பென்னாகரம் இடைத்தேர்தல் திமுக அரசின் சாதனைக்கு கிடைத்த வெற்றி

First Published : 31 Mar 2010 12:01:00 AM IST

Last Updated : 31 Mar 2010 10:51:33 AM IST

காஞ்சிபுரம், மார்ச் 30: பென்னாகரம் இடைத்தேர்தல் திமுக அரசின் சாதனைக்கு கிடைத்த வெற்றி என்று இந்திய தேசிய போக்குவரத்து தொழிலாளர் பேரவையின் மாநிலத் தலைவர் எம்.எல்.ஏ. எம்.கே.விஷ்ணுபிரசாத் தெரிவித்தார்.இந்த அமைப்பின் கூட்டம் செவ்வாய்க்கிழமை நடைபெற்றது. இக் கூட்டத்தில் பங்கேற்க காஞ்சிபுரம் வந்த செய்யார் எம்.எல்.ஏ. எம்.கே.விஷ்ணுபிரசாத் நிருபர்களிடம் கூறியது: பென்னாகரம் இடைத் தேர்தலில் கிடைத்த வெற்றி திமுக அரசின் சாதனைக்கு கிடைத்த வெற்றி. இன்றைய காலக் கட்டத்தில் பல்வேறு நல்ல விஷயங்கள் தமிழகத்தில் நடந்து வருகின்றன.இந்நிலையில் போக்குவரத்து தொழிலாளர்கள் அரசு ஊழியர் ஊதிய விகித முறையில் ஊதியம் வழங்க வேண்டும், போக்குவரத்து தொழிலாளர்களின் ஓய்வூதிய திட்டத்தை மின்வாரியம் போல் அரசே ஏற்று நடத்த வேண்டும், ஓய்வூதியர்கள் ஒப்படைப்பு பணத்தை பணியாளர் ஓய்வு பெறும்போதே வழங்க வேண்டும், வேலைவாய்ப்பு அலுவலகத்தின் மூலம் தேர்வு செய்யப்பட்ட ஓட்டுநர், நடத்துநர், பராமரிப்பு பணியாளர்களை ஒப்பந்தம் மற்றும் நிலையான விதிகளுக்கு உள்பட்ட 240 நாள்களில் பணி நியமனம் செய்ய வேண்டும் உள்ளிட்ட கோரிக்கைகளை தமிழக அரசிடம் வலியுறுத்த உள்ளோம். மேலும் வாரிசுதாரர் வேலை, பயணத்தூரம், காண்ட்ராக்ட் முறை ஒழிப்பு, மிகை பணியாற்றும் ஊழியர்களுக்கு சட்டப்படியான ஊதியம் ஆகியவை வழங்க வேண்டும். போக்குவரத்து கழகங்களில் அலுவலகங்களில் பணியாளர் மற்றும் தொழில் நுட்ப பணியாளர்கள் நியமனத்தை விரைவுபடுத்த வேண்டும் உள்ளிட்ட கோரிக்கைகளை இந்த கூட்டத்தில் வலியுறுத்தியுள்ளோம் என்றார்.

கருத்துக்கள்

முன்பு நாளொன்றுக்கு 100 உரூபாய் இருந்தாலும் தீராத உணவுச் சிக்கல் இன்று மாதம் உரூபாய் அளவில் முடிந்து விடுகிறது. ஆனால் இப்படிப்பட்ட சாதனைகளுக்காக மக்கள் வாக்கு அளிக்கவில்லை. மக்கள் நன்றி மறவாதவர்கள் என்றால் பணப்பரிமாற்றம் ஏன் நடைபெற்றது?சாதனைகளை எண்ணும் மக்கள் காங்கிரசால் ஏற்பட்ட வேதனைகளையும எண்ணினால் வாக்களிப்புவேறுவகையாக மாறியிருக்கலாம். எனவே இது வாக்கு அளிப்பு வணிகத்தைத் திறம்பட நடததியமையால் கிடைத்த வெற்றி என்பதுவே உண்மை.

அன்புடன் இலக்குவனார் திருவள்ளுவன்

By Ilakkuvanar Thiruvalluvan
4/1/2010 3:07:00 AM

தி.மு.க.உக்கு கிடைத்த வெற்றி அல்ல இது ' பணம் படைத்தவன் & அராஜகம் செய்பவனுக்கு கிடைத்த வெற்றி.

By pannadai pandian
3/31/2010 8:06:00 PM

யார் சொன்னது நாங்கள் பின் தங்கி இருக்கிறோம் என்று . 1 . எங்களது ஆட்சியில் டாஸ்மார்க்கின் வளர்ச்சியில் முக்கிய பங்கு தமிழகத்துக்கு உண்டு , கடந்த ஆண்டு இறுதியின் கணக்கு எடுபின் படி நாங்கள் 37 % அரசுக்கு வருமானம் பெற்றுள்ளோம் . இது அடுத்த ஆண்டு மேலும் அதிகரிக்கும் என்று எதிர்பார்கிறோம். 2 .தேவை இல்லாமையால் நிறைய பாலங்கள் கட்டப்பட்டுள்ளது . 3 . அனைவருக்கும் அடுத்த ஆண்டு முதல் ஒரு குடும்பதிருக்கு ராந்தல் விளக்கு தரப்படும் , மின்சாரம் இல்லாத நேரத்தில் ராந்தல் பயன் படுத்த அனைவருக்கும் பயிற்சி அளிக்கப்படும் . 4 . மணல் கடத்தும் தொழில் உலக நாடுகளுக்கு சொல்லி தரப்படும் , அரிசி கடத்தும் தொழிலும் அடங்கும் . 5 .மக்கள் தொகை கட்டுபடுத்துவதற்காக மருத்துவ துறை வணிகமக்கபடும் , போலி மருந்து கொண்டுவரப்படும் அதனால் பல மக்கள் தொகை பிறப்பு விகிதம் கட்டுபடுத்தபடும் . 6.விளை நிலம் அனைத்தும் கைப்பற்றப்பட்டு , சினிமாவில் அனைவருக்கும் சொகுசு வீடு கட்டி தரப்படும். மலரட்டும் மீண்டு ம் DMK உங்கள் ஆட்சி ! வாழ்க பணநாயகம் ! வளர்க உங்க குடும்பம் ! by S பிரபு,chennai,India 31-03-2010 14:30:31 IST

By pannadai pandian
3/31/2010 3:52:00 PM

உங்கள் கருத்தைப் பதிவு செய்யுங்கள்

தலையங்கம்:பட்டதே போதும்...

