pension லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
pension லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வியாழன், 22 டிசம்பர், 2011

Pension increased for aged thamizh scholars: அகவைமுதிர்ந்த தமிழறிஞர்களுக்குக் கூடுதல் நிதி உதவி

 
வயது முதிர்ந்த தமிழர்கள் அனைவருக்கும் நிதியுதவியா? செய்தி தவறாக  வந்திருந்தாலும் சரி பார்க்க வே ண்டிய பொறுப்பு இதழுக்கு உள்ளதே. தவறாகச் செய்தியை  வெளியிடலாமா? சொன்னால் கேட்க மாட்டீர்கள். எனினும் பதிகின்றேன். என் வலைப்பூவைப் படிப்பவர்களுக்காக.
அன்புடன் இலக்குவனார் திருவள்ளுவன் / தமிழே விழி! தமிழா விழி! எழுத்தைக் காப்போம்! மொழியைக் காப்போம்! இனத்தைக் காப்போம்! /
 
 
 
வயது முதிர்ந்த தமிழறிஞர்களுக்கு 
கூடுதல் நிதி உதவி
 
 

First Published : 22 Dec 2011 11:45:38 AM IST


சென்னை, டிச.22: வயது முதிர்ந்த தமிழர்கள் மற்றும் அவர்களின் மரபுரிமையர்களுக்கு தற்போது மாதந்தோறும் வழங்கப்படும் ரூ 1000 நிதி உதவித்தொகையை ரூ 2 ஆயிரமாக உயர்த்தி வழங்க முதல்வர் ஜெயலலிதா உத்தரவிட்டுள்ளார்.இதுகுறித்து அரசு வெளியிட்ட செய்திக்குறிப்பு: மொழி  என்பது மனிதனை அடையாளப்படுத்தும் பண்பாட்டுக் கூறுகளில் ஒன்றாகும். மொழி தானும் வளர்ந்து, தன்னை பயன்படுத்தும் மனிதனையும் வளர்க்கும் தனியாற்றல் பெற்றது.  எண்ணத்தின் வடிவமாகவும், நாகரிகத்தின் சின்னமாகவும் திகழும் மொழி, மனிதகுலத்தின் கருத்துப் பரிமாற்றத்துக்கு பயன்படுவதோடு மட்டுமல்லாமல்  மனித சமுதாய இணைப்புக்கும் துணை செய்கின்றது.   நிலைத்த பழமையும் வளரும் புதுமையும் இரண்டறக் கலந்து வாழும் மொழி  தமிழ்மொழி.  அது நமது ஆட்சி மொழி.  தமிழ் மொழியின் வளர்ச்சியில் ஜெயலலிதா தலைமையிலான அரசு தனி ஈடுபாடு கொண்டு பல்வேறு நடவடிக்கைகளை எடுத்து வருகின்றது.  தமிழ் மொழியின் வளமை மற்றும் செழுமைக்கு முக்கிய காரணம், மொழியால் ஈடுபாடு கொண்டு, மொழிக்காக தன் வாழ்நாட்கள் முழுவதையும் அர்ப்பணித்த தமிழ் அறிஞர் பெருமக்களின் தன்னலமற்ற   தொண்டே ஆகும்.   அத்தகைய   தமிழ்  அறிஞர்களின்   நலன் பாதுகாக்கப்பட வேண்டும் என்பதில் ஜெயலலிதா தலைமையிலான அரசு உறுதியாக உள்ளது.   இதன் அடிப்படையில், தமிழ் வளர்ச்சிக்காகவும், தமிழ் இலக்கிய மேம்பாட்டிற்காகவும், அயராது படுபட்ட தமிழ் அறிஞர்களைப் போற்றும் வகையில், அகவை முதிர்ந்த தமிழ் அறிஞர்களுக்கு, திங்கள் தோறும் உதவித் தொகை வழங்கும் திட்டம், 1978 ஆம் ஆண்டு அன்றைய முதல்வர் எம்.ஜி.ஆர் அவர்களால் தொடங்கி வைக்கப்பட்டது. இத்திட்டத்தின் கீழ் தற்போது மாதந்தோறும் 1,000 ரூபாய் உதவித் தொகையாக அகவை முதிர்ந்த தமிழ் அறிஞர்களுக்கு வழங்கப்பட்டு வருகின்றது.  தமிழ் மொழி உயர்ந்து வாழ வேண்டும் மற்றும் மொழிக்காக தொண்டாற்றிய அறிஞர்கள் வாழ்வாங்கு வாழ வேண்டும் என்ற நோக்கம் கொண்ட ஜெயலலிதா வயது முதிர்ந்த தமிழறிஞர்களுக்கு உதவித் தொகை வழங்கும் திட்டத்தின் கீழ், வயது முதிர்ந்த தமிழறிஞர்கள் மற்றும் அவர்தம் மரபுரிமையர்களுக்கு தற்போது மாதந்தோறும் வழங்கப்பட்டு வரும் 1,000 ரூபாய் நிதி உதவியை 2,000 ரூபாயாக உயர்த்தி வழங்க உத்தரவிட்டுள்ளார்கள். இதற்காக அரசுக்கு ஆண்டொன்றுக்கு 35 லட்சம் ரூபாய் கூடுதல் செலவாகும்.இவ்வாறு அரசின் செய்திக்குறிப்பில் தெரிவிக்கப்பட்டுள்ளது.

