raghul about politics : சமூக அக்கறையுள்ளவர்கள் அரசியலுக்கு வராவிட்டால் மோசமானவர்கள் தொடர்வார்கள்: இராகுல்

சமூக அக்கறை உள்ளவர்கள் வராததால்தான் தானும் தன் தாயும் தங்கள் கூட்டமும் அரசியலில்  இருந்து ஆட்டிப் படைப்பதாக உண்மையைக் கூறியுள்ளமைக்கு நன்றி.  

அன்புடன் இலக்குவனார் திருவள்ளுவன்

+++++++++++++++++++++++++++++++++++++++++++++++++

சமூக அக்கறையுள்ளவர்கள் அரசியலுக்கு வராவிட்டால் மோசமானவர்கள் தொடர்வார்கள்: ராகுல்

First Published : 22 Dec 2010 03:03:23 PM IST

Last Updated :

சென்னை, டிச.22, சமூக அக்கறையுள்ளவர்கள் அரசியலுக்கு வரவேண்டும்; இல்லாவிட்டால் மோசமானவர்கள் அரசியலில் இருப்பதைத் தடுக்க முடியாது என்று காங்கிரஸ் கட்சியின் பொதுச் செயலாளர் ராகுல் காந்தி கூறினார்.தமிழகத்தில் ராகுல் காந்தி சுற்றுப் பயணம் மேற்கொண்டுள்ளார். இன்று காலை நடந்த இளைஞர் காங்கிரஸ் மாநாட்டில் கலந்து கொண்ட அவர், பின்னர் மெரீடியன் ஹோட்டலில் நடந்த அறிவுஜீவிகளுடனான கலந்துரையாடலில் பங்கேற்றார். அப்போது பேசிய அவர், "சமூக அக்கறையுள்ளவர்கள் அரசியலுக்கு வர வேண்டும், இல்லாவிட்டால் மோசமானவர்கள் அரசியலில் தொடர்ந்து இருப்பதைத் தடுக்க முடியாது" என்றார். நல்லவர்கள் அரசியலில் ஈடுபடாவிட்டால் இந்தியாவை வல்லரசாக்க இன்னும் 20 ஆண்டுகள் ஆகிவிடும் என்றும் அவர் கூறினார்.இந்த நிகழ்ச்சிக்குப் பிறகு ஹெலிகாப்டர் மூலம் அவர் விழுப்புரம் புறப்பட்டுச் சென்றார்.

Email

Print

Delicious

Digg

Facebook

Twitter

6 கருத்துகள்

கருத்துகள்

யோக்கியர் சொல்லி விட்டார். செம்பினை எடுத்து உள்ளே வையுங்கள்.

By ரவி
12/22/2010 10:07:00 PM

FIRST YOU QUIT THE POLITICS THEN OTHERS FOLLOW YOU

By ramasamy
12/22/2010 9:24:00 PM

அருமையான கருத்து. ராகுல் has a bright future

By அபிஷ்டு
12/22/2010 8:58:00 PM

இந்த இரண்டில் நீங்கள் எந்த ரகம்? உங்கள் குடும்பம் எந்த ரகம்? உங்கள் சின்னம்மா பெரியம்மா என்ன ரகம்? (1 .76 லட்சம் கொடிகளின் பங்காளர்கள்)

By ராஜேஷ்
12/22/2010 7:53:00 PM

மிஸ்டர் ராகுல் கெட்டவுங்க யார் யாருன்னு நீங்களே சொல்லீருங்க அவங்களையெல்லாம் ஜெயிலில் போட்டுடுவோம்

By ramesh
12/22/2010 5:57:00 PM

மிஸ்டர் ராகுல் உங்க அம்மாவிடம் சொல்லி பிரைம் மினிஸ்டர் ஐ பேச சொல்லுக. மனுஷன் வாய திறக்க மாட்டேன்கிராறு.ஒன் ஜி டூ ஜி அப்படியே பத்து ஜி வரை சொல்லி கொடுக்கவும்

By ramesh
12/22/2010 5:52:00 PM

உங்கள் கருத்தைப் பதிவு செய்யுங்கள் *

(Press Ctrl+g or click this   to toggle between English and Tamil)

ஏழுகடல் நீரும் கழுவிடா களங்கம்

தில்லை நாகசாமி

First Published : 25 Oct 2010 12:00:00 AM IST

Last Updated :

