books லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
books லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

ஞாயிறு, 11 ஆகஸ்ட், 2013

திருவள்ளுவர் வாழ்வியல் மன்றம் - நூல்கள் வெளியீட்டு விழா



திருவள்ளுவர் வாழ்வியல் மன்றம், சென்னை 600 115
பேசி 9962461632
வாழ்வியல் பயிற்சி நிறைவு விழா
நூல்கள் வெளியீட்டு விழா
ஆடி 26. 2044 / ஆக. 11.2013  காலை 9.00 மணி
இளைஞர் விடுதி, (அடையாறு பேருந்து பணிமனை அருகில்,
சென்னை 600 020

தலைவர் :  : துரை.மதிவாணன், புதுக்கோட்டை
வரவேற்புரை : அன்றில் பா.இறையெழிலன், பொதுச்செயலர்,
திருவள்ளுவர் வாழ்வியல் மன்றம்
நூல்கள் :
1. இன்றைய சமுதாயப் பிரச்சினைகளும் அவற்றிற்கான தீர்வுகளும்  
-  திரு இலக்குவனார் திருவள்ளுவன் நிறைவுரையுடன் கூடிய ஆய்வரங்கத் தொகுப்பு 5 பகுதிகள்
2. முனைவர் க.தமிழமல்லன் அவர்களின் பாச்சோலை
3. கவிஞர் செவ்வியனின் இடது சாரிகள் ஒன்றிணைதல் வேண்டும். ஏன்? எதற்காக?
நூல்கள் வெளியீடு  : முனைவர் பொற்கோ

அனைவரும் வருக!
கவிஞர் செவ்வியன், தலைவர், திருவள்ளுவர் வாழ்வியல் மன்றம்




வியாழன், 3 மே, 2012

இசையுடன் புத்தக வாசிப்பு:

சொல்கிறார்கள்

இசையுடன் புத்தக வாசிப்பு:


பள்ளிக் குழந்தைகளுக்கு கதைகள் மூலம் புத்தகம் படிக்கும் வழக்கத்தை ஏற்படுத்தி வரும் நரேஷ்: கடந்த இரண்டு ஆண்டுகளுக்கு முன், சென்னை ஐ.ஐ.டி.,யில் ஏரோநாட்டிக்கல் இன்ஜினியரிங் படிப்பை முடித்தேன். குழந்தைப் பருவத்தில் இருந்தே நடிப்பு மீது எனக்கு ஆர்வம் அதிகம். படிப்பு முடித்தவுடன், ஒரு நாடகக் குழுவில் இணைந்து நாடக நடிகரானேன். இந்த சமயத்தில், என் கல்லூரி நண்பர், மிஸ்ராவை சந்திக்கும் வாய்ப்பு கிடைத்தது. அவர், குழந்தைகளுக்கான கதைகளை புத்தக வடிவில் தயாரித்ததுடன், அதை ஆன்-லைனிலும் பிரபலப்படுத்த விரும்பினார். புத்தகத்தில் உள்ள கதைகளில் ஒன்றை பள்ளிக் குழந்தைகள் முன் நாடகமாக நடித்துக் காட்டலாம் என்ற எண்ணம் எனக்கு தோன்றியது. முதன்முறையாக, மயிலாப்பூரில் உள்ள ஒரு பள்ளியில் இதற்கான சோதனை முயற்சியில் இறங்கினோம். இந்நிகழ்ச்சி, மாணவர்களிடம் பெரிய மாற்றத்தை ஏற்படுத்தியது. மாணவர்களிடம் புத்தகம் படிக்கும் பழக்கத்தை அதிகரிக்கச் செய்ய வேண்டும் என்ற நோக்கத்துடன், நூலகம் உள்ள பள்ளிகளை தேர்வு செய்து, அங்குள்ள புத்தகத்தில், ஏதேனும் ஒரு பகுதியை நடிப்புடன் மாணவர்களுக்கு கற்றுக் கொடுக்க ஆரம்பித்தேன். பள்ளி நூலகத்திற்கு, 15 சதவீதமே வருகை தந்து கொண்டிருந்த மாணவர்களின் எண்ணிக்கை, என் நிகழ்ச்சிக்குப் பின், 85 சதவீதமாகியுள்ளது என்பதை அறிந்து மகிழ்ச்சியாக இருக்கிறது. புத்தகம் படிப்பதற்கான இந்தப் புதுமை நிகழ்ச்சியை மாநிலம் முழுவதும் பரவச் செய்ய இந்த முயற்சியை, மேலும் விரிவுபடுத்த திட்டமிட்டுள்ளேன்.

