முள்ளிவாய்க்கால் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
முள்ளிவாய்க்கால் லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

செவ்வாய், 11 மார்ச், 2025

ஞாலத்தலைவர் மேதகு பிரபாகரன் புகழ் வணக்க நாள்

 

ஞாலத்தலைவர் மேதகு பிரபாகரன் புகழ் வணக்க நாள்



“தமிழினத்தின் தேசிய அடையாளத்தை நிலை நிறுத்தி முள்ளிவாய்க்கால் இறுதிப் போர் வரையும் உறுதி குலையாது, படைநடத்தி, தான் வரித்துக் கொண்ட உயரிய லட்சியத்தையும் தனது வழிநடத்தலையும் உளமார ஏற்று உயிர்களை விதையாக்கிய மாவீரர்களின் தியாகங்களையும் இலட்சியக் கனவுகளையும் நெஞ்சிருத்தி, எதிரிப்படையோ இறுதிக் கணம் வரை துணிவோடு களமாடி பிரபாகரன், 2009-ம் ஆண்டு மே மாதம் 18-ஆம் நாள், வீரச்சாவைத் தழுவிக் கொண்டார் என்பதை தமிழீழ மாவீரர் பணிமனை அறியத் தருகிறது. பிரபாகரன், வீரச்சாவினை உறுதிப்படுத்தி நெஞ்சைப் பிளக்கும் இப்பெரும் துயரமிகு அறிவிப்பை, அவரது வழிநடத்தலை உளமார ஏற்றுப் போராடிய போராளிகளுக்கும் ஒப்பற்ற தேசியத் தலைமையாக தமது நெஞ்சங்களில் சுமந்திருக்கும் எம்முயிரினும் மேலான தமிழ் மக்களுக்கும் பெருந்துயரத்தோடு வெளிப்படுத்திக் கொள்ளும் அதேவேளை எமது வீரவணக்கத்தையும் தெரிவித்துக் கொள்கிறோம்.”

என ‘விடுதலைப் புலிகள் மாவீரர் பணிமனை என்ற பெயரில் அறிக்கை ஒன்று ஊடகங்களுக்கு அனுப்பி வைக்கப்பட்டுள்ளது.

“வரலாற்றில் எமக்குக் கிடைத்த அரும் பொருட் குவையான, பிரபாகரனுக்கு அவரது வழியில் களமாடிய போராளிகள், சமூகக் கட்டமைப்பினர், புலம் பெயர் தாயக-தமிழக உறவுகள் என அனைவரும் ஒன்றிணைந்து அவரது வீரவணக்க நிகழ்வை தாயகம், தமிழகம் உட்பட தமிழ் மக்கள் பரந்துவாழும் உலகப்பரப்பு எங்கும், நடத்துகிற அதேவேளையில் அனைவரும் ஒன்றிணையக் கூடிய ஐரோப்பிய நாடு ஒன்றில் 2025-ம் ஆண்டு நடுப்பகுதியில், உலகம் போற்றும் பேரெழுச்சியாக முன்னெடுக்க இருக்கிறோம்.

என்றும் இப்பணிமனை அறிவித்திருக்கிறது.

இவ்வறிக்கையின் பொய்மை மெய்மை குறித்து ஆராயாமல் மேதகு பிரபாகரன் புகழ் போற்ற வேண்டியது நம் கடமை என்பதை உணர வேண்டும். அவர் மறைவில் இருந்தாலும் புகழ் போற்றவேண்டும்! மறைந்திருந்தாலும் புகழ் போற்ற வேண்டும்!  எனவே, வரும் வைகாசி 05 / மே 18 அன்று முள்ளிவாய்க்கால் நினைவு நாள் கொண்டாடுவதுடன் நாம்

மேதகு பிரபாகரன் புகழ் வணக்க நாளையும் உலகெங்கும் கொண்டாட வேண்டும்

எனத் தமிழ்க்காப்புக் கழகம் சார்பில் வேண்டுகோள் விடுக்கின்றோம்.




சனி, 16 மே, 2020

முள்ளிவாய்க்கால் மே18 – தமிழீழத் தேசியத் துக்க நாளை நினைவேந்தத் தயாராவோம் !



முள்ளிவாய்க்கால் மே18 – தமிழீழத் தேசியத் துக்க நாளை நினைவேந்தத் தயாராவோம் ! – நாடு கடந்த தமிழீழ அரசாங்கம் அறைகூவல்.

