voter லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
voter லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

ஞாயிறு, 22 ஏப்ரல், 2012

தமிழரின் வாக்கு வலிமையை உணர்ந்து தமிழ் ஈழத்தைமலரச் செய்யட்டும்


 
தமிழர்களின் வாக்குப் பலத்தை உணர்ந்த கான்சர்வேட்டிவ் கட்சி !
http://www.athirvu.com/target_news.php?getnews=news&action=fullnews&showcomments=1&id=2332
21 April, 2012 by admin
பிரித்தானிய ஆழும் கட்சியான கான்சர்வேட்டிவ் கட்சி, தனது மத்திய குழுவின் கொள்கை விளக்க துண்டுப் பிரசுரங்களின் ஒரு பகுதியை தமிழில் அச்சடித்துள்ளனர் என அதிர்வு இணையம் அறிகிறது. கான்சர்வேட்டிவ் கட்சியின் தலைமையகத்தில் கொள்கை விளக்க துண்டுப்பிரசுரங்கள் பல அச்சடிக்கப்பட்டு வருகின்றன. ஆங்கிலத்தில் அச்சாகும் இந்த துண்டுப் பிரசுரங்களில் சில தமிழிலும் அச்சாகிவருகின்றது. கடந்தகாலங்களில் பிரித்தானியாவில் ஆட்சியில் இருந்த லேபர் கட்சி(தொழில்கட்சி) தமிழர்கள் விடையத்தில் அதிக அக்கறைகாட்டி வந்தது. இதனால் பல தமிழர்கள் தமது வாக்குகளை லேபட் கட்சிக்கு அள்ளிவழங்கினார்கள்.

இதனை நன்கு அறிந்துகொண்ட, ஆழும் கட்சியான கான்சர்வேட்டிவ் கட்சியானது தற்போது தமிழர்களை தம்பக்கம் இழுக்கும் நடவடிக்கையில் ஈடுபட்டுள்ளனர். இதில் குறிப்பாகச் சொல்லப்போனால் தமிழர்கள் வாக்குப் பலம் என்ன என்பதனை கான்சர்வேட்டிவ் கட்சி நன்கு புரிந்துவைத்துள்ளது. பிரித்தானியாவில் பல்லின மக்கள் பலர் இருந்தாலும், தமிழில் தமது துண்டுப்பிரசுரங்களை இவர்கள் ஆச்சடிப்பது பெரும் ஆச்சரியமான விடையமாகும் ஆகும்.

ஞாயிறு, 10 ஏப்ரல், 2011

First Voter pravinaa : தமிழகத்தின் முதல் வாக்காளர் பிரவீணா!

அடக்கடவுளே! தமிழ்நாட்டுப்பதவிகளில்தான் முதலிடத்தில் தமிழர்கள் இல்லையென்றால். ..... வாக்காளரிலுமா? யாருக்கு வாக்களிப்போம் எனச் சொல்வது சட்டப்படிக் குற்றம் எனத் தேர்தல் ஆணையம் அறிவித்து இருக்கும்போது  இவ்வாறு இன்னாரு்க்கு வாக்களிக்கிறார் என்பதைக் கேட்டு வெளியிடலாமா?  எப்படியோ தமிழ்நாட்டுச் சாதனைகளை அயலவர் உணர்ந்தால் சரி.அன்புடன் இலக்குவனார் திருவள்ளுவன் / தமிழே விழி! தமிழா விழி! / எழுத்தைக் காப்போம்!  மொழியைக் காப்போம்! இனத்தைக் காப்போம்!

தமிழகத்தின் முதல் வாக்காளர் பிரவீணா!