வெள்ளி, 27 ஏப்ரல், 2012

பேராசிரியர் சி.இலக்குவனார் நூல்களும் பிறவும்

From: பொள்ளாச்சி நசன் - www.thamizham.net பேச:(04259)221278 அலைபேசி : 9788552061, <pollachinasan@gmail.com>
Date: 2012/4/19
Subject: இலக்குவனார் நூல்கள்

பேராசிரியர் சி.இலக்குவனார் அவர்களின்
1.) பழந்தமிழ் 2.) இலக்கியம கூறும் தமிழர்  வாழ்வியல்
பே ராசிரியர் இலக்குவனார் பற்றிய முதுமுனைவர் இரா.இளங்குமரன் அவர்களின்
 ‌3.) செந்தமிழ்க் காவலர்    இலக்குவனார் 
எனது
4.) படை ப்பாளர் பார்வையில் பேராசிரியர் சி.இலக்குவனார்
5.) வாழ்வியல் உண்மைகள் ஆயிரம்

ஆகிய நூல்களைத் தமிழம் பொள்ளாச்சிநசன் அவர்கள்  பின்வருமாறு அளித்துள்ளார்கள்.
ஆர்வலர்கள் பயன்படுத்திக் கொள்க.




--
தமிழ்க்கனல் -  பேச: 890 300 2071  -  www.thamizham.net

சனி, 30 ஜூலை, 2011

தாய்மொழிக் கல்வி என்பது சாதனைகளைப் பெற்றுத் தரக்கூடியது.

ஆற்றல், அறிவினை வளர்க்க துணை புத்தகங்கள் மட்டுமே: 
அமைச்சர் கே.வி.ராமலிங்கம்

First Published : 30 Jul 2011 01:16:07 AM IST


ஆற்றலையும், அறிவையும் வளர்க்க வளரும் பருவத்தினர் துணையாகக் கொள்வது புத்தகங்களை மட்டுமே என பொதுப் பணித் துறை அமைச்சர் கே.வி.ராமலிங்கம் பேசினார். ஈரோடு புத்தகத் திருவிழாவில் சிந்தனை அரங்கை வெள்ளிக்கிழமை திறந்து வைத்து அமைச்சர் பேசியதாவது: கண் இல்லாவிட்டாலும் கற்றவர் கண்ணுடையவராகவே கருதப்படுவர். மனிதன் தன்னைத் தான் தெரிந்துகொள்ளவும், ஆற்றல், அறிவினை வளர்த்துக் கொள்ளவும் புத்தகங்கள் பெரிதும் துணைபுரிகின்றன. அனைவருக்கும் கை வராத கலை, புத்தகம் எழுதுவது. அறிவுக்கும், மனதுக்கும் நிகழும் போராட்டத்தைப் புரிந்து கொண்டால் மட்டுமே வாழ்க்கையில் துயரமின்றி வாழ முடியும். எழுதுபவனின் நோக்கத்திலேயே அதனைப் புரிந்து கொள்ள வைப்பதுதான் சிறந்த எழுத்தாளனின் சிறப்பு. புத்தகங்கள் வாசிக்கும் பழக்கத்தினை பெற்றோர்களும், பொதுமக்களும் அதிகரித்துக் கொண்டால்தான் அவ்வப்போது நிகழும் மாற்றங்களைத் தெரிந்து கொண்டு வாழ்க்கை முறைகளை அமைத்துக்கொள்ள முடியும். மாணவர்களுக்கும், குழந்தைகளுக்கும் வாசிக்கும் திறனை வளர்க்கும் விதத்தில் நல்ல உயரிய புத்தகங்களை வாங்கித் தருவது அவசியம். இளைய சமுதாயத்துக்கு அறிவுச் செல்வம் என்றால் புத்தகத்தைத் தவிர உலகில் வேறொன்றுமில்லை என்றார் ராமலிங்கம். விஞ்ஞானி ஆர்.எம்.வாசகம்: பழமைக்கும், புதுமைக்கும் பாலமாகவும், அறியாமையை அகற்றும் தூண்டுகோலாகவும் நூலகங்கள் விளங்குவதாக அண்ணா பல்கலைக்கழக முன்னாள் துணைவேந்தரும், விஞ்ஞானியுமான ஆர்.எம்.வாசகம் பேசினார். தாய்மொழிக் கல்வி என்பது சாதனைகளைப் பெற்றுத் தரக்கூடியது. இலக்கணமும், இலக்கியமும் மனிதனை நல்வழிப்படுத்துகிறது. அடுத்த தலைமுறைகளுக்கான அழியாத சொத்து அறிவு மட்டுமே. இதனைப் பெற சிறந்த புத்தகங்களை இளைஞர்கள் தொடர்ந்து தேடிப் பிடித்துப் படிக்க வேண்டும் என்றார் வாசகம்.