கறுப்புப்பட்டி அணிதல்
சுடரேற்றல்
முள்ளிவாய்க்கால் கஞ்சி

உலகத்தமிழர்களின் முள்ளிவாய்க்கால் நினைவேந்தல் நிகழ்வு
முள்ளிவாய்க்கால் நினைவுப்பேருரை
மரக்கன்றுகள் வழங்குதல்

தமிழர் வரலாற்றில் முதன்மையான ஒர் கூட்டு நினைவாக அமையும் மே-18 முள்ளிவாய்க்கால் தமிழினஅழிப்பின், தமிழீழத் தேசிய துக்க நாளினை நினைவேந்திக் கொள்ள நாம் தயாராவோம் என நாடுகடந்த தமிழீழ அரசாங்கம் அறைகூவல் விடுத்துள்ளது.
கறுப்புப்பட்டி அணிதல், சுடரேற்றல், முள்ளிவாய்க்கால் கஞ்சி, முள்ளிவாய்க்கால் நினைவுப்பேருரை, மரக்கன்றுகள் வழங்குதல் எனத் தமிழினப்படுகொலையினை நினைவேந்தும் செயற்பாடுகளுடன், இந்நாளில் சிறப்பாக உலகளாவிய முள்ளிவாய்க்கால் நினைவேந்தல் நிகழ்வொன்றினையும் இணையவழியூடாக ஏற்பாடு செய்துள்ளது. தாயகம், தமிழகம், புலம்பெயர் நாடுகள் என்று உலகெங்கும் உள்ள தமிழர் தலைவர்கள், அமைப்புச் சார்பாளர்கள் ஒன்றுகூடி இதில் நினைவேந்துகின்றனர் என்றும் தெரிவிக்கப்பட்டுள்ளது.
நாடுகடந்த தமிழீழ அரசாங்கத்தின் தலைமையர்   பணிமனை விடுத்துள்ள ஊடக அறிக்கையின் முழுமையான விவரம் :  
ஈழத்தமிழருக்கு எதிரான இனப்படுகொலையின் ஓர் இரத்தச் சான்றாக விளங்கும் முள்ளிவாய்க்கால், உலகில் வாழும் அனைத்துத் தமிழர்களின் கூட்டுநினைவிலும் நிலைத்து நிற்கும் நாளாக அமைகிறது. 
உலகளாவிய நிலையில் நெருக்கடியினை ஏற்படுத்தியுள்ள மகுடை(கொரோனா) பெருந்தொற்;றினால்,  மக்கள் ஒன்றுகூடுகின்ற பொதுநிகழ்வுகளை நடத்த முடியாத நிலை ஏற்பட்டிருக்கும் ஒரு சூழலில், முள்ளிவாய்க்கால் இனவழிப்பின் 11ஆவது ஆண்டு நினைவினை உலகெங்கும் வாழும் தமிழ்மக்கள் நேரடியாக ஒன்றுகூடி நினைவு கூர முடியாத நிலை ஏற்பட்டிருக்கிறது.

