”நான் பார்வையாளன் அல்லன்” நாடகமும் ஃச்டேன்சாமி குறித்த முந்நூலும்

 அகரமுதல

இலக்குவனார் திருவள்ளுவன்      13 August 2022      No Comment

ஆவணி 28, 2053 சனி மாலை 4.30 13.08.2022

அருண் உணவகம், தொடரிநிலையம் அருகில், திருச்சிராப்பள்ளி

குவிகம் அளவளாவல் : 14.02.2021

 அகரமுதல

இலக்குவனார் திருவள்ளுவன்      13 February 2021      No Commen
t

மாசி 02.2052  ஞாயிறு 

14.02.2020 மாலை 6.30

குவிகம் இணைய  அளவளாவல்

நாடகக் கலைஞர்கள் பங்கேற்கும்

“நாடகமெல்லாம் கண்டோம் வாழ்விலே”

நிகழ்ச்சி தொடங்குவதற்கு 15 நிமிடங்களுக்கு முன்பாகவே நிகழ்வில் இணைய இயலும்.  நிகழ்வில் இணைய
கூட்ட எண் : Zoom  Meeting ID: 619 157 9931
கடவுக்குறி: Passcode: kuvikam123   
பயன்படுத்தலாம் அல்லது
https://us02web.zoom.us/j/6191579931?pwd=OFpIdWZxczdqUHRGY2JQb09ET0sydz09

இணைப்பைப் பயன்படுத்தலாம்.

 

இந்திய அரசின் காரணமாகவே இலங்கையில் தேர்தல் நடைபெற்றது: வாசன்

1 / 2 ) தனி  இறையாண்மை உடைள சிங்கள அரசின்  செயல்பாடுகளில் இந்தியா தலையிடாது எனக் கூறி அங்கு நடைபெற்ற இனப்படுகொலைக்கு எதிராகச் செயல்படாதது உண்மையா? இந்திய அரசின் அழுத்தம் காரணமாகவே தேர்தல் நடைபெறுவதாகக் கூறுவது உண்மையா? இனப்படுகொலைகளைத் தடுத்து நிறுத்தாததுடன் திட்டமிடுதலிலும் படையணிகளை அனுப்புவதிலும் படைக்கருவிகள், வேதியல் குண்டுகள் கொண்டு அழிப்பதிலும் உடந்தையாக இருந்த இந்திய அரசு, இப்பொழுதும் தொடரும் இனப்படுகொலைகளையும் கற்பழிப்புகளையும்  கட்டாயக் கருத்தடைகளையும் நிலப்பறிப்புகளையும் படையினரின் கொடுமைகளையும் தடுத்து நிறுத்தலாமே! தமிழக மீனவர்களின் படுகொலைகளைக்கூடத் தடுத்து நிறுத்த வகையற்ற சிங்கள அடிமையான இந்திய அரசு, தேர்தலுக்காகப் பொய்களை அவிழ்த்து விடுவதில் பயனில்லை. இந்தியாவிற்கு அழுத்தம் கொடுக்கும் ஆற்றல் இருப்பது உண்மையானால், ஈழப்பகுதிகளில் இருந்து சிங்களப் படைகளையும்  சிங்களக் குடியேற்றங்களையும் அப்புறப்படுத்த வேண்டும். அன்புடன் இலக்குவனார் திருவள்ளுவன் /தமிழே விழி! தமிழா விழி! எழுத்தைக்காப்போம்! மொழியைக் காப்போம்! இனத்தைக் காப்போம்!/ (தொடர்ச்சி  2/2 காண்க)

2 / 2) அப்படி எல்லாம் அடுத்த நாட்டில் மூக்கை நுழைக்க மாட்டோம் என்றால்,  (ஒன்று) வக்கற்ற அரசு என்பதை ஒப்புக் கொள்ள வேண்டும். (இரண்டு, ) சிங்களக் கூட்டாளி என்பதை ஏற்றுக் கொள்ள வேண்டும். கட்சியில் தன் அணியின் செல்வாக்கிற்காக மிரட்டும் பாணியில் தமிழர் நலனில் கருத்து உள்ளதுபோல் வாசன் நடிப்பதைக் காங்கிரசார் நம்பினாலும் தமிழ் மக்கள் நம்பத் தயாராக இல்லை. அன்புடன் இலக்குவனார் திருவள்ளுவன் /தமிழே விழி! தமிழா விழி! எழுத்தைக்காப்போம்! மொழியைக் காப்போம்! இனத்தைக் காப்போம்!/