வெள்ளி, 29 ஜூலை, 2011

ஆக.5க்குள் சமச்சீர் புத்தகங்கள் வழங்க உச்சநீதிமன்றம் உத்தரவு

ஆக.5க்குள் சமச்சீர் புத்தகங்கள் வழங்க உச்சநீதிமன்றம் உத்தரவு

First Published : 28 Jul 2011 05:17:46 PM IST


புதுதில்லி, ஜூலை 28: சமச்சீர் கல்வி புத்தகங்களை ஆகஸ்ட் மாதம் 2ம் தேதிக்குள் வழங்குமாறு உச்சநீதிமன்றம் ஏற்கெனவே அறிவித்திருந்தது. ஆனால், அது சாத்தியமில்லை என தமிழக அரசின் தரப்பில் தெரிவிக்கப்பட்டதால், ஆகஸ்ட் 5ம் தேதி வரை உச்ச நீதிமன்றம் கால நீட்டிப்பு செய்து உத்தரவிட்டது. தமிழக அரசின் மேல்முறையீட்டு மனு மீதான விசாரணை வருகின்ற செவ்வாய்க்கிழமை தொடரும் என்று தெரிகிறது. அன்று, மாணவர், பெற்றோர் தரப்பு வழக்கறிஞர் வாதிடவுள்ளார்.

வெள்ளி, 17 ஜூன், 2011

Kural and kalaignar : wrong statement

பிறப்பொக்கும் எல்லா உயிர்க்கும் என்பதைத் தான் எழுதிய சொல் என்கிறார் கலைஞர். தெய்வப்புலவர் திருவள்ளுவர் எழுதிய திருக்குறள் அடி அல்லவா இது? அன்புடன் இலக்குவனார் திருவள்ளுவன் / தமிழே விழி! தமிழா விழி! / எழுத்தைக் காப்போம்!  மொழியைக் காப்போம்!


புதன், 1 ஜூன், 2011

List of authors of nationalised books: நாட்டுடைமையாக்கப்பட்ட நூல்களின் அறிஞர்கள் பட்டியல்