எமது மக்கள் போரே வாழ்வாகவும், வாழ்வே போராகவும் கொண்டு வாழ்ந்து வந்தவர்கள். பல்வேறு நெருக்கடிகளை எதிர்கொண்ட போதும் விடுதலைப் பயணத்தினைத் தமது தோளேந்தி நின்றவர்கள். முள்ளிவாய்க்கால் இனஅழிப்பின் பின்னரும் சிங்களத்தின் ஆக்கிரமிப்புக்கு எதிராக உரிமைக்குரல் எழுப்பி வருபவர்கள்.  முள்ளிவாய்க்கால நினைவுடன் மே 18இனைத், தேசிய துக்க நாளாகக் கடைப்பிடிப்பது எமது தேசிய  உயிர்ப்புணர்வை வலுப்படுத்தும் செயன்முறையாக இருக்கிறது. இதனால் மகுடை(கொரோனா) பெருந்தொற்றினால் ஏற்பட்டுள்ள இன்றைய இந்த நெருக்கடியினை நாம் எதிர்கொண்டவாறு, துயர்தோய்ந்த, அவலம் நிரம்பிய முள்ளிவாய்க்கால் கூட்டுநினைவுகளை நமது வீடுகளில் இருந்தவாறு நினைவேந்துவோம்.
இந் நாளில் பின்வரும் நினைவேந்தல் செயன்முறைகளுக்கு நம்மைத் தயராக்கிக் கொள்வோம்.
1. மே 18 ஆம் நாள் திங்கட்கிழமை எமது வீடுகளில் சுடரேற்றி முள்ளிவாய்க்காலை குடும்பமாக நினைவேந்திக் கொள்வோம்.
2. இந்நாளில் வேலைத்தளங்களுக்கோ, இன்றியமையாத் தேவைகளுக்கோ வெளியில் செல்பவர்கள் கறுப்புப்பட்டியணிந்து சென்று எமது மக்கள் பட்ட துயரினை உலகுக்கு வெளிப்படுத்துவோம்.
3.‘இன்னுமொரு முள்ளிவாய்க்காலை நடக்கவிடமாட்டோம்’ என்ற உறுதியினை எமது அடுத்த மரபினரின் மனங்களில் நிறைய வைக்க, முள்ளிவாய்க்கால் மக்களின் அவலத்தினை நினைவிற் கொள்ளும் ‘முள்ளிவாய்க்கால் கஞ்சியினை’ குடும்பமாக உண்போம். இம் «முள்ளிவாயக்கால் கஞ்சி» என்பது எமது மக்கள் பட்ட துயரினை நாம் உள்ளுணர்ந்து அன்றைய நாள் எமது விடுகளில் நாம் ஆக்கி உணவாக உட்கொள்ளும் கஞ்சியினைக் குறிக்கும். (இ)யூதர்கள் தமக்கென்று ஓர் தேசம் உருவாகிய பின்னரும், கஞ்சி குடித்து தமதினத்தின்; அவலத்தை நினைவு கொள்வதுபோல், முள்ளிவாய்க்காலில் அமைக்கப்பட்ட கஞ்சிக்கொட்டில்கள் குண்டுமழைக்கும் மத்தியிலும் மக்களின் பசிதீர்த்தது போல் நாமும் முள்ளிவாய்க்கால் இனவழிப்பு நினைவுநாளில் கஞ்சி உண்டு எமது மக்களின் முள்ளிவாய்க்கால் இனவழிப்புக்கால வாழ்வியலைக் காலாதி காலம் நினைவிற் கொள்ளவோம்.
 4. இந்நாளில் உலகத்தமிழர்களின் முள்ளிவாய்க்கால் நினைவேந்தல் நிகழ்வு இணையவழியே (அமெரிக்கா) புதுயோர்க்கு காலை 8 மணி, ஐரோப்பா நண்பகல் 14 மணி, இந்தியா, இலங்கை மாலை 5:30 மணிக்கு இடம்பெற இருக்கின்றது. இதில் தாயகம், தமிழகம், புலம்பெயர் நாடுகள் என்று உலகெங்கும் உள்ள தமிழர் தலைவர்கள், அமைப்புச் சார்பாளர்கள்  ஒன்றுகூடி நினைவேந்துகின்றனர். இந்த இணையவழி நிகழ்வினைத் தமிழர் ஊடகங்களிலும், சமூகவலைத்தளங்களிலும் காணலாம்.
5. இந்நாளில் ஆண்டுதோறும் உலக ஆளுமைகள் பங்கு கொள்ளும் முள்ளிவாய்க்கால் நினைவுப்பேருரையும் சிறப்புற இணையவழி மூலமாக உலகத்தமிழர்கள் காணும் வகையில் இடம்பெற இருக்கின்றது.   
6.இதேவேளை முள்ளிவாய்க்கால் நினைவேந்தல் வாரத்தினை முன்னிட்டு மே12 ஆம் நாள் முதல் வீட்டுத்தோட்ட மரக்கன்றுகளைத் தமிழர் தாயகத்தில் வழங்குவதற்கு நாடுகடந்த தமிழீழ அரசாங்கம் ஏற்பாடுகளைச் செய்து வருவதோடு, வழமைபோல் நாடுகடந்த தமிழீழ அரசாங்கத்தின் அரசவை கூடி முள்ளிவாய்க்கால் நினைவேந்தல் வாரத்தினை உணர்வுபூர்வமாக தொடங்கி வைக்க இருக்கின்றது.
முள்ளிவாயக்கால் இனவழிப்பின் தம்முயிர் ஈந்தவர்கள் நினைவுடன் தமிழீழத் தேசத்தின் விடுதலைக்காகத் தொடர்ந்து ஓயாது உழைப்போம் என உறுதி எடுத்துக் கொள்வோம் என நாடுகடந்த தமிழீழ அரசாங்கத்தின் ஊடக அறிக்கையில் தெரிவிக்கப்பட்டுள்ளது.
நினைவேந்தல் வணக்கப் பாடல் : http://youtu.be/BUPRH4yugyQ
தமிழீழத் தேசிய துக்க நாள் பாடல் : http://youtu.be/U2ZkYdI9vaw—