இந்திய அரசின் அழுத்தம் காரணமாகவே இலங்கை வடக்கு மாகாணத்தில் தேர்தல் நடைபெற்றது:  வாசன்

By Web Dinamani

First Published : 26 September 2013 05:52 PM IST

• புகைப்படங்கள்

• 

இந்திய அரசின் அழுத்தம் காரணமாகவே இலங்கையில் வடக்கு மாகாணத்தில் தேர்தல் நடைபெற்றது என்றார் மத்திய கப்பல் போக்குவரத்துத் துறை அமைச்சரும், தமிழ்நாடு காங்கிரஸ் கமிட்டியின் முன்னாள் தலைவருமான ஜி.கே. வாசன்.தஞ்சாவூரில் அவர் அளித்த பேட்டியில் கூறியிருப்பதாவது:

காங்கிரஸ் கட்சிதான் எப்போதும் முதன்மையான அணி. இரண்டாவது அணி, மூன்றாவது அணி பற்றியெல்லாம் தெரியாது.காங்கிரஸ் கட்சித் தலைவர் சோனியா காந்தி 15 ஆண்டுகளாகவும், ராகுல் காந்தி 10 ஆண்டுகளாகவும் காஷ்மீர் முதல் கன்னியாகுமரி வரை மூலை முடுக்குக்கு எல்லாம் எந்தவித லாபத்தையும் எதிர்பார்க்காமல் மக்கள் பணிக்காகச் சுற்றுப் பயணம் செய்கின்றனர்.பாஜகவின் பிரதமர் வேட்பாளராக நரேந்திர மோடி அறிவிக்கப்பட்டதைத் தொடர்ந்து அவர் பல்வேறு பகுதிகளுக்குச் செல்கிறார். அதில், தமிழகம் வருகையும் ஒன்று.

சோனியா காந்தி, ராகுல் காந்தி காங்கிரஸ் கட்சியின் முதன்மைத் தலைவர்கள். அவர்கள் காட்டும் வழியை அனைத்து மத்திய அமைச்சர்கள், அனைத்து மாநிலத் தலைவர்கள், சட்டப்பேரவை, நாடாளுமன்ற, உள்ளாட்சி உறுப்பினர்கள், அடிதட்டு தொண்டர்கள் பின்பற்றி வருகிறோம். அவர்களுடைய கரத்தை வலுப்படுத்துவது எங்களது கடமை என்ற உரிமையோடு செயல்பட்டு வருகிறோம்.கடந்த 65 ஆண்டுகளாக இந்திய மக்கள் காங்கிரசுக்கு எதிராக வாக்களித்து ஆட்சி பீடத்தில் அமர்த்தினாலும், அது 3 அல்லது 4 முறைதான் நிகழ்ந்தது. அதிலும், பாஜக ஒரு முறைதான் ஆட்சிக்கு வந்தது.

காங்கிரஸ் கட்சியைப் பொருத்தவரை பழைமை மாறாமல் மக்களின் எண்ணங்களையும், உணர்வுகளையும் ஆழமாகப் புரிந்து கொண்டுள்ளது. விடுதலை வேள்வியில் ஈடுபட்ட தலைவர்களின் வழியைப் பின்பற்றி வருவதால், எங்களுடைய பணிக்கு மக்கள் உறுதியோடு வாக்களிப்பர் என நம்புகிறோம்.