1991-ம் ஆண்டு இந்தியாவின் பொருளாதாரம் நசிந்து அன்னியச் செலாவணி இருப்பு அதலபாதாளத்துக்குச் சென்றிருந்தது. இந்தியாவுக்கு எதையும் ஏற்றுமதி செய்ய உலக நாடுகள் தயங்கின. நிலைமையைச் சமாளிக்க, பிரதமர் சந்திரசேகர் அரசு சர்வதேச நிதியத்திடம் உதவிகோரியது. தங்கத்தை அடகு வைத்தால் மட்டுமே கடன்வாங்க முடியும் என்ற நிலை. தாலியை அடகு வைத்து மகனைப் படிக்க வைக்கும் தாய்போல், 1991-ம் ஆண்டு மே 21-ம் தேதியிலிருந்து 31-ம் தேதிக்குள் நாட்டின் 67 ஆயிரம் கிலோ தங்கம் இங்கிலாந்து வங்கிக்கும், சுவிட்சர்லாந்து வங்கிக்கும் விமானத்தில் அனுப்பிவைக்கப்பட்டது. இதனால் இந்தியாவின் மானம் விமானம் ஏறிவிட்டதாக அன்று விமர்சனம் எழுந்தது. அவ்வாறு நிமிர்த்தப்பட்ட பொருளாதாரம்தான் அடுத்து வந்த நரசிம்மராவ் அரசில் நிதி அமைச்சராக இருந்த மன்மோகன் சிங்கின் பொருளாதாரக் கொள்கைகள் வேரூன்றக் காரணமாக இருந்தது.  18 ஆண்டுகளுக்குப் பிறகு, கடந்த 2009-ம் ஆண்டு நவம்பர் மாதம் அதே சர்வதேச நிதியத்திடமிருந்து இந்திய ரிசர்வ் வங்கி 2 லட்சம் கிலோ தங்கத்தை விலைக்கு வாங்கியிருக்கிறது. தாராளமயமாக்குதலுக்குப் பிறகு இந்தியாவின் உள்நாட்டு உற்பத்தி உயர்ந்தது, தொழில்மயமாதல் முடுக்கிவிடப்பட்டது, அன்னிய முதலீடும் அதிகரித்தது. அவை எல்லாவற்றையும்விட அசுர வேகத்தில் வறுமையும் அதிகரித்தது. இதற்கான காரணம் என்னவென்று ஆட்சியாளர்களும், அதிகாரிகளும், ஆட்டுக்குட்டியைத் தோளில் போட்டுக்கொண்டு அதையே தேடிக்கொண்டிருக்கிற மேய்ப்பனைப் போன்று, பூதக்கண்ணாடி வைத்துத் தேடிக்கொண்டிருக்கின்றனர். அந்தப் பூதக் கண்ணாடி வாங்கியதில் எவ்வளவு ஊழல் என்பதை எதை வைத்துத் தேடுவது என்பதுதான் தெரியவில்லை. குடிமக்களைப் பொறுத்தவரை, கிரிக்கெட் ஸ்கோர் கேட்பதும் ஊழலைப் பற்றிப்  பேசுவதும் ஒரே மனநிலையிலான செயல்பாடாகிவிட்டது. இரண்டுக்கும் பெரிய வேறுபாடு இல்லை என்று நினைக்கும் அளவு ஊழல் நம் அன்றாட வாழ்க்கையோடு இரண்டறக் கலந்துவிட்டது. மத்தியிலும் மாநிலங்களிலும் பல கட்சிகள் மாறிமாறி ஆட்சிக்கு வரும்போதெல்லாம், காஷ்மீர்ப் பிரச்னையில் கருத்துவேறுபாடு, அயோத்தி சர்ச்சையில் முரண்பாடு, சேது சமுத்திரத் திட்டத்தில் நேரெதிர் நிலைப்பாடு என்று மோதிக்கொண்டாலும், ஊழல் அரக்கனை வளர்த்துவிடுவதில் அரசியல் கட்சிகள் தேசிய அளவில் கூட்டணி வைத்துச் செயல்படுகிறதோ என்னும் ஐயம் எழுகிறது. சுதந்திரம் பெற்றதிலிருந்து கடந்த 63 ஆண்டுகளில் பணவீக்கம், போர், பஞ்சம், இயற்கைப் பேரிடர் என்று எந்தப் பாதிப்புக்கும் ஆளாகாமல் ஊழலைப் போற்றி வளர்த்திருக்கும் பாங்கு மெய்சிலிர்க்க வைக்கிறது.  சமீபத்தில் ஒரு ஊழல் வழக்கை விசாரித்த உச்ச நீதிமன்றம், நாடே திரும்பிப் பார்க்கும் அளவு ஒரு கருத்தைத் தெரிவித்தது. ஒவ்வொரு வேலைக்கும் இவ்வளவுதான் லஞ்சம் என்று நிர்ணயித்துவிட்டால் பொதுமக்களுக்கும் தாங்கள் தர வேண்டிய தொகை எவ்வளவு என்று தெரிந்துவிடும், அதிகாரிகளுக்கும் வீணாகப் பேரம் பேசித் தங்களுடைய வேலைநேரத்தை வீணடிக்க வேண்டிய அவசியம் இருக்காது என்று அங்கதமாகக் குறிப்பிட்டது. நாட்டில் நிலவும் ஊழலின் பரிமாணம், ஒட்டுமொத்த தேசத்தின் ஊறுபட்டுக்கிடக்கும் உளப்பாங்கைப் பிரதிபலிக்கிற அவலத்தை அகற்ற வேண்டும் என்று துணிகிற ஒரு தலைவன் தொடுவானம்வரை கண்களுக்குத் தெரியவில்லை.  1949-ம் ஆண்டு நேருவின் அமைச்சரவையில் தொழில் அமைச்சராக இருந்த முன்னாள் மத்திய அமைச்சர் அர்ஜுன் சிங்கின் தந்தையான ராவ் பகதூர் சிங் ஒரு வைர வியாபாரியிடம்   25 ஆயிரம் லஞ்சம் பெற்றதற்காகச் சிறப்பு நீதிமன்றத்தில் வழக்குத் தொடரப்பட்டது. அங்கு தள்ளுபடி செய்யப்பட்ட வழக்கை அரசு மேல்முறையீடு செய்து,  அவருக்கு 3 ஆண்டுகள் சிறைத்தண்டனை வாங்கித்தந்து, அவரைக் கட்சியிலிருந்தும் நீக்கியது. இப்போதெல்லாம் ஊழல் குற்றச்சாட்டுக்கு ஆளாகின்றவர்களைத் தன்பக்கம் இழுத்து, ஊழலின் பலனை பங்குபோட்டுக்கொள்வதிலே அரசியல் கட்சிகளிடையே கடும்போட்டி நிலவுகிறது.  இந்திரா காந்தியின் மரணத்துக்குப்பின் பிரதமரான ராஜீவ் காந்தி, 1984-ம் ஆண்டு பொதுத்தேர்தலில் நேருவே கண்டிராத பெரும்பான்மையைப் பெற்று ஆட்சி அமைத்தபோது, கடல் முத்தை உமிழ்வது போன்று ஒன்றைச் சொன்னார். மத்திய அரசு மக்கள்நலத் திட்டங்களுக்குச் செலவிடும் ஒரு ரூபாயில் 15 காசுகள்தான் மக்களைச் சென்றடைகிறது என்றார். சுதந்திரத்துக்குப் பிறகு, அவருடைய அன்னை இந்திரா காந்தியும், தாத்தா நேருவும்தான் நாட்டை நீண்டகாலம் ஆண்டவர்கள் என்பதைப் பற்றியெல்லாம் கவலைப்படாமல் ராஜீவ் காந்தி தெரிவித்த கருத்து மக்களைப் பெரிதும் கவர்ந்தது. அவர் திருவாளர் பரிசுத்தம் என்ற அடைமொழியோடு ஆட்சியைத் தொடங்கினார். ஆனால், சூழ்நிலை காரணத்தால் போபர்ஸ் என்னும் ஊழல் சூறாவளி அவருடைய அரசியல் வாழ்க்கையைப் புரட்டிப் போட்டுவிட்டது. இன்றளவும், ஒரு ரூபாயில் 15 காசுகள்தான் மக்களைச் சென்றடைகிறது என்னும் அவருடைய சத்தியவாக்கு ஊழல்களின் ஊற்றுக்கண்ணை அடையாளம் காட்டுவதாகவே இருக்கிறது.  தங்கத்தை அடகு வைத்துச் செய்யப்பட்ட பொருளாதாரச் சீர்திருத்தத்தின் பலன் வறுமையை ஒழிக்க உதவவில்லையே என்னும் ஏக்கத்துக்கான விடை மெகா ஊழல்களின் பட்டியலில் பொதிந்துகிடக்கிறது. 1991-ம் ஆண்டு பொருளாதாரச் சீர்திருத்தம் தொடங்கப்பட்டது. 1992-ம் ஆண்டு முதல் மெகா ஊழல்களும் வெளிச்சத்துக்குவர ஆரம்பித்தன.  அதிகார வர்க்கத்தினரின் உதவியுடன்  5,000 கோடியை பங்குச்சந்தை மூலம் சுருட்டிய ஹர்ஷத் மேத்தாவின் ஊழல் 1992-ம் ஆண்டு ஊடகங்களை ஆக்கிரமித்திருந்தது. அதைத் தொடர்ந்து 1993-ம் ஆண்டில் ஹவாலா ஊழல், 1994-ல் சர்க்கரை இறக்குமதி ஊழல், 1996-ல் உர இறக்குமதி ஊழல், பிகார் மாட்டுத்தீவன ஊழல், 1997-ல் காங்கிரஸ் அமைச்சர் சுக்ராம் ஊழல், 2001-ல் யுடிஐ ஊழல், 2003-ல் போலி முத்திரைத்தாள் மோசடி, 2005-ல் பங்கு வர்த்தக ஐபிஓ ஊழல், 2006-ல் பஞ்சாப் சிட்டி சென்டர் ஊழல், 2008-ல் பூனாவைச் சேர்ந்த ஹசன் அலி கான்  1,17,065 வருமான வரி ஏய்ப்பு ஊழல், 2009-ல்   8,000 கோடி சத்யம் கம்ப்யூட்டர் நிறுவன ஊழல், இப்போது பேசப்படுகிற ஸ்பெக்ட்ரம் ஊழல் என்று இந்தப் பட்டியல் கலைமாமணி விருதுப் பட்டியலைப்போல நீள்கிறது.   தில்லியில் நடந்தேறிய காமன்வெல்த் விளையாட்டுப் போட்டிகள் தொடர்பான ஊழல் மீதான நடவடிக்கையை மத்திய அரசு தொடங்கியிருக்கிறது.  70,608 கோடி அளவிலான மக்களின் வரிப்பணம் செலவிடப்பட்டிருக்கும் இந்தப் போட்டியில்,  8,000 கோடி அளவு ஊழல் நடந்திருப்பதாக நம்பப்படுகிறது. இவ்வாறு சூறையாடுவதற்காகவா ஆதரவற்ற முதியவர்களுக்கான  171 கோடியும், தாழ்த்தப்பட்டவர்கள் மேம்பாட்டுக்காக ஒதுக்கப்பட்ட  744 கோடியும் காமன்வெல்த் போட்டிகளுக்காகத் திருப்பிவிடப்பட்டது என்று எண்ணும்போது நெஞ்சு பதைக்கிறது.  ஐந்தாண்டுத் திட்டங்களின் நிதி ஒதுக்கீடுகள் இப்படி மெகா ஊழல்களாக உருமாறிக்கொண்டிருக்கின்றன. ஆண்டுதோறும் மக்களவையில் தாக்கல் செய்யப்படுகிற மத்திய பட்ஜெட் வறுமை ஒழிப்புக்குச் செய்வதைவிட செல்வந்தர்களின் செழிப்புக்கு செய்வதுதான் அதிகமாக இருக்கிறது. இந்த ஆண்டு பிப்ரவரி 26-ம் தேதி நிதியமைச்சர் பிரணாப் முகர்ஜி பட்ஜெட் தாக்கல் செய்வதற்கு முன்பு  1 லட்சத்து 47 ஆயிரத்து 209 கோடியாக இருந்த முகேஷ் அம்பானியின் சொத்து மதிப்பு, பட்ஜெட் தாக்கல் செய்யப்பட்டவுடன்  1 லட்சத்து 49 ஆயிரத்து 633 கோடியாக உயர்ந்தது. அதாவது, சில மணி நேரத்தில் அவருடைய சொத்து மதிப்பு  2 ஆயிரத்து 424 கோடி அதிகரித்தது. எல்லா மெகா கோடீஸ்வரர்களின் சொத்துமதிப்பும் இவ்வாறுதான் பெருகிவருகிறது. ஆனால், பட்ஜெட் தாக்கல் செய்த பிறகு பாசனத்துக்காக 10 லிட்டர் டீசல் வாங்கப் பணம் எடுத்துச் சென்ற விவசாயி, விலை உயர்வு காரணமாக 8 லிட்டர் டீசலை வாங்கிக்கொண்டு சோகம் கப்பிய முகத்தோடு வீடு திரும்புகிறார். அதனாலென்ன, பிரணாப் முகர்ஜி இந்த ஆண்டுக்கான ஆசியாவின் சிறந்த நிதி அமைச்சர் என்ற விருதுக்குத் தேர்ந்தெடுக்கப்பட்டிருக்கிறார் என்ற செய்தியே இந்தியர்களின் மகிழ்ச்சிக்குப் போதுமல்லவா!      ஸ்காட்லாந்தைச் சேர்ந்த அலெக்ஸôண்டர் கேம்பெல் என்னும் அறிஞர், 1958-ம் ஆண்டு எழுதிய "இந்தியாவின் இதயம்' என்னும் புத்தகத்தில் ஊழலைப் பற்றிக் குறிப்பிடுகிறபோது, குறைந்தபட்ச வருமானத்துக்கும் அதிகபட்ச வருமானத்துக்குமான இடைவெளி இன்னும் அதிகரித்தால் இந்தியாவில் ஊழல் தலைவிரித்தாடும் என்று எழுதிவைத்தார். அரை நூற்றாண்டுக்குப் பிறகும் ஆட்சியாளர்கள் ஊழலுக்கான காரணத்தையும் அதைக் கட்டுப்படுத்தும் மந்திரக்கோலையும் தேடிக்கொண்டிருப்பதாகக் கூறுகின்றனர். தேசத்தின் அடையாளத்தையே மாற்றிப்போடுகிற ஊழல் என்னும் களங்கம், ஏழு கடல் நீராலும் கழுவிட இயலுமோ என்று அதிர்ச்சியில் உறையவைப்பதாக இருக்கிறது.  ஊழல் செய்தேனும் தம் சந்ததியினருக்கு பெரும் செல்வம் சேர்த்து வைக்க எண்ணுபவர்கள், வறுமைக் கடற்பரப்பில் வளம்கொழிக்கும் மணல் திட்டுகள் புரட்சி அலைக்கரங்களின் புனித வேட்டையில் தப்புவதில்லை என்பதை நினைவில் கொள்ளுவதில்லை.