நாட்டுடைமையாக்கப்பட்ட நூல்களின் அறிஞர்கள் பட்டியல்


வ.எண்     நூலாசிரியர் பெயர்                             ஆண்டு 
1.        விடுதலைக்கவி பாரதியார் (1967க்கு முன்)
2.        சிலம்புச் செல்வர் ம.பொ.சி.
(அ) விடுதலைப் போரில் தமிழகம் எனும் நூலுக்கு மட்டும் 1984
(ஆ) பிற அனைத்து நூல்களுக்கும் 2006
3.        பாவேந்தர் பாரதிதாசன் 1990
4.        பேரறிஞர் அண்ணா 1995
5.        பட்டுக்கோட்டை கல்யாணசுந்தரம் 1995
6.        தேவநேயப் பாவாணர் 1996
7.        மறைமலையடிகள் 1997
8.        திரு.வி.க. 1998
9.        திரு. கல்கி 1998
10.     கவிமணி தேசிக விநாயகம் பிள்ளை 1998
11.     திரு. திரு. ப. சீவானந்தம் 1998
12.     நாமக்கல் கவிஞர் வெ. இராமலிங்கம் பிள்ளை 1998
13.     திரு. வ.உ. சிதம்பரனார் 1998
14.     திரு. ஏ.எசு.கே. அய்யங்கார் 1998
15.     திரு. வ.இரா. (வ. இராமசாமி அய்யங்கார்) 1998
16.     நாவலர் சோமசுந்தர பாரதியார் 1998
17.     திரு. கா.மு. செரீப் 1998
18.     திரு. பரலி சு. நெல்லைப்பர் 1998
19.     திரு. வ.வே.சு. ஐயர் 1998
20.     காரைக்குடி சா. கணேசன் 1998
21.     திரு. ச.து.சு. யோகி 1998
22.     திரு. வெ. சாமிநாத சர்மா 2000
23.     கவிஞர் முடியரசன் 2000
24.     தமிழறிஞர் மயிலை சீனி வேங்கடசாமி 2000
25.     திரு. சாமி சிதம்பரனார் 2000
26.     பன்மொழிப்புலவர் கா. அப்பாத்துரையார் 2001
27.     திரு. புதுமைப்பித்தன் 2002
28.     திருமதி. கு.ப.சேது அம்மாள் 2002
29.     நாவலர் பண்டித ந.மு.வேங்கடசாமிநாட்டார் 2004
30.     திரு. க.நா. சுப்பிரமணியம் 2004
31.     திரு. ந. பிச்சமூர்த்தி 2004
32.     புலவர் குழந்தை 2006
33.     பரிதிமாற் கலைஞர் (திரு. வி.கோ. சூரியநாராயண சாத்திரி) 2006
34.     திரு. கா.சு. பிள்ளை 2006-2007
35.     புலவர் குலாம் காதிறு நாவலர் 2006-2007
36.     திரு.தி.வை.சதாசிவப் பண்டாரத்தார் 2006-2007
37.     முனைவர் சி. இலக்குவனார் 2006-2007
38.     மகாவித்வான் தண்டபாணி தேசிகர் 2006-2007
39.     திரு.தி.ச.அரங்கநாதன் (தி.ச.ர) 2006-2007
40.     திரு. நாரண துரைக்கண்ணன் 2006-2007
41.     முனைவர் மா. இராசமாணிக்கனார் 2006-2007
42.     முனைவர் வ.சு.ப. மாணிக்கம் 2006-2007
43.     புலவர் கா. கோவிந்தன் 2006-2007
44.     திரு. சக்தி வை. கோவிந்தன் 2006-2007
45.     திரு. தெ.பெ. மீனாட்சி சுந்தரனார் 2006-2007
46.     திரு.த.நா. குமாரசாமி 2006-2007
47.     திரு. மாயூரம் வேதநாயகம் பிள்ளை 2006-2007
48.     திரு. ம. சிங்காரவேலர் 2007 - 08
49.     தவத்திரு குன்றக்குடி அடிகளார் 2007 - 08
50.     திரு. கி.ஆ.பெ. விசுவநாதம் 2007 - 08
51.     திரு. கி.வா. சகந்நாதன் 2007 - 08
52.     திரு. ஔவை துரைசாமி பிள்ளை 2007 - 08
53.     திரு. அ.ச. ஞானசம்பந்தனார் 2007 - 08
54.     திருக்குறளார் முனுசாமி 2007 - 08
55.     உவமைக்கவிஞர் சுரதா 2007 - 08
56.     திரு. சாவி 2007 - 08
57.     திரு. மாவெண்கோ என்ற வ.கோ. சண்முகம் 2007 - 08
58.     திரு. தீபம் நா. பார்த்தசாரதி 2007 - 08
59.     திரு.எசு.எசு. தென்னரசு 2007 - 08
60.     திரு.சி.பி. சிற்றரசு 2007 - 08
61.     திரு.ஏ.வி.பி. ஆசைத்தம்பி 2007 - 08
62.     திரு.டி.கே. சீனிவாசன் 2007 - 08
63.     திரு. இராம. அரங்கண்ணல் 2007 - 08
64.     கவிஞர் வாணிதாசன் 2007 - 08
65.     கவிஞர் கருணானந்தம் 2007 - 08
66.     திரு. மருதகாசி 2007 - 08
67.     சலகண்டபுரம் ப. கண்ணன் 2007 - 08
68.     கவிஞர் பெரியசாமித்தூரன் 2008 - 09