First Published : 29 Mar 2010 12:00:00 AM IST

Last Updated : 29 Mar 2010 01:47:30 AM IST

பென்னாகரம் இடைத்தேர்தல் முடிவு எதுவாக இருந்தாலும்,​​ அரசியல் கட்சித் தலைவர்களைத் தவிர,​​ யாருக்குமே இதில் ஆர்வம் இல்லை.​ தேர்தல் முடிந்தவுடன் அந்தத் தொகுதி மக்கள் அடைந்த நிம்மதிக்கு அளவே கிடையாது.​ அந்த அளவுக்கு அவர்கள் மிகப்பெரும் மனஇறுக்கத்திலும்,​​ பதற்றத்திலும் இருக்க நேரிட்டது.​ ​தேர்தல் அறிவித்த உடனே இத்தொகுதிக்குள் கட்சிகள் புகுந்து செயல்படத் தொடங்கிவிட்டன.​ தகராறு,​​ அடிதடி,​​ சாதிஉணர்வு,​​ பணபேரம் என கட்சித் தொண்டர்கள் களத்தில் இறங்கினர்.​ இதில் எந்தக் கட்சியும் விதிவிலக்கல்ல.​ ​இந்தப் புகார்களுக்கு முதல்வர் கருணாநிதியே கோபமாகப் பதில் கொடுத்திருக்கிறார்.​ ""திமுக பணத்தை வாரி இறைத்து வெற்றி பெறப் பார்க்கிறது என்று சொல்கிறார்கள்.​ இவர்கள் மட்டும் என்ன,​​ பணம் செலவழிக்காமல்,​​ பிச்சையெடுத்தா வாக்கு கேட்கிறார்கள்?​ தேர்தல் ஆணையம் நிர்ணயித்துள்ள செலவை நாங்களும் செய்கிறோம்.​ அவர்களும் செய்கிறார்கள்'' என்ற முதல்வரின் கோபப் பேச்சிலிருந்தே இங்கே அனைத்துக் கட்சிகளும் எப்படித் தேர்தல் ஆணையம் நிர்ணயித்த செலவைச் செய்துள்ளன என்பதை யூகித்துக் கொள்ள முடியும்.இது அரசியல் கட்சிகளின் பிரச்னை.​ ஆனால் இந்தத் தேர்தலில் மக்கள் எதிர்கொண்ட பிரச்னைகளைப் பார்க்கும்போது,​​ இடைத்தேர்தலுக்குத் தனியான நிபந்தனைகளை,​​ புதிய கட்டுப்பாடுகளைத் தேர்தல் ஆணையம் புகுத்த வேண்டிய அவசியம் இன்றைய மக்களாட்சித் தத்துவத்தில் நேர்ந்திருக்கிறது என்றுதான் சொல்லத் தோன்றுகிறது.​ கடந்த இரண்டு மாதங்களாக அத்தொகுதி மக்கள் அனுபவித்த ஜனநாயக அவஸ்தை சொல்லி மாளாது.திமுக சார்பில் ஓர் அமைச்சர் அத்தொகுதிக்குப் பொறுப்பாளராக நியமிக்கப்படுகிறார்.​ பாமக சார்பில் முன்னாள் மத்திய அமைச்சரும் கட்சி நிறுவனரும் அங்கேயே பெரும்பகுதி நாள்கள் தங்குகிறார்கள்.​ முதல்வர்,​​ துணை முதல்வர்,​​ முன்னாள் முதல்வர் எல்லோரும் தொகுதியில் பிரசாரம் செய்கிறார்கள்.​ பொறுப்பில் இருக்கும் மாவட்டக் காவல் கண்காணிப்பாளர் மட்டுமன்றி மேலும் இரண்டு காவல் கண்காணிப்பாளர்கள் தேர்தல் பொறுப்பில் ஈடுபடுத்தப்படுகிறார்கள்.​ எங்கு பார்த்தாலும் காக்கிச் சட்டைகள்.​ போதாதற்கு துணை ராணுவம்.​ ஆட்சியர்,​​ கோட்டாட்சியர்,​​ வட்டாட்சியர்,​​ அதிகாரிகள் இரவு பகலாக பென்னாகரம் பென்னாகரம் என்று பிதற்றும் அளவுக்கு சுற்றிக்கொண்டிருக்கிறார்கள்.​ கடைசி இரு நாள்களும் மாநிலத் தலைமைத் தேர்தல் அதிகாரி நரேஷ் குப்தாவே அங்கு வந்து தங்க வேண்டிய அவசியம் ஏற்பட்டது.​ ​இத்தொகுதியில் செலவழிக்கப்பட்ட மின்சாரம்,​​ வீணாக்கப்பட்ட பெட்ரோல்,​​ வேறு எந்தப் பணியிலும் ஈடுபடாமல் இதற்காகவே அரசு அதிகாரிகள் சுற்றிக்கொண்டிருந்ததால் ஏற்பட்ட அலுவலகப் பணி இழப்பு நாள்கள்,​​ காவல்துறையினருக்கு அளிக்கப்பட்ட பயணப்படி மற்றும் உணவுப்படிகள்,​​ மக்களுக்கு ஏற்பட்ட இன்னல் எல்லாவற்றையும் கணக்கிட்டுப் பார்த்தால்,​​ அரசுக்கு இந்த இடைத்தேர்தலால் இழப்புதான் அதிகமே தவிர,​​ துளியும் பயன் கிடையாது.​ அரசுப் பணம் கோடிகோடியாய் கண்ணுக்குத் தெரியாமல் செலவாகியிருக்கிறது.​ மது விற்பனையில் வேண்டுமானால் அரசுக்குக் கொஞ்சம் கூடுதல் வருவாய் அத்தொகுதியில் கிடைத்திருக்கக்கூடும்.​ ​இவையெல்லாம் போதாதென்று,​​ தேர்தலுக்கு முந்தைய நாளே பென்னாகரம் தொகுதியின் அனைத்து சாலைகளிலும் சோதனைச் சாவடிகள் அமைக்கப்பட்டன.​ குடும்ப அட்டை,​​ அடையாள அட்டை இல்லாத மனிதர்களைத் தொகுதிக்கு உள்ளேயே அனுமதிக்கவில்லை.​ கணவன் மட்டும் அடையாள அட்டை வைத்திருந்து,​​ மனைவிக்கு இல்லாததால் ஊருக்கு வெளியே காத்திருந்த சம்பவங்களும் நடந்தன.​ முன்னாள் இரவே,​​ தேர்தல் ஆணையத்தின் அடையாள அட்டை பெற்றிராத பத்திரிகையாளர்களும் ஊடகத்தினரும் அவர்கள் தங்குமிடத்திலிருந்து வெளியேற்றப்பட்டனர்.​ ஏறக்குறைய ஒருநாள் முழுவதும் ராணுவத்தால் முற்றுகையிடப்பட்ட தொகுதியாக இருந்தது பென்னாகரம்.இருப்பினும்,​​ ஆயிரக்கணக்கில் வேட்டி,​​ சேலை ஏற்றி வந்த லாரியைப் பிடித்து காவல்நிலையத்தில் வைத்தார்களே,​​ அது யாருடையது?​ அதற்கு எந்தக் கட்சி காரணம்?​ பென்னாகரம் அதிமுக அலுவலகத்தில் முற்றுகையிட்டு சோதனை நடத்த முயன்று,​​ ஆட்சியரின் கடிதத்துடன் வந்தால் அனுமதிப்போம் என்று அதிமுக பூட்டிச் சென்றதே!​ ஏன் அதிகாரிகள் அங்கே போனார்கள்,​​ ஏன் சோதனையிடாமல் வந்தார்கள்?​ சில இடங்களில் தடியடி நடத்தப்பட்டதே எதற்காக?​ சில கிராமங்களில் இலவச டிவிக்களை உடைத்தவர்கள் யார்?​ இந்தக் கேள்விகள் ​(வழக்குகளும்கூட)​ அனைத்துமே வரும் 30-ம் தேதி வெற்றி வாகையில் அமுங்கிப்போகும்.பென்னாகரம் தொகுதி மக்கள் மனதளவில் இடைத்தேர்தல் ஒவ்வாமை நோய்க்கு ஆளாகி இருக்கிறார்கள்.​ பணம் வாங்கிப் பட்ட துன்பம் என்றால் அது இடைத்தேர்தலால் வந்த துன்பமாகத்தான் இருக்கும்.​ இனி வெற்றிக்காக கட்சிகள் தங்கள் தொகுதிக்கு வந்தாலும்கூட,​​ வெற்றியை தமிழ்நாட்டுக்குச் சொல்லுங்கள்.​ இங்கே ஊருக்கு வந்துவிடாதீர்கள் என்று சொல்லும் அளவுக்குத் துன்பப்பட்டு விட்டார்கள்.​ ​இடைத்தேர்தல்கள் பற்றிய மறுபரிசீலனையும்,​​ மக்களாட்சித் தத்துவம் செயல்படும் விதம் பற்றிய மறுசிந்தனையும் காலத்தின் கட்டாயம்.​ நிலைமை கட்டுக்கடங்காமல் போய்விடுமோ என்று தோன்றுகிறது.​ அரசியல் கட்சிகள் சுயபரிசோதனையில் ஈடுபட வேண்டிய நிர்பந்தம் ஏற்பட்டிருக்கிறது என்பதை ஏன் உணர மறுக்கின்றன?