இலங்கையில் தமிழர்கள் சம உரிமை பெறுவதற்காகவும், நலனுக்காகவும் அந்நாட்டு அரசிடம் இந்திய அரசு தொடர்ந்து வலியுறுத்தும். இந்திய அரசின் அழுத்தம் காரணமாகவே இலங்கையில் வடக்கு மாகாணத்தில் தேர்தல் நடைபெற்றது. இதன் மூலம், தமிழர் நலன் சார்ந்த நல்ல முடிவு ஏற்பட்டுள்ளது.இந்த வெற்றிக்குப் பிறகு தொடர்ந்து அமைதி திரும்ப வேண்டுமானால், அப்பகுதியிலிருந்து ராணுவம் வெளியேற வேண்டும் என்பதே வடக்கு மாகாணத்தின் முதல் கோரிக்கை என அம்மாகாணத்தின் முதல்வர் விக்னேஸ்வரன் தெரிவித்துள்ளார். அத்தகைய சூழலை இந்திய அரசு உடனடியாக ஏற்படுத்தும். அவ்வாறு ஏற்படுத்தினால் அங்கு வாழும் தமிழர்களுக்கு நம்பிக்கை ஏற்படும். மீனவர் பிரச்னையில் முழுமையான தீர்வு ஏற்படுவதற்கு மத்திய அரசு தொடர் முயற்சியை மேற்கொண்டு வருகிறது என்றார் வாசன்.

அப்போது, பட்டுக்கோட்டை தொகுதி சட்டப்பேரவை உறுப்பினர் என்.ஆர். ரெங்கராஜன் உள்ளிட்டோர் உடனிருந்தனர்.

தமிழ் ஈழப் பொதுவாக்கெடுப்பு - கலைஞரின் அடுத்த வாய்வீச்சு!

பாவம் கலைஞர்! இதுவரை தங்கள் கோரிக்கைகளுக்காகத்தான் போராடுபவர்களைப் பார்த்துள்ளோம்! ஆனால், இவரோ,  தமிழ் ஈழப் பொதுவாக்கெடுப்புதான் தீர்வு எனக் கூறிக் கொண்டு ஒன்றுக்கும் உதவாத 13ஆவது அரசமைப்புச் சட்டத்தீர்மானத்திற்காகப் போராட்டம் நடத்துவாராம்! அவர் என்ன செய்வார்? எப்படியும் காங்.உடனான கள்ளக்காதலை வெளிப்படையாகக் கூட்டணியாக்கிச் சில இடங்களிலாவது வெற்றி பெற வேண்டும். அதே நேரம் ஈழத்தமிழர் படுகொலைகளின் கூட்டாளியான அதனுடன் மறைமுகக் கூட்டாளியான தான் உறவு வைப்பதால் மேலும் கரைந்து போகும் தன் குடும்பக் கட்சியைக் காப்பாற்றிக் கரை சேர வேண்டும். ஆகவே,  தடுமாறுகிறார். தற்காலிகத் தீர்விற்காகப் போராடலாம் எனில், அதற்காக முதல்வர் மடல் எழுதக் கூடாதா?  

  உண்மையில் கலைஞருக்குத் தம் வீட்டு மக்கள் நலனை விட உலகத் தமிழ் மக்கள்மீது பரிவு இருக்குமெனில்,  தேர்தல் அடிப்படையில் சிந்திக்காமல், தமிழ் ஈழம் மலரவும் கொலையாளிகள் தண்டிக்கப் பெறவும் உலகத்தமிழர்கள் எங்கிருந்தாலும் உரிமையுணர்வுடன் வாழவும் போராடி வெற்றி காண வேண்டும். ஆனால், அப்படிச் செய்யமாட்டார். அதே நேரம் தன்கட்சியின் பக்கம் உள்ள 30 % மக்களை ஏமாற்றுவதற்காக நடிப்பார். எல்லாக் கட்சிகளையும் தூக்கி எறியும் மனப்பான்மை மக்களுக்கு வந்தது எனில், யார் நடிப்பும் எடுபடாது. அந்த நாள் விரைவில் வருவதாக! அன்புடன் இலக்குவனார் திருவள்ளுவன் /தமிழே விழி! தமிழா விழி! எழுத்தைக் காப்போம்! மொழியைக் காப்போம்! இனத்தைக் காப்போம்!/

கலைஞரின் நாடக உரை வருமாறு : -

13 ஆவது அரசியலமைப்புச் சட்டத்திருத்தம் ஈழத்தமிழர் சிக்கலுக்கு முழு அரசியல் தீர்வாக அமையாது: கருணாநிதி

