சிலுவைச் சங்க ஒருங்கிணைப்பாளர் பி.குமார், யுவ சக்தி உறுப்பினர் ஜனனி மகேஸ்வரி வியாஸ் ஆகியோர் பங்கேற்றனர்.
கருத்துக்கள்

Tholaikkaatchi nigazhchikalaip parungal.Pirabalangkal palar paathikkumel aangilam kalanthe pesukinranar.Dhesiyath tholaikkaatchi nigazhchikalum itharkku vithivilakkalla enbanapol nadakkinrana.Thiraipadangkalukkuth thamizhil peyar vaiththaal mattum pothaathu;Thamizhppanpaadu sithaikkappadaamal irukkavendum;uraiyaadalkal perumbaalum nalla thamizhil amaiya vendum .Ilaiya thalaimurai ithai manathil koLLavendum.Aasiriyarin kootru mutrilum unmaiye! -Arima Ilangkannan(camp:US)

By P.Balakrishnan
8/16/2009 3:47:00 AM