Email

Print

தலையங்கம்:பட்டதே போதும்... target=_blank>Delicious

தலையங்கம்:பட்டதே போதும்... &url=http://www.dinamani.com/edition/story.aspx?SectionName=Editorial&artid=218700&SectionID=132&MainSectionID=132&SEO=&Title=தலையங்கம்:பட்டதே போதும்... target=_blank>Digg

தலையங்கம்:பட்டதே போதும்... target=_blank>Facebook

கருத்துக்கள்

என்ன எழுதி என்ன பயன்? யார் உணருகிறார்கள்? இனிமேல தொலைக்காட்சிகள் வாயிலாகத்தான் பரப்புரை மேற்கொள்ள வேண்டும். இதனைத் தேர்தல் ஆணையம் எல்லா இடங்களிலும் ஒளிபரப்பு செய்ய வேண்டும். நேரடிக்கட்சிப் பரப்புரைகளுக்கு இடமில்லை எனக் கொண்டு வந்தால் என்ன?

அன்புடன் இலக்குவனார் திருவள்ளுவன்

By Ilakkuvanar Thiruvalluvan
3/29/2010 3:28:00 AM

Aamaam aanaal illai.Panam viniyogikkappattathu aanaal illai.Vetti selai koduthaargal aanaal kodukkavillai.Mookkuthi viniyogam nadanthathu aanaal illai.Ithellam muraiye Podhumakkal mattrum arasiyal katchigal karuthu.Aaga therthal mudinthathu.Makkal nimmadhi adainthaargal.Jeyippavargal ippothe eppadi vittathai thirumba yeduppadhu enbathil irangi viduvaargal.Ithil irandu karuthukkal illai.Yaar Muttal?

By K.Sugavanam
3/29/2010 1:30:00 AM

உங்கள் கருத்தைப் பதிவு செய்யுங்கள்

யாருக்கு இரண்டாவது இடம்?