கும்மிடிப்பூண்டி,ஏப்.9: தமிழக சட்டப் பேரவைத் தேர்தலில் முதல் வாக்காளர் என்ற பெருமையை கும்மிடிப்பூண்டி தொகுதியின் எகுமதுரை ஊராட்சியைச் சேர்ந்த பிரவீணா (24) என்பவர் பெறுகிறார்.  தமிழகத்தில் உள்ள 234 சட்டப் பேரவைத் தொகுதிகளில் எண்ணிக்கை அடிப்படையில் முதல் தொகுதி என்ற பெருமைக்குரியது கும்மிடிப்பூண்டி. இந்தத் தொகுதியில் வாக்காளர் பட்டியலில் முதலாவது வாக்காளராக பாகம்-1 பிரிவில் 1ல் எகுமதுரை ஊராட்சியைச் சேர்ந்த 1-வது வார்டில் வசிக்கும் பிரவீணா இடம்பெற்றுள்ளார்.  எகுமதுரை பகுதியைச் சேர்ந்த குசேலன் என்பவரின் மனைவியான பிரவீணா, இந்தத் தேர்தலில் முதன் முறையாக வாக்களிக்க உள்ளார் என்பது குறிப்பித்தக்கது.  இவர் பிறந்த ஊர் ஆந்திர மாநிலம் நெல்லூர் மாவட்டம் தடா மண்டலத்தை சேர்ந்த வேநாடு பகுதியாகும். பிற மாநிலத்தில் இருந்து தமிழகப் பகுதிக்கு திருமணம் செய்து கொண்டு வந்த பிரவீணாவுக்கு தமிழகத்தின் முதல் வாக்காளர் என்ற பெருமையை பெற்றுள்ளனர். தேர்தலில் யாருக்கு வாக்களிக்க உள்ளீர்கள் என்பது குறித்தும் பிரவீணாவை கேட்ட போது, அவர் கூறியது: ÷நான் திருமணத்துக்குப் பிறகு இப்பகுதிக்கு வந்து முதல் முறையாக வாக்களிக்க உள்ளேன் என்பது மகிழ்ச்சியாக உள்ளது. எங்கள் பகுதியில் அனைவருக்கும் கலர் டி.வி., இலவச கேஸ் அடுப்பு வழங்கியதோடு மாணவர்கள், இளைஞர்கள் விளையாட விளையாட்டு மைதானம் எல்லாம் தி.மு.க. ஆட்சியில் நிறைவேற்றி தந்துள்ளார்கள். அதோடு எங்களுக்கு இருந்த ரூ.1 லட்சம் விவசாய கடனையும் தமிழக அரசு தள்ளுபடி செய்துள்ளது. எனவே எனது முதல் வாக்கு தி.மு.க. கூட்டணியில் கும்மிடிப்பூண்டியில் போட்டியிடும் பா.ம.க. வேட்பாளர் கே.என்.சேகருக்கே என்றார்.

வெள்ளி, 1 ஏப்ரல், 2011

S.M.S. to voters: ஏமாறாமல் இருந்தால் ஏற்றம் பெறலாம்'