69.     பேராசிரியர் க. வெள்ளைவாரணனார் 2008 - 09
70.     பண்டித க. அயோத்திதாசர் 2008 - 09
71.     திரு. ஆபிரகாம் பண்டிதர் 2008 - 09
72.     திரு. சதாவதானி செய்குத்தம்பிப் பாவலர் 2008 - 09
73.     முனைவர் இரா.பி. சேதுப்பிள்ளை 2008 - 09
74.     மகாவித்வான் இரா. இராகவையங்கார் 2008 - 09
75.     திரு. உடுமலை நாராயண கவி 2008 - 09
76.     திரு.கு.மு.அண்ணல் தங்கோ 2008 - 09
77.     திரு. ஔவை தி.க. சண்முகம் 2008 - 09
78.     திரு. விந்தன் 2008 - 09
79.     திரு. இலா.ச. இராமாமிர்தம் 2008 - 09
80.     திரு. வல்லிக்கண்ணன் 2008 - 09
81.     திரு.நா. வானமாமலை 2008 - 09
82.     கவிஞர் புதுவைச் சிவம் 2008 - 09
83.     திரு.அ. இராகவன் 2008 - 09
84.     திரு.தொ.மு.சி. இரகுநாதன் 2008 - 09
85.     திரு. சக்திதாசன் சுப்பிரமணியன் 2008 - 09
86.     முனைவர் ந. சஞ்சீவி 2008 - 09
87.     திரு. முல்லை முத்தையா 2008 - 09
88.     கவிஞர் எசு.டி. சுந்தரம் 2008 - 09
89.     கவிஞர் மீரா 2008 - 09
90.     பேராசிரியர் ஆ. கார்மேகக் கோனார் 2008 - 09
91.     புலவர் முகமது நயினார் மரைக்காயர் 2008 - 09
92.     திரு.சு. சமுத்திரம் 2008 - 09
93.     திரு. கோவை இளஞ்சேரன் 2008 - 09
94.     பேராசிரியர் ந. சுப்புரெட்டியார் 2008 - 09
95.     பாவலரேறு பெருஞ்சித்திரனார் 2008
96.     குழந்தைக் கவிஞர் அழ. வள்ளியப்பா 2009 - 10
97.     பண்டிதமணி மு. கதிரேசச்செட்டியார் 2009 - 10
98.     பம்மல் சம்பந்தனார் 2009 - 10
99.     திரு.அ. சிதம்பரநாதன் செட்டியார் 2009 - 10
100.  திரு.மு.சு. பூர்ணலிங்கம் பிள்ளை 2009 - 10
101.  திரு.தொ.மு. பாசுகரத் தொண்டைமான் 2009 - 10
102.  திரு. பாலூர் கண்ணப்ப முதலியார் 2009 - 10
103.  முனைவர் ச. அகத்தியலிங்கம் 2009 - 10
104.  பாவலர் நாரா. நாச்சியப்பன் 2009 - 10
105.  திரு. புலியூர்க் கேசிகன் 2009 - 10
106.  திரு.வை.மு. கோதைநாயகி 2009 - 10
107.  திரு. சின்ன அண்ணாமலை 2009 - 10
108.  திரு.என்.வி. கலைமணி 2009 - 10
109.  கவிஞர் முருகு சுந்தரம் 2009 - 10
110.  புலவர் த. கோவேந்தன் 2009 - 10
111.  திரு. அ.க. நவநீதக்கிருட்டிணன் 2009 - 10
112.  திரு. வடுவூர் துரைசாமி அய்யங்கார் 2009 - 10
113.  பேரா.மு. இராகவையங்கார் 2009 - 10
114.  பூவை.எசு. ஆறுமுகம் 2009 - 10
115.  பேரா. வையாபுரிப்பிள்ளை 2009 - 10
116.  இராய சொக்கலிங்கம் 2009 - 10
117.  திருமதி. இராசம் கிருட்டிணன் 2009-10 (சிறப்புத் தேர்வு)
118.  திரு. மணவை முசுதபா 2009-10 (சிறப்புத் தேர்வு) 
119.  பேரா. அ.மு. பரமசிவானந்தம் 2010 -2011
120.  பேரா. அ. கிருட்டிணமூர்த்தி 2010 -2011
121.  பேரா. எசு. எம். கமால் 2010 -2011
122.  ப. இராமசாமி 2010 -2011
123.  பேரா. இர. சீனிவாசன் 2010 -2011
124.  வ.சு. செங்கல்வராய பிள்ளை 2010 -2011
125.  கவிஞர் வெள்ளியங்காட்டான் 2010 -2011
126.  நெ.து. சுந்தரவடிவேலு 2010 -2011
127.  முனைவர் சி.பாலசுப்பிரமணியன் 2010 -2011
128.  மயிலை சிவமுத்து 2010 -2011
129.  காழி சிவகண்ணுசாமி பிள்ளை 2010 -2011
130.  கே.பி.நீலமணி 2010 -2011
131.  கவிராச பண்டிதர் செகவீரபாண்டியன் 2010 -2011
132.  அ.திருமலை முத்துசாமி 2010 -2011
133.  எசு. நவராசு செல்லையா 2010 -2011
134.   திரிகூட சுந்தரம் 2010 -2011
135.   பேரா. சுந்தர சண்முகனார் 2010 -2011
136.   தஞ்சை இராமையாதாசு 2010 -2011
137.   கவிஞர் தாராபாரதி 2010 -2011
138.   அருதனக்குட்டி அடிகளார் 2010 -2011
139.  சரோசா இராமமூர்த்தி 2010 -2011
140.  அ. சீனிவாசன் 2010 -2011