நமது சிறப்பு நிருபர்

First Published : 29 Mar 2010 12:00:00 AM IST

Last Updated : 29 Mar 2010 12:07:42 AM IST

சென்னை, ​​ மார்ச் 28:​ பென்னாகரம் சட்டப் பேரவைத் தொகுதி வாக்குப் பதிவு முடிந்துவிட்ட நிலையில்,​​ இரண்டாவது இடத்தைப் பிடிக்கப் போவது யார் என்கிற எதிர்பார்ப்பு அரசியல் வட்டாரத்தில் ஏற்பட்டுள்ளது.முந்தைய இடைத்தேர்தல்களைப் புறக்கணித்து வந்த பா.ம.க.,​​ பென்னாகரம் தொகுதியில் இடைத்தேர்தல் நடக்கும் சூழ்நிலை உருவான உடனேயே தேர்தல் வேலைகளைத் தொடங்கிவிட்டது.​ அக் கட்சியின் தலைவர் ஜி.கே.​ மணி இதே தொகுதியில் பா.ம.க.​ சார்பில் தனித்துப் போட்டியிட்டு வெற்றி பெற்ற தொகுதி என்பதால் தங்களுக்கு அங்கு செல்வாக்கு உள்ளது என்ற நம்பிக்கை பா.ம.க.​ தலைமைக்கு இருக்கிறது.மக்களவைத் தேர்தலில் அதிமுக கூட்டணியில் பா.ம.க.​ 7 தொகுதிகளில் போட்டியிட்டு எல்லா இடங்களிலும் தோல்வி அடைந்தது.​ அதன் பிறகு அதிமுக கூட்டணியில் இருந்தும் பாமக வெளியேறிவிட்டது.2011-ல் சட்டப் பேரவைக்குப் பொதுத் தேர்தல் வரவுள்ள சூழ்நிலையில் ஏதாவது ஒரு கூட்டணியில் இடம் பெற வேண்டும் என்ற கட்டாயம் பா.ம.க.வுக்கு ஏற்பட்டுள்ளது.​ தொகுதிகளில் தங்களுக்கு செல்வாக்கு இருக்கிறது என்பதை நிரூபித்தால்தான்,​​ கூட்டணியில் கூடுதல் தொகுதிகளைக் கேட்பதற்கு வசதியாக இருக்கும் என்று அக் கட்சி கருதுகிறது.​ அந்த வகையில் தங்கள் செல்வாக்கை காட்ட வேண்டும் என்ற நோக்கத்தில்தான் பா.ம.க.​ பென்னாகரத்தில் களம் இறங்கியுள்ளது என்று அரசியல் நோக்கர்கள் கருதுகின்றனர்.ஜி.கே.​ மணியின் மகன் தமிழ்க்குமரனை வேட்பாளராக அறிவித்தது முதல்,​​ பா.ம.க.வினர் தொகுதி முழுக்க தீவிரமாக தேர்தல் பணியைத் தொடங்கினர்.​ எல்லா வீடுகளுக்கும் பா.ம.க.வினர் சென்று ஆதரவு திரட்டினர்.திருமங்கலத்தில் திமுக வெற்றி பெற்ற போது "திருமங்கலம் பார்முலா' என்று பேசப்பட்டதை சுட்டிக் காட்டிய பா.ம.க.​ நிறுவனர் ராமதாஸ்,​​ தாங்கள் "பென்னாகரம் பார்முலா" வைத்திருப்பதாகவும் அதன் மூலம் வெற்றி கிடைக்கும் என்றும் கூறினார்.திமுக தரப்பில் பி.என்.பி.​ இன்பசேகரன் வேட்பாளராக அறிவிக்கப்பட்டவுடன் ​ அமைச்சர் எ.வ.​ வேலு தலைமையில் பெரிய குழுவினர் தேர்தல் பணிகளைக் கவனித்தனர்.​ எந்தக் காரணத்தைக் கொண்டும் வெற்றியை நழுவ விட்டுவிடக் கூடாது என்பதில் திமுகவினர் தீவிரம் காட்டினர்.ஒரு கட்டத்தில்,​​ "நாங்கள் வெற்றி பெற முடியாமல் போனாலும் அதிமுகதான் வெற்றி பெற வேண்டுமே தவிர பா.ம.க.வுக்கு அந்த வாய்ப்பு கிடைத்துவிடக் கூடாது என்ற திட்டத்தில் பணியாற்றுகிறோம்' என்றுகூட மூத்த அமைச்சர் ஒருவர் பொதுக் கூட்டத்திலேயே பேசினார்.கணிசமான வாக்குகளை பா.ம.க.​ பெற்றுவிட்டால் அடுத்த தேர்தலுக்கு கூட்டணி பேரத்தில் அக் கட்சியின் கை ஓங்கிவிடும் என்பது திமுக மட்டுமன்றி,​​ அதிமுகவின் கணிப்பாகவும் உள்ளது என்று அரசியல் வட்டாரத்தில் பேசப்படுகிறது.எனவே இரண்டாவது இடம் பா.ம.க.வுக்கு கிடைக்கக் கூடாது என்பதற்காகவே அதிமுக பொதுச் செயலாளர் ஜெயலலிதா அத் தொகுதியில் 2 நாள் பிரசாரம் மேற்கொண்டார் என்று அரசியல் பார்வையாளர்கள் கருதுகின்றனர்.ஏற்கெனவே அதிமுகவின் இரட்டை இலை சின்னத்துக்காக விழும் வாக்குகள்,​​ ஜெயலலிதா வருகையால் ஏற்படும் மாற்றம் என சேர்ந்தால் அதிமுக வேட்பாளர் டி.ஆர்.​ அன்பழகன் வெற்றி வாய்ப்பை இழந்தாலும்கூட நிச்சயமாக இரண்டாவது இடத்தைப் பிடித்துவிடுவார் என்று அங்கு தேர்தல் பணியாற்றிய அதிமுக தலைவர்கள் நம்புகிறார்கள்.பல இடங்களில் ஜெயலலிதா பிரசாரம் செய்துவிட்டு நகர்ந்த அடுத்த ஒரு மணி நேரத்தில் பேனர்கள்,​​ தோரணங்கள் போன்றவை அகற்றப்பட்டு,​​ நிர்வாகிகள் தங்களது ஊர்களுக்குக் கிளம்பிச் சென்ற சம்பவங்கள் ஏராளம்.ஜெயலலிதாவின் பயணம் முடிவானதில் இருந்தே தொகுதியில் பா.ம.க.வின் பிரசாரத்தில் அதிகம் தொய்வு ஏற்பட்டுவிட்டது.​ அதனால் அதிமுகவுக்கும் -​ பாமகவுக்கும் இடையில் ரகசிய கூட்டு என்றுகூட பேச்சு எழுந்தது.​ ஆனால் இதை ராமதாஸ் மறுத்துவிட்டார்.தொகுதியில் வாக்காளர்களைக் கவர்வதற்கு செலவு செய்வதைப் பொருத்தவரையில் எல்லா முன்னணி வேட்பாளர்களுமே ஓரளவுக்கு செலவு செய்துள்ளனர்.​ ஒருவர் மீது ஒருவர் குற்றஞ்சாட்டினாலும் வாக்காளர்களுக்கு மட்டும் வரிசையாக "வரவுகள்' இருந்து கொண்டேதான் இருந்தன.வெற்றியே இலக்கு என்று பா.ம.க.​ கூறினாலும்,​​ 10,000 முதல் 15,000 வாக்குகள் வரை பெற்றால் தங்கள் எண்ணம் ஈடேறிவிட்டதாக அர்த்தம் என்பது பா.ம.க.வின் எதிர்பார்ப்பாக இருக்கும் என்று அரசியல் நிபுணர்கள் கூறுகின்றனர்.​ எல்லா தொகுதியிலும் திமுக,​​ அதிமுக அணிகளுக்கு சம பலம் இருந்தாலும் வெற்றியை நிர்ணயிக்கப் போவது இந்த 10,000 முதல் 15,000 வாக்குகள்தான் என்பதால்,​​ தங்களின் வாக்குகள்தான் முடிவை நிர்ணயிப்பதாக இருக்கும் என்று பா.ம.க.​ தலைமை கருதுவதாகத் தெரிகிறது.அந்த வகையில் தங்களுக்கென ஒரு வாக்கு வங்கி இருப்பதை நிரூபிக்கும் முயற்சியில் பா.ம.க.​ ஈடுபட்டுள்ளது.​ அது நடந்துவிடக் கூடாது என்பதில் திமுக,​​ அதிமுக தலைவர்கள் தீவிரம் காட்டினர் என்பது அரசியல் வட்டாரத்தில் கூறப்படும் கருத்து.திமுக,​​ அதிமுக,​​ பாமக ஆகிய மூன்று கட்சிகளுக்கு உள்ளது போலவே தேமுதிக-வுக்கும் இந்த இடைத்தேர்தல் ஒரு அக்னி பரீட்சையாக இருக்கும்.​ கடந்த சட்டப்பேரவை மற்றும் மக்களவைத் தேர்தல்களில் பெற்ற வாக்கு வங்கியைத் தேமுதிக தக்கவைத்துக் கொள்ளுமா என்பதில்தான் அந்தக் கட்சியின் எதிர்காலமே அடங்கி இருக்கிறது.​ தேமுதிக.வின் வாக்குகள் குறைந்தால்,​​ அதுவே அந்தக் கட்சியின் செல்வாக்குச் சரிவுக்கான அடையாளமாகக் கருதப்படும்.திமுக தரப்பில் செய்துள்ள தீவிர பிரசாரம்,​​ செலவு ஆகியவற்றைப் பார்த்தால்,​​ வெற்றி யாருக்கு என்பதில் யாருக்கும் மாற்று கருத்துக்கு இடமிருக்காது.​ ஆளும்கட்சிக்குஅதிர்ச்சியை தரும் வகையில் வேறு யாரும் வெற்றி பெறுவார்களா என்பது சந்தேகமே.​ இரண்டாவது இடத்தை யார் பிடிப்பது?​ இதுவே பென்னாகரம் இடைத்தேர்தல் முடிவில் எதிர்பார்க்கப்படும் விஷயமாக இருக்கிறது.திமுக,​​ அதிமுகவைவிட பென்னாகரம் இடைத்தேர்தல் பாமக மற்றும் தேமுதிகவின் எதிர்காலத்தைத்தான் அதிகமாக பாதிக்கும் என்று தோன்றுகிறது.

கருத்துக்கள்

பாமக எத்தனாவது இடத்தில் இருந்தாலும் அதற்குக் கிடைக்கும் வாக்குகள் எதன் எதிர்காலப் பேரததிற்கு உதவும்? ஆனால்,இன்னும் இரு நாள் பொறுக்காமல் மிகுதியான ஊழலில் மக்களைக் கவர்ந்த கட்சிதான் முதலிடம் பெறும் என எவ்வாறு அசைக்க முடியாத நம்பிக்கையை வெளிப்படுத்துகிறீர்கள்? அதிகவாக்குப் பதிவு ஒரு வேளை அதிர்ச்சி முடிவையும் தரலாம் அல்லவா? அவ்வாறு தந்தால் ஓரளவேனும் ஊழல்முறையில் வாக்குகள் பெறுவதற்கு முற்றுப்புள்ளி வைத்ததாக இருக்கும். ஆளும் கட்சியின் இதழ் போன்று இத்தகைய செய்தியைத் தினமணி வெளியிட்டுத் தன் பற்றைக் காட்டத் தேவையில்லையே! வெல்வது யாராயினும் தோற்பது மக்கள்நாயகமே! என்றாலும் மிகுதியான ஊழலிலேயே தேர்தலைச் சந்திக்கும் கட்சி தோற்றால் அதனைச் சாதிப்பற்றின் வெற்றி எனச் சொலலாமல் மாறுபட்ட சிந்தனை அரும்பியள்ளதாகக் கருதி மகிழலாம் அல்லவா?