Email

Print

Delicious

Digg

Facebook

Twitter

கருத்துக்கள்

நன்றாக எழுதியு்ள்ளார். ஆனால், இந்த உண்மைகள் அரசியல்வாதிகளைச் சுடுவதில்லையே! ஏன்? அதே நேரம் நேருவின் ஊழலை எதிர்த்த அவரது மருமகனே உயிரிழப்பிற்கு ஆளானதால் அர்ச்சுன் சிங் தந்தை இராவ்பகதூர் சிங் தண்டனை வாங்கித் தரப்பட்டதன் காரணம் நேர்மை நோக்கல்ல! அந்தப் போர்வையில் மாற்றணியினரைப் பழிவாங்கிய செயலாகத்தான் இருக்கும். ஆட்சியாளர்கள் தம்மை நேர்மையாளராகக் காட்டிக் கொள்வதற்காக அவ்வப்பொழுது ஏதேனும் நாடகம் அரங்கேற்றுவார்கள். அதனைப் பெரிதாக எண்ணிப் போற்றக் கூடாது. மக்களிடம் மண்டிக் கிடக்கும் ஊழல் எண்ணங்களைத் துடைத்துஎறிந்தால் அவர்களால்
தேர்ந்தெடுக்கப்படும் அவர்களின் சார்பாளரகளும் தூய்மையானவர்களாக இருப்பார்கள் எனலாம். மக்களை மாற்றுங்கள். தலைவர்கள் மாறுவார்கள். அன்புடன் இலக்குவனார் திருவள்ளுவன்

By Ilakkuvanar Thiruvalluvan
10/25/2010 4:06:00 AM

அருமையானக்கட்டுரை. கின்னஸ் புத்தகத்தில் இடம்பெறும் அளவுக்கு இந்த ஊழல் பட்டியல போதுமானதா என்பதையும் கட்டுரையாளர் சொல்லி இருந்தால் நம் அரசியல் வாதிகளுக்க சாதிக்க வசதியாக இருந்திருக்கும்.

By A.Kumar
10/25/2010 2:18:00 AM

உங்கள் கருத்தைப் பதிவு செய்யுங்கள் *

நேர்மை உறங்கும் நேரம்...