இவ்வாறு பலரும் தேர்தல் விழிப்புணர்வு பற்றிய குறுஞ்செய்திகளை அனுப்பி வருகின்றனர். நான்  அரசியல் ஆத்திசூடி என அனுபபி வருகின்றேன். இதுவரை அனுப்பியவை.1. அறநெறி தவறுவோர்க்கு வாக்கு அளிக்காதீர்! 2. ஆருயிர்த் தமிழைப் போற்றாதவர்க்கு வாக்களிக்காதீர்! 3. இனப் பகைவருக்கு வாக்களிக்காதீர். 4. ஈழத் தமிழர்களை அழித்தவர்க்கு வாக்களிக்காதீர்!  5. உண்மை பேசாதவர்க்கு வாக்களிக்காதீர்  6. ஊழலில் வாழ்பவர்க்கு வாக்களிக்காதீர்! 7.  எளிமையை மறந்தவர்க்கு வாக்களிக்காதீர்! 8. ஏய்த்துப் பிழைப்பவர்க்கு வாக்களிக்காதீர்!  9. ஐயததிற்கு இடம் ஆனவர்களுக்கு வாக்களிக்காதீர்! 10. ஒழுக்கக் கேடர்களுக்கு வாக்களிக்காதீர்! 11.ஓய்விலே சுவை காண்பவருக்கு வாக்களிக்காதீர்!  ௧௨ . ஔவியம் (அழுக்காறு) உடையவர்க்கு வாக்களிக்காதீர்! 13. அஃகம் (முறைமை ) தவறுபவர்க்கு வாக்களிக்காதீர்! 14*. கயவருக்கு வாக்களிக்காதீர்!  தேர்தல் ஆத்திசூடி என்னும் தலைப்பில் thiru-thoazhamai@googlegroups.com குழுவிலும் நாள்தோறும் காணலாம்.அன்புடன் இலக்குவனார் திருவள்ளுவன் / தமிழே விழி! தமிழா விழி! / எழுத்தைக் காப்போம்!  மொழியைக் காப்போம்! இனத்தைக் காப்போம்!






கண்ணியமான தேர்தல்-2011 குறித்து வாக்காளர்களிடம் விழிப்புணர்வு ஏற்படுத்தும் வகையில், ஆம்பூர் ஜமாத்தே இஸ்லாமி இந்த் அமைப்பு தினந்தோறும் வாக்காளர்களுக்கு எஸ்எம்எஸ் அனுப்பி வருகிறது.  வியாழக்கிழமை அனுப்பிய எஸ்.எம்.எஸ்ஸில் குறிப்பிட்டிருப்பது:  "ஏமாறாமல் நாம் இருந்தால் ஏற்றம் பெறும் நம் நாடு. வரும் ஏப்ரலிலும் ஏமாந்தால் - அது ஏங்கி நிற்கும் நம்மோடு! கடமையை செய்வோம் கண்ணியம் காப்போம்.

ஞாயிறு, 13 பிப்ரவரி, 2011

pazha nedumaran about voters duty: வரிப்பணம் கொள்ளை போவதைத் தடுக்கும் கடமை மக்களுக்கு உள்ளது: பழ.நெடுமாறன்

மக்கள் நலனில் கருத்து செலுத்தும் மக்களாட்சி வேண்டுமென்றால் நெடுமா வேண்டுவதுபோல் மக்கள் தங்கள் பொறுப்புரிமையை உணர வேண்டும். வாக்காளர்கள் நேர்மையாக இருந்தால்தான் நேர்மையான சார்பாளர்கள் தேர்ந்தெடுக்கப்படுவர். வாக்கு நேரப் பயன்களுக்கு ஆசைப்பட்டு ஏனோதானோ என்று வாக்களித்தால் நாடு மேலும் மோசமாகும். மக்கள் தாங்கள் விரும்பும் கட்சித் தலைமைக்குக் கொத்தடிமைகளாக இல்லாமல் நேர்மையான வேட்பாளர்களுக்கு வாக்களிக்க வேண்டும். வேட்பாளர்களைக் கட்சிகள் முடிவெடுக்கும் முன்னரே இதனை உணர்த்தி அனைத்துக் கட்சியினரும் நேர்மையானவர்களை வேட்பாளர்களாக நிறுத்த முயல வேண்டும். தமிழர்களையும் தமிழையும் அழிப்போருக்கு வாக்களிக்கக் கூடாது. அன்புடன் இலக்குவனார் திருவள்ளுவன்