By dn, சென்னை

First Published : 26 July 2013 07:43 PM IST

• புகைப்படங்கள்

• 

13வது அரசியலமைப்புச் சட்டத்திருத்தம் ஈழத்தமிழர் பிரச்சினைக்கு முழு அரசியல் தீர்வாக அமையாது என்று தி.மு.க. தலைவர் கருணாநிதி கூறியுள்ளார்.இது குறித்து அவர் வெளியிட்டுள்ள அறிக்கையில் கூறியிருப்பதாவது:-

இலங்கைப் பிரச்னையில் மத்திய அரசின் நிலையில் மாற்றம் எதுவும் இல்லை என்றும், தமிழர்களுக்குத் தன்னாட்சி கிடைக்கும் வரை மத்திய அரசின் பணி தொடரும் என்றும் முதல்வர் ஜெயலலிதாவுக்கு பிரதமர் மன்மோகன் சிங் எழுதியுள்ள கடிதத்தில் கூறியுள்ளார்.

எனக்கு (கருணாநிதி), மற்றும் சீத்தாராம் யெச்சூரிக்கு முன்பு எழுதிய கடிதத்திலும் பிரதமர் மன்மோகன் சிங், இலங்கை வாழ் தமிழர்கள் உள்பட அங்குள்ள அனைத்துத் தரப்பினரும் தங்களுக்குரிய உரிமைகளைப் பெற்று, நல்லணிக்கத்தோடு வாழ வேண்டுமென்ற கருத்தில் இந்தியா உறுதியாக இருப்பதாகத் தெரிவித்தார்.1987-ம் ஆண்டு இந்தியா - இலங்கைக்கு இடையே இலங்கையின் மாகாணங்களுக்கு அதிகாரப் பகிர்வு ஒப்பந்தம் நிறைவேறியது.இந்த ஒப்பந்தத்தை மீறும் வகையில் தற்போது இலங்கை அரசு அரசியல் சட்டத்தில் திருத்தம் கொண்டு வருகிறது.

இந்தப் பிரச்னையில் மத்திய அரசு உடனடியாகத் தலையிட்டு, இலங்கைத் தமிழர் பிரச்னைக்கு முழுமையானதும், நிரந்தரமானதுமான அரசியல் தீர்வு காண வேண்டும்.ராஜீவ்காந்தி - ஜெயவர்த்தனே ஒப்பந்தத்தை நிறைவேற்றுவதற்கு இலங்கை அரசுக்கு இந்தியா கடும் அழுத்தம் தர வேண்டும்.குரல் கொடுத்தவர்கள் எங்கே?... இலங்கையின் 13-வது அரசியல் சட்டத் திருத்தத்தைத் ரத்து செய்யக்கூடாது என்று முதல்வர் கடிதம் எழுதி,அதற்கு பிரதமர் உடனடியாகக் கடிதம் எழுதியுள்ளார்.

இதிலிருந்தே இலங்கைத் தமிழர் பிரச்னையின் தீவிரத்தை உணர்ந்துகொள்ள முடியும்.சட்டப்பேரவையில் இலங்கைக்குப் பொருளாதாரத் தடை விதிக்க வேண்டும் என்று ஜெயலலிதா தீர்மானம் கொண்டு வந்தபோது, சிலர் தமிழ் ஈழமே கிடைத்துவிட்டது என்பதைப் போல மகிழ்ந்தனர்.தற்போது 13-வது அரசியல் சட்டத் திருத்தம் தொடர்பாக பிரதமருக்கு முதல்வர் கடிதம் எழுதியக் கூடிய நிலைதான் உள்ளது.

இலங்கைத் தமிழர் பிரச்னை என்றாலே தாங்கள்தான் என்பது போல எல்லாவற்றுக்கும்  முந்திக் கொண்டு வந்தவர்கள் இப்போது எங்கே இருக்கிறார்கள் என்று தேட வேண்டிய நிலை இருக்கிறது.ஆர்ப்பாட்டம்: 13-வது அரசியலமைப்பு சட்டத் திருத்தம் ஈழத் தமிழர் பிரச்னைக்கு முழு அரசியல் தீர்வாக அமையாது.