அன்புடன் இலக்குவனார் திருவள்ளுவன்

By Ilakkuvanar Thiruvalluvan
3/29/2010 2:33:00 AM

Why to count the votes? I do not see a need. Hopefully the voters are counting the currency!

By Suresh
3/29/2010 2:10:00 AM

Apology to Dinamani. Sorry. Now I see my comment.

By Suresh
3/29/2010 2:05:00 AM

Where did my comment go? did Dinamani remove that? All I said was "DMK is also a PVT LTD company, just like PMK" I had very high opinion about Dinamani. Guess I am wrong!

By Suresh
3/29/2010 2:03:00 AM

When are they counting the votes of Pennagaram ?

By Vignesh
3/29/2010 1:49:00 AM

"சொக்கனுக்கு(தமிழனுக்கு) சோத்து சட்டி"

By அன்பன்
3/29/2010 1:45:00 AM

I agree 100% PMK is a PVT LTD company/party. If we apply the similar parameters to DMK, that is also a PVT LTD company. That party is looking after the welfare of MK's family (not the people)

By Suresh
3/29/2010 1:44:00 AM

THIS IS THE BEGINNING OF END OF DR.RAMADOSS & HIS PRIVATE LTD COMPANY - PMK.

By BOODHI DHARMA
3/29/2010 1:24:00 AM

பொன்னாகரம் இடைத்தேர்தல் முடிவுகள் நீங்கள் சொன்ன படி அந்த வருசையில்தான் கட்சிகள் ஒட்டுக்கள்வாங்கும் அதிமுக வுக்கு ஆதரவு என்ற கம் யூ னிஸ்டுக்களின் ஓட்டுக்கள் விழுந்தால் நிச்சயம் அ தீ முக இரண்டாம் இடம் வந்துவிடும் .ஒரு கட்டத்தில் தி மு க வின் வெற்றி உறுதி செய்யப்படாத நிலையில் தான் முதல்வர் அங்கு வந்தார் என்று கூருகின்றர்கள் .எனினும் டி எம் கே வென்றுவிடும் .ஆனால் அ தி மு க நிச்சயம் இரண்டாம் இடம் வந்து விடும் ராமாதாஸ் கட்சி பி எம் கே மூன்றாம் இடம்வரும் ஒட்டு வித்தியாசத்தில் அ தி மு க வை நெருக்கி பிடித்து விடும் பிரச்சாரம் அப்படி இந்த தொகுதியில் பி எம் கே வுக்கு கவுரவுமான ஓட்டுக்கள் கிடைத்துவிடும் ஆனால் .தேமு தேக வோ எப்படியாவது ராமதாசைவிட ஒரு ஒட்டு முந்தினால் போதும் என்று நினைக்கிறது .ஆனால் நிலைமைமிஸ்டர் விஜயகாந்த் தே மு தே கா இப்போதைக்கு பி எம் கே வை முந்த முடியாது என்பது உண்மை .ஆக சூரியன் உதி த்து ,இரட்டை இலை விறித்து,மாங்கனி காய்த்து முரசொலிக்கசெயும்ஒட்டு எண்ணிக்கை .

By தேசநேசன்
3/29/2010 12:39:00 AM

ஒன்றுபட்டு நிற்கவேண்டிய தமிழினம் ஒருவரை ஒருவர் வசைபாடி சேறுபூசி உண்மைக்கு புறம்பாக குற்றம் சாட்டி தம்மைதாமே இழிவுபடுத்தி வருகிறது. போதாக்குறைக்கு கைதாகி சிறையில் இருப்பவனையும், களத்தில் போராடி மடிந்தவனையும் வசைபாடி காலத்தைக்களிக்கிறது.

By Mahintha
3/29/2010 12:13:00 AM

உங்கள் கருத்தைப் பதிவு செய்யுங்கள்

பென்னாகரம்: 84% வாக்குப் பதிவு

First Published : 28 Mar 2010 02:32:39 AM IST

Last Updated :

பென்னாகரம் தொகுதி, கோனங்கிஹள்ளி அரசு ஊராட்சி ஒன்றிய தொடக்கப் பள்ளியில் வாக்குப் பதிவுக்காக அடையாள அட்டைகளுடன் காத்திருந்த மகளிர்.