பழ. நெடுமாறன்

First Published : 13 Oct 2010 12:00:00 AM IST

Last Updated :

மாநில அரசுகளின் நிர்வாகத்தில் தலைமைச் செயலர், காவல்துறைத் தலைமை இயக்குநர் ஆகிய இரு பதவிகள் மிக உயர்ந்த பதவிகள் ஆகும். நிர்வாகத்துக்குத் தலைமைச் செயலரும்,  சட்டம் ஒழுங்கை நிலைநிறுத்துவதில் காவல்துறைத் தலைமை இயக்குநரும் பொறுப்பாளர்கள் ஆவார்கள். நாடு சுதந்திரம் பெற்ற பிறகு இந்த இரு உயர் பதவிகளின் நியமனத்தை ஒட்டிய பிரச்னை எதுவும் எழுந்ததில்லை. முறைப்படி  மூத்த அதிகாரிகள் இப்பதவியில் நியமிக்கப்பட்டு வந்தனர். ஆனால், இப்போது  இந்தப் பிரச்னை உயர் நீதிமன்றத்தில் முறையிடப்பட்டு,   காவல்துறைத் தலைமை இயக்குநர் பதவியில் லத்திகா சரண் நியமிக்கப்பட்டது செல்லாது என்ற தீர்ப்பு அளிக்கப்பட்டுள்ளது.அந்தத் தீர்ப்பில் கூறப்பட்டுள்ள முக்கிய அம்சங்கள் வருமாறு:1. தமிழகக் காவல்துறைத் தலைமை இயக்குநராக லத்திகா சரணை நியமித்ததில் உச்ச நீதிமன்ற ஆணை பின்பற்றப்படவில்லை. இந்தப் பதவிக்கு முறையான தேர்வு நடைபெற்றது என்பதையோ, மற்ற மூத்த அதிகாரிகளின் பெயர்களும் பரிசீலிக்கப்பட்டன என்பதையோ அரசுத் தரப்பில் சமர்ப்பிக்கப்பட்ட ஆவணங்கள் தெரிவிக்கவில்லை.2. மூத்த அதிகாரிகளான நடராஜ், விஜயகுமார், பாலச்சந்திரன் ஆகியோரைப் புறக்கணித்துவிட்டு, லத்திகா சரணை தலைமை இயக்குநராக நியமித்ததற்கான காரணம் எதையும் அரசு குறிப்பிடவில்லை. 3. தமிழக அரசின் நிலைப்பாடு நீதிமன்றத்துக்கு ஏற்புடையதாக இல்லை. இந்தப் பிரச்னையில் உச்ச நீதிமன்ற உத்தரவைச் செயல்படுத்த தமிழக அரசின் தலைமைச் செயலர் எந்த நடவடிக்கையும் எடுக்கவில்லை.4. மாநிலக் காவல்துறைத் தலைமை இயக்குநரை நியமிப்பதற்கு முன்பாக மத்திய அரசுப் பணியாளர் தேர்வாணையத்திடமிருந்து மூன்று மூத்த அதிகாரிகளைக் கொண்ட பட்டியலைக் கேட்டுப் பெறவேண்டும். அந்தப் பட்டியலிலிருந்து ஒருவரையே தலைமை இயக்குநராக நியமிக்க வேண்டும். அவரை இரண்டாண்டுகளுக்குத் தொடர்ந்து அப்பதவியில் நீடித்திருக்க உத்தரவிட வேண்டும் என்று உச்ச நீதிமன்றம் வழிகாட்டும் விதிமுறைகளை வகுத்துள்ளது. ஆனால், லத்திகா சரண் நியமனத்தில் இந்த விதிமுறைகள் எதுவும் பின்பற்றப்படவில்லை.5. லத்திகா சரண் நியமனத்தை எதிர்க்கும் மனுவை உச்ச நீதிமன்ற உத்தரவைக் கருத்தில் கொள்ளாமல் பணியாளர் மத்திய தீர்ப்பாயம் ரத்து செய்துள்ளது. இந்த உத்தரவும் ரத்து செய்யப்படுகிறது.6. மத்திய அரசுப் பணியாளர் தேர்வாணையத்துக்குத் தலைமை இயக்குநர் அந்தஸ்தில் உள்ள அனைத்து அதிகாரிகளின் பெயர்களையும் மாநில அரசு அக்டோபர் 26-ம் தேதிக்குள் அனுப்ப வேண்டும். அப்பட்டியலில் இருந்து மூத்த அதிகாரிகள் மூன்று பேர் அடங்கிய பட்டியலை மாநில அரசுக்கு மத்திய அரசுப் பணியாளர் தேர்வாணையம் நவம்பர் 26-ம் தேதிக்குள் அனுப்ப வேண்டும்.7. அந்தப் பட்டியலில் இருந்து ஒருவரை தலைமை இயக்குநராக (சட்டம்-ஒழுங்கு) டிசம்பர் 7-ம் தேதிக்குள் நியமிக்க வேண்டும். அதுவரை லத்திகா சரண் தனது பணியில் தொடரலாம்.8. டிசம்பர் 14-ம் தேதி இது தொடர்பான அறிக்கையை உயர் நீதிமன்றத்தில் தமிழக அரசு தாக்கல் செய்ய வேண்டும். எனவே லத்திகா சரண் நியமனம் ரத்து செய்யப்படுகிறது என்றும் உயர் நீதிமன்றம் அறிவித்துள்ளது. உயர் நீதிமன்றத்தின் இந்தத் தீர்ப்பு குறிப்பிடத்தக்க மிக முக்கியமான தீர்ப்பாகும். பணி மூப்பு, நடைமுறை, உச்ச நீதிமன்றத்தின் வழிகாட்டும் நெறி போன்ற எதையுமே சிறிதும் மதிக்காமல் எடுத்தேன், கவிழ்த்தேன் என்ற முறையில் மிக உயர்ந்த பதவிக்கு அதிகாரிகளை நியமிக்கும் தமிழக அரசின் போக்குக்கு உயர் நீதிமன்றம் சாட்டையடி கொடுத்துள்ளது.ஐ.ஏ.எஸ்., ஐ.பி.எஸ். அதிகாரிகள் இரு கழகங்களின் ஆட்சியில் எப்படியெல்லாம் பந்தாடப்பட்டார்கள், பந்தாடப்படுகிறார்கள் என்பது எல்லோரும் அறிந்த ஒன்று. தங்கள் நோக்கத்துக்கு இணங்கி வராத அதிகாரிகளைப் பதவிகளில் இருந்து திடீரென இடைநீக்கம் செய்வது, புதிய பதவி எதிலும் நியமிக்காமல் காத்திருப்போர் பட்டியலில் வைத்திருப்பது,  ஓய்வுபெறும் நிலையில் உள்ள அதிகாரிகளை திடீரென இடைநீக்கம் செய்து ஓய்வூதிய சலுகைகளைப் பெறவிடாமல் இழுத்தடிப்பது போன்ற சட்டத்துக்குப் புறம்பான நடவடிக்கைகளைத் தொடர்ந்து கையாண்டே வந்திருக்கிறார்கள், வருகிறார்கள். சுருக்கமாகக் கூறினால், நேர்மையான அதிகாரிகளை இந்த அரசுக்கு ஒருபோதும் பிடிக்காது.ஆளும்கட்சியினர் நடத்தும் லஞ்ச ஊழலுக்குத் துணையாக இருக்கும் அதிகாரிகளுக்கு மட்டுமே இந்த அரசில் மரியாதை. சில நாள்களுக்கு முன்னால் நேர்மையான அதிகாரியான உமாசங்கர் இடைநீக்கம் செய்யப்பட்டுப் பழிவாங்கப்பட்டார். இச்செயலுக்கு எதிராகக் கடும் கண்டனம் எழுந்தபோது முதலமைச்சர் பல்டி அடித்து மீண்டும் அவருக்குப் பதவி அளிக்க வேண்டிய நிர்பந்தத்துக்கு ஆளானார். காவல்துறையின் தயவு இல்லாமல் ஆட்சிக்கு வருவதும் ஆட்சியை நடத்துவதும் தனது கட்சிக்கு இயலாத ஒன்று என்பதை முதலமைச்சர் கருணாநிதி நன்கு உணர்ந்திருக்கிறார். எனவேதான் காவல்துறையின் தலைமை இயக்குநர் நியமனத்தில் உச்ச நீதிமன்றத்தின் ஆணையையே புறக்கணித்துச் செயல்பட்டிருக்கிறார். இதுவரை தமிழ்நாட்டில் உயர் நீதிமன்றம் தலையிட்டு தமிழக அரசு செய்த மிகஉயர்ந்த பதவிக்கான நியமனத்தை ரத்து செய்ததாக வரலாறு கிடையாது. உயர் நீதிமன்றத்துக்கு தமிழக அரசின் சார்பில் அளிக்கப்பட்ட மனுவிலும் முற்றிலும் பொய்யான தகவல்களை அளித்தது மன்னிக்க முடியாத குற்றமாகும். பணிமூப்புப் பட்டியலில் நடராஜுக்கு அடுத்த நிலையிலுள்ள விஜயகுமார் மத்திய அரசுப் பணிக்குச் சென்றுவிட்டதால் அவர் தமிழகக் காவல்துறைத் தலைமை இயக்குநர் பதவியை ஏற்க விரும்பவில்லை என்று அரசு சார்பில் அளிக்கப்பட்ட மனுவில் குறிப்பிடப்பட்டுள்ளது.