இலங்கை உள்ளிட்ட அனைத்து நாடுகளிலும் வாழும் ஈழத் தமிழர்களிடையே ஐ.நா.மூலம் பொதுவாக்கெடுப்பு நடத்தி தீர்வு காண்பதுதான் நல்ல தீர்வாக அமையும்.எனினும் தாற்காலிக தீர்வாவது ஏற்பட வேண்டும் என்பதற்குத்தான் ராஜீவ்காந்தி - ஜெயவர்த்தனே ஒப்பந்தத்தை நிறைவேற்ற வேண்டும் என்று வலியுறுத்துகிறோம் இதை வலியுறுத்தியே டெசோ சார்பில் ஆகஸ்ட் 8-ம் தேதி தமிழகம் முழுவதும் மாவட்டத் தலைநகரங்களில் "தமிழர் பெருந்திரள் ஆர்ப்பாட்டம்' நடைபெற உள்ளது என்று கருணாநிதி தெரிவித்துள்ளார்.

இலங்கையில் பொது ஓட்டெடுப்பு: கருணாநிதி அடுத்தகட்ட யோசனை

 

சென்னை:"அனைத்து நாடுகளிலும், வாழும் இலங்கை த் தமிழர்களிடையே, பொது ஓட்டெடுப்பு நடத்தி, அவர்களின் கருத்தைக் கேட்டு தீர்வு காண்பது தான், இலங்கை தமிழர்களின் நலனுக்கு உகந்த தீர்வாக இருக்கும்' என, தி.மு.க. தலைவர் கருணாநிதி கூறியுள்ளார்.
அவரது அறிக்கை:விடுதலைப் புலிகளின் தலைவர் பிரபாகரனை கைது செய்து, இந்தியாவுக்கு கொண்டு வர வேண்டும் என, சட்டசபையில் தீர்மானம் நிறைவேற்றிய ஜெயலலிதாவே, தற்போது, அவற்றையெல்லாம் மறந்துவிட்டு, "இலங்கையிலே, 13 து சட்டத் திருத்தம் நீர்த்துப் போகாமல் பாதுகாக்கப்பட வேண்டும்' என, பிரதமருக்கு அவசர கடிதம் எழுதி, அதற்கு பிரதமரும் பதில் எழுதியிருக்கிறார்.சட்டசபையில், இலங்கை பிரச்னைக்காக, பொருளாதாரத் தடை விதிக்க வேண்டும் என, தீர்மானம் கொண்டு வந்தபோது, தமிழ் ஈழமே கிடைத்து விட்டது என்பதைப் போல, மகிழ்ச்சி அடைந்து, வானத்திற்கும், பூமிக்குமாக எகிறிக் குதித்தனர்.இலங்கை தமிழர் பிரச்னைக்கு, 13வது அரசியலமைப்பு சட்டத் திருத்தம், முழு அரசியல் தீர்வாக அமையாது. இலங்கை உள்ளிட்ட அனைத்து நாடுகளிலும் வாழும், இலங்கை தமிழர்களிடையே பொது ஓட்டெடுப்பு நடத்தி, அவர்களுடைய கருத்தைக் கேட்டு தீர்வு காண்பது தான், இலங்கை தமிழர்களின் நலனுக்கு உகந்த தீர்வாக இருக்கும் என்பது தான், "டெசோ' அமைப்பின் நிலைப்பாடு.இவ்வாறு, கருணாநிதி கூறியுள்ளார்.
 

இனி தி.மு.க. நெருக்குதல் கொடுக்குமாம்? ஆட்சியில் முடியாதது இப்பொழுது முடியுமாம்

பின்வருவனவற்றை டி.ஆர்.பாலுவும் அவரை இயக்குபவர்களும் புரிந்து கொள்ள வேண்டும்.

1. என்னதான் நாடகமாடினாலும், மக்கள், இனப்படுகொலையைக் கண்டும் காணாமல் இருந்த தி.மு.க.வை மன்னிக்க விரும்பவில்லை.

2. மாணவர்கள் போராட்டங்களும் மக்கள் எழுச்சியும் அடியோடு தோல்வியைத் தரும் என அஞ்சிப் பிரிவது போல் பிரிந்து தேர்தலுக்குப்பிறகு காங்.உடன் கூட்டணி சேரும் தி.மு.க. என மக்கள் நம்புகின்றனர்.