தருமபுரி, மார்ச் 27: பென்னாகரம் சட்டப் பேரவைத் தொகுதிக்கு சனிக்கிழமை நடந்த இடைத்தேர்தலில் 84 சதவீத வாக்குகள் பதிவானதாக மாநில தேர்தல் அதிகாரி நரேஷ் குப்தா தெரிவித்தார்.தேர்தல் அமைதியாக நடந்து முடிந்துள்ளது. வாக்களிக்க வந்தவர்களை வெப் -கேமராவில் பதிவு செய்ததன் மூலம் போலி வாக்காளர்கள் இல்லாத நிலை இத்தேர்தலில் ஏற்பட்டுள்ளது என்று அவர் மேலும் கூறினார்.பென்னாகரம் தொகுதி இடைத்தேர்தல் வேட்புமனு மார்ச் 3-ம் தேதி தொடங்கியது. மார்ச் 10-ம் தேதி மனு தாக்கல் நிறைவடைந்தது. பி.என்.பி.இன்பசேகரன் (திமுக), டி.ஆர்.அன்பழகன் (அதிமுக), ஜிகேஎம்.தமிழ்க்குமரன் (பாமக), கே.ஜி.காவேரிவர்மன் (தேமுதிக) உள்ளிட்ட 31 பேர் போட்டியிட்டனர். அனைத்து அரசியல் கட்சியினரும் கடந்த இரு வாரங்களாகத் தொடர்ந்து பிரசாரத்தில் ஈடுபட்டனர். திமுக தரப்பில் முதல்வர் கருணாநிதி, துணை முதல்வர் மு.க.ஸ்டாலின் உள்ளிட்டோரும், அதிமுக தரப்பில் பொதுச் செயலர் ஜெயலலிதா மற்றும் கட்சியினர், பாமக சார்பில் நிறுவனர் ராமதாஸ், முன்னாள் மத்திய அமைச்சர் அன்புமணி ராமதாஸ், தேமுதிக சார்பில் விஜயகாந்த் உள்ளிட்டோர் பிரசாரம் மேற்கொண்டனர். வியாழக்கிழமை மாலை பிரசாரம் நிறைவடைந்தது. பென்னாகரம் தொகுதியில் 1,02,892 ஆண் வாக்காளர்கள், 98,116 பெண் வாக்காளர்கள் என மொத்தம் 2,01,008 வாக்காளர்கள் உள்ளனர். இவர்கள் வாக்களிக்க, நல்லம்பள்ளி ஒன்றியத்தில் 63 வாக்குச் சாவடிகளும், பென்னாகரம் ஒன்றியத்தில் 187 வாக்குச் சாவடிகளும் அமைக்கப்பட்டன. மொத்தம் 31 வேட்பாளர்கள் என்பதால் ஒவ்வொரு வாக்குச் சாவடியிலும் இரு மின்னணு வாக்குப் பதிவு இயந்திரங்கள் பயன்படுத்தப்பட்டன.வாக்குச் சாவடிகளில் கணினி உதவியுடன் வெப்-கேமராக்கள் பொருத்தப்பட்டு வாக்குப் பதிவுகள் கண்காணிக்கப்பட்டன. இக் கருவிகள் மூலம் தேர்தல் நடவடிக்கைகளை தருமபுரி மாவட்ட தேர்தல் அலுவலகத்திலிருந்து மாநில தலைமை தேர்தல் அதிகாரி நரேஷ் குப்தா கண்காணித்தார். வாக்குப்பதிவு சனிக்கிழமை காலை 8 மணிக்குத் தொடங்கியது. காலை 10 மணிக்கு 14 சதவீதமாக இருந்த வாக்குப் பதிவு, பகல் 11 மணிக்கு 24 சதவீதமாக இருந்தது.கடும் வெயிலையும் பொருட்படுத்தாமல், வாக்காளர்கள் நீண்ட வரிசையில் நின்று வாக்களித்தனர். பிற்பகல் 1 மணிக்கு வாக்குப் பதிவு 46 சதவீதத்தை எட்டியது. பிற்பகல் 2 மணி வரை 55.4 சதவீத வாக்குகள் பதிவாகியிருந்தது. வரிசையில் காத்திருந்தோருக்கு டோக்கன்கள் விநியோகிக்கப்பட்டு, சில வாக்குச் சாவடிகளில் மாலை 5 மணிக்குப் பிறகும் வாக்குப் பதிவு நடத்தப்பட்டது.திமுக-பாமக மோதல்பென்னாகரம் தொகுதியில் கே.குள்ளாத்திரம்பட்டி, ஏரியூர் உள்ளிட்ட பகுதிகளில் பொதுமக்களுக்கு திமுகவினர் பணம் கொடுக்க முயன்றதாகக் கூறி, பாமகவினர் தடுக்க முயன்றனராம். இதனால் இருதரப்பினரிடையே தகராறு ஏற்பட்டது. ஏரியூரில் பணம் கொடுக்க முயன்றதாக திமுகவினர் 5 பேரை போலீஸôர் பிடித்தனர்.பலத்த பாதுகாப்புபென்னாகரம் தொகுதிக்குள் நுழையும் அனைத்து சாலைகளிலும், சோதனைச் சாவடிகள் அமைக்கப்பட்டிருந்தன.பென்னாகரம் தொகுதியில் வசிப்பதற்கான அடையாள அட்டை இல்லாத எவரையும் போலீஸôர் உள்ளே அனுமதிக்கவில்லை.குறிப்பாக எந்த ஒரு காரையும் போலீஸôர் அனுமதிக்கவில்லை. அனுமதிச் சீட்டு பெற்ற பத்திரிகையாளர்களின் 4 சக்கர வாகனங்கள் மட்டுமே அனுமதிக்கப்பட்டன.

கருத்துக்கள்

அமைதியான தேர்தலை நடத்தி முடித்ததற்கு மாநிலத் தேர்தல் ஆணையத்திற்கும் பென்னாகரம் தொகுதி மக்களுக்கும மாவட்ட நிருவாகத்திற்கும் பாராட்டுகள். ஆனால், மாநில அரசைப் பாராட்ட முடியவில்லை. ஏனெனில் தேர்தலுக்கு முன் நாள்தான் புது தில்லி சென்று வன்முறை வெடிக்கும் என ஆளும்கட்சி முறையீடு அளித்துள்ளது. ஒன்று உளவுத்துறை சரியில்லை. அல்லது பிற கட்சி மீது பழி போட ஆளும்கட்சி ஏதும் சதி வலை தீட்டியிருக்க வேண்டும். அல்லது பொய்யான முறையீட்டை எதற்கும் கொடுத்து வைப்போம் எனத் தந்திருக்க வேண்டும். தன் கட்சி ஆட்சியை நம்பாத தன்னுரிமையை இழந்த ஆளும்கட்சியின் நிலைப்பாடு நாணப்பட வேண்டிய ஒன்றே. வருத்தத்துடன் இலக்குவனார் திருவள்ளுவன்

By Ilakkuvanar Thiruvalluvan
3/28/2010 4:24:00 AM

Bribes and illegal votes brought the King of Bribes Kollayinar Karuna neesan to power. Less than 50% of Tamils have toilet facilities in Tamil Nadu.

By Ram chetty
3/28/2010 3:58:00 AM

உங்கள் கருத்தைப் பதிவு செய்யுங்கள் *

பென்னாகரம்:​ போதுமான பாதுகாப்பு அளிக்க வேண்டும்: தேர்தல் ஆணையத்திடம் திமுக மனு

First Published : 27 Mar 2010 12:47:15 AM IST

Last Updated :

சென்னை, ​​ மார்ச் 26:""பென்னாகரம் தொகுதியில் உள்ள பதற்றமான வாக்குச் சாவடிகளில் போதுமான அளவுக்கு போலீஸ் பாதுகாப்பு அளிக்க வேண்டும்'' என்று இந்திய தலைமைத் தேர்தல் ஆணையர் நவீன் சாவ்லாவிடம் திமுக மனு அளித்துள்ளது.இதுகுறித்து, ​​ திமுக நாடாளுமன்றக் குழுத் தலைவர் டி.ஆர்.பாலு,​​ மக்களவை திமுக கட்சிக் கொறடா டி.கே.எஸ்.இளங்கோவன் ஆகியோர் நவீன் சாவ்லாவிடம் வெள்ளிக்கிழமை அளித்த மனுவின் விவரம்:""பதற்றமான வாக்குச் சாவடிகள் எவை என்பது குறித்த பட்டியலை விடுதலைச் சிறுத்தைகள் கட்சியின் தருமபுரி மாவட்டச் செயலாளர் மற்றும் திமுக தேர்தல் பிரிவுச் செயலாளர் டி.எம்.செல்வகணபதி ஆகியோர் தனித் தனியாக அளித்துள்ளனர்.​ அதன்படி,​​ 250 வாக்குச் சாவடிகளில் 62 வாக்குச் சாவடிகள் பதற்றமானவை என அறியப்பட்டுள்ளன.கடந்த காலங்களில் பென்னாகரம் தொகுதியில் தேர்தல் நடைபெற்றபோது இந்து மதத்தைச் சேர்ந்த உயர் ஜாதியினர் தலித் வாக்காளர்களை வாக்களிக்க விடாமல் தடுத்துள்ளனர்.எனவே,​​ பதற்றமான வாக்குச் சாவடிகள் என தெரிவிக்கப்பட்டுள்ள அனைத்திலும் போதுமான அளவுக்கு போலீஸôரை பணியில் ஈடுபடுத்த வேண்டும்.​ தலித் சமுதாயத்தைச் சேர்ந்த வாக்காளர்கள் அமைதியான முறையில் வாக்களிப்பதை உறுதி செய்ய வேண்டும்.பென்னாகரம் தொகுதியில் சனிக்கிழமை தேர்தல் நடைபெற உள்ள நிலையில் உடனடியாக இந்தப் பிரச்னை குறித்து நடவடிக்கை எடுக்க வேண்டும்'' என்று மனுவில் கூறியுள்ளனர்.