திங்கள், 1 மார்ச், 2010

செம்மொழி மாநாடு: மலிவு விலையில் நூல்கள் விற்கப்படுமா?



கோவையில் நடைபெறவுள்ள உலகத் தமிழ்ச் செம்மொழி மாநாட்டில் மலிவு விலையில் செம்மொழி இலக்கிய நூல்கள் விற்கப்படுமா என்ற எதிர்பார்ப்பு எழுந்துள்ளது. இன்றைய நிலையில், பல்வேறு துறைகளில் தமிழைப் புகுத்தியிருப்பது பாராட்டுக்குரியது. அந்தந்தத் துறை தொடர்பான கருத்துகள், படைப்பாளிகளின் அறிவுக் களஞ்சியங்கள் புத்தக வடிவில் தமிழில் செம்மையாக வரும்போது மொழியானது வளர்ச்சியடைகிறது. இதன் மூலம் கடந்த கால வரலாற்று நிகழ்வுகள், ஒவ்வொரு காலகட்டங்களின் மொழி வளர்ச்சி, சமூகத்தின் மீதான படைப்பாளர்களின் சிந்தனைகளை வரும் தலைமுறையினர் அறிந்து கொள்ள முடியும். பல துறைகள் குறித்த நூல்களும், அறிஞர்களின் அறிவுக் களஞ்சியங்களும், தொழில் முன்னேற்ற வழிகாட்டி நூல்கள் என அனைத்தையும் ஓரிடத்தில் வாங்கிச் செல்ல வாய்ப்பாக இருக்குமிடம் புத்தகக் கண்காட்சிகள்தான். தமிழகத்தில் அண்மைக்காலமாக நடைபெற்று வரும் புத்தகக் கண்காட்சிகளில் செம்மொழி இலக்கிய நூல்கள் இடம்பெறுவது மிகக் குறைவே. இதற்கு நூல்களின் கூடுதல் விலையும் ஒரு காரணம். சென்னையில் அண்மையில் நடைபெற்ற 33-வது புத்தகக் கண்காட்சியில்கூட தமிழக அரசு முயற்சி எடுத்தும், செம்மொழி இலக்கிய நூல்கள் குறைவாகவே இடம் பெற்றன. நூல்களின் விலை கூடுதலாகும்போது அவற்றை சாதாரண பள்ளி, கல்லூரி மாணவர்களால் வாங்கிப் படிக்க முடிவதில்லை எனக் கூறுவதில் உண்மை இருக்கிறது. செம்மொழியான தமிழுக்குப் பெருமை சேர்க்கும் விதத்தில் கோவையில் வரும் ஜூன் 23-27-ம் தேதிவரை உலகத் தமிழ்ச் செம்மொழி மாநாடு நடைபெறுகிறது. அந்த மாநாட்டையொட்டி நடைபெறும் வளர்ச்சிப் பணிகள் மூலம் கோவை நகரம் ஜொலித்துக் கொண்டிருக்கிறது. குடியிருப்பு வளாகங்கள், மாநாட்டு அரங்கங்கள், சாலைச் சீரமைப்புப் பணிகள், ரயில், விமான நிலையங்கள் சீரமைப்பு எனக் கோடிக்கணக்கான ரூபாய் ஒதுக்கீட்டில் பணிகள் விரைவாக நடைபெற்று வருகின்றன. மகிழ்ச்சிகரமாக இந்தப் பணிகளை வரவேற்போம். ஓர் உலகப் புகழ் பெற்ற மொழி பற்றிய