3. ஒருவேளை  பா.ச.க.வை ஆதிக்க வேண்டி வந்தாலும் இனப்படுகொலையாளர்களைத் தண்டிக்க மதவாதத்துடன் கூட்டு வைப்பதில் தவறு இல்லை என்றுதான் தி.மு.க. பேசும் என்பதும் மக்கள் நம்பிக்கை.

4.  முதல்வராக இருந்தும் ஒன்றும் செய்ய முடியாது என்பவர்கள் ஆட்சி இருந்தும் தம் வீட்டு மக்களைமட்டும் வளர்த்தவர்கள், இப் பொழுது  மட்டும் நெருக்குதல் கொடுக்கும் என்று சொல்வது எப்படி நடக்கும்?  இந்த நெருக்குதலை ஆட்சியில் இருந்த பொழுது கொடுத்திருந்தால் என்ன?

தொடர்ச்சி காண்க.

அன்புடன் இலக்குவனார் திருவள்ளுவன் /தமிழே விழி! தமிழா விழி! எழுத்தைக் காப்போம்! மொழியைக் காப்போம்! இனத்தைக் காப்போம்!/

(முன் தொடர்ச்சி)

5. இனப்படுகொலை என்பதை மறைத்துப் போர் என்றும் ஈழம் என்று சொல்வதை விரும்பாமலும் நிலை தடுமாறி உரைப்பதை மக்கள் பொருட்படுத்தவில்லை.

6. மக்கள் மீண்டும் ஆதரிக்க வேண்டும் என்றால்

ஈழத்தமிழர்கள் இனப்படுகொலை தொடர்பாகத் தி.மு.க.தலைமைக்குத் தெரிந்தவற்றைக் கூறி  வெளிப்படையாக ஈழத் தமிழர்களிடமும்  பிற உலகத் தமிழர்களிடமும் மன்னிப்பு கேட்க வேண்டும். அன்புடன் இலக்குவனார் திருவள்ளுவன் /தமிழே விழி! தமிழா விழி! எழுத்தைக் காப்போம்! மொழியைக் காப்போம்! இனத்தைக் காப்போம்!/

மத்திய அரசு மீதான திமுகவின் நிலை இனி கடுமையாக இருக்கும்: டி. ஆர். பாலு

By dn, புது தில்லி

First Published : 05 April 2013 04:37 AM IST

• புகைப்படங்கள்

• 

""மத்தியில் ஆளும் கூட்டணிக்கு ஆதரவு அளித்துவந்த திமுகவின் நிலை இதுவரை மிகவும் இணக்கமான முறையில் அமைந்திருந்தது. இனிவரும் நாள்களில் அவ்வாறு சும்மா இருக்கப் போவதில்லை. மத்திய அரசு மீதான எங்கள் அணுகுமுறையும் விமர்சனமும் இனி மிகக் கடுமையாக இருக்கும்'' என்று திமுக நாடாளுமன்ற குழு தலைவர் டி.ஆர். பாலு கூறினார்.

இது தொடர்பாக தில்லியில் "தினமணி' நிருபரிடம் வியாழக்கிழமை அவர் கூறியதாவது:

காவிரி விவகாரத்தில் நடுவர் மன்றம் வழங்கிய இறுதித் தீர்ப்பை அரசிதழில் வெளியிட்டு விட்டதால் நிரந்தர தீர்வு கிடைத்துவிட்டதாக சிலர் பெருமிதப்படுகின்றனர். அரசிதழில் நடுவர்மன்றத் தீர்ப்பு வெளியிடப்பட்டது ஒரு தொடக்கம் மட்டுமே.

தீர்ப்பின்படி காவிரி நதி நீர் மேலாண்மை வாரியம், காவிரி நீர் ஒழுங்குமுறை குழு ஆகியவற்றை மத்திய அரசு உடனடியாக அமைக்க வேண்டும்.  அப்போதுதான் நீர்ப் பங்கீட்டு நடவடிக்கையை கண்காணிக்கவும் தமிழகத்தின் நீர்ப் பெறும் உரிமையை நிலைநாட்டவும் முடியும்.