வரிப்பணம் கொள்ளை போவதைத் தடுக்கும் கடமை மக்களுக்கு உள்ளது: பழ.நெடுமாறன்

சென்னை, பிப்.12: தங்களது வரிப்பணம் கொள்ளை போவதைத் தடுக்கும் கடமை மக்களுக்கு உள்ளது என்று தமிழர் தேசிய இயக்கத் தலைவர் பழ.நெடுமாறன் கூறினார். தமிழர் பண்பாட்டுப் பெருமன்றம் சார்பில் வரும் சட்டமன்றத் தேர்தலில் வாக்காளர்கள் செய்ய வேண்டியது என்ன என்பது தொடர்பான ஆலோசனைக் கூட்டம் சென்னையில் சனிக்கிழமை நடைபெற்றது. அதில் அவர் பேசியது:   அகில இந்திய அளவிலும், மாநில அளவிலும் அரசியலில் இப்போது வாரிசுகளை முன்னிறுத்துகிறார்கள். மன்னராட்சி மீண்டும் நடைபெறுவது போல் உள்ளது. இது ஜனநாயகத்துக்கு விடப்பட்டுள்ள அறைகூவல். மக்கள் இதைச் சந்திக்கவில்லை என்றால் ஜனநாயகம் அழிந்துபோகும்.  வாக்காளர்கள் எந்த அளவுக்குத் தகுதி பெற்றவர்களாக இருக்கிறார்களோ, அதற்கேற்ற அளவுதான் பிரதிநிதிகள் வருவார்கள். வாக்காளர்கள் நேர்மையாகத் தகுதியைப் பார்த்து மட்டுமே வாக்களிக்க வேண்டும்.  பணம், சலுகைகள், பரிசுகள் பெற்றுக்கொண்டு வாக்களிப்பதன் மூலம் மக்கள் தங்களைத் தாங்களே ஏமாற்றிக்கொள்கிறார்கள்.  ஊழல் அரசியல்வாதிகளை தேர்ந்தெடுத்ததால்தான் 1.76 லட்சம் கோடி ஊழல் நடக்கிறது. சரியான நபர்களைத் தேர்ந்தெடுத்திருந்தால் இதுபோன்ற ஊழல்கள் நடைபெற்றிருக்காது. இப்போது வரிசையாக ஊழல்கள் வெளிவந்துகொண்டிருக்கின்றன. இதில் மக்களுக்கும் பொறுப்பு உள்ளது. சிறுதொகையைப் பெற்றுக்கொண்டு அளிக்கும் வாக்கு,  அந்த மக்களின் எதிர்காலத்தையே நாசம் செய்துவிடும். சோழர் கால ஆட்சியில் குடவோலை முறைப்படி, ஊழல் செய்தவர்கள், மக்கள் பணத்தைக் கையாடல் செய்தவர்கள் ஆயுள் முழுக்க தேர்தலில் நிற்க முடியாது என்று தடைசெய்யப்பட்டிருந்தது.  இதுபோன்ற கடுமையான சட்டங்கள், மரபுகள் கொண்டுவரப்பட்டால் ஒழிய ஊழலைத் தடுக்க முடியாது. தங்களது வரிப் பணம் கொள்ளையடிக்கப்படுவதைத் தடுக்கும் கடமை மக்களுக்கு உள்ளது. மக்கள் பெரிய புரட்சியை நடத்தினால்தான் நல்லாட்சியைப் பெற முடியும். அமைதியான புரட்சியாக இந்தத் தேர்தலைக் கருதி, நேர்மையானவர்களுக்கும், ஈழத் தமிழர் நலனில் அக்கறை உள்ளவர்களுக்கும் வாக்களிக்க வேண்டும் என்றார். தமிழர் பண்பாட்டுப் பெருமன்றத்தின் தலைவர் டாக்டர் செ.நெ.தெய்வநாயகம் பேசும்போது, "உங்களுடைய ஒவ்வொரு வாக்குச் சீட்டும் மிகப்பெரிய அதிகாரப் புள்ளி. அதைச் சரியாகப் பயன்படுத்த வேண்டும்' என்றார். பத்திரிகையாளர் அரு.கோபாலன், பேராசிரியர் சீமன்.நாராயணன் உள்ளிட்டோர் இதில் பேசினர்.