உடனடியாக இதுகுறித்து விஜயகுமாரிடம் நீதிபதிகள் கருத்துக் கேட்டனர். அவர் தாக்கல் செய்த மனுவில், ""தமிழக காவல்துறைத் தலைமை இயக்குநர் பொறுப்பை ஏற்க முடியாது என நான் ஒருபோதும் கூறவில்லை. எனது பெயரும் தலைமை இயக்குநர் பதவிக்கு ஆய்வு செய்யப்பட்டிருக்க வேண்டும்'' என்று கூறியிருந்தார். மிக உயர்ந்த பதவிக்குரிய நியமனத்தில் இத்தகைய கபடமான வழிமுறைகளைப் பின்பற்றியது முதலமைச்சர் கருணாநிதிக்கு மட்டுமல்ல, தமிழக அரசு இயங்கும் முறைக்கே மாறாத களங்கத்தை ஏற்படுத்தியுள்ளது.காமராஜ் முதலமைச்சராக இருந்தபோது அரசு தலைமைச் செயலர் பதவிக்கு இரு மூத்த அதிகாரிகளின் பெயர்கள் பரிசீலிக்கப்பட்டன. இருவரும் ஒன்றாக ஐ.ஏ.எஸ். தேறியவர்கள்; ஒரே நாளில் பதவி ஏற்றவர்கள். ஒருவர் ஒரு மணி நேரத்துக்கு முன்பு பதவி ஏற்றார். இருவருக்கும் ஓய்வு பெறுவதற்கு ஓராண்டு காலம் இருந்தது. இருவரில் ஒருவருக்குத்தான் இந்தப் பதவியை அளிக்க முடியும். அவ்வாறு செய்தால் மற்றவர் தலைமைச் செயலர் ஆகாமலே ஓய்வுபெறவேண்டிய நிலை ஏற்படும். எனவே இந்தப் பிரச்னை முதலமைச்சரின் முடிவுக்கு விடப்பட்டது. இருவர் சம்பந்தமான கோப்புகளை காமராஜ் மிகக்கவனமாக ஆராய்ந்தார். பிறகு அவருக்கே உரிய பாணியில் இருவரையும் அழைத்தார். இருவரும் அவருக்கு முன்னால் வந்து நின்றார்கள். இருவரையும் அமரச் செய்தார். பிறகு நான் சொல்லுகிறபடி செய்வீர்களா என்று கேட்டார். இருவரும் ஒன்றும் புரியாமல் திகைத்தார்கள். அப்போது காமராஜ் பின்வருமாறு கூறினார்: ""இருவருக்கும் இந்தப் பதவி வகிப்பதற்குரிய தகுதி உள்ளது. ஆனால், ஒருவரைத்தான் நியமிக்க முடியும். அப்படி நியமித்தால் மற்றொருவருக்கு அது ஏமாற்றமாக இருக்கும். எனவே ஒரு மணி நேரத்துக்கு முன்னால் பதவியேற்றவர் ஆறு மாதம் இந்தப் பதவியில் இருக்கட்டும். அதற்குப் பிறகு அவர் ஆறுமாதகால நீண்ட விடுப்பில் சென்று அப்படியே ஓய்வுபெற வேண்டும். மற்றொருவர் இந்தப் பதவியை ஏற்று 6 மாத காலத்துக்குப்பின் அவரும் ஓய்வுபெற வேண்டும். இருவருக்கும் சமவாய்ப்புக் கிடைக்கும். இருவருக்கும் தலைமைச் செயலர் பதவியில் இருந்தததற்கான அனைத்துச் சலுகைகளும் கிடைக்கும்'' என கூறியபோது இருவருக்குமே நன்றிப் பெருக்கால் விழிகளில் ஈரம் கசிந்தது. அவ்வாறே இருவரும் தலா ஆறு மாதம் பதவி வகித்து மகிழ்ச்சியுடன் ஓய்வுபெற்றனர்.தலைமைச் செயலர், காவல்துறைத் தலைமை இயக்குநர் ஆகிய பதவிகளில் அமர்ந்திருப்பவர்கள் மிக்க பொறுப்புணர்வோடும், நிர்வாகத் திறமையோடும்,  நேர்மையோடும் செயல்பட வேண்டும். அத்தகைய மூத்த அதிகாரிகளையே இப்பதவிகளில் நியமித்தால் அரசுக்கும் பெருமை, மக்களுக்கும் நன்மை. ஆனால், உயர் நீதிமன்ற வளாகத்தில் உச்ச நீதிமன்றத் தலைமை நீதிபதி, உயர் நீதிமன்றத் தலைமை நீதிபதி மற்ற நீதிபதிகள் முன்னிலையில் முதலமைச்சர் கருணாநிதி பேசும்போது அவருக்கு எதிர்ப்புத் தெரிவித்த சில வழக்கறிஞர்களை தி.மு.க. குண்டர்களும் காவல்துறையைச் சேர்ந்தவர்களும் கடுமையாகத் தாக்கியபோது, அங்கிருந்த லத்திகா சரண் அதைத் தடுக்காமல் ஊமை சாட்சியாக இருந்தார் என்பதுதான் அவருக்கு இந்தப் பதவி வழங்கப்பட்டதற்கான தகுதியா? நாடெங்கும் அதிகாரிகளை ஆளும்கட்சியைச் சேர்ந்தவர்கள் தாக்குகிறார்கள். அதிகாரிகள் மீது லாரிகளை ஏற்றிக் கொல்லவும் மணல் கொள்ளையர்கள் அஞ்சவில்லை. பல்கலைக்கழகத் துணைவேந்தர், பல்கலைக்கழக வளாகத்துக்குள்ளேயே ஆளுங்கட்சியைச் சேர்ந்த சட்டமன்ற உறுப்பினரால் தாக்கப்பட்டார். நாள்தோறும் இத்தகைய நிகழ்வுகள் நடந்துகொண்டே இருக்கின்றன. அதிகாரிகள் மட்டுமல்ல, ஆளுங்கட்சியைச் சேர்ந்த குண்டர்களுக்குக் கப்பம் கட்ட மறுக்கும் வணிகர்களின் கடைகள் சூறையாடப்படுகின்றன. அரசுப் பேருந்துகளை ஓட்டுபவர்களும் வழிமறித்துத் தாக்கப்படுகிறார்கள். பொதுமக்கள் நிலை இன்னும் மோசம். வீடு புகுந்து தாக்குபவர்கள், வீட்டைச் சூறையாடுபவர்கள்,  நிலக்கொள்ளையர்கள் மீதெல்லாம் புகார் கொடுத்தால் காவல்துறை நடவடிக்கை எடுக்க மறுக்கிறது. காவல்துறையின் தலைமை இயக்குநராக இருப்பவரே குண்டர்களின் அட்டகாசத்தை வேடிக்கை பார்க்கும்போது, அவரின் கீழே இருப்பவர்கள் மட்டும் எப்படி ஒழுங்காகச் செயல்பட முடியும்? முதலமைச்சரின் குடும்பத்தினர் மட்டுமல்ல, அமைச்சர்களின் குடும்பத்தினர்களும் ஆளுங்கட்சியைச் சேர்ந்த பல தலைவர்களும் அரசு நிர்வாகத்தில் தலையிட்டு அதிகாரிகளை ஆட்டிப்படைக்கிறார்கள் என்பது அனைவரும் அறிந்த உண்மை. இவர்களின் விருப்பப்படியே அதிகாரிகள் பந்தாடப்படுகிறார்கள். இதற்கு அஞ்சிய அதிகாரிகள் இவர்களுக்குத் துணைபோகிறார்கள். பணியாத அதிகாரிகள் பழிவாங்கப்படுகிறார்கள். கருணாநிதி முதலமைச்சர் மட்டுமல்ல, காவல்துறையைத் தனது கட்டுப்பாட்டில் வைத்திருக்கும் உள்துறை அமைச்சரும் ஆவார். எனவே பிற அமைச்சர்கள் யார் மீதேனும் பழியைப் போட்டு அவர் தப்ப முடியாது.  உயர் நீதிமன்றம் அளித்த இந்தத் தீர்ப்பு அவருக்கு எதிராக அளிக்கப்பட்ட தீர்ப்பாகும். இதுவரை எந்த மாநில முதலமைச்சரும் இத்தகைய அவமானத்துக்கு உள்ளானதில்லை. உயர் நீதிமன்றம் அளித்த இந்தத் தீர்ப்பு தமிழகத்தில் ஆட்சி நிர்வாகம் எந்த அழகில் நடைபெறுகிறது என்பதற்கு அழிக்க முடியாத சாட்சியமாக விளங்குகிறது. உயர் நீதிமன்றத்தில் பொய்யான தகவல்கள் அடங்கிய மனுவைத் தாக்கல் செய்ததற்கும் உச்ச நீதிமன்றத்தின் வழிகாட்டுதலை மீறியதற்கும் முதலமைச்சர் கருணாநிதி மக்கள் தனக்களித்திருக்கும் அதிகாரத்தைத் தவறாகப் பயன்படுத்தியதற்கும் மக்களிடம் பகிரங்கமாக மன்னிப்புக் கேட்க வேண்டும். அப்படியெல்லாம் அவர் செய்துவிடமாட்டார் என்று நாம் நிச்சயமாக நம்பலாம். தனது தவறுகளை நியாயப்படுத்துவதில் தமிழக முதல்வருக்கு நிகர் அவர் மட்டுமாகத்தான் இருக்க முடியும். அமைச்சர்களுக்குக் கார் கதவைத் திறந்துவிடுவதுதான் மாவட்ட ஆட்சியர் பதவியின் மரியாதை என்று ஒரு அமைச்சர் எள்ளிநகையாடுகிறார். உயர் நீதிமன்றத்திலேயே முதல்வர் சார்பில் பொய்யான தகவல் தரப்படுகிறது. ஐ.ஏ.எஸ். அதிகாரிகளும், ஐ.பி.எஸ். அதிகாரிகளும் இவர்களுக்கு எடுபிடிவேலை செய்யும் ஏவலர்கள் என்று இன்றைய ஆட்சியாளர்கள் கருதுகிறார்கள் என்பதைத்தான் இவர்களது பேச்சுகளும் நடவடிக்கைகளும் எடுத்துக்காட்டுகின்றன.