செவ்வாய், 2 ஆகஸ்ட், 2011

இலங்கை அகதிகளுக்கு்த் தமிழக அரசு ஓய்வூதியம்


பாராட்டுகள்.அவர்களை முகாம்களில்அடைத்து வைக்காமல் நாட்டு மக்களுள் ஒரு பகுதியினராகத் தன்னுரிமையுடன் வாழ விரைவில் வழி செய்யுங்கள்.
அன்புடன் இலக்குவனார் திருவள்ளுவன் / தமிழே விழி! தமிழா விழி! / எழுத்தைக் காப்போம்!  மொழியைக் காப்போம்! இனத்தைக் காப்போம்!
இலங்கை அகதிகளுக்கு தமிழக அரசு ஓய்வூதியம்
First Published : 02 Aug 2011 11:52:11 AM IST


சென்னை, ஆக.2: இலங்கையில் இருந்து வந்து தமிழகத்தில் அகதிகளாகத் தங்கி உள்ளவர்களுக்கு மாதம் ஆயிரம் ரூபாய் ஓய்வூதியம் வழங்க முதல்வர் ஜெயலலிதா உத்தரவிட்டுள்ளார்.தமிழகத்தில் செயல்படுத்தப்படும் அனைத்து நலத்திட்டங்களும், முகாம்களில் தங்கியுள்ள இலங்கைத் தமிழர்களுக்கும் நீட்டிக்கப்படும் என்று ஆளுநர் உரையில் அறிவிக்கப்பட்டிருந்தது. அதன்படி முதியோர் ஓய்வூதியத் திட்டம், ஆதரவற்ற விதவையர் ஓய்வூதியத் திட்டம், ஆதரவற்ற பெண்கள் ஓய்வூதியத் திட்டம் மற்றும் மாற்றுத் திறனாளிகள் ஓய்வூதியத் திட்டம் ஆகிய திட்டங்களை தமிழக முகாம்களில் வசிக்கும் இலங்கைத் தமிழர்களுக்கும் விரிவுபடுத்தி முதல்வர் ஜெயலலிதா உத்தரவிட்டுள்ளார்.இந்த உத்தரவின்மூலம் அகதிகள் முகாம்களில் வசிக்கும் 5544 இலங்கைத் தமிழர்கள் மாதம் ஆயிரம் ரூபாய் ஓய்வூதிமாகப் பெறுவார்கள் என்று அரசு செய்திக்குறிப்பில் தெரிவிக்கப்பட்டுள்ளது.

புதன், 6 அக்டோபர், 2010

55 வயதானவர்களுக்கு புதுவையில் ஓய்வூதியம்


புதுச்சேரி,  அக்.  5: புதுச்சேரியில் 55 வயது பூர்த்தியானவர்களுக்கு அடுத்த ஆண்டு ஜனவரி முதல் ஓய்வூதியம் வழங்கப்படும் என்று சமூக நலத்துறை அமைச்சர் மு.கந்தசாமி செவ்வாய்க்கிழமை தெரிவித்தார்.அரசு மகளிர் மற்றும் குழந்தைகள் மேம்பாட்டுத்துறை சார்பில் நடந்த திட்ட பயனளிப்பு விழாவில் அமைச்சர் மு.கந்தசாமி பேசியது:தற்போது 60 வயதானவர்களுக்கு உதவித் தொகைகள் வழங்கப்பட்டு வந்தது. வயதை குறைக்க வேண்டும் என்று மக்கள் கோரிக்கை வைத்தனர். இதைத் தொடர்ந்து கடந்த சட்டப்பேரவை கூட்டத்தொடரில் 55 வயது அடைந்தவர்களுக்கு உதவித்தொகை வழங்கப்படும் என்று அறிவித்தோம். அதன்படி அடுத்த ஆண்டு ஜனவரி மாதம் முதல் வழங்கப்படும்.கடந்த 2006-ம் ஆண்டுக்கு பிறகு நிதி பற்றாக்குறையால் நலத் திட்ட உதவிகள் வழங்க முடியாமல் நிறுத்தப்பட்டது. தற்போது மொத்தமாக அனைத்து பயனாளிகளுக்கும் நலத் திட்ட உதவிகள் வழங்கப்பட்டுள்ளது. இனி நலத் திட்ட உதவிகளை உரிய நேரத்தில் வழங்க அதிகாரிகளுக்கு உத்தரவிடப்பட்டுள்ளது.
கருத்துக்கள்