மாநாடு என்கிறபோது, அந்த மொழியில் உருவான அடிப்படை நூல்களை அனைவரும் வாங்கிப் படிக்கும் வாய்ப்பை ஏற்படுத்திக் கொடுப்பது அரசின் தலையாய கடமைகளில் ஒன்று. இந்த நிலையில், மாநாட்டில் மலிவு விலையில் சங்க இலக்கிய பதினென் மேல்கணக்கு நூல்களான பத்துப்பாட்டு, எட்டுத்தொகை, பதினென் கீழ்கணக்கு நூல்களான திருக்குறள், நாலடியார், நான்மணிக்கடிகை, நாலாயிரத் திவ்ய பிரபந்தம், திரிகடுகம், ஆசாரம், திருக்கோவை உள்ளிட்ட நூல்களின் மொத்தத் தொகுப்பு மலிவு விலையில் கிடைக்குமாறு விற்பனை செய்தால் மாநாட்டில் பங்கேற்கவுள்ள ஆயிரக்கணக்கானோர் பயன்பெற வாய்ப்பாக இருக்கும். தமிழ் படித்துவிட்டு வேலை தேடும் மாணவர்களுக்கும் பெரிதும் உதவியாக இருக்கும் செம்மொழி மாநாட்டையொட்டி, பல கோடி ரூபாய் மதிப்பீட்டில் நடைபெற்று வரும் வளர்ச்சிப் பணிகளில் இதையும் ஒரு பணியாகக் கருதி, ஒரு தொகையை ஒதுக்கி மலிவு விலை புத்தகக் கண்காட்சியை தமிழக அரசு நடத்த வேண்டும். இதன்மூலம் லட்சக்கணக்கானவர்களின் வீடுகளில் செம்மொழி இலக்கியங்களின் மணம் வீசும். இந்த நிலையை உருவாக்கினால்தான் செம்மொழி மாநாட்டின் முழுப் பயனும் அனைத்துத் தரப்பினருக்கும் கிடைக்கும். அதுமட்டுமல்ல, சமையல் குறிப்பு, சோதிடம், சுயமுன்னேற்ற நூல்கள், வாஸ்து போன்றவைகள் விற்கப்படுவது கட்டுப்படுத்தப்படவும் வேண்டும். இவற்றையெல்லாம் எடுத்துக்காட்டும் வகையில், முதல்வர் அண்மையில் எழுதிய செம்மொழி மாநாட்டுக் கவிதை ஆஸ்கர் நாயகன் ஏ.ஆர். ரகுமான் இசையில் வெளிவரவும் ஏற்பாடாகியுள்ளது. அதில் வரும் இலக்கியச் செய்திகள் யாவும்கூட நூல் வடிவம் பெற்று அனைவரின் கைகளிலும் தவழ வேண்டும்.
கருத்துக்கள்

நல்ல கட்டுரை. வரவேற்கத்தக்க கருத்து. உலகத் தமிழராய்ச்சி நிறுவனம், தமிழ்ப் ப்ல்கலைக்கழகம், தமிழ் வளர்ச்சித் துறை,பிற அமைப்புகளுக்கு நிதியுதவி நல்கி மலிவு விலையில் தரமான முறையில் தரமான நூல்கள் வர அரசு நடவடிக்கை எடுக்க வேண்டும்.

அன்புடன் இலக்குவனார் திருவள்ளுவன்

By Ilakkuvanar Thiruvalluvan
3/1/2010 2:45:00 AM
உங்கள் கருத்தைப் பதிவு செய்யுங்கள் *