Email

Print

Delicious

Digg

Facebook

Twitter

கருத்துக்கள்

ஒருவர் புறக்கணிக்கப்படுவதாலேயே அவர் நேர்மையான அலுவலர் என்றும் கருத வாய்ப்பு இல்லை. அவர் முந்தைய கட்சியின் எடுபிடியாக இருந்து ஏவல் செய்தவாராகத்தான் இருப்பார். எனவே, அலுவலர்கள் தத்தம் சொந்த நலன்களுக்காக ஆட்சியாளர்களின் எடுபிடிகளாக மாறாமல் நடுநிலையுடன் நடந்து கொண்டால் இத்தகைய நேர்வு வராது. ஆட்சியாளர்களுக்கு யார் நெருக்கம் என்பதிலேயே போட்டி போடுவதில் அலுவலர்கள் கருத்து செலுத்தினால் இதற்கு முற்றுப்புள்ளி வைக்கும் நிலை ஏற்படாது. எனவே, அலுவலர்கள் அடிமைத்தனத்துடன் இருக்கும பொழுது ஆட்சியாளர்கள் அவர்களை ஏவலர்களாகத்தான் கருதுவார்கள். கட்டுரை பொதுவாக இருந்திருந்தால் சிறப்பாக இருந்திருக்கும். அன்புடன் இலக்குவனார் திருவள்ளுவன்

By Ilakkuvanar Thiruvalluvan
10/13/2010 3:08:00 AM

நாடு சுதந்திரம் பெற்ற பிறகு இந்த இரு உயர் பதவிகளின் நியமனத்தை ஒட்டிய பிரச்னை எதுவும் எழுந்ததில்லை எனக் குறிப்பிட்டுள்ளது தவறாகும். எல்லா மாநிலங்களிலும் கண்மூடி ஒத்துழைக்கும் அதிகாரிகளுக்குப் பதவியும் பிறருக்குப் புறக்கணிப்பும் வழங்குவது நடைபெற்றே வருகிறது. தமிழ் நாட்டிலும் ஆளுங் கட்சிக்கு வேண்டியவர்களை நியமிப்பதற்காக அவர் ஆறாம் இடத்தில் இருக்கிறார் எனில் அறுவருக்கும் பதவி உயர்வு வழங்கிவிட்டுப் பிற ஐவரை அப்பதவிநிலையில் பொம்மைப் பதவியில் அமர்த்தி விட்டு ஆறாமவரை நியமிக்கும் வழக்கம் உள்ளதைப் பழ.நெடு. மறந்து விட்டாரா? பழிவாங்குவதற்காக துறைஅலுவலர்களை நியமிக் க வேண்டிய இடங்களிலும் இ.ஆ.ப. அலுவலர்களை நியமிக்க வேண்டிய இடங்களிலும் இ.கா.ப. அலுவலர்களை நியமித்ததையும் மறந்து விட்டாரா? ஆனால், அப்பொழுதெல்லாம நீதிமன்றப் பார்வைக்குச் செல்லவி்ல்லை.இப்பொழுது சென்றதால் கண்டனம் பிறப்பிக்கப் பட்டுள்ளது. மேலும் ஒருவர் புறக்கணிக்கப்படுவதாலேயே அவர் நேர்மையான அலுவலர் என்றும் கருத வாய்ப்பு இல்லை. அவர் முந்தைய கட்சியின் எடுபிடியாக இருந்து ஏவல் செய்தவாராகத்தான் இருப்பார். எனவே, அலுவலர்கள் தத்தம் சொந்த நலன்க

By Ilakkuvanar Thiruvalluvan
10/13/2010 3:05:00 AM

உங்கள் கருத்தைப் பதிவு செய்யுங்கள் *

யாருக்கு இரண்டாவது இடம்?