இந்த நடவடிக்கையை விரைவுபடுத்த, பிரதமர் மன்மோகன் சிங்குக்கும், சம்பந்தப்பட்ட துறையின் அமைச்சருக்கும் திமுக நெருக்குதல் கொடுக்கும்.

தமிழக நலன் குறித்து மத்திய அரசிடம் முறையிட்டு, முறையிட்டு ஏமாந்து போனதுதான் மிச்சம்.

மத்திய அரசின் அலட்சியத்தால் ஏராளமான கசப்பான அனுபவங்களை திமுக சந்தித்துள்ளது. அதன் விளைவாகத்தான், மத்திய அரசுக்கு அளித்து வந்த ஆதரவை திமுக திரும்பப் பெற்றது.

இலங்கைத் தமிழர் பிரச்னை: இலங்கைத் தமிழர் விவகாரத்தில் தமிழகத்தையும், திமுகவையும் மத்திய அரசு ஏமாற்றிவிட்டது.

போரினால் பாதிக்கப்பட்டவர்களுக்கு நீதி கிடைப்பதையும், போர்க் குற்றங்களுக்கு காரணமானவர்களை தண்டிக்க சர்வதேச விசாரணை தேவை என்றும் திமுக வலியுறுத்தியது.

போஸ்னியா, தெற்கு சூடான் போன்ற நாடுகளில் மனித உரிமைகள் மீறப்பட்டபோது,  முந்திக் கொண்டு இந்தியா குரல் கொடுத்தது. ஆனால், பக்கத்து நாடான இலங்கையில் தமிழர்களுக்கு எதிரான கொடுமைகள் குறித்து அலட்சியம் காட்டி வருகிறது.

மீனவர்கள் விவகாரம்: இலங்கை கடற்படையினரால் தமிழக மீனவர்கள் தொடர்ந்து தாக்கப்பட்டும், சிறைப்பிடிக்கப்பட்டும் வருகின்றனர். அதைத் தடுக்கவும் மத்திய அரசு நிரந்தர நடவடிக்கை எடுக்கவில்லை.

இது போன்ற அலட்சியப் போக்குக்கு காங்கிரஸ் கட்சி பதில் கூறும் நாள் வெகு தொலைவில் இல்லை என்று பாலு கூறினார்.

கருத்துகள்(1)

திரு .பாலு சார் , இலங்கை தமிழ் மக்களை ,காவேரி பிரச்சனயில் வஞ்சித்து விட்டார்கள் என்று சொல்வது எல்லாம் தமிழ் நாட்டு மக்களும் ,தமிழக முதல்வரும் ,மாணவர்களும் சொல்லிகொண்டுதானே இருக்கின்றார்கள் ,இது அறிந்து கொள்ள உங்களுக்கு 9 வருடம் ஆனதா ? உங்களை காங்கிரஸ் ஏமாற்றிவிட்டது என வேறு அது எங்களுக்கு தெரியாது .தமிழகத்தை புறக்கணிப்பது மட்டுமே தெரிந்த எங்களுக்கு உங்களையும் புறக்கணித்து விட்டது என்பதை கேட்கும் போது நெஞ்சு துடிக்கின்றது ,இதயம் வெடிக்கின்றது .திமுகாவை ஏமாற்றிய கட்சியை இனி ஆட்சியில் நிம்மதியாக அமரவிடகூடாது.புறபடு தலைவா இனி தமிழகத்தை ,இலங்கை தமிழ் மக்களை ,முல்லை ,காவேரி போன்று அணைத்து விசயங்களிலும் சாரி பாலு சார் திமுகவை புறக்கணிக்கும் காங்கிரஸ் அரசுக்கு நெருக்கடி கொடுப்போம் .தமிழக மக்கள் இனியும் பொறுத்தால் தாங்காது திமுகவை ஏமாற்றிய காங்கிரஸ் கட்சியை எதிர்க்க தவறினால் நாம் சொற்றுபிண்டங்கள் ஆகி விடுவோம் .வீறு கொண்டு எழுவோம் .தமிழா வீறு கொண்டு எழு ....(என்ன கொடுமை சார் உஷார் இது பாராளுமன்ற தேர்தலுக்கான அச்சாரம எச்சரிக்கை )