செவ்வாய், 17 டிசம்பர், 2013

முள்ளிவாய்க்கால் முற்றம்: பழ. நெடுமாறன் வழக்கு

முள்ளிவாய்க்கால் முற்றம்: அரசின் நடவடிக்கைக்கு த் தடை கோரி பழ. நெடுமாறன் வழக்கு

முள்ளிவாய்க்கால் நினைவு முற்றத்துக்கு அளிக்கப்பட்ட திட்ட அனுமதியை ரத்து செய்ய தமிழக அரசு எடுத்துவரும் நடவடிக்கைக்கு தடை கோரி சென்னை உயர் நீதிமன்றத்தில் உலகத் தமிழர் பேரமைப்பு அறக்கட்டளையின் தலைவர் பழ. நெடுமாறன் வழக்கு தொடர்ந்துள்ளார்.
இது தொடர்பாக சென்னை உயர் நீதிமன்றத்தில் அவர் தாக்கல் செய்த மனுவின் விவரம்:
இலங்கையில் நடைபெற்ற இறுதிப்போரின்போது கொல்லப்பட்ட ஈழத் தமிழர்களின் நினைவாக தஞ்சாவூர் அருகே விளார் கிராமத்தில் முள்ளிவாய்க்கால் நினைவு முற்றம் கட்டப்பட்டுள்ளது. இதன் திறப்பு விழா கடந்த மாதம் 6-ஆம் தேதி நடைபெற்றது. நெடுஞ்சாலைத் துறை மற்றும் அரசிடம் முறையாக அனுமதி பெற்று இந்த நினைவுச் சின்னம் அமைக்கப்பட்டது.
ஆனாலும் முள்ளிவாய்க்கால் நினைவு முற்றத்தின் சுற்றுச்சுவர் மற்றும் பூங்கா ஆகியவை நெடுஞ்சாலைத் துறையினரால் இடித்துத் தள்ளப்பட்டது. அதனைத் தொடர்ந்து கடந்த நவம்பர் 14-ஆம் தேதி விளார் ஊராட்சித் தலைவர் எங்கள் அறக்கட்டளைக்கு விளக்கம் கேட்டு நோட்டீஸ் அனுப்பியுள்ளார்.
அதில், முள்ளிவாய்க்கால் நினைவு முற்றத்துக்கு அளிக்கப்பட்ட திட்ட அனுமதியில் கூறப்பட்டுள்ள விதிமுறைகள் மீறப்பட்டுள்ளது. கிராம ஊராட்சிக்குச் சொந்தமான இடம் ஆக்கிரமிக்கப்பட்டுள்ளது. எனவே, நினைவு முற்றத்துக்கு அளிக்கப்பட்ட திட்ட அனுமதியை ஏன் ரத்து செய்யக் கூடாது எனக் கூறப்பட்டுள்ளது.
இதன் மூலம் முள்ளிவாய்க்கால் நினைவு முற்றத்துக்கு அளிக்கப்பட்ட கட்டட அனுமதியை ரத்து செய்ய தமிழக அரசு நடவடிக்கை எடுத்து வருவதாகத் தெரிகிறது.
எனவே, அரசின் இந்த நடவடிக்கைக்கு தடை விதிக்க வேண்டும் என மனுவில் பழ. நெடுமாறன் குறிப்பிட்டுள்ளார்.
இந்த மனு நீதிபதிகள் சதீஷ் கே. அக்னிகோத்ரி, கே.கே. சசிதரன் ஆகியோர் முன்னிலையில் திங்கள்கிழமை விசாரணைக்கு வந்தது. அப்போது ஆஜரான தமிழக அரசின் தலைமை வழக்குரைஞர் ஏ.எல். சோமையாஜி, இது தொடர்பான வழக்கு உயர் நீதிமன்றத்தின் மதுரை கிளையில் இருப்பதால், இந்த வழக்கை சென்னை உயர் நீதிமன்றத்தில் விசாரிக்கக் கூடாது என்று வாதிட்டார்.
அதனைத் தொடர்ந்து இந்த வழக்கின் விசாரணையை செவ்வாய்க்கிழமைக்கு (டிசம்பர் 17) தள்ளிவைத்து நீதிபதிகள் உத்தரவிட்டனர்.