கருத்துக்கள்

ஆளும்கட்சியும் தோழமைக் கட்சியுமே இவ்வாறு கூறுவது அரசின் கையாலாகாதத் தன்மையை வெளிப்படுத்துவதாகப் பழி ஏற்படும். அல்லது வன்முறையைத் தூண்டிவிட்டு அடுத்தவர் மேல் பழி போடத் திட்டமிட்டுள்ளதாகத் தவறான எண்ணத்தை விளைவிக்கும். எப்படி இருந்தாலும் ஆளும் கட்சிக்கும் அரசிற்கும் இச் செயல் இழுக்கையே தேடித் தரும்.

வருத்தத்துடன் இலக்குவனார் திருவள்ளுவன்

By Ilakkuvanar Thiruvalluvan
3/27/2010 2:39:00 AM

உங்கள் கருத்தைப் பதிவு செய்யுங்கள் *

அதிமுகவுடன் பாமக ரகசிய கூட்டு; வன்முறையைத் தூண்டவும் திட்டம்: கருணாநிதி திடீர் தகவல்

First Published : 27 Mar 2010 12:00:00 AM IST

Last Updated : 27 Mar 2010 12:13:45 AM IST

சென்னை, ​​ மார்ச் 26:​ பென்னாகரம் இடைத் தேர்தலில் அதிமுகவுடன் பாமக ரகசிய கூட்டு வைத்துள்ளதாக முதல்வர் கருணாநிதி புகார் தெரிவித்துள்ளார்.மேலும்,​​ வாக்குப் பதிவின்போது வன்முறையைக் கட்டவிழ்க்கவும் அந்தக் கட்சி திட்டமிட்டுள்ளதாக அவர் கூறியுள்ளார்.பென்னாகரம் இடைத் தேர்தல் வாக்குப் பதிவு சனிக்கிழமை நடைபெறுகிறது.​ இந்த நிலையில்,​​ ஜனநாயக முற்போக்குக் கூட்டணிக் கட்சியினருக்கு முதல்வரும்,​​ கூட்டணியின் தலைவருமான கருணாநிதி வேண்டுகோள் விடுத்து வெள்ளிக்கிழமை வெளியிட்ட அறிக்கை:""பென்னாகரம் இடைத் தேர்தலில் வேறு எந்தக் கட்சிக்கும் ஏற்படாத காழ்ப்பும்,​​ வெறுப்பும் பாமக நிறுவனர் ராமதாஸýக்கு ஏற்பட்டு இருக்கிறது.​ அதிமுகவுக்குக் கூட ஏற்படாத அளவுக்கு அவருக்கு வெறுப்பு ஏற்பட்டுள்ளது.திமுகவைப் பற்றியும்,​​ குறிப்பாக என்னைப் பற்றியும் ஒருமையிலே பேசி தன்னுடைய கோபத்தை வெளிப்படுத்தி இருக்கிறார்.பென்னாகரத்தில் அண்மையில் நடைபெற்ற பொதுக் கூட்டத்தில் நான் வேண்டுகோள் விடுத்து உரையாற்றினேன்.​ அதைத் தொடர்ந்து ராமதாஸ் ஆற்றியுள்ள வன்முறைக்கான தூண்டுகோல் உரையும்,​​ எல்லோருடைய கவனத்துக்கும் வந்திருக்கும்.திமுகதான் தன்னுடைய முதல் எதிரி எனவும்,​​ அதை ஒழிப்பதுதான் தன்னுடைய முக்கிய பணி என்றும் அவர் கூறியுள்ளார்.​ அதற்காக,​​ அதிமுகவுடன் ரகசியமாக கூட்டுச் சேர்ந்து பென்னாகரம் இடைத் தேர்தலை சந்திப்பார் என்பதற்கு ஆதாரம் அவரது பேச்சில் இருந்து தெரிகிறது.தொலைபேசியில் பேசினார்:​​ இரண்டொரு வாரங்களுக்கு முன்பு என்னை தொலைபேசியில் தொடர்பு கொண்டு அவர் பேசிய பேச்சுக்கும்,​​ அந்தப் பேச்சிலே இருந்த மென்மைக்கும்,​​ திடீரென்று தீப்பொறி கக்க அவர் பென்னாகரத்தில் வெளியிட்டுள்ள கருத்துகளுக்கும் }​ மலைக்கும் மடுவுக்கும் உள்ள வேறுபாடு இருப்பதைக் கண்டு ஆச்சரியப்பட்டேன்.அந்த ஆச்சரியத்தைப் போக்கியது அவருடைய கடந்த கால நடவடிக்கைகளும்,​​ அறிக்கைகளும்,​​ பேச்சுகளும் என்பதை அனைவரும் அறிவர்.அதிமுகவையும் கூட்டுச் சேர்த்துக் கொண்டு இந்த இடைத் தேர்தலிலாவது வெற்றி பெற வேண்டும் என்ற வெறித்தனமான போக்கு அந்த வட்டாரத்தில் உருவாகியுள்ளது.​ நான் மட்டுமல்ல }​ நாளேடுகளில் அவருடைய அறிக்கைகள்,​​ பேச்சுகளைப் படிப்பவர்களும் புரிந்து கொள்ள முடிகிறது.வன்முறைகளை கட்டவிழ்த்தாலும்:​​ தேர்தலின் போது,​​ அவர்கள் என்னதான் வன்முறைகளைக் கட்டவிழ்த்து விட்டாலும்,​​ களப் பணியாற்றும் கட்சியினர்,​​ தோழமைக் கட்சியினர் அவைகளைப் பொருட்படுத்த வேண்டாம்.பதிலுக்குப் பதில் என்ற நிலை உருவாகாத அளவுக்கு பண்போடும்,​​ அன்போடும்,​​ அமைதி காக்கும் மனத்தெம்போடும் வாக்காளர்களைச் சந்திப்பதிலும்}வெற்றி ஒன்றில் மட்டுமே நாட்டம் கொண்டு அராஜக ஆட்டம் போட திட்டம் தீட்டி செயல்படக் கூடிய தீய சக்திகளுக்கு,​​ தீவிரவாத சக்திகளுக்கு சற்றேனும் இடம் கொடுக்கக்கூடாது.கருமமே கண்ணாயினர் என்ற முதுமொழிக்கு ஏற்ப,​​ பணியாற்றி ஜனநாயகத்தை அலுங்காமல்,​​ குலுங்காமல் காத்திட வேண்டும்'' என்று முதல்வர் கருணாநிதி தனது அறிக்கையில் கேட்டுக் கொண்டுள்ளார்.