நமது சிறப்பு நிருபர்

First Published : 29 Mar 2010 12:00:00 AM IST

Last Updated : 29 Mar 2010 12:07:42 AM IST

சென்னை, ​​ மார்ச் 28:​ பென்னாகரம் சட்டப் பேரவைத் தொகுதி வாக்குப் பதிவு முடிந்துவிட்ட நிலையில்,​​ இரண்டாவது இடத்தைப் பிடிக்கப் போவது யார் என்கிற எதிர்பார்ப்பு அரசியல் வட்டாரத்தில் ஏற்பட்டுள்ளது.முந்தைய இடைத்தேர்தல்களைப் புறக்கணித்து வந்த பா.ம.க.,​​ பென்னாகரம் தொகுதியில் இடைத்தேர்தல் நடக்கும் சூழ்நிலை உருவான உடனேயே தேர்தல் வேலைகளைத் தொடங்கிவிட்டது.​ அக் கட்சியின் தலைவர் ஜி.கே.​ மணி இதே தொகுதியில் பா.ம.க.​ சார்பில் தனித்துப் போட்டியிட்டு வெற்றி பெற்ற தொகுதி என்பதால் தங்களுக்கு அங்கு செல்வாக்கு உள்ளது என்ற நம்பிக்கை பா.ம.க.​ தலைமைக்கு இருக்கிறது.மக்களவைத் தேர்தலில் அதிமுக கூட்டணியில் பா.ம.க.​ 7 தொகுதிகளில் போட்டியிட்டு எல்லா இடங்களிலும் தோல்வி அடைந்தது.​ அதன் பிறகு அதிமுக கூட்டணியில் இருந்தும் பாமக வெளியேறிவிட்டது.2011-ல் சட்டப் பேரவைக்குப் பொதுத் தேர்தல் வரவுள்ள சூழ்நிலையில் ஏதாவது ஒரு கூட்டணியில் இடம் பெற வேண்டும் என்ற கட்டாயம் பா.ம.க.வுக்கு ஏற்பட்டுள்ளது.​ தொகுதிகளில் தங்களுக்கு செல்வாக்கு இருக்கிறது என்பதை நிரூபித்தால்தான்,​​ கூட்டணியில் கூடுதல் தொகுதிகளைக் கேட்பதற்கு வசதியாக இருக்கும் என்று அக் கட்சி கருதுகிறது.​ அந்த வகையில் தங்கள் செல்வாக்கை காட்ட வேண்டும் என்ற நோக்கத்தில்தான் பா.ம.க.​ பென்னாகரத்தில் களம் இறங்கியுள்ளது என்று அரசியல் நோக்கர்கள் கருதுகின்றனர்.ஜி.கே.​ மணியின் மகன் தமிழ்க்குமரனை வேட்பாளராக அறிவித்தது முதல்,​​ பா.ம.க.வினர் தொகுதி முழுக்க தீவிரமாக தேர்தல் பணியைத் தொடங்கினர்.​ எல்லா வீடுகளுக்கும் பா.ம.க.வினர் சென்று ஆதரவு திரட்டினர்.திருமங்கலத்தில் திமுக வெற்றி பெற்ற போது "திருமங்கலம் பார்முலா' என்று பேசப்பட்டதை சுட்டிக் காட்டிய பா.ம.க.​ நிறுவனர் ராமதாஸ்,​​ தாங்கள் "பென்னாகரம் பார்முலா" வைத்திருப்பதாகவும் அதன் மூலம் வெற்றி கிடைக்கும் என்றும் கூறினார்.திமுக தரப்பில் பி.என்.பி.​ இன்பசேகரன் வேட்பாளராக அறிவிக்கப்பட்டவுடன் ​ அமைச்சர் எ.வ.​ வேலு தலைமையில் பெரிய குழுவினர் தேர்தல் பணிகளைக் கவனித்தனர்.​ எந்தக் காரணத்தைக் கொண்டும் வெற்றியை நழுவ விட்டுவிடக் கூடாது என்பதில் திமுகவினர் தீவிரம் காட்டினர்.ஒரு கட்டத்தில்,​​ "நாங்கள் வெற்றி பெற முடியாமல் போனாலும் அதிமுகதான் வெற்றி பெற வேண்டுமே தவிர பா.ம.க.வுக்கு அந்த வாய்ப்பு கிடைத்துவிடக் கூடாது என்ற திட்டத்தில் பணியாற்றுகிறோம்' என்றுகூட மூத்த அமைச்சர் ஒருவர் பொதுக் கூட்டத்திலேயே பேசினார்.கணிசமான வாக்குகளை பா.ம.க.​ பெற்றுவிட்டால் அடுத்த தேர்தலுக்கு கூட்டணி பேரத்தில் அக் கட்சியின் கை ஓங்கிவிடும் என்பது திமுக மட்டுமன்றி,​​ அதிமுகவின் கணிப்பாகவும் உள்ளது என்று அரசியல் வட்டாரத்தில் பேசப்படுகிறது.எனவே இரண்டாவது இடம் பா.ம.க.வுக்கு கிடைக்கக் கூடாது என்பதற்காகவே அதிமுக பொதுச் செயலாளர் ஜெயலலிதா அத் தொகுதியில் 2 நாள் பிரசாரம் மேற்கொண்டார் என்று அரசியல் பார்வையாளர்கள் கருதுகின்றனர்.ஏற்கெனவே அதிமுகவின் இரட்டை இலை சின்னத்துக்காக விழும் வாக்குகள்,​​ ஜெயலலிதா வருகையால் ஏற்படும் மாற்றம் என சேர்ந்தால் அதிமுக வேட்பாளர் டி.ஆர்.​ அன்பழகன் வெற்றி வாய்ப்பை இழந்தாலும்கூட நிச்சயமாக இரண்டாவது இடத்தைப் பிடித்துவிடுவார் என்று அங்கு தேர்தல் பணியாற்றிய அதிமுக தலைவர்கள் நம்புகிறார்கள்.பல இடங்களில் ஜெயலலிதா பிரசாரம் செய்துவிட்டு நகர்ந்த அடுத்த ஒரு மணி நேரத்தில் பேனர்கள்,​​ தோரணங்கள் போன்றவை அகற்றப்பட்டு,​​ நிர்வாகிகள் தங்களது ஊர்களுக்குக் கிளம்பிச் சென்ற சம்பவங்கள் ஏராளம்.ஜெயலலிதாவின் பயணம் முடிவானதில் இருந்தே தொகுதியில் பா.ம.க.வின் பிரசாரத்தில் அதிகம் தொய்வு ஏற்பட்டுவிட்டது.​ அதனால் அதிமுகவுக்கும் -​ பாமகவுக்கும் இடையில் ரகசிய கூட்டு என்றுகூட பேச்சு எழுந்தது.​ ஆனால் இதை ராமதாஸ் மறுத்துவிட்டார்.தொகுதியில் வாக்காளர்களைக் கவர்வதற்கு செலவு செய்வதைப் பொருத்தவரையில் எல்லா முன்னணி வேட்பாளர்களுமே ஓரளவுக்கு செலவு செய்துள்ளனர்.​ ஒருவர் மீது ஒருவர் குற்றஞ்சாட்டினாலும் வாக்காளர்களுக்கு மட்டும் வரிசையாக "வரவுகள்' இருந்து கொண்டேதான் இருந்தன.வெற்றியே இலக்கு என்று பா.ம.க.​ கூறினாலும்,​​ 10,000 முதல் 15,000 வாக்குகள் வரை பெற்றால் தங்கள் எண்ணம் ஈடேறிவிட்டதாக அர்த்தம் என்பது பா.ம.க.வின் எதிர்பார்ப்பாக இருக்கும் என்று அரசியல் நிபுணர்கள் கூறுகின்றனர்.​ எல்லா தொகுதியிலும் திமுக,​​ அதிமுக அணிகளுக்கு சம பலம் இருந்தாலும் வெற்றியை நிர்ணயிக்கப் போவது இந்த 10,000 முதல் 15,000 வாக்குகள்தான் என்பதால்,​​ தங்களின் வாக்குகள்தான் முடிவை நிர்ணயிப்பதாக இருக்கும் என்று பா.ம.க.​ தலைமை கருதுவதாகத் தெரிகிறது.அந்த வகையில் தங்களுக்கென ஒரு வாக்கு வங்கி இருப்பதை நிரூபிக்கும் முயற்சியில் பா.ம.க.​ ஈடுபட்டுள்ளது.​ அது நடந்துவிடக் கூடாது என்பதில் திமுக,​​ அதிமுக தலைவர்கள் தீவிரம் காட்டினர் என்பது அரசியல் வட்டாரத்தில் கூறப்படும் கருத்து.திமுக,​​ அதிமுக,​​ பாமக ஆகிய மூன்று கட்சிகளுக்கு உள்ளது போலவே தேமுதிக-வுக்கும் இந்த இடைத்தேர்தல் ஒரு அக்னி பரீட்சையாக இருக்கும்.​ கடந்த சட்டப்பேரவை மற்றும் மக்களவைத் தேர்தல்களில் பெற்ற வாக்கு வங்கியைத் தேமுதிக தக்கவைத்துக் கொள்ளுமா என்பதில்தான் அந்தக் கட்சியின் எதிர்காலமே அடங்கி இருக்கிறது.​ தேமுதிக.வின் வாக்குகள் குறைந்தால்,​​ அதுவே அந்தக் கட்சியின் செல்வாக்குச் சரிவுக்கான அடையாளமாகக் கருதப்படும்.திமுக தரப்பில் செய்துள்ள தீவிர பிரசாரம்,​​ செலவு ஆகியவற்றைப் பார்த்தால்,​​ வெற்றி யாருக்கு என்பதில் யாருக்கும் மாற்று கருத்துக்கு இடமிருக்காது.​ ஆளும்கட்சிக்குஅதிர்ச்சியை தரும் வகையில் வேறு யாரும் வெற்றி பெறுவார்களா என்பது சந்தேகமே.​ இரண்டாவது இடத்தை யார் பிடிப்பது?​ இதுவே பென்னாகரம் இடைத்தேர்தல் முடிவில் எதிர்பார்க்கப்படும் விஷயமாக இருக்கிறது.திமுக,​​ அதிமுகவைவிட பென்னாகரம் இடைத்தேர்தல் பாமக மற்றும் தேமுதிகவின் எதிர்காலத்தைத்தான் அதிகமாக பாதிக்கும் என்று தோன்றுகிறது.