புதுச்சேரி அரசிற்குப் பாராட்டுகள். எனினும், இதனை ஓய்வூதியம் என்று சொல்வது பொருந்தாது. நல உதவிகள் என்றே குறிப்பிட்டிருக்கலாம். அல்லது pension என்ற சொல்லையே கையாள வேண்டும் என எண்ணினால் கொடுப்பூதியம் (கொடுவை) என்று சொல்ல வேண்டும். 
அன்புடன் இலக்குவனார் திருவள்ளுவன்
By Ilakkuvanar Thiruvalluvan
10/6/2010 4:50:00 AM
உங்கள் கருத்தைப் பதிவு செய்யுங்கள் *

வெள்ளி, 17 செப்டம்பர், 2010

ஓய்வூதியம், வைப்பு நிதி குறித்து அறிய எஸ்.எம்.எஸ். சேவை


சென்னை, செப். 16: ஓய்வூதியம் மற்றும் வைப்பு நிதி தொடர்பான தகவல்களை அறிய எஸ்.எம்.எஸ். சேவை அறிமுகப்படுத்தப்பட்டுள்ளது. இது குறித்து மாநில முதன்மை கணக்காயர் அலுவலகம் சார்பில் வியாழக்கிழமை வெளியான செய்தி: ஓய்வுபெற்ற தமிழக அரசு ஊழியர்களின் ஓய்வூதியம் மற்றும் பொது வருங்கால வைப்பு நிதி முதிர்வு விண்ணப்பங்கள் அவரவர் பணிபுரிந்த அலுவலகங்களிலிருந்து அனுப்பப்படும். மாநில முதன்மை கணக்காயர் அலுவலகத்துக்கு அந்த விண்ணப்பங்கள் வந்து சேர்ந்த பின், அது பற்றிய விவரங்கள் ஓய்வு பெற்ற அரசு ஊழியர்களுக்கு எஸ்.எம்.எஸ். மூலம் அனுப்பி வைக்கப்படும். விண்ணப்பங்களின் இப்போதைய நிலை குறித்த தகவல்களையும் ஓய்வுபெற்ற அரசு ஊழியர்கள் எஸ்.எம்.எஸ். மூலம் தெரிந்து கொள்ளலாம். உதாரணமாக, ஒருவர் தனது பொது வருங்கால வைப்பு நிதி முதிர்வு விண்ணப்பம் குறித்த நிலையை தெரிந்து கொள்ள, அவரது வைப்பு நிதி எண் AG​RI  1234, அவரது பிறந்த தேதி 16.02.1945 எனில், அவர் AG GPF AG​RI  1234 16021945 என டைப் செய்து, 9962117777 என்ற கைபேசி எண்ணுக்கு எஸ்.எம்.எஸ். அனுப்ப வேண்டும். ஓய்வூதிய விண்ணப்பம் குறித்த நிலை அறிந்து கொள்ள, ஒருவரது ஓய்வூதிய விண்ணப்ப எண் 12345678 எனில், AG PEN  12345678 என டைப் செய்து, அதே கைபேசி எண்ணுக்கு எஸ்.எம்.எஸ். அனுப்ப வேண்டும். இவ்வாறு அனுப்பும் ஓய்வுபெற்ற அரசு ஊழியர்களுக்கு தேவையான தகவல்கள் உடனடியாக எஸ்.எம்.எஸ். மூலம் தெரிவிக்கப்படும் என்று அந்த செய்தியில் கூறப்பட்டுள்ளது.
கருத்துக்கள்

இத்தகைய திட்டம் எல்லாம் வெறும் கண்துடைப்பு அறிவிப்பாக இருக்கின்றதேயன்றி நடைமுறையில் இல்லை. சான்றாக இணையம் வழியாக ஓய்வூதிய நிலைப்பாட்டை அறிந்து கொள்ளலாம் என உள்ளது. எப்பொழுது பார்த்தாலும் ஆய்வில் உள்ளதாகத்தான் வருமே தவிர உண்மை நிலை வராது. இங்கு என்றில்ல எல்லா இடத்திலும் இதே நிலைதான். சான்றாகக் கடவுச் சீட்டு நிலையறிய முயன்றால் எப்பொழுதுமே காவல்துறை அறிக்கை எதிர்பார்க்கப்படுவதாகத்தான் செயதி வரும்.எனவே, அன்றாடம் புதுப்பிக்கப்பட்டு உண்மையிலேயே நடைமுறைப் படுத்தாமல் பெயரளவிற்குச் செய்தியை வெளியிட்டுப் பயன் என்ன? 
வருத்தத்துடன் இலக்குவனார் திருவள்ளுவன்
By Ilakkuvanar Thiruvalluvan
9/17/2010 3:06:00 AM
உங்கள் கருத்தைப் பதிவு செய்யுங்கள் *