கருத்துக்கள்

வாக்காளர்களே! திமுகவின் சாதனைகளையும் தந்த வேதனைகளையும் சீர் தூக்குங்கள்! பாமக வின் தமிழ் நலப் பணிகளையும் சாதி நலப் பணிகளையும் அடுத்தவர் பக்கம் பந்தை எறிந்து விட்டுக் கை கட்டி நின்றதையும் சீர் தூக்குங்கள்! அதிமுக விற்குச் சொல்ல என்ன இருக்கின்றது? ஆளுங்கட்சியாகச் செயல்பட்ப பொழுது இருந்த நிலைகளையும் எதிர்க்கட்சியாகச் செயல்படாதிருக்கும் நிலைகளையும் சீர் தூக்குங்கள்! தனித்தனியே குற்றமும் குணமும் நாடி மிக்கவற்றைத் தொகுத்து அவற்றைத் தரப்படுத்தித் தமிழ் நாட்டில் தமிழுக்குத் தலைமை தரப் போராடும் வேட்பாளருக்கு வாக்களியுங்கள். ஒருவரும் தக்கவர் இல்லையென்றால் செல்லா வாக்காகப் பதிந்து வாருங்கள். ஒன்றும் குறைந்து போகாது. ஆனால் வாக்குரிமையைப் பயன்படுத்துங்கள்.

அன்புடன் இலக்குவனார் திருவள்ளுவன்

By Ilakkuvanar Thiruvalluvan
3/27/2010 2:29:00 AM

முதல்வரின் உரையையும் வன்னியர் கட்சியின்- மன்னிக்கவும் பாட்டாளி மக்கள்கட்சியின் - தலைவர் உரையையும் படிக்கும் பொழுது ஒன்று மட்டும் நன்கு புரிகின்றது. இரு தரப்பாருக்குமே வெற்றி மீது ஐயப்பாடு வந்து குழப்பத்தில் உள்ளனர். தோல்வி அச்சத்தில் கூறுகின்றவற்றை இப்பொழுது கூறுகின்றனர். திமுக வென்றால் ஊழலின் வெற்றி என்று சொல்லவும் பாமக வெற்றி பெற்றால் வன்முறையின் வெற்றி என்று சொல்லவும் வெற்றி பெற்றவர் சன நாயகம் வென்றது எனவும் தோல்வியுற்றவர் பண நாயகம் வென்றது எனக் கூறவும் ஆயத்தமாகி விட்டனர். ஆனால், யார் வென்றாலும் தோற்பது வாக்காளர்கள்தாம்.

அன்புடன் இலக்குவனார் திருவள்ளுவன்

By Ilakkuvanar Thiruvalluvan
3/27/2010 2:28:00 AM

Need of the hour, every to win. So Requesting CEC Central Election Authority to cancel pennagaram bi-election so that "democracy" and all political party win. Otherwise democracy and everyone will be defeated by vested entity. Also CEC Central Election Authority need to amend by working with govt in way that no bi-election all over country.

By reader
3/27/2010 2:19:00 AM

This guy uses the same tactics,whenever he feels his party might loose...way back in 2006 general elections for TN assembly he just blabered AIADMK is planning to give Rs200 crore to a leading actor in TN film industry for campaign....but he never came forward to prove it.Even though his party managed to get only 90+ seats and begged support from others and still its a minority govt.

By Vignesh
3/27/2010 12:35:00 AM

உங்கள் கருத்தைப் பதிவு செய்யுங்கள் *

பெ ண் ணா கரம் இடை த் தே ர் தல்

First Published : 21 Mar 2010 01:16:22 AM IST

Last Updated :

தருமபுரி, மார்ச் 20: மக்கள் மீது நம்பிக்கை இன்றி இடைத் தேர்தல்களை புறக்கணித்த அதிமுகவை பென்னாகரம் இடைத்தேர்தலில் மக்கள் புறக்கணிப்பார்கள் என்று மத்திய கப்பல் போக்குவரத்துத் துறை அமைச்சர் ஜி.கே. வாசன் கூறினார்.பென்னாகரம் சட்டப் பேரவை தொகுதி திமுக வேட்பாளர் பி.என்.பி. இன்பசேகரனுக்கு ஆதரவு திரட்டி, பாப்பாரப்பட்டியில் வெள்ளிக்கிழமை நடந்த பொதுக் கூட்டத்தில் அவர் பேசியது:மக்கள் மீதும், ஜனநாயகத்தின் மீதும் நம்பிக்கையில்லாத அதிமுக கடந்த இடைத் தேர்தலில் போட்டியிடவில்லை. இப்போது பென்னாகரம் வாக்காளர்களை குழப்பவே அதிமுக போட்டியிடுகிறது.2011 சட்டப் பேரவைத் தேர்தலில் போட்டியிட முன்னோட்ட தேர்தலாக அதிமுக பென்னாகரம் இடைத் தேர்தலில் களம் இறங்கியுள்ளது.வரலாற்று சிறப்புமிக்க தமிழகத்தின் புதிய சட்டப் பேரவையில் நடைபெற்ற முதல் கூட்டத்தில் அதிமுக கருப்பு சட்டை அணிந்து வந்ததும், கூட்டத்தை புறக்கணித்து சென்றதும் மக்கள் மீது அக்கட்சி எந்த அளவுக்கு அக்கறை செலுத்துகிறது என்பதை புலப்படுத்தியுள்ளது.மகளிர் இடஒதுக்கீடு உள்ளிட்ட பல்வேறு சாதனைகளுக்காக காங்கிரஸ் கட்சி தொடர்ந்து மத்தியில் ஆட்சி அமைக்கும். தமிழகம் நாட்டில் முதல் நிலை மாநிலமாக உயர்ந்து வருகிறது.பாப்பாரப்பட்டியில் சுப்பிரமணிய சிவாவிற்கு மணி மண்டபம் கட்டியதன் மூலம் காங்கிரஸ் தொண்டர்களின் மனதில் திமுக நீங்காத இடத்தை பெற்றுள்ளது என்றார்.

கருத்துக்கள்

எல்லாக் கட்சியையும் மக்கள் புறக்கணிக்கும் நாள் விரைவில் வரவேண்டும். காங்கிரசுக் கடசி இந்தியாவில் இருந்து மறையும் நாளே மனித நேயம் மலரும் நாளாகும்.ஊழல்களைப் பெருமளவில் பெருக்கியதற்குக் காரணமான காங்கிரசு இந்திய நிலத்தில் ஒரு பகுதியை அயல்நாட்வர்க்குத் தாரை வார்த்த காங்கிரசு அயலக மண்ணில் இனப்படுகொலை புரிந்த காங்கிரசு கட்சி நலனுக்காக நாட்டு மக்களையே கொன்றொழித்த காங்கிரசு விரட்டியடிக்கப்படும் நாள் வெகு தொலைவில் இல்லை. மக்களுக்காக மக்களே ஆளும் உண்மையான மக்களாட்சி ஊழலும் ஒழுக்கக் கேடும் இல்லாத உண்மையான மக்களாட்சி விரைவில மலர நாம் முயல வேண்டும்.

அன்புடன் இலக்குவனார் திருவள்ளுவன்

By Ilakkuvanar Thiruvalluvan
3/21/2010 3:06:00 AM

நீங்க உரக்கப் பேசியதால் தி மு க வுக்கு ஒரு single ஒட்டு கூடுதலா கிடைக்க போறதில்லை!....ஏழை இந்தியனின் வரிப் பணம் பாழ் !!! கோயிலுக்கு சாமி கும்பிட வந்த ஆளுமாதிரி தெரியல ....எதோ கூட்டத்தோட வந்து சுண்டக்கடல வாங்கி தின்னுட்டுப் போற ஆளு மாதிரி தெரியுது !!!!

By rajasji
3/21/2010 2:14:00 AM

உங்கள் கருத்தைப் பதிவு செய்யுங்கள்