கருத்துக்கள்

பாமக எத்தனாவது இடத்தில் இருந்தாலும் அதற்குக் கிடைக்கும் வாக்குகள் எதன் எதிர்காலப் பேரததிற்கு உதவும்? ஆனால்,இன்னும் இரு நாள் பொறுக்காமல் மிகுதியான ஊழலில் மக்களைக் கவர்ந்த கட்சிதான் முதலிடம் பெறும் என எவ்வாறு அசைக்க முடியாத நம்பிக்கையை வெளிப்படுத்துகிறீர்கள்? அதிகவாக்குப் பதிவு ஒரு வேளை அதிர்ச்சி முடிவையும் தரலாம் அல்லவா? அவ்வாறு தந்தால் ஓரளவேனும் ஊழல்முறையில் வாக்குகள் பெறுவதற்கு முற்றுப்புள்ளி வைத்ததாக இருக்கும். ஆளும் கட்சியின் இதழ் போன்று இத்தகைய செய்தியைத் தினமணி வெளியிட்டுத் தன் பற்றைக் காட்டத் தேவையில்லையே! வெல்வது யாராயினும் தோற்பது மக்கள்நாயகமே! என்றாலும் மிகுதியான ஊழலிலேயே தேர்தலைச் சந்திக்கும் கட்சி தோற்றால் அதனைச் சாதிப்பற்றின் வெற்றி எனச் சொலலாமல் மாறுபட்ட சிந்தனை அரும்பியள்ளதாகக் கருதி மகிழலாம் அல்லவா?

அன்புடன் இலக்குவனார் திருவள்ளுவன்

By Ilakkuvanar Thiruvalluvan
3/29/2010 2:33:00 AM

Why to count the votes? I do not see a need. Hopefully the voters are counting the currency!

By Suresh
3/29/2010 2:10:00 AM

Apology to Dinamani. Sorry. Now I see my comment.

By Suresh
3/29/2010 2:05:00 AM

Where did my comment go? did Dinamani remove that? All I said was "DMK is also a PVT LTD company, just like PMK" I had very high opinion about Dinamani. Guess I am wrong!

By Suresh
3/29/2010 2:03:00 AM

When are they counting the votes of Pennagaram ?

By Vignesh
3/29/2010 1:49:00 AM

"சொக்கனுக்கு(தமிழனுக்கு) சோத்து சட்டி"

By அன்பன்
3/29/2010 1:45:00 AM

I agree 100% PMK is a PVT LTD company/party. If we apply the similar parameters to DMK, that is also a PVT LTD company. That party is looking after the welfare of MK's family (not the people)

By Suresh
3/29/2010 1:44:00 AM

THIS IS THE BEGINNING OF END OF DR.RAMADOSS & HIS PRIVATE LTD COMPANY - PMK.

By BOODHI DHARMA
3/29/2010 1:24:00 AM

பொன்னாகரம் இடைத்தேர்தல் முடிவுகள் நீங்கள் சொன்ன படி அந்த வருசையில்தான் கட்சிகள் ஒட்டுக்கள்வாங்கும் அதிமுக வுக்கு ஆதரவு என்ற கம் யூ னிஸ்டுக்களின் ஓட்டுக்கள் விழுந்தால் நிச்சயம் அ தீ முக இரண்டாம் இடம் வந்துவிடும் .ஒரு கட்டத்தில் தி மு க வின் வெற்றி உறுதி செய்யப்படாத நிலையில் தான் முதல்வர் அங்கு வந்தார் என்று கூருகின்றர்கள் .எனினும் டி எம் கே வென்றுவிடும் .ஆனால் அ தி மு க நிச்சயம் இரண்டாம் இடம் வந்து விடும் ராமாதாஸ் கட்சி பி எம் கே மூன்றாம் இடம்வரும் ஒட்டு வித்தியாசத்தில் அ தி மு க வை நெருக்கி பிடித்து விடும் பிரச்சாரம் அப்படி இந்த தொகுதியில் பி எம் கே வுக்கு கவுரவுமான ஓட்டுக்கள் கிடைத்துவிடும் ஆனால் .தேமு தேக வோ எப்படியாவது ராமதாசைவிட ஒரு ஒட்டு முந்தினால் போதும் என்று நினைக்கிறது .ஆனால் நிலைமைமிஸ்டர் விஜயகாந்த் தே மு தே கா இப்போதைக்கு பி எம் கே வை முந்த முடியாது என்பது உண்மை .ஆக சூரியன் உதி த்து ,இரட்டை இலை விறித்து,மாங்கனி காய்த்து முரசொலிக்கசெயும்ஒட்டு எண்ணிக்கை .

By தேசநேசன்
3/29/2010 12:39:00 AM

ஒன்றுபட்டு நிற்கவேண்டிய தமிழினம் ஒருவரை ஒருவர் வசைபாடி சேறுபூசி உண்மைக்கு புறம்பாக குற்றம் சாட்டி தம்மைதாமே இழிவுபடுத்தி வருகிறது. போதாக்குறைக்கு கைதாகி சிறையில் இருப்பவனையும், களத்தில் போராடி மடிந்தவனையும் வசைபாடி காலத்தைக்களிக்கிறது.

By Mahintha
3/29/2010 12:13:00 AM

உங்கள் கருத்தைப் பதிவு செய்யுங்கள்